ရုံးခန်းမှ စာသင်ခန်းသို့အပြန်လမ်းမှာ ညီညီ့မှာ အတွေးပေါင်းစုံရောယှက်နေသည်။
အဲဒီ့အတွေးတွေကို သေသေချာချာခွဲခြမ်းစိတ်ဖြာကြည့်ရရင် အစ်ကိုနဲ့တွေ့ရမယ့်အချိန်တွေ တလွဲကုန်သွားလို့နှမြောတဲ့စိတ်၊ အစ်ကို စိတ်ဆိုးနေပြီလို့စိတ်ခုနေတဲ့စိတ်၊ ရန်ပွဲမှာပါလိုက်ရကောင်းလား နောင်တရတဲ့စိတ်၊ ပါလိုက်လို့လည်း ဇေသုခလင်းကို ကယ်လိုက်နိုင်လို့ သက်သာမိတဲ့စိတ်၊ ကျောင်းစုံညီမှာအစ်ကို ပါဝင်အားဖြည့်မယ်ဆိုတာကြားရလို့ပျော်တဲ့စိတ် စုံလို့စုံလို့။ စက္ကန့်အပိုင်းအတွင်း အတွေးတွေကတစ်ခုကိုတစ်ခု အုပ်မိုးခြယ်လှယ်ကြလျက် ပျော်လိုက်ဝမ်းနည်းလိုက်ဖြစ်နေသည်။
ရှည်လျားလှသည့်ကျောင်းဆောင်အတန်းလိုက်ကြီးဆီတွင် စာရွတ်သံစာအံသံတွေကြားနေရသည်။ ပဲမှုန့်အကျက်ရောင်နံရံများနှင့် အညိုရောင်တိုင်လုံးများဖြင့် တစ်ခမ်းတနားတည်ဆောက်ထားသည့် ကျောင်းတော်ကြီးသည် သိပ်ကိုခမ်းနားမှန်း ခါတိုင်းလိုအဖြူအစိမ်းတွေ ယောက်ယတ်ခတ်မနေတဲ့အချိန်မှာ ကျောင်းရှေ့ကနေစီးမြင်ရသည့်အခါ သေသေချာချာသိလာရသည်။
ကျောင်းဆောင်တွေလည်းအများကြီး။ မူလတန်းဆောင် အလယ်တန်းဆောင် အထက်တန်းဆောင်စသဖြင့် ခွဲထားသေးသည်။ ရန်ဖြစ်တဲ့လေးယောက်နဲ့အတူ ထွက်လာတာပေမယ့် ဘယ်နားပြတ်ကျန်ခဲ့သည်မသိပါ။
စာသင်ချိန်ကြီးမှာ စာသင်ခန်းအပြင်ဘက်ရောက်နေရတာကိုပဲ နည်းနည်းစိမ်းသက်နေမိသည်။ အပေါ်ထပ်စာသင်ခန်းတွေဆီမှ လှမ်းကြည့်နေကြသလိုခံစားမိ၍ ခေါင်းကိုငုံ့ထားကာလျှောက်မိသည်။
အမှန်တော့ ဒါညီညီ့စိတ်ထင်ပါပဲ။ လူတွေရှေ့ကဖြတ်သွားရင်၊ အခန်းထဲကိုယ်ဝင်လာရင် လူတွေငါ့ကိုကြည့်နေကြတယ်ဆိုတဲ့စိတ်က ညီညီတို့အရွယ်တွေမှာတွေးတတ်ကြတယ်တဲ့။ အမှန်တော့ ကြည့်နေကောင်းလည်းကြည့်နေကြမယ်။ ကြည့်ချင်မှလည်းကြည့်မယ်။ ကိုယ်ကတော့မဆီမဆိုင်အနေကျုံ့သွားမိတာသက်သက်ပါပဲ။
အခန်းဆီသွားနေရာမှ ရုတ်တရက်သတိရလိုက်တာက ဂီတခန်းကိုပါ။ ခုချိန်က ဂီတချိန်လေ။ စာသင်ခန်းထဲမဟုတ်ဘဲ ဂီတခန်းထဲရှိနေမှာ။ ထို့ကြောင့်တစ်ဆစ်ချိုးကြီး လှည့်ရပြန်သည်။ ဆရာကြီးရုံးခန်းမှာပင် နာရီဝက်နီးပါးကုန်သွားခဲ့သည်။ အလိုလိုမှနောက်ကျပါတယ်ဆို ထပ်နောက်ကျရပေဉီးမည်။
ဂီတခန်းရှေ့ရောက်တော့ ညီညီ့မှာမျက်လုံးပြူးလျက်။ ကိုယ့်အခန်းကလူတွေမှ ရှိမနေပဲ။ တခြားအတန်းတြွေဖစ်ဟန်တူသည့်သူများသာ စုရုံးနေကြသည်။ ကြည့်ရတာ အကတိုက်ဖို့ထင်သည်။ ဒီနေ့ ဒီအခန်းမှာသင်မယ်လို့ပြောထားတာ အကတိုက်တွေကြောင့်မသင်တော့တာနေမည်ဟု တွေးမိသည်။ ဟင်း အလကားသက်သက် နှစ်ခေါက်မောရပြီ။ ညီညီ့ပုံက ကျောင်းထဲမှာအလကားပတ်နေတဲ့သူလိုပင်ဖြစ်နေတော့၏။
"တင် တင်"
အတန်းဆီခြေဉီးလှည့်စဉ်မှာပင် အချိန်ပြောင်းခေါင်းလောင်းထိုးလေသည်။ ဂီတချိန်ကုန်သွားပြီပဲ။ ထို့ကြောင့်သုတ်ခြေတင်ပြေးရတော့သည်။
.......
အခန်းထဲဝင်လာပြီ။ ဆရာမ ရောက်မလာသေးတဲ့အပြင် တစ်တန်းလုံးပွက်လောရိုက်နေသည်။ ညီညီဝင်လာမှ အသံတွေစဲသွားကာ အကြည့်စိမ်းစိမ်းတွေနဲ့ ကြည့်နေကြလေသည်။
"ဟေ့ ဟေ့ လာပါပြီ လာပါပြီ။ ပါလေရာငါးပိချက်လေးလာပါပြီ"
ထာဝစဉ်ရွှေ့အသံ။ ကြည့်စမ်းပါဉီး မင်းသမီးတစ်ယောက်ရဲ့ပါးစပ်စည်းမစောင့်မှုကို။ သူများကို ရွဲ့ချင်စောင်းချိတ် ချိတ်ချင်စိတ် မနာလိုဝန်တိုစိတ်တအားကိုများပြီး ပရမ်းပတာကိုပြောနေတော့တာ။ ထာဝစဉ်ရွှေ့အသံကို လျစ်လျူရှု၍ ဆက်လျှောက်ပြန်ရင်း စကားသံတွေကထပ်ထွက်လာပြန်သည်။ စကားတွေက တစ်သံတည်း။
"အေ့ဟယ် တို့မှာတော့ နင်တီးတာနားထောင်ချင်လို့ကို တစ်ချိန်ကုန်သွားတယ် ဘယ်နားသွားပုန်းနေတာလဲ"
"ဟိုမှာ ကာယကံရှင်တွေတောင်ပြန်လာပြီ။ နင်ကခုမှရောက်တာ သက်နှင်းပြောသလိုဘာမှမတီးတတ်လို့မလား"
ဟိုနားကတစ်ပေါက် ဒီနားကတစ်ပေါက် ထွက်ထွက်လာကြသည်။ ဒီချိန်ဘာပြောပြော သူတို့အတွက်ဆင်ခြေဖြစ်နေမှာ။ နှုတ်ဆိတ်နေပြန်ရင်လည်း မှန်လ်ု့ငြိမ်ခံနေသလိုဖြစ်နေမှာ။ သက်နှင်းကလည်း ညီညီ့ကိုဖျော့ဖျော့လေးသာလှမ်းကြည့်နေတော့သည်။ သူဘာမှမတတ်နိုင်တော့ဘူးဆိုတဲ့သဘော။ အင်းပေါ့လေ ကိုယ့်ကိုယ်ကိုယ်သက်သေပြနိုင်မယ့်အခွင့်အရေး ကိုယ့်ကြောင့်ပဲဆုံးရှုံးသွားတာဆိုတော့ ကိုယ့်အပြစ်နဲ့ကိုယ် ကိုယ်ခံဉီးပေါ့။
"သက်နှင်းပြောလို့အဟုတ်မှတ်နေတာ။ ဟေ့ကောင်ဂုဏ်ရည်ညီညီ မတီးတတ်မဆိုတတ်ရင် ပြောပေါ့ကွ။ ငါတို့ကဘာပြောမှာကျနေတာပဲ။ ခုလိုအပိုင်ကြီးတီးပြမယ့်ပုံနဲ့အသံကောင်းဟစ်သွားပြီးမှ ရန်ပွဲတစ်ခုကိုအကြောင်းပြပြီး မင်း လစ်သွားလို့ ငါတို့မှာ မင်းလာနိုးလာနိုးစောင့်ရင်း စာသင်ချိန်တစ်ချိန်ပျက်ရပြီ"
အမယ်။ လဒ။ စာကိုစိတ်ဝင်စားချင်ယောင်ဆောင်ပြန်ပြီ။ စာမသင်ချင်ကြောင်း၊ ဆရာမတွေကမလိုအပ်ပဲအရမ်းတင်းကြပ်ကြောင်း၊ ဆရာမနဲ့ အတန်းသူတွေကိုသားပြောမယားပြောစကားတွေ အိမ်သာထဲအတန်းလစ်ရင်းပြောတာမိလို့မိဘခေါ်ခံရတာ နှစ်ခါရှိတဲ့ကောင်ကများ။
ညီညီ့မှာ ခုအခြေအနေမှာ စိတ်ထဲကနေချေပဖို့သာတတ်နိုင်သည်။ ကိုယ့်နှုတ်ကဘာဆိုဘာမှထွက်မလာဝံ့။ ထင်းခွေမကြုံ ရေခပ်ကြုံမှာပါပဲ။ ဒီတစ်ကြိမ်မှာပြခွင့်မရရင် နောက်တစ်ကြိမ်တော့ရအောင်ပြမယ်။ ကိုယ့်လုပ်နိုင်စွမ်းကိုမမြင်ကြသ၍တော့ ကိုယ့်အားကိုယ်ကိုး ခုတ်လာတဲ့ထင်းတွေကိုလည်း မြေပေါ်ကထင်းလိုက်ကောက်လာတာလို့ ထထင်ကြမှာ။ အေး ရေခပ်တဲ့အခါကျရင်တော့ ရေခပ်တာတင်မကဘူး ရေတွင်းပါတူးပြလိုက်ဉီးမည်။ သံသယတွေအကြီးဆုံးအချိန်မှာ အဲ့ဒီ့သံသယထက်ကြီးမားတဲ့ကိစ္စသာလုပ်နိုင်ခဲ့ရင် ထိုသံသယတွေဟာအဆမတန်ကြီးမားတဲ့ အထင်ကြီးမှုတွေကိုပြောင်းသွားနိုင်ပါသည်ဆိုတာ ညီညီသိနေလို့ပါပဲ။
ခုတော့နေလိုက်ဉီးမယ်။ ဖာသိဖာသာနေလိုက်ဉီးမည်။ သူတို့အမြင် အရှက်မရှိလိုက်တာဆိုရင်လည်း အရှက်မရှိတာပေါ့။ မျက်မုန်းကျိုးစရာကောင်းတယိဆိုတော့လည်း ကျိုးကြပေါ့။ မရှိတာအဟုတ်လုပ်ပြောတယိဆိုရင်လည်း ပြောတာပေါ့။ ကိုယ့်ကိုပဲကြည့်ပြီး ဘယ်လောက်ကြာကြာပြောနေနိုင်မှာတဲ့လဲ။ အလွန်ဆုံးတစ်ပတ်ပေါ့။ ပြီးရင်အီးရောအီးရော မေ့သွားကြဉီးမှာ။
ခုလိုတွေ အတန်းတွင်းနှိမ်ခံရသလို အပယ်ခံရသလိူဖြစ်တိုင်း မေမေစဉ်းစားခိုင်းထားတဲ့ကိစ္စ ခေါင်းငြိမ့်ချင်စိတ်တွေပေါက်သည်။ ကိုယ့်အရည်အချင်းနဲ့ထိုက်တန်တဲ့နေရာကိုသွားချင်သည်။ ဒီမှာက ညီညီကိုယ်တိုင်က တစ်ခါမှထုတ်မပြခဲ့ဖူးလို့ သူတို့မသိတာဆိုပေမယ့် ညီညီထုတ်မပြရခြင်းကလည်းသူတို့ကြောင့်ပါပဲ။
ကိုယ့်မှာချို့ယွင်းချက်မရှိပါပဲ အပေါင်းအသင်းနည်းတယ်။ ကိုယ်မိတ်ဆက်ပေးမှတွေ့ကြတဲ့သူတွေလည်း ကိုယ့်ထက်ပိုခင်သွားကြပြီး ကိုယ့်ကိုအရေးမထားတော့တာမျိုးတွေလည်း ကြုံခဲ့ဖူးတယ်။
ကိုယ့်တစေအားပေးနေခဲ့တာတွေကျမမြင်ပဲ တစ်ချက်ကလေး ကတောက်ကဆတ်ဖြစ်သွားကို တစ်သက်လုံးကြဉ်သွားကြတဲ့သူတွေလည်းရှိတယ်။
ဒါကြောင့် ညီညီအတွက်အရေးမပါတဲ့သူတွေ
ကိုယ့်ကိုမချစ်တဲ့သူတွေအတွက် ကိုယ့်အရည်အချင်းတွေ ထုတ်ပြဖို့မတန်ဘူးထင်လို့ ငြိမ်နေခဲ့တာပါ။ ခုတော့ ဒီရပ်ဝန်းကထွက်သွားချင်စိတ်တွေ အခြေအုတ်မြစ်ချထားပြီးဖြစ်သလို ခံစားရသည်။ ကိုယ်တောင်မသိလိုကခင်မှာပင်အမြစ်တွယ်နေပြီးပြီ။
တစ်ခုပဲ။ ကိုယ်ထွက်သွားလိုက်ပြီးမှ ဟိူဘက်နေရာမှာ မပျော်ရင် မျောက်သစ်ကိုင်းလွတ်သလိူဖြစ်နေမည်။ ဒါကြောင့် စင်ပေါ်မှာသီချင်းဆိုရတဲ့ခံစားချက်ရဲ့အရသာကို ဂဃနဏ သိချင်သေးသည်။ သိသွားခဲ့ရင်တော့ စင်ပေါ်တက်ချင်စိတ်တွေ အမြစ်ပဲမြေလှန်ကျွတ်ထွက်မလား။ စင်ပေါ်ကမဆင်းချင်တဲ့စိတ်တွေ တစ်ခါတည်းအရွက်တွေဝေဆာတဲ့အထိကို စိတ်ပြင်းပြမလားမသိနိုင်။
"တင်"
ညီညီ့ဆီစာဝင်လာသည်။ ညီညီမကြည့်ဘဲနဲ့ပြောန်ုင်သည်။ ဒါ သက်နှင်းဆီက။ သူ့အစ်ကိုနဲ့မတွေ့လိုက်ရတာ သူသိပြီးရောပေါ့။ အစ်ကိုက သက်နှင်းကို "နင့်သူငယ်ချင်းက ငါ့ကိုအရေးမထားလိုက်တာ"ဆိုပြီး ပြောမှာပေါ့။ သက်နှင်းလည်း ညီညီ့ကိုစိတ်တိုနေတာနေမှာ။ ပို့ထားသည့်စာမှာ...
"ညနေ ငါတို့အိမ်ကိုလိုက်ခဲ့"တဲ့။
ညီညီ ရုတ်တရက်နားမလည်။ လူများမှားပို့သလားဟုထင်သည်။ ညီညီနဲ့ဘယ်လိုမှအက်စပ်လို့မရ။
ထို့နောက်စာတွေဆက်ဆက်ဝင်လာသည်။
"အန်တီ့ကိုပြောပြီးပြီ။ ညကျမှလာခေါ်မယ်တဲ့"
"အစ်ကိုက နင့်ကိုတွေ့ချင်နေတာ။ နင်မတွေ့ရဲဘူးထင်လို့ အိမ်ကိုခေါ်တာ"
"လိုက်ခဲ့ရမယ်နော်"
ညီညီရင်တွေတုန်နေသည်။ အစ်ကိုက သူ့ကိုစိတ်မဆိုးတဲ့အပြင် နောက်တစ်ခါထပ်တွေ့ဖို့ကိုပါ အခွင့်အရေးပေးလိုက်သည်ပေါ့လေ။ ဒီတစ်ခါတော့ ညီညီ အခွင့်အရေးကိုရအောင်ဖမ်းဆုပ်ရမည်။
အလွဲကောင်းသွားတာပေါ့လေ။ ခုတော့ အိမ်ထိပါလိုက်ရမယ်တဲ့။ ပျော်လိုက်တာ။ ဘာတွေများပြောစရာရှိနေလို့ အစ်ကိုဒီလောက်ကြိုးစားတွေ့ချင်နေတာလည်း သိချင်လွန်းလှပြီ။
ထိုအကြောင်းအရာလေးသည် ညီညီရဲ့စိတ်ထဲကအညစ်အကျေးတွေအားလူံး အကုန်အငွေ့ပျံသွားစေဖို့ လုံလောက်ခဲ့ပါသည်။
..........
"လာ ညီလေး ကိုယ့်အခန်းထဲလိုက်ခဲ့"
လှေကားထိပ်မှာ အစ်ကိုကပြောလိုက်တာ။ ညီညီ ကိုယ်ဘာကြားလိုက်မှန်းမသိအောင် မွေးညှင်းလေးများထောင်သည်အထိ ထူသွားသည်။
ညီလေးတဲ့။ အစ်ကိုကသူ့ပရိတ်သတ်ကို ညီလေးတဲ့လား။ ညီညီ့အတွက် ဝမ်းသာမှုဆိုတာ အတိုင်းအဆမရှိတော့။ ညနေ သက်နှင်းနဲ့အတူ အစ်ကိုအတန်းဆင်းတာကိုစောင့်ပြီး ကားပေါ်အတူစီးလာတော့လည်း ရင်ထဲအပျော်တွေဆိုတာ အတောသတ်မရ။ ကားပေါ်မှာတုန်းက ရုပ်တည်နဲ့ဆိုတော့ နည်းနည်းဖိန့်တာပေါ့။ အိမ်ခေါ်ရတဲ့အကြောင်းရင်းကိုမှမသိသေးဘဲ။ ဒီနေ့ခင်းမတွေ့လိုက်ရတာ ဆူဖို့ဆိုလည်း ဆူခံထိရကျိုးတန်သွားပြီ။ ကျေကျေနပ်နပ်ကြီးကို အဆူခံပစ်ဉီးမှာ။
ပျော်တယ်ဟေး ပျော်တယ်ဟေး။
"ညီညီ ဘာကြောင်ကြည့်နေတာလဲ။ သွား လိုက်သွားလေ။ ငါ့အခန်းထဲက နင့်ကိုခေါ်လို့မရဘူး။ ရှုပ်ပွနေလို့။ ခဏနေရင်ငါလာခဲ့မယ်"
သက်နှင်းက ညီညီ့ပုခုံးလေးကိုလှုပ်ပြောသည်။ မလှုပ်မယှက် အူကြောင်ကြောင်ရပ်နေတဲ့ကောင်လေးကိုမြင်ရတာ သက်ထင် တကယ်စိတ်မရှည်စရာပါပဲ။ အံ့သြနေတာဆိုလည်း သူ့ဟာကအံ့သြလွန်းသည်။
ခုထိ လှေကားတစ်ထစ်မတက်ရသေး။ စိတ်ရှိတိုင်းသာဆို ကောက်သာချီသွားချင်တော့သည်။ သက်နှင်းပြောနေတာတောင် သူနဲ့သက်နှင်းကို တစ်လှည့်စီကြည့်နေသေးတာ။ တကယ်သာ ကောက်ချီသွားရင် အကြောက်လွန်ပြီး နေရာမှာမေ့လဲသွားမလားပဲ။
"လာပါကွာ"
သက်ထင် ကောက်တော့မချီမိပါ။ လက်ကောက်ဝတ်ကနေဆွဲခေါ်လာမှ အလိုက်
သင့်ပါလာသည်။ ဒီလိုမှဆွဲမခေါ်ရင် အခန်းထဲရောက်တော့မှာမဟုတ်ဘူး။ ငဆန်းလေးရေ မင်းကတော့တကယ့်အထူးအဆန်းပဲ။
အခန်းထဲရောက်လာတော့လည်း မျက်နှာကြီးကိုငုံ့နေတာပဲ။ ကိုယ့်ကိုကြောက်နေတာတဲ့ ကြည့်ပါဉီး။ ဇက်ရိုးနဲ့ ကျောပြင်က ထောင့်မတ်ကျလို့။ မျက်မှန်ကိုင်းအထူကြီးလည်းအောက်ပြုတ်ကျသွားပါဉီးမယ်။
သက်ထင်ရေ စိတ်ရှည် စိတ်ရှည်။ သူဌေးသားတဲ့ သူဌေးသားပုံတစ်စက်မှမပေါက်ဘူး။ သက်နှင်းပြောပြတာတော့ တမင်မနေတာဆိုပဲ။ သူ့ကို ဉီးညီညီလွင် ဒေါ်မေရည်ချိုတို့ရဲ့သားမှန်း ဘယ်သူမှမသိကြဘူးတဲ့လေ။ အရမ်းတွေသိုသိုဝှက်ဝှက်နေချင်တာတဲ့လား။ အဲ့လိုနေနေတော့မင်းအတွက် ဘာတွေများကောင်းလို့လဲ ကောင်လေးရယ်။
ပုံစံကလည်း အူတုံတုံနဲ့။ ခုလည်းတွေ့တဲ့ထိုင်ခုံပုသေးသေးလေးမှာထိုင်နေတာ။ တစ်ကိုယ်လုံးလက်တစ်ဆုပ်စာလောက်ပဲရှိတော့သည်။
"ညီလေး လာ ဒီဆိုဖာမှာ လာထိုင်"
"ဟုတ်"
ထိုအခါမှ မျက်လုံးလေးမော်ကြည့်လာသည်။ အော် ကြည့်သေးတာပဲ။ ဆိုဖာပေါ်ထိုင်ဖို့ကို ခေါင်းငြိမ့်လိုက်သည်ထင်။ လူလည်း ကုန်းကိုင်းကိုင်းလေး ထလာပြီ ရောဂါသည်လေးလိုဖြည်းဖြည်းချင်းထိုင်လေသည်။ သက်ထင် သည်းခံနိုင်မှုအတိုင်းအတာကုန်ပြီ။ ဒိုးခနဲဒေါက်ခနဲ လုပ်လိုက်စမ်းပါကွာ။
"ညီလေး မင်း ကိုယ့်ကိုကြောက်နေတာလား"
အဖြေကိုစောင့်ရင်းသက်ထင်ပူ၍ အဖြူလက်တိုကို ကြယ်သီးနှစ်လုံးလောက်ဖြုတ်လိုက်သည်။
"ဟုတ်"
ဟုတ်တဲ့။ ကြောက်နေတာ ဟုတ်တယ်တဲ့လား။ အားနာပါးနာငြင်းတောင်မငြင်းဘဲ ဝန်ခံလိုက်တာလား။ ဒီအခြေအနေမှာ သက်ထင်ရယ်ရမလား ဂုဏ်ယူရမလား ဘာလုပ်သင့်လဲမသိ။ သက်နှင်းပြောတော့ သူက ကိုယ့်ဖန် ကိုယ်က သူ့အိုင်ဒေါလ်ဆို။ အိုင်ဒေါလ်ကိုတွေ့ရင် ဖန်တွေက အရမ်းပျော်ကြတာလေ။ ခုက တွေ့ရရုံတင်မဟုတ်ဘူး အိမ်ထိပါတူတူလိုက်ခွင့်ရပြီး အခန်းထဲမှာပါစကားအတူပြောခွင့်ရနေတာလေ။ သူ ပျော်နေရမှာမဟုတ်ဘူးလား။
သက်ထင် ပါကေးကြမ်းပြင်ပေါ် ပဆစ်တုတ်ထိုင်ချလိုက်တော့ ဆိုဖာပေါ်က ကောင်လေးကသူ့ထက်နည်းနည်းပိုမြင့်သွားသည်။ ထိုအခါ ငုံ့ထားတဲ့မျက်လုံးတွေနဲ့ ပက်ပင်းတိုးလေ၏။ ထပ်ငုံ့လို့မရတော့။ ထပ်ငုံ့ရင်မျက်လုံးမှိတ်ထားဖို့ပဲရှိတော့သည်။
"ဘာကိုကြောက်တာလဲကွ"
အတတ်နိုင်ဆုံး သက်ထင်စိတ်ရှည်ရှည်ထားရမည်။ စိတ်ပျက်နေတာတော့မဟုတ်ပါ။ ဒီကောင်လေးအပေါ် ကိုယ်တိုင်ကလည်း စိတ်ရင်းနဲ့စိတ်လိုလက်ရ ခင်မင်စိတ်ရှိသည်။ သူနဲ့ကိုယ် ရှေ့လျှောက်တွေ့ရမယ့်ကိစ္စတွေကများသည်လေ။ တွေ့ကိုတွေ့နေရဉီးမှာ။ ဒါကြောင့် ကြောက်တာရှိန်တာတွေ မလိုအပ်မြှဖစ်မှာမို့ ကြားထဲအတတ်နိုင်ဆုံးရှင်းထားရမည်လေ။
"ဟို... ဟို...နေ့ခင်းက ကိစ် ကိစ္စ"
"သြော် ဘာမှမဖြစ်ပါဘူး။ အစ်ကိုစိတ်မဆိုးပါဘူး။ မင်းလာလည်း အကတိုက်နေတဲ့သူတွေရှိနေလို့ ကိုယ်တို့တွေ့လို့ရမှာမဟုတ်ဘူး။ အစ်ကိုတောင်ပြန်စိတ်ပူနေတာ။ ညီကတော့စောင့်နေမလားဆိုပြီး။ အဲ့တာကြောင့် အိမ်မှာတွေ့ဖို့ခေါ်လိုက်တာ။ စိတ်ဆိုးမှာကို စိတ်ခုနေတာဆို ဘာမှမပူနဲ့"
သက်ထင်ကတည်တည်ငြိမ်ငြိမ်နဲ့ပြောတော့မှ နားဝင်သွားပုံရသည်။ ခေါင်းနည်းနည်းမော့လာပြီး သူ့ကိုမရဲတရဲကြည့်သည်။
ကောင်လေးမျက်နှာသည် တစ်ခုခုကဖျက်နေတာ။ မျက်မှန်.....။ ဟုတ်တယ် မျက်မှန်ကဖျက်နေတာ။ မျက်နှာပေါ်ကအစိတ်အပိုင်းတွေ အစီအစဉ်ကျစွာရှိနေပေမယ့် မျက်မှန်က နည်းနည်းရင့်ပုံပေါက်နေစေ၏။ သက်ထင်ထက် လူကောင်သေးလို့ သက်ထင်ကအသက်ပိုကြီးမှန်းသိသာပေမယ့် ရုပ်ရည်ချင်းယှဉ်ကြည့်ရင် သက်ထင်ကပိုနုနေသည်။
သူ့အိမ်မှာ ညစာစားတုန်းက မျက်မှန်တပ်မထားတဲ့အပြင် ထားနေကျ ဆံပင်ဘေးခွဲမဟုတ်ဘဲ ပျော့အိအိရှေ့တိချထားတုန်းက တကယ့်ကလေးရုပ်။ ညီညီ့ကိုမေးပစ်လိုက်ချင်တာက "မျက်မှန်က တကယ်လိုလို့တပ်တာလား"။
"ချပ်"
ထိုစဉ်အခန်းထဲ သက်နှင်းဝင်လာသည်။ အိမ်နေရင်းဂါဝန်အညိုရောင်ကြိုးတစ်လုံးလေးနဲ့ ကျောင်းစိမ်းဝတ်စုံကိုလဲထားသည်။ ဆိုဖာပေါ်ကျုံ့ကျုံ့လေးထိုင်နေသည့် ညီညီနဲ့ သူ့ရှေ့တည့်တည့်ထိုင်နေတဲ့အကိုဖြစ်သူကိုလည်းမြင်ရော သက်နှင်းမျက်လုံးပြူးရပြီ။
"ဟယ် အစ်ကိုရယ် ဘာတွေသွားပြောလိုက်တာလဲ။ ညီညီအရမ်းကြောက်နေပြီ"
ပြောပြောဆိုဆိူ ညီညီ့ဘေးစွေ့ခနဲဝင်ထိုင်သည်။ လာပါပြီ ဘုမသိဘမသိနဲ့။
"ညီညီ ငါ့အစ်ကိုကနင့်ကိုဘာတွေပြောသေးလဲ။ ပြောတော့ပြောတယ်မလား"
"မ မပြောဘူး"
"မဟုတ်တာ။ ကိုကိုရယ် သူက ကိုကို့ကိုအရမ်းကြောက်နေတာ။ နေ့ခင်းက ကိစ္စကို စိတ်ပူနေတာ။ စိတ်ဆိုးပြေလိုက်ပါ"
"နင်ပြောလို့ပြီးပြီလား သက်နှင်း"
တစ်ချက်ဟန့်လိုက်တာတောငိ ပြီတီတီလုပ်နေသေးသည်။
"ပြီးပြီ"
"ပြီးရင် ငြိမ်ငြိမ်နေ။ ဘယ်သူမှ သူ့ကိုစိတ်ဆိုးတယ်လို့မပြောဘူး။ မကြောက်ဖို့ သူ့ကိုအားပေးနေတာ"
"သြော်...."
ခုမှအထာပေါက်သွားဟန်။ ကောင်လေးကလည်း သက်ထင်ပြောတာမှန်ကြောင်း ခေါင်းငြိမ့်ပြ၏။
"အစ်ကို ဒီကိုခေါ်လာတာက ဟိုနေ့က သက်နှင်းကိုညီ့အခန်းရှေ့လာခေါ်တော့ ညီဂီတာတီးပြီးသီချင်းဆိုတာ ကိုယ်ကြားလိုက်တယ်"
ကောင်လေးက ငြိမ်သက်စွာနားထောင်နေပြီး ခေါင်းယောင်ယောင်လေးတစ်ချက်ငြိမ့်သည်။
"အဲ့တာ အစ်ကိုဆန္ဒတစ်ခုပေါ်လာတယ်ကွာ။ ဘာလဲဆိုတော့ အစ်ကိုနောက်ထွက်မယ့်သီချင်းမှာ ညီလေးနဲ့တွဲပြီး တစ်ပုဒ်လောက်ထုတ်ချင်လို့"
ထိုစကားအပြီးတွင်း သက်နှင်းရောညီညီပါ အံ့သြဘနန်းဖြစ်ရပါသည်။ သက်နှင်းဆို မျက်လုံးကိုပြူးလို့။
"ဗျာ..."
"ဟယ်..."
"အစ်ကိုကလူတိုင်းကို မဖိတ်ခေါ်တတ်ဘူးနော်။ ညီ့အရည်အချင်းကို ကိုယ်ကြားလိုက်ရလို့ ညီ့ကိုအခွင့်အရေးပေးနေတာ။ ဘယ်လိုသဘောရလဲ"
"ကျ ကျွန်တော်မဖြေတတ်ဘူး"
"ဘာလဲ မရဲလို့လား"
ကောင်လေးကခေါင်းညိမ့်ပြသည်။ သိတာပေါ့။ မင်း မရဲမှန်း ကိုယ်သိပြီးသား။ ဒါ့ကြောင့်လည်း မင်းကိုရဲအောင်လုပ်ပေးရမှာ ကိုယ့်တာဝန်ဖြစ်လာတာ။
"အစ်ကိုက လူမှန်းတာသိပ်တော်တာ။ ညီက ဘာနာမည်မှမရှိလို့ ညီ့ကြောင့်အစ်ကို့ကိုထိခိုက်မှာဘာမှမပူနဲ့။ ညီလေးကသာ ညီလေးရဲ့အရည်အချင်းတွေကို ထုတ်ပြဖို့လိုတာ။ အတူတူတွဲအလုပ်လုပ်ရင် အစ်ကိုတို့အောင်မြင်မှုတွေအများကြီး ရနိုင်ပါတယ်။ ဒီလိုလုပ် ညီကအတွေ့အကြုံမရှိလို့ မရဲဘူးဆိုရင် ခုစုံညီမှာအစ်ကိုနဲ့အတူသီချင်းဆိုကြည့်လေ။ အတွေ့အကြုံရတာပေါ့"
"ဗျာ...."
ညီညီ ခုချိန်တတ်နိုင်တာ အံ့သြတာပင်ဖြစ်သည်။ ကိုယ့်နားနဲ့ဆက်ဆက်ကြားနေရတာတွေ အမှန်ဆိုတာ ဉီးနှောက်ကလိုက်လို့မမီသေး။ ညီညီ့အတွက် ဒီစကားတွေကပျော်စရာသတင်းတစ်ခု အပြည့်အဝဖြစ်မလာသေးပါ။
ဖန်တစ်ယောက်အတွက် ကိုယ့်အိုင်ဒေါလ်နဲ့ တိုင်းသိပြည်သိ သီချင်းအတူဆိုခွင့်ရတာ ဒါပျော်ရမည့်ကိစ္စလား။ ဖန်ဆိုတာက ကိုယ်ကပဲပေးနေချင်တဲ့အမျိုး။ ကိုယ့်အိုင်ဒေါလ်ဘက်ကနေ Fly kiss လေးတစ်ခုပဲ ပေးရင်ဖြစ်ဖြစ်၊ Winking လေးတစ်ခါလောက်လုပ်ပြတာဖြစ်ဖြစ် ရယ်ပြတာ လက်ခါပြတာစသဖြင့် အမူအရာလေးတစ်ခုပြန်ရရင်ကို ဖန်တွေအတွက်ကထီပေါက်နေကြတာ။
ဘာမြှပန်မရရင်တောင် စိတ်ကွက်ကြတာမျိုးမရှိ။ ခုလို အစ်ကို့ဆီက ကမ်းလှမ်းမှုမှာ ညီညီ့အရည်အချင်းကို အစ်ကိုကိုယ်တိုင်ကအသိအမှတ်ပြုပေးလို့ ပျော်မဆုံးဖြစ်ရတဲ့စိတ်ရယ်၊ သူ့ပရိတ်သတ်ရဲ့အရည်အချင်းကိုပဓာနမထားဘဲ လက်တွဲခေါ်လို့ပျော်ရတဲ့စိတ်တွေထက် ငါ့ကြောင့်အစ်ကို့နာမည်ထိခိုက်သွားရင်ဆိုတဲ့စိတ်က ကြီးစိုးနေသည်။
အစ်ကိုပြောသလို စုံညီမှာအတူဆိူကြည့်တာကတော့ ညီညီ့အတွက်အရှုံးမရှိပါ။ ညီညီသာကောင်းကောင်းလုပ်နိုင်ရင် အတန်းထဲကအမြင်မကြည်တာတွေကိုရော ညီညီ့ရဲ့စိတ်ကိုရောသေသေချာချာသိရမည်။
ဒါ့အပြင် ညီညီိတို့နှစ်ယောက်ရဲ့ သီချင်းအသစ်အတွက် Chemistry မိ မမိဆိုတာကို တစ်နိုင်ငံလုံးနဲ့စာရင် လူနည်းနည်းလေးနဲ့လေ့ကျင့်လို့ရမည်။ အစ်ကိုပါနေတဲ့အတွက် ဗွီဒီယိုရိုက်တင်ကြမယ့်သူတွေလည်း သေချာပေါက်ရှိနေကြမှာဖြစ်တဲ့အတွက် အဲ့ဒီဗီဒီယိုတွေကနေလည်း ကိုယ့်အပေါ်ပေးတဲ့ မှတ်ချက်တွေကိုကြည့်လို့ရသည်။
ညီညီခေါင်းငြိမ့်နိုင်ဖို့သာလိုသည်။
"တန်းအဖြေမပေးခိုင်းပါနဲ့ အစ်ကိုရယ်။ စဉ်းစားပါဉီး ညီညီ။ ငါ့အထင်ကတော့ နင့်ကိုဆိုစေချင်တယ်။ ဘယ်သူမှအားမပေးရင်တောင် ငါအားပေးမယ်ဟာ"
"အစ်ကိုလည်း ညီညီ့ကိုစဉ်းစားခိုင်းမှာပါ။ ဒါပေမယ့်အကြာကြီးတော့မရဘူးနော်။ စုံညီကနီးနေပြီ"
အစ်ကိုရဲ့မျက်လုံးရွဲရွဲကြီးများနဲ့စိုက်ကြည့်ခံရကာ ကြားရသည့်စကားများသည်နားထဲ အကုန်တိုးဝင်သွားကြသည်။ နဂိုရင်တုန်နေတာ ပိုတုန်လာသည်။ စိတ်လှုပ်ရှားနေသည်။
ညီညီခေါင်းငြိမ့်လိုက်ဖို့ပဲလိုတာ။ ခေါင်းငြိမ့်ပြီးရင်သူ့အလိုလို သတ္တိတွေရှိလာတော့မှာ။ ကြားထဲကြောက်နေလို့မလုပ်ချင်တော့ရင်တောင် ငါလုပ်ကိုလုပ်ရတော့မှာ ငြင်းလို့မရတော့ဘူးဆိုတဲ့စိတ်က တွန်းအားဖြစ်နေဉီးမှာ။
"ကျွန်တော် ခုပဲစဉ်းစားပြီးပါပြီ။ စုံညီမှာအစ်ကိုနဲ့အတူသီချင်းအတူဆိုချင်တယ်"
ညီညီသည် စကားတစ်ခွန်းနဲ့ တစ်ခွန်းမကသော
စွန့်စားခဲ့လေပြီ။ နောင်တတွေရနေမယ်ထင်တာ ရင်ထဲမှာ ပီတိတွေသာဖြစ်နေ၏။ အမြဲတမ်း သူများကိုကြောက်နေရတာနဲ့ မလုပ်နိုင်ခဲ့တဲ့ဟာ ခုတော့လုပ်နိုင်ခဲ့ပြီဆိုတဲ့စိတ်ကြောင့် ကျေနပ်သလိုရှိသည်။
ညီညီတင်မဟုတ်။ အစ်ကိုလည်းဝမ်းသာကာပြုံးသည်။ ညီညီ့ပုခုံးကိုလက်နှစ်ဖက်ဖြင့်ကိုင်ကာ "တော်တယ်"ဟု ချီးမွမ်းသည်။ သက်နှင်းဆိုတာ လက်ခုပ်လက်ဝါးတွေတီးလို့။
ထို့နောက် အစ်ကိုကတစ်ခွန်းပြောလေသည်။
"ခုညတစ်ခါတည်း သီချင်းရွေးရအောင်တဲ့"။
..........
#Thurein