لاتنسون المتابعه لحسابي +التصويت +التعليق بين الفقرات 🤍
#حُب محكوم بالأعدام
#بنين الزيادي
~~~~~~~~~~~~~~~~~~
باوعتله شو هذا كام وتقدم ناحيتنه
اجه يمنه
وكال... سلام عليكم
كوثر...وعليكم السلام استاذ
اني مرديت باوعلي ورفع حاجبه
...محتاجين شي يابه
ردت كوثر
... لا شُكرا استاذ
باوعلي
وكال...سمعينه صوتج وتين
-شنو
...ليش ساكته
-كوثر دترد بمكاني ميحتاج احجي
...امم
باوع لكوثر
وكال...جاين وحدكم
نصدمت من سؤاله وبصفته منو يسئل مو سلمت هاهيه روح شني لزكت طبعاً احجي بيني وبين نفسي
كوثر...اي ستاذ
باوعلي
وكال ...عود ادرسي زين ست وتين مو مخلصتها بس طلعات
نصدمتت حرفياً نصدمت شبي هذا عوزه بعد بس يتحكم بيه ووجهه الكلام بس الي كوثر كاعده ليش مكالها بس الي اجيت ارد عليه بس سبقني
وكال... اخذو راحتكم، مع السلامه
وعافنه وراح رجع بمكانه
-كوثر سمعتي شحجه هذا شبي شايف روحه شوفه
كوثر...ولج مادري حتى اني نصدمت من وجهه الكلام بس الج
-ردت ارد عليه بس مالحكت عافنه وراح
رجعنه للبيت واني افكر هذا شبي وياي شاد
خلص اليوم وداومت ثاني يوم وما شفته بعد احسن
كوثر... اكلج وتين هم شفتي استاذ قحطان اليوم
-لا ماشفته ولااريد اشوفه وبعدين شكو تسألين عليه
كوثر...علكيفج يمعودا شسالفه كلتيني بكشوري سئلتج سؤال عادي
ـ بعد لاسئلين مُمڪن
كوثر... اي مُمڪن
مر اليوم ومر ثاني يوم وثالث واسبوع كامل مر بروتين عادي بس استاذ قحطان ماداوم بهذا الاسبوع كله ولا شفته وجان يدخلنه بمحاضرته استاذ ثاني
كعدت الصبح جان يوم خميس
بدلت ونزلت
-صباح الخير
بابا...صباح النور
-وين ماما ورنين
... امج بلمطبخ اجهز بلريوك ورنين بغرفته صعدت تجيب جنطتها
-اها اوك
تركيت واجه السايق صعدت
-صباح الخير
كوثر...صباح النور تونه
-شلونج شخبارج
كوثر...تمـام انتِ شــلونج ،احسج مو طبيعيه هلسبوع
-مبيه شي
باوعتلي وسكت
وصلنه لجامعه جانت اول محاضره لدكتور قحطان بس. لان هو مامداوم يدخلنه غير دكتور بمكانه
دخل الدكتور
...السلام عليكم
ـ ردينه السلام
كامت وحدة من البنات جانت هيه دائماً نضراتهه ؏ دكتور قحطان
رغد ...دكتور تعرف لويش دكتور قحطان ممدوام، وانتَ ليشۂ تدخلنه بمحاظرته مو هوَ
الدكتور... دكتور قحطان مُجاز هلسبوع، الاسبوع الجاي يرجع يداوم وياخذكم بمحاضرته
رغد ... اها شُكرا دكتور
وكعدت
ـ ولله يالله وانتِ شعليج بدكتور قحطان وتسئلين عليه بت عمه ،بت خاله، اخته ،حبيبته شعليج اصلاً
سمعتني كوثر وكالت ...يمه يمه هاي كلها غيره ؏ دكتور ولله عمي هنياله
درت وجهي الها وخزرتهه
-ادبسزز ياغيره ياصخام وبعدين منو اني واغار عليه بس هيه وكحه شعليهه وتسئل عليه
باوعتلي وغمزت
كوثر... شون شعليها غير دكتورها ومن حقها تسئل عليه
باوعتلها بعصبيه ودرت وجهي خلصت المحاظره وطلعت رحت لنادي كعدت وحدي اجت وراي كوثر
كوثر ...هاي شبيج عفتيني ورحتي ؏ ماحجيت ويه البنيه درت وجهي لكيتج ماموجوده
-احسن ،حتى تبطلين تحجين حجي ماصخ
كوثر... خليله ملح يصير توب هههايييي
خزرتهه
ـ مو وكت تفاهتج
كوثر ...احم العفو عَيني العفو
باوعتلها صفح
كوثر ...خايبه دعوفي هاي النظرات متت جوع وانتِ مخلصتهه نظرات
ـ روحِـʊ̤ تزقنبي شعليه بيج
كوثر... لا حُـبـʊ̤ ما ﭑ؏ـرف اكل بدونح
ـ ماتعرفين تاكلين بدوني لو قصدج ماتعرفين تاكلين اله من جيبي
كوثر...خايبه لاتذلينه كومي ناكل
اكلنه وتولت المحاضرات علينه وحده وره وحده وهيج خلص اليوم ،رجعت للبيت هلكانه تعب نمت ؏ وجهي من تعب بملابسي وبدون غداء
ماكعدت لساعة بـ 9 بليل كعدت ماعرف شنو الوقت ليل لو نهار خرب شنهاييي ركبتي توجعني نايمه بدون مخده وميته لاغداء ولا عشاء من اكل النادي الاكلته ويه كوثر
كمت اخذت ملابسي وسبحت ونشفت شعري ونزلت فتحت الثلاجه مابيھہ شي غير الخيار والطماطه
ـ اخ ليمته افتح ثلاجتنه والكيها مثل ثلاجة الاتراك كلهه فواكهه واكل بس اطلعه احمي واكل ، بس وين عدنه فاره "رنين" بلبيت كلشي متخلي حتى الخيار تكرطه كرط ،خذتلي خياره وصعدت اكلتها وطلعت فلم اتابعه ضوجه حيل كملته ونمت
كعدت ثاني يوم ونزلت لكيت اهلي كاعدين بصالة
-صباح الخير ،اهلي الصاكين
ردو... صباح النور
بابا...بعد وكت باباتي لو جارته فد نوب لليل
ـ لا شبعت نوم
بابا... طبعاً تشبعين نوم غير من امس الظهر نايمه
-لا كعدت بليل
باوعلي وسكت
حجت رنين
...اكلكم ضوجه ﭑريد اطلع طلعوني
ماما ...وين تردين تطلعين مثلاً حضرتج
رنين... الله ويدكم اهم شي اطلع من البيت واخلص
ماما... علساس انتِ كاعده بلبيت النهار كله
رنين... اي يا ماما وين طالعه غير للمدرسه اليسمعج يكول مخلصتها دايحه
بابا ... كملتن لو بعدجن ، وين تردين تطلعين انسه رنين
رنين... بابا وعلي ضوجه ﭑريد اطلع مدري بكيفكم المهم اطلع
بابا... بليل اخذكم نتعشى بلمطعم ونفتر جهزو نفسكم
ـ بابا اني ماعندي خلك اطلع واصلاً تعبانه ﭑريد بس ارتاح وانام
بابا ... اذا هيج احنا هم مانطلع ماتبقين بلبيت لوحدج
ـ بابا ولله ماعليه شي اطلعو انتو وتونسوا واني ﭑريد ارتاح بلبيت
بعدد نقاشات طويله يلله بابا قتنع يعوفني بلبيت لوحدي لان كُلش يخاف علينه
طلعوا هما واني قفلت البيبان صعدت فوك طلعت ماسكاتي ومقشراتي وهسوالف وتربعت وطلعتلي مسلسل وكعدت اعتني ببشرتي اعتناء وتنظيف عميق
خلصت وسبحت شسورت شعري ونزلت سويتلي لفه وخياره وصعدت اكمل مسلسلي شوي واجوو
جايبيلي عشاء وياهم بس ماشتهيت
صعدت فوك نمت كعدت ثاني يوم الي هو يوم السبت خلصته ادرس ونظفت البيت وهيج خلص اليوم
وبدينه يوم جديد الي هو يوم الاحد
كعدت من الصبح نشيطه فتحت كنتوري اكلب بلملابس محتاره شلبس طلعتلي كيلوت اسود وبدي ابيض وفوكاته جاكيت اسود وحذاء ابيض وشيله لون ابيض وجنطه لون ابيض
ومكياج خفيف كحل اسود ،ومسكاره، ومرطب شفايف
نزلت تريكت وسمعت صوت السايق وهو يدك هورن طلعت ركض صعدت
ـ صباحو
كوثر ...يهلا بهل الصباح شنو هَل الجمال يحلوو
ـ פـبيبي انتِ مو بحلاتج
كوثر... خايبه دنجبي اليوم حتكسرين سوكي
ـ يا ولج احنا رايحين ندرس لو نستعرض ادبسزز
كوثر ... ولله اسئلي روحج وانتِ كاشخه هلكشخه كلها
ـ يعني شلون واحد يبطل مايهتم بنفسه
كوثر وهي تباوعلي صفح
... لا يتهم ليشۂ مايتهم بس هوَ كل اليهتم يطلع هيج صاك ويشك شك
خربت ضحك ؏ سوالفها
ـ ولج انتِ وتالي وياج
كوثر ... دنزلي نزلي وصلنه ام وجهه الكيمر ،كبر لفني ولف اخوي لو منه اله ازوجج
ـ يااا ولج تدعين ؏ روحج و؏ اخوج ،وبعدين اخوج مثل اخوي
كوثر ... علساس حتوصل دعوتي ولله لباب الجامعه متوصل
نمشي اني وكوثر واني خربانه ضحك ؏ سوالفها متجهين لقسمنه واسمع صوت واحد يكول
... خرب ولك هو كل اليلبس اسودد هيج يطلع بويههه
باع الجسم منحوتت بلملابس جا بدون ملابس شلون
يمههه اني متتت خوففف وحسيت جسمي قشعر واني اسمع كلامه الوقحح لعبت نفسي
بس لحضات وماحسيت اله الولد واكع بلكاع ؏ وجهه واشوف الدكتور قحطان نايم ؏ صدره ويضرب بيه بوكسيات ويغلططط غلط انصدمت منه
دكتور قحطان ... لك كو** طايح الحظ ما تستحي تتحارش ببنات العالم ماعدك خوات مو صوجك صوج الطاك خبز وماطاك تربيه ولله انعل ابوكك لابو مشلعك لابو منين ماطلعت كو** طاح عرضك اذا عندك عرض
التمت الطلاب بس تريد ترفعه منك ﭑبـد ماكو مجلب بلولد والولد صار جواهه جنه عصفور مهلس هو ناعم والدكتور ضخم ومعضل يماا الله يساعده ؏ ضرب الاكله واني ميته خوف ابجي ومجلبه بكوثر
بلكوه فكوه منه حاول الولد يشرد بس طفر كمشه
... تعال وين تريد كو** عبالك خلصت موو لا اصبرلي
طلع موبايله واتصل بسرعه وابتعد عنه شويه وكال للشباب اكمشو واذا شرد انتو بمكانه ابتعد عنه ثواني ورجع سحب الولد من ياخته وكفه يمه هيج تقريباً ربع ساعه واجت دوريه سلموو ؏ استاذ واخذو الولد وراحو وهذا الوقت كله اني بس ارجف وابجي احس كل الصار مثل الحلم عندي والعالم كلهه تباوعلنه رجع هو باوعلي ومشئ واني بس ارجف
ـ كوثر بسرعه اتصلي ببابا يجي ياخذني بسرعه
كوثر... ولج وين اتصل هـسهہ ابوج بلدوام ، ڵـحظـہٰ اتصل باخوي يجي ياخذنه
ـ اي يلله بسرعه
اتصلت كوثر باخوها وكالها جاي انتضروني بلباب
طلعنه لباب الجامعه ننتظره شويه واجه
مصطفى ...ها خير شبيجن، شبيج وتين
كوثر... مابيهه شي بعدين احجيلك بس وصـلنه هـسهہ
مصطفى ... اي يلله تعالن صعدن
وصلوني للبيت رادات كوثر تنزل وياي بس ماقبلت
ـ مابيھہ شي خلص روحِـʊ̤ ،كافي من وراي راح دوامج
كوثر ...انجبي انجبي ولتحجين هيج انتِ اختي اليصيبج يصيبني
ـ פَـبيبتـʊ̤ متقصرين ،يلله من رخصتكم، شُكراً ؏ توصيله مصطفى
مصطفى ...دللي يابه اهم شي انتِ بخير
ودعتهم ونزلت دكيت الباب فتحته امي لان هيج وقت بابا بلدوام ورنين بلمدرسه
انصدمت
...شبيج ماما ليشۂ راجعه من وقت
ـ مابيھہ شي بس تعبانه ودخت ورجعتني كوثر
ماما... يمه سوده عليه بنيتي شبيج פَـبيبتـʊ̤ هاي لان متاكلين من اكول اكلي اكليي محد يسمع الكلام
ـ يمه شون يعني هـسهہ ابقى بلباب وانتِ ترزلين بيه
ماما... دخلي פَـبيبتـʊ̤ دخلي
دخلت وصعدت لغرفتي بوجهي رادت ماما تصعد وراي بس ماقبلت كتلهه تعبانه ﭑريد انام
صعدت بدلت ملابسي واني افكر شون راح اداوام بعد الفضيحه الصارتلي هـسهہ راح اصير حديث الطلاب اكيد راح يكولون بينهه وبين الاستاذ شي ليشۂ هيج يدافعلها قررت باجر مادوام لمن ينسون السالفه
الضهر اجه بابا وامي كالتله عليه اجاني يركض خطيه
بابا... بويه وتونه، شبيج פَـبيبتـʊ̤ شنو يوجعج اخذج لطبيب بيه ولابيج حبيبة ابوج
ـ اسم الله عليك פـبيبي كلشي مابيھہ ،مجرد دخت مو تدري اني عندي فقر دم طبيعي هلشي
خطيه كوه قنعته مابيھہ شي ماحبيت احجيله خطيه غير يضل بقلق
ورنين من رجعت من الدوام حجولها اهلي اجتنيي طايره بملابس المدرسه قلقانه احسهه بنتي مو بس اختي كد مامتعلقه بيهه
رنين ... روح اختج شبيج يروحي
ـ عمري شبيج ولله مابيھہ شي شسالفه اول مره ادوخ
بلكوه قنعتها مبيه شي ومقبلت تتغده وحدها جابت غداها وتغدت يمي واكيدد غدتني وياها غصباً عليه
راحت هيه لغرفتها واني تمددت ؏ جربايتي سحبت موبايلي وراسلت كوثر
ـ💬 كوثر اني ماداوم باجر
...💬ليشۂ شكو
ـ 💬 شنو شكو يعني متعرفين الصار اليوم مستحيل اداوم ترديني اصير حديتهم خليهم لمن ينسون السالفه واداوم
...💬خايبه دنجبي راح اتصل بيج ونحجي
اتصلت بيه
كوثر... ها ولج شــلونج اول شي شنو هلحجي الماصخ
ـ كوثر تعرفين اذا داومت باجر مراح ارتاح من نظرات الطلاب وتأليفهم بلحجي
كوثر...وشعليج بيه انتِ مداومه علمودهم لو علمود دراستج
ـ علمودي دراستي اكيد
كوثر...خلص لعد معليج بيهم
ـ كوثر ماكدر صدكيني خليني ارتاح هليومين وبعدين اداوام
كوثر... لاماكو ترتاحين شبيج شو جنج حصان كلشي مابيج من شنو ترتاحين، تنجبين ودامين مثل الورد وبعدين ﭑ؏ـرف شنو تفكيرج وخايفه من كلاامهم طزز معليج بيهم وبعدين موقف الاستاذ مشرف اي شخص بمكانه حيسوي هيج
ـ اكلتيني بكشوري خليني احجي كلمه شبيج
كوثر...لا شبعنه من حجيج الماصخ خليني اني احجي
اسمعي ، باجر تداومين مثل الورد ومعليج بحجيهم طنشي شلج علاقه خوشششش
ـ عمي بعد هذا حجيج اكدر احجي شيش غير تموتيني
كوثر... اي عفيه هيج صيري خوششش ديلا روحِـʊ̤ انطمري
ـ اوك يلا باي
سديته من كوثر واني افكر بكلامه صح شعليه بيهم ماعوف دوامي وتروح مني محاظرات مهمه اليحجي خليحجي المهم اني ثاقه بنفسي شنو اني قررت الصبح اداوم خليت راسي ونمت
كعدت ثاني يوم بدلت ونزلت
لكيت اهلي يتريكون
ـ صباح الخير
ردو ...صباح النور
بابا... وين بابا شو مبدله انتِ مريضه ارتاحي اليوم
ـ لا بابا مابيھہ شي وعندي محاظرات مهمه
حاولو اهلي يخلوني ماداوم بس ماقبلت
سمعت صوت السايق يدك هورن اخذت جنطتي وطلعت
ـ صباحوو
كوثر... صباحك פـبيبي
كعدنه نسولف اني وكوثر لمن وصلنه وجان انزل واشوف ......
يتبع 🍂..
~~~~~~~~~~~~~~~~~~~~~~
القفله خفيفه 😌😂🔥
توقعاتكم للبارت الجاي؟.
سولي تاكات ؏ مشاهد التعجبكم ،حتى ادللكم بتنزيل البارتات
الى اللقاء في البارت المُقبل ...احبكم
#حُب محكوم بالأعدام
#بنين الزيادي