عند دولي و هيثم و عز كانو روحو البيت بعد يوم طويل من الشغل
دولي طلعت غيرت هدومها و نزلت تحت و لقت الباب بيخبط
دولي بفرحه و نطت علي سلمي : سلوم .. وحشاني ي بت .. جيتي امتي .. و جيتي هنا ازاي
سلمي بضحك : وسعي كدا خليني اخد نفسي
دولي بتوجه كلامها لسعاد : انتي اي اللي جابك ي مرات ابويا .. عايزه مني اي تاني
سعاد : انا امك ي بنتي مش مرات ابوكي
دولي بصوت عالي : انتي مش امي .. وانا مش بنتك
سلمي : بس ي دولي اسكتي
دولي : اسكتي انتي ي سلمي .. انتي مش فاهمه حاجه
سلمي : لا فاهمه كل حاجه .. ممكن ندخل طيب
دولي : ندخل!! انتي هتدخلي لوحدك
سعاد بحزن : طب انا عايزه اشوف ابني
دولي : ابنك مين!! ابنك اللي سبتيه و مشيتي و متعرفيش عنه حاجه
هيثم جه من وراها : خلاص ي دولي .. خليها تدخل .. مهما كانت دي اُمنا
دولي بعصبيه : قولت لك ي هيثم مش امي .. هي مش امي
و سابته و طلعت
سعاد : معلش ي سلمي اطلعي وراها
هيثم باستغراب : سلمي مين
سعاد : سلمي صاحبه دولي من و هم صغيرين و كانت مسافره و جايه تشوفها
هيثم بابتسامه و مد أيده يسلم عليها : تشرفي .. البيت نور
دولي و هي بتسلم عليه : شكرا لحضرتك .. ممكن اعرف اوضه دولي فين
هيثم : ف الدور التاني الأوضه اللي قبل الاخيره
سلمي طلعت عند دولي و خبطت
سلمي : ممكن ادخل
دولي : تعالي ي سلمي
دخلت سلمي و راحت حضنت دولي
سلمي : وحشاني اوي ي دولي
دولي : وانتي اكتر ي بت والله
سلمي بعتاب : ينفع ي دولي اللي عملتيه تحت دا
دولي : ايوا ي سلمي ينفع و ياريت ماتفتحيش معايا الموضوع دا تاني
عز دخل عليهم و مكنش يعرف أن سلمي جوه : انتي ي استاذه .. مام .. اي دا مين دي
دولي : اطلع برا ي عز .. و قولت لك مليون مره ماتفتحش عليا الأوضه كدا عشان ممكن اكون مش لابسه الطرحه
عز بإحراج : حاضر هطلع
سلمي بعد ما عز خرج : مين دا ي دولي
دولي : خطشيبي
سلمي بفرحه : اي دا انتي اتخطبتي
دولي : لا لسه الخطوبه كمان شهر
عز من برا الأوضه : هتبقي خطوبه و كتب كتاب انشاء الله
دولي : امشي ي عز و انزل لهيثم عشان مايشدش هو مرات ابويا مع بعض
تحت عند هيثم و سعاد
هيثم ببرود : عايزه اي
سعاد بحزن : عايزاك تسامحني ي بني
هيثم بسخريه : اسامحك علي اي .. علي انك يعني ابويا ف اول شده ولا اسامحك انك سبتيني انا و اختي ولا اسامحك انك فرقتينا انا و هي السنين دي كلها ولا اسامحك علي اني عشت الفتره دي كلها من غير ام و امي عايشه علي وش الدنيا
سعاد بعياط : انا اسفه ي بني .. اسفه والله
هيثم : ماتتأسفيش ليا انا .. اتأسفي لداليدا اللي خلتيها تتبهدل ف الشغل ف البيوت و اخوها مرتاح ماديا .. اتأسفي لها علي معاملتك ليها .. اتأسفي لها علي السنين اللي عاشتها ف كدبه
سعاد : كلمتها كتير ي بني والله و هي مش راضيه تسمع مني حاجه
هيثم : ما هي مش هتسامحك بسهوله برضو
سعاد : هحاول معاها لحد ما تسامحني
هيثم : طب روحي اليومين دول عشان هي اصلا اعصابها تعبانه
سعاد : حاضر
هيثم : طب استني اخلي حد من الحرس يوصلك
سعاد : ماشي ي ابني
عند سلمي و دولي
سلمي : طب انا هروح دلوقتي هقعد مع طنط سعاد كام يوم و بعدين اشوف فندق او حاجه اقعد فيها
دولي : انتي عبيطه ي بت .. امتي هتقعدي معايا
سلمي : مش هينفع ي بنتي .. هقعد مع اخوكي و جوزك ازاي يعني
دولي : لو علي جوزي يروح عند أمه و ابوه و ياخد اخويا معاه كمان .. و بعدين عز لسه مبقاش جوزي
عز من برا الاوضه : يعني هتطردي
جوزك و اخوكي
دولي : هو انت ي عز لسه واقف برا
عز دخل الاوضه و قال : لا نزلت بس طلعت اقولك أن الغدا جاهز
دولي : هو انتو عاملين اكل العيانين بتاعكو دا .. انا ست مريضه و عايزه اتغذي
عز : لا مش عاملين اكل عيانين .. و تعالي يا ست يا مريضه انتي و سلمي عشان ننزل نتغدا
سامي باحراج : لا انا هروح دلوقتي
دولي : بس ي بت ي عبيطه انتي .. انزلي قدامي دلوقتي
سلمي بهمس لدولي : مش هينفع ي بنتي
دولي : لا هينفع .. يلا بقا
و نزل عز و سلمي و دولي عشان يتغدو
دولي وهي بتاكل : الا قولي ي عز .. عملت اي مع الراجل اللي خطفني دا
عز : احم .. اقول عادي
دولي : اه قول
عز : وديته سطح الواد حماده و بعدين راح السجن
دولي بعدم فهم : سطح الواد حماده!! مين حماده
كلهم قعدو يضحكو و هي مش فاهمه حاجه
دولي : بتضحكو علي اي .. في اي
هيثم : لما تكبري هتعرفي
دولي : يا بارد
عز : سطح الواد حماده دا باخد فيه اي حد دايقني و بديله العلقه التمام
دولي : طب ماتقول كدا من الاول
عز وجه كلامه لهيثم : هيثم .. انت بدأت ف اجراءات العمليه و السفر ولا لسه
هيثم : ايوا بدأت و هنسافر اسبانيا .. في دكتور هناك هو اللي هيعملي العمليه
سلمي قربت علي دولي وقالت بصوت منخفض : عمليه اي
دولي بنفس الصوت : هيثم كان عامل حادثه من سنه و فقد بصره و هيعمل عمليه عشان يرجلعه نظره تاني
سلمي : اي دا بجد مش باين عليه .. ربنا يشفيه
دولي : يارب
نروح عند ايهم و مريم بقالنا كتير ماروحناش عندهم
عند ايهم ف العياده بتاعته
كان قاعد مع واحده كانت عايزه تعمل عمليه فيلر
ايهم : انتي مش محتاجه ي سوسو فيلر خالص .. انتي زي القمر من غير حاجه
سوسو بضحكه الراقصين : هيهيهيهي ميرسي ي دكتور
مريم دخلت عليهم : طب يلا ي قطه من هنا عشان عايزه الدكتور لوحدنا
سوسو : مين دي ي هيما
ايهم بتوتر : دي .. ديي
مريم : مراته و ام ابنه كمان
سوسو بدلع : اي دا ي ايهم انتي ماقولتليش انك متجوز
مريم : ماتخلصي يختي اطلعي برا .. جاتك ضربه ف معاميعك
ايهم بتوتر : انتي اي اللي جابك ي مريم
مريم : اي ي هيما مش عايزني اجي عياده جوزي ولا اي
ايهم : لا مش قصدي .. بس اي اللي نزلك وانتي حامل .. هتتعبي
مريم بسخريه : عندي النهارده معاد مع الدكتوره و كنت جيالك تيجي معايا بس الظاهر جيت ف وقت مش مناسب
ايهم : لا طبعا هاجي معاكي .. النهارده هنعرف جنس البيبي صح
مريم : ايوا
عند الدكتوره و مريم و ايهم رايحين يعرفو جنس البيبي
الدكتوره ببسمه : مبروك ي مدام مريم حامل ف ولد
ايهم بفرحه و حضن مريم : انا كنت حاسس أنه هيكون ولد .. مبروك ي روحي
مريم بفرحه : الله ي بارك فيك ي حبيبي .. و يكون ذريه صالحه لينا أن شاء الله
ايهم : هتسميه اي
مريم : عدي
ايهم : عدي ايهم معتز .. حلو .. يلا بقا نروح ي ام عدي
مريم بضحك : يلا ي ابو عدي