اتعبت انا أم مللت
——
عزيز
شخص يمر من قدامي بسرعه مخيفه ومسح اثر مصلح مسكت اعصابي ومسكتها من عبايتها معصب
منال
كنت اركض ودموعي اربع واشهق ماقدرت اشوف الي قدامي
هدفي بس اوصل لبيت ام سعود قبل لا جدتي يصير لها شي
حسيت بشخص يمسكني بقوه ويرجعني ضربت صدره والتفيت بسرعه كان قريب مره ومعقل حواجبه ومعصب مني
انتبهت انه طلع سكينه ومسكني من خصري وبهمس وهو يطلع السكينه ويمررها بوجهي جاني هبوط كان بيغمى علي وقتها
عزيز بعصبيه : لو تحركتي حركه بسيطه بشوهه وجهك فاهمه؟
منال
انصدمت وجلست افكر ناظرت له وضربت رجله باقوى ما عندي وهربت منه كنت بصارخ لك..لكن شفته ماسكني وساد فمي
" يا غبائك يا منال تحسبين بيصير زي روايات الي بتقرينها "
" الحين اكيد بيذبحني ياربي رحمتك ، اسوي روحي ابكي؟"
عزيز
مسكتها معصب من عبايتها وسحبتها
عزيز يطلع سلاحه بتخويف : تبين اثور فيك؟
منال تبكي : تكفى ولله اسفه ما كان قصدي جدتي كانت بس ( تشهق) ما كان قصدي ( تشهق) ولله ما كان قصدي
عزيز تنهدت ونزلت سلاحي وربتّ على رأسها : اسف
عزيز
تركتها ورحت والحزن مالي وجهي
" وش قاعد تسوي يا عزيز نهايتك تمسك بنت وتخوفها كذا"
مشيت وانا افكر كيف و وين راح مصلح؟
وهل هو باقي حي؟
منال
شفته يبعد عني بعد ما سمعت كلمة " اسف! "
قربت منه مع انو كنت خايفه لكن حسيته طيب
منال : هيه انت
عزيز خبيت وجهي اكثر : وش تبين يا بنت؟
منال : انت مو من هنا؟
عزيز رفعت حاجبي : اي؟
منال : يوم كنت اركض شفتك تدور شي بالارض
عزيز
لفيت عليها وشفتها تبعد مني خايفه
مسكت ضحكتي بسبب حركتها وقلت : اي ادور صديقي
منال : انا اعرف كل الي في...(قرب مني)
عزيز
يصغر عيونه بستغراب لين ضرب ظهرها الجدار
يميل رأسه ويناظر كيف ترجف وكأنها بتموت بس تحاول تتصنع الشجاعه جاء في بالي سؤال : وش مطلعك من البيت ما تخافين من ذيب ياكلك ؟
منال امتلت عيونها دموع : صحيت من نومي وحصلت جدتي عالجت واحد غريب من ديره كان منصاب بكتفه ونست تاكل علاجها واغمى عليها بالبيت وماندري شسالفه او كيف نعطيها علاجها....
عزيز
توسعت عيوني بصدمه وبفرحه وبانفعال: دقيقه عيدي جدتك عالجت واحد بكتفه ؟ كان منصاب؟ حصلتوه عند الشجره جنب البير؟
منال : مادري عن ذا كله
عزيز: وين بيتكم
منال : هاه؟ وش تبي فيه؟
عزيز : من زين بيتكم ابي صديقي
منال ترفع حاجبها : وكيف تبيني اصدقك لوسمحت؟
عزيز
شفتها بدت تتكلم كثير طلعت سلاحي وناظرتها
لكنها سكتت بسرعه
منال بتوتر : بيتنا بنروح اقصد الحين امش معي
—
مصلح
فتحت عيوني وشفت قدامي عنز تتلحس في وجهي
تحركت بشكل سريع وحسيت بالم فظيع بكتفي دخلت يدي ثانيه بجيبي ما حصلت لا سلاحي ولا حتى سكينتي
شهد
كنت جالسه عند الباب انتظر تجي بس قاطعني
صوت شخص يتالم بغرفة الغنم عرفت انه صحى
شفت سلاحه فوق القدر اخذته ودخلت الغرفه رافعه السلاح
مصلح
عدلت جلستي واستندت على الجدار وريحة الغنم صدعت راسي
ما اهتميت الى ما شفت الباب يعلن عن دخول شخص
شفتها تدخل بدون عباه تسترها وبدون اي شي وبدون خوف توجه لسلاح علي ناظرتها بعيون مصدومه من شكلها
شهد
بخوف وهي توخر شعرها وراء اذنها
مصلح يرفع حاجبه : وش تسوين بضبط؟
شهد : اسوي الي كان لازم اسويه
مصلح يوقف : ما فهمت ؟
شهد ترجف : وخر عشان ما اقتلك
مصلح بضحكه : تساعديني وبعدين تقتليني ؟
شهد
ماقدرت اسيطر على يدي الي ترجف انا مو خايفه لكن ليش
ارجف ليه ارجف وقفي ترجفي يا شهد
شهد تبعد ورا : اسمك مصلح قاطع طريق من...
سحب مني السلاح بحركه سريعه خلتني واقفه مصدومه وقتها بدا يبتسم لي ويقرب مني الى ان قفل الباب ويحوم حولي وهو يحرك السلاح بدون خوف
مصلح ينفخ باذنها ويشوف رجفتها : كيف عرفتي؟
شهد وهي تبعد منه : حصلت جريده بثوبك كانت ورقه صغيره وعليها صورتك وصور اشخاص ثانيين وكانت سالفة قطاعين الطرق حقيقه مثل ما قالت جدتي
مصلح ببتسامه : حلو انك عارفه مين انا مافكرتي لو قتلتيني وش ممكن يسوون اخوياي فيك؟ المهم في احد ثاني غيرك شاف الورقه؟
شهد : لا لا محد شافها
مصلح يهز راسها : ممتاز ، بس جدتك ما قالت لك عيب تأخذين او تفتشي اغراض غيرك ؟
شهد تتكتف : انا عالجتك فلا تخليني اندم اني عالجتك
مصلح يرجع مكانه: تتوقعين راح اقتل بنت مثلك؟ وخصوصاً انها طلعت لي لابسه نص طرحه وشعرها باقي طالع وبدون عبايتها؟
مصلح
حاولت اغض البصر قد ما اقدر كان شعررها
وريحه باقي نفسها يوم كنت احوم حولها
شهد عدلت طرحتي : حدودك انا دخلتك بيتنا احترمني او على الاقل احترم جدتي لا تحترمني ما ابي منك ذرة احترام ولا انا في حاجتها فاهم؟
مصلح يناظرها بحده : خلينا في المهم قلتي
لجدتك مثل ما قلت لك؟
شهد وهي تطلع : اي لكن الصباح ما ابي اشوف وجهك فاهم!
مصلح وهو يوقف : دقيقه بنت تعالي
شهد : وش؟
مصلح : تبيني اجلس مع ذولي؟
( صوت صخال )
شهد بضحكه : شكلهم يحبونك شف كيف يلحسو رجلك
مصلح : ودي انام في البر ولا انام هنا
شهد : مافي مكان ثاني اجلس هنا
يقاطعهم صوت الباب
شهد : بروح اشوف الباب وبرجع
منال بصراخ: افتحو الباب خلود شهدد
عزيز يهمس وهو يحط السلاح برأسها : دقي بقوه
منال معصبه : دققق انت لا تتامر علي ورني اشوف كيف
شهد تفتح الباب : فضحتينا منال وش فيك
شهد
انصدمت لما شفت شخص الي معها نفسه الي كان بالجريده
جنب مصلح يا راسي حسيت بموت " اكيد يدور صديقه"
" بس كيف عرف ان صديقه هنا "
حسيته بيذبحني كانت منال معه تبتسم
" الغبيه ماتدري انه مجرم بسوي نفسي ما اعرفه"
شهد : منال قلت لك روحي جيبي ام سعود مين ذا؟
عزيز : وين مصلح؟
شهد بستغباء : مين ذا؟
منال : ذا يدور صديقه الي عالجتوه
مصلح
يطلع من الغرفه : عزيز!
عزيز
سمعت صوته داخل دخلت للغرفه عنده
——
خلود
كنت جالسه عند راس جدتي المريضه
وادعي واصلي انها تصحى وجالسه اتذكر لما
اغمى على جدتي مره وما صحت الا بعد اسبوع يارب مايصير نفس ذاك اليوم دعيت الا واسمع ازعاج برا طلعت وشفت شهد معصبه على منال والباب مفتوح رحت وقفلت الباب
خلود : انتم تدرون ان عندنا واحد تعبان وجدتي مغمى عليها
وجالسين تتهاوشون؟
شهد : بقولكم شي بسرعه تعالو داخل
بعد مده ؛
خلود : منجدك يا راسي بموت وبنجلط كلكم اثنينكم ساعدتو مجرمين الشرطه تلاحقهم مستوعبين ؟
منال : خلود اسكتي وربي توي ادري انه مجرم
شهد : وانا كمان هددني ما قدرت اسوي شي
خلود : خلاص خلوكم وراي
خلود
دخلت لهم وحصلتهم يسولفون
خلود : السلام عليكم
عزيز + مصلح : وعليكم السلام
شفتهم يناظرون لي ينتظرون مني ايش اقول
شهد ومنال من وراي يناظرونهم
خلود : اذا سمحتو ابيكم تطلعون من البيت بكره الصباح جدتي ما تستحمل مثل ذي الاشياء تكفون يعني مالنا غير جدتنا ومن بعدها من ضيع لو تدري انكم قطاع طرق
مصلح يتنهد : بنام الحين ومن اصبح افلح ابشرو
—
في اليوم الثاني
الصباح
شهد
صحيت بتعب وشفت خواتي باقي نايمات استغربت
صحيتهم بسرعه ولبسنا طرحتنا وطلعنا
الا واشوف جدتي جالس بالحوش والفطور مجهز
وكانو مصلح وعزيز جالسين معها يسولفون وياكلون معها
خلود بهمس : جدتي وش جالسه تسوي ؟
منال بهمس : نسيتي ان جدتي ماتدري مينهم
شهد : جدتي تشوف مصلح بطل لانه ساعدني امس
منال : لو تدري انهم قطاع الطرق الي حكت لنا ننتبه منهم
خلود بضحكه : طلعت حتى ما تعرف اشكالهم
يتابع....
نجمه ، تعليق زيكم ، وانشرو روايتي
معلش امس ما نزلت لا تخافون التنزيل يومي