لم أفقد حناني و هذا ما اقدّسه
——
رشاش
ما جاني نوم شفت العيال نايمين لكن ماقدرت
طلعت من الغرفه واتجهت للباب اطلع الا واشوفها هي وخواتها عند الباب تحاول تدق الباب بحركه سريعه قفلت الباب
بسرعه بوجهم ودخلت للغرفه
ايمن يقوم من نومه بتأهب وماسك سلاحه : وشفيك؟
عزيز بتعب : يخي نام وش مسهرك ومطلعك برا؟
رشاش
بديت اقولهم السالفه
—
عند البنات
رهام بستغراب : بنات ما كأنو الباب انفتح؟
ساره تناظرها : انا كمان شفته بس حسبت اني اتخيل
فاتن : اكيد انكم تتخيلون بنات مقدر اصبر بسرعه دقو الباب
ساره
ضربت الباب بقوه لدرجة يدي ما احسيت بالمها الا بعد دقيقه
فتحت لنا منال وهي مصدومه
منال : بسم الله انا اتحلم ولا ايش
فاتن وهي باقي جالسه عند الباب : لا ما تتحلمين ابشرك
رهام : منال تكفين بموت تعب دخلينا
شهد من وراها : بسم الله وش جايبكم بهالليل ادخلو بسرعه
منال : مادري ولله
خلود تحضنهم : بنات خالتي نجود نور البيت !
ساره : بنوركم صارت اشياء لنا ملعونه
رهام تبكي وتعدل شعرها : بسببهم تخرب شعري
شهد : بسببهم؟ مين
رهام : تعرفين يا شهد لو شفتهم بذبحهم قليلين الادب
مر اليوم على خير والكل نام
—
اليوم الثاني
في قسم الشرطه
قاسم يضرب طاوله : عبدالرحمن انقتل بسبب واحد كلب ما عنده اخلاق ولا حتى دين لازم اخذ حقه
يناظره معصب : قلت لك يا قاسم انتهى النقاش انا عندي قضايا ثانيه الحين انا مشغول
قاسم
تنهدت وطلعت من المكتب وانا مقهور
" عمره ماراح يتغير زياد "
زياد
بعد طلوع قاسم ارخيت نفسي وارتحت
ناظرت لشخص الي متخبي : اطلع
قحص : تصدق حسبته بيكشفني
زياد : حتى لو اكتشف ابيك تقتله يا قحص احسه بيكشفني
قحص : بشوف الحين انا مشغول بشي مهم
زياد : خذ عطه رشاش ذي كل خطواتهم الجايه
قحص : انتبه لنفسك يا زياد
—
ام عراد
صحيت صباح واسمع سوالف وضحك
مشيت وطلعت شفت بنات بنتي نجود جالسين يسولفون
قاطعتهم وشفتهم يجون يحبون راسي ويصبحون علي ابتسمت
وانا مستغربه : وش جابكم هنا؟ ابوكم معكم؟
رهام تمثل الحزن : ماهو مرحب فينا؟
ام عراد تضحك : لا ولله غير مرحب بكم
شهد: جده اجلسي
ام عراد : لا بروح اشوف مصلح واخوياه واذا خلصت جيت افطر معكم الا اعطيتيه فطور؟
شهد : اي اي عطيتهم فطور
خلود بهمس : مايكفي جاب اخوياه
منال بهمس اكثر : والحين يبينا نخدمهم
فاتن بستغراب : مصلح؟ حصلتي شخص يرعى الغنم؟
ام عراد وهي تبتسم : لا يا بنتي ذا انقذ شهد
ساره تصفر : اووه شهالحركات صار لك نفس روايات
شهد " اوف لو يدرون انه مصوب علي السلاح ذاك اليوم"
—
رشاش : والحين وش نسوي ؟
مصلح يدخن ويناظره : ليش تخطفهم من الاساس
سلطان منسدح ومغمض عيونه : قلنا نلعب بنفسيتهم شوي ما توقعنا انهم من اهل ديره
عزيز : مانقدر ناخذ راحتنا او.....
رشاش يناظره : او ايش؟
عزيز يناظر ببتسامه لهم بخبث : او نهددهم
رشاش : تستهبل صح ؟
مصلح : بنهددهم بجدتهم وباغلا شي يملكونه
عمر يدخل بمقاطعه : تتكلمون عن وش ؟
رشاش : انت وين رحت انت ماتدري ان البنات
الي خطفناهم بهل مكان؟ جينا نتخبى من شرطه وصرنا نتخبى بهالغرفه المعفنه
—
فاتن : الباب ينطق يا بنات افتحه؟
منال تلف بتعب : ايي روحي افتحي خليني اخلص الغداء
رهام وهي تمشي : انا بفتحه خلصي المواعين بدالي
رهام
مشيت متوجهه للباب الا واسمع صوت اعرفه بالجهه الثانيه
مشيت وحصلت غرفه صغيره انفتح بابها وشفته يطلع من الباب شهقت مصدومه : انت انتتت الكلب الي....
—
رشاش : انا بطلع
مصلح بضحكه : انتبه لحد يشوفك تغطى كويس صرت حرمه
رشاش : اسكت بس لا ادعسك
رشاش
طلعت وقفلت باب الغرفه الا وشفتها قدامي مسكتها
بسرعه وسحبتها معي لبرا البيت وهي تحاول تبعدني عنها
حاولت ما اخليها تجذب الانتباه الى ان ابتعدنا
عضتني عضه بكتفي وهربت
رهام وهي تبعد وتمسك حجر : ابعد عني يا حيوان يا حقير
رهام
انتبهت انه طرحتي معه وهو يبتسم
كان شعري و وجهي طالع عصبت اكثر وتخبيت وراء الحجر
رهام بوجه احمر معصبه: ولله لا اعلم جدتي بكل شي اوريك
يا كلب يالي ما تستحي على وجهك
رشاش
بعد ما ابعدت عني انتبهت لطرحتها معي ابتسمت
بخبث وناظرتها وشفتها وياليتني ما رفعت عيني طلعت
ما كأنها الا قمره في عتمت الليل
شفتها تشهق مصدومه
وتخبت وراء الحجر وهي معصبه وتسبني قربت منها
وقلت لها : ترا اقدر اقتلك هنا واروح ومحد راح يدري عنك
رميت عليها الطرحه وخليتها تلبسها
رهام
لبست بسرعه وطلعت عليه
رهام تطلع وتمشي : تخسي فاهم والحين ابعد عني
رشاش وهو يحرك دقنه ببتسامه : يعني كذا طيب طيب
رهام
انصدمت لما شفت اني بعيده عن الارض
ناظرته ومسكت شعره عشان ينزلني : نزلنييي نزلني يا وصخ!
رشاش
وقفت وعدلتها لانها المتني بظهري عكست وشليتها بيديني اثنتين وقربتها من وجهي وابتسمت : حسبتك خفيفه طلعتي ثقيله مره
رهام مصدومه : انا ثقيله! يا يا متحرش يا همجي!
رشاش : كيف تبيني اقتلك؟
رهام بصدمه وخوف : قاتل مجرم خسيس نزلني
رشاش نزلتها وربطتها بغترتي وقربت منها الى ان تخالطت انفاسنا : اسمعيني وتفهمي وضعي
رهام
بسحى وانا ابعد عنه شوي كان قريب مره وما كنت اقدر اتحرك كثير بسبب ربطه ليديني : راح افهم اذا ما عاملتني زي البهايم!
رشاش : قبل شوي كنتي مثل البهايم واضطريت اسوي
كذا عشان تسمعيني
رهام : تكلمي اسمعك؟
رشاش : لو علمتي اهل الديره ذي كلهم اني انا وعصابتي موجودين في بيت ام عراد تتوقعين راح يقدرون علينا ؟ اقدر اخضع اهل ديرتك كلهم واسرق كل شي بس انا جاي هنا اتخبى فاهمه علي؟ ولا ابي امس احد بإذيه ياليت تفهمين وتقدرين وضعي يا...
رهام تكمل : رهام
رشاش : اسمك رهام؟
رهام تهز برأسها : اوعدك ما اسوي شي ولا اعلم احد لكن انا مالي دخل بخواتي لو شافوك بلغلط وعلمو اهل ديره
رشاش يوقف : وكيف اوثق فيك واخليك معي؟
رهام ببتسامه : مادري بس لا توثق فيني لان مالي امان
رشاش
وقفت وقربت منها وانا اشيل طرحتها
و انا اناظر لشعرها الاسود مسكت خصله منه وطلعت الخنجر
فاحت ريحه غريبه جميله خلتني اقرب بدون ما انتبه لحالي
كانت الصدمه والخجل تعلو وجهها استوعبت
وابعدت عنها
رهام وهي تناظر الخنجر وتغمض عيونها : خلاص فهمت ماراح اعلم احد حتى لو احد بيعلم راح امنعه تكفى خل شعري لا تقصه
رشاش يقرب : تدرين لو عرفت انك صرتي ضدي وهربتي
( يقرب لاذنها وبهمس ) راح الحقك وامسكك صدقيني فعشان كذا انتبهي لكل خطوه تسوينها والحين روحي للبيت بسرعه
شفتها تروح وهي خايفه وماتقدر توقف عدل
مسكت ضحكتي الى ان ابعدت بديت اضحك خذيت الخنجر ومشيت
لاني اقدر أخضع إي من كان هشخص حتى لو كان حيوان
—
في بيت ام عراد
في صالتها ونسوان الديره حولها يبون اخر الاخبار
ويسولفون متحمسين والبنات معها دخلت رهام وهي معرقه مقاطعتهم ببتسامه وهي تسلم على نسوان وتجلس جنب البنات
ساره بهمس : شفيك؟
رهام بهمس لها : ولا شي بس اشتقت لبابا
ام سعود وهي تسولف : ليه ما تزوجين شهد لمصلح ؟
ام عراد بضحكه : ياليت ولله ازوجهم الولد مافيه عيب ما شاء الله
شهد تناظر البنات وبهمس : يا راسي انا بقوم اذبح ام سعود
خلود : عنك بقوم انا لان انا كارهتها هي و ولدها معها
منال : لو اقوم وادعس وجهها هي وبنتها احسن
فاتن تميل راسها مستغربه: وشفيه الولد مصلح ماتحبينه؟
شهد وهي متوهقه :
يتابع...
نجمه ، تعليق ، نشر الروايه