بقلمي زهره البصري....
"صلَّى عليكَ اللهُ يا خِيرَ الورى
ما ضجّت اﻵفاق باﻵذانِ."
اللهم صلِ وسلم وبارك على نبينا محمد 🤍🍃
الشيخ: يجوز الله جعلني اوصلك واطيبك واموت،
اتمدد ياااكرم بلكاع حت ترتاح اكثر ، وفعلا اتمدد اكرم بلكاع وكعد الشيخ يقرا عد راسه، وغفه شويه نام
احمد: ها شيخ
الشيخ: الصبح يكعد كلشي مابي ، خلو يرتاح جسمه هسه استرخاء
احمد: هيج وصدك يكعد اكرم مابي شي ههه وكعدت على القنفه اشرب جكاير
الشيخ: لا تستهين بمعجزات رب العالمين قادر يحي لعظام وهي رميم، مايقدر يصحي هاذه الي هوه كدام الله اسهل ، تصعب عليك بس يم الله ماتصعب وليدي
احمد: مااكدر اسلمك الفلوس هسه لمن اشوفه
الشيخ: احترم كلامك وليدي طالب منك فلوس انه،
احمد: لا مو قصدي هيج
الشيخ: من رخصتكم طالع ،
علي: شيخ على عينه وعلى راسنه ، هيج فلتت من حلكه هاي الحجايه زعلت شنو ،
الشيخ: شبيك بويه اني ماازعل من شي بس اروح الازم اليوم اطلع الاهلي وعندي اعمال هوايه ضروري اكملهن اليوم ، وابنكم من يصحى من النوم يكعد كلشي مابي
احمد: تقرب وباس راس الشيخ، شيخ ارجوك تبقه عندي اليوم واني بيدي اوصلك الاهلك وشنو التريده اسوي ، بس ضل اليوم عدنه،
رسام: ملا ابقه اليوم واذا كلش لمن يصحى ولدنه واحنه مانقصر معاك الله شاهد نضل خدام الك طول العمر
الشيخ: استغفر الله بويه الله وكيلكم راح اعطل اعمالي كلها علمودكم اني ماعندي شي وياكم،، جيبو لحاف وذبو على ابنكم اكرم وكلمن يرجع لمكانه لحد ساعه ب 7 الصبح ،
احمد: مانمنه اكرم كدامنه نايم واحنه منتظرينه على القنفه، بس الشيخ ذب الشماغ ماله ونام ،
علي: عود صدك يكعد اكرم كلشي مابي
احمد: يبه انت سمعته من حجه الشيخ كانو طبيعي كلشي مابي
علي: والله يايابه ماادري من كثر ماامشي بي كمت اجذب العالم ،
احمد: يبه قولى الله تعالى(ورحمتي وسعت كل شي) احنه صرنه مانامن ب شي بس خل نتامل ايات واقول رب لعالمين ،
الشيخ: هسه ماتخلوني انام هسه يلا اتذكروت تحجون عن الله انتم لو عدكم ايمان ب الله قوي مصار بيكم هيج بس الايمانه ضعيف كلشي يصيبه، روحو خلو ابنكم نايم ،
احمد: نزلت خليت الكوشه مال القنفه بصف اكرم ونمت بصف اكرم وتغطيت مع لحاف مال اكرم، بكلبي حجيت، ياخوي والله شلعت كلبي انت
ابويه نام على القنفه ورسام وصديقي راحو للغرفه ،
الشيخ: لا تذكرونه بلماضي ولا تحجوله عن الجان يصير معا مو لن ترجع حالته لا لن راح اتصير بي حالة نفسيه،
احمد: ليش شيخ
الشيخ: راح ينقهر ويضوج لن مايكدر يتذكر لماضي الي صار ويا ف شنو راح يدخل جو الاكتئاب والقهر ، ابدآ لا تذكرونه بلماضي حت من يساللكم اني وين جنت لا تحجوله شي كولوله جنت فاقد وجبناك للشيخ يقراء عليك ،
احمد: شيخ هوه اله بنت متوفيه واله زوجه مشلوله ماتمشي وعنده طفل منها شلون مانخلي ماينقهر ، اذا بس يذكر هذني او يشوفه زوجته ينقهر ،ونريد انجيبها الك
الشيخ: مو مهم اتجيبوها عندي ماي زمزم راح اقرالك عليه وتاخذه وياك الها ، هسه مو وكته الحجي خل انام البارحه مانمنه ،
احمد: خمدنه لحد ساعه ب 9 الصبح،، حسيت اكو حركه فزيت باوعت اكرم ماكو بصفي، كمت مثل المرعوب، رحت ركض للحمامات مالكيته، شفت الباب الخارجي مقفول رجعت ، اسمع سوالف بلمطبخ ، دخلت للمطبخ الشيخ واكرم يسولفون،
امانه جذبت عيوني شنو الكاعد اتشوفه، بلا مااحس دموع عيني نزلن كانو ميت ورجع للحياة،
اكرم: احمد روح غسل وتعال اتريك معانه،
احمد: لا جذب الكاعد اشوفه جذب، رحت امشي اله بسرعه وشبكته،
اكرم: احمد شبيك ،
احمد: كمت ابجي بحس عالي واني شابك ابجي بحركه كلب،
كعدو على صوت البجي ابوي ورسام وصديقي، اجو يتراكضون عليه، ابوي اول مشافنه كام يبجي
رسام: شسالفه يجماعه مو وكتها البجي ، احمد شو وخر عنه شنو سالفتكم ميت خو مو ميت ،.
اكرم: جا شبيه اني وانت تبجي احمد
رسام: كلشي مابيك هاذه من كثر خوفه من الي شافه بداعش صار بي وهواس يخاف عليكم
:هههههههه
علي: رسام سويت اخيك يوهوس ويخاف من داعش
الشيخ: يلا يابه اني اروح مابقه عندي وكت ،
:ملا سيارتي موجوده اني اوصلك ،
الشيخ: لا اني اشوفلي سيارة منا البيتي ،
احمد: خل اوصلك لباب، التفت على بابا بويه خليك وي اكرم ورسام، طلعنه اني وصديقي ويا الشيخ،
شيخنا شنو التريد من فلوس من سيارة من كلشي ، اني ضابط وعندي خير من الله اطلب شنو الي بالك
الشيخ: ابتسم ابتسامه خفيفه ودك على متن احمد حجه اني الله انطاني هاي المهنه حت اطيب العالم واشفيهم من كل شي انت البارحه كلت الله يقول ورحمتي وسعت كل شي ، زين هم اريد اسالك هم طلب منك مقابل حت يرحم عليك،
احمد: استغفر الله شيخنا ، بس انت حكك علينه
الشيخ: ابنكم اول ماصحى سمعتو شنو كال كالي انت راح تموت، واني كل الي يجيني وهوه مريض من يحجي شي الازم ينطبق وياي وايصير معاي، ف كلام ابنكم بعده يرن ب اذني واكبر واحد بينه وليدي يخاف من الموت ،ماريد شي بس تدعولي واتذكرولي بلخير،
هاذه ماي الزمزم من تكعد المريضه مالتكم من النوم قبل لا تاكل اي شي تشرب منه وتسبح منه ولمدة ٧ ايام انشاء الله اتشوفون النتيجه عليه ،
احمد: طلعت من جيبي مليون و٥٠ اعتبرها هديه ومبري الذمه شيخ عليها
الشيخ: راح اخذ بس ٥٠ اعتبرها كروة اليه البيت اهلي ،
سلمنه على الشيخ وراح ومااخذ اي شي، رجعت لكيت ابويه ورسام واكرم كاعدين يشربون شاي بلصاله، اريد عيوني تشبع منه ماكو،
شوي واتصلت امي علينه،
ام احمد: الو شلونك يمه احمد شلونكم
احمد: طلعت بره اخابر ب امي الحمد الله بخير يمه
ام احمد: بشرني يمه اصار معا اخيك،
احمد: يمه ابشرج اكرم كلشي ماابي وراح انجيبه ونجي ، واني جاي اخابر ب امي كامت تهلل ، ويصيحن صلوات، يلا يوم اروح راح
ام احمد: شوكت تجون يمه
احمد: انشاء الله باجر من الفجر عدكم احنه
ام احمد: كل الهلا بيكم يمه يحرسكم الله واهل البيت
احمد: رجعت اتصلت على نسرين
نسرين: نايمه بسابع نومه مارحت الاهلي اول ماسويت عشه رحت نمت، كعدت على صوت الجهاز ، احمد ، فتحت هلا حبيبي
احمد: صباح الخير ياغلى من روحي عليه
نسرين: صباحك عافيه وراحه متفارك حبيبي
احمد: ابشرج نسرين اكرم كلشي مابي
نسرين: شهكت مو شهكه الله عليك صدك احمد اريد اشوفه بسسسع بسسع حول على مكالمة فيديو
احمد: لا ولج اهدي عيب معانه رجال مااكدر افتح مكالمة فيديو احبج حبيبي مشتاقلج موت
نسرين: شوكت تجون حماده والله فرحتني احلى صباح هوه هاذه الصباح
احمد: اي والله يانسرين احلى صباح هوه هاذه الصباح ، باجر عد اهلي يمكن ابقه عدهم يومين ثلاثه علما ارتب وضع اكرم
نسرين: بس هيج تخلص الاجازه واني مشايفه منك شي
احمد: بعد الاجازة ١٢ يوم هواي
نسرين: يمك يصيرن شويه
احمد: احبج موت بيج
نسرين: هههههههه وانه اكثر منك ،
احمد: يلا حبيبتي باي ارجعي ارتاحي ،
نسرين: ارتاحيت من سمعت صوتك
احمد: باي ، انقطع الاتصال، رجعت اتصلت على وائل
وائل: ها احمد بشر
احمد: البشرى اكرم كلشي مابي
وائل: الف الحمد الله والشكر الحمد الله والشكر
احمد: شوكت تجي الاهلي
وائل: اليوم انزل عليهم
احمد: لعد جيب وياك ذبيحه فدية ال اكرم ،
وائل: المفروض نذبح اله عيل مو بس خروف
احمد: يلا يخوي مع السلامه ، رجعت كعدت معاهم
انتظرنه للغدا تغدينه ، ونومنه كلنا مانكعد لحد العشه ونتعشه ونطلع الاهلنه واكرم ابدا ماسالنه كانو مولود جديد ،
بتول: كعدنه الصبح وعلي ابدا ماتصل ولا سال علينه
سويت ممة المجتبى ، اجت ابتسام
ابتسام: يلا امشينه السيارة واكفه النه،
بتول: كمت بدلت ولبست عبايتي. واخذت مجتبى وطلعنه، للسيد
ماطولنه اقل الساعه وصلنه يم بابه ، دكينه الباب وكعدنه، حجيت للسيد كلشي ،
انطاني حجابات تحصينه وكال بس يروح الحجاب اعتبري روحج اتدمرتي ترحين برجلين ، وكال ارجعي بس البيتج القديم لا ترحين الاعمال كلها بقت ب ابيتج القديم
اخذت الحجابات ونطيته 200 الف ،
ابتسام: خيه بس اتصلي على زوجج وخلي يجي ياخذج لا تحجين على زوجج الله يكون بعونه خيه وخليج يمه لا تفاركينه لا تعوفينه يبتعد عنج تره يتعلم
بتول: كتلها انشاء الله واني بكلبي اكره كره مو طبيعي ، وصلت للبيت اتصلت عليه
علي: الو
بتول: شنو علي مادك ولا تسال
علي: بتول الي عندي حجيته الج
بتول: راضيه اروح وياك
علي: ها يعني هاي هيه
بتول: اي
علي: جا خوش احنه ب اربيل جهزي روحج من نجي انجيبج ويانه
بتول: خوش وقطعت الاتصال بسرعه كعدت ابجي روحي اتفر روحي اطير مو بيدي انه شنو الاسوي انه واهدي روحي جسمي واعظامي كلها تتراجف من يجي طاريهم كلهم اكرهم لا بنت ولا ولد احبه منهم ،
كعدت اجهز بغراضي وابجي ، شفت جهازي امي تتصل عليه سديته بوجها وحجيت بكلبي لو تخافين عليه ماتسمعيني كلام يسمني ،
فاطمه: كعدت من النوم واسمع عمتي تهلهل والبنات يمها يتصايحن، عرفت اكرم طاب ومصار بي شي طلعت اركض الهن شنو شنو اصاير كللي
ريماس: ابشرج اكرم كلشي مابيه
فاطمه: وين هوه
نور: بعدهم مجاين ،، ا
فاطمه: احس البيت كله فرح ويانه ، زين بنات منو اتسوي ريوك ومنو اتنظف غرفه اكرم.
نور: اني راح اسوي الريوك وانتي نظفي غرفته،
اتذكر بيومها جلفنه البيت جلف من الفرحه والغرفه مالته نظفنها صح جانت فرحتنه ناقصه ب ريم
البيت كله فرح، حجت ريماس: يمه اتصلي بيهم شوفيهم شوكت يجون،
ام احمد: يكولون الفجر نجي ،
ريماس: زين يما وعلاج الاعراج نسينا،
ام احمد: هسه اشوفه، كامت من يمنه ام احمد
ريماس: اذا امي اتروح اتجيب العلاج من الاعرج انتي ترحين وياها فطوم
فاطمه: وائل جاي نازل علينه واذا مالاكاني بلبيت تعرفين اخوج انتي ميحتاج احجي اني ،
ريماس: جا شلون
فاطمه: روحي انتي وامج لا من دره لا من شاف ،
ريماس: انشوف ،
ام احمد: انروح اله هسه منو بيجن اتروح وياي
ريماس: اني وياج ،
ام احمد: وفاطمه
ريماس: اتكول وائل جاي علينه وتخاف منه
ام احمد: فااااطمه فااااطمه
فاطمه: ها عمه
ام احمد: ترحين وياي
فاطمه: عمه جاي وائل واخاف يجي
ام احمد: هسه اشوفه ، اتصلت على وائل
وائل: هلا ب ست الحبايب
ام احمد: شلونك يمه
وائل: بخير يانبعه
ام احمد: طلعت من كربلاء لو بعدك
وائل: لا بعد نص ساعه اني وجماعتي اندورلنه على سيارة
ام احمد: خوش يمه تدري ب اكرم انت
وائل: اي ادري يمه كالي احمد
ام احمد: اريدكم تنجمعون كلكم واليداتي
وائل: انشاء الله يمه
ام احمد: لو صعدت بلسيارة واجيت رمش عليه ،
وائل :انشاء الله ياغاليه،
ام احمد: سمعتي فطيمه يلا لبسي عبايتج ومعانه
فاطمه: غصبآ ماعلى خشمي اخذني معاهن ،وبس اوصل يم باب الاعرج مااعرف شيصير بيه بطني اتصير بيها تقلصات ودلي اروح اكعد بلحمام ومعدتي تتلوى اريد اتقى ،،
وصلنه يم بابه ودخلنه عليه،
الاعرج: هلا ب ام احمد وجنتها وبنتها ، هاكم هاذه شغلكم خلال يومين راح اتشوفين النتيجه، هاذه المسواك خاص بس الابنج احمد
ام احمد: كون يصير شي بي
الاعرج: عليه كلشي مايصير اني كفيل بهالشي بس يصير شي ب ابنج اني المسؤل ، بس هاذه المسواك خصوصآ الابنج احمد وزوجته ،
ام احمد: اشكد عليهن تاخذ ،
الاعرج: المقدم مليون ونص وموخر ملونين
ام احمد: والله ماعندي تساهل وياي نزل من المليون
الاعرج: ماتدرين والله اتعب كلش بي وهاذه حق تعبي لا عبالج بس اليه لا اكو ناس تشتغل معاي واحسبلهم رواتب من يمي ،
ام احمد: جا انه ماعندي والله
الاعرج: مليون مقدم وموخر مليون ونص
ام احمد: فتحت الجنطه وطلعت مليون وانطته ،
فاطمه: اخذنه المسواك وطلعنه، رمش وائل على عمتي ، معناها صعدو السيارة،
اخذنه المسواك وخلينا بثلاجه وعمتي نبهت البنات لاحد ياخذ من المسواك مو النه هاذه المسواك..
نسرين: بدلت وطلعت للصالون حفيت وجهي وصبغت شعري ، وطلعت للسوك اخذت ملابس الي وملابس ل احمد، رجعت متاخرة كلش نظفت البيت لفيت كبة جريش ولفيت كبة برغل ولفيت دولمة ونكعت حمص حت اسوي حمص بطحينه وفلافل
وجانت الدنيا ضاحكتلي وغيرت فراشي وبدلت الغرفه غيرت بيها هواي شغلات خليتها عبارة عن ديسكو كلها اضواء تترامش اخضر و احمر ،
بتول: لبست الحجابات وطلعت ملابس مجتبى وملابسي خليتهن بجنطه واني عيوني يحركني من كثر البجي،
احمد كعدنه المغرب كلش ، تعشينه وطلعن، ساعه اني اسوق وساعه احمد وصلنه النجف ب 10 الصبح،
نزل علي ، جاب غراض بتول ،نزلنه اني واكرم سلمنه على بتول وبوسنه مجتبى صعدت ويانه، وطلعنه الاهلي،،، وصلنه ب 2 ونص لاهلي لكينه وائل واكف النه بلباب ، سلمنه عليه ودخلنه طشو علينه جكليت، امي بس شافت بتول اتغيرت ارسومها ههههه
بتول: دخلت نزلنه البنات كلهن من شافني ضاجن
فاطمه: هلا بتول سلمت عليها ودخلتها جوة ، جبتلها مي
بتول: فدوه فطومه جيبلي مي دافي ابني يبجي يريد ممه ،
فاطمه: انخبص بيتنه خبص، بعدين دخل عمي على غرفته عمتي وصاحتني ريماس كالت بابا يريدج ، دخلت عليهم هلا عمي
علي: بنيتي بلكي ترتيبن غرفه احمد ودخلين بتول الها لمن انظف بيتنه واوديها اله
فاطمه: عمي الغرفه نظيفه ومابيها شي
ام احمد: فاطمه اخذيها لللغرفه ، وشنو تريد جيبلها،
ريم من سمعت ب خبر اكرم طارت من الفرح بسرعه لبسي ابنج ملابس ودزي بيد جده الاكرم،
اكرم اول مشافه كام يبجي سالنه اني وين جنت وليش هيج فرحانين بيه
احمد: انت جنت فاقد عن الوعي ، من الله وهذاك السيد صحاك النه ، هسه روح الزوجتك وانطيها ماي الزمزم هاذه كللها يوميه تشربين منه وتسبحين منه لمده 7 ايام،
بليل ذبحنه خروف وعزمنه العالم اتعشو ومشو كل احنه محاوطين اكرم ونسولف معا وابنه يبجي منه لن مشايفه من اول مصار ف مستغربه نشاقي ونضحك وياه، و ابنه يبجي بحضنه ، لحد مكال ياله اخذ ابني الامه يبجي كام من يمنه وبقينه انسولف شوي وفاطمه هبطت بنصنه انغمه عليها بسرعه سعفناها للمستشفى طلعت حامل وجانت الفرحه فرحتين راح يصير عد وائل طفل ، فرحانين
دك على متني اكرم وكال انشاء الله يوم الالك حمودي اهلي كلهم كالو انشاء الله يوم الالك
فرحان وائل مامصدك ومن هسه حط اشروط فاطمه ماتشتغل ولا اتكوم من فراشها واني ااشتغل بدالها ، شبعنه ضحك بعدين كلمن راح للفراشه وجيت اريد انام باوعت الساعه ب 12 طخت براسي اطلع للبصره هسه كمت سبحت ولبست ملابسي واريد اطلع
لاكتني امي وين رايح حمودي يمه
احمد: اريد اروح الاهلي يمه طك صبري بعد مااتحمل لو صار شي خابروني
ام احمد: حكك يمه بس جبتلك مسواك كلت لا تروح وتتسوك هاذه الك
احمد: يمه اخذو الكم
ام احمد: اتسوكت علمودك والله يمه
احمد: اني توني مستلم الراتب طلعت 500 الف وانطيتها الها وحبيتها براسها صعدت المسواك بسيارتي وطلعت الاهلي ،،،،،،،، مسك الختام