بقلمي الكاتبه زهره البصري…..
﴿ واتّقُوا يَومًا ترجَعون فيِه إلى الله ﴾
ريم: كعدت يم عمتي من بجت كلهم كامو يتباجون وياها، كمت من يمهم رحت الفاطمه، فتحت الباب، لكيتها مطفيه الكلوب ومغطيه وجها، فاطمه شبيج
فاطمه: الله عليج ريم طلعي وسدي الباب
ريم: هاي شبيج فاطمه نفسيتج صايره خرا احجي شبيج اذا بيج شي كولي النه نساعدج
فاطمه: تلعب نفسي وماريد اشوف احد
ريم: اكلج بله انتي ياشهر
فاطمه: توني صارلي 3 اسابيع ويومين
ريم: خايبه كووووومي واتكول تلعب نفسي بعدج مشايفه شهر الثالث
فاطمه: امانة الله ريم طلعي وسدي الباب
ريم: شفتها مو ذاك الخلك قبل تتعارك ويانه، عفتها سديت الباب وطلعت ، اجت نسرين خلكتها هم مگلوبه
نسرين: تعالي معاي ريمه ساعديني
ريم: تمام جايتج،
حطينه الغدة كدامهم اتغدو وكملو، اجه علينه ابو نسرين يعازي الولد وكاللهم شنو تحتاجون اني عمكم
بس جان مستعجل كلش ابن عم نسرين، صاير ويا حادث واحتمال يموت راح وماسلم على نسرين
احمد: نسرين استكان چاي بسرعه ابوج عدنه
نسرين: كلبي مقبوض حيل ، من سمعت ب ابوي فرحت كمت سويت چاي، طلعت كالولي راح،احس حيلي انهد من كالولي ، انطيت الاستكان ال وائل ودخلت الغرفتي بجيت اشكثر احس روحي تعبانه كلش ونفسيتي ماادري شبيها لا لليلي ليل ولا نهاري نهار ، احمد مااطيقه ابدا. كوة مصبرة على روحي
كل شوي واكول الروحي انتظري الشهر الثاني و روحي الاهلج وبعد لا ترجعين ، اني اكول النفسي ، هالحجي، مرن اسبوعين واحمد راح الدوام رتاحيت كلش
ام احمد: ريماس يمه امشي صيحلي فاطمه
ريماس: شتردين منها
ام احمد: اريد اروح الهذاك الزلمه، اخلي يبطل سحر نسرين و احمد
ريماس: اي والله يمه نسرين صايره كلش زينه النه ، عندي رقمه وحاجي اخاف مو بلبيت اذا علمود اذا بلبيت ناخذ فاطمه و نروح ،
شوي ودخلت فاطمه علينه احجينه كدامهم وهيه كاعده، اتصلت امي عللى الرجال
:-السلام عليكم
:-كلامة سريع حجه بسرعه وعليكم السلام ام حميد كل الهلا بيج شنو مفتقدج حيل مالج جيه،
:-فدوه اريد توخر نسرين، بعدها مامكمله
:-الطلاق مال نسرين و احمد مو سهل، خليتلهم سحر كلش قوي ويبدي يتفاعل هاذه السحر شوي شوي مو بسرعه
:-صاحت لا يمه فدوه ابطله
:-حجيه شلون ابطل السحر اني ، السحر مدفون من زمان حت من اروح احفرة الكا راگد، والجماعه اگلو وشربو منه مايصير
:-شتريد انطيك بس ابطل السحر ، انه ماريده
:-لا عيوني السحر مايبطل ويبقه يعيد لحاله لحد مايتفاعل، مابيدي شي حجيه
:-اذا ماتبطل السحر اروح للشرطه عليك
:-تهدديني شنو مااخاف لا من شرطه ولا. من اكبر واحد امشي المرهوله، مره عجوز واتسوي اسحورة، امشي من يمي يلا، شوفي خل اكلج، اسمائكم كلها يمي قسم قسم الا العب بيكم طوبه وانتي السبب
خافت ام احمد منه، من كال الها هيج،
حجت بسرعه: -ههههههه مااتتحمل شقه يمعود اتشاقه، هسه
:-اي واكول، حت مرض كتيلي اكتب على نسرين مرض وكتبت عليها
فاطمه: مااعرف اشوكت اتصلت بي بس من رجعنه طلعت اتصلت بي هيه وريماس وطالبات منه يمرض نسرين وطلاق ،
:-اذا بلبيت اكدر اجيك
:-لا ماريد جيتج واني طالع من الناصريه كلها عندي شغل
:-يلا مع السلامه،
:-باي، وسده بوجها
فاطمه: حجيت، شلون اتخلن مرض للبنت خو طلكنها ليش تمرضنها
ام احمد: بنادم من يحترك كلشي يسوي واني احتركت ، و ريماس كالتلي راح ادك عليه يسوي مرض الها
فاطمه: عمه مايصير هيج شي اسوينه
ريماس: ماسدين حلكج انتي وتسكتين، صرتي شيخه براسنه، الله يرحم والديج اطلعي بره
فاطمه: كامن يتراجفن ويعضعضن ب شفايفهن من الخوف، طلعت من يمهن واني مرتاحه كلت بس لا ياخذني اله ، تلاكيت مع نسرين وجها احمر ومتغيره
حجيت، نسرين شبيج
نسرين: مابيه شي
فاطمه: اشو وجهج احمر
نسرين: لا مابيه شي جنت جوة الشمس، عفتها ودخلت الغرفتي، لكيت احمد متصل بيه 25 مكالمة ،
حجيت بداخلي، الله ياخذك ماريدك طفيت جهازي من راسه، ونمت
فاطمه: ضليت اباوع بيها بعدين روحي گامت اتلوب تريد تروح وراها واحجيلها كلشي وبعدين اتراجع، نسرين انسانه حقانيه من راح احجيلها اكيد راح تتهمني ومراح اضمني، كلت اروح الاهلي احسن، اسكت حلكي، دخلت على وائل،، اريد اروح الاهلي
وائل: كبل يومين كلتي مااروح لمن ادخل شهر ل6 يلا اروح
فاطمه: مو تعبانه كلش
وائل: توج بعدج
فاطمه: مااكدر ابقه والله
وائل: تمام بدلي هسه ولمي ملابسج خل اخذج، بس اروح اخذ مصرف من امي،
فاطمه: كعدت الملم غراضي،
نسرين: اجيت للمراية لكيت الحمره البنفسجية موجوده و الوردية ماكو، ??دورت گلبت الغرفه گلاب ماكو، يوم تختفي البنفسجيه وتبقه الورديه، و يوم اتروح الورديه وتبقه البنفسجية، اخذت مثل الروتين، الازم الكا وحده مفقوده من حمراتي، طلعت من الغرفه اريد اروح الصاله ، وسمعت وائل يحجي ال عمتي يريد ياخذ فاطمه الاهلها، حسدتها
تمنيت لو اصعد وياهم وين ماجان ياخذوني، ضلت روحي اتلوب، اجي منا واطلع منا الظهر وكلها نامت، طلعت فاطمه متلبسه، وائل، يوديها الاهلها ومناك يطلع الدوام،
طلعت وراهم الشارع، صعدو السيارة ومشو، بقيت انه اباوع وراهم وبكلبي حسرة جبيرة
رجعت الغرفتي نمت، صار اسبوع على نفس الروتين، عمي شوي نسيناه، عمتي صار عدها الضغط ساعه هابط ساعه صاعد، رغم حت الاكل كطعته، بس الضغط مايستقر مالها،
اجو علينه ناس يخطبون ريماس، وبيوم نزلت احمد من الدوام ، اتصادفو، شافوها وراحو،
جانو فرحانين مامصدكين انو ريماس تزوج، كمت اتشرد من احمد اذا اشوفه بغرفتي كاعد، اروح للمطبخ واذا اشوفه بلمطبخ اروح الغرفه، ريم هيج اتداول معا ولا شفته ولا وكفت ويا لحد مالليل اجه
جانت صعبه عليه ادخل عليه واشوفه ابعقلي اشوفه وحش مو احمد، صعدت فوك السطح نمت
احمد: اجيت روحي متلهفه الها اريد اشوفها ماكو هاي مو من عواديها قبل تتلكاني وهيه تاخذني للغرفه هالمرة ضامه نفسها عليه، يمكن زعلانه مني بس شنو السببب مااادري، بعدين كلت اني الي ازعل اجازتي كلها اتصل بيها ما ترد، اخر شي كلت يجوز محضرتلي مفاجا يجوز، اجه لليل رحت الغرفتي لحد ساعه ب 11 ماكو نمت، ضل بالي مشغول عليها كعدت ب 2 ونص بليل باوعت الفراشي ماكو هيه، كمت دورت البيت كله ماليكتها حيل عصبت منها،
صعدت فوك السطح لكيتها نايمه، حجيت بزمخه عصبيه نسسسسسسسسرين نسسسسرين
نسرين: شفته من وكف عد راسي، سويت روحي نايمه وماااسمعه لن حت صوته كمت اكره
احمد: هيوووووووو نسسسسرين اگو جلب واكف عد راسج اكعديييييي حيل عصبت منها دفرتها ب رجلي اكعدييييي
نسرين: مكروها وجابت ولد، احمد من سوه بيه هيج فزيت ب بلاوعي كمت بوجها، انت شلووووون تدفرنييييييي ها شلون اتدفرني احمدددددد
احمد: صوتها عالي وحجتلي هيج كتلها هسسسس لا يسمع احد
نسرين: خل يسمعونيييييي شلون تدفرني
احمد: يلا كافي انزلي جوة نتفاهم احجيلي شبيج
نسرين: ماعندك ذره من الغيرة ظهري يوجعنيييي
احمد: اتقربت من يمي وضربيني راشدي، لا هنا ماكدرت اسيطر على نفسي، ضربتها راشدين
وكامت اتصيح راح يموتني راح يموتني ، اريد الزمها ماكو فزعت العالم عليه، كوة سيطرت على شعرها سحلتها على الدرج سحل ماتريد تنزل، واتصيح وتحجي اتكول الا الم العالم عليك اني مو تايها الك
فز اكرم و ريم وامي والبنات على صياحها، اني اتخبلت منها اتسودن ولا مرة اتصيح هنا فقدت عليها لزمتها موتتتها اتموت، يردون يخلصوها مني ماكو
نسرين: مااحس بي ابدا ولا ادري بلي صار، ماادري فقدت همه يحجولي هيج سويت بس اني مااحس بنفسي ولا ادري اني هذيج روحي نايمه فوك السطح
احمد: جرها اكرم كوة مني ، كامت اتصيح وتهذري بس مااعرف شنو تحجي، كوة خلصوها مني
راحت جابت نعال وشمري عليه، لا هنا صارن عيوني فوك بكصتي، اجيتها شلتها وركعتها حت اكرم كتلته معاها، وضربت نور راشدي لن جاي يخلصوها مني
اخذوها مني ودخلوها الغرفه وقفلوها عليها، رحت وراهم شلت الباب وركعته اريدهم يفتحونه اليه
لحد مااجت امي واخذتني، دخلت الغرفتي صاير اعصاب
ام احمد: ليش يمه هيج اتسوي بمرتك
احمد: يمه رحمه الروح ابوي عوفيني واطلعي
ام احمد: يو يمه جا غير انه امك
احمد: زمخت بيها اطلعييييييييي يمه
خافت مني وطلعت، بروحي شبت النار اريد اهدى ماكو شلون شمرت النعال عليه كدام اهلي، حلفت مااخليها الج نسرين ابدا انصدمت منها ، طلعت الجهاز بليل الساعه ب 3 الفجر خابرت عمي
ابو نسرين: هلا وليدي
احمد:حجيت بصوت عالي عمي تعال اخذ نسرين لا والكفل زينب افقدها
ابو نسرين: فهمني بويه اصار بينكم
اكرم: سمعت احمد يخابر ب ابوها، بسرعه رحت اخذت الجهاز من ايد احمد، وحجيت عمي، كلشي ماكو هاذه مسودن ومشاكل بيناتهم ف عادي طبيعي ماسمعته شنو حجه كتله باي باي وسديته بوجها
احمد مايصير تحاجي عمي هيج رجال نايم بنص لليل ادك عليه
احمد: خل يجي ياخذها ماريدها
اكرم: احمد من اتزوجتو لحد هاذه اليوم ولا مره سمعت اصواتكم عاليه ولا مره صار خلاف بينكم ماتكلي شنو الدهر الصابكم
احمد: اكرم اطلع بره
اكرم: احمد
احمد: اكررررم كلت بره اطلع بببببره
ابو نسرين من محاجي احمد، وبعدين محاجي اكرم، ماتطمن بس متلبس وطالع بليل وجه الصبح وصل ب 5 الصبح
الكل رجع نام ، اندك الباب
راحت ام احمد فتحت الباب
ابو نسرين: وين نسرين
ام احمد: خويه ابو نسرين والله كلشي ماكو بينهم طبيعي متزوجين واصير مشاكل بينهم
ابو نسرين: ام احمد، عندي عمل هوايه خلي نسرين تتطلعي بعدين نتفاهم
نسرين: كعدت مكسرة اتكسر خشمي نازف دم وجهي كلها خراميش ودم، ملابسي مكطعه لكيت روحي بغرفه وائل و فاطمه، طلعت اروح اغسل وجهي لكيت ابويه بلباب، بسرعه نشقت وبجيت
ابويه من شافني بهيج وضعيه اتسودن، ماعباله احمد هيج مسوي بيه، اخذني صعدني السيارة واني حت عبايه او شال مامخليه على راسي وطلعت حافي معا
ابويه من العصبيه حجه، ام احمد روحي كولي الابنج احمد ماكو عندي مرة اله ،
رجعنه، على نص الطريق ودك احمد على بابا
احمد: ويييييين ماخذهاااااااا رجعهااااااا يصيح صياح
ابو نسرين: اظاهر انت جان ابوك مغطي عنك ماندري باخلاقك هاي ولك صرت مسودن متشرد مال شوارع هيه ماعافتك هيج اتسوي بيها
احمد: اتعيرني بيها
ابو نسرين: لا حشا مااعيرك بس اذكرك
احمد: اذا الاهتمام صار منيه روح لا اريدك ولا اريد بنتك
ابو نسرين: مدام هييج سهله سهللله بااااااجر تطلك
احمد: ايييي ليش لا تطلك
نسرين: واحد يعيط على الثاني واحد تجاوز على الثاني سد الجهاز بابا،وهوه معصب ويحجي يحلم احمد يشوفج بعد يحلم يكلي ماريدك لا انت ولا بنتك سهله،، وصلنه البيت اهلي،
ركضت ال امي وكمت ابجي، امي اتسودنت منيي اخذتني سبحتني، وبدلت ونمت، يوم عن يوم بدا يخف ورم وجهي ، جهازي عفته يمهم هناك
يوميه ابجي دخلت بحالة نفسيه، مااعرف السبب شنو الي ضربني بي احمد وبديت اشتاقله واريد احاجي، بس ابويه فد مره شاد وياه
احمد: مرن 4 ايام واني غاضب عليها وبنفس الوقت مشتاق الها، كمت طلعت ملابسها شميتهن ونمت، اتزوجتها واني صف ثالث متوسط بعدني زغير وابويه زوجني ، من غير الحب الي بداخلي الها من واني زغير ، ماافاركها ثانيه جانت اذا تروح الاهلها لليله وحده وتجي اني اخذها واني اجيبها ،
مرن شهرين
نسرين: يوم عن يوم افقد الشهية وعافيتي، صارو يمشون بيه السادة والشيوخ ماصرت زينه،
كل واحد يكول مسوالها عمل وماثر عليه، ولا واحد كدر يشفيني، صار تساقط بشعري بشكل فضيع، وهوه لا دك ولا سال احمد، رحت الدكتور لكا خشمي مكسور، سؤالي عمليه واحمد ماتصل اريده لو بس يتصل
تعبت نفسيتي كلش طلعت من العمليات واني اصيح احممد احمد احمد، كوة سكتوني، بقيت 3 ايام بلمستشفى وطلعت، صرت مااطيق اي احد امي وابويه اذا يگابلوني ويكعدون اضوج منهم
اسوي شغلات واني ماادري بروحي، كاعده بليل فاتحه الكنتور، كاعده بي ، اجه ابن اختي شافني، ركضت عليه وشنقته ، كعدت اختي رويده بنص لليل شافتني اشنق ب ابنها كامت اتصيح
كوة خلصو الطفل مني، اخذوني الواحد يسمونه صبي ، كال الامي الا انام وياج يلا يروح السحر من بنتج
بعدين ابويه كام يسال عن الشيخ الي شافه اكرم
كالوله ب اربيل، سافر ب الطيارة الى اربيل وبقه هناك 20 يوم يسال عنه كالوله متوفي الرجال، كايل الهم ماكو اله ولد احد يعرف بيهم، كالوله جان عود فاتح مدارس يدرس العالم، بس سبحان الله شا القدر ومات ، رجع ابويه مكسور
اسمعه بليل يحجي ال امي يكول الها خلي الولد يتسودن خلي للولد كلشي ايسوي الا البنيه اخاف اموت وتبقه نسرين هيج تشلع كلبي، وهاذه الاخوث مادك ولا اتصل عليها ولا سال مرن شهرين، اتشد ابويه اكثر
لحد ما امي نايمه، وبلحلم جايتها وحده كايله الها اذا تردين نسرين اتطيب ، خليها تطلك لن هاذه العمل مسوالها ب الطلاق، كعدت امي وسولفته الابويه
راحو سولفو الواحد يفسر احلام كايل الهم خلي تطلك هي اشارة الكم ، اتصل ابويه على احمد وكال اله باجر اريدك بفلان شي وفلان شي تجي تطلك
احمد: من سامع بلطلاك مستهتر، عود هوه يريد نسرين ترتاح شهرين ويروح يراضيها تفاجى بلطلاك
نازل بهذاك الغلط على ابو نسرين
وابو نسرين: مامقصر هم انزل على احمد بهذاك الغلط كال اطلك غيابي
نسرين: بابا باجر ترحين اتقمين دعوة عليه وتخلينه يحضر بلمحكمه،
نسرين: صرت اختار بين احمد وعافيتي، احمد كلبي شايل عليه كل هاي الفترة مادك ولا سال ، بس كلت ورا الطلاق بفترة ارجع على ذمته بس اصير زينه احمد مستحيل اتخلى عنه حت لو تخل عني يجوز عنده ضروف كتله ماشي رحت قمت دعوة عليه الا يحضر بلمحكمه،
احمد: اكثر من دعوة تجيني وحت اصدقائي اتصلو بيه فارت روحي، كلت والله الا احرك كلوبكم مثل ماحركتو كلبي، رحت البيت عمي خطبت منه بنته، عمي، انطوني اياها، رحت المحكمه البصرة
نسرين: اتفاجت ولاء واكفه ويا احمد بقيت مصدومه، جنت لابسه گمامه بس،شفت ادموعي كامن يجرن، دخلنه للمحكمه، جانت تساولات هواي واطلكنه وهوه عقد كدام عيوني واني اباوع بي
طلعت ابجي ابويه صاح على احمد كال اله تعال طلك طلاك شرعي كدام السيد
رحنه البيت السيد ، نزلت وهوه نزل ويا ولاء وجانت ايده بيدها،
كعدت كدامة
نسرين: اجن عيوني بعيونه كمت ابجي حسيت الكمامه شالت ادموعي اتبللت من الدموع، نطق ثلاث مرات انتي،طالق طالق طالق ، كمت من يمه
احمد: شيخ اعقدلي على زوجتي
عقد على ولاء ، والهلاهل صارت والجگليت جانت عمتي ام احمد موجوده وام ولاء موجوده،
طلعت ابجي بصوت عالي، رحت للمغاسل غسلت وجهي وذبيت الكمامه، ابويه طلع كدامي للكراج
اتصادفت ويا بقه صافن بيه لن شاف خشمي عليه بلاستيك، انصدم مني اجه يريد يحاجيني، بسرعه مشيت صعدت معا ابويه
ابو نسرين: اعذريني بنيتي ماعبالي هيج يسوي بيج والله ما عبالي هاذه الجلب يعقد كدام عيونج
نسرين: مو مهم بابا، جبت الدرب كله ابجي، لحد ماوصلت للبيت، يوميه ابجي على احمد وصرت كلش زينه بس اشتاق ال احمد
سمعت متزوجها بس مامسوي عرس بس هوه وعمه
واكثر من مره متصل على ابويه ويسده بوجه،
ااحمد: مستحيل ابدلها نسرين بس اكو شي خلاها تطلب الطلاق هيه مجبورة واني من العصبيه تصرفت تصرف سي ، ماكو غير حل اتصل على رويدة
رويدة احجتلي كلشي انو مريضه وعمي رايح الاربيل حت يدور على الشيخ، هواي احجتلي اتفاجت، كتلها اريد احاجي نسرين كالت بس اروح الاهلي اخليك تحاجيها،
ولاء اخذتها بس عناد، واني جاي اخابر ب رويدة، سديته منها لكيتها واكفه وراي،حجيت، شعدج هنا
ولاء: حبيبي حمودي غير هم غرفتي هاي
احمد: ولاء كلمة حبيبي مسحيها من حلكج كم مره اكلج مااحب كلمة حبيبي، بعدين شنو حمودي ادري جهال كدامج اتصحييلي حمودي
ولاء: هاي شبيك شنو لعد اصحيلك
احمد: ولاء اظاهر ماتعرفين طبعي انتي، كلمة (لعد) منين اجتج هاي صيحلي احمددد احمددد احمدددد ماتعرفين احمد، من اشتعلت روح احمد على هاي السالفه السواها وجابج يمه، احمد مطييي مطيي جلب ابن ستين جلب، روحي منا لا اركعج بنعال على وجهج
ولاء: اوييي شبيك حبيبي بس حقك ضابط ومعصب مااحاجيك اني عمي
احمد: ترحين لو اركعج بنعال
اشو هاي ابتسمت وسدي الباب وراج، حجيت ويا روحي(كلبي سلطانته نسرين) وبس جانت ساعه شيطان من تعاركت وياها
رويدة: ابني تمرض واخذت لدكتور و اني مواعدة احمد اروح ال نسرين واخلي يحاجيها
نسرين: كاعدة بغرفة يم ماما، ولازمه جهاز بابا عنده جهازين واحد زغير واحد جبير، دخلت الصفحت احمد، بقيت اباوع بصورته، شوي ودخل بابا ارتبكت، بسرعه طلعت من صفحت احمد
ابو نسرين: قبل شوي جنت اريد اطلع ولكيت اثنين زلم ابابنه يتسالون عنه، كالولي انت ابو نسرين كتلهم اي كالولي عدنه حجاية معاك، كلت ليش اتعب ام نسرين ونسرين على شاي وماي ، خل اخذهم معاي للكهوة ، خذيتهم هناك شربت كهوة وماي،
ام نسرين: چا شيردون
ابو نسرين: تدرين بويه نسرين كلبي محترك وشيبت على وكت عليج، تعبت كلش من وراج، اريدج بس تريحن كلبي بنيتي وترضين بلي اني اسوي الج
نسرين: شنو بابا
ابو نسرين: اليوم اجو ناس عليج الي هذوله همه بلكهوة واحد اسمه رسام يعرف عيالج قبل وعايش هناك بلناصريه اني بس كالي كلت اكيد بعدج تفكرين بهذاك الحمار الي مايستاهل اظفر من اظافرج ، اتسودن وصار متشرد شوارع وماعفتي ، اكلت ترفضينه بسرعه بس اني رايد الولد وكتله ابنيلك بيت وتعال الها علما تخلص العدة مالتها
نسرين: بس بابا
ابو نسرين: راضيه ماراضيه مايهمني انتي همج هذاك المطي اني انطيتج وسدي الموضوع
نسرين: كمت من يمه كمت ادك والطم بغرفتي، ماريد اتزوج نفسيتي انسدت من احمد كل رجال بحياتي غير احمد ماريد،
اسمع امي ابوية تعاركو امي معارضه وابويه راضي
اجت يوم الثاني رويدة كالت احمد يريد يحاجيج، ماحاجيته وكتلها بس تفتحي الموضوع وياي بعد اروح اكول الابويه عليج، لن ابويه حت اسم احمد مايريد ينذكر بلبيت،
صار اشهور والصراحه ماحاسبه حساب الشهور النهار كله ابجي، اجو جابو المهر مالي والعداد، وكالو الخميس نعقد عليها وناخذها لناصريه
خلال هاي الشهر اكثر من مره يجي احمد النه وابوي يطرده واكثر من مره يحاول يحجي وياي وارفض حت دز نسوان عليه وماقبلت
ماطلعت ولا اشتريت، راحن رويدة وامي اشترن ملابس الية وغراض خلصتها بس بجي
كلما يتقرب الخميس كانما موتي يقترب بعد
كعد يمي ابويه وصاني اذا سمعت شي او شفت اانتي مو زينه وياه الرجال رسام، هاي هيه كطعي مواصيلج وياي ولا تكولين عندي اب ، ماريد اصير شماته كدامه الناس،
ريم: سمعنه رسام يريد يتزوج وبناله بيت ابو القاطين رسام عمره 36 ومامتزوج،
صار العرس الخميس، عزم الجماعه راحو احمد و اكرم و وائل، ماتعشو اجو من وكت وجوهم حمر ومگلوبه
دخل احمد يصيح ، وبيده التفگة ويصيح الا اموتهم اثنينهم رسام و ابو نسرين، كوة لزمو، دخلو جوة للغرفه، مد ايدك واضرب التفكه بيدك ايدة انزرفت انگلب الصياح بنص البيت ام احمد انجلطت ، وفاطمه بس شافت الدم صارت عدها الم كلش قوي
اكرم: كام يصيح وائل شغل سيارة بسرعه
احمد: ولكم عووووووفوووووني مااروح للمستشفى لو منو يجي، اني مرتاح هيج
ايدة اتصب صب دم وهوه يباوع بيها سكته
ولاء: كامت اتصيح مسودن مخبل مو صاحي اخذني هيج وذبني ورطني بي المخبل
كاعد يباوع بلدم ويسمعها تحجي، التفت ال اكرم حجة اخذها منا لا والكفل زينب احطلي رصاصتين براسها وافتك منها اخذهااااااا من يمي
اكرم: طلع بسرعه وحجة ولاء خويه لمي غراضج و روحي الاهلج ارتاحيلج كم يوم وتعاي
ولاء: وهاذه المسودن شلون اخلي وايده كلها دم
اكرم: شوفي حقه مايدري بلي صار اعذري اخيتي لو تكعدين وتسكتين لو ترحين الاهلج لاتسويلنه مشكله
ولاء: خلي يولي تسودن علينه ليش هوه من طلكها مايدري بيها ها بس مسودن
ماقبلت تكعد هوه ماتحمل اركض اخرط التفكه واجه يركض عليها، كامت اتصيح وصيري ورا نور ، كوة لزمو كعد وهيه سكتت
احمد: احجولي شو ساكتين شنو الاسوي
وائل: خيي انت تضحك على روحك من طلكتها عوفها راحت في سبيل حالها انت هم شوف دربك
احمد: اكرم، اريد اروح الزيارة، بسرعه روح اصعد السيارة،
ريم: خيي احمد روحي فدوتك راح تخسر دم هواي خليني اشد ايدك حت الاهل البيت مراح يدخلونك من يشوفون ايدك هيج ،
احمد: رحت سبحت وصعدت سيارة مرينه المستشفى ضمدتها ورحت اول مادخلت على ابو الحسنين، اريده يبرد كلبي احس بكلبي نار ماتبرد، زرت الامام علي، وطلعت الكربلاء، باوعت ال اكرم كتله بقيك هنا لا تجي وراي انت روح زور واني هم ازور ، طلعنه كل واحد بطريق، اول ماوصلت الامام الحسين كمت انحط بلباب بلبجي ادك بلباب وابجيي بحس عالي ياابا عبد الله اريدهاااا مريتي واريدها ياابا عبد الله شنو الذنب السويته واتعاقبت عليه هيج ، بقيت ابجي بلباب، ماريدها تخطر ابالي هيه ويا هيه مرتي شلون اتصير ويا غيري، نمت، للفجر زرت وطلعت، اتصلت على اكرم كال اني بلسيارة، رحت اله كتلها اخذت جنطتي مال ملابسي الدوام و الجنسيه وكل غراضي كتله اني رايح الدوام البغداد وانت ارجع الاهلي
اكرم: بالله عليك يااحمد ماعدنه غيرك، وين اتروح بعدك من نازل مصارلك هواي،
احمد: اذا ارجع وياك اسوي جريمة قتل ب ابو نسرين ف خليني ارجع الدوامي، احسن روح اتوكل، هوه طلع واني طلعت البغداد، طلبت اخطر مكان ممكن ينقلوني اله ، طلعوني على اطراف الانبار، بس كالو مايصير تطلع وايدك مصاوبه، اكعد كم يوم واطلع
بسرعه صعدت سيارة وطلعت الامام الكاظم، ماتروح عن بالي ونار كبرى بكلبي، اريد من اسد بغداد يطفيها ، كعدت انحب بلباب ماله، ضليت حت اخدم ١٠ ايام بي
ام احمد انشلع كلبها على احمد صار عدها شلل ماتكدر تمشي، وريماس رفضوها كل الي يجون يخطبوها ورا ايام يرفضوها ، هم دخلت بحالة نفسية اتكول كل الي بكدي اتزوجن بس اني و نور بعدنه ،
فاطمه: جابت والطفل طلع مشوة ورا ٣ ايام واتوفة
اتخبلت كامت تبجي، وحت هوه متوفي هم اتريده، بسرعه اتذكرت دعاوة بتول عليها ، كامت اتصيح بتول شورت بيه بتول شورت بيه ، يردون يلزمون حلكها ماكو
نسرين: عاشت حياتها وتوها انفتحت الها الابواب، بيت الحالها ورجال متدين مثل ديانتها بس مشكلتها بابها مكابل بيت عيالها بيت ابو احمد ،
احمد: سمع ب فاطمه الطفل مالها متشوة، من بعد ١٠ ايام رجعت الها، حت اطمن عليها
لكيتها اتصيح بتول دعت عليه اريد واحد ياخذني البتول بس شافتني كامت اتصيح خويه احمد ابو الغيرة بس اخذني النجف اشوف بتول خويه
الكل رفض ياخذها حجيت شمسويتلها انتي وهيه دعي عليج المرة راحت من زمان لا تذكرينها
بتول: احمد احلفك بروح ابوك اذا ابوك عزيز عليك تاخذني واني هناك احجيلك
احمد: حلفتني بروح ابويه، صعدتها بسيارة واخذتها
طول الطريق تبجي واحجتلي كلشي حت على العمل الي مسويته اليه والنسرين، من الارتباك والعصبيه صرت مااعرف اسوق، دعمت تيل مال كهرباء،
ماحسيت الا واني بلمستشفى والجماعه فوكي اصدقائي الي من النجف واخواني، اول مانطقت فاطمه شلونها
وائل: فاطمه زينه كل الي صار بسبب فاطمه لو مگلوبه بيكم،
احمد: طلعنه من المستشفى وصلنه للبيت، فاطمه هم رجعت بتول رايح وائل لاكينها شايلين من بيتهم ومحد يندل بيهم وين مكانهم واحد يكول خارج البلد طلعو واحد يكول بمحافظه كذا المهم اختفو
اول ماوصلت للبيت يوم الثاني لملمت غراضي كلهن ولاء طلكتها لن البنيه ماطلعت منها العيبه ابدا بس روحي ماتصب عليها خليها اتشوف حياتها ، بيومها حت عمي اجه علينه ويريد السبب شنو جانت حجتي بيها اني مااخلف ونسبتي صفر عندي تحليلي مال نسرين، لن روحي طابت معا نسرين، دخلت على ريماس ، ايدي ماتمد على اختي والمشكله ابويه ماموجود اخوهن الجبير انه بمثابت ابوهن، ماريد كلمة اتمسهن او تطلع علينها النفترض طلعت ام السحورة منو راح ياخذها بعد او يمكن من اعذبها اني شنو الاحصله غير انو اختي تشتهر ، امي اتخبلت بلبجي، صارت مجلبه برجليني دنكت علليها وحبيتها براسها حجيت مهما اتسوين تقبين امي وابقه اطلب رضاتج بس مال ارجع واكعد بنفس البيت لا ناس اكو ناس اتدمر حياتها اني الي دمر حياتي امي واختي الي وصلني الهاي المرحله امي واختي، اخذت غراضي وطلعت وجانو كلهم يتباجون، البيت نسرين حت مااكدر اباوع بيه ،
رجع كلمن المكانه اني اجرت بيت الحالي البغداد، صرت اني و صور نسرين ، طلعت ٢٠١٥ من اهلي،
سمعت ريماس اتزوجت ويوم الثاني مرجعينها اتسودنت من سمعت بهاذه الخبر رجعت مخبل مسودن من هالحجي خلصت عمري ب ضيم ومااطلع اي حجايه على اخواتي رجعت ب ٢٠٢١ عطلت السيارة بيه نزلت على الشارع مشي لحد ماوصلت الفرعنه، ٣ اطفال يلعبون بلفرع طوبه جاي ادك بلباب، طلعت وحده صاحت احمد احمد احمد، عبالي ااتصحيلي التفتت ب عجب نسرين، طلعت واتصيح الاطفالها واحد منهم مسميته احمد ، ضليت اباوع بيها حيل متغيرة
بس شافتني سدي الباب،
نسرين: حياتي ماشية الحمد الله بس احمد يبقه بذاكرتي ومايطلع واكول الرسام احمد بمخليتي اخاف يعتبر خيانه ف اكولها الرسام مرات يضوج ومرات لا عده عادي يكولي اني هم مرات اذكر حبيبتي اهم شي متفهمني لن انسان هادي بشكل عنده نص حياته هوه اطفالي
اول طفل جبته كمت ابجي واتذكرت احمد تمنيت لو هاذه الطفل من احمد، وثاني طفل وثالث طفل سميته احمد وطلبت من رسام وهوه هم عده ابن اخو متوفي اسمه احمد كال تم وسمينا احمد ، لاكن بعد ودلاتي من احمد اكتشفو عندي غدد سامة يم الحنك ويمكن ياثر على الصوت
عالجت هواي ماصار وسويت عملية ٢ ماكو اخر شي كالولي انضربج كمياوي ابتعدت عن اطفالي ٥ اشهر ببغداد اضرب كمياوي، مصارت زينه والكلام انقطع عندي صرت مااحجي تعبت نفسيتي كل والنهار كله افكر بس بجهالي مكابلتهم وابجي، رحت الدكتور ب لبنان كال بدا المرض يمشي بيج اتكدرين تكافحين ٧ سنوات عايشه رجعت من بغداد مقهورة نمت والدمعه بطرف عيني كعدت المغرب لكيت اطفالي ماكو فتحت الباب، كوة طلعت صوتي وصحت ابني احمد كلش متعلقه بي رغم الدكتور كال اريدج ٩اشهر ماتحجين ولا تنطقين ب حرف واحد اتفاجت ب احمد من باوع بيه ، زود القهر قهرين ، سمعت ب ريماس اطلكت يوم ثاني عرسها بسبب طلعت مو بنت
احمد: سمعت ب نسرين بيها مرض مو زين وهالشي صاير بيها من. ورا سحر امي لن فاطمه ذكرت ان السحر ممكن يسوي مرض مزين، ااتسودنت، صرت رايح راد على اهلي حت لو بس اشوفها اريدها تحاجييني اريد احاجيها هواي اشتاق الها
مرات اطلع بلباب يلاكوني اطفالها كلش يحبوني، اكوم اشمشم بيهم اريدها تطلع وراهم ماكو
ريماس انشهرت بلمنطقه كلها هيه مو ابنيه احمد سدينه السالفه وكلمن راح بطريقه، بس صارت ريماس ماتطلع ولا ترفع راسها كدام اخوانها ونسوان خوانها هسه ريماس محد يقترب الها ابدا
هاي نهاية القصه اول بداية اجيت اكتب قصة بتول بس عجبتني وياها قصه نسرين وكتبتها،
النقالات القصه فاطمه ونسرين و بتول هذني الي جاي اخذ القصه منهن بتول التقت مع نسرين ب دكتور ابغداد ورجع التواصل بينه نسرين وفاطمه وبتول،،،،،،،،،،،،،هاي نهاية القصه
الكل راح يكول ليش ماعاقبو ريماس او امهم همه الولد مايكدرون يتمادون عليهن يخافون على سمعت اخواتهم وامهم ، بس هسه قاطعين الجهازات منهن، ومانعين عنهن الطلعه حت لتتمرض همه يجيبون الهن علاج من الصيدليه ،،،،،،
حبايبي اتذكرون بنت عماد، الي تلكن بتول، هاي البنيه بوحدها الها قصه وقصتها عجيبه راح اكتبها بس اغير الاسماء و الاماكن الي هيه اني منزلتها(صراع مع النفس) هاي قصتها
اي شي حابون اتسالون عنه جاوبكم او اتسالون بطلات القصه هم اسالهن وارد الجواب الكم بلتعليقات اما نسرين تطلب الدعاء منكم اتكول دعاء 40 غريب مستجاب واتريد دعواتكم وسلامتكم مع تمنياتنه قراء مممتعه