قصة : { #قارئة_الفنجان } 🧕🏻☕
الحلقة التاسعة { ٩ } 🔮
امنة ب تردد : هوااا انا مش هرجع بيتي تاني ؟
نديم : م انا قايلك إن الأنتخابات تخلص وهتمشي !
امنة ب حزن : اصل امي واخواتي وحشوني اوي ونفسي اشوفهم ، هو ينفع ، اشوفهم 😟
( يسكت نديم ويضير وشه )
امنة : مينفعش ؟
نديم : بكرة الصبح هوديكي
امنة ب فرحة : بجد والنبي 😃
نديم : ايوة
امنة وهي بتقوم ب حماس : انت بجد اجدع راجل ف الدنيا 😍
( يبتسم نديم ع حماسها )
امنة : انا مش عارفة اقولك ايه بجد شكراً 🙏🏻♥️
نديم : العفو ، منزلتيش للتمرين امبارح يعني !
امنة : لا مكنتش هنا اصلاً
نديم ب استغراب وهو بيقف قصادها : اومال كنتي فين ؟!
امنة : عمر عزمني ع العشا برة
نديم : لا والله !!
امنة : اهااا 😌
نديم ب حدة : ومقلتليش ليه ي هانم ؟
امنة ب توتر : ااا مهو كان مستعجلني 😕
نديم : امممم ، تمام ، بعد كدة تقولي
امنة : ليه ؟
نديم : عشان انتي من مسؤليتي ولو حصلك اي حاجة هلبس انا 🤷🏻♂️
امنة : ايوة بس عمر يعني قادر يحميني !
نديم : دة عمر بالذات تبعدي عن سكته ، ماشي ☝️
امنة ب استغراب : ليه ؟!
نديم : من غير ليه ، ياريت كلامي يتسمع ومتغيبيش ع تمرينك تاني وإلا هوقفه ☝️
امنة : ممكن نكمل تمرين دلوقتي عادي 😀
نديم : ا .........
عمر وهو بيقرب عليهم : مساؤؤؤؤ 🚶🏻♂️
( يبصوله )
عمر : عاملين ايه ؟
امنة : فل الحمدلله
عمر وهو بيغمز ل امنة : دايماً ي بيبي 😉
( تتحرج امنة وتضير وشها )
نديم : خرجتي معاه ازاي دة ورجعتي سليمة 😒
عمر : اييييه ي عم انت هتخوفها مني ليه ، اسألها فسحتها فسحة تجنن 😉
امنة : ايوة صح وراني اماكن جميلة اوي 😍
نديم : امممم ، طيب مش قلتي نكمل تمرين يلا
عمر : ايه دة انت لسة بتدربها ؟!
نديم : اة لسة
عمر وهو بيبص ل امنة : الله يكون ف عونك صراحة ، طب مقلتليش انا ليه دة فاشل اصلاً 🤷🏻♂
امنة : ا ..........
نديم : والله ، وانت بقا الحريف 🤔
عمر : عندك شك ؟
نديم : لا نهائي 😏
عمر : حاسس ب اهانة سيكا !
نديم : لا دي تريقة 💁🏻♂
( تمسك امنة ضحتها 🤭 يبتسم عمر ب احراج )
عمر : طب م تيجي اعرفك تتريق بجد 😊
نديم وهو ماشي : لا مش فاضيلك 🚶🏻♂️
عمر : ولا خايف ؟
( يقف نديم )
نديم ب استفزاز : بتعرف تستفز كويس 😐
عمر ب حماس وهو بيقلع قميصه : اشطااا جداً 😄
امنة ب حماس : الله هتلعبه 😃👏🏻
عمر : هنلعب اة 😏
( يقفه جنب البُول قصاد بعض )
امنة وهي بتقعد ع كرسي قريبة منهم : يلااا 👏🏻
( يبدأ عمر يتحرك ، يدي نديم بوكس يصده نديم ب ايد وبالتانية يديله هو بوكس ، تتخض امنة )
امنة ب حماس : الله 😃👏🏻
( يستفز عمر يفضل يضرب فيه وهو يرجع ل ورا لحد م يبقا البُول وراه خلاص هيقع وفجأة يمسك عمر من وسطه ويزقه يوقعه ع الأرض ويبقا فوقيه ، يقلبه عمر ويبقا هو الي فوقيه ، يزقه نديم ويقوموا يقفه قصاد بعض تاني ، يضربه عمر بوكس يردهوله ويبدؤا يضربه بعض ب عنف وامنة قاعدة اتحول حماسها ل رعب )
امنة ب خوف : خلاص ، نديم بس وقفوا ، عمر !!
( تقوم تقف وتبدأ ترجع ل ورا ب خوف )
امنة ب زعيق وصريخ : خلااااااص خلاااااص 😰
( تجري ع جوة ، يوقفه لعب ويستغربوها ، يجري نديم وراها ، تطلع امنة اوضتها وتقفل عليها وتعيط )
نديم وهو بيخبط ع الباب : امنة ، امنة افتحي !
( متردش ، يقرب عمر )
عمر : في ايه ؟!
نديم : مش عارف شكلها خافت 😕
عمر : م انت اتغبيت 😐
نديم : انا برضو !
عمر ب تنهيدة : هروح انااام 🚶🏻♂️
نديم : اوك
( يمشي عمر )
نديم : امنة افتحي ، احنا اسفين طيب إن احنا خوفناكي ، افتحي اطمن عليكي بس ، امنة ..........
( تفتح الباب ، يلاقي وشها احمر من كتر العياط ومازالت دموعها بتنزل )
نديم ب استغراب : ليه دة كله !!
( يذيد عياطها وتحط ايدها ع وشها )
نديم : اهدي الموضوع مش مستاهل كل دة ، دة كان هزار 😕
امنة ب عياط : عارفة 😣
نديم : اومال ايه بس !
امنة : اسفة 💔
نديم : اهدي طيب ، ليه العياط دة ؟!
*( فلاش باااااااااااك 👉 )*
*( قبل 9 سنين )*
( ماشية امنة ف الشارع مع اخوها بالليل )
محمد : اسكتي بقا اديكي ضيعتي الفلوس 🙄
امنة : وانا ايش عرفني إن جيبي مقطوع بنجم انا 🤷
( يقرب عليهم ٣ شبان )
شاب ١ ب اعجاب : ايه القمر دة 😍
( تتخض امنة وتروح تمسك ف ايد اخوها ، يرجعولهم الشباب ، يقفه قدامهم )
شاب ٢ : بقولك ايه انتي هتيجي معانا
( تتخض امنة )
محمد ب انفعال : تيجي فين انت اتهبلت ف مخك 😡
شاب ١ ب زعيق : ولااااا اخرس يلا بدل م اجيبك نصين 🔪
( لسة هيمسك ايد امنة .............. )
محمد ب زعيق وهو بيزقه : سيبهاااااا 😡✋
( ينزله فيه ضرب بالبوكسات لما وشه يتدمر وينزف وامنة تصرخ لحد م جت ناس ، اول م يشوفوهم يطلعه يجروا ، يشيله محمد بسرعة ويوقفه تاكسي ويودوه مستشفى بس يكون مات م النزيف ... 💔 )
*( بااااااااااك 👉 )*
امنة ب قهرة : مات بسببي 😅💔
نديم : مش بسببك دة نصيب ، عمره لحد كدة
امنة ب عياط : بيوحشني اوي ، كان ساعات بيضربني ، هزار او جد ، ساعات يتعصب ، بس كان حنين عليا اوي ، كان بياخدني ف حضنه لو حد زعلني ، كنت بحس إن في حد شايل مسؤليتي ، كنت بنسى زعلي ي نديم 😣💔
نديم وهو بيمسح دموعها : خلاص عشان خاطري هو اكيد ف مكان احسن 😕
امنة : الله يرحمه 💔
نديم ب فهم : عشان كدة خفتي وجريتي ؟
امنة وهي بتمسك دموعها : مخفتش بس افتكرت الي حصل ل محمد ف حسيت إني اتخنقت ونفسي بيضيق ، وكأن المشهد بيتعاد قصادي تاني 😔
نديم : انا اسف بجد ، عمر المتخلف دة الي جرني !
امنة : بس كنت بتلعب حلو 😊
نديم ب ابتسامة : جد 🙂
امنة : اهااا جد
نديم : طب يلا روحي نامي عشان هنصحى بدري
امنة : انام ايه انا لسة متعشتش 🤷
نديم : ههههههه طب انزلي اتعشي 😆
امنة : ايوة هتعشى طبعاً 😄
نديم : اوك
امنة : م تتعشى معايا
نديم : انا مبتعشاش
امنة : ليه ؟!
نديم : هحلم ب كوابيس 💀
امنة ب خضة : ايه دة بجد 😦
نديم ب ابتسامة : تصبحي ع خير 😄 وابقي ادخلي اتمرني شوية قبل م تنامي
امنة : اشطاا اكيد 🤸
( يطلع نديم ينام ، تدخل امنة المطبخ تاكل وبعدها تدخل اوضة الچيم تتمرن شوية ، تزهق عشان مش متعودة تتمرن لوحدها ، تقرب ع سماعة محطوطة وتفتح موبايلها وتشغل عليها مهرجان ، نديم نايم ف اوضته ، وفجأة ..................... )
الحلقة العاشرة { ١٠ } 🔮
الصوت : فيجوووووو الدخلاوييييييي 🔈
( يقوم نديم مفزوع ، عند امنة عمال تغني وترقص ع المهرجان )
امنة : هو عشان رايق كل الناس عوزاني اتضايق اصحوا ف ثانية هتبقا حرايق والي يقرب يندااااااس 💃🏻
( ينزل نديم يدخل الأوضة ولسة هيتكلم يشوف امنة بترقص ، يسكت )
*( مش مانجة دي خوخة انا شفتك كدة جاتلي دوخة مليون بوسة عليكي محدوفة انا من غيرك م اقدر اعيييش ، اه ي خوخة ي خوخة نسخة من القمر منسوخة زي السمكة الي ب بطروخة يلي جمالك زيه مفيييش 👍🏻🌹 )*
( امنة مندمجة ف الرقص قصاد المراية ومعجبة ب نفسها جداً ، تلمح نديم واقف ع الباب ، تتخض وتتحرج ، تجري تطفي الأغاني )
امنة : الصوت ضايقك 😬
نديم : الصوت سرعني 💁🏻♂
امنة : انا اسفة والله بس اتمرنت شوية وزهقت ف قلت اشغل اغاني تسليني 🤷
نديم : حلو رقصك 🙆🏻♂
امنة ب كسوف : شكراً 😅
نديم وهو بيقرب ع السماعة : جسمك مرن !
( يشغل اغنية اجنبية بتاعة چاستين بيبير )
نديم وهو بيمدلها ايده : هستغله ف الرقص الي بجد 🙂👋
( تبتسم امنة وتحط ايدها ف ايده ، يبدأ يرقص بيها ميكس چاز ع زومبا سريع جداً وهي عماله تضحك )
امنة ب ضحك : بالراحااااا هههههههه يلهوي هدوخ 😆
( يكمل رقص بيها وهو الي بيعمل كل الحركات وهي مبتعملش حاجة غير إنها بتضحك ✨ )
*let me love you* 🧡
*let me love you* ❤
*let me love you* 💛
( تخلص الأغنية تبقا امنة ف حضنه ماسكة فيه )
امنة : ههههههه احيه انا دوخت مش قادرة 😄
( تنتبه إنها ف حضنه ، ترجع دماغها من ع كتفه وتبصله ، يفضله باصين ل بعض ، مش محتاجين يقربه لإنهم بالفعل قريبين 👌🏻 وفجأة ، يبوسها ، تتخض امنة وهو كمان ف يبعد ، تقف امنة متوترة ومرتبكة وكأن دماغها اتجمدت ، تجري ع اوضتها )
نديم ب ندم : ايه الي هببته دة 🤦
( تشوف كيلا امنة وهي بتجري ع فوق ، تستغرب ، تدخل امنة اوضتها وتروح تقعد ع السرير متوترة ، تحط ايدها ع بؤها )
امنة وهي بترجع دماغها ع المخدة : يلاااهوي يماااا 🤦🏻♀💘
( تقرب كيلا ع اوضة الچيم )
كيلا : هو في ايه ؟!
نديم ب خضة : انتي ايه الي مصحيكي دلوقتي ؟!
كيلا : وقت مش مناسب صح 🙂
نديم : بطلي هبل 🙄
كيلا وهي بتقرب ع نديم : الحلوة طالعة بتجري ليه ؟
نديم : وانا ايش عرفني 🤷🏻♂️
كيلا وهي بتمسح روچ من ع شفايفه : اه متعرفش فعلاً 👋
( يزق ايدها ويبصلها ب غيظ ويمشي )
كيلا : دي احلوت اوي 🙂
( تاني يوم ، يطلع الصبح ، تصحى امنة وتجهز عشان تروح بيتها مع نديم زي م وعدها ، نديم مستنيها تحت ، تنزل امنة )
امنة : صباح النور
نديم : صباح الخير
امنة : انا جاهزة
نديم : اوك يلا
( يمشي نديم ، تروح وراه امنة ، يركبه العربية ويمشوا ، ف الطريق ، تمسك امنة الفون )
امنة : الو
سناء : قلبي من جوة
امنة : ايه ي بت عاملة ايه ؟
سناء : انا زي الفل انتي عاملة ايه ؟
امنة : الحمدلله ، انا جاية انهاردة 😊
سناء ب استغراب : جاية فين ؟!
امنة : جاية البيت ي بت 🤷
سناء ب خضة : يخربيتك لو رجب شافك هتبقا مصيبة م انتي عارفة !
امنة : لا متخافيش ميقدرش يعملي حاجة ، انا مش جاية لوحدي معايا صاحب الشغل 😌
( يبصلها نديم ب طرف عينه ويرجع يبص للطريق )
سناء : ايه دة بجد يعني هشوف ابن الأكابر 😃
امنة : هههههه ايوة 🤭 المهم إني عاوزة اشوفك لإني جاية زيارة وماشية تاني مش هطول ف عاوزة اقعد معاكي شوية
سناء : هجيلك طبعاً
امنة : ماشي انا قربت ع البيت اهو ، ماشي ، سلام
( تقفل امنة ، تبص ل نديم تلاقيه باصص للطريق )
امنة : قربنا صح ؟
نديم وهو مازال باصص للطريق : اة 😒
( ميذودوش اي كلمة تانية لحد م يوصله تحت بيت امنة ، تنزل امنة م العربية وطبعاً الي يعرفها والي ميعرفهاش عينه عليها هي ونديم ، تطلع امنة البيت ونديم وراها ، تقف عند باب الشقة وتخبط ، يتفتح الباب ويتلمه عليها اخواتها يحضنه ويبوسه فيها )
امنة : وحشتوني اوي 😍
الكل : وانتي كمااان 😘
( لسة هتدخل ............. )
نديم : انا هستناكي ف العربية
امنة : مش هتدخل ؟
نديم : لا عشان تبقي براحتك معاهم
امنة : اوك
( ينزل نديم يقعد ف عربيته ، تدخل امنة تسلم ع مامتها وتقعد معاها ، بعد شوية ، يخبط باب الشقة ، يفتحوا الولاد ، تدخل سناء )
سناء وهي بتبص ل امنة ب اندهاش : لا مش هي لاااااأ 😮
امنة : هي يختي 😊
( تقرب عليها )
سناء وهي بتسلم ع امنة : وربنا لولا شعرك م كنت عرفتك وكمان صبغتيه يخربيتك 🤷
امنة : ههههههه 😄
الام وهي بتقوم : هعملكوا كوبايتين شاي
امنة : تسلم ايدك
سناء : احكيلي كل حاجة بالتفصيل 😃
امنة : ي بت م انا دايماً بحكيلك ف التليفون !!
سناء : تليفون ايه وبتاع ايه ، انا احب اتكلم وش ل وش كدة ✋
امنة : اسكتي احسن انا ف كارثة 🤦🏻♀
سناء : ي ستار استر ليه كدة !!
امنة : شكلي وقعت 🤭
سناء ب اندهاش : بتتكلمي جد 😀
امنة : وربنا
سناء ب حماس : احكي بقاااا
( تحكيلها ع الي حصل مع نديم )
سناء ب خضة : احيه بتهزري 😳
امنة : لا والله جد
سناء ب صوت عالي : ازاي يعمل كدة ابن ال ........ 😡
امنة وهي بتكتم بؤها : بااااس الله يخربيتك وطي صوتك امي تسمعك 😮👋
( تهدى سناء )
سناء ب صوت اهدى : انتي سكتيله ؟ اوعي تكوني سكتي 😠
امنة : افهمي ي متخلفة ، دة مش عيل صايع من تحت بيتنا هقول عاوز حاجة شمال دة ابن ناس ومتربي 🤷
سناء : اسم الله وهي دي فيها ابن ناس وابن كلب يختي 🤔
امنة : ايوة هو عمل كدة وبعد ع طول وكمان انا مش عارفة اوصفلك احساسي بس بجد مش قصده حاجة وحشة ، انا متأكدة من دة 😟
سناء : انتي حبيتيه ي بت ؟
امنة : من اول يوم شوفته فيه ♥️
سناء : وهو ؟
امنة ب حيرة : هو مش باين عليه حاجة ، بس الي حصل دة خلاني اتأكدت إن هو كمان بيحبني وإلا مكانش عمل كدة 😕
سناء : طب بصي بقا ، انا هقولك كلمتين حطيهم حلقة ف ودنك ، الي زينا مهما لبس ومهما نضف واتغير شكله ب شوية مكياچ ولبس غالي هيفضل ف ركن الغلابة الي بيقضي باقي عشاه نوم ، ف ولاد الأكابر الي زي دول هتفضل دي نظرتهم لينا مهما حصل ، ولو مفكرة إن البوسة حب ف استني وهتشوفي إنه بيجر رجلك وبيجربك الأول ي بنت الموكوسة ، خافي ع نفسك ومتسلميش اكمنه نضيف ولسانه حلو ، هما اصلاً عاملين فيكي كل دة عشان مصلحتهم مش عشانك 🤷
امنة ب حزن : ليه قفلتيها ف وشي كدة هو الي زينا مش من حقه يحب ويعيش عيشة كويسة ، ولا هنفضل دايماً ف الفقر دة 😒💔
سناء : الفقر ب كرامتك احسن م تتهاني معاهم 💁🏻♀
امنة : محصلش منهم حاجة وحشة ل كل دة !!
سناء : والي عمله دة ؟
امنة : عشان الموقف مش اكتر 🤷
سناء ب يأس : هقول ايه بس ، براحتك ي امنة ، براحتك لحد م تاخدي ع نافوخك 🙆🏻
( تسكت امنة ، تجيب الأم الشاي )
امنة وهي بتقف : انا ماشية
الام : انتي لحقتي ي بنتي !!
امنة ب ضيق : معلش عندي شغل 😒
( متنسوش اللايك ورأيكم .. 🤍✨ )
#قصة_قارئة_الفنجان_ل_سهيلة_سعيد
#sohila_sa3ed