شهد داخله الغرفه تبغى تنام
شهد:شيماء
شيماء:...........
شهد:شيماء
شيماء:نعم
شهد:ايش فيك
شيماء:مافيني شئ
شهد:مانتيب طبيعيه من يوم جينا من بيت عمي
شيماء:ههه يالله يالله بس نامي افيد لك
شهد:تصبحين على خير
شيماء:وانتي من اهله
وناموا
.........................
اليوم الثاني
في بيت فيصل
فيصل جالس في المطبخ يفطر
فيصل: ياليتك ياسارا ماسويتي اللي سويتيه
كان اللحين احنا عايشين احلى عيشه بدون نكد ولا هم
بس هي ليش سوت كذا انا مانقصت عليها شئ طلباتها اوامر شلون تسوي كذا شلون
الله يكون بعوني الله يكون بعوني
والله مفتقدها في البيت البيت من دونها ولاشئ
............................
في بيت بوخالد
ام خالد دخلت غرفة البنات
ام خالد بعصبيه:بنات قوموا حشى موب نوم ذا
ريم بصوت نايم:يمممه تكفين خليني انام
ام خالد:انتي تعرفين الساعه كم
ريم:كم؟؟
ام خالد:10
ريم:يمممه والله مرره بدري احنا في اجازه
ام خالد:سارااااااااااا
سارا:هممممممم
ام خالد:قومي انتي وريم
سارا:يممه خلينا ننام اللين الظهر على الاقل
ام خالد طلعت من الغرفه وهي معصبه وخليتهم ينامون اللين الظهر وصحتهم
بنات وعيال قاعدين
على سفرة الفطور
ابو خالد :سارا متى تبين ترجعين بيت زوجك؟
سارا وقفت اللقمة في حلقها :كح كح كح
بندر ضربها على ظهرها
خالد اعطاها ماي شربت الماي
ام خالد :اسم الله عليك يمه وش فيك
سارا وهي قايمة من على السفرة :ولا شيء يمه
ابو خالد :سارا ماكملتي فطورك
سارا:الا شبعت يبه الحمدلله
وطلعت غرفتها
ام خالد :يعني لازم تكدر خاطرها
ابو خالد :انا وش قلت ماقلت شيء
ريم على طول لحقت سارا
واول مادخلت الغرفة وهي تسمع سارا ميته من الصياح
ريم على طول راحت وحظنتها
ريم :سارا وش فيك
سارا :.............
وقرت عليها شوي الين هدت
قامت سارا وغسلت وجهها
ريم :سارا وش فيك
سارا :مافيني شيء بس كنت متضايقة شوي
ريم :علييينا
سارا :ريم واللي يسلمك اطلعي وصك الباب وراك ترا مو ناقصتك
ريم على طول طلعت من عند سارا وراحت عند المسبح وجلست تبكي
ياربي وش فيها سارا من يوم ماطلعت من المستشفى وهي موطبيعية ابد
لايكون بينها وبين فيصل شيء لاا لله لايقول
يارب رد سارا وفيصل لبعض وابعد عنهم كل شيء
اما سارا فكانت تبكي بكى يقطع القلب ليييش يافيصل
اه ظلمتني حرام عليك ليش تسوي فيني كذا حسافة حبي لك حسافة
وقامت وغسلت وجهها وقطعت وعد على نفسها انها تنسى فيصل وكل شيء يذكرها فيه
.................................................. ........
مر اسبوع وسارا في بيت اهلها
قامت سارا من النوم وهي نشيطة
وراحت صحت كل البيت وجهزت الغدا
خالد :ماشالله وش ذا النشاط
سارا :انا دايما نشيطة
ريم :ايوه ونشاطك ذا مايصلح الا انك تصحيني من النوم بدري
ام خالد بققت عيونها :اي بدري الساعة 2 الظهر وتقولين بدري
سارا والابتسامة شاقه حلقها :هاه وش رايكم بالغدا
ابو خالد :ماشالله يجنن طالعة على امك طباخة
سارا :تسلم يبه وانتم وش رايكم
ام خالد :انا راي من راي ابوك يجنن الغدا
بندر :كل يوم اطبخي لنا
ريم :هههههههههههه اي يالدب مايهمك الا بطنك
بندر :قل اعوذ برب الفلق
خالد كان ساكت ماكن معاهم
التفتت سارا على خالد :هي يالاخو ماقلت لنا رايك
خالد :يجنن دامه من يدك
سارا :تسلم
خالد قام وراح غرفته الكل استغرب خالد وش فيه
قامت سارا ولحقته
دقت الباب ودخلت
سارا ممكن ادخل
ابتسم لها خالد :تفضلي
سارا :خالد وش فيك
***
**
ل