سُــلالــه النار (بُرهان قَلبي)
بقلمي مـــريم آل أحـــمد
لتنسون التصويت + التعليق بين الفقرات + وتابعوا حسابي ♥️🔥🫀
__________________
ولمَّا أنْ تصادَمْنا وصِرْنا
نُلَملِمُ ما تَسَاقَطَ مِنْ يدَيْنَا
ومِنْ فَرطِ ارْتباكٍ حلَّ فِينَا
تبادَلْنا القُلُوبَ ومَا دَرَيْنَا
________________________
چنه ملتمين ببيت جدي والاصوات عاليه وهم يتناقشون ماعدهم نقاش بهدوء تأفأفت باوعت ع عمر أبن خالي هم باوعلي وهو هم متضايق من الوضعيه أشرت أله انو نكوم منا ونطلع قبل لا بنتبهون ألنه توني داكوم غمضت عيوني وانا أسمع جدي ينادي بأسمي
الجد جاسم : أدهم وين رايح
درت وجهي على جدي وابتسمت بهدوء ورديت عليه
أدهم : جدي طالع ويه عمر بالحديقه محتاج شي
باوعلي وانطاني هاي النضره معناها ارجع اكعد
نفخت بضجر باوعت لعمر يجي يكعد يمي أجه كعد وحجه بأستفهام
عمر : شبيك ادهم ليش رجعت كعدت
حجيت وأنا بالكوه متحمل الكعده وياهم
أدهم : عمر أسكت لان دتشوف جدك شلون انطاني نضره وكلها دتباوعلي وتباوعله أختنكت من المعده وياهم لان الصراحه الكعده هنا تگصر العمر .. أستغفرت ربي بصوت ناصي
أنتبهت لـ شاهين شلون كاعد بصف جدي تحسه انسان اكبر من عمره كأنوا حس اني داباوع عليه باوعلي وابتسم ابتسامه استهزاء باوعلي من فوك ليجوه ورجع يكمل حجي ويه جدي
باوعت للفراغ اني ليش هيج ديصير بيه وشنو السبب الي وصلتي لهنا
الي وصلني اهمال اهلي تجاهي دخلت جيلان تمشي وهي عمرها 3 سنوات
كبرانه ومربربه والخدود حمر طبق الاصل ع امها اجتي تركض والدموع تنزل كالتلي
جيلان : بابا اريد جبس مثل سيف
أيهم : بابا قبل شوي اكلتي ما يصير بعد تاكلين
جيلان : لا بابا اريد جيبلي
كامت تبجي اضطريت اكوم اجيبلها حتى لتبجي بعد
رحت اشتريتلها ورجعتها للبيت فرحتها بالجبس وشلون تبوسني حركاتها تنطبع ببالي
رحت اريد ادخل وجان اسمع صوت همس تقربت اكثر وطلع صوت امي هيله ويمها سنان خالي
سنان : ترا ميصير البنات مالابسات حجاب وهو كاعد يمهن وانتِ تعرفين هو لا منه ولا بينه
هيله : سنان ما اكدر اكله شنو حيصير بي اءا عرف احنه مو اهله ولا ابو هو نفسه ابو ولا انا امه هو يعرف انا زوجه ابوه وعنده ام عايشه بس ماتريده
بهاي الحاله شلون احجي اله وما اريد الي بالبيت يعرفون هو مو ابن هذا البيت وهم ما اريده يعرف هو ابن حرام تعرف أيهم يموت من يسمع هذا الحجي
سنان : ما اعرف هيله بس لازم تلكين حل لهاي السالفه
انصدمت من الي سمعته صدمه عمري وانا اسمع هذا الكلام انا أبن حرام عمري صار 21 سنه وانا مخدوع
كامت تتردد هاي الكلمه براسي أبن حرام أبن حرام
تأذيت طلعت برا بسرعه رحت بعيد وكعدت صافن بهاي الكلمه لازم اروح اعرف السالفه كلها
رجعت للبيت احس الوقت ما يخلص حتى نرطع لبيتنه وأسأل امي هيله ع الموضوع واعرف الحقيقه
تغدينه ورجعنه للبيت بس دخلنه كلت لامي اريد احاجيج بموضوع مهم
كلهم راحوا وانا رحت وياها لغرفتها قفلت الباب وكتلها
أيهم : أنا ما احب الف وادور يا امي اريد الحقيقه كامله
هيله بأستغراب : يا حقيقه تحجي عنها
أيهم : انو انا ابن حرام
أباوع لوجهه صار اصفر وتحاول متباوع بعيني وتتهرب من الجواب
هيله : شنو أبن حرام منيلك هذا الحجي أبني
أيهم بعصبيه : سويتيييي روحجج متعرفين مووو سمعتج بهاي أذني وانتِ تكولين لخالي سنان انا أبن حرام هاي أخرتي تكون أبن حرام وانتو كلللل هذاااا الوقت معيشيني بجذبه امك متريدك يااا حسافه طلعت ابن حررراام
هيله : ع كيفك يا أبني خلي افهمك السالفه انا ما ردت احجيلك لان بعدك صغير ع هيج صدمه بس خليني افهمك الموضوع
أيهم : شتفهميني انو انا أبن حرام
لزمت ايدي واخذتني كعدتني ع الجربايه لزمت ايدي بأيدها ثنينهم وبدت تحجي
____
الماضي
جان ديمشي بالشارع يوم ممطر وهو يريد يدخل للجامع ولكه طفل بالباب محطوط وياه ورقه
باوع منا ومنا شال الطفل ودخل للجامع وطلع الورقه وقراها وجان المكتوب
رجاءا اخذوا الطفل قبل لا ينذبح
قريت المكتوب بأستغراب منو ممكن يخلي هذا الطفل هنا كلت خاف اتورط من اخذه بس ضميري ميخليني
شلت الطفل واخذته للبيت دخلت لكيت هيله كاعده من شافتني كامت بسرعه
هيله : سلمان هذا الطفل منين جبته وابن منو
سلمان : اااخ يا هيله لكيت الطفل بباب الجامع ذابينه وبهذا الجو دأخذي الطفل وخلي يدفه
هيله
أباوع للطفل الوجه يضوي وهو مبين توه صاير اخذت السله الي جان بيها ورقه قريب المكتوب واكو جوه كتابه الطفل عمره يوم وأسمه ( أيهم )
اخذا الطفل وخليته بمكان دافي جنت توني جايبه شاهين وعمره شهرين
اخذت الطفل ورضعته وحسيت اتجاهه بالامومه من اول يوم وانا مو امه تنهدت منو ممكن هيج يتخلى عن نعمه الله
ربيت عندي وكبرت ودرستك ووكلتك واهتميت بيك مثل اخوانك واكثر
صار عمرك 10 سنوات وبيوم من الايام اندك الباب ودخلت مره انت تشببهه نفس الوجه والعيون
بعد ما دخلتها وضيفتها صدمتني بالكالته
ناهد : أنا ناهد اصير خالته لأيهم الطفل الي عدكم وانا الي خليته بباب الجامع وعرفت بالصدفه قبل كم سنه انو هو عدكم وسألت عليه كالوا ابن واحد من قرايبكم توفه واخذتوا انتو ربيتوا مع انو سمعت الكلام هذا وانا اعرفه جذب
هيله : شنو السبب الي خلاكم تشمرون طفل وبهيج عمر ماخفتوا يموت
ناهد : شحجيلج يا خيتي الصار اكبر من انو اخاف اشمر طفل بهيج عمر ع العموم انا اجيت بس اشوفه واروح ومراح اخلي يعرف انا منو وهمين هاج هذا
طلعت دفتر من جنطتها كالت اذا اجه يوم وعرف بكلشي انطي هذا الدفتر وراح يعرف الحقائق كلهن
اخذته منها وعفته يمي ورحت اجيب أيهم جان كاعد بالكاع يكتب بدفتره اخذته وديته الها ع اساس هي وحده من قرايبنه
كعدت مقابيلهم واشوفها شلون حضنته وكامت تبجي وتردد اولي عليج ياختي ماشفتي ضناج
جنت مستغربه وسألتها هو أبن اختج
ناهد : اي ابن اختي لازم اسولفلج كلشي حتى ما يبقى عندج استغراب
سولفتلي كلشي وانا مصدومه معقوله هيج يصير
طلعت ناهد وانا بقيت صافنه محد عرف بالسالفه حتى سلمان ما سولفتله
____ الحاضر
هيله: وهذا كله يا أبني
أيهم : زين شنو الصار
كامت من يمي وطلعت دفتر من صندوك شكله قديم ورجعت قفلت الصندوك
اجت خلته بأيدي وكالت الحقيقه كلها هنا بس مو هسه تقرا خلي بعد يلا تقرا ولازم تكون مستعد لكلشي
صفنت ع الدفتر كمت من يمها وطلعت بره رحت لغرفتي فتحت الدفتر جان مكتوب ذكريات ويوميات ناهد وسميه
فضولي خلاني افتح اول ورقه وجان مكتوب بالبدايه
____الماضي
نرجس : لج سميه ماما يلا تأخرتي ع المدرسه
سميه : أي ماما جايه بس اسوي شعري
كملت شعري ونزلت اركض بسرعه ما تريكت خاف اتأخر وانا اسمع ماما تصيحلي ع الريوم رديت عليها وانا امشي بالمدرسه اكل مو هنا
وكفت بالباب لكيت ناهد ومشينه سوا دخلنه للمدرسه مشه الروتين عادي لحد ما اجه شهر ال 12 جان عصر اندكت الباب طلعت افتحه
لكيت نسوان ضخام كبااي كالوا بيت ابو تميم جاوبتها اي كالت امج موجوده كتلها اي تفضلوا
دخلتهم جوا واجت ماما كتلها نسوان يردوج ما اهتميت طلعت الملم الملابس جان الباب مفتوح شويه واكو ولد واكف بره يدخن
صفنت منو هذا وليش واكف هنا رفع راسه لابس مناظر رفعهن باوعلي انا بسرعه دخلت جوا
شوي وطلعوا دخلت ماما كالت جايين عليج يخطبوج وكالوا اسأل ابوج
اجه بابا وسألته امي ع السالفه وجان جوابه خلي يجون ويشوفها الولد وتشوفه والقرار الها
مرت فتره ما ردينه عليهم وبيوم ناهد مريضه مراحت وياي للمدرسه وطلعت وحدي
جان اشوف 3 يمشون وراي انا من شفتهم صبح ومحد بالشارع كمت امشي سريع ما اشوف الا ووكفوا كبالي
وشفت واحد بيهن عيونه شايفتهن عرفته بسرعه كلت انت نو نفسك جنت ببابنه
هو بسرعه لزموني كمت اصيح حتى يعوفوني كام وخله ايده ع خلكي حيل ضغط عليها ما جنت اعرف انو هنا حتنتهي حياتي ....... يتبع
______________________________
هذا بارت اهداء للي ديعلقون بالبارتات ويتفاعلون وكلش شكرا ع تفاعلكم الحلو بالبارتات رجاءا علقوا اكثر وصوتوا حتى تصعد القصه 🔥
تابعوني ع حساب الانستا وع قناه التلي حتى انزل الكم تغشوشات من القصه احبكم ♥️🔥🙊
https://t.me/meream_ahmad