#المستشفى
.
.
.
الحلقه الرابعه عشر
.
.
.
عصام>> باتي
باته>> نعم وانت يوم يومين جايني في موضوع
عصام>> قتلك اللي قتلك عليه بيخطب نوران قالي جاي الاسبوع لجاي هو وهله
باته >> باهي فيها خيره
عصام>>ان شاء الله
//
.
.
.
كنت في المستشفى علي قيس الساعه 4 القايله هكي كنت انا ومحمد نكشفو علي مريض و كملنا شغلنا وطلعنا
محمد>> من بكرا امسكي مكان جمانة في القسم لي لوطا اصلا مافيش حد يهني
انا>> باهي
محمد>> غريبه ما فرحتيش
وكنا نحكو ونمشو في الممر انا وياه
انا >> لا عادي فرحانه بس فيه موضوع شاغلني
محمد>> موضوع خوك لي مبدري
انا>> اها
محمد>> توكلي علي الله وشوفيه بلكي اتريحيله يلي يجيك ما فيش مشكله
انا>> عادي نسألك سؤال ؟
محمد>> شنو!
انا >> انت ديما واخذ الحياه هكي ببرود ؟ وما فيش شي يأثر فيك
وكنا نمشو ووقفنا عند غرفة تغيير الملابس وفتحت الباب وصبيت و نراجي في محمد يرد
محمد>> لا مش كل حاجه واخذها هكي بس فيه حاجات ما يستاهلنش اصلا اني نفكر فيهن
انا >> بس انا ملاحظه انه كل شي تاخذ فيه هكي
محمد>>تو بعد تعيشي معايا في الحوش احكمي لانه شخصيتي هنا تحتلف عن شخصيتي بين ناسي و القريبين ليا
انا >> ممكن برضو وسلحت البالطو الابيض و خشيت للدار وسيبت محمد برا
.
.
.
نهي>> حسن
حسن يتشغل علي الكمبيوتر >> نعم
نهي >> بحت فيا
حسن>> نهي احكي عندي شغل واجد
نهى>> حكيت مع الدكتور مراد علي الاجازه لي بتاخذها ؟
حسن>> أه قتله اسبوعين
نهي >> يعني اكيده
حسن >> ما قلنا اه
سكتت نهي و حسن بحت فيها
حسن>> كنك رايحه تسألي واجد علي السفره
نهي >> شي مغير خاطري نسافر حتي انا بس 😒
حسن >> والله نحكي جد
نهي ارتبكت >> لا شي بنعدي نشوف بلكي حد يبي مساعده
وعدت تجري سيباته
.
.
.
روحت للحوش وانا تعبانه بكل
انا >> منذر فاضي
منذر>> نعم
انا >> كيف بيسير توا في موضوع عصام
منذر >> ما بيسير شي وافقتي باهي وكان رفضتي باهي ما حد دخله مش بالغصب الجواز
انا >> منذر شن اسلوب الديموقراطيه يلي تحكي بيه انت مش عارف هلك ؟
منذر >> لا عارفهم 😒
انا>> خلاص باهي احكي كويس 😒
منذر>> غير كل شي في وقته توا بنسألك
انا>> ش وقته خلاص ماازال كم يوم بس 😭
منذر>> بتسمعي ولا نصبي ندقك😒
انا >> احكي ها
منذر >> قبس "مع ابتسامه عريضه"😀
انا>> كنها قبس ؟😒
منذر >> مرتبطه ؟
انا >> مش عارفه
منذر>> تي قولي
انا>> نقولك بس بشرط
منذر>> عليك محقنه شن تبي
انا >> تساعدني في موضوع الخطبه وتصبي معايا
منذر>> تي باهي تم قولي
انا >> لالا مش مصاحبه صاحبتي مؤدبه
منذر>> باهي خلاص اطلعي منوره
انا >> خزي مصلحه
منذر>> تي اطلعي
طلعت وخشيت رنيت علي قبس نبي نحرق اعصابها زي ما تديرلي الحيوانه بس اول شي لازم نحكيلها علي قصة الخطبه
انا >> يانا عليا ما نبيش
قبس>> بلكي يطلع سمح تخايليه محمد
انا>> حي علي محمد اليوم
قبس>> كنه
انا>> كل يوم يزيد سماحه
قبس >> يانا عليا تعالي هنا قوليلي شن صار في نهي وحسن
انا>> لهم فتره لاصقين في بعضهم شكله في تطورات
قبس>> لما تسير حاجه قوليلي
والعرسان شن جوهم
انا>> جمانه ونادر لا حياة لمن تنادي هايمين في العسل ومسيبين الشغل علي راسي انا ومحمد حي بكرا نبي ننزل للقسم لي لوطا بدال جمانه
قبس>> اووووه باهي مشاء الله
انا>> سلمك شن جو شغلك
قبس>> دراه كبد بكل
انا >> مازلتي انتي ومديرك
قبس>> اها الله يدره كبده الحيوان
انا>> تي مكثر دوتك نسيتيني عليش رانه اسمعي منذر يسال عليكي
قبس>> منذرررر شن قال
أنا>> يفترش 😂
قبس>> احكي شن قال
انا>> تي قالي مصاحبه ولالا
قبس>>وشن قلتي له
انا>> قتله مصاحبه 😌😂 نبصر قتله مش مصاحبه درتك ملاك نازل من السماء
قبس>> كلبة
انا>> تي باهي شن ندير في موضوع الخطبة
قبس>> ما فيهش ما اديري ارفضي وبلا طولت كلام هيا خليني نعدي نصلح اوراق الامتحانات
انا>> ان شاء الله يكمل عليكي حبر البنينه باهي 😂🏃
.
.
.
محمد روح للفيلا وخش للجنان لقا منصف متكي وعالق السماعات وفي عالم اخر صبا قدامه محمد
منصف>> اويي
محمد>> تي لعند امتي بتقعد هكي من الجنان للحوش
منصف >> حكيت مع باتي قالي تو ندورلك شغله 😌
محمد>> يانا عليا يا ولد باتك انت 😂
منصف>> ها امالا بنقعد ولد عيت جيرانا
محمد>> شاك فيك ولدهم اصلك تشبه لهم
منصف>> روح بصارة دكاترة مافيهش جو
محمد>>خليك هنا تو نجيك بنركب نغير دبشي ونكلمو معتصم وعلي وسامي والبنات هنا لنا زمان ما هدرزنا
منصف>> تم تم تو نكلمهم علي ما نزلت
ركب محمد فوق يغير في دبشه ورن منصف علي معتصم وعلى وقاللهم كلمو رنا وريهام
ورن علي سامي قاله ينزل بس سامي ما بش 😂وجا يبي يرن علي حلا وحسناء بس الشيطان لعب في راسه وتوكل علي الله وصبا عدا للفيلا لي جنبهم👈🏃
دق علي الباب وما حد فتح قعد يدق اخرى
حلا >> تي منو منو
حسناء>> صبي حلي تعبانه ظهري بكل
حلا>> تي باهي
صبت حلا وكانت لابسه دبش الحوش فتحت الباب ولقت قدامها منصف
منصف مازال يدربك
حلا>> هيييييه خلعت الباب
منصف>> خلخل عظامك
وبحت فيها
حلا>> كنك تبحت
منصف>> اوووووبا 😍 بالبودري بكل طالعه
حلاتحشمت>> منصف فكني من حركات الصياع شن تبي سقدني
منصف>> تو افرضي طلع شي حد اخري داق الباب تفتحي هكي عادي مره اخري البسي حاجه
حلا>> عادي نحن كلنا هنا كيف الخوت 😌
منصف >> لا صاح معاكي الحق ...عموما محمد قال تعالو في الجنان نكسدو كان تبو تجو
حلا>> تو نشوف حسناء ونجي
منصف >> باهي 😒 وعدا وسيبها
وخشت حلا لما حست انها ردتها له
.
.
.
يوسف >> والله مرايف علي محمد
وفاء>> محمد من
يوسف>> ولد خويا
وفاء>> صغير ؟
يوسف>> تي شايب انا خوتي كلهم مجوزين وهما صغار بكل و جابو عيال وقعدنا نحن وعيال خوتي كيف الخوت ما كأنيش عم بكل حتي هنده اختي بنات خوتي يعاملن فيها كيف اختهن
وفاء>> ربي يخليكم البعضكم
يوسف>> ويخليك ليا
وفاء ابتسمت>> ما تعرفتش علي هلك انا
يوسف>> مازااال ياما جايك حتعرفي عليهم كلهم اصلا نحن حنسكنو معاهم و حا تاخذي عليهم بسرعه خليها توا نحن بروحنا هكي
وفاء>> من مبدري تلف وادور شن تبي بزبط؟
يوسف ضحك
وفاء>> مش قتلي بنطلعو
يوسف>> باهي شويه اخري
وفاء>> خلينا توا نطلعو بعدين ليل وتوا الساعه قريب11
يوسف>>انتي مصر ما ترقدش بكل 24 ساعه واعين
وفاء>> باهي نعدي نلبس
يوسف>> عدي علي ما كلمت محمد
وفاء >> باه
ورن يوسف علي محمد
محمد>> عريسناااا
يوسف>> حمادي
محمد>> لا مدام حمادي معناها راضي
يوسف>> لا الامور ميه ميه رايفة عليكم
محمد>> والله حتي نحن توا نزلت لوطا لميتهم كلهم من ايام العرس معش التمينا
يوسف >> خيانه
محمد>> تي كنك معش روحت كبدت غادي
يوسف>> أسبوع اخري ومروح
محمد>> الكلب نادر لا كلم لا دورنا بكل
يوسف>> هضكي فوته بكل ما ادورش توا
محمد>> مغير قتلك
يوسف>> نعم
محمد>> عندي لكي خبر ما صار بكل
يوسف>> شنو
محمد>> بنخطب 😌
يوسف>> لالالالااااااااا منو وكيف صار
محمد>> وحده نعرفها هكي بس فيه قصه سايره
يوسف >> شنو ؟
محمد>> هي بيجوها عرب وانا نبيها
يوسف>> خير البر عاجله يا طير اسبق انت العرب و من بكرا عدي
محمد>> لا كيف مش من بكرا ندوي مع خوها قبل في موال في راسي نغنيه ونقولك عليه
يوسف>> اول بأول خليك معايا اه
محمد>> تم يا طيري
.
.
.
كانو كلهم ملتمين في لجنان يهدرزو مع بعضهم
منصف >> يا محمد
محمد>> نعم جاي جاي
منصف>> تي في من كنت تكلم
محمد>> يوسف
منصف>> اوووه عقبالنا حتي نحن ونهجو هالهجه
وعلي طول حسناء و هنده بحتن في حلا لازم منهن اللقطات هذينا😂
حلا فنصت فيهن ومنصف زرق علي الموضوع
علي>> خواتي وينهن ؟
معتصم>> توأم الشر هذينا ما يختفن الا وراهن مصيبه
هنده>> اهن جن
وجن رنا وريهام >> حرام بريئات نحن
علي>> لا بكل
هنده>> كلا انا بنخش نرقد ماني فاضيه لهبالكم
وخشت هند
رنا>> هكي قعدنا 4 ب 4 😂😂 وكبت شيشة الميه على منصف
منصف مسك الميه وجا عند حلا
حلا>> حول يا منصف اللبسه جديدده
منصف>> ريت هاللبسه
محمد>> حي علمه تو انتهزبو بكرا 😂😂 بحت كيف خلينا لجنان
منصف>> مش شوري نبي نرقد وعدا هرب
وكل واحد دفها في لاخر و مشو كلهم خشو غيرو دبشهم ورقدو
.
.
.
مرن كم يوم وجا يوم الخطبه
كنت في الصبح في المستشفي
نهي >> صباح الوجه المقلوب
انا >> مانحكيلك اليوم بيجو الناس ما عنديش لهم جو
نهي >> تي غير توكلي علي الله بس
وجا محمد يمشي من بعيد وقعدت سرحانه فيه بعدها تعوذت من الشيطان 😒
محمد>> صباح الخير
نهي>> رايق اليوم
محمد>> علي الاخر
نهي>> اقسم علي هذي شويه
محمد>> البومه هذي
انا >> من البومه يا استاذ عصبي 😒
محمد>> بلا طولة لسان و امشو ننزلو الحسن
ومشينا الحسن كان في الكافي ونحن ماشيين شوره
نهي>> طرف صح
انا>> بككككل ونبحت في محمد
نهي>> نحكي علي قدامك انا 😒
قعمزنا حذا حسن وكان طالب عصير كريته بدون استئذان وقعدت نشرب😂
محمد>> بشويه را تشرقي
وما كمل كلمته الا وانا شارقه😂😂😂
محمد صبا >> نوران كنك
انا نشير علي رقبتي بنقوله ما فيش نفس
مسك محمد شيشة اميه وقعد يشرب فيا
انا >> الحمد لله
محمد>> ما قتلك بشويه
انا>> ما فطنتش شكله حسن عاطيه بلا نيه
حسن>> انقني حاط عليه عيني 😂😂
انا>> حيوان عارفتك😂😂
وكملو نهي وحسن تهدريز وبرم عليا محمد
محمد>> انتبهي مره اخري
انا ابتسمت >> شكرا
محمد>> العفو و غمزلي
.
.
.
روحت للحوش متأخر بكل و محمد طلع قبلي علي طول بديت نلبس ومش عارفه شن نلبس 😭
وكانت معايا قبس ونعيط وحالتي حاله ....و درت شعري و قبس توصي فيا مكيجي 😂 ما كسرتش بخاطرها درته خفيف
وشوي هكي وجو الصبايا 😭💔وفتحت امي ونزلت مرات عصام من فوق و كانت قبس في المطبخ وانا معاها قاعده وهما جن منهم 3 صبايا بس
انا>> شكلها امه وجدته وفيه وحده اخري صغيره ما عرفتهش من
قبس >> تو تخشي وتعرفي
انا>> اووف
وخشو للصالون ويهدرزو مع امي و ضاربين الميعاد كأنه لهم سنين يعرفو بعضهم😂
قبس>> خلاص شيلي العصير طولنا بيه امك نشفت ريق العرب😂
انا>> هاتي السفره ما تضحكينيش يا حيوانه😂😂 ادعيلي
قبس>> عدي تقول خاشه علي معركه 😂
وخشيت عليهم ومديت العصير وسلمت علي الصبايا وقعمزت شويا هكي و عرفوني عليهم وفعلا طلعت امه وجدته والبنت تكون عمته وقعدو يتفحصو فيا من فوق للوطا😂 وشوي هكي وما نلقا الا امي تفنص وانا نسجمت بنهدرز وكنت نحكي مع عمته
عمته>> ان شاء الله ربي يتمم بينكم انتي ومحمد
انا >> اسمه محمد ؟
عمته>> اها
وامي تفنص 😂
انا>> تو نجي شويه وطلعت للمطبخ وخشيت القبس هاتي القهوه امي فضحتني 😂
وعديت شلت القهوه والحلويات وما قعمزتش طلعنا و شوي هكي قالو انه خش ويحكي مع باتي و معتصم في المربوعه دايرينله استجواب مسكين😂
قبس>> سخفني الراجل من بدايتها هكي 😂
انا>>😂😂
وخش معتصم قالي ديري قهوه واطلعي سلمي علي الراجل وهنا بدا الجد قلبي بدا يدق ونرعش درت قهوه وسقمت شكلي وطلعت
وهنا كانت الصدمة
نلقا محمد! اها محمد 😳 الدكتور محمد بنفسه مقعمز في مربوعتنا وابتسامته من وذن الوذن
معتصم>> تعالي مدي القهوه
انا كنت نمشي وخايفه روحي ندوخ من الصدمه
محمد>> خير 😌 ويحكي بكل راحه وبرود
وانا حايره مش قالولي مهندس وعمره 35 تي شن جابه المحمد وكيييف كيف وعصام كنه ما حكا 😐
عصام >>تو نجي نشوف باتي برا
انا اول ما طلع عصام قعدت متنحه في محمد
انا>>محمد
محمد>> ااسسسس بس خلينا نحكو علي السريع قبل ما يجي خوك
وجا قعمز حذايا
انا >> احكي كيف وشن فيه
محمد>> اتفقت مع عصام خوكي اول امس وفركشها مع صاحبه و قالي تعال
انا>> بس كيف اقتنع وانت اصلا ليش جيت؟ تي مش بتخطب وحده اخرى شن الي صار
محمد>> اهو نصيب😌
انا>> بس انا مش موافقه
محمد قرب مني >> كيف ما سمعتش
انا>> عليش درت هكي ؟ خطبه وزواج هكي وخلاص ما فيش حب ما فيش مشاعر
محمد>> من قالك بنحبو بعضنا ولا بنديرو مشاعر
انا>>كيف يعني ؟
محمد قرب عليا وقدم عند وذني وبصوت واطي>> كل شي في وقته سمح
وقعد يبحت في عيوني وبيني وبينه شعره بس
انا>> محمد بعد
وقعد محمد يقرب اخري
محمد>> حا توافقي غصبا عنك
انا>> محمد حول حا يخش عصام
وكنت مصدومه بكل مش عارفه شن ندير
محمد>> نوران كنك
انا دفيته>> انت قريب مني واجد وعصام ح يخش يفهم غلط
وصبيت نجري وطلعت مشيت للمطبخ وقبس تحكي وانا ما فيش في راسي غير صوت محمد وكلام محمد شربت اميه و قعمزت علي الكرسي متاع المطبخ مصدووومه بكل و فرحانه ومش مصدقه
شويه وطلعو هل محمد وروحو
قبس>| نوران احكي
انا>>محمد يا نوران محمد هوا جوا
قبس>>تي من ؟
انا>> محمد يا قبببس الدكتور محمد
قبس>> نعم كيييييييييييف قصدك هوا يلي جوا
انا حكيت القبس والي فهمته
قبس>> كنت حااااااسه كنت والله
انا >> بس حاسه بحاجه شينه ؟ محمد كان كلامه تهديد كانه بيدير حاجه ما فهمتهش شنو
قبس>> تي افرحي مش وقت نكد
وكانت قبس تقول انخطبت هي وانا مش متريحه ومش مطمنه المحمد نحس فيه بيلعب بيا ولا حا نتعب معاه فيه حاجه حا تصير بس ما فهمتهش شنو
.
.
.
روح محمد بهله للحوش وخشو و استقبلنهم البنات بالأسئله
حلا>> سمحه ولا شينه
حسناء>>كم عمرها ومواليدها
ريهام>> طويله ولا قصيره ؟
رنا>> سمينه ولا رقيقه
هنده>>ووووه عليا صبر صبر
حلا>> هياااا من مبدري ونحن نراجو
هنده>> سمحه مشاء الله عليها
حسناء>> المعني الحقيقي لي اللهم طولك يا روح😐 احكي
هنده>> تي تشتغل معاه في المستشفي حتي هي المساعده متاعه دكتوره يعني و كويسه شعرها طويل وبيضا ومش طويله طشه هكي وكويسه ملامح البنات شن التحقيق هضا
حلا>> خاطري نشووووفها
هنده>> في العرس تو تشوفيها 😒
حسناء>> حندير روحي مريضة ونمشي للمستشفي😂😂
ريهام>> حتي هي خطيبة حمادي لازم تكون سمحه
هنده>> غير ريحن روحكن وخطنا 😂
.
.
.
جمانه ونادر يوتو في دبشهم عشان بكرا مروحين
نادر>> حبيبي
جمانه>> نعم
نادر>> شن رايك نشري صاكو ابروحه نحطو فيه الهدايا
جمانه>> احسن لانهن واجد
نادر>> جبتي لهم كلهم ما نبيش حد يزعل
جمانه>> جبتلهم كلهم بس خوتك انت جيب
نادر>> لالا فوتيهم الحمير مش وجوه هدايا 😂
جمانه>> عيب
نادر>> لا والله الشباب فوتيهم
جمانه>> مازال بناخذ النهي وحسن ونوران ومحمد
نادر>> حا نفلس انا
جمانه>> عيب نخش للمستشفي يدي فاضيه و تذكر كيف صبولنا في عرسنا بذات نوران ومحمد ماسكين مكانه توا
نادر>> خلاص معناها هيا البسي ونطلعو نشرو لي ناقص بكرا طيارتنا في الصبح يادوبك نفطرو و نطلعو
جمانه>> باهي نلبس علي السريع
.
.
.
طبعا محمد كان حاكي اليوسف علي نوران وداويله القصه كلها وكان يكلم فيه
يوسف>> شن صار
محمد>> لا لعند توا تمام
يوسف>> قريب نفرحو بيك يعني ؟
محمد>> أن شاء الله
يوسف>> بس كيف قنعت خوها
محمد>> بيني وبينك خوها متاع فلوس وما صدقني جيت وطلبتها
يوسف>> معقوله
محمد>> والله جيته وحكيت معاه تخيل حتي ما حكاليش علي العرب لي جايينها بكل قالي تم و تفضل وشكله عدا فركشها مع العرب لخرين وخلاص
يوسف>> تقدر و الله
محمد>> تي عيب ولد خوك يعرف بصرف😌
يوسف>> وجك مش فاضيلك توا
محمد>> تم تم اوكي
.
.
.
ثاني يوم في المستشفى
انا خشيت بسرعه وعديت الغرفه غيرت دبشي وما نبيش نشوف محمد بكل ... نزلت للقسم لي لوطا ووقعت ومسكت مكان جمانه
قعدت نلهي روحي بلحالات ونجري هكي وهكي مع انه ما فيش حاجه تستحق جهد بس انا ما نبيش نفكر في الموضوع وبعد شوي نزلت لي نهي
نهى>> تي وينك ؟
انا >> قاعده هنا
نهي>> مبروكك يا عروس
انا>> مبروك علي شنو مازلت ما وافقت
نهي>> تي محمد لي جايك لا اراديا توافقي
انا>> كيف عرفتي انه محمد؟؟؟؟
نهي>> محمد قالها الحسن وحسن قالها ليا
انا >> عليك شهدره
نهي>> باهي ليش متوتره هكي
انا>> خايفه بكل 😞 مش متريحه
نهي>> صلي استخاره
انا >> تو نصلي حاضر
نهي>> باهي كملي و تعالي في كافي
انا>> لالالا فكيني ما نبش نشوف محمد
نهي>> تي تعالي حسن بكرا مسافر سلمي عليه
انا>> باهي
وعدت نهي وانا مشيت نكمل في باقي الحالات
.
.
.
في الفيلا روحو نادر وجمانه ....
نادر >>>
.
.
.
#يتبع