تعبت انا ام مللت ؟
——
عند ام عراد
ام عراد : اكلو اكلو يا عيالي زياده
مصلح ببتسامه ويناظر شهد : يعطيك العافيه يا خاله
عزيز يناظر منال : اي ولله ما قصرتي
ام عراد : شبعتو؟ ما اكلتو شي اكل اكل انت منصاب عشان تتعافى بسرعه وشفيكم نحيفين كذا
شهد : الله يرحم حالي الي حتى ما كانت تسوي لنا كذا
خلود : الحمدلله ولله اني فرحت انها صحت بصحه وعافيه
منال تتنهد : اليوم دوري بروح اعبي دلو واشتري اغراض
شهد : يلا وانا وخلود بنقوم بباقي الاشغال
—
في مكان ثاني
رهام بدلع : منجدك يا رشيد وش تقول كيف تعطلت السياره
فاتن وهي تهف على وجهه : ببكي مره حر ابوي قطنا قطه محترمه هنا مع هالهندي الدلخ
ساره تقراء الكتاب بحماس : خلاص اسكتو بلا حلطمه
رشيد يرجع لسياره : مادام انا روح محطه
رهام معصبه : شنو ليه تروح المحطه كمان؟
رشيد : عشان جيب مساعده
ساره تسكت فاتن ورهام : خلاص رح بسرعه وتعال يا رشيد
بعد ساعتين
رهام تنزل وتتخصر : بموت حر الله يخذك يارشيد
فاتن : تخرب مكياجي وذي جالسه تقراء كتاب بوسط هالحر
ساره : اصص اسكتو
رهام : فكيني عليها امسك شوشتها
فاتن تمسكها : خلاص اهدي يا رهام
ساره تطلع من الباب الثاني خايفه : بعدين تعالي يا دلوعه احد يلبس كعب في ديره تبين يضحكون عليك اصلاً كلها بر كيف
راح تمشي
رهام معصبه : تعالي يادودة الكتب ولله لا اقوم واشوتك الحين مسويه مثقفه بهالحر
——
رشاش
مشيت انا وعمر وسلطان للقريه لكن في طريقنا
سياره فخمه تلفت النظر و واضح انها غاليه
رشاش : وقف
عمر : ايش؟
رشاش : وقف وقف عند سياره
عمر : وش بتسوي
رشاش : بعلمك الحين
سلطان يصفر : يا وحش واضح انهم اغنياء
عمر يناظرهم : منجدكم ما معهم حتى محرم خلهم
رشاش يلف عليه : اقول وقف وقف بس
فاتن : بنات بنات وقفو مضاربه جت سياره لنا
رشاش : عسى ماشر صاير شي؟
رهام : ايوا صاير شي سياره فجأه خربت ومادري اشفيها
عمر : يمكن بانزين؟
فاتن : ماندري ولله اشبها صح ساره؟
لفينا حصلت ساره جالسه ومتربعه على رصيف
تكمل الروايه نويت وقتها اذبحها بدال رهام
سلطان : منهي ساره؟
رهام ببتسامه وهي تعدل طرحتها : خدامتنا
فاتن بضحكه : ايوا شغالتنا
ساره معصبه : اسكتو خلوني اقراء !!
ساره
رفعت راسي وياليتني ما رفعت راسي
انصدمت لما شفت الاشخاص ذولي نفسهم الي كانو بالجريده
حقت ابوي امس وقتها حسيت يا ارض انشقي وابلعيني
رشاش : وش فيها اختكم مصدومه؟
سلطان : كأنها شايفه جن
ساره : انتم ق...اقصد تبون شي؟
فاتن بهمس لرهام : وش فيها ساره
رشاش ينزل : يكفي كذا
طلعت سلاحي ببتسامه ومسكت اقرب وحده لي
كانت ملفته لنظر بنسبه لي مسكتها من يدها وبدت مصدومه
رهام
فكيت كعبي وكنت بضربه على راسه
لكنه اقوى مني واخذ الذهب الي في يدي كله وبدأ يناظر وجهي
غمضت عيوني لما شفت يده جت على صدري رجفت خايفه قطع سلسالي الي من ماما وناظرني ببتسامه وغطاء فمي
" ياليتني قدرت اضرب وجهك بكعبي يالحقير"!
——
بعد مده ربطناهم كلهم
وحطيناهم بسياره ومشينا لديره طبعاً بعد ما سرقناهم
من ناحية الذهب وكل شي...
——
منال
كنت امشي بتعب وارهاق بسوق اخذت الي ابي من سوق
ورحت للبير وانا احس في شخص يمشي وراي كنت خايفه
رحت للبير وعبيت الدلو ورتحت اكثر لما شفت البير
في بنات معايا تنهدت عبيت الدلو ومشيت بسرعه اعطي اكل لرعد وارجع للبيت دخلت للحصان رعد بديت اخليه ياكل
وسمعت صوت انصدمت منه
عزيز وهو يمسك السوط : جدتك طلبت مني اجي اساعدك
منال انصدمت والتفتت : عزيز!
عزيز وهو يلعب بسوط : وش فيك كأنك شفتي جني
منال
بهلع مسكت نفسي عشان ما انهار
وانا اشوف السوط بين يدينه دب الرعب بقلبي
عزيز استغربت وانا اناظرها : وش فيك؟
منال برجفه : ولا شي
منال
ذا شي من الماضي لا تسوين شي غبي يا منال
بكيت وماقدرت استحمل ونزلت راسي وجثيت على ركبتي
" اسفه اسفه ما كان قصدي لا تضربني "
" ماراح اعيده صدقني ماراح اعيدها اوعدك "
عزيز
انصدمت مستغرب مافهمت وش فيها
بدت تشهق وتتعرق كانت بحالة هلع وخوف
منال : تكفى لا تضربني ما كان قصدي صدقني
عزيز ابعدت السوط : ارجعي لوعيك يا منال ماراح اضربك
منال : خلاص وقف تكفى
عزيز
مسكت وجها بيديني وخليتها تناظر عيوني
عشان تفوق وتستوعب بدت تهدى
عزيز : انا هنا ماراح اسوي لك شي
عزيز
من كان يسوي لها كذا من كان يعذبها كيف
احد يقدر يضرب مثل هالوجه
" عشان ارميه لذيابتي "
تنهدت وشفتها تهدى مع الوقت الى ان شفتها تتنفس طبيعي
وهي تناظر وماتقدر تتكلم ومنزله راسها
عزيز " كان الفضول ذابحني اعرف لكن ما قدرت "
منال : اسفه ورطتك معي وتعبتك
عزيز : لا عادي بس في احد كان يعذبك؟
منال ترفع راسها : السالفه من سنين حتى اخواتي مايدرون
عزيز : ماراح اعلم احد تكلمي ؟
—
رشاش
يناظر لسماء ويفكر يقاطعه صوت عمر
عمر : الحين بعد ما خطفتهم ايش راح تسوي؟
رشاش : مادري يخي
سلطان : كانت الخطه نسرقهم ما نأخذهم معنا
عمر : زاد الحمل حملين ، شوي ونوصل لديره
——
مصلح
كنت جالس مع الجده سوالف وضحك ولا خلتني
اروح او اتحرك من فراشي
ام عراد : بيجون نسوان الديره يا وليدي ما شاء الله صارت بنيتك زينه الحين جسمك رياضي
مصلح ببتسامه : تسلمين يا خاله
ام عراد تطلع : اذا تبي شي ناد شهد ولا خلود
مصلح : ابشري
ام عراد
طلعت وجلست مع نسوان بالحوش اعلمهم اخر الاخبار
الا واشوف وحده منهم تتكلم وتقول
ام محمد : يقولون دخلتي رجال مسلح لبيتك صحيح؟
ام عراد بنص عين تناظرها : ايي وش عندك ؟
ام محمد : لا بس ما تخافين على روحك
ام عراد : الحين ذا بيتي ولا بيتك ( تبعدها بالعصا )
اطلعي اطلعي من بيتي
ام سعود : علامك عليها خليها ام محمد تحب تهرج
ام عراد : تسمعينها ايش تقول؟
ام سعود : ابي اشوفه
ام عراد وهي تشوف نسوان كلهم يبون يشوفون مصلح
ام عراد بغرور : بشوف بعدين لكن الحين مقدر مريض وتعبان
شهد
دخلت لغرفته وشفته جالس يسولف مع العنز كتمت
ضحكتي وقاعده اراقبه من شباك التفت اناظر من وراي خايفه تكون جدتي وراي رجعت اشوفه لكنه ما كان بمكانه استغربت
الا واشوفه يصدمني لما يطلع قدامي من شباك وكان يضحك بقوه
مسكت قلبي خايفه ومخروشه
شهد : غبي انت تبي قلبي يوقف من الخوف
مصلح بضحكه : تستاهلين ، وش مجلسك هنا ؟
شهد : انا الي مفروض اقول هالكلام انت الي وش مجلسك مو المفروض تطلع انت وخويك؟ مو تدقها سوالف مع جدتي
مصلح : انا تعبان مقدر اتحرك
شهد
دخلت للغرفه وضربته على كتفه معصبه : الي تعبان
ما يوقف ولا يتحرك من مكانه لكن انا اشوف العكس
اشوف واحد ما فيه الا العافيه!
————
في قسم الشرطه
..... : عبدالرحمن صار له يومين من يوم اختفى ؟
———
يتابع
نجمه ، تعليق ، نشر القصه