گبل لا احچي انتم حسوا بيهَ
هليّ مو مال اوصيكم عليهَ
كلش زين تدرون انه مو زين
غير چفوفي ماضل شي بأديه
هليّ گلبي بلم يا ماشلت نَاس
بگلبهم مادري شالوا اليه
♦️..............................♦️
فرح:لي ليش
لمني لصدرة ويهمسلي
شرار:كافي كافي اهدي
فرح:سوويت بيها مثلي موو ليشش
شرار:فررحة كافي باعي
رفع راسي وعيونة صارت بعيوني
شرار:لاتخافين ماكو شي يلا كومي رجعي نامي
فرح:نمت على جرباية حاضنة نفسي وهو طلع بجيت لحد ماتعبت ونمت
..................................
بغداد الساعة. 9ص
ام فرح: ليث يمة يلا كعد
ليث:كعد حبيبتي صباح الخير
ام فرح: صباح العافية تعال اتريك يلا
نزلت وهو شوية ونزل وراها كعدو هو وامة يتريكون ولازم تذكر فرح
ام فرح: يمة شو ليوم كلبي يضوجني على اخيتك خابرها لي
ليث: وين اخابرها يما خاف هذا مايقبل نحجي وياها
ام فرح: جرب يما فدوة اروحلك
ليث: يمة اني رح اموت بس عليها شووكت يستوعبون موو انيي لسوويت هيجج
ام فرح:حقهممم همةة مالكوو شي بس عليك شتريد يصدكون كلامك
ليث:بسس مو هيج يمة موو فرح بعمري مامتوقع يصير هيج كل ضني جان ضامها لي بس مو ب اختي
ام فرح:يمة لاتوجع كلبي اكثر وخابرلي عليها الله يخليك
ليث طلع تليفونة واتصل على شرار دك هواي وماكو رد
ليث: هاي بعيونج يمة شفتي مايرد
ام فرح: ارجع اتصل مرا ثانية بلكي يرد
رجع اتصل طول شوية بعدين اجاهم رد
....................................
فرح: نايمة وصوت التليفون فززنة لااني كمت ولاهو اخر شي استسلم وكام
شرار:خررب شرفك ياريت تسووة وكمتلك
فرح: باوعت علي شمر التليفون علية
شرار:رددددي
فرح:اني اباوعلة ب استغراب اخذت التليفون شفت رقم ليث لوو الفرحة ماوسعتني كمت. بسرعة وفتحت خط كلت الوو وكلي لهفة اجاني صووت جانت امنيتي اسمة صوت يردلي عافيتي
ام فرح: الوو بنيتي فرررح
فرح:اني سمعت صوتها لو نفجرت ب البجي
ام فرح:لاتبجين يحيلي سوودة عللية عمت عيني عليج يمةة
فرح: اسم الله عليج حبيبتي يمة فدوة اروحلج مشتاقتلجج يمةةة هواييي والله
ام فرح:ماكدرت تحجي بعد وخلصتها بجي
فرح:يمة حبيبتي لاتبجين مابية شيي يروحي الله يخليج لاتبجين مابية شي .
ام فرح: يمة فرح ماعوفج هنااك لاتخافين بس هاي لايام وارجعج يمي
فرح:ان شاءالله حبيبتي بس فدوة لاتبجين
يم---
فرح:داحجي بعدني انسحب مني التليفون وسدة
فرح:لاشرار فدووة لاا
شرار: كافي ادرري شكوو فاتحة هية
فرح: فدوة ارجع خابرها اخر مرة والله
عافني وطلع واخذ تليفونة ويا
كعدت ابجي واغلط علي هذا الاتصال خلاني انقهر ب زايد. ليشش هيجج يربي ليشش
ندك لباب ولمرة كالت من لباب
ام ريام: يما حبيبة تعاي تريكي
كمت غسلت. وغيرت ملابسي وطلعت
الدرج صاير بصف الغرفة طلعت صار بوجهي منزل صينية من فوك استغربت شيسوي فوك وهو فهم نضراتي بس غلس اخذتها من يمة المرة وصاحتني بلمطبخ لكيتها صابتلي ريوك على الميز
فرح:خالة ليش متعبة نفسج اني ماريد والله
ام ريام:لاشنوو متردين ميصير لازم تتريكين
فرح: والله خالة مااشتهي
شرار: فرحةة اكعددي اكلي
فرح: كعدت واني كوة اكل اكلت شوية وكمت وبالي ماهدء شوية من اهلي لشرار متت من التفكير اريد اعرف شعندة فوك ؟؟؟لبارحة منو لي يصيح؟؟؟؟
حايرة شسوي يربي مسحت دموعي وكمت
فرح:خالة وين شرار
صفنت بوجهي بعدين جاوبت
ام ريام: هاا قصدج ابو فهد
هنا يما هنا بلغرفة
فرح:رحت دخلت بلغرفة لكيتة يخابر كعدت انتضرة يخلص وهو يباوع عليه ويحجي خلص وكال
شرار:خيرر شكو موتة نفسج
فرح:ارريد اهليي
شرار: شنو جديدة هاي
فرح: مارريددك هيية كووة يااخي ارريد اهليي تفهمم لولاا
ولاكانو احجي ويا تمددت على جرباية وخلا ايدة على عيونة اني متحملت عطت بي
فرح: مووواحجييي وياااكك
كام بسرعة واجة يمي لزم شعري ويجر بي
شرار: بر...... هااي عليمنن تعلين صووتجج ادبسززز بلقرران اخلصجج خلاص
فرح: وخرر اخ شعرري
لزم ايدي وخلاها ورة ضهري
شرار: والله اذا سمعتللج حررف واحدد
شهكت ودموعي تنزل كمل كلامة
شرار: اشششش اسكتيي مارريد ولانفسس
صيري حبابة وتكفي الشرر خووش
فرح: دفعني وكعت على كرسي كعد عل جرباية ومنزل راسة ومخلي ايدة على راسة
واني بس دموعي تنزل
لزم تليفونة وفتحة شوية وشمرة علي
اخذتة وجان متصل على ليث مسحت دموعي ومنتضرتة يرد رد واجاني صوتة
فرح: الو
ليث:هاا فررح حبيبتي يرووح اخووج
فرح: ليث وبجيت ماكدرت احجي وهو يسمع فاتح مكبر وضاغط ب ايدة على فراش الجرباية
ليث: لاتبجين فرحتي يعمرري انتي لاتبجين ووعد مني فررح ارجعجج يمي والله بس اصبري علي
فرح:هو يحجي واني اباوعلة بخوف صار نارر وعيونة فاتحهن بعصبية
ليث: فرح لاتخافين حبيبتي اريدج ويااي وتتحملين بين مارجعج ولاتفكرين احنا عايفج ابد والله
فرح:مستمر يحجي واريد اسكتة
فرح:ليث
فرح:ليث اسمعني
ليث:لاتحجين شي فرح لاتكولين مارجع واذا على لبطنج ف هو لج ابنج واحنا مانقصر وياا ابد ترجعين وتكملين دراسة وابنج بحضنج بعيدة من هذا الخسيس
فرح:كام بسرعة وجانت اكو مزهرية عل ميز ركعها ب لكاع سحب لتليفون مني وحجة بكل عصبية ويركز على حروف
شرار:ماكو خسيس غيررك . يااجباان وعبالكم غيرتو مكانكم مااندلكم لك تخسى لو ترحون ب اخر كاع تلكوني . واصحة حبيبي هاي احلام ليقضة ماتفيدك
تاخذ فرح ههههه والله ضحكتني
ليث:اخذها وغصبن عليك مشكلتك ويانة هية شعليهاا بس فهمنيي ليش دخلتهاا
شرار: راجع نفسك وسوالف گبل وراح تلكا جواب كافي تغشم بنفسك
ليث: رجع فرح وتعال واجهني انت مشكلتك وياي رجع اختي ولتريدة يجرالك
شرار: انت تفهم لو مطي مدد براسك وترة انطيتك هواي من وكتي. بس خلي هذا لحجي ببالك انسة فرح ترجع فهمتت
فرح:سد الاتصال وباوع علية
شرار:اهلج لكالتة نفسج عليهم خايفين على رواحتهم مني وخاتلين بس ماخايفين على بتهم ليمي وابوج لزود شارد للشمال عبالة يفلت مني
فرح: لاتحجيي عليهم خوش. طبعاا يشردون من واحد مجررم مثلك مابكلبة رحمةة
شرار:هههه صايرة قوية وتحجين . شفتيني منطيج عين شوية استقويتي بس لاتنسين لكبالج شنو. وشيكدر يسوي فاهمة
فرح: هههه شسووي بعدد عاادي ميهمني ولا راح اخاف من شي بعد ليجي بالك سوي لاتقصر
ابتسم واجة تقدم يمي رجعت ليورة خلا ايدة على اكتافي وقربني علي وكال
شرار: خليج كد كلا___
رفعت راسي وصارت عيوني لغركانة بلدموع بعيونة سكت وماكمل كلامة ضل يباوع بعيوني ونضراتة تغيرت غمض عيونة وسحبني لحضنة حضني قوي حسيت تكسرت بيدة وعافني وطلع
يربيي راح يخبلنيي .
______________________
رحمة ودموعها على خدها: حيدر انت انت ليش هيج مبتعد عليه
حيدر: وين مبتعد عليج بابا مو هاي يمج ويومية اجيج
رحمة: ليش بعد ماتجي توكلني وتمشطلي
حيدر: لجماعة مقصرين وياج بشي
رحمة:لالا بس بس اني
حيدر:شلون بيج رحمة حبيبتي لاتخافين منهم وشوكت ماتردين خابريني هسة ليش البجي
رحمة: حيدر فدوة لاتروح ابقة يمي
حيدر:اجيج والله العصر اجيج اخذج للدكتور
رحمة:لافددووة مارووح
حيدر:اشش موبكيفج هلمررة
لاتبجين اني وياج وماعوفج
رحمة: وعد
حيدر: بابتسامة وعد وعد
____________________
ليث:شفتي يمة شكدد ساقط
ام فرح: يمةة فررح شلوون بيجج شلوون عايشة وياا اوويلي على حظج
ولكمم حررام عليكمم جيبوولي بتي رجعولهاا لي ولكمم بعدهااا طفللة شلون عايشة ويا فهموني
ليث:دكاافي يايمة احسن تتخربطين
ام فرح: شوووف مااصبررر بعدد يوومين مااجبتها لي اني بنفسي اروحلهاا
وعافتة وراحت دخلت بغرفتها
_____________________
فرح: طلعت من لغرفة لكيت لمرة كاعدة تباوع عل تلفزيون
ام ريام:تعاي يما لبيت بيتج
فرح: رحت كعدت يمها كالت
ام ريام:ابو فهد طالع اذا تردين شي كليلي
فرح: خالة لعد ريام وين
ام ريام:راحت يمة اجة رجلها اخذها
فرح: هاا
ام ريام:يي يمة اني ماعندي بس 2 بنات واثنينهن زوجتهن ريام و ريهام وابوهن انطاج عمرة وهنة صغار وضل لحمل علية هل تشوفيني كبرتهن وزوجتهن
فرح: الله يحفظج لهن خالة
ام ريام: يبعد كلبي
يمة انتي اهلج شعجب انطوج لهنا
فرح:صارت بعد. وانطوني
ام ريام:يي يما ليش هو ابو فهد ينرفض يحفظة الرحمن مامخليني بعازة احد كلبة على الكل يايمة
فرح: ايي حنين ابو النسوان بكلبي حجيت
ام ريام: خالة خاف جوعانة انتي ماتريكتي زين
فرح:لا والله ماجوعانة
ام ريام: بس خل يجي رجلج يمة واصبن غدة
فرح:عل راحتج خالة
ام ريام: يمة الحجية من تخابرني هواي تحجي بيج ومن سوالفها تمنيت اشوفج هنيالة بيج ابو فهيد
فرح: خالة شعجب بعيدة علينة يعني همة كلهم منجمعين هناك شعجب انتي مو يمهم
ام ريام:يمة اني ردت بيت بعيد عليهم احسلي اني صاحبة بنيات ولحجي هواي لح علية اكعد ويا بس زحمة عاد كعدتت هنا اني وبنياتي ورجلج مامخلينة ينكل علينة سودة علي بلاكل ولملابس شسولفلج والله مرات انقهر يجي هلكان ومحمل تحمل
فرح: هذا واجبة خالة شنو لسالفة
شرار: يما لاتحجين هيج تردين تضوجيني منج
ام ريام:لا كلشي ولا تضوج
شرار: بابتسامة لاا ياابة هاهية ضجت بعد
ام ريام: هسة اراضيك شلون غدة طيب سويتلك
فرح: كامت لمرة تصب كمت وياها وهو راح للغرفة
ام.ريام: ليش تعبين نفسج بنيتي
فرح:شنو هذا لحجي خالة قابل شمسوية هو مواعين اوديهن بلسفرة
ام ريام: الله يحفظج يما شلون حبيتج الله شاهد
فرح: فدوة لعمرج خالة
رتبت لمواعين بلسفرة ورحت اجيب لمي ولبن رجعت هو نزل من فوك وكعد
ام ريام: فدوة ليدج يما دتعاي كعدي اكلي ماكلتي انتي
فرح: كعدت يمها واني صافنة علي شعره مبلل ومخربط ولابس ملابس بيت بس لواعرف شعندة فوك باوع علي وكال
شرار:اكلي وين صافنة
ام ريام:يما انه فريحة ماانطيكياها بعد
شرار: بووية ليش
ام ريام: بقيها يمي وانت روح انه لبنية دخلت كلبي وحبيتها وخليها يمي بعد وانت شوكت متريد تعال
شرار: لابوية وين يصير هيج
ام ريام:يصير يصير بس كول انت ماتكدر تفاركها
فرح:باوع علية ومضيك عيونة
شرار:ليش حجية هية لمثلها يتفارك؟؟
فرح: نزلت راسي والتهيت اكل وهية تكلة
ام ريام: يي والله يايمة حقك ان شاءالله انشووف وليد تارس حضنكم بحق محمد
خلصنة ولميت وياها لمواعين رغم هية ماتقبل ابد هية صح مرة جبيرة بس بعدها بحيلها كلشي تسوي بنفسها تنظف تتطبخ
ام ريام:يمة اخذي هذا لجاي لرجلج
فرح: اخذتة منها ورحت لصالة هو كاعد يباوع عل تلفزيون دنكت اخلي عل طبلة حجة وهو عينة عل تلفزيون ويدير بلقنوات
شرار: بوية طلع المستور . وعيونة مو كد هلشوفة
فرح: رفعت روحي كتلة
اذا عيونك مو كد هلشوفة شكوو تباوع
شرار حجة بابتسامة : عطشان وشاف كبالة ماي تردي مايشرب
فرح:شكدد سخيف
مشيت سحبني من ايدي
ورجعني علي
فرح: وخرر شبيك لااتجيي لمرة
شرار: منو لسخيف ولج
فرح:محدد والله بس عوفني
شرار: روحي وبعدين اعلمج
فرح: مشيت وكتلة سخيف وطفرت للمطبخ
كملنة ورحنة كعدنة ب الصالة بس هو جان ماكو وين راح هذا موجان كاعد هنا المرة تمددت ونامت خطية ماتدري بعد شصار مصار طفيت لتلفزيون وكمت اريد اروح للغرفة وهو نزل من فوك وكفتلة وخازرتة
فرح:شعنددك فووك
شرار: شعندي بابا عندي شغل وجنت اكملة
فرح:دخلت للغرفة وهو دخل وراي سد لباب
واني اخذت ملابس ورحت للحمام سبحت وطلعت وهو متمدد على جرباية مشطت وكملت واجيت تمددت وهو صافن على سكف
فرح: بشنو دتفكر
باوع علي وسحب راسي خلا على ايدة
شرار: ماافكر بشي نعسان اريد انام
فرح: هو نام اني هم نمت شوية وكعدت وهو بعدة نايم هااي فرصة اصعد اشوف شكو فوك طلعت عل كيف المرة هم نايمة صعدت وخايفة كلش وصلت للنص وردت انزل
فرح:شبيج فرح قابلل شكوو يلاا صعدي ونجبي
كملت طريقي وجاانن اثنين غرف وحدة مردود بابها وحدة مقفول ردت انزل بس استوقفني صوت يهمس بكلمات ما مفهومة
تقربت على باب وميتة خوف فتحت لباب وصارت كبالي بنية صفنة بوجهه بعض ثواني وهية عاطت واني عطت وياهااا ووكعت يم لباب .....
.
.
.
يتبعععععععع
شوفوني توقعاتكم 🙂💔