و بعد مرور شهر و كانو بيجهزو لحفله خطوبه و كتب كتاب كبيره جدا
يوم الحفله
سلمي و دولي جت لهم ميكب ارتست عشان تعمل لهم الميكب
دولي بعد ما خلصو الميكب و الفستان : سلمي الفستان حلو .. مش عارفه حاسه لونه مش لايق علي بشرتي
سلمي : لا بالعكس لايق عليكي جدا .. الفستان بتاعي انا حلو .. لونه حلو
دولي : تحفه بجد
دولي كانت لابسه فستان باللون الرمادي الفاتح و كان منفوش شويه و منفوش من الكتاف و طرحه نفس اللون
و سلمي كانت لابسه نفس الفستان لكن كان باللون النبيتي
عند هيثم و عز
هيثم : انا مش عارف ايه اللي جابرني البس بدله نبيتي .. يعني سلمي ملقتش لون غير النبيتي
عز بضحك : والله حلوه عليك يعم
هيثم : دا انت ي بختك .. البدله لونها رمادي عادي
عز : خلاص بقا ي عم متنكدش علي نفسك .. يلا يلا نروح لهم
راح عز و هيثم للبنات و اتصدمو من جمالهم
عز لدولي : قمر .. زي القمر ي روحي
و قرب منها و حضنها : انا بجد مش مصدق انك خلاص هتكوني ليا .. بحبك
هيثم حضنها و قال: اي القمر دا .. كل حاجه فيكي حلوه .. من اول يوم شوفتك فيه وانا حسيت انك ملكي .. تخيلت حياتي معاكي .. بحبك ي حياتي
دولي و سلمي كانو مكسوفين جدا و قلبو طماطم خالص
عز بضحك : اي الطماطم اللي ظهرت دي
دولي بكسوف : بس ي عز
راحو عملو سيشن في يخت ف البحر و بعدين راحو القاعه
سلمي بانبهار : الله ي هيثم القاعه تحفه
دولي : ايوا فعلا القاعه حلوه اوي
دخلو الفرح و فعلا كان فرح بمعني الكلمه و كانو مهيبرين جدا و كانو فرحانين و عز غني لدولي
و بعد شويه دخل شريف
شريف : يعني ينفع فرح عيالي ماكونش موجود فيه
دولي جريت عليه و حضنته : بابا .. الحمد لله انك جيب .. بجد كنت محتجالك ف يوم زي دا
شريف : ماقدرش ماجيش ف يوم زي دا
هيثم بفرحه و سلم عليه : ينفع كدا تقلقنا كل الفتره دي
شريف :معلش ي بني كنت عايز ابعد عنكو شويه .. و كمل كلامه لعز : مبروك عليك بنتي .. بس انت عارف لو فكرت تزعلها بس
عز : لا لا متكملش ي عمي .. هيثم قام بالواجب و قالي كل الكلام دا
شريف راح يسلم علي سلمي : زي القمر ي بنتي
سلمي : شكرا ي عمو
و بعد شويه جه المأذون عشان يكتب الكتاب و كتب كتاب عز و دولي
دخل حد مش متوقع
محمد و هو ماسك مسدسه : انتي لو مش هتكوني ليا مش هتكوني لغيري
و خرجت طلقه من مسدسه
و دولي وقعت علي الارض سايحه ف دمها
عز فضل واقف مكانه من غير ما يتحرك ولا يتكلم مش مصدق اللي حصل
و هيثم جري عليها و دموعه نزلت : دولي .. دولي قومي .. قومي يلا دا فرحك
هيثم شالها بسرعه و عز لسه واقف مكانه
هيثم بزعيق : فووووق .. فوق ي عز
عز و الدموع اتجمعت ف عينه : هيثم .. هتبقي كويسه صح .. قول انها كويسه
و قرب من دولي و شالها هو و حضنها و اتكلم بضعف : داليدا .. انتي هتكوني كويسه صح
هيثم بزعيق : اتحرك ي عز اخلص .. انت هتفضل واقف لحد ما تروح مننا
عز طلع برا القاعه و ركبها العربيه من ورا و هو ركب جنبها و هيثم ساق
هيثم كان بيسوق بسرعه جدا و وصلو المستشفي بسرعه
عز دخل و هو شايل دولي و قال بزعيق : دكتووووور .. دكتور بسرعه
جه الدكتور و أخدها بسرعه و دخلوها غرفه العمليات
هيثم عمل مكالمه و قال لعز : عز .. انا هروح مشوار بسرعه و اجي
هيثم راح مخزن و كان فيه شخص مربوط
هيثم : انت بقا محمد صح
محمد بخوف : عايز اي
هيثم ضحك ضحكه ماتبشرش بالخير : اي ي حماده قلبت فرخه بلدي كدا ليه
محمد بيحاول يظهر شجاعته : عاااااايز اي
هيثم بصوت عالي و عصبيه و ضربه طلقه ف رجله : صوتك ميعلاااش .. انت فاهم
محمد بألم : ااااااااه
هيثم ضربه طلقه ف رجله التانيه : عارف دي قرصه ودن .. لو اختي حصل لها حاجه هتدوق العذاب الوان
و خرج هيثم و سايب محمد يتألم
و راح المستشفي عند عز
هيثم : ها ي عز الدكتور خرج ولا لسه
عز بضعف : لسه
هيثم قعد جنبه و حاول يقويه شويه : متخافش ي عز .. الطلقه مجتش ف القلب .. ان شاء الله هتكون كويسه
عز : انا لازم اخد حقها من الزفت دا
هيثم : متقلقش .. انا قومت بالواجب و زياده .. و انشاء الله لما داليدا تخرج من اوضه العمليه هاخدك و تروح انت تاخد حقك
عز : هيثم .. أن شاء الله لما دولي تخرج انا هخدها ف بيتي .. انا هعرف احميها كويس .. و هتكمل جامعتها ف بيتي
هيثم : ان شاء الله
و قاطع كلامهم خروج الدكتور من غرفه العمليات
عز جري عليه : ها ي دكتور .. داليدا حصل لها حاجه
الدكتور : اطمنو ي جماعه .. الرصاصه مكنتش ف القلب و قدرنا نخرجها .. و ان شاء الله تفوق و هتكون كويسه
هيثم : شكرا ي دكتور
عز بفرحه : الحمد لله .. الحمد لله ي رب
بعد ساعتين فاقت دولي و عز و هيثم دخلولها و عز حضنها و فضل يعيط
دولي و هي بتحضنه : خلاص ي حبيبي .. انا اهو
عز : كنتي هتروحي مني
دولي : انا هنا اهو ي حبيبي ماروحتش منك
هيثم اطمن علي اخته و خرج و سابهم مع بعض
عز باسها من راسها و فضل حاضنها كتير
دولي بكسوف : عز .. ابعد احنا ف المستشفي
عز : انا قولت لهيثم انك هتيجي معايا بيتي و هو وافق .. انتي موافقه
دولي : موافقه
بعد مرور خمس سنين
دولي بزعيق و هي بتنادي علي ابنها اللي عنده أربع سنين : انت ي زفت ياللي اسمك أسر
اسر ببرأه : نعم ي مامي
دولي : فين الزفت اخوك التاني مراد
اسر راح جاب مراد و كلمه بهمس : أن ي ولا .. انت عملت اي لامك
مراد اخو أسر التوأم : كسرت النيش
اسر : احيه .. دا انت هتتنفخ
دولي بزعيق : بتهمسو بتقولو اي .. يلا من غير رغي كتير مين اللي كسر النيش
مراد : انا ي مامي
و قاطع كلامهم صوت جرس الباب و دخل هيثم و سلمي و بناتهم ليلي و فريده
مراد بيجري علي هيثم : خااالو الحقني اختك هتاكلني
دولي قلعت الشبشب و حدفته بس جه ف وش عز اللي كان لسه جاي من برا
عز : ماااااشي ي داليدا ي بت سعاد
(تمت بحمد الله)