នៅឯទីធ្លាខាងក្រៅវិមានដ៏ស្កឹមស្កៃរបស់ត្រកូល Kim មានបុរសសង្ហារចរិយាមារយាទរួសរាយរាក់ទាក់ តែបែរជាបៀមទឹកមុខសោកសៅសម្លឹងមើលទៅភាពអណោចអធ័មរបស់វិមានមួយនោះ ក្នុងចិត្តកំពុងតែអន្ទះសាបារម្ភពីសុខទុក្ខរបស់អ្នកជាម្ចាស់វិមាន បន្តិច hoseok ក៏ប្រទះភ្នែកនិងវត្តមានរបស់ teahyung ជិះឡានចូលមកជាមួយនឹង jimin ល្មម
<< Tea អូនទើបមកពីណាហ្នឹង បងទាក់ទងទៅអូនរហូត តែមិនឃើញអូនតប? >> Hoseok ប្រញាប់រត់ទៅសួរនាំអ្នកជាប្អូនភ្លាមបន្ទាប់ពីគេចុះពីឡាន
<< ខ្ញុំទើបមកពីដើរលេងនោះទេ មិនបានបើកទូរស័ព្ទទើបមិនឃើញបងផ្ញើរសារមក >> teahyung
<< ទើបតែមានរឿងមិនល្អកើតឡើង មិនទៅនៅជាមួយពួកបង អូនបែរជាទៅដើរលេងជាមួយអ្នកទើបតែស្គាល់ទៅវិញ >> hoseok វាចាដោយដៀងកែវភ្នែកទៅ jimin
<< អ្នកណាទើបតែស្គាល់នោះ? ហើយបើទើបនឹងស្គាល់ វាខុសមែនទេ? >> Jimin មិនសុខចិត្ដដែល hoseok និយាយពាក្យមិនសមរម្យជាមួយនាយ ទាំងដែលគេទៅវិញទេ ទើបជាអ្នកដែលស្គាល់ teahyung យ៉ាងពិតប្រាកដ
<< មិនមានអ្នកណាខុសនោះទេ...! ខ្ញុំត្រូវអ្នកដទៃធ្វើឲ្យពិបាកចិត្តណាស់ទៅហើយ ក៏ចង់ដើរលេងរំសាយអារម្មណ៍ខ្លះប៉ុណ្ណោះ បងមិនគួរបន្ទោសឲ្យ jimin នោះទេ >> teahyung ខ្លាចពួកគេទាំងពីរឈ្លោះគ្នាកាន់តែខ្លាំងជាងនេះ ទើបរកល្បិចមួយដើម្បីឲ្យរឿងប្រែជាប្រសើរឡើងវិញ
<< បងសុំទោសផង tea តែបងពិតជាបារម្ភពីសុវត្ថិភាពអូនពិតមែន ឃាតករនៅរកមិនទាន់ឃើញនៅឡើយ ក៏មិនដឹងពីចេតនារបស់គេឡើយ ទើបបងខ្លាចអូនជួបនឹងវាទៀត...! >> Hoseok ប្រញាប់ធ្វើការបកស្រាយឲ្យដល់អ្នកជាប្អូន ព្រោះខ្លាចមានការយល់ច្រឡំលើខ្លួន
<< ណ្ហើយចុះ! បងក៏មិនមានចេតនាអាក្រក់អីផង ខ្ញុំមិនយកចិត្តទុកដាក់នោះទេ បងទៅវិញចុះ...ខ្ញុំហត់ហើយ ចង់សម្រាក់...! >> Teahyung តបវិញបែបហីៗ មិនយល់ដល់ចិត្តមនុស្សកំពុងតែបារម្ភពីនាយអីបន្តិច hoseok លើសពីឆ្ងល់ តែក៏អាចត្រឹមធ្វើតាមការចង់បានរបស់ប្អូន
<< បានឯងទៅសម្រាក់ចុះ តែបើមានរឿងអីត្រូវប្រាប់បងឲ្យដឹងឮទេ? >> Hoseok
<< អឹម...!!! >> Teahyung នេះក៏ចិត្តដាច់ណាស់ គេគ្រាន់តែងក់ក្បាលតិចៗនឹងគ្រហឹមតាមដើមករមក បណ្តាលឲ្យចិត្តអ្នកជាបងទៅវិញទាំងរសាប់រសល់ខ្វល់ពីនាយក្រៃលែង
<< ខ្ញុំក៏មិនអាចនៅបានដូចគ្នា ទីមួយមិនចង់ឲ្យមានអ្នកឃើញពីភាពស្និទ្ធស្នាលហួសប្រមាណរបស់ពួកយើង ទីពីរនៅទីនេះពិបាករកឃាតករពិតណាស់ >> ក្រោយពេលឃើញ hoseok ធ្វើដំណើរទៅវិញបាត់ jimin ក៏ផ្តើមប្រយោគថ្មីទៅមាឌតូចស្តើង
<< នេះរកកន្លែងស្នាក់បានហើយមែនទេ? >> Teahyung សួរទៅកាន់ jimin វិញ
<< នេះជាសោរ condo ស្នាក់របស់ខ្ញុំ នៅមានទៀត បើមានរឿងអីត្រូវប្រាប់ដល់ខ្ញុំមុនគេលឺទេ? >> Jimin ដាក់សោរបន្ទប់នៅក្នុងប្រអប់ដៃតូចឆ្មាល់ និងផ្តែផ្តាំដោយដាក់កំហិត
<< បាទ...! ដឹងហើយលោកប៉ា ខ្ញុំសន្យាថានឹងប្រាប់គ្រប់រឿងនឹងមុនគេបំផុតដល់ឯង ហិហិ... >> Teahyung តបវិញដោយស្នាមញញឹមស្រស់ត្រកាល ប្រៀបបាននឹងផ្ការីកនូវរដូវរងាដូច្នោះដែរ
<< ល្អណាស់! ចឹងខ្ញុំទៅហើយណា អាកាសធាតុត្រជាក់ណាស់ កុំភ្លេចមើលថែខ្លួនឲ្យបានល្អយល់ទេ មិនចឹងខ្ញុំនឹងមិនជួយឯងទៀតទេ!? >> Jimin ទោះបើឡើងដល់ឡានហើយក្តី ក៏នៅតែផ្តាំទៅរាងតូចឲ្យយកចិត្តទុកដាក់បំផុតចំពោះខ្លួនឯង
<< អើយ៎...! មើលផ្តាំដូចជាបែកគ្នារហូតអ្ចឹង bye bye... >> រាងតូចទាំងលើកដៃរៀរនិងតបតដោយសំណើចក្អាកក្អាយ រហូតម្ខាងទៀតទៅផុតកន្ទុយភ្នែក ទើបខ្លួនព្រមឡើងទៅលើផ្ទះ
ក្រោយចូលមកដល់បន្ទប់គេងរបស់ខ្លួន teahyung ក៏យកឧបករណ៍ចាក់តន្ត្រីមកដាក់លើតុក្បែរគ្រែគេងរបស់ខ្លួន ។
នាយទោះបើកំពុងតែរៀបចំរបស់របរ តែញៀនម្យ៉ាងក៏ប្រាប់ឲ្យដឹងថា មានមនុស្សកំពុងឈរនៅពីក្រោយខ្នងនាយ
Teahyung កាន់តែជ្រូតជ្រាបថាមនុស្សនោះចូលមកកាន់តែកៀកខ្លួននាយហើយ គេក៏រហ័សងាកខ្លួនទៅឆ្វេងមួយជំហានផុតពីការឈោងចាប់របស់ជនពាក់មួកខ្មៅនោះ រួចដៃទាំងពីរក៏ប្រញាប់ចាប់ដៃជនមាឌធំដែលបំរុងនិងចាប់ខ្លួននាយមុននេះយ៉ាងរហ័ស ដើម្បីកាច់ទៅក្រោយ តែដៃដ៏ធំ កំលាំងក៏ខ្លាំង នៅរហ័សរហួនជាងនាយទៅទៀត គេលើកដៃនោះឡើងលើផុតក្បាលឲ្យដៃតូចៗ ក៏របូតចេញពីខ្លួន ហើយប្រុសមាឌធំនោះក៏បង្វិលខ្លួនមួយជុំមកឈរពីក្រោយ teahyung យ៉ាងលឿនរហ័សដូចផ្លេកបន្ទោរ រាងតូចរកតែតដៃមិនទាន់ ក៏ត្រូវបុរសមាឌមាំនោះចាប់កាច់ដៃព័ទ្ធទៅក្រោយខ្នង រួចរុញនាយឲ្យក្រាបក្បាលនៅលើតុមួយរំពេច
<< នៅតែក្នុងផ្ទះពេញមួយខែ បងចេះក្បាច់ការពារខ្លួនហើយហេស៎? >> Jungkook ឱនផ្តេកខ្លួនទោបបូរមាត់ទៅក្បែរត្រចៀក teahyung រួចក៏បង្ហើរសំនៀងធំគ្រលរខ្សឹបខ្សៀវឲ្យអ្នកខាងក្រោមមានអារម្មណ៍ខ្លាចរអា
<< Jungkook នេះឯងចូលមកដោយរបៀបណា? >> Teahyung ទោះបើត្រូវប្អូនកៀបសង្កត់ពីលើកំរើកមិនរួចក្តី សម្តីក៏នៅតែខ្លាំងឥតញញើតគេបន្តិចឡើយ
<< ខ្ញុំចូលមកដោយរបៀបណា បងចាំបាច់ខ្វល់ធ្វើអី!? បងគួរតែខ្វល់ពីប្រុសជាដៃគូរបស់បងវិញទៅ ថានឹងទៅដល់ទីណា...? >> Jungkook រឹតតែកាចពេលនិយាយដល់ឃ្លាមួយនេះ
<< ឯងចង់ធ្វើស្អី jimin ហ្អា៎...? >> រាងតូចស្តើងប្រឹងបំរាស់ខ្លួនចេញពីរង្វង់ដៃមាំក្រាស់ តែរើយ៉ាងណាក៏នៅតែគ្មានប្រយោជន៍ រាងកាយទាំងមូលក៏ត្រូវគេទាញឲ្យមកគេងលើពូក ដោយមានរាងកាយមាំក្រាស់ jungkook សង្កត់ពីលើដូចដើម
<< បារម្ភពីគ្នាម្ល៉េះ ឬបានខ្លួនគ្នាហើយមែនទេ? >> Jungkook ស្រែកសួរដោយសម្លេងឮៗ និងទឹកមុខកាចសាហាវ
<< ពេលដេកជាមួយខ្ញុំធ្វើដូចជាគ្មានជំនាញទេ ហើយពេលនេះមិចក៏ជំនាញទាក់ទាញ ពួកអស់នោះខ្លាំងម្ល៉េះហាស៎? >> កំហឹងនៅក្នុងខ្លួនរបស់រាងក្រាស់ជាប្អូន កាន់តែខ្លាំងឡើងទ្វេដងនៅពេលនិយាយពីវា គេស្រែកស្ទើតែបែកក្រដាសត្រចៀករាងតូចទៅហើយ
<< ចេញភ្លាមទៅ...! >> Teahyung រើបំរាស់យកតែឈ្នះដៃដើម្បីរុញរាងកាយមាំមួនរបស់ jungkook ប៉ុន្តែប្អូនដែលតូចតែអាយុនោះមិនព្រមងើបចេញ ក៏រឹតតែសង្កត់ខ្លាំងជាងមុន
<< មិនចេញ...ខ្ញុំមិនចេញបងចង់យ៉ាងម៉េច...? ពេលនៅជាមួយអាម្នាក់នោះដូចមិនចង់ឃ្លាតឆ្ងាយទេ តែខ្ញុំ...ខ្ញុំអស់តម្លៃសម្រាប់បងហើយមែនទេទើបលែងឲ្យចូលក្បែរបែបនេះ? >> Jungkook ពោលចប់ក៏ថើបគ្រញិចសាច់កសរខ្ចីរបស់អ្នកជាបងទាំងកំរោល
<< លែង...លែងយើងភ្លាម jeon jungkook....! ហឹកៗ >> រាងតូចអស់កំលាំងក្នុងការតតាំងនឹងរាងក្រាស់ នាយនៅឈឺចាប់និងរឿងដែល jungkook មានសិចជាមួយប្អូនខ្លួននៅឡើយផងនោះ ណាត្រូវគេចង់បំពានលើរាងកាយខ្លួនឯងទៀត វាពិតជាធ្វើឲ្យបេះដូងគេឈឺចាប់ហួសពីនិយាយចេញ
<< ថ្ងៃមុនខ្ញុំគ្រាន់តែស្អប់ឯងមួយភាគប៉ុណ្ណោះ បន្ទាប់ពីឯងធ្វើរឿងទាំងនេះមកលើខ្ញុំហើយ តទៅ..ខ្ញុំនឹងស្អប់ឯងគុណឡើងទ្វេដង...!!! >> ទោះស្រែកយ៉ាងណា ទោះរើយ៉ាងណាក៏នៅតែគ្មានប្រយោជន៍សម្រាប់រាងក្រាស់ឡើយ វិធីចុងក្រោយមានតែបញ្ឈឺរចិត្តគេប៉ុណ្ណោះ ទើបជារនាំងដ៏ល្អបំផុត
<< ខ្ញុំមិនយល់...ខ្ញុំមិនយល់ពីចិត្តបងនោះទេ? កន្លងមកបងស្រលាញ់ខ្ញុំលើសពីអ្វីៗទាំងអស់ គ្រាន់តែឲ្យបងគេចមុខពីអ្នកផ្ទះខ្ញុំទៅឲ្យឆ្ងាយ ខ្ញុំក៏មិនបានថាបោះបង់បង ម្តេចក៏បងប្រែជាស្អប់ខ្ញុំខ្លាំងដល់ថ្នាក់នេះ??? >> Jungkook លើសពីមិនយល់ពីចិត្តអ្នកជាបង នាយក្រោកអង្គុយលើចុងជើងរបស់រាងតូច ហើយរៀបរាប់រាល់មន្ទឹលនៅក្នុងចិត្ត
<< តើឯង...ពិតជាគ្រាន់តែចង់ឲ្យខ្ញុំគេចមុខពីម៉ាក់របស់ឯងតែប៉ុណ្ណោះទេ? ឬមានអ្វីផ្សេង នៅក្នុងចិត្តឯង...ឯងប្រាកដជាដឹងច្បាស់ណាស់!? >> Teahyung ពោលដូចនេះចប់ ក៏ប្រឹងដកជើងចេញពី jungkook រួច ក៏រត់ទៅពួនក្នុងបន្ទប់ទឹកបាត់
ឯ jungkook នៅលើគ្រែ អារម្មណ៍របស់គេនៅវង្វេងវង្វាន់នូវអ្វីដែលរាងតូចនិយាយមុននេះនៅឡើយ ដែរមិនតបព្រោះនាយយល់ថា teahyung កំពុងសំដៅដល់ភាគហ៊ុនទាំងអស់របស់រាងតូចដែលនាយកាន់កាប់នេះឯង
ឯអ្នកនៅក្នុងបន្ទប់ទឹកវិញ គេឈឺចាប់យំខ្សឹកខ្សួលរំពងពេញទ្រូង ប្អូនប្រុសជាទីស្រឡាញ់អើយម្តេចប្អូនលង់ស្រលាញ់និងមនុស្សអាក្រក់ឃោរឃៅយកតែចិត្តខ្លួនឯង មិនឲ្យតម្លៃប្អូនសោះអ្ចឹង? តែបើបងធ្លោយខ្លួន បណ្តោយឲ្យ jungkook យកបានម្នាក់ទៀត នោះបងទៅវិញទេដែលអាក្រក់លើសពី jungkook ទៅទៀតនោះ...
រាល់ភាពឈឺចាប់ដក់នៅក្នុងទ្រូងរបស់រាងតូចស្តើង ក៏បានជះឥទ្ធិពលដល់រាងកាយរបស់គេខ្លួនឯង វាជាទំលាប់ទៅហើយ ឲ្យតែនាយខឹងនឹងខ្លួនឯងដែលធ្វើអ្វីមិនកើតតាមចិត្តចង់ គេក៏តែងវាយដំសាច់ខ្លួនឯងជានិច្ច ៚
To be continued.......☔