ယနေ့သည် Hexအခန်းကိုXoeyသန့်ရှင်းရေးတာဝန်စကျသောနေ့။သည်အိမ်ကိုသန့်ရှင်းရေးလုပ်ဖို့ရောက်လာသည်မဟုတ်သော်လည်း Hex၏စိန်ခေါ်မှုကြောင့်ယခုတွင်တော့ သန့်ရှင်းရေးသမလုံးလုံးကိုဖြစ်လို့။လိုအပ်သောပစ္စည်းများကိုသယ်ယူရင်းမနေ့ညကမျက်ပြူး၏စကားကိုသွားသတိရမိသည်။
>>>>
''ဟင်!သခင်မက Xoeyလေးကိုအခန်းထဲဝင်တာကိုဘာမှပြန်မလုပ်ဘဲသန့်ရှင်းရေးတောင်လုပ်ခိုင်းတယ်ဟုတ်လား?''
ပြူးနှင့်နေပြီးသားမျက်လုံးကိုထပ်ပြူးကာအံ့အားသင့်နေသောမျက်ပြူးကြောင့်Xoeyအနည်းငယ်ကြောင်အသွားသည်။
''ဘာလို့လဲ အဲ့တာကဘာများထူးနေလို့လဲဟင်.?''
''Xoeyလေးမသိဘူးလား။သခင်မက သူ့အခန်းကိုဘယ်သူ့ကိုမှဝင်ခွင့်ပြုတာမဟုတ်ဘူး အသက်ရှိစဥ်ကရော အခုရော''
''ဒါဆို ဘယ်သူမှသူ့အခန်းထဲကိုမဝင်ဖူးကြဘူးပေါ့''
''အဲ့ဒီလိုလဲမဟုတ်ဘူးရယ် အထိန်းတော်ကြီးရယ်၊နောက်တစ်ယောက်ရယ်ကိုတော့ဝင်ဖို့ခွင့်ပြုထားတယ်''
''နောက်တစ်ယောက်...နောက်တစ်ယောက်ကဘယ်သူလဲ''
''သူ့နာမည်ကိုတော့ကျွန်မတို့ပြောပိုင်ခွင့်မရှိဘူး သခင်မကပြောခွင့်မပြောဘူး အထိန်းတော်ကြီးကိုတော့Xoeyလေးသိပါတယ် ဒုတိယလာခြောက်တဲ့ဂျိုတစ်ချောင်းလေ''
ဟုပြောပြီးရုတ်တရက်ပျောက်သွားသော မျက်ပြူးကြောင့် Xoeyတစ်ယောက်စကားနှိုက်မေးမရတော့သောကြောင့်မကျမနပ်သိချင်စိတ်များပြည့်၍ကျန်နေခဲ့သည်။
<<<<<<
(အဲ့နောက်တစ်ယောက်ကဘယ်သူမို့လို့လဲ...ပန်းချီကားချပ်ထဲကမိန်းကလေးနဲ့များပတ်သက်နေမလား)
Xoeyတစ်ယောက်တွေးရင်းလှုပ်ရှားလာလိုက်ရာHex၏အခန်းရှေ့တွင်ရပ်မိလျက်သားဖြစ်သွားသည်။ထို့ကြောင့်
''အခန်းထဲလူဝင်တာမကြိုက်ဘဲ ငါ့ကိုကျသန့်ရှင်းရေးလုပ်ခိုင်းတယ် ဒီသရဲမဘာတွေကြံစည်နေပြန်ပြီလဲမသိဘူး ''
~~ဒေါက်..ဒေါက်~~
အခန်းတံခါးကိုနှစ်ချက်ခေါက်ကာအခန်းထဲတုန့်ဆိုင်းခြင်းမရှိဘဲဝင်သွားလေသည်။
အခန်းထဲရောက်ရောက်ခြင်းပင်ညစ်ပေရှုပ်ပွနေသောအခန်းကျယ်ကြီးကိုစတင်ကာသန့်ရှင်းလေသည်။Hexကိုတော့မမြင်ရ။Xoeyတစ်ယောက်၄နာရီမျှအားသွန်ခွန်စိုက်သန့်ရှင်းရေးလုပ်ပြီးချိန်တွင် တောက်ပြောင်သွားသောအခန်းကြီးသည်တစ်ဖန်ပြန်လည်ညစ်ပေသွားသည်။ ထိုအခါမှ Hexဘာတွေကြံစည်နေမှန်းXoeyတွေးမိသွားသည်။ မိမိလုပ်သမျှအရာတိုင်းအထမမြောက်သောကြောင့် မိမိကိုလက်လျှော့စေလိုခြင်း။
Xoeyမျက်မှောင်ကျုံ့ကာ လက်ထဲမှရေစိုအ၀တ်စကိုပစ်ချလြိက်ကာအခန်းထံသို့ဝေ့ဝှိုက်ကြည့်လိုက်သည်။
"ဒီမှာ!!ရှင်ပုန်းမနေနဲ့ ထွက်လာခဲ့!"
"ဘာလဲ ...မင်းကကိုယ့်အခန်းထဲ၀င်ပြီးကိုယ့်ကိုဘယ်လိုနေရမယ် ဘယ်မှာနေရမယ်အမိန့်ပေးချင်သေးတာလား?"
ရုတ်တရက်မိမိနားနှင့်အနီးကပ်ကြားလိုက်ရသောေနာက်ေကျာဘက်မှအသံကြောင့်Xoeyတစ်ချက်လန့်သွားကာကိုယ်လုံးလေးမှာတွန့်သွားသည်။ထို့နောက် နောက်ရှေ့သို့တစ်လှမ်းတိုးကာနောက်လှည့်လိုက်၍
"ရှင့်...ရှင့်ဘာသာရှင်ဘယ်မှာနေနေ ဘယ်လိုနေနေကျွန်မနဲ့ဘာဆိုင်လို့လဲ အခုကရှင်အကျင့်ယုတ်တာကိုရှင်းမလို့ခေါ်တာ"
Xoey၏အပြောကြားသောအခါ Hexတစ်ယောက်မျက်ခုံးတစ်ဖက်ကိုပင့်ကာXoeyကိုစိုက်ကြည့်လိုက်သည်။
"ကိုယ်ဘယ်မှာအကျင့်ပုတ်မိလို့လဲ"
"ကျွန်မသန့်ရှင်းပြီးသားနေရာတွေကိုပြန်ညစ်ပေအောင်ရှင်လုပ်နေတာလေ အဲ့တာအကျင့်ပုတ်တာမဟုတ်လို့ဘာလဲ"
"ဒါကိုယ့်အခန်းလေ ကိုယ်ကြိုက်သလိုလုပ်မှာပေါ့ "
"ရှင်အဲ့လိုလုပ်နေရင် ဘယ်တော့မှပြီးတော့မှာလဲ !!!!"
"ကိုယ်ပြောပြီးပြီလေ ဒါကိုယ့်အခန်းပါလို့ ကိုယ်ကြိုက်သလိုလုပ်မှာပေါ့ ပြီးတော့မနေ့ကလဲ ဒီလိုမလုပ်ရဘူးလို့မင်းမှမပြောထားတာ ကိုယ့်ကိုဟိုဟာမလုပ်နဲ့ဒီဟာမလုပ်နဲ့ပြောကအောင် မင်းကကိုယ့်ရဲ့အိမ်ထောင်ရှင်မ,လား?"
ပုံမှန်ဆိုလျှင်အနေတည်လွန်းလှသောHexမှာ ဘာကြောင့်မှန်းရယ်မသိ၊ယခုဤလူသားမိန်းကလေးကိုစနောက်ရသည်ကိုပျော်နေလေသည်။နှုတ်ခမ်းစူကာရန်တွေ့နေပုံမှာ Hexအတွက်အသည်းယားစရာကောင်းလွန်းနေသည်ဟုတွေးနေမိလေသည်။ယခုလည်း အနည်းငယ်ကျီဆယ်မိတော့သူမ၏ပါးနှစ်ဖက်တွင်ပန်းနုရောင်သန်းလာလေသည်။
"မ..မဟုတ်တာတွေမပြောနဲ့ ဘယ်...ဘယ်သူကဂရုစိုက်နေမှာလဲ ရှင့်ဘာသာရှင်လုပ်ချင်ရာလုပ်တော့နောက်နေ့မှလာသန့်ရှင်းမယ် ခု..တော့နားတော့မယ် "
Xoeyသည်ထိုသို့ပြောပြီးပြီးခြင်း နောက်ကိုတောင်လှည့်မကြည့်ပဲ အခန်းထဲသို့အမြန်ပြေးလေတော့သည်။
အခန်းထဲရောက်ရောက်ခြင်းတံခါးကိုပိတ်ကာ တံခါးချပ်ကိုကျောမှီ၍
(ငါ့ရင်တွေဘာလို့အရမ်းခုန်နေတာလဲ....ထူးဆန်းလိုက်တာ)
ဟုတွေးကာ သူမ၏ရင်ဘတ်ကိုလက်တစ်ဖက်နှင့်ဖိထားလိုက်သည်။
တစ်ဖက်အခန်းထဲတွင်ကျန်ခဲ့သောHexမှာတော့
"ဒီခံစားချက်ကြီးထပ်ဖြစ်လာပြန်ပြီ...ရှေ့လျှောက်ရှောင်မှပါလေ..." ဟူ၍တစ်ကိုယ်တီးတိုးရည်ရွတ်နေတော့သည်။
နောက်ရက်Xoeyသန့်ရှင်းရေး၀င်လုပ်အချိန်များတွင် Hexသည် Xoeyနှင့်စကားပြော စနောက်ခြင်းမရှိတော့သော်လည်း သန့်ရှင်းပြီးသည့်အချိန်တိုင်းတွင်တော့ နှောင့်ယှက်မြဲနှောင့်ယှက်နေလေသည်။ဤသို့ဖြင့်လေးရက်မြောက်နေ့တွင်...
"အား!!!!!"
ခုံပေါ်တက်ကာမျက်နှာကျက်ကိုသန့်ရှင်းနေသောXoeyသည် ဘာကြောင့်မှန်းမသိ ခုံမှာအရမ်းတုန်ခါလှုပ်သွားသောကြောင့်ခုံပေါ်မှပြုတ်ကျခြင်းဖြစ်သည်။Xoeyတစ်ယောက်အထိနာပြီဟုတွေးကာမျက်လုံးအစုံမှိတ်ထားသော်လည်း တော်တော်ကြာသည်အထိ နာကျင်မှုကိုမခံစားရသေး။
(အယ်..ဘာလို့မနာတာလဲဟ သရဲမကြီးရဲ့ကြမ်းပြင်ကပျော့ပျော့အိအိလေးလား )
ဟုတွေးကာ မျက်လုံးမဖွင့်သေးပဲ ထိုပျော့အိနေသောနေရာကိုလ်တစ်ဖက်နှင့်တို့ကြည့်လေသည်။
"သရဲရဲ့ရင်အစုံကိုတောင်မရှောင်ဘူးဟုတ်လား"
Hex၏အသံကိုကြားတော့Xoeyသည်မျက်လုံးကိုပြူးနေအောင်ဆတ်ကနဲဖွင့်လိုက်သည်။မိမိကိုငုံ့မိုးကာကြည့်နေသောHexကြောင့်လန့်သွားပြီး
Hex၏ရင်ခွင်ထဲမှရုန်းထွက်ကာ မတ်မတ်ရပ်လိုက်လေသည်။
"မဟုတ်ပါဘူး! ဒါနဲ့ကျေးဇူးပဲ"
"အင်း..."
အင်းဟုတစ်လုံးထဲပြောကာထွက်သွားဟန်ပြုနေသော Hex၏အပြုအမူကိုXoeyသဘောမကျ။ မိမိကိုတမင်ရှောင်ျနသောဟန်။ဘာကြောင့်မှန်းရယ်မသိသော်လည်း Xoeyနေမတတ်။
"ဒီမှာ!!ရှင်ကျွန်မကိုတမင်ရှောင်နေတာလား?"
"မဟုတ်ဘူး!"
ပြတ်လွန်းလှသည့်အသံကြောင့်Xoeyဒေါသပိုထွက်လာခဲ့သည်။
"မညာနဲ့ ရှင်ကျွန်မကိုရှောင်နေတာအသိသာကြီး၊မမြင်ချင်လဲပြောပေါ့!!ရှေ့ရက်ကပဲရှင်ပဲကျွန်မကိုစနောက်နေပြီးတော့ နောက်ရက်ကျတော့ ကျွန်မနဲ့မပြောဆိုမဆက်ဆံပဲနေနေပြန်တယ် ရှင်ဘာဖြစ်ချင်နေမှန်းကျွန်မတစ်ကယ်မသိတော့ဘူး!!"
ထိုအခါ Hexသည် သက်ပြင်းရှည်ကြီးကိုချလိုက်ကာ
"ကိုယ်မင်းကိုဖစ်ရပ်မှန်လေးတစ်ခုပြောပြမယ်။''
"လွန်ခဲ့တဲ့နှစ်ပေါင်း၇၀လောက်က အခုဒီအိမ်ကြီးထဲမှာ ကလေးမလေးတစ်ယောက်ရယ် သူ့မိဘတွေရယ် အစေခံအများကြီးရယ်နဲ့နေထိုင်ခဲ့ကြတယ်။တစ်ရက်တော့ အဲ့ဒီကလေးမလေးရဲ့အဖေက တခြားကောင်မလေးတစ်ယောက်ရယ် ၊ကောင်လေးတစ်ယောက်ရယ်ကိုခေါ်လာခဲ့တယ်။ သူတို့နှစ်ယောက်ကမောင်နှမတွေမဟုတ်ကြပေမယ့်သူတို့နှစ်ယောက်စီရဲ့မိဘတွေကအသတ်ခံလိုက်ရလို့သနားပီးအတူတူမွေးစားဖို့ခေါ်လာခဲ့တာတဲ့။ သူ့ကိုလဲ အခုချိန်ကစပြီးဒီကလေးနှစ်ယောက်ကသမီးရဲ့မောင်လေးနဲ့ညီမလေးမို့ စောင့်ရှောက်ရမယ်နော်တဲ့။
အဲ့နေ့ကစပြီးအဲ့ဒီနှစ်ယောက်ထဲကမှ တစ်ယောက်ကမိန်းကလေးလည်းဖြစ်တော့ သမီးအရင်းနဲ့ပိုပြီးရင်းနှီးလာခဲ့ကြတယ်။သေခဲ့ရင်တောင်တစ်ယောက်အတွက်ပြန်လည်မွေးဖွားပြန်လာရှာပါ့မယ်လို့ကတိသစ္စာထားခဲ့ကြရလောက်အောင်ရင်းနှီးခဲ့ကြတယ်။အချိန်တွေကြာလာလို့မိဘတွေကွယ်လွန်သွားကြတော့ သမီးအရင်းလဲတစ်ဖြစ်၊အမကြီးအမိရာတစ်ဖြစ်နဲ့သည်အိမ်ကြီးဦးစီးခဲ့တယ်။တစ်နေ့အစ်မကြီးကခြံထဲလမ်းလျှောက်ထွက်နေတုန်း အစေခံအမျိုးသားတစ်ယောက်ကအစေခံအမျိုးသမီးတစ်ယောက်ကိုထိကပါးရိကပါးစော်ကားနေတာကြောင့် အစ်မကြီးကစိတ်အရမ်းဆိုးပြိးအိမ်တော်မှာရှိသမျှယောက်ျားသားအလုပ်သမားတွေကိုမောင်းထုတ်ခဲ့တယ်။သူ့မောင်လေးကလွဲပြီးပေါအိမ်တော်ကြီးထဲမှာအမျိုးသမီးတွေပြကျန်ခဲ့ပြီးလစ်ဟင်းသွားတဲ့အမျိုးသားတွေရဲ့အလုပ်နေရာကိုအဲ့ဒီအမျိုးသမီးတွေကပဲဖြည့်စွက်လုပ်ကိုင်ခဲ့ကြတယ်။
ညီမငယ်လေးကိုအစ်မကြီးကအရမ်းချစ်ပြီးအလိုလိုက်ကြတာတစ်အိမ်လုံးသိကြပေမယ့် အစ်မကြီးက ညီမလေးတစ်ယောက်လိုချစ်မြတ်နိုးတာမဟုတ်ဘူးဆိုတာကိုတော့အိမ်တော်ထိန်းတစ်ယောက်ပဲသိခဲ့တယ်။တစ်နေ့တော့ အစ်မကြီးသိခဲ့ရတာက သူမရဲ့မောင်လေးနဲ့သူမရဲ့ညီမလေးကရည်ငံနေကြပြီဆိုတာကိုပေါ့။ညီမလေးကိုချစ်မြတ်နိုးလွန်းပြီးအတ္တကြီးလွန်းတဲ့အစ်မကြီးဟာ သူမမောင်လေးကိုစည်းစိမ်တစ်ချို့ကိုပေးပြီးအိမ်တော်ကနေမောင်းထုတ်လိုက်ပေမယ့် မောင်ငယ်ကဘာမှမယူပဲထွက်သွားတယ်တဲ့။အဲ့သည်ညရောက်တော့သူမရဲ့ညီမငယ်ဟာပျောက်သွားပြီးလို့ခဏအကြာမှာပဲ ကျန်ခဲ့တဲ့သူတို့တစ်အိမ်လုံးကအသတ်ခံခဲ့ရတယ်။အကုန်လုံးကအစိမ်းသေခဲ့ကြရတာမို့ သရဲတွေဖြစ်လာကြတဲ့အချိန်နားလည်ခဲ့ရတာက သူမမောင်လေးကတစ်ခြားသူတွေနဲ့ပေါင်းပြီးသူမကိုမကျေနပ်လို့ပြန်လာသတ်ခဲ့တာပဲ။ဒါကြောင့်သူချစ်တဲ့မိန်းကလေးကိုအရင်ခေါ်ထုတ်သွားတာပေါ့။ဒါကြောင့်ရန်ငြိုးကြီးတဲ့အမကြီးဟာသူ့မောင်ကိုပြန်လက်စားချေနိုင်ဖို့အတွက်ပရလောကရဲ့အမြင့်ဆုံးအဆင့်ထိရောက်အောင်ကျင့်ကြံခဲ့တယ်။
မင်းဘာလို့ဒီကိုရောက်လာလဲငါသိပါတယ် ငါတို့လိုအဆင့်မြင့်သရဲတွေကိုမင်းတို့လို ပြန်လည်မွေးဖွားစေသူတွေကပဲ လူ၀င်စားအောင်ပြုလုပ်နိုင်ကြတာလေ။မင်းအသက်အရမ်းငယ်နေလို့ကုိယ်မင်းကိုအထင်မသေးပါဘူး ကိုယ်ကိုယ်တိုင်ကလည်းနှစ်အနည်းငယ်အတွင်းမှာအခက်ဆုံးအဆင့်တွေကိုဖြတ်ကျော်နိုင်ခဲ့တာပဲ..ပြီးတော့ဒီအိမ်တော်ကိုရောက်လာတယ်ဆိုထဲကမင်းအဆင့်ကအနိမ့်အပါးကမဟုတ်မှန်းလည်းကိုယ်သိတယ်"
Hex၏စကားများကိုငြိမ်သက်စွာနားထောင်နေစောXoeyက
"နံရံပေါ်ပန်းချီကားထဲက မိန်းကလေးက ရှင့်ညီမလေးမလား"
ဟူ၍မေးတော့ Hexသည်ခေါင်းငြိမ့်လေသည်။ Xoeyမျက်နှာအနည်းငယ်ပျက်သွားကာ
"အခုထိပုံတွေကိုအမြတ်တနိုးချိတ်ထားတော့ ရှင်သူ့ကိုချစ်နေသေးတာလား..."
"အဲ့ဒီအချစ်တွေကသေသွားခဲ့တာကြာပါပြီ ဆက်ချိတ်ထားတာက ကတိတစ်ခုကြောင့်ပါ ဒီပန်းချီတွေကိုဆွဲပြီးတဲ့အချိန်တုန်းက ကိုယ်သည်ပုံတွေကိုပွားပြီး အခန်းထဲအနှံ့ချိတ်ထားမယ်လို့ကတိပေးထားမိခဲ့လို့လေ"
"ကျွန်မကိုရှောင်တာကရော..ကျွန်မက ပြန်လည်မွေးဖွားစေသူဖြစ်တာကြောင့်လား?"
Hexသည် ခေါင်းကိုဖြည်းညင်းစွာခါလိုက်ရင်း
"ကိုယ်ကိုယ်တိုင်လည်းဒီခံစားချက်ကိုသေချာအတည်မပြုရသေးပေမယ့် မင်းနဲ့တွေ့တော့ အရင်တုန်းကခံစားချက်အတိုင်းပြန်ခံစားမိလာတယ်..အချစ်လို့လူတွေအမည်တပ်ထားတဲ့ခံစားချက်ပေါ့ ကိုယ်တို့နှစ်ယောက်ကလဲတစ်ယောက်တစ်လမ်းဆီကသူမို့ မဖြစ်သင့်တာမဖြစ်ရအောင်ကာကွယ်တဲ့အနေနဲ့ ရှောင်နေခဲ့တာ"
"တစ်ကယ်တော့လေ.. ရှင်တို့အိမ်တော်အတွင်းကသူတွေကိုသတ်ခဲ့တဲ့သူကရှင့်ရဲ့မောင်လေးမဟုတ်ပါဘူး ရှင်နှင်ထုတ်ခဲ့တဲ့ယောက်ျားလေးအစေခံတွေထဲကလူတစ်ချို့က ဓားပြတွေနဲ့ပေါင်းပြီးရှင်တို့ကိုသတ်ခဲ့ကြတာပါ ရှင့်မောင်လေးကရှင့်ညီမလေးနဲ့မခွဲနိုင်တော့ အဲ့ဒီညမှာပဲလာခိုးပြီးနှစ်ယောက်သားထွက်ပြေးခဲ့ကြတာ လူသတ်သမားတွေရန်ကကပ်သီးလေးလွတ်ခဲ့ကြပြီးတစ်ခြားအရပ်ကိုပြောင်းနေခဲ့ကြတယ် ။နောက်ဒီမြို့ကိုပြန်လာတော့ ရှင်တို့အိမ်တော်ကြီးကသရဲခြောက်နေတယ်ဆိုတဲ့သတင်းကိုကြားပြီးရှင့်မောင်လေးက ဆရာကြီးေတွဆီမှာပညာယူခဲ့ပြီး ပြန်လည်မွေးဖွားစေသူလုပ်ခဲ့တယ်"
"မင်းကဘယ်သူမို့လို့ဒီလိုဖန်တီးပြောနိုင်ရဲရတာလဲ!!!!ငါဖြစ်ခဲ့တဲ့ကိစ္စ ငါဆိုတဲ့သူကသေချာမသိရင် မင်းဆိုတဲ့သူစိမ်းကသိနေစရာအကြောင်းကိုမရှိဘူး!!!!"
ပြောင်းလဲလာသောမျက်နှာထားနှင့်ဩလာသောအသံတို့ကြောင့် Hexတစ်ယောက်မကောင်းဆိုးဝါးသဏ္ဌာန်ပြောင်းတော့မည်ကို Xoey သိနေလေပြီ။ သို့သော်လည်းပြောစရာရှိသည်ကိုပြောရမည်ဟူသောဆုံးဖြတ်ချက်ဖြင့်
"ဟုတ်ပါတယ် ကာယကံရှင်ကပဲသေချာသိမှာလေ ရှင့်မောင်လုပ်ခဲ့လားမလုပ်ခဲ့လားရှင့်မောင်ပဲသိမှာပေါ့ ပြီးတော့ကျွန်မဘာလို့သိနေရတာလဲဆိုတော့ ရှင့်မောင်ဆိုတဲ့သူကကျွန်မရဲ့ဆရာဖြစ်နေလို့ပဲ"
"ဘာ!!!!"
နီရဲလွန်းလှသောမျက်လုံးကြီးများနှင့် အရောင်ပြောင်းလာသောအသားအရည်ကိုလျစ်လျူရှုကာXoeyသည်ဆက်ပြောလေသည်။
"ရှင်လဲရှင့်အဆင့်တွေကိုတက်နေတဲ့ကာလအတွင်းမှာဆရာကလည်းသူ့အဆင့်တွေကိုကြိုးစားတက်နေခဲ့တယ် ဒါပေမယ့် ဆရာကတော်ဆုံးသွားတဲ့နှစ်မှာတော့ ဆရာကစိတ်ဓာတ်တွေကျဆင်းသွားပြီး ကျွန်မကိုပညာတွေလွဲအပ်ပြီးလို့ ဖြစ်ပျက်ခဲ့တာတွေကိုပြောပြပြီးနောက်ရက်ဘယ်ဆီကိုမှန်းမသိပျောက်သွားခဲ့တယ် ဆရာပျောက်ပြီးနောက်တစ်နှစ်ကြာတော့ရှင့်ဆီကိုကျွန်မထွက်လာခဲ့တာပဲ"
"တော်တော့!!!!!!မင်းး!!!မင်း ထွက်သွား!!".
"ရှင်စိတ်အေးအေးထားပြီးတွေးကြည့်ပါ ကျွန်မပြောပြခဲ့တာတွေကအမှန်တွေပါ နောက်နှစ်ရက်နေရင် ရှင့်အချိန်ကျပြီ လွဲမှားနေတဲ့ရန်ငြိုးတွေကိုလွှတ်ချပြီး လူ၀င်စားဖို့တွေးပါတော့ ရှင့်အတွက်ရှင်မကြည့်တောင် ဒီအိမ်ကြီးကလူတွေအတွက်ရှင်တွေးပေးသင့်တယ် "
ဟုပြောကာ Hex၏အခန်းထဲမှ Xoeyထွက်လာခဲ့လေသည်။
"တောက်!!!ဟာကွာ!!!"
အခန်းတွင်းတွင်တော့ Hexတစ်ယောက်မကောင်းဆိုးဝါးသဏ္ဌာန်လုံးလုံးပြောင်းကာ အခန်းထဲရှိအရာမှန်သမျှကိုဖျက်ဆီးပစ်နေလေပြီ။
_______
ကောင်းကင်ကြီးရှင်းလင်းနေသောရက်။ဤရက်တွင် အိမ်ကြီးရှိသရဲများအလုပ်ရှုပ်နေကြသည်။ အိမ်ကြီးရှိသခင်မ၏တစ်ချက်လွှတ်အမိန့်ကြောင့် ခေါင်းမာသော ဂျိုတစ်ချောင်းနှင့်လျှာနီကြီးမှလွဲ၍ကျန်သည့်သရဲ သဘက်များအားလုံးလူ၀င်စားတော့မည်ဖြစ်သည်။ သရဲများကအဆင်သင့်ဖြစ်ေနေသာ်လည်းသရဲများ၀ိုင်းဖွဲ့ကာထိုင်နေသောအလည်၌ရှိနေသော ပြန်လည်မွေးဖွားစေသူတစ်ဖြစ်လံ Xoeyတစ်ယောက်မှာတော့ အခမ်းအနားကိုမစတင်သေး။
"Xoeyလေး မစသေးဘူးလားဟင်"
"ခဏလေးပါနော် တစ်ကယ်ခဏလေးပါ"
"အခုချိန်မစရင် နောက်ကျသွားလိမ့်မယ်နော်"
သရဲတစ်ကောင်၏အမေးကိုလည်တစ်ဆန့်ဆန့်လုပ်ကာXoeyပြန်ဖြေနေစဉ်ရုတ်တရက်ထွက်ပေါ်လာသောအသံ။ထိုအသံပိုင်ရှင်ကိုကြည့်စရာမလိုပဲXoeyသိပါသည်။သူမမျှော်နေသောအသံပင်မဟုတ်ပါလား။
"Hex!!"
Hex၏နာမည်ကိုခေါ်ကာသူမအနားသို့အပြေးသွားသည်။
"အင်း ဟုတ်တယ်ကိုယ်"
"ဆုံးဖြတ်ချက်ကရော"
မျှော်လင့်ခြင်းမျက်၀န်းများနှင့်ကြည့်နေသောXoeyကို Hexနူးညံ့စွာပြုံးပြလိုက်ကာ
"မိသားစုအသစ်ကဘယ်လိုနေမလဲတွေးမိနေပြီ"
ပါးစပ်အဟောင်းသားဖြစ်ကာအံ့ဩသောမျက်၀န်းအစုံနှင့်Xoeyသည် Hex၏ပါးကိုလှမ်းထိလိုက်သည်။သို့သော်လည်းလေကိုသာကိုင်မိခြင်း။
"လူ၀င်စားဖို့ဆုံးဖြတ်ပြီးသား သရဲကိုထိလို့မရတော့ဘူးလေ ပြန်လည်မွေးဖွားစေသူကြီးရဲ့"
"ဟီးး သိပါတယ်နော်မယုံနိုင်သေးလို့ထိကြည့်တာ ဪဒါနဲ့..."
"အွန်းပြောလေ"
ပြောမည့်စကားကိုဆက်မပြောသေးဘဲ အနောက်မှလျှာနီတို့ကိုXoeyလှမ်းကြည့်လိုက်သောကြောင့်လျှာနီတို့ကလည်း
"အဟမ်း.!လာလာဂျိုတစ်ချောင်းငါတို့သွားထိုင်ရအောင်"
ဟူ၍အနားမှထွက်သွားသည်။ ထိုအခါမှ
"ရှင့်လိုအဆင့်မြင့်ကိုရောက်ပြီး တစ်ပါးသူကိုသက်သက်မဲ့ဒုက္ခမပေးတဲ့သူတွေက အခုဘ၀ရဲ့မှတ်ညာဏ်တစ်ချို့ကိုသယ်ဆောင်သွားလို့ရတယ်ဆိုတာသိပါတယ်နော်"
"အွန်း ကိုယ်သိတယ်လေ"
"I mean....you can come back for me"
"ဒါကတော့.. ကိုယ့်ရွေးချယ်မှုပဲလေနော် ကိုယ်.."
"အခမ်းနားစမယ်!!"
Xoeyသည်စကားကိုဆုံးအောင်နားမထောင်တော့ပဲသရဲများ၏အလည်တွင်တင်ပလ္လင်ခွေထိုင်ချလိုက်လေသည်။Hexလည်းသူမအတွက်ဖယ်ထားပေးသောနေရာတွင်ထိုင်ချလိုက်ကာမျက်လုံးမှိတ်ထားလိုက်သည်။
အဆင်သင့်ဖြစ်သည်နှင့်Xoeyသည် မန္တာန်ကိုစရွတ်လေသည်။မန္တာန်ရွတ်သံသည်တိုးနေရာမှကျယ်လာသကဲ့သို့ ဘေးနားပတ်လည်တွင်ထိုင်နေသောသရဲသဘက်များ၏ကိုယ်၌လည်းအလင်းရောင်များဖြာထွက်လာကာ တစ်ကောင်ပြီးတစ်ကောင်ပျောက်ကွယ်သွားလေသည်။နောက်ဆုံးကျန်ေသာHexအလှည့်တွင် Xoeyနှင့်Hexတို့သည်သူတို့နှစ်ဦးသာနားလည်နိုင်သောအကြည့်များနှင့်စကားလုံးဖလှယ်ပြီးနောက်Hexတစ်ယောက်ပျောက်ကွယ်သွားလေတော့သည်။
(ရှင်ဘယ်သူ့အတွက်များပြန်လည်မွေးဖွားလာမလဲ...)
{၁၆နှစ်ကြာသော်}
"Xoey.."
ခြံရှေ့ရှိပန်းပင်များကိုရေလောင်းနေစဉ် ကြားလိုက်ရသောခေါ်သံကြောင့်Xoey၏အကြည့်များသည်ခြံတံခါး၀နားသို့ရောက်သွားသည်။Xoey၏ခြံတံခါးမှာခြံတံခါးပုလေးဖြစ်သောကြောင့် တစ်ဖက်လူ၏ကိုယ်တစ်ပိုင်းကိုမြင်ရသည်။
ထို့နောက်တံခါးနားထိသွားကာရပ်လိုက်ပြီး
"မင်းက...?"
ထိုချိန်တွင်၁၅နှစ်အရွယ်ကလေးမလေးသည် Xoeyကိုနူးညံ့စွာပြုံးပြလိုက်သည်။
"နေအုံးငါဒီအပြုံးကိုမှတ်မိတယ် မင်း..မင်းက"
မျက်လုံးများပြူးကာတစ်အံ့တစ်ဩနှင့်အသံကတုန်ကယင်ဖြင့်မေးနေသောXoey ကိုထိုမိန်းကလေးကခေါင်းငြိမ့်ပြကာ
"I'm back for you"
ထိုသို့ပြောပြီးသည်နှင့်Xoeyသည် ခြံတစ်ခါး၏တစ်ဖက်ရှိမိန်းကလေး၏နဖူးထံသို့အနမ်းခြွေလိုက်လေသည်။
ထို့နောက်Xoeyသည်
" Thanks" ဟုပြောကာ နှစ်ယောက်သားအကြည့်ချင်းစုံ၍ပြုံးနေကြလေသည်။
မွှေးပျံ့သောပန်းရနံ့၊လှပကောင်အပြာရောင်ကောင်းကင်ကြီးအောက်၌ ချစ်ရည်ရွှန်းသောမျက်၀န်းများဖြင့်ရင်တွင်းစကားများကိုဖလှယ်နေကြသော သည်အမျိုးသမီးနှင့်မိန်းမငယ်လေးတို့မှာ မည်မျှပျော်ရွှင်နေကြသည်ကို အဝေးမှကြည့်ရုံနှင့်ပင်သိနိုင်ပါသည်။
############
Xoey
ကျေးဇူးပါ....
ပြန်လာခဲ့ပေးလို့။
___________________
Hex
ကျေးဇူးပါ...
အဟောင်းကိုလွှတ်ချစေခဲ့ပြီး အသစ်ဖြစ်တဲ့ကိုယ့်ဘ၀၍ပျော်ရွှင်ခြင်းဆိုတဲ့မင်းအနားလာဖို့ဖိတ်ခေါ်ပေးခဲ့လို့။
{ပါ၀င်သောအချို့အကြောင်းအရာများသည်စာရေးသူ၏ဖန်တီးမှုများသည်ဖြစ်သည်}
###########End#############
May19