بقلمي زهره البصري……
اذكر الله يذكرك :
استغفر الله واتوب اليه من كل ذنب عظيم يحول بيني وبين رضاك 🤍🍃استغفرو
نسرين: من بعد كلامي مع فاطمه اخذت حذر بس وين يوصلن الي هنه كعدت ارتب بلبيت قريت الايات الي حافظتهن على كلبي كلهن وكعدت ب نص ساعه اقراء بسورة البقرة رفعت راسي احس الدنيا دارت بيه رحت الغرفه النوم خليت راسي ع المخدة ونمت نمت نص ساعه كعدت مشتاقه الاحمد لاول مرة اتصير بيه قبل اشتاق اله لاكن مو نفس شوقي هسه اله ادك عليه ويسده ادك عليه ويسده اريد اسمع بس صوته رحت للكنتور طلعت ملابسه عنده گلبيه دشداشه شبكتها وشميت ريحته افيش ياكلبي احمد اجمل شي صار بحياتي يمن فدوه وسبع فدوات اروحله اشتاقيله حيل مو شويه رجعت انتصلت بيه ورجع سدة شغل بالي كلش حجيت بيني وبين نفسي اذا احمد يكون بخير واحس من الايام الي مريت بيها اني ويا هاي اكبر نعمة الي الف الحمد والشكر ،
يجوز مشغول وعنده عمل ، شمرت دشداشتة على على جتفي ومشيت للمطبخ بدونه ماعجبني شي اسوي ماتنفتح شاهيتي واكل الا لمن اشوف احمد
رجعت لبست عباية الصلاه وكعدت ارتل ب سورة البقرة
بتول: اليوم خلصته بخنكه وعيوني يحركني من كد البجي البجيته امشي واعاتب ب اهلي وكانو همه كدامي ويسمعوني ، ورا ربع ساعه اندك الباب عرفتها
ابتسام
فتحت الباب: هلا بسومه ادخلي
ابتسام: شبيج مگدرة وماتسوين واهس
بتول: اكعدي خيه،
ابتسام: اني ماتعشيت كلت اجيب عشاي واتعشه وياج
بتول: كعدنه على الجدريه انسولف وناكل ، وهسه علي يريدني ارجع ويا اني من بعد الضيم الي شفته ابتسام مااكدر ارجع اموت بس ارجع والله لو مجتبى اكتل روحي وخلاص اشو هم صارلي شلعت كلب مجتبى
ابتسام: ارجعي ويا خيه صدكي محد يفيدج غيره هوه وعسى والعل البنات تايبات ومايرجع الهاذه الطريق خالتهن وانتقلت الرحمه الله بعد منو يدليهن على هيج سوالف
بتول: اني كلبي ابتسام كلما اذكر الناصريه كلبي مدري شيصير بي احسه يريد يروح مني
ابتسام: اكلج شتكولين انروح السيد ونحجيله وضعج اشو انتي على الله واهل البيت والسيد تشافيتي نرجعه ونحجيله
بتول: مو ابالي هاي السالفه دوم همزين كتيلي انروحله اني وياج فدوه
ابتسام: والله لو الاخر الدنيا هم اروح وياج
بتول: الله يفتحلج من اوسع ابوابه ياخيه اني والله تعبت من روحي
ابتسام: لا تخافين ولا تعبين باجر من الصبح انروح السيد اني وياج وانشوفه اذا كالج روحي خير على خير يطمن كلبج هم وترتاحين
بتول: الليله ماتغمض عيني وهوه لا دك ولا سال من تعاركنه لحد لان
ابتسام: خطيه انتي هم لا تلومينه الرجال ابتلى على روحه من ضيم الضيم الله يساعده توه شاف وجه الله خطيه ابنه هم شنو ذنبه مرته بكتر وهوه بكتر والله الج اجر بيها بتول اذا وكفتي وياهم
بتول: محد بيكم يحس الي بيه شفتي هاذه المكان شفتي، تاشر على كلبها هاذه يعصرني حيل احس ماعندي كلب احس كلبي مشلوع
ابتسام: خيه كولي يالله اني اتاخرت الازم اروح علمود الصبح امر عليج ولا تحاجين علي الا انشوف السيد شنو يكول وتحاجين علي
فاطمه: دخلنه للبيت العصر الشمس اتريد اتغيب وصلنه
ام احمد: نوررر نورر
نور: ها يمه
ام احمد: شنو ابوج واخوج طلعو
نور: من زمان مشو
ام احمد: هم اسال ابوج عليه
نور: اي سال وكتله راحت للدكتور مفاصيلها تعبانه
فاطمه: عمه اني تعبانه كلش راح اروح انام
ريماس: والعشه اتسوي امي
فاطمه: لا اني من اكعد ورا الصلاه ادز على كباب او لفات
ام احمد: روحي نامي ولا تكعدين اني اشوفلي واحد واودي معا
ريماس: دخلت الغرفه امها معصبه ودخلت وراها نور بعدين دخلت معاهن ام احمد
ريماس: تدرين بهاذه اسلوبج خربتي الجناين خليتيهن خايسات
ام احمد: خطيه تعبانه يمه
ريماس: شنو مصلحتتج معا فاطمه يما
ام احمد: شبيج رموسه هيج عصبتي خطيه وبس هيه ويانه بلبيت
ريماس: لا اول وحده ولا اخر وحده هيه انتي تتمصلحين الها ومااعرف عليمن هالمتصلح
ام احمد: ريماس احمد عافنه وطلع وابوج عافنه وطلع ضل بس اخوج وائل النه نحترم مرته وندللها
ريماس: غصبآ ماعليها تحترمنه مو احنه النحترمها والله العظيم فلا اتودين هيه تكعد وتودي
ام احمد: ريماااس
ريماس: حلفت والقران ربع ماطلعين من جيبج هيه تكعد وتودي خاتونه فاطمه لا تخربيهن مرتين اكلج يمه لا تخربين الجناين ماتصير وياج تعبتيني عاد اسمعي كلامي مادام وياج بلبيت اني
طلعت الغرفتها الثانيه وقفلي الباب عليج
نور: يمه ريماس حقها ريماس لو حجت تحجي حق مايصير انتي ادفعين من يمج خليها تكعد وهيه تدفع
ام احمد: بس اتصير صلاة كعديها خليها اتودي لفات وروحي كولي الريماس امج مراح اتودي راح اتكعدها
ريماس ايدي اليمنه
احمد: عندي بيت ببغداد عبارة عن شقتين وصاله وحمام ومطبخ كلش زغيرون نزلنه ابغداد رحت للمطعم جبت عشه النه وكعدنه نتعشه ،، نكعت صمونات بماي ال اكرم حت ياكلهن ،، كام يلهث
ماعرفنه سالفته شنو كام يرفع برجله عرفناه يريد للحمام ذببت ملابسه وعفته راح يمشي مثل الجلب ودخل للحمام لحكها ابويه،،
رسام: والله مايستاهل اكرم كلبي تكطع تدري لو ماتدري
احمد: شنسوي هاذه الكاتبه الله
رسام: لا هاذه مو الكاتبه الله حشا الله يضر عبده
احمد: كمت اخلي جهازي على الشحن ، باوعت الرسام قبل شوي عائلتي اتصلو بيه وسديته ماتعرف اتشغل الحاسبه عندي الصاحبي بلغرفه هناك واربطها عللى جهازي
رسام: صار تدلل شغلتي الحاسبه ، كمت رتبتها وشغلتها كلشي جهازه احمد مكعد صاحبه بهاذه البيت بس من اجينه سلمنه البيت وطلع ، ، ربطت جهاز احمد على الحاسبه واجاا اتصال بسرعه مقطع فيديو
علي: بابا رسام رد على اتصال خل اشوف منو المتصل
رسام: عمي هاذه جهاز احمد
علي: اي جا علي ابني رد
رسام: كمت من الكرسي المقابل الحاسوب وكعدت عمي وسويت رد على المتصل ،
طلعت بنيه ناعمه كلش وبيضه ولابسه ابيض ومخليه القران على صدرها وتباوع على عمي علي
اول مشافت عمي علي شهكت بصوت عاللي وابتسمت ، اني الدارس حوزه مكدرت الزم روحي عنها سبحان الله ماكنها مزوجه عبالي وحده من بناته وبيها رصعه اخذت عقلي ماتشوفني
نسرين: عميييي عميييي ومبتسمه شغلتو بالي شلونكم وين انتم ، عمي والعباس مشتاقتلك
علي: ابغداد بابا كلش زينين شلونكم انتم شلونج اهلج امج ابوج
نسرين: الحمد الله بخير يسالون عنك عمي شبلعجب ماتمر بينه والله اشتقنالك
علي: والله بويه شوفين وضعي
نسرين: عمي فدوه الك عمي طلعلي چا وين احمد
علي: هسه يجي احمد ، وين ماوين بيتج عد اهلج
نسرين: والله عمي مكدرت اطلع الاهلي بدون احمد مااكدر اخطي كلت احاجي واذا قبل اخلي بابا يجي ياخذني
علي: خل اشوف احمد وين هسه جايج
كام علي من الكرسي وهيه موجها الكامرة الوجها بقت صافنه وتباوع سندت ظهري على الحايط وبديت امشي امشي لحد ماطلعت عن لا اتشوفني
طلعت وتلاكاني احمد و علي من برة
احمد: دخلت وقفلت الباب، ارتاحيت بس باوعت الوجها هلو شلونج نننه
نسرين: حماده شسالفه شغلت بالي اتصل بيك وماكو
احمد: والله ننه تتعبان كلش شلونج وين ماوين
نسرين: بين هلطابوكتين ومنتظره حبيبي
احمد: حياتي مشتاقلج موت
نسرين: ماحجيتلي شوكت تجون وين راح ترحون
احمد: هسه ببغداد احنه باجر من الفجر ب اربيل
نسرين: واكرم وياكم
احمد: اي
نسرين: اوف عمت عيني عليه
احمد: لا تبقين بلبيت بوحدج دزي على واحد من اهلج يجي ينام يمج
نسرين: هوه كلت اشوفك بس اني اريد اروح يمهم
احمد: روحي حياتي يمهم بس خلي واحد يجي ياخذج،
نسرين: يلا حبيبي روحي نام ،
احمد: نسرين
نسرين: ها
احمد: اتقرب للكامرة كلش وحجه بصوت ناصي، تحبيني
نسرين: ههههه احمد عبالي عندك شي
احمد: سالتج جاوبي
نسرين: اتقربت للكامرة كلش على وجهي وحجيت بصوت ناصي، الموت بلهوى لتتنفس اموت واضيع بدونك احمد
احمد:هههه شوفي الحظ انتي وين هسه واني وين بغداد والبصره طخت براسي اعوفهم هسه واجيج
نسرين: ههههه ذكرتني ب ايام الخطوبه
احمد: يلا روحي معانه رجال غريب
نسرين: منو هوه
احمد: رسام
نسرين: ها لا اعوفك براحتك احبك حبيبي موت ،
قطعت الاتصال بينه ، هسه نفسيتي ارتاحت كلش، طلعت للمطبخ اسوي عشه ،
فاطمه: دخلت للغرفه وقفلت الباب عليه واحس روحي اريد اتقى ، باوعت كلت اتصل على نسرين بس اخاف منها اتسوي مشكله وهم اتذبني، بسالفه وهذني مااخلص منهن احسن حل اشوف واسكت ، بس شنو الي يسكتني ومايخليني احجي حت من احجي اعرف روحي راح ادمر ، واذا حجيت ال وائل يطلكني ، بقيت الوب بروحي هنه قبل اسبوع او سبوعين مسويات عمل اني ماادري ، يمكن اكلت منه يمكن شربت منه مااخذت حذري مادري بيهن راح يعيدنه مره الثانيه عبالي راح يتوبن من بعد مااحمد عزل وعمي عصب عليهن رجعت خليت راسي على المخدة ، احس عيوني يحركني وجفوني ذبلانه بس مجايني نوم قريت ايات وغفيت ، ماحسيت الا ولباب اتكسر عليه، كمت مرعوبه وخايفه اريد الحك افتح الباب ماكو،
نور: راح الوووووكت فطيم چا شوكت تودين لفات هسه حت تلكين ازدحام عليهن،
فاطمه: ضليت اباوع بيها بسكته من قهري مااعرف،شنو الاسوي ، اني الازم اطيعهن وابقه خادمه الهن ، عمتي كالت اني الاودي واني اعتمدت على عمتي
نور: امي الضغط صعد عدها وتريد عشه حت تاكل احبوبها ياريت تتسعجلين بسرعه،
فاطمه: طلعت ٥٠٠ وصحت الماس كتلها روحي جيبي لفات واذا ماكو جيبي كباب واذا ماكفت الفلوس اخذي دين على حساب وائل
لماس: خوش ،
فاطمه: صوت الاذان عالي كعدت على الطابوكه الي بصف الباب وكعدن عمتي وريماس ونور اجن يتوضن
ريماس: فاطمه استعجلي على العشه امي عدها الضغط نازل نريد ننطيها حبايه قبل لا تهبط امي
فاطمه: وديت لماس هسه تجي ، كمت صليت ورجعت والماس ماكو شلعت كلبي بس احجي هذن يفضحني، لبست عبايتي وطلعت ، كلبي خايف بس لا صار بلبنت شي عود مااتخلص منهن يذبحني ويموتني بدون مااحد يدري بيه، شفت طفل يمشي بلشارع تعال يوليد هم شفت بنيه زغيرونه سمينه
:لماس خاله
فاطمه: اي لماس
:اخذتلها علاكه جبيرة وراحت البيت ابو حامد
فاطمه: ياعزه العزاج لماس ، شسويتي بيه ولج
:ماتكدر اتصيحها اليه حباب وانطيك ربع
:لا خاله متعارك مع ولدهم يكتلوني بس اروح
فاطمه: رجعت ذبيت لعبايه ودخلت للمطبخ سويت عشه طماطه وخبز على الثواني خليته كدامنه واندك الباب ،
ريماس: اني افتح الباب،
فاطمه: كعدنه نتعشه ودخلت لماس، حجيت، هلو لموسه وين جنتي عليمن وديتج انه ?
لماس: يااااااااا والله نسيت
نور: جا وين جنتي
لماس: لكيت ام وليد تريد اتروح للمستشفى ابنها مدري شبي وكالتلي تعاي ضلي يم ابنتي لعبي وياها ورايحه وراجعه ، هسه يلا اجت
فاطمه: ها لعد وين ٥٠٠ انطيتج اياهن
لماس: ياااااا نسيتهن عد بنتهم عود ضميتهن عدهن
نور: تحاسبينها على ٥٠٠ الاف اني انطيج اياهن عجبه خو مو عجبه حت لو تاخذهن افلوس اخوها وتلعب بيهن لعب
فاطمه: انتي منو يمج نور محاجيتج انه?
نور: اذا تحاجين الماس تحاجيني. اطشر بلفلوس منا ومنا واذا لماس خذت الربع منجن گلبتن الامه العربيه علينه شدعوه عليجن مجادية شنو اذا تردين انطيج فوك الخمسه خمسه بعد
فاطمه: كمت من يمهن وكتلهن بلعافيه عليجن
ريماس: فاطمه شنو حاجتج نور هسه وزعلتي وكمتي بس نور بحجايتها تزعلج وتكومين ،
فاطمه: لا ماحجت شي نور انتي شفتي ، ومازعلت اريد اروح ارتاح،
نور: بصوت ناصي سم وزقنبوت ،
فاطمه: لكيت وائل متصل عليه ١٣ مكالمة، رجعت اتصلت عليه ،
وائل: انعل والد*** انعل اهل* * بنت الجلا** صارلي ١٣ مكالمه ادك وماكو احنه المن مخلين جهاز بيدج المن
فاطمه: شبيك وائل اذا اكو واحد معصب منه شنو اني ذنبي اتعصب عليه
وائل: احمد وابوي اخذو اكرم
فاطمه: اي
وائل: جا شبيهم الگواوي*** ادك عليهم ومايردون
فاطمه: مادري
وائل: سدي الجهاز لا تخليني اكفر بيج ولكعبه،
فاطمه: اييي اعرفه هاذه حظي اليوم تراده وياي فد مره ، وسديته ، عدلت فراشي ونمت بعد ماكعدت لحد ثاني يوم
احمد: طلعنه ساعه ب 3 الفجر ، الاربيل وصلنه ب 6 الصبح نزلنه بفندق واكرم كام يتهدد اخذو رسام وابويه صعدو بلشقه جبتلهم اكل ، اتصلت على صديقي اجانه للفندق ، بعد مابينه مشيه تعبنه كلش
:احمد انزلو لبيتي واشوف الشيخ اذا يجي للبيت اشكد ياخذ ، ها شتكول
احمد: والله ماعندي طاقه تدري صارلي 4 ايام من نزلتي من لدوام لحد هاي وكفتي انتهيت كلش بلقليل يرادلي 7 ساعات نايم حت البارحه مانمت ،
:راح اخذ اكرم وابوك ورسام عندي بلبيت وومناك اطلع لشيخ اشوفه اذا يجي لو لا وانت نام ، السالفه كلها تكمل ب 7 بليل ها، شتكول
لن اطراف اربيل مكان الشيخ والله بس مسافه الطريق 3 ساعات واحسب رجعت الطريق اشكد نضرب 3 ب 3 يطلعن 6 ساعات ها
احمد: ها خوش هسه احنه راح نتريك و نام وكول للشيخ يطلع حت لو ب 5 ملاين وانزل جوه
:رايح واشوفه بس لو اتودي لولد معاي البيتي محد بي بس اني وفرغته علمودكم عيالي وديتهم الخوالهم،
احمد: دام هيج نتوكل البيتك انت اصعد سوق ، نزلنه من الفندق وطلعنه البيته، اتغدينه وطلع للشيخ واحنه قفلنه الباب ونومنه
:رحت ادعي بلكي الله والكا الشيخ هنا مطالع الكوردستان ، اتصلت على ناس هواي واسطات، كل شخص يدخل بيني وبين الشيخ اله 200 الف لحد مادخلت على الشيخ ودار حجي بيني وبينه كال ب 12 بليل اجي وياك بس اخلص من العالم العندي،
كعدت انتظره لحد ساعه ب 12 وطلعت للبيت اتصلت على احمد وحجيتله الشيخ اجه وياي،
صارت ساعه ب 1 بليل الشيخ مااكدر اشتغل هسه الا مع طر الفجر، ضلينه الليل كله كاعدين ومنايمين من من شاف حالة اكرم كلش اتاثر بي ،
اكرم بس من شافه دخل للبيت ركض دخل جوه الدرج ومدنك ويبجي ومسوي مثل الجلب، كعدت ابجي البجيه طر الفجر وصلاة الشيخ بصوت عالي ،
كام اكرم يتهدد الشيخ وكوة الازمينه ويخرمش ب اظافيرة رغم مقلمين اظافيرة اكل وجهي اكل بيدينه، كمل الشيخ وكال عوفو خل يجي مايكدر يسوي شي ، فعلا تركناه واجه يركض للشيخ يم الشيخ وهدئ وكف،
قرا الشيخ وقرا وخله ايده على راسه وبقه يقراء بصوت عالي، حجه اكرم
اكرم: انت راح تموت
الشيخ: ب شنو اموت
اكرم: خلال هذني ل 5 ايام
الشيخ: والله خوش الواحد يعلم بموته
اكرم: والله شيخ انت راح تموت
الشيخ: يجوز الله جعلني اوصلك واطيبك واموت،
اتمدد ياااكرم بلكاع حت ترتاح اكثر ، وفعلا اتمدد اكرم بلكاع وكعد الشيخ يقرا عد راسه، وغفه شويه نام
احمد: ها شيخ
الشيخ: الصبح يكعد كلشي مابي…….. ،
مسك الختام