"ف البيت "
صفيه: ي نهااااار اااسود مااالك ي عمرااان
عمران : والله عارف انك لما تشوفيني كده هتخربي الدنيا ، بس كنت هستخبي منك ازاي بس ، متقلقيش عليا ونبي انا بخير بس خناقه بسيطه فالشغل وراحت لحالها
صفيه: ونت تتخانق لي ولا تزفت ومقولتش لعمك لي
عمران: امي متعصبنيش بقااااا اقول لعمي اي هو نا عيل صغير م خلاص انا قولتلك بخير "ومشي وراح ع اوضته ، بالليل ومصطفي راحلو وصفيه فتحتله "
صفيه : ي مصطفي هو عمران اتخانق مع مين فالشغل وعورو كده
مصطفي: ادايق جدا من نفسه " مش عارف هشوفو
صفيه: طمني عليه ونبي عشان مش عارفه اتكلم معاه خالص
مصطفي: حاضر متقلقيش دي حاجه بسيطه
صفيه: وانت عرفت منين انها بسيطه
مصطفي: ااا انا .. بس .. كنت ... معاه لما روحنا المستشفي عشان يربطولو دماغه وكده
صفيه: تمام ي مصطفي "واستأذن منها ودخل لعمران "
عمران: هو معندكش حاجه اسمها تستأذن ونت داخل
مصطفي: المره الجايا يخويا ، وبعدين طلاما بتتكسف قاعد بالشورت بس لي
عمران: نعم .. اتكسف من اي ي شبح
مصطفي: مش عارف بس مش تخلي بالك انك عندك اخت بنت
عمران : محدش بيدخل عندي غير ام بيستأذن ، بعيد عنك كدا بنحترم الخصوصيه بتاعت بعض
مصطفي: احم اااحم
عمران: جيت لي
مصطفي: جيت لي ده بدل متضايفني ولا تعشيني
عمران: ارغي ي مصطفي ، مش هقول لابوك ع حوار البنت متقلقش بس طلاما بتخاف بتعمل كده لي
مصطفي: مش جاي عشان كده بس
عمران: امال
مصطفى: عشان قسيت عليك شويه ونا المفروض معملش كده بس ال خلاني ركبني 100 عفريت الضرب ال ضربتهوني ونا كنت عايز اردو معرفش ان هعمل كده اسف بجد
عمران: عادي انا مش زعلان ، كويس انها جات ع قد كده ومش انا ال ضربتك كان زماني مموتك تحمد ربنا وتبوس ايدك وش وضهر ان العصبيه مشتغلتش وقتلتك مكانك
مصطفي: لالالا الحمد لله طبعا ، المهم مش زعلان
عمران: لا مش زعلان احنا يما ضربنا بعض ومن واحنا صغيرين عادي مفرقتش المرادي مين يضرب التاني احنا اخوات وانت اخويا الصغير
مصطفي : صغير اي متوحد الله ف قلبك كده ، ع فكره احنا مولودين ف نفس السنه بس انت ف شهر 1 ونا ف 9 يعني انت اكبر ب 8 شهور بس
عمران: اسمي اكبر بردو
مصطفي: ماشي يخويا اكبر اكبر "بيبص ولقي ع الترابيزا علبه الدهب بتاعت اخته وكانت مفتوحه " اي يسطا سايب الدهب كده يعني
عمران: كنت بشوف حاجه بس عشان هبيعو واغورو من وشي
مصطفي: الابتسامه مشت من ع وشه " اه ... طب الدهب دلوقت ف النازل ، ده الناس بتشتري مش بتبيع ، استنا لما يغلي وبيعو
عمران: ومين قالك اني عايز اكسب فيه ، انا هبيعو حتي لو جاب سعر بربع السعر ال اشتريتو بيه مش لازمني
مصطفي: للدرجه
عمران: للدرجه ونص
مصطفي: انت عارف ي عمران ال فيها ، انت عارف ان اختي استحملت
عمران: عارف كل حاجه وعارف مين ال وراها وفكك ربنا يسعدها ويرزقها بالاحسن مني
مصطفى: ويكرمك .. بعد ازنك ي عمران .. "ومشي وعمران مسك علبه الدهب بعصبيه ورماها بطول دراعه وكل جزء من الدهب راح ف حته وطلع برا الاوضه و وصل عند رجل صفيه وميلت ع الغوايش لمتها "
صفيه: بحزن وقالت لنفسها بصوت هادي جدا " ربنا يعوضك خير ي ااابني ربنا يعوضك ويسعدك ...
"تاني يوم و عمران راح ع الصيدليه وجاب شاش وقطن ومطهر وعطا الصيدلاني الروشته عشان يجيب المراهم والمسكن المكتوب "
الصيدلاني: لو سمحت لو عايز تغير ع الجرح ممكن اغيرلك وكمان عايز اتأكد من الجرح ال ف دماغ حضرتك عشان اشوف العلاج المكتوب ده صح ولا غلط
عمران: تمام عادي غير ع الجرح .. "وراح قعد قدامه والدكتور غيرلو "
الصيدلاني: زي مكنت متوقع .. ال ف دماغك دي جروح عاديه والمرهم ال مكتوب مرهم حروق وده غير ده خالص
عمران: طب وبعدين
الصيدلاني: هي الروشته دي من الدكتوره عهد ابراهيم الخولي ودي دكتوره ماهره وشاطره بجدارة مش قادر افهم هي كتبت كده بنيابه عن اي ، لو دكتوره مش مشهوره ومش معروفه هنا كنت قولتلك ده حد مبيفهمش بس اظاهر في حاجه غلط ،انا ممكن اديك المرهم الصح بس بردو لازم هي تعرف غلطها ، ممكن تروح وتبلغها انها كاتبه علاج غلط لحضرتك وشوف رد فعلها
عمران: امممممم يعني هي دكتوره كويسه ولا الغلط ده وارد
بتعملو كل شويه
الصيدلاني: لا حقيقي هي مش متعوده تغلط ابدااا
عمران: اصل قالو انها لسه جديده
الصيدلاني: لا هي لسه جديده ف المستشفي الخاصه دي مكملتش سنه بس كانت شغاله ف مستشفيات غيرها وكمان ليها عياده خاصه
عمران: تمام شكرا ع معلوماتك "ومشي وركب عربيته وقرر يطلع ع المستشفي وسأل ع مكانها والممرض قالو وقرب من الاوضه ال هي بتقعد فيها ...
الممرض: هي عندها ناس حاليا ممكن تستناها
عمران: تمام "وقرب من الباب بس من غير مهي تشوفه وجاي يمشي عشان يقعد بعيد شويه بس لفت انتباهو كلام خلاه وقف وساند ضهرو ع الحيطه "
عهد: انا عرفه انك عايزه تكشفي ع المشاكل النفسيه بس للاسف مش هينفع هنا
??? : طب اجيلك فين حضرتك بجد انا محتاجه ليكي انا حالتي بتسوء يوم ورا التاني وكتير نصحني انا اروح لدكتور نفسي
عهد: بصي ده الكرت بتاعي وف مكان عيادتي ممكن تشرفيني ف اي وقت
احنا دلوقت عملنا اول مرحله من المراحل ال بيمر بيها المريض النفسي .. وهي الفحص البدني ، وانا حاولت استبعاد المشاكل الجسديه او المواد ال ممكن تسبب الاعراض ال بتحصلك
لسه فاضل مرحلتين وال هي
الفحوصات المختبريه ودي بتشمل فحص وظيفه الغده الدرقيه واذا كنتي بتتعاطي اي شئ سواء تدخين او ما شبه ..
واخر حاجه التقييم النفسي وهي ان هقعد معاكي وابدا اتكلم واعرف اعراضك وافكارك ومشاعرك وسلوكياتك وهنتناقش كتير
??? : تمام حضرتك وشكرا خالص خالص ... انا كنت ف اشد الاحتياجات ان اروح لدكتور نفسي والحمد الله ان وقع ف طريقي شخصيه ودكتوره كويسه زي حضرتك ربنا يكرمك يارب "وخرجت و عمران وقف شويه يفكر وبعدها دخل "
عمران: انا كنت عندك امبارح لما كنتي متوتره كده وكتبتي علاج غلط ليا ، انا دماغي مجروحه وانتي كتبتيلي علاج حروق
عهد: ياربي والله اسفه اسفه ااااسفه جدااا ، اسفه بجد
عمران: ولا يهمك
عهد: كتبتلو روشته جديده " معلش بس امبارح دماغي مكنتش فيا وعارفه ان مينفعش اربط مشاكلي الشخصيه بشغلي بس الحصل ان شاء الله مش هتتكرر تاني
عمران: عادي انا متكلمتش وشوفت حاله التوتر ال كنتي فيها ، بعد ازنك "ومشي وابتسم وطلع ع شغله "
" فالبيت "
هدي: ليله انا عملت اكل ل عمران ، وطبعا مش هينفع اوديه انا ، ف انتي هتروحي تديهولو ونا قايله لبابا متخافيش ، هياخدك شوفير من ال هنا وهيوصلك وهيجيبك
ليله: انتي هتبعتيني عشان ادي الاكل ده لعمران بسسس
هدي: ول بابا و مصطفي اااكيد وزي متفقنا هتقولي ماما ال محضره الاكل عشان عمران يرضي ياكل
ليله: لي لو عرف ان انتي مش هياكل
هدي: ايوة
ليله: مين قالك كده
هدي: يعني مخطوبين بقالنا 3 سنين مش عايزاني اكون فهماه ، لما كنا بنزعل مكنش بيطيق اي حاجه مني
ليله: ماشي ي عم هقوله ان ماما العامله الاكل
"وعطتها الاكل وقالتلها كل واحد هياخد اي و ليله راحت تودي الاكل ودخلت مكتب ابوها واديتو الاكل وادت لاخوها ودخلت مكتب عمران ومكنش موجود ف حطت الاكل ع المكتب وجايا تمشي بس لمحت صوره اخوه ع مكتوبه وبصت عليها ومسكت البرواز وحطته ع قلبها "
ليله : الغاااالي ع قلبي والله غاااالي ي يزيد .....
"فلاش باك "
" لما كان مسافر "
ليله: عارف البلد وحشه اوي من غيرك انت واحشنا كلنا
يزيد: بضحك " طب والله كويس ان ف ناس انا فارق معاهم وحسو بقيمتي ، خلي عمران يعرف قيمتي شويه ونبي عشان لما ارجع مش اسافر تاني لان مش مبسوط هنا
ليله: ان شاء الله ي يزيد مش هتسافر تاني
يزيد: قوليلي بقا ، اجبلك اي وانا راجع ، عشان الحق اجبلك انا خلاص فاضلي اسبوع واخد اااافراج
ليله: بص هاتلي اي حاجه انت عارف اني بحبها عشان اشوفك حافظني ول لا
يزيد: اممممممم اختبار صعب ده بس اشطا هحاول ، انا ناوي اجبلك انتي ويارا وامي بس هجبلكم هدايا حلوة اوي واول م جبلك الهديه بتاعتك هبعتلك صورتها بالليل كده "فعلا جابلها هديه وبعتلها صورتها وكان جايب ليها دريس بكم لونه ابيض ف كشمير وشنطه كشمير وجزمه بيضه واللونين دول الوانها المفضله وكانت مبسوطه جدااا لما شافتهم وراحت رنت عليه "
ليله: بفرحه وضحكه ماليا وشها " انت عرفت منين ان بحب اللون الابيض والكشمير معتقدش ان قولتلك قبل كده
يزيد: متابع "وضحك ضحكه خطفت قلبها ....... "
" بــــــاك "
"ليله عيونها دمعت وبتحاول تخبي دموعها والباب بتاع المكتب اتفتح وهي اتوترت وسابت البرواز بسرعه وحطته ع طرف المكتب وراح وقع ف الارض والقزاز اتكسر "
ليله: ي نهار ااااسود "ونزلت تشيل القزاز و عمران جري عليها وقومها "
عمران: اهدي محصلش حاجه ، وابعدي عن القزاز عشان متتعوريش ... "ولم القزاز من ع الارض وحطو ف الباسكت واخد صوره اخوه وباسها وحطها ع المكتب " انا هبقا اعملو برواز جديد .. بس اي سر الزيارة دي
ليله: ماما عملت اكل واصرت لازم اجي واجبلكم انت وبابا ومصطفي
عمران: ماما هاا ..
ليله: اه ماما
عمران: مرات عمي الغاليه امال "وابتسم ابتسامه مصطنعه وليله لاحظت انو بيبتسم من غير نفس " قولي ل ماما ال عملت الاكل متتعبيش نفسك مره تانيه
ليله: بأحراج "حاضر ، وانا اسفه جدا ع االصوره ال وقعتها واالله مكنت اقصد
عمران: عارف ...
ليله: ماشي ي عمران بعد ازنك " ومشيت ورجعت ع البيت ودخلت. الاوضه وفتحت دولابها ومسكت اللبس ال طلعوه من شنطه يزيد لما رجهولهم شنطه هدومه بس وهو مرجعش ، حضنت الدريس وبكت ، طلعت الهديه ال كانت مجهزهالو عشان لما يرجع من السفر وكانت جيبالو ساعه ماركه كان نفسه فيها وبرفن "
ليله: ااه ي يزيد انا كان نفسي اديلك الهديه دي وكان نفسي انت ال تديني هديتي مكنش نفسي نتفارق ابدااا والله ...........
_________
عمران: بيفتح الاكل عشان ياكل وشم ريحته ، هو كان متعود ياكل من ايد هدي ودي نفس الريحه ال كان بيحبها وكمان عملالو اكلته المفضله ، اعتقد ان هدي ال عامله الاكل ومرضيش ياكل وقال لنفسه "
عمران: والله انا صدقت ان مرات عمي محضرالي اكل ، قولت فرحت اني بعدت عن بنتها ، ف الاول كانت مبتحبنيش عشان مع هدي ودلوقت مبقتش معاها ، بس هدي لي عملتلي اكل ، انا هنهي اي حاجه تفكرني بيكي ي هدي "مسك الاكل وقرب من سله الزباله وبعدين استحرم يرمي النعمه وراح ل مكتب مصطفى " خد بالهناا
مصطفي: طب منا معايا ي عمران
عمران: بالهنا ع قلبك عشان والله م قادر
مصطفي: مش قادر ولا مش عايز تاكل مننا
عمران: تقدر تقول كده الاتنين ..
مصطفي: ماشي ي عم عمران متشكرين
عمران: معلش ااااسف جدااا
_______________
"ف كافيه "
مريم: انا بس نفسي افهم انا مالي ي حسن بضياع يزيد وبعدين ده عمره نعمل اي طيب
حسن: حبيبتي انا عايزك والله بس مش قادر اتكلم
مريم: ال بيحب حد بيعمل عشانه المستحيل ي حسن وانت لو بتحبني هتضحي ب اي حاجه عشاني
حسن: اضحي ب اي ? افارق اخويا ي مريم
مريم: ايوة فارقو ، احنا نتجوز ونحطو ف الامر الواقع وهو مسيرو هيتقبل الامر
حسن: انا مينفعش الوي دراع اخويا الكبير ي مريم
مريم: ال انا اعرفو ان عشان بتحبني هتعمل اي حاجه وهتاخد حتي لو خطوه وحده عشاني لكن مش هتفضل واقفلي كده ومش مستفاده منك غير الكلام وطلاما انت بتخاف من عمران اوي كده متطلبش تخرج معايا تاني لحسن يعرف ويزعلك
حسن: انا مش بخاف من عمران بس بحترمه لانه اخويا الكبير ي مريم حطي نفسك مكاني شويه ، اااه ياربي حاسس اني بين ناررين ولا عارف اعمل اي
مريم: ولا تعمل ولا تسوي ي حسن ، لو عايزني هتختارني انا وبس كده.
حسن: واخويا ي مريم واااااخويااااا
مريم: مسيرو هيتقبل الامر ده
حسن ; هشوف واقولك
مريم: تمام وع ما تشوف بقا ي بابا انسي ان في مريم ف حياتك ومتطلبش مني مقابلات تاني تمام
حسن: مسك ايدها " مريم استني بترجاكي انتي عارفه اني بحبك ومستعد ابيع الدنيا كلها عشانك
مريم: لو بتحبني يبقا هتقنع اهلك بيا ي حسن
حسن: حاضر ي مريم بس متبعديش عني
مريم: ماشي لما نشوف هتعمل اي .. "ومشت وسابته وهو زعل جدا ومش عارف يعمل اي "
__________________
"الباب خبط ومامت عهد راحت تفتح ..."
سناء: ازيك ي شرين
شرين: انا بخير ي طنط ، بنفسك ال بتفتحي الباب
سناء: كنت خارجه وكنت قريبه من الباب ف فتحت ، اتفضلي عهد ف اوضتها ...
"دخلت شرين ومعاها بنتها "
عهد: ازيك ي شري
شرين: تمام ي عهد وانتي عامله اي
عهد: بخير اديني
شرين: كنت عايزه اكشف ي عهد انا حاسه ان اتجننت والله وانتي الوحيده ال هتساعديني بالله عليكي ، انا عارفه انك مبتفتحيش العياده الخميس ولا بكره كمان ونا مش هستنا السبت
عهد: تمام تمام طب تعالي نروح العياده هي ف الڤيلا الصغيره ال جنب دي بالظبط
شرين: طب البسي ويلا بسرعه
عهد: حاضر .. صحيح متعرفيش صحبتنا التالته عامله اي
شرين: مبتكلمش حد يختي اكيد مشغوله بالتوؤم بتاعها
عهد: ايوة ربنا يخليهم ليها ...
شرين: يارب .. بس اي ي بت بتحني لجوزك ساابقااا ولا اي "وغمزتلها "
عهد: جوز صحبتي حاليااا ي شري مينفعش افكر فيه ..
شرين: صدقي انا لحد الان مش عارفه ازاي ساره قبلت ب ادهم يعني ادهم كان جوزك انتي ولما انتي طلبتي الطلاق طلقك وعشان يغيظك راح متقدم لصحبتك وهي قبلت عادي ، طب ادهم وعارفين نيته اي طب وهي
عهد : متنسيش ان ادهم مواصفاته كامله من كله يعني ي ماما ميترفضش
شرين: طب منتي سبتيه يعني عادي
عهد: عشان مش بالشكل ي شري ، وانتي عارفه اني تقيله اوي ومش سهل اقع ولا اي
شرين: والله حصل ال تسيب واحد زي ادهم ده تبقا جبروت عههههههه
عهد: مش اوي كده ، بس يلا ربنا يسعدهم ويخليلهم عيالهم ....
شرين: يااارب .. مامتك راحه فين
عهد: اكيد راحه لحد تعمله جلسات علاج طبيعي ربنا معاها ده انا والله ما بشوفها غير قليل اوي من كتر الشغل ولا هي ولا بابا ال بيسافر وبيكون ف كل بلد شويه ...
شرين: ربنا معاهم يارب
عهد: يارب
شرين: مش ناويه تتجوزي تاني ولا اي ي معقده انتي
عهد: مش ناويه خاااالص
شرين: حرام عليكي انتي لسه صغيره
عهد: والله بعد ادهم انا كرهت ادخل ف اي علاقه والحاجه الوحيده ال هتخليني اتنازل واتجوز مره تانيه لو وقعت ف الحب وبسسس ، لو قلبي وقع ع عينه كده ف حب واحد ولو لقيت ابتسامتي اترسمت ع وشي وقلبي رفرف من الفرح لما اشوف الشخص ده ساعه اما احس بكده هتجوز ع طول
شيرين : وانتي بتحسي ع كده ولا بتعرفي للسعاده طريق قال قلبك رفرف ولا بتاع
عهد: ان شاء الله لو ليا نصيب تاني هيحصل كده ... يلا نروح ..
"و وصلو العياده وكشفت عليها وبعدين مشت ..."
_________
ياره: ماما بعد ازنك انا هروح عند ليله عشان رنت عليا وقالتلي
صفيه: هتروحي تعملي اي ي ياره ي حبيبتي اقعدي واسكتي
ياره: مش عايزاني اروح عند بيت عمو ي ماما
صفيه: مش كده والله بس هي ليله قدك يعني ..
ياره: هي بتحبني وبتحب تقعد معايا وانا كمان بحبها ، والله لما يجي عمران هقولو انك مش عايزاني اروح ...
...........
"بالليل .... "
هيام: عارفين كان نفسي مصطفي يتجوز مين لولا ان البنت صغيره
منتصر: كان نفسك ف مين
هيام: البنت ياره ، البنت دي لما بشوفها قلبي بينشرح كدا والله اكتر واحده بحبها ف العيله دي
ليله: وكمان هي حلوة اوي اوي ي ماما بس مش صغيره اوي يعني هي عادي تتجوز ده خلاص هتكمل 18 سنه
مصطفي: صدقو مفكرتش فيها قبل كده ، وكمان بعاملها ع انها عيله والله بس 18 سنه حلوة اوي والبنت جميله اوي اوي
منتصر: هي جميله وكل حاجه ومش هلاقي لمصطفي احسن من بنت اخويا بس انتو هتستنو مين يوافق ع الكلام ال انتو بتقولو ده ، عمران مش هيجوز اخته وهي لسه صغيره كده ويوم م يجوزها هيجوزها لواحد سنه قريب من سنها مش واحد اكبر منها ب 10 سنين ، عامل بنت عمك زي م كنت بتعاملها ي مصطفي هي بنت عمك واختك متبصلهاش بصه اكتر من كده ،انا فاهم عمران كويس جدا ال امك بتفكر فيه ده من المستحيلات
مصطفي: فعلا ، وكمان يارا صغيره عليا بردو مش هينفع خالص
هدي: صحيح ي مصطفي عمران اكل الاكل ال بعتناه
مصطفي: مرضيش يقول انه عمران ساب الاكل عشان ميزعلهاش " اه كلو وقال حلو
هدي: كويس والله فرحتني
مصطفي: وانتي اي سبب اهتمامك
هدي: مش اهتمام ولا حاجه
مصطفي: تمام متعمليش الحركه دي تاني
هدي: لي ي مصطفي انا عملت اي ، هي جريمه لما ابعت اكل ل عمران
مصطفي : انسي ان عمران خطيبك عشان انتو فسختو الخطوبه دي
هدي: عارفه انو حاليا مش خطيبي بس هو ابن عمي واخويا ي مصطفي
مصطفي : مش انا صحبه اهو وبقولك انتي نهيتي ال مبنكم كا أتنين مخطوبين وهو نها اي حاجه هتربطه او تجمعه بيكي سوا مخطوبين وسواء ولاد عم ، عمران مش فارق معاه ي هدي
هدي: عيونها دمعت " هو قالك اني مبقتش فارقه معاه
مصطفي: ايوة حت الدهب بتاعك رماه ع الارض قدامي لما كنت عندو
"هدي زعلت جدا جدا ومشت ودخلت اوضتها "
منتصر: انت اي الكلام ال قولتو لاختك ده ، ده كلام يتقال بردو
مصطفي: ده الكلام ال لازم يتقال لما الاقي اختي بتفكر ف واحد هو معدش ليها دلوقت ولا عاد بيحبها ، هدي لازم تنسي عمران وتنهي اي حب ليه من قلبها زي منهت علاقتهم لانهم مش هيرجعو ، عمران كارهه اي حاجه من نحيتها
هيام: ان شاء الله يكره هدومه اال لابسها قال كارهه بنتي ، ده ب اي حق يكرها هو عايز منها اي ، هو لو كان سمع كلامها من اول متعب كده وراح يكشف مش كان زمانو خف وبقا تمام دلوقت ميبص لنفسه لاول ويبص لل السبب ال خلا بنتي سابتو ...
منتصر: ينفع نسكت شويه ولا هنفضل كل شويه ف الحورا ده. ، هو انتي هيعجبك لما تزودي ع عمران حاجه فوق طاقته مش كفايه صدمته ف بعاده عن هدي كمان عايزه تشوفيه بيقطع ف شراينه يعني متسيبو الراجل ف حاله سبوه ي جماعه يعيش مبسوط ، انا بجد قرفت ..
___
___________
حسن: عمران كنت عايز اكلمك ف موضوع كده
عمران: اتكلم
حسن: انا عايز ..
عمران : متنطق عاايز اي
حسن: كنت يعني ، بفكر ، ان ، ااا يعني عايز ارجع ل ، ارجع لمريم
عمران: بصله بغضب ومسكه من رقبته واتكلم بزعيق " ترجع لميين ، وقدرت تقولهااااا قدااامي
حسن: عمرراااااان اااابعد عني هتخنققق اااابعددددددد هموووووت
عمران: زقه بعيد عنه باقوي م عنده وياره وصفيه جريو عليهم لما سمعه صوت زعيقهم " عاااايز ترجع وتحط ايدك ف ايد الناس المعرفوش يحافظو ع اااااخوك عايز تحط ايدك تاني ف ايد لطفي
انا لما حطيت ايدي ف ايدو اول مره ضيعلي اخوياااااا ، انت عايز اي من الناس دي تاني
حسن. : ومريم مالها بالحورات دي كلهااااا مريم ملهاش علاقه بالعملو ابوهااا
عمران: بس انا مش عايز نحط ايدينا ف ايد حد من الناس دي مره تانيه احنا قطعنا كل ال بنا من ساعه فراق يزيد وعمره م هيرجع تاني يبقا في حاجه بنا وبين الناس دي ، حتي لو روحك ف مريم ، مريم دي مش هتبقا اغلي من اخوك ال راح انت ساااااامعني
حسن: قرب وزق عمران بعيد "انا هاخدها غصب عنك وعن اي حد ي عمرااااااان سامعني "عمران مسكه ورزعه قلم خلاه جاب دم من بوقه "
عمران: خليك ع كلامك ي حسن ومش هنصحك تاني ف الحوار ده واعمل ال انت عايزو ، ويوم متختار مريم تنسي البيت ده وتنسي ان عندك ام واخوات لان قسما بالله مهخليك تعتب هنا تاني ولا هيبقا لينا علاقه بيك ، وروح واختار مريم غووووووووووووور اختارها " ومشي وصفيه جريت وراه ومسكت دراعه وكانت بتبكي "
صفيه: راااايح فين ي عمران بس ، بالله عليك يشيخ متخرج ونت متعصب كده
عمران: بزعيق وعصبيه شديده: سبينيييييييي ف حاااالي روحي شوووووفي ابنك روحي شوووفيه "وخرج واخد عرببته ومشي وصفيه كانت قلقانه عليه جدا ..... " ف الفجر وقامت تصلي ودخلت اوضه عمران وملقتهوش واتخضت وعرفت انو مرجعش البيت وجريت ع حسن "
صفيه: حسن الحقنيييي ونبي ، عمران مش فالبيت ، شكلو مرجعش ، وانت شفت حالته ال خرج بيها من البيت انا قلقانه همووووت ي حسن قوم شوف اخوك. ..
حسن: انا مش هشوف حد وماليش دعوة يرجع ولا ميرجعش مش هو عامل فيها كبير العيله وبيتأمر عليا وبيضربني كمان ، نا ماليش دعوة بيه
صفيه: بكت " ياااااربي ااااعمل ااااي دلوقت ااااعمل اااااي ...
حسن: خوفتي عليه لما خرج بس معرفتيش تاخدي حقي لما هو مد ايدو عليا ولا قولتيلو غلط ال عملتو ف اخوك
صفيه: بحزن شديد ودموع " انا لحقت اتكلم ي حسن ، عمران مشي ع طول نا ملحقتش ي ابني ، وخايفه عليه عشان انت عارف انو تعبان وعارف انو ممكن يعمل ف نفسه حاجه ، عارف ان عندو اضطراب نفسي وكمان حالته بتسوء يوم بعد يوم ، لازم نستحملو شويه ي حبيبي لازم تستحمل زعيقه وعصبيته
حسن: وانا مضطر استحمل لحد امتي ، انا مش مسؤل عن تعبه ، لان ياما نصحناه وهو مرحش كشف وخسر خطيبته و شكلو هيخسر عيلته واحد ورا التاني ، خليه كده لحد م يخسر الناس كلها ، وانا مش هروح ادور ع حد ، يعمل ف نفسه حاجه ولا ميعملش ميخصنيش .....
صفيه: طلعت قعدت برا وفضلت تبكي ومش عارفه تعمل اي ..."
__________________
"عهد صحيت ع رنت تلفونها ولقيت رقم غريب ومرضيتش ترد ، فضل يرن كذا مره وقررت تشوف مين و في اي "
عهد: الو
?? : انا عند الڤيلا ال فيها العياده بتاعتك انزليلي بسرعه عايزك
عهد: " عرفت صوته " عاااايزني يعني اي وعايز مني اي ف الوقت ده متحل عني
??: عااايزك وخلاص واجي ف الوقت ال انا احبه ، هتنزليلي بالزوق كده ولا اجي اخبط عليكم واعملكم ازعااااج
عهد: هتزفت جااايا ، هقوم البس "وقامت لبست وراحت تقابلو ..... "
?? : اااااخيرااااا ي عهد
عهد: عااااايز اااي من عهدددد .........
" التكمله ف البارت الثالث .. بقلمي / دينا "