الثأر العشرين
ثارهم وبنت الفقير
بقلمي_ترانيم هادي ♥️🕊️.
لاتنسون تصوتون عالبارت حلويني
.
وتعاليقكم بين الفقرات لاتنسوها
.
ومتابعه للحساب ♥️🕊️,
taranim_09
_ماعرف شكد نمت وماحس غير بـ لمسات تتوزع على جسمي
صعودا لوجهي ، انفاسه احس بيها تلهث برقبتي وريحه الجكاير المخلوطه بعطره
فتحت عيني ردت اندار بس محكم قبضته على خصري وهوه يطبع بوسات خفيفه على رقبتي
ضرار... ميت شوك الج
سيرين... ضرار
ماجاوبني وبس صوت انفاسه اسمعها انداريت عليه وهوه يسحبني عليه اكثر
اعاينله عيونه مغمضهن والسواد محاوطهن ضعفان كلش ووجه شاحب
سيرين... وين اختفيت كل هالمدة !!؟
ضرار... تعبت وتعبتج وياي لو ضال جان رحتي من ايدي
سيرين... كله من ايدك لومصرف صح مجان صار كل هذا
تنهد بألم وحجى بصوت خافت
ضرار... تعبان
سيرين... ترتاح يمي
طكها ضحكه لدرجه حتى غص
سيرين... وخر تضحك عليه
حضني من خصري باثنين ايديه ودفن راسه برقبتي
ضرار... انه راحتي بحظنج
سيرين... وخر يالشويب
ضرار... تردين اشوفج شيسوي الشويب
سيرين... تضربني !!!
ضرار... تنكسر ايدي
سيرين... ماتنكسر شوي ترجع خبالك وتفرغها بيه
وماحس غير بكرصته شلعت زندي
سيرين... اخخخخ ايدي
ضرار... وجج موجن لسانج طولان
سيرين... ضرار وخر مني
ضرار... سيرينه خليني ارتاح بحظنج
سيرين... شكالولك عليه دوشك نوم وترتاح عليه
ضرار... كافي تتحركين بحظني انهيج بالعباس
سيرين... ضرار
ضرار... همم
سيرين... وين جنت !!؟
ضرار... بغداد
سيرين... لايكون هم خاطفلك وحده وبعد كم يوم جيبها عليه
ضرار... منو مخلي هالحجي بعكلج
سيرين... الحجيه كالت هسه نوب يصفطن نسوانه ويجيب الثالثه
ضرار... لا معليج بهالحجي يله كافي حجي ردي نامي لادوخيني
سيرين... هففف هسه كعدت
_سكت شوي وماحس غير وهوه ساحبني وصاعد فوكاي
ضرار... كتلج لاتتحركين بحظني
سيرين... ااخ وخر يامنحرف
دفعته وهوه لزم ايدي ودفن راسه برقبتي حسيته فقد عالاخر وهوه يحرك وجهه ويشم بركبتي
رفع راسه وعاينلي وعيونه ذبلانات
ضرار... سربوت شمالك
جاوبته بفهاوه... ها
باسني قريب على شفتي وخر مني
ضرار... الحجيه وغيد جوا
سيرين... ياغيد
اندار عليه وعكد حاجبه
ضرار... تراها بس بوسه وناشفه شمالج
سيرين... احس روحي صخنت من الخجل كمت طكيتها ركضه وسمعت عيطته ورجعت
ضرار... شاااالج وين راكضه
سيرين... نسيته
اخذت الشال لبسته ونزلت جوا
رحت للاستقبال اشوف غيد والحجيه وكلها متجمعين شافتني الحجيه فتحت ايديها
ماهتميت لاحد ركضت حظنتها وهيه ضمتني لحظنها
الحجيه... يايمهه شلونج
سيرين... الحمدالله مشتاقتلجن
الحجيه... بنيتي تعودنا عليج وحشه بدونج
سيرين... فدوه لكلبج
غيد... ها وانه نسيتيني
كمت عليها وحضنتها
عزام... چا اليوم تضلن متحاضنات
غيث... خوي عوفهن متحاضنات طاكهن العوز
غيد... ابتليت حضنتها
ميس... ههههههه كلشي لاسوين وهمه موجودين
كعدنا نسولف كلنا وجنوب بالمطبخ تسوي جاي
كمت حتى اشوفها رحت واشوفها واكفه وي واحد وعاكده حواجبها عاين عليه ورجع وجه نظره عليها
ازان... منيه هاي
جنوب... مرت ضرار
وخرته اجت سحبتني من ايدي ومشت للاستقبال اشرتلي اسكت
وانه غلست كعدنا شوي واجت مياده تتمخطر والعلج يطك بحلكها
مياده... يهلا بابو رهف وين هالغيبه
ضرار... هلا
راحت باسته من خده وكعدت بصفه ورهف تلعب بحضنه
ماهتميتلهم ولهيت نفسي وي البنات عفناهم وصعدنا بغرفه ميس وجنوب اعاينلها صافنه وشارده
سيرين... غيد شعجب اجيتو هناه
ميس... مواول مره يجن
سيرين... يعني من زمان تعرفوهم
غيد... ضرار من كبل رايد يجيبنا يمه بس بسبب شغله دومه يأجل السالفه وهسه دام البيت كمل ماعدنا شي واجينى
سيرين... يابيت !!!؟
غيد... بيتنا
سيرين... غيييد قصدج حتعيشون يمنا
غيد... هههههه اي بعد كم خطوه عنكم يعني نكدر نجيكم وانتي هم
ميس... ولج ليش ماكتيلنا
غيد... خايبات انه شايفتجن حتى اكلجن وحتى ضرار فجأه كلنا واحنى ماندري اجانا بدون مقدمات يكلنا بعد كم يوم تجن وياي للناصريه
البيت كمل
ميس... جنوب شبيج صافنه !!؟
عاينت علينه ونزلت راسها تنهدت ونفخت بضيك
جنوب... ازان
ميس... شبيه
سيرين... منو ازان
جنوب... الي شفتيني وياه بالمطبخ يصير ابن خالج رسلان
غيد... اي شماله
جنوب... كل مره يعترفلي وارفضه
غيد... شني هيج كبل احجي السالفه من راسها مومن رجليها
جنوب... شوفن من سنتين واني اشوفه يعاينلي ويلمحلي بس انه مغلسه عليه ابد ماطيته وجه
علما بيوم جنت بالمطبخ اغسل بالمواعين
وهوه مرلنا ظهريه وبهيج وكت كلها بغرفها واكفه واغسل بالصحون وفززني صوته
ازان... جنوووب
عفت الصحن من ايدي وانداريتله
جنوب... خايب شمالك وكفت كلبي
بدون مايجاوبني سحبني من ايدي واخذني للحديقه
جنوب... جاااي سوي وخر لالم العالم عليك
ازان... اسمعيني بالاول
جنوب... ماريد اسمعنك
ازان... اااحبج
جنوب... جاي تخربط شبيك تخبلت
ازان... وججج ااافهمي عليه اااحبج ورايدج
جنوب... وانه ماريدك وخر من طريقي
ازان... جنوب بس اسمعيني
جنوب... لاسمعك ولاشي اعتبرنك مثل اخوي والاحسن ماتجاوز حدودك اكثر
ازان... وجج شنهي اخوج انه احبببج واريدج واذا تردين مستعد من هسه اجي واطلبج بس كولي اي
جنوب... لاا ومليون لا ماحبك ليش حتى اكول اي
_نفك بضيك وفرك راسه بعصبيه
ازان... متأكده
جنوب... وخر من طريقي
ازان... امشي من جدامي
_عفته ومشيت من بعدها تغيرت علاقتنا من بعد ماجان حاله حال الولد واعتبرنه مثل اخواني صار بكل مره يشوفني بيها لويتغزل لويذبله كلمه
واذا شافني واكفه وي واحد من الولد مايرتاح الايسممني بحجايه لويتعارك
واذا صارت فد كعده لوتجمعنه عينه مايشيلها مني ونظراته تضل ملاحكتني
ولحد هسه هوه مابطل يلاحكني ويعيد نفس الحجي بس انه بكل مره ارفضه يروح وهم يرد
واليوم بالمطبخ من جنت اسوي جاي اجى لكاني واكفه
وكف بدون مايحجي وانه اتجاهله
جنوب... اذا اجى احد وشافنا واكفين هالوكفه شيكولون ؟
ازان... مايهمني
جنوب... وانه يهمني
ازان... موكافي هيج
جنوب... شنو الكافي
ازان... جنوب نزلت نفسي الج اكثر من مره وهواي توسلت بيج بكل مره اعيد نفس الحجي وانتي جوابج لا زين اطيني جواب مقنع كليلي شنو البيه وماعاجبج
جنوب... حرت شجاوبه وهوه كل كلامه صح ماعندي جواب مقنع حتى ارفضه
ازان... احجي لاسكتين اريدن اشوفن دربي تعبت وانه اتوسل بيج لحدمن اضلن هيج وانتي رافعه خشمج عليه
جنوب... ازان الاحسن تشوف حياتك وبطل تلاحكني صدكني مافيدك ومتأكده حتشوف الاحسن مني وتكدر تحبك
ازان... انه مارايد الاحسن منج انه رايدج انتي
حنوب... طريقنا موسوا معتبرتك اخوي وحضلك هيج ونظرتي تجاهك مراح تتغير اعذرني
ازان... هذا اخر كلام عندج ؟
جنوب... اي
ازان... هذا هوه التردي يجرالج اخوج اضلن اخوج بس صدكي وداعتج تتندمين العليه سويته ونزلت نفسي هواي وانتي ردتي هالشي لاتلوميني بعدين
غيد ... چا يحظي اذا رايدج شمالج
جنوب... احس نفسي مومستعده احب وانحب ماعرف شنو مشاعري بس حايره كلش ماعرف شنو البداخلي تجاهه حتى انطي امل واخلي متمسك بيه
سيرين... انطي فرصه
جنوب... انطي فرصه لضرار
سيرين... وضرار شدخله
جنوب... صلحي علاقتكم وانطي فرصه ليش متحبي ؟
سيرين... ماحبه ولاراح احبه بيوم كعدتي وياه مؤقته علما ارد لاهلي
ميس... سيرين بس اخوي رايدج
سيرين... لامرايدني
غيد... الله يهديج
شوي واندك الباب ودخلت مالكه
مالكه... عيني غيد تعالي نزلي حترحون
غيد... اي جايه
مالكه... جاي تحجن
جنوب... سوالف خاصه
عوجت حلكها وراحت معاجبها
ميس... تفف
سيرين... ازان يصير اخوها
جنوب... اي يحظي اخوها هالمسمومه
ميس... وبنت خالج هم صير
سيرين... اوف
غيد... ضلن نافخن انه اروحن
سيرين... اجي وياج
نزلنا كلنا سوا جان ضرار يريد ياخذ الحجيه وغيد لبيتهن
واشوف ليث وغيث جايين من برى محملين جنط
ليث... تاليتي اصيرن حمال تهي
غيث... متروسات حصو هذن
ضرار... بله حجي
بديعه... جا يمه شني هالجنط
ضرار... هذن لسيرين عبن من اجينى ماجابتهن وياها
سلافه... وهذن كلهن لهالبومه جا شكد صارف عليها
سيرين... واذا صرف قابل فلوسه حيخلصن
خزرني حتى اسكت واندار للحجيه
ضرار... ها جده جا غير مريتي وتدلل
سلافه... سحرتك هالغاكه يايمه
ضرار... ههههههاااي
بدور... يايمه هنه هديمات شجايبلها
حطام... بسكم وانتو روحت صعدوهن فوك
ليث... جدي وفوكها نصعدهن لمدام سيرين
ضرار... ميس وينه الصونده
ميس... اجيبها
ليث... يلهه ولك فضها خل نصعدهن خافن مرت اخونه تتعب
_شالو الجنط وصعدوهن فوك كام ضرار حتى يوصل الحجيه ولزمته
سيرين... خل اجي وياك
ضرار... بويه اكعدي وين جايه شوي وارد
سيرين... موخاف يحتاجن شي غير نرتب البيت
ضرار... مايحتاج مرتب وكامل
عكعدت حاجبي وبرطمت
ضرار... بعدين اخذج
هزيت راسي وراح وهمه كلمن راح لغرفته شلت رهف وصعدت فوك شفت الجنط بالباب مخليهن
دخلتهن وكعدت ارتب بيهن ورهف تخرب بالترتيب لو تحمر وجها بالمكياج
اعاينلها وجهه صار جنه قرقوز من المكياج
سيرين... شسويتي
رهف... اوا
سيرين... لا بس هيه لونها احمر يله عوفيها من ايدج وكعدي عاقله
كامت هيه مسحت وجها بالشال
سيرين... خربتي الشال
ضليت ارتب بالملابس ورتب الغرفه ورهف تفتر فوك راسي
خلصت وكمت اخذتها غسلتلها وهيه تاخذ بالمي وتذبه عليه
نزعت الملابس وملابسها وطلعت لبستها واخذت دشداشه قصيره لبستها
رادت تاخذ الحمره سحبتها من ايدها وشلتها خبصتني بالبجي على الحمره
سيرين... اوووف انتي وابوج تعبين
ضرار... شبيه ابوها
انداريت واشوفه واكف وضام ايدي ومبتسم
سيرين... بنتك تعبتني كلش ووكحه
ضرار... افا عليج انه بناتي وكحات
سيرين... منو بناتك ؟
ضرار... چا انتي وحد غير بنتي
سيرين... لا مو بنتك انه زوجتك
اجى تقدم عليه لزمني من خصري وباسني بكصتي ورهف شمرت نفسها عليه اخذها مني وهوه يشم بيها ويبوسها
رهف... ابه
ضرار... ياروح ابوج
اخذها يلاعب بيها وانه كعدت امشط بشعري وكلما اعاينله اشوف مركز نظره عليه ويباوع
سيرين... ضرار موجن طولت نظرك عليه
ضرار... ماينمل من شوفتج شسوي
سيرين... مكابلتك واشبع شوف
ضرار... تؤ ماشبع لواضلن كل عمري مكابلج
سيرين... صدك ليش متروح يم مرتك شكو جاي يمي
ضرار... جا وانتي شني
سيرين... انه مومرتك
ضرار... ستوج كلتي انه زوجتك شكد بربوك وصلفه وفوكاها تنكرين
سيرين... ضرااار لسااانك
_جاي نحجي ومانحس غير صوت العياط جوا انطاني رهف بسرعه وراح رحت ورااه
احس حتى دربي ماندليته نزلنا واشوف رزام وانور لازمين صوندات وحيدري واوس خاتلين ورى الحجي
حطام... ولكمم بسسكم شنهههي شصاير
حيدري... جدي دخيل عندك انه شوفهم كلواحد كاضله صونده بعرض راسي
انور... وحك علي بس اكضك اكضي بيك العافيه
رزام... انه وتالي وياكم يالعاراات
ضرار... عمي اهدى واحجيلنا شصاير
انور... هالعارات جايبين حيه علينه وهادينها بالبيت ومايدرون وين خاتله وامي لاكيتها بالمطبخ وجان انجلطت علينه
حيدري... خايبين بدون سنون هالحيه
اوس... اليفه
رزام... بويه بس وخر خلني اكسرهم بلكي يعقلون
ضرار... وبعدين وياكم شطول الواحد وشعرضه تردون زعاطيط
حيدري... تراها حيه اليفه شمالكم
انور... هينه اكضك يو لا
اوس... خوي انه شعليه جايين عليه
رزام... عبن دامك صفيت وي هالاغبر انه اعلمك
حيدري... جدي شوفهم انه لحد هسه ساكت
حطام... سد حلكك
سلافه... شمالكم وي الفرخ كلكم عليه
هوه اندار عليها وراح كعد بصفها وحضنها من جتفها
حيدري... والله بس انتي حلال بيج الربي
سلافه... شنهي
حيدري... ماعرف جده احميني منهم هالتشوفيهم مسفطين عليه
_اجت دانه من برا العبايه طايره وجها اصفر وحلكها ابيض
دانه... يابه امي تخربطت
انور... هاك استلم
_راحو كلهم وحيدري واوس ضلو نوب كعدو وي سلافه ياكلو جاي وكعك
بدور... ولكم امكم مدري شحالها وكاعدين تاكلون
اوس... كلها راحت احنه شنسوي رايحين
حيدري... اكلج عمه اشو الجاي مابي شكر
بدور... اكل وامشي شوفو شصاير عيف الشكر
نزلت رهف من ايدي وراحت كعدت يمهم وتاكل شوي وراحو
ونزلت مياده من فوك
سلافه... ها خيه صح النوم
مياده... يانوم والهوسه دك براسي
سلافه... افا عليج چا اتي معلكه فوك جنج ططوه تهمج هوسه
مياده... حسره عليه النوم
راحت وكعدت كدامي
مياده... جنوب اطيني جاي من يمج
جنوب... كومي وصبيلج زقوم
رباب... وهيه شكالت مديتي لسانج عليها
سيرين... وانتي لاتدخلين بيناتهن
مالكه... حجت الوكيه
سيرين... والله وماكو غيرج الوكيه
سلافه... بسجن شمالجن يالشرايج كووومن يله كل وحده لغرفتها
سيرين... حجيه مشوفيهن شلون مسويات عصابه
مياده... الفاهيه وجن طالعلج لسان
سيرين... دسكتي يالزلمه
انه كلت هيج عيونها نطت وكامت على حيلها
مياده... ام التكفخ بيج خير ماجان جايبيج سحل لاحنه ولاعرس سكتاوي شوف شعامله وستر عليج يالعاق جابر شمرج علينه وظم راسه وبته كاعدتلي بنصه
سيرين... كلامه احسه سجاجين ويطعن بكلبي
وكأن بكلامها هذا كفختني على راسي شيطاين الدنيا تجمعت الرجفه اريد اسيطر عليها
كامن يرزلن بيها وهيه كاعده ولاهمها
كمت انه بسرعه جريتها ونمت عليها ودك وين اليوجعها فرغت كل غضبي بيها مانطيتها مجال حتى ادافع على نفسها
سيرين... لججج بربوك انه ام التكفخ ام الرزايك اشرررفج واشرف الخلفوج
مياده.... يببببو بت جااابر المجرم تكتلني انه الحكولي
جرتني من شعري احس روحي شااغت عضيتها من خدها لدرجه حسيت الدم بحلكي وماعفتها حتى وجها خرمشته وهيه صوتها يرج بأذني
هيه اضخم مني واخشن ضرباتها توجع بس ماستسلمتلها البنات يعيطن ويفاككن بينه
سيرين... وخخرن خل اعلمها لهالعااار شسوي ام التكفخ
سلافه... فلك صابج بت دنانير يبوووو هجمت بيتي هالغاكه
ماحسيت غير احد شالني منها وخرني منها وهيه تعيط وتبجي
مياده... انه تكتلني يالصفيره
ضرار... ببببسجن
سيرين... عوووووفني لاتلزززمني كككله من وراااك جبتني وحطيييتني بنصهننن وفوكااااها خاطفني من اهلي وهسه تجيني مرررتك العايقه تعيرررني
_لزم حلكي وفركه ويخوزر بيه
ضرار... صصصوتج لاتعلي وانه اعلمج على طوله السانج
سيرين... دفعت ايده وخرت منه حالتي حاله شعري ناازل ومكطعته والدم احسه يجري من كل وجهي
شسوي هااا شسوووي تضررربني يله اضرب تعودت على ضررربك وماعاد يهمني
حطام... ضرار اخذ نسوانك خبصنا خبص
بدور... چا سيرينه شعليها هالعوبه نزلت من فوك تتمخطر على البت
ضرار... هينه انه اعلمجن اااصعدن فوووك
_هوه جان عصبي ويعيط لدرجه دمارات رقبته مبينه وعيونه بكصته من العصبيه
مياده راحت لغرفتها وانه سحبت شالي وشمرته على راسي
ضرار... صعدي لغرفتج
سيرين بعناد... ماااصعد وهسه ترجعني لاهلي
حطام... بويه اتجفي الشر وصعدي لغرفتج
سيرين... انه مااااامسويه شي حتى اتجفى الشر رجعوني للاهلي
ضرار... صوتج لاوحك علي اكسر رااااسج ولي مناا
سيرين... لاتعيط
سلافه... هخخخ منك هالبومه طلع لسانها
بديعه... يمه بسج وتعالي ليه
سيرين... اااااانه لحدمن اضل هيجي رجووني لاهلي وخلصوووووني الله لاينطيكم على الاني بيه شسويتلكم
فززني صوت ضرار وهوه يعيط... صصصوتج لاتعلللي
سيرين... لااااتعيط بوجهي ماكاعده اشتغل عندك واليوم لوانه لوانت ترجعني وغصبن عليك
اجى الحجي وليث يوخروه مني
وهوه يعيط ويفشر حتى الاغراض كسرهن
ضرار بعياط... وخخري من خلقتي لااانهيج بالعباس
جرتني ميس وصعتدني فوك
جنوب... وج ليش سويتي هيج وهيجتي عليج
سيرين... ماايهمني
ميس... اووف منج كومي بدلي دشداشتج شاكتها عليج وشعرج مكطع
سيرين... فدوه عوفني اريد ابقى ابحدي
ميس... براحتج
_طلعن وعافني كمت قفلت الباب ورحت اعاين على نفسي بالمرايه
وجهي متروس اثار اضافرها وطبعه اصابع الكف وبطرف شفتي ازرق وكأن الدم متجمع
لزمت شعري كله وكه بأيدي
سيرين... كله من ورااااك الله ينتقم منك عساك لارتاحيت ولاشفت الراحه بحياتك
شلت العطر جان كزاز وشمرته عالمرايه تكسرت وصارت اشلاء
انه نفسي احسها هيجي صايره اشلاء مثل هالجامه
كلبي صاير نار وتجوي بيه ضليت افرك بصدري اريد الهوى يدخل لريتي
سيرين... انت جبتها لنفسك وهواي تعبت ويااك واحد واحد اندمكم
ضليت افتر بالغرفه واشهك بالبجي اريد اسيطر على الرجفه موكادره
وكلام مياده يرن بأذني العاق،بنت المجرم،ام التكفخ،ستر عليج
سيرين... يربببي قووويني ولاتضعفني كدامهم انه اشوفكم بت المجرم شسوي هينه
مشيت لدرجه دست على الكزاز وماهتميت رحت لغرفتها قافلتها ضليت ادك على الباب بكل قوتي واعيط حتى بلعومي تجرح
سيرين... ميااااده العوبه فتحي الباب خلني اعلمج بتتت المجرم شسوي هيييينه يالمتخلللفين لجججج افتحي
_دكيتتته بقوه وماتفتحه
مياده... ولي يالسعلوه لاخلي ضرار يسحلج
سيرين بعياط... تخووووفيني بهالشويب خله يجي اسحلج انتي وياااه ااافتحي كلت
_ صعد ضرار واتبعته جنوب وميس
ضرار... اليوم ماخلص من مشاكلجن
سيرين... لاااا متخلص وانت جبتها لنفسك
لزمني من اذني وجرها
ضرار... وتالي وي وكاحتج عبالج طوله السان تفيدج
سيرين... وخررر ولاتمد ايدك وخررر يلهه
_سحبني من ايدي حسيته خلعها والبنات يصيحن وراه اخذني للغرفه ودفعني
شاف الكزاز والغرفه هوسه جحضت عيونه ووجه نظره عليه
ضرار... شعامله ولج !!؟
سيرين... خير
ضرار... لاشوفيني لحد هسه مستخطيج وعايفج على راحتج ،سكت ورجع عاط
لسااااانج تضبي بالعباس انهيج اذا مابطلتي سوالف الكـ*** والبرا*** تصيحين وتجاوزين هاي اخلاق وحده متربيه
سيرين... راجع تربيتك وتعال احجي على تربيتي
انه كلت هيج لو هيجته يريد يسيطر على نفسه حتى مايضربني دفعني ارتطم راسي بحافه الكنتور والدم ضل يتنافر
عيوني غوشت وراسي حتى ماحسن بيه
سيرين... اخخخ يمههه راسي
سحبني من شعري وجهه قريب على وجهي لزمني من فكي ويقوي بضغطته
ضرار... تربيه جابر شتوقع منها
سيرين... هههه شوفني عضلاتك واضرب عدل
ضرار... اي ماعدنا شي اشوفج
_نزع تشيرته وشمره لزمني من رقبتي وخنكني دفعني عالكنتور
وشك الدشداشه عليه من طولها ....
يـــتـــــــبــــــــع....