" ကိုကိုျမင့္ ။ ေရာ႕ ငါးဖယ္ေလး စားေခ် ။ "
သီရိၿမိဳင္စံအိမ္ေတာ္ႀကီးရဲ႕ ထမင္းစားခန္းႀကီးထဲ၌ ရာဇဝတ္အုပ္ကိုျမင့္ေမာင္ နဲ႔ အတူတူ ဇနီးငယ္ ညိဳေလးတို႔ နွစ္ေယာက္ ထိုင္ေနၾကျခင္း ျဖစ္သည္ ။
ညိဳေလးကေတာ့ မစားပါ ။ မမၿမိဳင္ မစားရေသးတဲ့ အိုးထဲကထမင္းကို ညိဳေလး မနႈိက္ခ်င္ခဲ့ပါ ။
" ဘယ္လိုျဖစ္ၿပီး ရုတ္တရက္ႀကီး ေရာက္လာတာလဲဟင္ ။ ကြၽန္မက ကိုကိုျမင့္ဆီ ထမင္းခ်ိဳင့္ လာပို႔ေတာ့မလို႔ပဲ ။ "
" ေဟာ ညိဳေလးရယ္ ။ တစ္ေခါက္ေလာက္ေတာ့ ကိုကိုျမင့္လည္း ဇနီးငယ္ရဲ႕ မ်က္နွာကိုၾကည့္ၿပီး ထမင္းစားခ်င္တာေပါ့ ။ "
" ဟြန္႔ ။ ကိုကိုျမင့္ေနာ္ ။ ဒီစကားကို မမၿမိဳင္ၾကားရင္ ကြၽန္မကို မုန္းလိမ့္မယ္ရွင့္ ။ "
" ဘယ္ကသာ ။ ၿမိဳင္က အဲ့လိုမိန္းမမ်ိဳး မဟုတ္ဘူး ဆိုတာ ကိုကိုျမင့္ ေကာင္းေကာင္းသိတယ္ ။
အခုက ညိဳေလးကို သူစိတ္ဆိုးေနတာပါ ။ "
" ဒီလိုပဲ ေမ်ွာ္လင့္ရပါတယ္ေလ ။ "
ကိုျမင့္ေမာင္ဟာ စားေနတဲ့ ဇြန္းကို ပန္းကန္ေပၚ၌ခ်ကာျဖင့္ ေဘးကေရေႏြးခြက္ကိုယူကာ တစ္ငံုကယ္မ်ွ ေသာက္လိုက္ေပေတာ့သည္ ။ ညိဳေလးကေတာ့ လင္ေယာက္်ားကို ေဘးနားက ယက္ေတာင္ေလးခပ္ေပးေနလို႔ပါပဲ ။
" ေၾသာ္ ။ ဒါနဲ႔ ဒါနဲ႔ ။
ၿမိဳင္ နဲ႔ေရာ အဆင္ေျပရဲ႕လား ။ အေျခအေနေတြေရာ ဘယ္အဆင့္ထိ ေရာက္ၿပီလဲ ။ "
ကိုျမင့္ေမာင္ရဲ႕ စကားေၾကာင့္ ညိဳေလးမွာ သက္ျပင္းတစ္ခ်က္ ရႈိက္လိုက္မိေပေတာ့သည္ ။
" ဟူး ။
အဲ့တာေတာ့ ေျပာကို မေျပာခ်င္ေတာ့ပါဘူး ကိုကိုျမင့္ရယ္ ။
မမၿမိဳင္ကေလ ကြၽန္မနဲ႔ပတ္သက္ရင္ ဇီဇာအရမ္းေၾကာင္တာပဲရွင္ ။
ဒီကေတာ့ျဖင့္ အစ္မတစ္ေယာက္လို ခ်စ္လိုက္ရတာ ။ မမၿမိဳင္ကေတာ့ ကြၽန္မကို သူစိမ္းလိုပဲ သတ္မွတ္ထားေနဆဲပဲလား ။
အို ။ မသိေတာ့ပါဘူး ကိုကိုျမင့္ရယ္ ။ "
" ဘာပဲျဖစ္ျဖစ္ ။ ညိဳေလးက ၿမိဳင္ သေဘာက်လာေအာင္ ႀကိဳးစားရမယ့္သူ မဟုတ္လား ။ အဲ့အတြက္ အားတင္းထား ။ ညိဳေလးအေနာက္မွာ ကိုကိုျမင့္တစ္ေယာက္လံုးရိွတယ္ ။ ၿမိဳင့္အေၾကာင္း သိခ်င္ရင္ ေမးလွည့္ ။ ဟုတ္ၿပီလား ။ "
" ဟုတ္ကဲ့ ကိုကိုျမင့္ ။ "
ထိုအခ်ိန္ သီရိၿမိဳင္စံအိမ္ေတာ္ ၿခံဝန္းထဲသို႔ ဝင္လာတဲ့ ရထားလံုးအသံကို ညိဳေလးၾကားလိုက္ရပါေတာ့သည္ ။
" ဟယ္ ။ မမၿမိဳင္ ျပန္ေရာက္လာတာထင္တယ္ ။ ကြၽန္မ သြားႀကိဳလိုက္ဦးမယ္ ကိုကိုျမင့္ ။ "
ညိဳေလးမွာ ကမန္းကတန္းနဲ႔ ခံုေပၚကထလို႔ အေရွ႕ကို ေျပးဖို႔အရွိန္ယူေနခ်ိန္မွ ကိုျမင့္ေမာင္ဟာ ခ်စ္ဇနီးငယ္အား သတိေပးလိုက္ပါေတာ့သည္ ။
" ေျပးမသြားနဲ႔ ။ ေခ်ာ္လဲမွျဖင့္ ။ "
" ဟုတ္ကဲ့ပါ ကိုကိုျမင့္ရဲ႕ ။ "
သို႔ေပတည္း ညိဳေလးမွာ ကိုျမင့္ေမာင္ စကားကို နားေထာင္ပါ ။ မမၿမိဳင္ကိုသာ အေျပးႀကိဳဖိုု ဆႏၵေစာေနေပသည္ ။
ထမင္စားခန္းထဲမွ အေျပးထြက္လာေသာ ညိဳေလးဟာ အိမ္ေရွ႕ဧည့္ခန္းႀကီးက နွစ္ဖက္ခြဲေလွကားအေရွ႕မွာ မတ္တပ္ရပ္လိုက္ၿပီး ေမာဟိုက္ဟန္ျဖင့္ ၿပံဳးရယ္ေနေတာ့သည္ ။
ဒါကို ရထားလံုးေပၚက ဆင္းလာတဲ့ မမၿမိဳင္ မေတြ႕ေသးေခ် ။
ေျခတစ္လွမ္း ကုေဋတစ္သန္းတန္ေလာက္တဲ့အထိ မမၿမိဳင္ရဲ႕ ေျခလွမ္းတိုင္းကို ညိဳေလး ေငးၾကည့္ေနမိေတာ့သည္ ။ ညာဘက္ပါးမို႔ေပၚက မဲ့နက္နက္ေလးဟာလည္း မမၿမိဳင္ရဲ႕ အလွကို အင္အားျဖစ္ေပးေနလို႔ ။
ဒီမိန္းမက သိပ္လွတာပဲ ။
ေယာက္်ားေတြရဲ႕ အူအသည္းေတြကို နင္းေျခနိုင္တဲ့ အျပင္ ငါ့လိုမိန္းမတစ္ေယာက္ရဲ႕ ရင္ဝကိုပါ ဓားနဲ႔လာမႊန္းေနတာပါလား ။
မမၿမိဳင္ မမၿမိဳင္ ။
" အဲ့တာ ဘာရုပ္လဲ ။ မသက္သာလိုက္တာေနာ္ ။ "
အေတြးကမာၻထဲ ေရာက္ေနတဲ့ ညိဳေလးမွာ မမၿမိဳင္ အသံကိုၾကားလိုက္ကာမွျဖင့္ အိပ္မက္ဆိုးမက္ၿပီး လန္႔နိုးလာတဲ့လူလို ခ်က္ခ်င္းအလန္႔တၾကားျဖစ္သြားေပေတာ့သည္ ။
" အမေလး ။ "
" ဘာျဖစ္တာလဲဟယ္ ။ "
" ဟို လန္႔ သြားလို႔ ။ "
" တကယ္ပါပဲ ေနာ္ ။ လန္႔သြားရေအာင္ သရဲျမင္လို႔လား ။ "
" မမၿမိဳင္ကို ျမင္လို႔ ။ "
" ဗုေဒၶါ ။ အဲ့တာ ဘာစကားလဲ ။ "
ညိဳေလးမွာ စိတ္တိုသြားတဲ့ မမၿမိဳင္ရဲ႕ဟန္ပန္ေၾကာင့္ သူမရဲ႕ပါးစပ္ကိုသာ လက္ကေလးနဲ႔ အုပ္ထားေပေတာ့သည္ ။
" တတ္လည္းတတ္နိုင္တဲ့ မိန္းမ ။
ကိုျမင့္ေမာင္ အတြက္ ထမင္းခ်ိဳင့္ ပို႔ၿပီးၿပီလား ။ "
" ဟို ကိုကိုျမင့္က ဒီေန႔ စံအိမ္မွာျပန္စားတယ္ မမၿမိဳင္ ။ အခု ထမင္းစားခန္းထဲမွာ ။ "
" ဘာ ။ သင္းက ။ သင္းက စံအိမ္ကိုတကူးတကလာၿပီး ျပန္လာစားတယ္ ဟုတ္သလား ။ "
" ဟုတ္ကဲ့ မမၿမိဳင္ ။ "
ေတြ႕မယ္ ေတြ႕မယ္ ။
ငါနဲ႔ေကာင္းေကာင္းႀကီး ေတြ႕မယ္ ။
ကိုျမင့္ေမာင္ေရ ။
ၿမိဳင္တဲ့ ။ တစ္ၿမိဳင္ထဲပဲ ရိွတာေနာ္ ။
မမၿမိဳင္ရဲ႕ ထမင္းစားခန္းရိွရာ အိမ္ေနာက္ဘက္သို႔ ကျပာကလ်ာလမ္းေလ်ွာက္သြားေတာ့ ညိဳေလးလည္း အေနာက္မွ ထပ္ၾကပ္မခြာလိုက္ျပန္ေတာ့သည္ ။
ဒါကို မမၿမိဳင္ သိေနေတာ့ ညိဳေလးအား တစ္ခ်က္လွည့္မၾကည့္ဘဲ ေငါက္ခနဲေျပာလိုက္ပါေတာ့သည္ ။
" ေဝးေဝးေလ်ွာက္စမ္း ။ "
ထိုအခါမွ ညိဳေလးမွာ တုန္႔ခနဲ ရပ္တန္႔လိုက္ၿပီး မမၿမိဳင္ ခပ္ေဝးေဝးသို႔ေရာက္မွ အေနာက္က ျပန္လိုက္ေပသည္ ။
ေၾကာက္လိုက္တာ ။
မိန္းမႀကီးေတြ ဘာလို႔ အဲ့ေလာက္ၾသဇာႀကီးၿပီး ေၾကာက္စရာေကာင္းေနရပါ့လိမ့္ ။
ဒါေပမယ့္ ဒီမိန္းမကေတာ့ ျခြင္းခ်က္ ။
ခ်စ္စရာေလး ။
အို ။ ငါ ဘာေတြ ေတြးေနပါလိမ့္ ။
ထမင္းစားခန္းထဲမွာ တိုက္ပံုအနက္ေရာင္ ၊ အထက္တန္းစားလံုခ်ည္ကို ဝတ္ထားၿပီး ေျပာင္ေနေအာင္သုတ္ထားတဲ့ အမ်ိဳးသားစီး ရွဴးဖိနပ္ကို စီးလို႔ ေျခခ်ိတ္ထိုင္ေနတဲ့ ကိုျမင့္ေမာင္ဟာ မိန္းမျဖစ္သူ မမၿမိဳင္ လာတာေတာင္မသိ ထမင္းကို ၿမိန္စြာ စားေနေပေတာ့သည္ ။
ကိုျမင့္ေမာင္ ကိုျမင့္ေမာင္ ။
ဒီမွာ ရွင့္မိန္းမ တစ္ေယာက္လံုးေရာက္ေနတာကို မျမင္ရေလာက္ေအာင္ ကန္းေနသလား ။
မမၿမိဳင္ဟာ ကိုျမင့္ေမာင္ေဘးက ခံုအလြတ္၌ ဝင္ထိုင္လိုက္ၿပီး ပိုက္ဆံအိတ္ကို စားပြဲေပၚသို႔ အသံၾကားရတဲ့အထိ ဗုန္း ခနဲခ်ပစ္လိုက္ေတာ့သည္ ။
" ဘုရား ။ "
ထိုအခါမွ ကိုျမင့္ေမာင္ အသံၾကားလို႔ လန္႔သြားဟန္ျဖစ္ၿပီး ညိဳေလးကလည္း ထမင္းစားခန္းထဲသို႔ အေျပးဝင္ကာ ကိုျမင့္ေမာင္ေဘးက တစ္ဖက္ခံု ျဖစ္ေသာ မမၿမိဳင္နွင့္ မ်က္နွာခ်င္းဆိုင္ခံု၌ ဝင္ထိုင္လိုက္ေပေတာ့သည္ ။
" အဟြတ္ အဟြတ္ ။ လန္႔လိုက္တာ ၿမိဳင္ရယ္ ။ ျဖည္းျဖည္းလုပ္ပါ ။ အစ္ကို ထမင္းစားေနတာေတာင္ သီးသြားၿပီ ။ "
" ရွင္က မ်က္မျမင္ျဖစ္ေနတာကိုး ကိုျမင့္ေမာင္ရဲ႕ ။ "
" မဟုတ္ပါဘူး ၿမိဳင္ရယ္ ။ အစ္ကို ထမင္းၿမိန္သြားလို႔ပါ ။
ဒီမွာ ဒါေတြအကုန္လံုးကိုေလ ညိဳေလး ခ်က္ထားတာ ။ ငါးဖယ္ေလးဆို စီးၿပီးစားေကာင္းေနေရာ ။ ၿမိဳင္ စားၾကည့္လိုက္ ။ "
" မစားပါဘူး ။ "
" ေဟာ ခက္ၿပီ ။ ညိဳေလး မမၿမိဳင္အတြက္ ထမင္းေလးတစ္ပြဲေလာက္ ခူးေပးလိုက္ပါဦး ။
ၿမိဳင္ သေရက်ေနတာ အစ္ကို သိတယ္ေနာ္ အဟားဟားဟား ။ "
၁၂ နွစ္ၾကာၿပီ ။
ဒီစံအိမ္ေတာ္မွာ ရွင့္ရယ္သံ မၾကားရတာ ။
၁၂ နွစ္ၾကာခဲ့ၿပီ ကိုျမင့္ေမာင္ ။
ကြၽန္မ ဒီရယ္သံေလးကို ဘယ္ေလာက္ေတာင္ လြမ္းေနခဲ့ရသလဲ ။
ဒါေပမယ့္ အခုရယ္သံက ကြၽန္မအတြက္မွ မဟုတ္တာ ။
" မမၿမိဳင္ ။ ကြၽန္မ ထမင္းခူးလိုက္မယ္ေနာ္ ။ "
" မခူးနဲ႔ ။ ႀကီးႀကီးနဲ႔ အတူတူ ထမင္းစားခဲ့ၿပီးၿပီ ။ "
" ေဟာ ၿမိဳင္ရယ္ ။ ၿမိဳင့္အတြက္ ညိဳေလးက အပင္ပန္းခံၿပီး ခ်က္ထားရတာေလ ။ "
မမၿမိဳင္ ဘာမွဆက္မေျပာေတာ့ပါ ။ သို႔ေပတည္း ညိဳေလးကို အျမင္မၾကည္ျဖစ္၍ မုန္းေနသည့္မ်က္ဝန္းေတြသာ ထင္ဟက္ေနသည့္ အၾကည့္ေတြသာ ရိွေနေတာ့သည္ ။
ဒီမ်က္ဝန္းေတြမွာ ဝမ္းနည္းမႈေတြပါတယ္ ။ လင္ေယာက္်ားအေပၚမွာ ျဖစ္တည္ေနတဲ့ သဝန္တိုမႈေတြ ပါတယ္ ။
ဒီမ်က္ဝန္းေတြရဲ႕ အဓိပၸါယ္ကိုလည္း ညိဳေလး ဖတ္တတ္သည္ ။ နားလည္သည္ ။
" ဒါျဖင့္လည္း မမၿမိဳင္ ထမင္းထပ္စားခ်င္တဲ့အခ်ိန္ ကြၽန္မကို ေျပာပါ ။ မမၿမိဳင္ အႀကိဳက္ ျဖစ္ေစရပါမယ္ ။ "
" မလိုဘူး ။ "
ထိုအခ်ိန္ ကိုျမင့္ေမာင္ ေခ်ာင္းတစ္ခ်က္ဟန္႔လိုက္ၿပီး သူ၏ တိုက္ပံုအက်ႌထဲက ကတ္ထူကတ္ေလးနွစ္ခုကို ထုတ္ျပလိုက္ပါေတာ့သည္ ။
ညိဳေလးကေတာ့ ဘာေလးမ်ားလဲ ဆိုတာ သိခ်င္ေနေပမယ့္ မမၿမိဳင္ကေတာ့ လက္ကိုပိုက္လို႔ မာန္ထားေနဆဲ ။
" ဒီမွာ ၾကည့္ပါဦး ၿမိဳင္ ။ အစ္ကိုက ၿမိဳင္နဲ႔ညိဳေလးအတြက္ ဂီတပြဲလက္မွတ္ေလး ဝယ္လာတာ ။ "
" အဲ့တာ ကြၽန္မက ဘာလုပ္ရမွာလဲ ။ "
" အစ္ကို႔ ဇနီးနွစ္ေယာက္ကို ရင္းနွီးေစခ်င္တဲ့ ဆႏၵေလးေလ ။ ၿမိဳင္ ဒီဆႏၵေလးကို ျဖည့္ဆည္းေပးမယ္ မဟုတ္လား ။ မဟုတ္လား လို႔ ။ "
မမၿမိဳင္မွာ အခြၽဲလာပိုျပေနတဲ့ ကိုျမင့္ေမာင္ကို ရိုက္သတ္ခ်င္တဲ့အထိ ျဖစ္ေပမယ့္လို႔ မလုပ္ရက္နိုင္မွန္း ကိုယ့္ကိုယ္ကိုယ္ သိေနတာေၾကာင့္ မ်က္ေစာင္းတစ္ခ်က္ထိုးကာျဖင့္ လက္ထဲက လက္မွတ္နွစ္ေစာင္ကို ဆက္ခနဲ ဆြဲယူလိုက္ပါေတာ့သည္ ။
" မနက္ျဖန္ခါပဲ ။ ဘာလို႔ အဲ့ေလာက္ ရက္ကပ္တာကို ဝယ္လာရတာလဲ ကိုျမင့္ေမာင္ ။ "
" ျမန္ျမန္နီးစပ္ေလ ျမန္ျမန္ပိုေကာင္းေလေပါ့ ၿမိဳင္ရဲ႕ ။
မဟုတ္ဘူးလား ညိဳေလး ။ "
ကိုျမင့္ေမာင္ဟာ ညိဳေလးကိုလွည့္ၾကည့္ၿပီး ေမးလိုက္ေတာ့ ညိဳေလးက ၿပံဳးျပကာျဖင့္ ေခါင္းညိမ့္လိုက္သည္ ။
ကိုျမင့္ေမာင္ရဲ႕ အၿပံဳးေတြက ညိဳေလးနဲ႔မွ အသက္ဝင္လာတာကို မမၿမိဳင္ေတြ႕လိုက္ရသည္ ။
ကြၽန္မ ပိုင္ဆိုင္ခဲ့တဲ့ ရွင့္အၿပံဳးကို တျခားတစ္ေယာက္ကို ေပးလိုက္ရတာ ကြၽန္မ ရင္နာမိတယ္ ကိုျမင့္ေမာင္ ။
" ဒါျဖင့္လည္း သြားၾကတာေပါ့ ။ "
မမၿမိဳင္မွာ ညိဳေလးကို မ်က္လံုးေလးလွန္ၾကည့္ၿပီး ေျပာလိုက္ျခင္းျဖစ္သည္ ။ ညိဳေလးမွာလည္း ၿပံဳးရယ္ကာျဖင့္ ေခါင္းညိမ့္ျပေပေတာ့သည္ ။
" ဟုတ္ကဲ့ မမၿမိဳင္ ။ "
" ကဲ ။ ကြၽန္မ အေပၚတက္မယ္ ။ ရွင္တို႔ ေအးေဆးေနခဲ့ၾကေပါ့ ။ "
ခံုေပၚက ထေတာ့မယ့္ ၿမိဳင့္ရဲ႕လက္ကို ကိုျမင့္ေမာင္ လွမ္းဆြဲလိုက္ေပေတာ့သည္ ။
" ဒီည ။ ၿမိဳင္ နဲ႔ အတူတူေနခ်င္တယ္ ။ "
" ရွင့္ကိုယ္ရွင္ မင္းတုန္းမင္းလို႔ ထင္မွတ္ေနသလား ကိုျမင့္ေမာင္ ။ မရဘူး ။ "
ကိုျမင့္ေမာင္မွာ ေခါင္းေလးငုံ႔လို႔ အသံတိတ္ေနရွာေတာ့သည္ ။ မမၿမိဳင္ ညိဳေလးကို တစ္ခ်က္လွည့္ၾကည့္ရင္း သဝန္တိုစိတ္မ်ား တဖြားဖြားထြက္လာေတာ့သည္ ။
" ၿပီးေတာ့ ရွင္ ညိဳေလးနဲ႔လည္း ညဘက္အတူတူ မေနရဘူး ။ "
" ဘယ္လို ။ ညိဳေလးနဲ႔လည္း အတူေနခြင့္မရဘူး တဲ့လား ။ "
" ဟုတ္တယ္ ။ ညိဳေလးကို ကြၽန္မ ေဘးအခန္းမွာ ထားေတာ့မွာ ။ "
" အဲဒီ့အခန္းက ။ အဲဒီ့အခန္းက အသံၾကားရတယ္ေလ ၿမိဳင္ ။ "
" ဟုတ္တယ္ေလ ။ အဲ့တာေၾကာင့္ ကြၽန္မ ေဘးအခန္းမွာ ထားမယ္ ေျပာတာေပါ့ ။ "
" ၿမိဳင္ ။ "
" ထပ္မေျပာနဲ႔ ကိုျမင့္ေမာင္ ။
ကြၽန္မ သြားမယ္ ။ "
မမၿမိဳင္ ခံုေပၚမွာ ထကာ စားပြဲေပၚက ပိုက္ဆံအိတ္ကို ယူလိုက္ၿပီး ညိဳေလးကို ငံု႔ၾကည့္လိုက္ပါေတာ့သည္ ။ ၿပီးေနာက္ ခက္ထန္ေသာေလသံျဖင့္ ေျပာသည္ ။
" လိုက္ခဲ့ ။ "
မမၿမိဳင္ရဲ႕ စကားဟာ ညိဳေလးနားစည္ထဲမွာ တစ္ခ်က္လႊတ္ အမိန္႔တစ္ခုလို ။ ညိဳေလးမွာ ကိုျမင့္ေမာင္ကိုေတာင္ တစ္ခ်က္လွည့္မၾကည့္မိ ။ ေခါင္းကိုၿငိမ့္လို႔ မမၿမိဳင္အေနာက္ လိုက္သြားေပေတာ့သည္ ။
စံအိမ္ေတာ္ႀကီးရဲ႕ အလယ္ရိွ ေဘးနွစ္ခြဲေလွကားႀကီးေပၚသို႔ မမၿမိဳင္တက္သြားစဥ္ အေနာက္မွ လိုက္ပါလာေသာ ညိဳေလးမွာ မမၿမိဳင္ ေျခလွမ္းတစ္ခ်က္လွမ္းလိုက္တိုင္း ေျခမ်က္စိ ေျခဖေနာင့္ေလးေတြ ေပၚသြားသည္ကို ရင္ထဲအသည္းထဲကေန လိႈက္ေအာင္ ေငးၾကည့္ေနေတာ့သည္ ။
ကြၽန္မလို မိန္းမတစ္ေယာက္ေတာင္ မမၿမိဳင္ရဲ႕ ေျခသြယ္သြယ္ေလးေတြကို ေငးၾကည့္ေနမိၿပီဆို ကိုကိုျမင့္သာဆိုလ်ွင္ ဘယ္ေလာက္ေတာင္မွ သေဘာက်ၿပီး ျမတ္နိုးခဲ့ရမလဲ ။
တျဖည္းျဖည္းတက္သြားတဲ့ မမၿမိဳင္ကို ေငးလို႔ ညိဳေလးမွာ ညႇိဳ႕ခ်က္မိသလို ေမ်ာက်ကာပါသြားေပေတာ့သည္ ။
သီရိၿမိဳင္စံအိမ္အေပၚထက္က ေဘးေဘာင္ လက္ကိုင္တန္းေလးေတြကိုကိုင္ရင္း လမ္းေလ်ွာက္သြားတဲ့ မမၿမိဳင္ရဲ႕ လက္ေခ်ာင္းေလးေတြကိုလည္း ညိဳေလး ေငးမိျပန္သည္ ။
သြယ္သြယ္လွလွ လက္ေခ်ာင္းေလးေတြကို ကိုကိုျမင့္ သိပ္ျမတ္နိုးခဲ့မွာေပါ့ေနာ္ ။
မမၿမိဳင္ရဲ႕ လက္ေခ်ာင္းေလးေတြမွာလည္း ကိုကိုျမင့္ရဲ႕ နႈတ္ခမ္းရာေလး ထင္က်န္ေနမွာေပါ့ေနာ္ ။
" ဒီမွာ ။ မင္း ေနရမဲ့ အခန္း ။ "
တံခါးကို ဆြဲဖြင့္ကာျဖင့္ အခန္းထဲ ဝင္သြားတဲ့ မမၿမိဳင္ရဲ႕ အေနာက္ကို ညိဳေလး လိုက္မိျပန္သည္ ။ ဒီတစ္ခါေတာ့ နီးနီးကပ္ကပ္မဟုတ္ ။ သံုးေတာင္ေလာက္ေတာ့ ျခားပါသည္ ။
ဒီအခန္းက ညိဳေလးေနခဲ့ဖူးတဲ့ ေအာက္ထပ္က အခန္းနွင့္ မတူပါ ။ ပိုၿပီးသပ္ရပ္လို႔ ပိုၿပီးခမ္းနားသည္ ။ အရင္အိပ္ခန္းမွာ ကုတင္ေလးတစ္လံုးနဲ႔ သစ္သားခံု တစ္ခံုသာ ရိွေပမယ့္လို႔ ယခုဒီအိပ္ခန္းမွာေတာ့ နွစ္ေယာက္အိပ္ ကုတင္ႀကီးတစ္လံုး ၊ ကြၽန္းသားနဲ႔ျပဳလုပ္ထားတဲ့ ဗီဒိုတစ္လံုး နဲ႔ ကြၽန္းခံု နွစ္ခံု တို႔ထားရိွၿပီး အလွျပင္ခံုေတြပါ အဆင္သင့္ ရိွေပသည္ ။
" ဒါ အရင္က ။ မမႀကီး ေနတဲ့အခန္းေပါ့ ။ စံအိမ္ေတာ္က ထြက္သြားတာ ၁၈ နွစ္ရိွၿပီ ။
အခုေတာ့ မင္းပဲ ေနလိုက္ေတာ့ ။ "
" ဟုတ္ကဲ့ မမၿမိဳင္ ။
ဒါနဲ႔ ကိုကိုျမင့္ ေျပာတာက အသံၾကားရတယ္ ဆိုတာ ဘာမ်ားလဲ ။ "
" ေၾသာ္ ။ ဒါက ။ "
မမၿမိဳင္ဟာ ေဘးတစ္ဖက္နံရံကို သြားကာျဖင့္ ၾကမ္းျပင္ေပၚ၌ ခပ္က်ဳတ္က်ဳတ္ေလး ထိုင္လိုက္ေပေတာ့သည္ ။ ဒါကို ညိဳေလးကလည္း သူမအေရွ႕မွာ လိုက္ထိုင္ေပသည္ ။
" ဒီမွာေလ ။ ဒီအဖံုးေလးကို ဖြင့္ၾကည့္လိုက္ ။ "
" ဟုတ္ကဲ့ မမၿမိဳင္ ။ "
နံရံမွာကပ္ထားတဲ့ အဖံုးေလးကို ဖြင့္လိုက္သည့္အခါ အေပါက္ကေလးေတြကို ညိဳေလးေတြ႕လိုက္ေတာ့သည္ ။ ၿပီးေတာ့ မမၿမိဳင္ကို လွမ္းၾကည့္သည္ ။
" ဒါက မမႀကီးနဲ႔ အတူတူ ၉ နွစ္အ႐ြယ္မွာ ေဖာက္ခဲ့ၾကတာ ။ ဒီမွာေျပာတဲ့ စကားေတြကို ဟိုဘက္အခန္းက အကုန္ၾကားရတယ္ ။ အဲ့သလိုပဲ ငါ့အခန္းက အသံေတြကို ဒီအခန္းက ၾကားရတယ္ ။ "
" ဒါဆို မမၿမိဳင္ ဘာလုပ္လုပ္ ကြၽန္မ ၾကားရတယ္ေပါ့ ။ "
" အို ။ စကားကိုက ။
နင္က ငါ့ကို ေစာင့္ၾကည့္ရမွာမဟုတ္ဘူး ။ ငါက နင့္ကို ေစာင့္ၾကည့္မွာ ။
တကယ္ပါပဲ ေနာ္ ။ စကားအေျပာအဆိုကိုက အေရွ႕အေနာက္ကို မၾကည့္ဘူး ။ "
မမၿမိဳင္မွာ စိတ္ဆိုးဟန္ျဖင့္ ေကာက္ခနဲထကာ အိပ္ခန္းတံခါးရိွရာသို႔ ခပ္သြက္သြက္ သြားလိုက္ၿပီး တံခါးဖြင့္ဖို႔ လက္လွမ္းခ်ိန္ နံရံေဘးမွာ ထိုင္ကာျဖင့္ သူမအား လွည့္ၾကည့္ေနေသာ ညိဳေလးမွာသေဘာက်ဟန္ ၿပံဳးရယ္ေနတာေၾကာင့္ မမၿမိဳင္ စိတ္ထဲ အစိုင္အခဲေလးေတြ ျဖစ္သြားပါေတာ့သည္ ။
အို ။
ဘယ္လို မိန္းမမွန္းကို မသိပါဘူး ။
မုန္းစရာေကာင္းလိုက္တာေနာ္ ။
တကယ္ပါပဲ ။
ညိဳေလးအား လ်ွပ္စီးမ်က္ေစာင္းမ်ား ထိုးပစ္ေကြၽးၿပီး အခန္းတံခါးကို ဆြဲဖြင့္၍ ထြက္သြားေပေတာ့သည္ ။
ညိဳေလးမွာေတာ့ ၿပံဳးရယ္ကာျဖင့္ သေဘာက်ေနေပေတာ့သည္ ။ ၿပီးေနာက္ ထို အသံၾကားရေသာ အေပါက္ေလးေတြအနား နားကိုကပ္လို႔ မမၿမိဳင္ အခန္းထဲက ထြက္ေပၚလာမယ့္ သံစဥ္ေလးေတြ ခိုးနားေထာင္ေနပါေတာ့သည္ ။
တံခါးဖြင့္တဲ့ အသံပဲ ။
ေဟာ တံခါးျပန္ပိတ္လိုက္ၿပီ ။
ဟိုဘက္ေလ်ွာက္ ဒီဘက္ေလ်ွာက္နဲ႔ ။
မမၿမိဳင္ ဘာလုပ္ေနတာပါလိမ့္ ။
မထိုင္ေတာ့ဘူးလား ။
ဟုတ္ပါသည္ ။ မမၿမိဳင္ ထိုင္မေနပါ ။ သူမရဲ႕လက္ေခ်ာင္းေတြကို က်စ္က်စ္ပါေအာင္ ဆုပ္ၿပီး အခန္းထဲမွာ လမ္းေလ်ွာက္ေနေပေတာ့သည္ ။
ကိုျမင့္ေမာင္တို႔ကို ဒီလို ခြဲေနခိုင္းလိုက္ေတာ့ ဟိုဝံပုေလြမ ငါ့ကို ဘယ္လိုထင္သြားမလဲ ေနာ္ ။
ကိုျမင့္ေမာင္ကို သဝန္တိုတယ္ ထင္သြားမလား ။
အို ။ ဘာျဖစ္သလဲ ။
ငါ့လင္ငါ သဝန္တိုတာပဲ ။
ဝံပုေလြမကို ဂရုစိုက္ဖို႔ လိုေသးလို႔လား ။
အေတြးေတြကို ခဏရပ္ၿပီး အသံၾကားရေသာ အေပါက္ေလးရိွရာ နံရံသို႔ မမၿမိဳင္ လွမ္းၾကည့္မိသည္ ။
" သူ အခုေလာက္ဆို ဘာလုပ္ေနမလဲ ။ "
ဟု ေျပာကာ နံရံအနားသို႔ ေျခလွမ္းခပ္ဖြဖြေလးသြားရင္ အေပါက္ေလးအနားသို႔ နားကပ္ကာ ခိုးနားေထာင္ေနပါေတာ့သည္ ။
တစ္ေယာက္ကိုတစ္ေယာက္ ခိုးနားေထာင္ေနတာကို ဒီနံရံေလးကလြဲလို႔ ဘယ္သူမ်ား သိနိုင္ဦးမလဲ ။
ဒီနံရံသာ ကြၽန္မျဖစ္မယ္ဆို အမ်ိဳးသမီးနွစ္ေယာက္ရဲ႕အနမ္းကို တစ္ၿပိဳင္တည္းလက္ခံေနရလို႔ အသက္ရွဴလမ္းေၾကာင္းပိတ္ၿပီး နတ္ျပည္ကို တန္းေရာက္သြားမည့္အထိပါ ျဖစ္သြားမွာ ေသခ်ာသည္ ။
ဒီနံရံေလးမွာလည္း ရွက္ေနမွာ မလြဲဧကန္ပင္ ။
X X X X X
18.6.2022
morA_nyein
" ကိုကိုမြင့် ။ ရော့ ငါးဖယ်လေး စားချေ ။ "
သီရိမြိုင်စံအိမ်တော်ကြီးရဲ့ ထမင်းစားခန်းကြီးထဲ၌ ရာဇဝတ်အုပ်ကိုမြင့်မောင် နဲ့ အတူတူ ဇနီးငယ် ညိုလေးတို့ နှစ်ယောက် ထိုင်နေကြခြင်း ဖြစ်သည် ။
ညိုလေးကတော့ မစားပါ ။ မမမြိုင် မစားရသေးတဲ့ အိုးထဲကထမင်းကို ညိုလေး မနှိုက်ချင်ခဲ့ပါ ။
" ဘယ်လိုဖြစ်ပြီး ရုတ်တရက်ကြီး ရောက်လာတာလဲဟင် ။ ကျွန်မက ကိုကိုမြင့်ဆီ ထမင်းချိုင့် လာပို့တော့မလို့ပဲ ။ "
" ဟော ညိုလေးရယ် ။ တစ်ခေါက်လောက်တော့ ကိုကိုမြင့်လည်း ဇနီးငယ်ရဲ့ မျက်နှာကိုကြည့်ပြီး ထမင်းစားချင်တာပေါ့ ။ "
" ဟွန့် ။ ကိုကိုမြင့်နော် ။ ဒီစကားကို မမမြိုင်ကြားရင် ကျွန်မကို မုန်းလိမ့်မယ်ရှင့် ။ "
" ဘယ်ကသာ ။ မြိုင်က အဲ့လိုမိန်းမမျိုး မဟုတ်ဘူး ဆိုတာ ကိုကိုမြင့် ကောင်းကောင်းသိတယ် ။
အခုက ညိုလေးကို သူစိတ်ဆိုးနေတာပါ ။ "
" ဒီလိုပဲ မျှော်လင့်ရပါတယ်လေ ။ "
ကိုမြင့်မောင်ဟာ စားနေတဲ့ ဇွန်းကို ပန်းကန်ပေါ်၌ချကာဖြင့် ဘေးကရေနွေးခွက်ကိုယူကာ တစ်ငုံကယ်မျှ သောက်လိုက်ပေတော့သည် ။ ညိုလေးကတော့ လင်ယောက်ျားကို ဘေးနားက ယက်တောင်လေးခပ်ပေးနေလို့ပါပဲ ။
" သြော် ။ ဒါနဲ့ ဒါနဲ့ ။
မြိုင် နဲ့ရော အဆင်ပြေရဲ့လား ။ အခြေအနေတွေရော ဘယ်အဆင့်ထိ ရောက်ပြီလဲ ။ "
ကိုမြင့်မောင်ရဲ့ စကားကြောင့် ညိုလေးမှာ သက်ပြင်းတစ်ချက် ရှိုက်လိုက်မိပေတော့သည် ။
" ဟူး ။
အဲ့တာတော့ ပြောကို မပြောချင်တော့ပါဘူး ကိုကိုမြင့်ရယ် ။
မမမြိုင်ကလေ ကျွန်မနဲ့ပတ်သက်ရင် ဇီဇာအရမ်းကြောင်တာပဲရှင် ။
ဒီကတော့ဖြင့် အစ်မတစ်ယောက်လို ချစ်လိုက်ရတာ ။ မမမြိုင်ကတော့ ကျွန်မကို သူစိမ်းလိုပဲ သတ်မှတ်ထားနေဆဲပဲလား ။
အို ။ မသိတော့ပါဘူး ကိုကိုမြင့်ရယ် ။ "
" ဘာပဲဖြစ်ဖြစ် ။ ညိုလေးက မြိုင် သဘောကျလာအောင် ကြိုးစားရမယ့်သူ မဟုတ်လား ။ အဲ့အတွက် အားတင်းထား ။ ညိုလေးအနောက်မှာ ကိုကိုမြင့်တစ်ယောက်လုံးရှိတယ် ။ မြိုင့်အကြောင်း သိချင်ရင် မေးလှည့် ။ ဟုတ်ပြီလား ။ "
" ဟုတ်ကဲ့ ကိုကိုမြင့် ။ "
ထိုအချိန် သီရိမြိုင်စံအိမ်တော် ခြံဝန်းထဲသို့ ဝင်လာတဲ့ ရထားလုံးအသံကို ညိုလေးကြားလိုက်ရပါတော့သည် ။
" ဟယ် ။ မမမြိုင် ပြန်ရောက်လာတာထင်တယ် ။ ကျွန်မ သွားကြိုလိုက်ဦးမယ် ကိုကိုမြင့် ။ "
ညိုလေးမှာ ကမန်းကတန်းနဲ့ ခုံပေါ်ကထလို့ အရှေ့ကို ပြေးဖို့အရှိန်ယူနေချိန်မှ ကိုမြင့်မောင်ဟာ ချစ်ဇနီးငယ်အား သတိပေးလိုက်ပါတော့သည် ။
" ပြေးမသွားနဲ့ ။ ချော်လဲမှဖြင့် ။ "
" ဟုတ်ကဲ့ပါ ကိုကိုမြင့်ရဲ့ ။ "
သို့ပေတည်း ညိုလေးမှာ ကိုမြင့်မောင် စကားကို နားထောင်ပါ ။ မမမြိုင်ကိုသာ အပြေးကြိုဖို ဆန္ဒစောနေပေသည် ။
ထမင်စားခန်းထဲမှ အပြေးထွက်လာသော ညိုလေးဟာ အိမ်ရှေ့ဧည့်ခန်းကြီးက နှစ်ဖက်ခွဲလှေကားအရှေ့မှာ မတ်တပ်ရပ်လိုက်ပြီး မောဟိုက်ဟန်ဖြင့် ပြုံးရယ်နေတော့သည် ။
ဒါကို ရထားလုံးပေါ်က ဆင်းလာတဲ့ မမမြိုင် မတွေ့သေးချေ ။
ခြေတစ်လှမ်း ကုဋေတစ်သန်းတန်လောက်တဲ့အထိ မမမြိုင်ရဲ့ ခြေလှမ်းတိုင်းကို ညိုလေး ငေးကြည့်နေမိတော့သည် ။ ညာဘက်ပါးမို့ပေါ်က မဲ့နက်နက်လေးဟာလည်း မမမြိုင်ရဲ့ အလှကို အင်အားဖြစ်ပေးနေလို့ ။
ဒီမိန်းမက သိပ်လှတာပဲ ။
ယောက်ျားတွေရဲ့ အူအသည်းတွေကို နင်းခြေနိုင်တဲ့ အပြင် ငါ့လိုမိန်းမတစ်ယောက်ရဲ့ ရင်ဝကိုပါ ဓားနဲ့လာမွှန်းနေတာပါလား ။
မမမြိုင် မမမြိုင် ။
" အဲ့တာ ဘာရုပ်လဲ ။ မသက်သာလိုက်တာနော် ။ "
အတွေးကမ္ဘာထဲ ရောက်နေတဲ့ ညိုလေးမှာ မမမြိုင် အသံကိုကြားလိုက်ကာမှဖြင့် အိပ်မက်ဆိုးမက်ပြီး လန့်နိုးလာတဲ့လူလို ချက်ချင်းအလန့်တကြားဖြစ်သွားပေတော့သည် ။
" အမလေး ။ "
" ဘာဖြစ်တာလဲဟယ် ။ "
" ဟို လန့် သွားလို့ ။ "
" တကယ်ပါပဲ နော် ။ လန့်သွားရအောင် သရဲမြင်လို့လား ။ "
" မမမြိုင်ကို မြင်လို့ ။ "
" ဗုဒ္ဓေါ ။ အဲ့တာ ဘာစကားလဲ ။ "
ညိုလေးမှာ စိတ်တိုသွားတဲ့ မမမြိုင်ရဲ့ဟန်ပန်ကြောင့် သူမရဲ့ပါးစပ်ကိုသာ လက်ကလေးနဲ့ အုပ်ထားပေတော့သည် ။
" တတ်လည်းတတ်နိုင်တဲ့ မိန်းမ ။
ကိုမြင့်မောင် အတွက် ထမင်းချိုင့် ပို့ပြီးပြီလား ။ "
" ဟို ကိုကိုမြင့်က ဒီနေ့ စံအိမ်မှာပြန်စားတယ် မမမြိုင် ။ အခု ထမင်းစားခန်းထဲမှာ ။ "
" ဘာ ။ သင်းက ။ သင်းက စံအိမ်ကိုတကူးတကလာပြီး ပြန်လာစားတယ် ဟုတ်သလား ။ "
" ဟုတ်ကဲ့ မမမြိုင် ။ "
တွေ့မယ် တွေ့မယ် ။
ငါနဲ့ကောင်းကောင်းကြီး တွေ့မယ် ။
ကိုမြင့်မောင်ရေ ။
မြိုင်တဲ့ ။ တစ်မြိုင်ထဲပဲ ရှိတာနော် ။
မမမြိုင်ရဲ့ ထမင်းစားခန်းရှိရာ အိမ်နောက်ဘက်သို့ ကပြာကလျာလမ်းလျှောက်သွားတော့ ညိုလေးလည်း အနောက်မှ ထပ်ကြပ်မခွာလိုက်ပြန်တော့သည် ။
ဒါကို မမမြိုင် သိနေတော့ ညိုလေးအား တစ်ချက်လှည့်မကြည့်ဘဲ ငေါက်ခနဲပြောလိုက်ပါတော့သည် ။
" ဝေးဝေးလျှောက်စမ်း ။ "
ထိုအခါမှ ညိုလေးမှာ တုန့်ခနဲ ရပ်တန့်လိုက်ပြီး မမမြိုင် ခပ်ဝေးဝေးသို့ရောက်မှ အနောက်က ပြန်လိုက်ပေသည် ။
ကြောက်လိုက်တာ ။
မိန်းမကြီးတွေ ဘာလို့ အဲ့လောက်သြဇာကြီးပြီး ကြောက်စရာကောင်းနေရပါ့လိမ့် ။
ဒါပေမယ့် ဒီမိန်းမကတော့ ခြွင်းချက် ။
ချစ်စရာလေး ။
အို ။ ငါ ဘာတွေ တွေးနေပါလိမ့် ။
ထမင်းစားခန်းထဲမှာ တိုက်ပုံအနက်ရောင် ၊ အထက်တန်းစားလုံချည်ကို ဝတ်ထားပြီး ပြောင်နေအောင်သုတ်ထားတဲ့ အမျိုးသားစီး ရှူးဖိနပ်ကို စီးလို့ ခြေချိတ်ထိုင်နေတဲ့ ကိုမြင့်မောင်ဟာ မိန်းမဖြစ်သူ မမမြိုင် လာတာတောင်မသိ ထမင်းကို မြိန်စွာ စားနေပေတော့သည် ။
ကိုမြင့်မောင် ကိုမြင့်မောင် ။
ဒီမှာ ရှင့်မိန်းမ တစ်ယောက်လုံးရောက်နေတာကို မမြင်ရလောက်အောင် ကန်းနေသလား ။
မမမြိုင်ဟာ ကိုမြင့်မောင်ဘေးက ခုံအလွတ်၌ ဝင်ထိုင်လိုက်ပြီး ပိုက်ဆံအိတ်ကို စားပွဲပေါ်သို့ အသံကြားရတဲ့အထိ ဗုန်း ခနဲချပစ်လိုက်တော့သည် ။
" ဘုရား ။ "
ထိုအခါမှ ကိုမြင့်မောင် အသံကြားလို့ လန့်သွားဟန်ဖြစ်ပြီး ညိုလေးကလည်း ထမင်းစားခန်းထဲသို့ အပြေးဝင်ကာ ကိုမြင့်မောင်ဘေးက တစ်ဖက်ခုံ ဖြစ်သော မမမြိုင်နှင့် မျက်နှာချင်းဆိုင်ခုံ၌ ဝင်ထိုင်လိုက်ပေတော့သည် ။
" အဟွတ် အဟွတ် ။ လန့်လိုက်တာ မြိုင်ရယ် ။ ဖြည်းဖြည်းလုပ်ပါ ။ အစ်ကို ထမင်းစားနေတာတောင် သီးသွားပြီ ။ "
" ရှင်က မျက်မမြင်ဖြစ်နေတာကိုး ကိုမြင့်မောင်ရဲ့ ။ "
" မဟုတ်ပါဘူး မြိုင်ရယ် ။ အစ်ကို ထမင်းမြိန်သွားလို့ပါ ။
ဒီမှာ ဒါတွေအကုန်လုံးကိုလေ ညိုလေး ချက်ထားတာ ။ ငါးဖယ်လေးဆို စီးပြီးစားကောင်းနေရော ။ မြိုင် စားကြည့်လိုက် ။ "
" မစားပါဘူး ။ "
" ဟော ခက်ပြီ ။ ညိုလေး မမမြိုင်အတွက် ထမင်းလေးတစ်ပွဲလောက် ခူးပေးလိုက်ပါဦး ။
မြိုင် သရေကျနေတာ အစ်ကို သိတယ်နော် အဟားဟားဟား ။ "
၁၂ နှစ်ကြာပြီ ။
ဒီစံအိမ်တော်မှာ ရှင့်ရယ်သံ မကြားရတာ ။
၁၂ နှစ်ကြာခဲ့ပြီ ကိုမြင့်မောင် ။
ကျွန်မ ဒီရယ်သံလေးကို ဘယ်လောက်တောင် လွမ်းနေခဲ့ရသလဲ ။
ဒါပေမယ့် အခုရယ်သံက ကျွန်မအတွက်မှ မဟုတ်တာ ။
" မမမြိုင် ။ ကျွန်မ ထမင်းခူးလိုက်မယ်နော် ။ "
" မခူးနဲ့ ။ ကြီးကြီးနဲ့ အတူတူ ထမင်းစားခဲ့ပြီးပြီ ။ "
" ဟော မြိုင်ရယ် ။ မြိုင့်အတွက် ညိုလေးက အပင်ပန်းခံပြီး ချက်ထားရတာလေ ။ "
မမမြိုင် ဘာမှဆက်မပြောတော့ပါ ။ သို့ပေတည်း ညိုလေးကို အမြင်မကြည်ဖြစ်၍ မုန်းနေသည့်မျက်ဝန်းတွေသာ ထင်ဟက်နေသည့် အကြည့်တွေသာ ရှိနေတော့သည် ။
ဒီမျက်ဝန်းတွေမှာ ဝမ်းနည်းမှုတွေပါတယ် ။ လင်ယောက်ျားအပေါ်မှာ ဖြစ်တည်နေတဲ့ သဝန်တိုမှုတွေ ပါတယ် ။
ဒီမျက်ဝန်းတွေရဲ့ အဓိပ္ပါယ်ကိုလည်း ညိုလေး ဖတ်တတ်သည် ။ နားလည်သည် ။
" ဒါဖြင့်လည်း မမမြိုင် ထမင်းထပ်စားချင်တဲ့အချိန် ကျွန်မကို ပြောပါ ။ မမမြိုင် အကြိုက် ဖြစ်စေရပါမယ် ။ "
" မလိုဘူး ။ "
ထိုအချိန် ကိုမြင့်မောင် ချောင်းတစ်ချက်ဟန့်လိုက်ပြီး သူ၏ တိုက်ပုံအင်္ကျီထဲက ကတ်ထူကတ်လေးနှစ်ခုကို ထုတ်ပြလိုက်ပါတော့သည် ။
ညိုလေးကတော့ ဘာလေးများလဲ ဆိုတာ သိချင်နေပေမယ့် မမမြိုင်ကတော့ လက်ကိုပိုက်လို့ မာန်ထားနေဆဲ ။
" ဒီမှာ ကြည့်ပါဦး မြိုင် ။ အစ်ကိုက မြိုင်နဲ့ညိုလေးအတွက် ဂီတၿပဲလက်မှတ်လေး ဝယ်လာတာ ။ "
" အဲ့တာ ကျွန်မက ဘာလုပ်ရမှာလဲ ။ "
" အစ်ကို့ ဇနီးနှစ်ယောက်ကို ရင်းနှီးစေချင်တဲ့ ဆန္ဒလေးလေ ။ မြိုင် ဒီဆန္ဒလေးကို ဖြည့်ဆည်းပေးမယ် မဟုတ်လား ။ မဟုတ်လား လို့ ။ "
မမမြိုင်မှာ အချွဲလာပိုပြနေတဲ့ ကိုမြင့်မောင်ကို ရိုက်သတ်ချင်တဲ့အထိ ဖြစ်ပေမယ့်လို့ မလုပ်ရက်နိုင်မှန်း ကိုယ့်ကိုယ်ကိုယ် သိနေတာကြောင့် မျက်စောင်းတစ်ချက်ထိုးကာဖြင့် လက်ထဲက လက်မှတ်နှစ်စောင်ကို ဆက်ခနဲ ဆွဲယူလိုက်ပါတော့သည် ။
" မနက်ဖြန်ခါပဲ ။ ဘာလို့ အဲ့လောက် ရက်ကပ်တာကို ဝယ်လာရတာလဲ ကိုမြင့်မောင် ။ "
" မြန်မြန်နီးစပ်လေ မြန်မြန်ပိုကောင်းလေပေါ့ မြိုင်ရဲ့ ။
မဟုတ်ဘူးလား ညိုလေး ။ "
ကိုမြင့်မောင်ဟာ ညိုလေးကိုလှည့်ကြည့်ပြီး မေးလိုက်တော့ ညိုလေးက ပြုံးပြကာဖြင့် ခေါင်းညိမ့်လိုက်သည် ။
ကိုမြင့်မောင်ရဲ့ အပြုံးတွေက ညိုလေးနဲ့မှ အသက်ဝင်လာတာကို မမမြိုင်တွေ့လိုက်ရသည် ။
ကျွန်မ ပိုင်ဆိုင်ခဲ့တဲ့ ရှင့်အပြုံးကို တခြားတစ်ယောက်ကို ပေးလိုက်ရတာ ကျွန်မ ရင်နာမိတယ် ကိုမြင့်မောင် ။
" ဒါဖြင့်လည်း သွားကြတာပေါ့ ။ "
မမမြိုင်မှာ ညိုလေးကို မျက်လုံးလေးလှန်ကြည့်ပြီး ပြောလိုက်ခြင်းဖြစ်သည် ။ ညိုလေးမှာလည်း ပြုံးရယ်ကာဖြင့် ခေါင်းညိမ့်ပြပေတော့သည် ။
" ဟုတ်ကဲ့ မမမြိုင် ။ "
" ကဲ ။ ကျွန်မ အပေါ်တက်မယ် ။ ရှင်တို့ အေးဆေးနေခဲ့ကြပေါ့ ။ "
ခုံပေါ်က ထတော့မယ့် မြိုင့်ရဲ့လက်ကို ကိုမြင့်မောင် လှမ်းဆွဲလိုက်ပေတော့သည် ။
" ဒီည ။ မြိုင် နဲ့ အတူတူနေချင်တယ် ။ "
" ရှင့်ကိုယ်ရှင် မင်းတုန်းမင်းလို့ ထင်မှတ်နေသလား ကိုမြင့်မောင် ။ မရဘူး ။ "
ကိုမြင့်မောင်မှာ ခေါင်းလေးငုံ့လို့ အသံတိတ်နေရှာတော့သည် ။ မမမြိုင် ညိုလေးကို တစ်ချက်လှည့်ကြည့်ရင်း သဝန်တိုစိတ်များ တဖွားဖွားထွက်လာတော့သည် ။
" ပြီးတော့ ရှင် ညိုလေးနဲ့လည်း ညဘက်အတူတူ မနေရဘူး ။ "
" ဘယ်လို ။ ညိုလေးနဲ့လည်း အတူနေခွင့်မရဘူး တဲ့လား ။ "
" ဟုတ်တယ် ။ ညိုလေးကို ကျွန်မ ဘေးအခန်းမှာ ထားတော့မှာ ။ "
" အဲဒီ့အခန်းက ။ အဲဒီ့အခန်းက အသံကြားရတယ်လေ မြိုင် ။ "
" ဟုတ်တယ်လေ ။ အဲ့တာကြောင့် ကျွန်မ ဘေးအခန်းမှာ ထားမယ် ပြောတာပေါ့ ။ "
" မြိုင် ။ "
" ထပ်မပြောနဲ့ ကိုမြင့်မောင် ။
ကျွန်မ သွားမယ် ။ "
မမမြိုင် ခုံပေါ်မှာ ထကာ စားပွဲပေါ်က ပိုက်ဆံအိတ်ကို ယူလိုက်ပြီး ညိုလေးကို ငုံ့ကြည့်လိုက်ပါတော့သည် ။ ပြီးနောက် ခက်ထန်သောလေသံဖြင့် ပြောသည် ။
" လိုက်ခဲ့ ။ "
မမမြိုင်ရဲ့ စကားဟာ ညိုလေးနားစည်ထဲမှာ တစ်ချက်လွှတ် အမိန့်တစ်ခုလို ။ ညိုလေးမှာ ကိုမြင့်မောင်ကိုတောင် တစ်ချက်လှည့်မကြည့်မိ ။ ခေါင်းကိုငြိမ့်လို့ မမမြိုင်အနောက် လိုက်သွားပေတော့သည် ။
စံအိမ်တော်ကြီးရဲ့ အလယ်ရှိ ဘေးနှစ်ခွဲလှေကားကြီးပေါ်သို့ မမမြိုင်တက်သွားစဉ် အနောက်မှ လိုက်ပါလာသော ညိုလေးမှာ မမမြိုင် ခြေလှမ်းတစ်ချက်လှမ်းလိုက်တိုင်း ခြေမျက်စိ ခြေဖနောင့်လေးတွေ ပေါ်သွားသည်ကို ရင်ထဲအသည်းထဲကနေ လှိုက်အောင် ငေးကြည့်နေတော့သည် ။
ကျွန်မလို မိန်းမတစ်ယောက်တောင် မမမြိုင်ရဲ့ ခြေသွယ်သွယ်လေးတွေကို ငေးကြည့်နေမိပြီဆို ကိုကိုမြင့်သာဆိုလျှင် ဘယ်လောက်တောင်မှ သဘောကျပြီး မြတ်နိုးခဲ့ရမလဲ ။
တဖြည်းဖြည်းတက်သွားတဲ့ မမမြိုင်ကို ငေးလို့ ညိုလေးမှာ ညှို့ချက်မိသလို မျောကျကာပါသွားပေတော့သည် ။
သီရိမြိုင်စံအိမ်အပေါ်ထက်က ဘေးဘောင် လက်ကိုင်တန်းလေးတွေကိုကိုင်ရင်း လမ်းလျှောက်သွားတဲ့ မမမြိုင်ရဲ့ လက်ချောင်းလေးတွေကိုလည်း ညိုလေး ငေးမိပြန်သည် ။
သွယ်သွယ်လှလှ လက်ချောင်းလေးတွေကို ကိုကိုမြင့် သိပ်မြတ်နိုးခဲ့မှာပေါ့နော် ။
မမမြိုင်ရဲ့ လက်ချောင်းလေးတွေမှာလည်း ကိုကိုမြင့်ရဲ့ နှုတ်ခမ်းရာလေး ထင်ကျန်နေမှာပေါ့နော် ။
" ဒီမှာ ။ မင်း နေရမဲ့ အခန်း ။ "
တံခါးကို ဆွဲဖွင့်ကာဖြင့် အခန်းထဲ ဝင်သွားတဲ့ မမမြိုင်ရဲ့ အနောက်ကို ညိုလေး လိုက်မိပြန်သည် ။ ဒီတစ်ခါတော့ နီးနီးကပ်ကပ်မဟုတ် ။ သုံးတောင်လောက်တော့ ခြားပါသည် ။
ဒီအခန်းက ညိုလေးနေခဲ့ဖူးတဲ့ အောက်ထပ်က အခန်းနှင့် မတူပါ ။ ပိုပြီးသပ်ရပ်လို့ ပိုပြီးခမ်းနားသည် ။ အရင်အိပ်ခန်းမှာ ကုတင်လေးတစ်လုံးနဲ့ သစ်သားခုံ တစ်ခုံသာ ရှိပေမယ့်လို့ ယခုဒီအိပ်ခန်းမှာတော့ နှစ်ယောက်အိပ် ကုတင်ကြီးတစ်လုံး ၊ ကျွန်းသားနဲ့ပြုလုပ်ထားတဲ့ ဗီဒိုတစ်လုံး နဲ့ ကျွန်းခုံ နှစ်ခုံ တို့ထားရှိပြီး အလှပြင်ခုံတွေပါ အဆင်သင့် ရှိပေသည် ။
" ဒါ အရင်က ။ မမကြီး နေတဲ့အခန်းပေါ့ ။ စံအိမ်တော်က ထွက်သွားတာ ၁၈ နှစ်ရှိပြီ ။
အခုတော့ မင်းပဲ နေလိုက်တော့ ။ "
" ဟုတ်ကဲ့ မမမြိုင် ။
ဒါနဲ့ ကိုကိုမြင့် ပြောတာက အသံကြားရတယ် ဆိုတာ ဘာများလဲ ။ "
" သြော် ။ ဒါက ။ "
မမမြိုင်ဟာ ဘေးတစ်ဖက်နံရံကို သွားကာဖြင့် ကြမ်းပြင်ပေါ်၌ ခပ်ကျုတ်ကျုတ်လေး ထိုင်လိုက်ပေတော့သည် ။ ဒါကို ညိုလေးကလည်း သူမအရှေ့မှာ လိုက်ထိုင်ပေသည် ။
" ဒီမှာလေ ။ ဒီအဖုံးလေးကို ဖွင့်ကြည့်လိုက် ။ "
" ဟုတ်ကဲ့ မမမြိုင် ။ "
နံရံမှာကပ်ထားတဲ့ အဖုံးလေးကို ဖွင့်လိုက်သည့်အခါ အပေါက်ကလေးတွေကို ညိုလေးတွေ့လိုက်တော့သည် ။ ပြီးတော့ မမမြိုင်ကို လှမ်းကြည့်သည် ။
" ဒါက မမကြီးနဲ့ အတူတူ ၉ နှစ်အရွယ်မှာ ဖောက်ခဲ့ကြတာ ။ ဒီမှာပြောတဲ့ စကားတွေကို ဟိုဘက်အခန်းက အကုန်ကြားရတယ် ။ အဲ့သလိုပဲ ငါ့အခန်းက အသံတွေကို ဒီအခန်းက ကြားရတယ် ။ "
" ဒါဆို မမမြိုင် ဘာလုပ်လုပ် ကျွန်မ ကြားရတယ်ပေါ့ ။ "
" အို ။ စကားကိုက ။
နင်က ငါ့ကို စောင့်ကြည့်ရမှာမဟုတ်ဘူး ။ ငါက နင့်ကို စောင့်ကြည့်မှာ ။
တကယ်ပါပဲ နော် ။ စကားအပြောအဆိုကိုက အရှေ့အနောက်ကို မကြည့်ဘူး ။ "
မမမြိုင်မှာ စိတ်ဆိုးဟန်ဖြင့် ကောက်ခနဲထကာ အိပ်ခန်းတံခါးရှိရာသို့ ခပ်သွက်သွက် သွားလိုက်ပြီး တံခါးဖွင့်ဖို့ လက်လှမ်းချိန် နံရံဘေးမှာ ထိုင်ကာဖြင့် သူမအား လှည့်ကြည့်နေသော ညိုလေးမှာသဘောကျဟန် ပြုံးရယ်နေတာကြောင့် မမမြိုင် စိတ်ထဲ အစိုင်အခဲလေးတွေ ဖြစ်သွားပါတော့သည် ။
အို ။
ဘယ်လို မိန်းမမှန်းကို မသိပါဘူး ။
မုန်းစရာကောင်းလိုက်တာနော် ။
တကယ်ပါပဲ ။
ညိုလေးအား လျှပ်စီးမျက်စောင်းများ ထိုးပစ်ကျွေးပြီး အခန်းတံခါးကို ဆွဲဖွင့်၍ ထွက်သွားပေတော့သည် ။
ညိုလေးမှာတော့ ပြုံးရယ်ကာဖြင့် သဘောကျနေပေတော့သည် ။ ပြီးနောက် ထို အသံကြားရသော အပေါက်လေးတွေအနား နားကိုကပ်လို့ မမမြိုင် အခန်းထဲက ထွက်ပေါ်လာမယ့် သံစဉ်လေးတွေ ခိုးနားထောင်နေပါတော့သည် ။
တံခါးဖွင့်တဲ့ အသံပဲ ။
ဟော တံခါးပြန်ပိတ်လိုက်ပြီ ။
ဟိုဘက်လျှောက် ဒီဘက်လျှောက်နဲ့ ။
မမမြိုင် ဘာလုပ်နေတာပါလိမ့် ။
မထိုင်တော့ဘူးလား ။
ဟုတ်ပါသည် ။ မမမြိုင် ထိုင်မနေပါ ။ သူမရဲ့လက်ချောင်းတွေကို ကျစ်ကျစ်ပါအောင် ဆုပ်ပြီး အခန်းထဲမှာ လမ်းလျှောက်နေပေတော့သည် ။
ကိုမြင့်မောင်တို့ကို ဒီလို ခွဲနေခိုင်းလိုက်တော့ ဟိုဝံပုလွေမ ငါ့ကို ဘယ်လိုထင်သွားမလဲ နော် ။
ကိုမြင့်မောင်ကို သဝန်တိုတယ် ထင်သွားမလား ။
အို ။ ဘာဖြစ်သလဲ ။
ငါ့လင်ငါ သဝန်တိုတာပဲ ။
ဝံပုလွေမကို ဂရုစိုက်ဖို့ လိုသေးလို့လား ။
အတွေးတွေကို ခဏရပ်ပြီး အသံကြားရသော အပေါက်လေးရှိရာ နံရံသို့ မမမြိုင် လှမ်းကြည့်မိသည် ။
" သူ အခုလောက်ဆို ဘာလုပ်နေမလဲ ။ "
ဟု ပြောကာ နံရံအနားသို့ ခြေလှမ်းခပ်ဖွဖွလေးသွားရင် အပေါက်လေးအနားသို့ နားကပ်ကာ ခိုးနားထောင်နေပါတော့သည် ။
တစ်ယောက်ကိုတစ်ယောက် ခိုးနားထောင်နေတာကို ဒီနံရံလေးကလွဲလို့ ဘယ်သူများ သိနိုင်ဦးမလဲ ။
ဒီနံရံသာ ကျွန်မဖြစ်မယ်ဆို အမျိုးသမီးနှစ်ယောက်ရဲ့အနမ်းကို တစ်ပြိုင်တည်းလက်ခံနေရလို့ အသက်ရှူလမ်းကြောင်းပိတ်ပြီး နတ်ပြည်ကို တန်းရောက်သွားမည့်အထိပါ ဖြစ်သွားမှာ သေချာသည် ။
ဒီနံရံလေးမှာလည်း ရှက်နေမှာ မလွဲဧကန်ပင် ။
X X X X X
18.6.2022
morA_nyein