قصص عراقية:
ﺍﻟﺒﺎﺭﺕ ﺍﻟﺮﺍﺑﻊ ﻋﺸﺮ
ﺭﻭﺍﻳﺔ ... ﺟﻮﻟﻴﻴﺖ ﻭﺍﺳﺮﻫﺎ ... ﻏﻴﺎﻫﺐ ﺍﻹﻧﺘﻘﺎﻡ
ﺑﻘﻠﻤﻲ .. ﻧﻮﺭ ﺳﻤﻮ ﺍﻟﻌﺮﺍﻕ
💔💔💔💔💔💔💔💔💔💔
ﺛﻜﻞ ﺟﺪﻣﻲ
ﻭﺻﺮﺕ ﻣﺘﻌﻮﺏ
ﻭﺻﺮﺕ ﻣﺎ ﺍﻧﻌﺮﻑ ﻛﻠﺶ
ﺻﺮﺕ ﺑﺴﻮﺍﻟﻔﻲ ﺍﺗﻌﺜﺮ
ﺻﺮﺕ ﺩﻣﻌﺔ ﺑﻮﺟﻪ ﻋﻤﻴﺎﻥ
ﺻﺮﺕ ﻣﻮﺿﻮﻉ ﻛﻠﺶ ﺻﻌﺒﻪ ﻳﺘﻔﺴﺮ
....................................
ﺩﺍﺋﻤﺎ ﺍﺣﺲ ﻣﺸﺎﻋﺮﻱ ﻣﺴﺘﻬﻠﻜﻪ ﻭﺣﺘﺊ ﻋﻘﻠﻲ ﻭﺭﻭﺣﻲ ﻭﺣﻴﺎﺗﻲ ﻭﺃﻓﻜﺎﺭﻱ ﻣﻮ ﻣﻠﻜﻲ
ﺍﺣﺴﻬﻢ ﻳﻤﻠﻮﻥ ﻧﻔﺴﻬﻢ ﺑﻴﻪ ﻭﻣﻦ ﺍﺣﺘﺎﺟﻬﻢ ﺍﻟﻜﺎﻫﻢ ﻣﺨﺘﻔﻴﻦ ﻣﺤﺪ ﻳﺤﺲ ﺑﻴﻪ ...
ﺃﺣﺲ ﻧﻔﺴﻲ ﺑﺰﻣﻦ ﻏﺮﺑﺔ ﺍﻻﺭﻭﺍﺡ ﻟﻼﺭﻭﺍﺡ ﺍﻱ ﺭﻭﺣﻲ ﻣﻔﺎﺭﻛﻪ ﺭﻭﺡ ﺍﻣﻲ
ﻭﺩﺍﺋﻤﺎ ﺍﺭﺳﻢ ﻃﻮﻕ ﺍﻟﻨﺠﺎﺓ ﺍﻻﻫﻠﻲ ﻭﺍﻟﻒ ﺣﺒﻞ ﺍﻹﻋﺪﺍﻡ ﻋﻠﻰ ﻋﻨﻘﻲ
ﺍﻱ ﺍﻧﻲ ﺍﻟﻴﻮﻡ ﻟﻔﻴﺖ ﺣﺒﻞ ﺍﻻﻋﺪﺍﻡ ﻋﻠﺊ ﻋﻨﻘﻲ ﻭﺭﺳﻤﺖ ﻃﻮﻕ ﺍﻟﻨﺠﺎﺓ ﺍﻻﻫﻠﻲ
ﻭﻗﺮﺭﺕ ﺍﻭﺻﻞ ﺍﻟﺘﺴﺠﻴﻴﻞ ﻭﺍﻟﺘﺼﻮﻳﺮ ﻟﻠﺸﺨﺺ ﺍﻟﻤﻨﺎﺳﺐ ...
ﺭﺣﺖ ﺍﻟﻤﺎﻣﺎ ﺭﺿﻴﻪ ﻟﻜﻴﺘﻬﺎ ﺑﻐﺮﻓﺘﻬﺎ ﻛﻌﺪﺕ ﻣﻘﺎﺑﻴﻠﻬﺎ ﻭﺍﻧﻲ ﺍﺑﺠﻲ ﻭﺍﻧﺤﺐ
ﻫﻲ ﺟﺎﻧﺖ ﺗﻀﻔﺮ ﺑﻀﺎﻓﻴﺮﻫﺎ ﺍﻟﺤﻤﺮ ﺑﺎﻭﻋﺘﻠﻲ ﻣﺴﺘﻐﺮﺑﻪ ... ﻳﻤﻪ ﺍﺳﻢ ﺍﻟﻠﻪ ﺷﺒﻴﺞ ﻳﺠﻮﻟﻲ ﻣﻨﻮ ﻭﻳﺎﺝ ؟
ﻧﺰﻟﺖ ﺭﺍﺳﻲ ﺑﺎﺳﺊ ﻭﻣﺴﺤﺖ ﺩﻣﻮﻋﻲ ... ﻳﻤﻪ ﺍﻟﺪﻧﻴﺎ ﻫﻲ ﺍﻟﻲ ﻭﻳﺎﻱ ﻳﻤﻪ ﺍﻟﺪﻧﻴﺎ ﻋﺬﺑﺘﻨﻲ ﻣﺎ ﺍﺭﺗﺎﺣﻴﺖ ﺑﻴﻮﻡ ﻭﻛﻞ ﻣﺎ ﺍﺭﺗﺎﺡ ﻳﻮﻡ ﺍﻋﻴﺶ ﺍﻳﺎﻡ ﺑﺮﻋﺐ
ﺗﻘﺮﺑﺖ ﻣﻨﻲ،ﻭﻟﺰﻣﺖ ﺍﺩﻳﻪ ﺑﺤﻨﺎﻥ ... ﺍﻟﻠﻪ ﻳﻌﻴﻨﺞ ﻳﻤﻪ ﺍﻥ ﺷﺎﺀ ﺍﻟﻠﻪ ﺭﺑﺞ ﻣﺎ ﻳﻨﺴﺎﺝ ﻭﺷﺴﻮﻳﻦ ﻫﺬﺍ ﺣﻀﺞ ﻣﻦ ﺍﻟﺪﻧﻴﺎ
ﺷﻬﻜﺖ ﻭﺍﻧﻲ ﺍﻣﺴﺢ ﺑﺪﻣﻮﻋﻲ ﻭﺭﺟﻌﺖ ﻟﺰﻣﺖ ﺍﺩﻳﻦ ﻣﺎﻣﺎ ﺑﺘﻮﺳﻞ ... ﻣﺎﻣﺎ ﻃﻠﺒﺘﺞ ﻓﺪﻭﻭﻭﻩ ﻻ ﺗﺮﺩﻳﻨﻲ ﺗﺮﺉ،ﻭﺍﻟﻠﻪ ﺍﻗﺘﻞ ﺭﻭﺣﻲ ﻭﻛﻠﻬﻢ ﺍﻧﺘﻢ ﺍﻟﺴﺒﺐ
ﺿﺮﺑﺘﻨﻲ ﻋﻠﺊ ﻛﺘﻔﻲ ﺑﺤﺪﻩ ... ﺍﻧﺠﺒﻲ ﻟﺞ ﺷﻨﻮ ﺗﻜﺘﻠﻴﻦ ﺭﻭﺣﺞ ﺍﺳﻜﺘﻲ ﻫﺬﺍ ﻣﻮ ﺣﻞ ﺍﺣﺠﻲ ﻭﺍﻧﻲ ﻭﻳﺎﺝ
ﺭﺣﺖ ﺍﺭﻛﺾ ﻗﻔﻠﺖ ﺍﻟﺒﺎﺏ ﻭﺍﺋﻤﻨﺖ ﺍﻟﻤﻜﺎﻥ ﻭﻛﻌﺪﺕ ﻳﻤﻬﺎ ﺣﺠﻴﺖ ﺑﺨﻔﻮﺕ ... ﻣﺎﻣﺎ ﻋﻨﺪﻱ ﻣﻮﺿﻮﻉ ﻭﻳﺎﺝ ﺍﺭﻳﺪﺝ ﺑﺲ ﺗﺴﺎﻋﺪﻳﻨﻲ ﺑﻲ ﻣﺎ ﺍﺭﻳﺪ ﺍﻱ ﺷﺊ ﻣﻨﺞ ﺑﺲ ﻣﺠﺮﺩ ﺗﻤﺸﻴﻦ ﻭﻳﺎﻱ
ﻋﻘﺪﺕ ﺣﻮﺍﺟﺒﻬﺎ ﺑﺎﺳﺘﻐﺮﺍﺏ ... ﻭﻳﻦ ﺍﺭﻭﺡ ﻭﻳﺎﺝ ﻭﻟﺞ ﻣﻌﺰﺍﻳﻪ
ﺗﻨﻬﺪﺕ ﻭﺭﺟﻌﺖ ﻟﺰﻣﺖ ﺍﺩﻳﻬﺎ ﺑﺘﻮﺳﻞ ... ﻣﺎﻣﺎ ﺷﻮﻓﻲ ﺍﺭﻳﺪ ﺍﺭﻭﺡ ﺍﻟﺸﺨﺺ ﺍﻧﻲ ﺍﻋﺮﻑ ﻣﻜﺎﻧﻪ ﻭﺍﻧﺘﻲ ﺍﺭﻳﺪﺝ ﺑﺲ ﺗﻤﺸﻴﻦ ﻭﻳﺎﻳﻪ ﻭﺍﻧﻲ ﺍﻭﺻﻞ ﻫﻞ ﺍﻣﺎﻧﻪ ﻟﻠﺸﺨﺺ
ﺭﺩﺕ ﺑﻐﻀﺐ ... ﺍﻣﺎﻧﺔ ﺷﻨﻮ ﻭﻳﺎ ﺷﺨﺺ ﻭﻟﺞ ﺍﻧﺘﻲ ﻟﻴﺶ ﺗﻠﻌﺒﻴﻦ ﺑﺎﻟﻨﺎﺭ ﻭﺗﺪﺭﻳﻦ ﺑﺨﻴﺎﻟﺞ ﻣﺎ ﻳﻨﮕﺤﻢ ﻭﻟﺞ ﻟﻴﺶ ﺗﺠﻴﺒﻴﻦ ﺍﻟﻤﺼﺎﻳﺐ ﺍﻟﺮﻭﺣﺞ ...
ﺟﺮﻳﺖ ﻧﻔﺲ ﺑﺨﻴﺒﺔ ﺍﻣﻞ ... ﻣﺎﻣﺎ ﺷﻮﻓﻲ،ﺍﻟﺼﺎﺭ ﻫﻮﻭﺍﻳﻪ ﻋﻠﻴﻪ ﻭﻻﺯﻡ ﺍﺧﻠﻲ ﺣﺪ ﻟﻠﺼﺎﺭ ﻭﺍﻧﻲ ﻭﺍﺛﻘﻪ ﻣﻦ ﻫﻞ ﺧﻄﻮﻩ ﻛﻞ ﺷﺨﺺ ﺣﺎﺭﺑﻨﻲ ﻻﺯﻡ ﻳﺘﻌﺎﻗﺐ
ﻭﻫﺎﻟﻪ ﺗﻤﺮﺩﺕ ﻫﻮﺍﻳﻪ ﻭﻣﺤﺪ ﻳﻜﺪﺭ ﺍﻟﻬﺎ ﻻ ﺍﺑﻮ ﻭﻻ ﺍﺧﻮﻭ ﻭﻻ ﺍﻡ ﺍﻧﻲ ﺍﺫﺍ ﺳﻮﻳﺖ ﺍﻟﻲ ﺧﻄﻄﺖ ﺍﻟﻪ ﻣﺮﺍﺡ ﻳﺼﻴﺮ ﺷﺊ
ﺑﺎﻋﻲ ﻣﺎﻣﺎ ﻋﺎﺻﻢ ﺗﻬﺮﺏ ﺍﻟﻐﻴﺮ ﺩﻭﻟﻪ ﻭﻫﻞ ﺩﻭﻟﻪ ﻣﺤﺪ ﻳﻌﺮﻑ ﺑﻴﻬﺎ ﻏﻴﺮ ﺑﻴﺖ ﻋﻤﻲ ﻭﺑﻴﺖ ﻋﻤﻲ ﺍﻟﺸﻴﺦ ﻣﻬﻴﻮﺏ
ﺍﺫﺍ ﻫﺎﻟﻪ ﻋﺮﻓﺖ ﺍﺧﻮﻳﻪ ﻭﻳﻦ ﺣﺘﺨﻠﻴﻬﺎ ﺑﺤﻠﮓ ﻧﻮﺍﻝ ﻭﻧﻮﺍﻝ ﺗﻨﻄﻴﻬﺎ ﺍﻟﺠﺎﺳﺮ ﻭﺟﺎﺳﺮ ﺍﺫﺍ ﻋﺮﻑ ﺭﺍﺡ ﻳﻀﻞ ﻭﺭﺍﻩ ﻭﻣﺮﺍﺡ ﻧﺮﺗﺎﺡ
ﺍﻧﺘﻲ ﺗﻌﺮﻓﻴﻦ ﺟﺎﺳﺮ ﻳﺠﺎﺯﻑ ﻓﻠﻴﺶ ﻳﺠﺎﺯﻑ ﺑﺮﻭﺣﻪ ﻭﺗﺼﻴﺮ ﺍﻟﺨﺴﺎﺭﻩ ﺧﺴﺎﺭﺗﻴﻦ
ﺧﻠﻲ ﻣﺎ ﻳﻌﺮﻑ ﺍﻟﺪﻭﻟﻪ ﺍﻟﻲ ﺭﺍﺡ ﺍﻟﻬﺎ ﻋﺎﺻﻢ ﻭﺑﻴﺖ ﻋﻤﻲ ﺍﻟﺸﻴﺦ ﺍﻛﻴﺪ ﻣﺮﺍﺡ ﻳﺤﺠﻮﻥ ﻭﻻ ﺑﻴﺖ ﻋﻤﻲ ﺍﺑﻮ ﻫﺸﺎﻡ ﺑﺲ ﻫﺎﻟﻪ ﺗﺤﺠﻲ ﻭﺍﻛﻴﺪ ﻫﻲ ﺣﺘﻨﻜﺮ ﻭﺩﻛﻮﻝ ﻣﻮ ﺍﻧﻲ ﺍﻟﻲ ﺣﺠﻴﺖ ﻫﺎﻱ ﻧﻮﺍﻝ
ﺑﺲ ﻧﻮﺍﻝ ﻋﺮﻓﺖ ﻣﻨﻬﺎ ﻟﺬﻟﻚ ﺍﻧﻲ ﻣﺎ ﺍﺧﺬ ﺍﻟﺬﻳﻞ ﻭﺍﻋﻮﻑ ﺍﻟﺮﺍﺱ ﻻﺯﻡ ﺍﻛﻄﻊ ﺭﺍﺱ ﺍﻟﺤﻴﻪ ﻫﻮﻭﻳﻠﻪ ﻭﻧﻮﻳﻠﻪ ﻫﻲ ﺍﻟﺬﻳﻞ ﻣﺮﺍﺡ ﺍﺣﺪ ﻳﻨﻄﻴﻬﺎ ﻛﻼﻡ ﻏﻴﺮ ﻫﺎﻟﻪ
ﺟﺎﻧﺖ ﺗﺒﺎﻭﻋﻠﻲ ﻭﻣﺮﻛﺰﻩ ﺑﻜﻼﻣﻲ ﺣﺴﻴﺘﻬﺎ ﺍﻗﺘﻨﻌﺖ ﻛﺎﻟﺖ ... ﺍﻧﻲ ﻳﻤﻪ ﻣﺎ ﺍﺭﻳﺪ ﺟﺎﺳﺮ ﻳﺼﻴﺮ ﺑﻲ ﺷﺊ ﻭﺍﻋﺮﻓﻪ ﻳﺠﺎﺯﻑ ﻭﺍﺧﻮﺝ ﺑﻌﺪ ﺳﺎﻓﺮ ﻭﻳﻦ ﻳﻠﻜﺎﻩ ﺍﺫﺍ ﻣﺎ ﻳﻌﺮﻑ ﺑﻴﺎ ﺩﻭﻟﻪ
ﺗﻨﻬﺪﺕ ... ﺍﻱ ﻣﻮ ﻫﺎﻟﻪ ﺍﺫﺍ ﻋﺮﻓﺖ ﺩﻛﻮﻟﻪ ﻭﺣﻴﺠﺎﺯﻑ ﻭﺍﺣﺘﻤﺎﻝ ﻳﻔﻘﺪ ﺣﻴﺎﺗﻪ ﺍﻭ ﻛﻮﻭﻭﻟﺸﻲ ﻳﺼﻴﺮ ﺍﻻﺛﻨﻴﻦ ﺑﺨﻄﺮ ﻫﻢ ﺟﺎﺳﺮ ﻭﻫﻢ ﻋﺎﺻﻢ
ﻫﺴﻪ ﺍﻧﺘﻲ ﺑﺲ ﺍﻣﺸﻲ ﻭﻳﺎﻳﻪ ﻭﺍﻧﻲ ﻭﺩﺍﻋﺘﺞ ﻣﺎ ﺍﺧﻠﻴﻬﺎ ﺑﻌﺪ ﺗﻔﺘﺢ ﺣﻠﻜﻬﺎ ﺑﺤﺮﻑ ﺻﺪﻛﻴﻨﻲ
ﺟﺮﺕ ﻧﻔﺲ ... ﺯﻳﻦ ﻳﻤﻪ ﻣﻨﻮ ﻫﺬﺍ ﺍﻟﺸﺨﺺ ﺍﻟﻲ ﺗﺮﺩﻳﻦ ﺗﻨﻄﻴﻨﻪ ﺍﻻﻣﺎﻧﺔ ﺍﻟﻌﻨﺪﺝ ﻭﺷﻨﻮ ﻫﻲ ﺍﻻﻣﺎﻧﺔ
ﺍﺑﺘﺴﻤﺖ ﺑﺨﻮﻑ ... ﺷﻮﻓﻲ ﻣﺎﻣﺎ ﻫﻮ ﺍﻟﻜﺒﻴﺮ ﺍﻟﻌﺎﻡ ﺍﻟﻌﺸﻴﺮﺗﻨﻪ ﺍﺳﻤﻪ ﻛﺎﻇﻢ ﺍﺑﻦ ﺯﺑﻨﻮﻥ ﻭﺑﻴﺘﻪ ﺑﻤﻨﻄﻘﺔ ....
ﺣﻄﺖ ﺍﻳﺪﻫﺎ ﻋﻠﺊ ﺻﺪﺭﻫﺎ ... ﻳﻤﻪ ﺑﻌﻴﺪﻩ ﺍﺧﺎﻑ ﺍﻧﻮﺏ ﺟﺎﺳﺮ ﻳﺠﻲ ﻭﻣﺎ ﻳﻠﻜﺎﻧﻪ
ﺟﺮﻳﺖ ﻧﻔﺲ ... ﻻ ﻣﺎﻣﺎ ﺷﻨﻮ ﺍﻟﺴﺎﻟﻔﻪ ﺍﺣﻨﻪ ﺳﺎﻋﻪ ﻧﻮﺻﻞ ﻭﺑﺴﺮﻋﻪ ﺍﻧﻄﻲ ﺍﻻﻣﺎﻧﻪ ﻭﻧﺮﺟﻊ ﻻ ﺗﺨﺎﻓﻴﻦ
ﺑﺎﻭﻋﺘﻠﻲ ﺑﺤﻴﺮﻩ ﻛﺎﻟﺖ ... ﺯﻳﻦ ﻳﻤﻪ ﻟﻴﺶ ﻣﺎ ﻧﮕﻠﻪ ﻭﻧﺮﻭﺡ؟ﻳﻌﻨﻲ ﻣﺜﻼ ﻧﮕﻠﻪ ﺭﺍﻳﺤﻴﻦ ﻟﻠﺪﻛﺘﻮﺭﻩ ﺃﻭ ﺍﻷﻱ ﻣﻜﺎﻥ
ﻓﺘﺤﺖ ﻋﻴﻮﻧﻲ ﻣﺼﺪﻭﻣﻪ ... ﻻ ﻣﺎﻣﺎ ﻓﺪﻭﻩ ﺍﻧﺘﻲ ﺷﺘﺤﺠﻴﻦ ﻣﺎ ﺗﻌﺮﻓﻴﻨﻪ ﺟﺎﺳﺮ ﻣﺎ ﺗﻔﻮﺗﻪ ﻭﺍﻛﻴﺪ ﺣﻴﺮﺍﻗﺒﻨﻪ ﺍﻧﻮﺏ ﺍﺧﺎﻑ ﻳﺠﺒﺮ ﻋﺸﻴﺮﺗﻲ ﻳﺤﺠﻮﻥ ﺍﻟﺼﺎﺭ ﺧﻠﻴﻨﻪ ﻧﺮﻭﺡ ﻭﻧﺮﺟﻊ ﺑﺴﺮﻋﻪ
ﺿﻠﺖ ﺗﺒﺎﻭﻋﻠﻲ ﻭﺑﻌﺪﻫﺎ ﻛﺎﻟﺖ ... ﻣﻬﻴﻮﺏ ﺟﺎﻥ ﻳﮕﻠﻲ ﺍﺫﺍ ﻃﻠﻌﺘﻲ ﻣﻦ ﺩﻭﻥ ﻋﻠﻤﻲ ﺍﻟﻤﻼﺋﻜﺔ ﺗﺴﺒﺞ ﻣﻦ ﻣﻜﺎﻥ ﻃﻠﻌﺘﺞ ﻟﻠﻤﻜﺎﻥ ﺍﻟﺜﺎﻧﻲ
ﺣﻄﻴﺖ ﺍﻳﺪﻱ ﻋﻠﺊ ﺻﺪﺭﻱ ... ﻣﺎﻣﺎ ﻣﻴﺨﺎﻟﻒ ﺧﻠﻲ ﺗﺴﺒﻨﻲ ﺍﻟﻤﻼﺋﻜﻪ ﻗﺎﺑﻠﻪ ﻫﻮ ﺍﻧﻲ ﺷﺎﺑﻌﻪ ﻣﺴﺒﻪ ﻭﻫﺬﺍ ﻋﻤﻞ ﺧﻴﺮﻱ ﺍﻛﻴﺪ ﻣﺤﺪ ﺣﻴﺴﺒﻨﻲ
ﺿﺤﻜﺖ ... ﺑﺲ ﺗﺮﺉ ﺍﺑﻮ ﻣﺮﺗﻀﺊ ﻳﻤﻮﺗﺞ
ﻫﺰﻳﺖ ﺍﻳﺪﻱ ... ﺧﻠﻲ ﻳﻤﻮﺗﻨﻲ ﻫﻲ ﻓﺎﺗﺤﻪ ﻭﺧﺴﺮﺍﻧﻪ ﻭﺍﻧﻲ ﺗﻌﻠﻤﺖ ﻋﻠﺊ ﺍﻟﻜﺘﻞ
ﻛﺎﻟﺖ ... ﺩﻳﻠﻪ ﺣﻀﺮﻱ ﻧﻔﺴﺞ ﻭﻓﻀﻴﻨﻪ ﻭﺟﻬﺎﻟﺞ ﺍﺧﺬﻳﻬﻢ ﻭﻳﺎﺝ ﻻﻥ ﺍﺫﺍ ﺿﻠﻮ ﻫﻨﺎ ﺭﺍﺡ ﻛﻞ ﺷﻮﻳﻪ ﻭﻳﺴﺄﻟﻮﻥ ﻋﻨﺞ ﻭﻳﻔﻀﺤﻮﻧﺢ
ﻭﺍﺭﺩﻓﺖ ﺑﺘﺴﺎﺅﻝ ... ﺍﻛﻠﺞ ﺟﺎﺳﺮ ﺍﻟﻴﻮﻡ ﻣﺎ ﻳﺠﻲ ﻣﻦ ﺷﻐﻠﻪ ﻣﻮﻭ ﻳﻌﻨﻲ ﻳﺒﺎﺕ
ﻫﺰﻳﺖ ﺭﺍﺳﻲ ﺑﺄﻱ ... ﺍﻱ ﻣﺎﻣﺎ ﻳﺒﺎﺕ ﻭﺍﻧﻲ ﺣﺪﺧﻞ ﺍﻟﻐﺮﻓﺘﻲ ﻋﺒﺎﻟﻬﻢ ﻧﺎﻳﻤﻪ ﻭﻟﻮ ﻫﻨﻪ ﻧﻮﺍﻝ ﻭﺧﺎﻟﻪ ﺍﻡ ﻓﻼﺡ ﻟﻮ ﺍﻣﻮﺕ ﻣﺎ ﻳﺪﻛﻦ ﻋﻠﻴﻪ ﺍﻟﺒﺎﺏ ﻭﻳﻜﻮﻟﻦ ﻭﻳﻦ ﺭﺍﺣﺖ
ﺭﺩﺕ ﻋﻠﻴﻪ ... ﺧﻮﻭﻭﺵ ﻳﻤﻪ ﺩﺣﻈﺮﻱ ﻧﻔﺴﺞ ﻭﺧﻠﻴﻨﻪ ﻧﺮﻭﺡ
ﺍﻧﻲ ﺭﺣﺖ ﺑﺴﺮﻋﻪ ﺣﻀﺮﺕ ﻧﻔﺴﻲ ﻭﻟﺒﺴﺖ ﻭﺑﺪﻟﺖ ﺍﻻﻃﻔﺎﻟﻲ ﺟﺎﻥ ﺩﻧﻴﺎ ﺍﻟﻈﻬﺮ ﺑﻴﻬﺎ ...
ﻭﻣﺎﻣﺎ ﺭﺿﻴﻪ ﺣﻀﺮﺕ ﻧﻔﺴﻬﺎ ﻭﺧﻠﻴﻨﻪ ﻭﻃﻠﻌﻨﻪ ﺍﺟﺮﻧﻪ ﺗﻜﺴﻲ ﻭ ﻭﺻﻔﻨﻪ ﻟﻠﺮﺟﺎﻝ ﻭﺍﺧﺬﻧﻪ
ﺍﻧﻲ ﻣﺎ ﺟﻨﺖ ﺍﻧﺪﻝ ﺑﺲ ﺍﻋﺮﻑ ﻣﻜﺎﻧﻪ ﻭﻳﻦ ﺑﺲ ﻻ ﺭﺍﻳﺤﻪ ﺍﻟﻪ ﻭﻻ ﺷﺎﻳﻔﺘﻪ ﻛﻠﺖ ﺍﻭﻝ ﻣﺎ ﺍﻭﺻﻞ ﺍﻟﻤﻨﻄﻘﺘﻪ ﺍﺳﺄﻝ ﻋﻨﻪ ﻭﻫﻢ ﻳﺪﻟﻮﻧﻲ
ﻭﺍﻟﻠﻪ ﻭﺻﻠﻨﻪ ﻭﺳﺄﻟﺖ ﻭﺍﺧﺬﻭﻧﻪ ﻛﺒﻞ ﻋﻠﻴﻪ
ﻭﻛﻔﺖ ﺑﺒﺎﺏ ﺩﻳﻮﺍﻧﻪ ﺗﻨﻔﺴﺖ ﻣﻦ ﻋﻤﻖ ﺍﻟﻮﺟﻊ ﻭﺻﻨﻌﺖ ﺑﺎﺭﻕ ﺍﻻﻣﻞ ... ﻳﺎﺭﺑﻲ ﺑﻠﻜﻲ ﻳﻨﺼﻔﻨﻲ ﻫﻞ،ﺭﺟﺎﻝ ﻳﺎﺭﺏ
ﺑﺎﻭﻋﺖ ﺍﻟﻤﺎﻣﺎ ﺭﺿﻴﻪ ﻛﻠﺘﻠﻬﺎ ... ﻣﺎﻣﺎ ﺧﻠﻲ ﻣﺮﺗﻀﺊ ﻭﻣﺠﺘﺒﺊ ﻋﻨﺪﺝ ﻻﻥ ﺫﻭﻝ ﻓﺘﺎﻧﻴﻦ ﻭﺍﺧﺎﻑ ﻳﺤﺠﻮﻥ ﺍﻻﺑﻮﻫﻢ ﻋﻦ ﺍﻟﺸﻴﺦ ...
ﻫﻲ ﻛﺎﻟﺖ ﺧﻮﻭﺵ،ﻳﻤﻪ ﺑﺲ ﻻ ﺗﺘﺎﺧﺮﻳﻦ ﻓﺪﻭﻩ ﺍﺭﻭﺣﻠﺞ ﺧﻠﻲ ﻧﺮﺟﻊ ﺑﺴﺮﻋﻪ ﻭﺑﺎﻣﺎﻥ ﺑﻌﺪ ﺍﻣﺞ
ﺍﻧﻲ ﻫﺰﻳﺖ ﺭﺍﺋﻲ ﺑﻘﺒﻮﻝ ﻭﺧﻠﻴﺖ ﻭﺩﻛﻴﺖ ﺑﺎﺏ ﺍﻟﺪﻳﻮﺍﻥ ﻃﻠﻌﻠﻲ ﻭﻟﺪ ﺷﺎﺏ ﻣﺒﻴﻦ ﺑﻜﺪﻱ ﻻﺑﺲ ﺩﺷﺪﺍﺷﻪ ﻭﻣﺤﺪﺩ ﺫﻗﻨﻪ ﺑﺎﻭﻋﻠﻲ ﺑﺎﺳﺘﻐﺮﺍﺏ ﻛﺎﻝ .. ﺗﻔﻀﻠﻲ ﺍﺧﺘﻲ
ﺑﻠﻌﺖ ﺭﻳﻜﻲ ﺑﺨﺠﻞ ﻭﺍﻧﻲ ﺍﻓﺮﻙ ﺑﺎﺻﺎﺑﻌﻲ ﺑﺨﻮﻭﻑ ﻭﺗﻮﺗﺮ ﻛﺒﻴﻴﻴﺮ ﻭﺗﻨﻔﺴﻲ ﺣﺴﻴﺘﻪ ﺍﻧﻜﻄﻊ ﺑﺎﻭﻋﺘﻠﻪ ﺑﺤﻴﺮﻩ ﻭﻫﻤﺴﺖ ﺑﺮﺟﺎﺀ ... ﺍﻟﺸﻴﺦ ﻛﺎﻇﻢ ﺍﺑﻦ ﺯﺑﻮﻥ ﻣﻮﻭﻭ ﻫﺬﺍ ﺩﻳﻮﺍﻧﻪ
ﺭﺩ ﻋﻠﻴﻪ ﺑﻔﺨﺮ ... ﺍﺑﺸﺮﻱ ﻭﺻﻠﺘﻲ ﺍﻱ ﻫﻮ ﺩﻳﻮﺍﻥ ﺍﻟﺸﻴﺦ ﻛﺎﻇﻢ
ﻗﻠﺒﻲ ﺣﺴﻴﺘﻪ ﻳﺨﻔﻖ ﺑﻘﻮﻭﻭﻩ ﺣﻄﻴﺖ ﺍﻳﺪﻱ ﻋﻠﺊ،ﺻﺪﺭﻱ ﻭﺑﻠﻌﺖ ﺭﻳﻜﻲ ﻛﺘﻠﻪ ... ﺍﻛﺪﺭ ﺍﺷﻮﻭﻭﻓﻪ ﺍﺫﺍ ﻣﺘﺼﻴﺮ ﺯﺣﻤﻪ
ﺳﻮﺍﻟﻲ ﻣﺠﺎﻥ ﻛﺎﻝ ... ﺍﺗﻔﻀﻠﻲ ﻫﻮ ﺑﺪﻳﻮﺍﻧﻪ
ﺑﺎﻭﻋﺘﻠﻪ ﺑﺨﻮﻭﻑ ﻭﺷﻚ ﻭﻫﻤﺴﺖ ﺑﺮﻋﺐ ... ﺍﺣﻠﻒ ﻫﺬﺍ ﺩﻳﻮﺍﻥ ﺍﻟﺸﻴﺦ ﻛﺎﻇﻢ ﻭﺍﻧﺖ ﻣﻮ ﺟﺬﺍﺏ ﻭﻻ ﺗﺮﻳﺪ ﺗﺨﻄﻔﻨﻲ
ﺿﺤﻚ ﺑﺼﻮﺕ ﻋﺎﻟﻲ ﻛﺎﻝ ... ﺷﺒﻴﻴﺞ ﺧﻮﻭﻭﻳﻪ ﻋﻠﺊ،ﻛﻴﻔﺞ ﻭﺍﻫﺪﻱ ﺍﻱ ﻫﻮ ﻭﺍﻟﻠﻪ ﺩﻳﻮﺍﻥ ﺍﻟﺸﻴﺦ ﻭﺑﻌﺪﻳﻦ ﻣﻮ ﻣﻦ ﻧﺸﻴﻢ ﻭﻟﺪ ﺍﻟﺸﻴﻮﺥ ﻳﺨﻄﻔﻮﻥ ﺍﻧﻲ ﺍﺣﻄﺞ ﻋﻠﺊ ﺭﺍﺳﻲ ﻓﻮﺗﻲ ﻓﻮﺗﻲ
ﺩﺧﻠﺖ ﻭﺍﻧﻲ ﺍﺗﺮﻗﺐ ﺍﻟﻤﻜﺎﻥ ﻭﺍﺗﻠﻔﺖ ﺗﺼﺪﺭﺕ ﺍﻟﺪﻳﻮﺍﻥ ﺟﺎﻥ ﻛﺒﻴﻴﻴﺮ ﺣﻴﻴﻴﻞ ﻭﻳﺘﺼﺪﺭﻩ ﺭﺟﺎﻝ ﻛﺒﻴﺮ ﺑﺎﻟﻌﻤﺮ ﻭﺍﻟﺸﻴﺐ ﺗﺎﺭﺱ ﻭﺟﻬﻪ ﺑﺲ ﻣﺒﻴﻦ ﺻﻠﺐ ﻭﻗﻮﻭﻱ ﻭﺣﺎﺩ ﺑﻤﻼﻣﺤﻪ
ﺑﻠﻌﺖ ﺭﻳﻜﻲ ﺍﻟﺠﺎﻑ ﺑﻐﺼﻪ ﻭﺟﺎﻭﺑﺘﻪ ﺑﻌﺰﻡ ... ﺍﻟﺴﻼﻡ ﻋﻠﻴﻜﻢ
ﺭﺩ ﻋﻠﻴﻪ ﺑﺎﺳﺘﻐﺮﺍﺏ ... ﻭﻋﻠﻴﻜﻢ ﺍﻟﺴﻼﻡ ﺑﻮﻳﻪ ﺗﻔﻀﻠﻲ ﺗﻔﻀﻠﻲ ﺟﻴﺒﻠﻬﺎ ﻣﻲ
ﻛﻌﺪﺕ ﺑﻄﺮﻑ ﺍﻟﺪﻳﻮﺍﻥ ﻗﺮﻳﺐ ﻣﻦ ﺍﻟﺒﺎﺏ ﻫﻮ ﺃﺷﺮ ﺍﻟﻴﻪ ﺑﺤﺰﻡ ... ﺗﻌﺎﻱ ﺍﻛﻌﺪﻱ ﻫﻨﺎ ﺑﻮﻭﻭﻳﻪ ﻟﻴﺶ ﻛﺎﻋﺪﻩ ﺑﻄﺮﻑ ﺍﻟﺪﻳﻮﺍﻥ
ﺭﺩﻳﺖ ﺑﺨﻮﻑ ... ﻻ ﺷﻴﺨﻨﺎ ﺍﻧﻲ ﻫﻨﺎ ﻣﺮﺗﺎﺣﻪ ﺍﻟﺤﻤﺪ ﻟﻠﻪ
ﺍﻧﻄﺎﻧﻲ ﺍﻟﻮﻟﺪ ﻣﻲ ﺷﺮﺑﺖ ﺷﻮﻳﻪ ﻭﺧﻠﻴﺘﻪ ﻣﻘﺎﺑﻴﻠﻲ ﺑﺎﻭﻋﺖ ﻟﻠﺸﻴﺦ ﺑﺒﺘﺴﺎﻣﻪ ﺑﺎﻫﺘﻪ ... ﻣﺎ ﻋﺮﻓﺘﻨﻲ ﻣﻮﻭ ؟
ﻗﺒﺾ ﻋﻠﺊ ﺳﺒﺤﺘﻪ ﺍﻟﻔﺎﺧﺮﻩ ﻭﺭﺩ ﻋﻠﻴﻪ ... ﻻ ﻭﺍﻟﻠﻪ ﻳﺎ ﺑﻮﻳﻪ ﺑﻼ ﺻﻐﺮﺍ ﺑﻴﺞ
ﻧﺰﻟﺖ ﺭﺍﺳﻲ ﻭﺗﻨﻬﺪﺕ ﺟﺎﻭﺑﺘﻪ ﺑﻐﺼﻪ ... ﻋﻤﻲ ﺍﻧﻲ ﻣﻨﻜﻢ ﻭﺑﻴﻜﻢ ﺍﻧﻲ ﺷﻌﺮﻩ ﻣﻦ ﺷﻮﺍﺭﺑﻜﻢ ﺍﻧﻲ ﺑﻨﺖ ﺍﺑﻮ ﻋﺎﺻﻢ ﺑﻨﺖ ﻛﺮﻳﻢ
ﻭﻛﻒ ﺑﺼﺪﻣﻪ ﺑﻜﻞ ﺟﺒﺮﻭﺗﻪ ﻭﺑﺎﻭﻋﻠﻲ ﻣﻨﺪﻫﺶ ﺭﺩ ﻋﻠﻴﻪ ﺑﻠﻬﻔﻪ ... ﻫﻼ ﺑﻮﻭﻭﻳﻪ ﻫﻼ ﺑﺒﻨﻴﺘﻨﻪ ﺷﻠﻮﻭﻧﺞ ﺗﻌﺎﻱ ﺑﻮﻳﻪ ﺍﺑﻮﺝ ﺍﺑﻦ ﻋﻤﻲ ﺷﻠﻮﻧﺞ ﺷﻠﻮﻥ ﻋﺎﻳﺸﻪ ﺍﺣﺠﻴﻠﻲ
ﺑﻠﻌﺖ ﺭﻳﻜﻲ ﻣﺮﺍﺭ ﻭﺗﻜﺮﺍﺭﺍ ﻭﺣﻄﻴﺖ ﺍﻳﺪﻱ ﻋﻠﺊ ﻭﺟﻬﻲ ﻭﺑﺠﻴﺖ ... ﻣﻮ ﺯﻳﻴﻨﻪ ﻋﻤﻲ ﻣﻮ ﺯﻳﻴﻨﻪ ﺍﺑﻮﻭﻱ ﻣﺎﺕ ﻭﺍﺧﻮﺗﻲ ﻭﺍﻣﻲ ﻋﺎﻓﻮﻧﻲ ﻭﺍﻧﻲ،ﺑﻨﺘﻜﻢ ﻧﺴﻴﺘﻮﻧﻲ ﻭﻣﺤﺪ ﺳﺎﻝ ﻋﻨﻲ
ﺭﺩ ﻋﻠﻴﻪ ﺑﺤﺰﻥ ... ﺑﻮﻳﻪ ﺑﻴﻨﻪ ﺩﻡ ﻭﺭﺟﻠﺞ ﺗﻌﺮﻓﻴﻨﺎ ﻣﻨﻴﻦ ﻣﺎ ﻧﺠﻴﺒﻪ ﻳﻄﻠﻌﻠﻨﻪ ﻫﺴﻪ ﺍﺣﺠﻴﻠﻲ ﺷﻠﻮﻧﺞ ﻭﻳﺎﻩ ...
ﺗﻨﻬﺪﺕ ... ﻻ ﻋﻤﻲ ﺍﻟﺤﻤﺪ ﻟﻠﻪ ﺍﻧﻲ ﺯﻳﻨﻪ ﺑﺲ ﻳﺎ ﻋﻤﻲ ﺍﻧﻲ ﺟﺎﻳﺘﻚ ﺑﻄﻠﺐ ﻭﺍﺭﻳﺪﻙ ﺗﺤﻠﻪ ﺍﻟﻲ
ﺍﺷﺮ ﻋﻠﺊ ﻋﻴﻮﻧﻪ ... ﻋﻴﻮﻧﻲ ﺍﻟﺞ ﻳﺎ ﺑﺖ ﻛﺮﻳﻢ ﺍﻧﺘﻲ ﺗﺪﺭﻳﻦ ﺑﺎﺧﻮﺝ ﻣﺎ ﻣﻴﺖ ﺑﺲ ﺍﺣﻨﻪ ﻫﺮﺑﻨﺎﻩ
ﺍﺑﺘﺴﻤﺖ ﺑﻔﺮﺡ ... ﺍﻱ ﻋﻤﻲ ﺍﺩﺭﻱ ﻭﻓﺮﺣﺖ ﺣﻴﻴﻞ ﺑﺲ ﻳﺎ ﻋﻤﻲ ﺯﻭﺟﻲ ﻋﺮﻑ ﻭﻣﺘﺨﺒﻞ
ﺑﻬﺘﺖ ﻣﻼﻣﺤﻪ ﻭﺑﺎﻭﻋﻠﻲ ﺑﺤﻴﺮﻩ ﻛﺎﻝ ... ﻣﻨﻮ ﺍﻟﻜﺎﻝ ﺍﻟﻪ ﻋﻦ ﺍﺧﻮﻭﺝ ﻭﺷﻠﻮﻥ ﻋﺮﻑ
ﻭﻛﻔﺖ ﺑﺤﺰﻡ ... ﻋﻤﻲ ﺍﻧﻲ ﺟﺎﻳﺘﻚ ﻭﻃﺎﻟﺒﺘﻚ ﻭﺍﺭﻳﺪﻙ ﻣﺎ ﺗﺮﺩﻧﻲ ﺗﻌﺮﻑ ﺑﻴﻪ ﻻ ﻣﻦ ﺍﻟﻴﻄﻠﻌﻦ ﻭﻻ ﻣﻦ ﺍﻟﻤﻨﺎﻓﻘﺎﺕ ﻭﻻ ﻣﻦ ﺍﻟﻔﺘﺎﻧﺎﺕ ﻣﺜﻞ ﺍﺑﻮﻭﻳﻪ ﻭﺯﻳﺎﺩﻩ ﻋﻠﻴﻪ
ﻭﻳﺎ ﻋﻤﻲ ﺍﻟﻲ ﺍﻋﺘﺮﻓﺖ ﻋﻦ ﺍﺧﻮﻳﻪ ﻭﺧﻠﺖ ﺯﻭﺟﻲ ﻳﻘﺘﻠﻪ ﻫﻲ ﺑﻨﺖ ﻋﻤﻲ ﻫﺎﻟﻪ ﻫﻲ ﺍﻟﺴﺒﺐ
ﻓﺘﺢ ﻋﻴﻮﻧﻪ ﻣﺼﺪﻭﻡ ﻣﻦ ﻛﻼﻣﻪ ﻭﻫﻮ ﻗﺎﺑﺾ ﻋﻠﺊ ﺳﺒﺤﺘﻪ ﺑﺤﺪﻩ ... ﺑﺖ ﺍﺑﻮ ﻫﺸﺎﻡ
ﻫﺰﻳﺖ ﺭﺍﺳﻲ ﺑﺘﺄﻛﻴﺪ ... ﺍﻱ ﻋﻤﻲ ﻫﻲ ﻫﻲ ﺍﻟﺴﺒﺐ ﺳﻮﺕ ﺍﺷﻴﺎﺀ ﻣﺎ ﻳﺴﺘﻮﻋﺒﻬﺎ ﺍﻟﻌﻘﻞ
ﺻﻔﺖ ﻭﻳﻪ ﺯﻭﺟﻲ ﺑﺼﻔﺔ ﺍﻥ ﻫﻮ ﺍﺑﻦ ﺧﺎﻟﺘﻬﺎ ﻭﺍﻧﻄﺘﻪ ﻛﻞ ﻣﻌﻠﻮﻣﻪ ﺗﺨﺺ ﺍﻫﻠﻲ ﻭﺯﻭﺟﻲ ﺟﺎﻥ ﻳﻼﺣﻖ ﺍﺧﻮﺗﻲ ﺑﻤﺴﺎﻋﺪﺗﻬﺎ
ﻭﺑﻌﺪﻫﺎ ﺧﻄﻒ ﺣﺎﺯﻡ ﻭﺍﻧﻲ ﺍﻟﻲ ﻧﻘﺬﺗﻪ ﻣﻨﻪ ﻭﻫﻲ ﺍﻟﻲ،ﻗﺪﻣﺖ ﺍﻟﻪ ﺣﺎﺯﻡ ﺑﻄﺒﻖ ﻣﻦ ﺫﻫﺐ
ﻭﺑﻌﺪﻫﺎ ﺻﺎﺭ ﺍﻟﻤﺸﻜﻠﻪ ﺑﺴﺒﺒﻬﺎ ﻭﺯﻭﺟﻲ ﻗﺘﻞ ﺍﺧﻮﻳﻪ ﻭﻣﻦ ﻋﺮﻓﺖ ﺍﺧﻮﻳﻪ ﻣﺎ ﻣﻴﺖ ﻃﺸﺖ ﺍﻟﺨﺒﺮ
ﺣﺴﻴﺖ ﻋﻴﻮﻧﻪ ﻃﻠﻌﺖ ﻣﻦ ﻣﻜﺎﻧﻬﺎ ﻛﺎﻝ ... ﺍﻓﺎﺍﺍ ﺍﺣﻨﻪ ﺍﻟﻨﺴﻮﺍﻥ ﺗﻠﻌﺐ ﺑﺸﻮﺍﺭﺑﻨﻪ ﻳﺎ ﻭﺳﻔﺔ ﺍﻟﻮﺳﻔﻪ ﺷﻠﻮﻥ ﺍﺑﻮ ﻫﺸﺎﻡ ﺳﺎﻛﺖ ﻋﻨﻬﺎ ﻭﺍﻟﻠﻪ ﺍﺣﻂ ﺿﻬﺮﻫﺎ ﻋﻠﺊ ﻋﻠﻮﻩ ﻭﻧﺼﻪ ﻭﺍﻛﺴﺮﻩ ﻫﺎﻱ ﻋﺎﺭ ﻋﻠﻴﻨﻪ ﺍﻟﺘﻘﺪﻡ ﻭﻟﺪﻧﻪ ﻟﻠﻌﺪﻭ ﻋﺎﺭ ﻋﻠﻴﻨﻪ
ﻭﺍﺭﺩﻑ ﺑﻘﻬﺮ ... ﻫﺴﻪ ﺗﻨﻜﺮ ﺑﺲ ﺍﻛﻴﺪ ﺍﺣﻠﻔﻬﺎ
ﺍﺑﺘﺴﻤﺖ ﺑﺤﺰﻥ ... ﻋﻤﻲ ﻣﻦ ﺗﺮﻳﺪ ﺗﺤﻠﻔﻬﺎ ﺭﺍﺡ ﺗﺤﻠﻒ ﺟﺬﺏ ﻻﻥ ﻫﻲ ﻣﺎ ﺍﺟﺖ ﻫﻞ ﻣﺮﻩ ﻭﺷﻬﺪﺕ ﻋﻦ ﺍﺧﻮﻳﻪ ﻣﺒﺎﺷﺮﺓ ﺍﻟﺰﻭﺟﻲ ﻻ
ﻫﻲ ﺍﻧﻄﺘﻬﺎ ﺍﻟﺰﻭﺟﺔ ﺣﻤﺎﻳﺔ ﺍﻟﻲ ﺍﻧﻘﺘﻞ ﻭﻫﺬﻳﺞ ﻫﻲ ﺍﻟﻲ ﺣﺠﺖ
ﻋﻘﺪ ﺣﻮﺍﺟﺒﻪ ﺑﺎﺳﺘﻐﺮﺍﺏ ... ﺷﻠﻮﻥ ﺑﻮﻳﻪ ؟
ﻃﻠﻌﺖ ﺍﻟﻤﻮﺑﺎﻳﻞ ﻭﺍﻧﻄﻴﺘﻪ ﺍﻟﺘﺴﺠﻴﻴﻞ ﻫﻮ ﺳﻤﻊ ﺍﻟﻪ ﻭﺷﺪ ﻋﻠﺊ ﺷﻔﺎﻳﻔﻪ ﺑﻌﺼﺒﻴﺔ ...
ﺭﺟﻊ ﺍﻧﻄﺎﻧﻲ ﺍﻟﻤﻮﺑﺎﻳﻞ ﻛﺎﻝ ... ﺧﻮﻭﻭﺵ ﺑﺴﻴﻄﻪ ﺍﺫﺍ ﻣﺎ ﺍﺩﺑﻨﺎﻫﺎ ﻟﻬﻞ ﻋﺎﺭ ﻣﺎ ﺍﻃﻠﻊ ﺷﻴﺦ ﻛﺎﻇﻢ
ﻧﺰﻟﺖ ﻋﻴﻮﻧﻲ ﺑﺎﺭﺗﺒﺎﻙ ... ﻋﻤﻲ ﺑﺲ،ﻛﻮﻟﻬﺎ ﻻ ﺩﻛﻮﻝ ﺑﺄﻱ ﺩﻭﻟﻪ ﻣﻮﺟﻮﺩﻳﻦ ﺍﻫﻠﻲ ﻻﻥ ﻫﺴﻪ ﻣﻮﺿﻮﻉ ﺍﻥ ﻫﻮ ﻣﺎ ﻣﻴﺖ ﺍﻧﻔﻀﺢ ﺑﻌﺪ ﺿﻞ ﺑﺲ ﺑﻴﺎ ﺩﻭﻟﻪ ﻣﻮﺟﻮﺩ
ﺣﻂ ﺍﻳﺪﻩ ﻋﻠﺊ ﺻﺪﺭﻩ ﺑﻌﺰﻡ ﻭﺭﺩ ﻋﻠﻴﻪ ... ﻻ ﻋﻤﻲ ﺍﺣﻨﻪ ﻋﺎﺻﻢ ﺑﻠﻌﻨﺎﻩ ﻭﻣﺎ ﻧﻨﻄﻲ ﻟﻮ ﺷﻴﺼﻴﺮ ﻭﺍﻟﻔﻀﺢ ﺳﺮﻧﻪ ﻳﺘﻌﺎﻗﺐ
ﻭﻟﻮ ﺗﺠﻲ ﻋﺎﺻﻢ ﻣﻦ ﺍﻟﻠﻪ ﺍﻧﺮﻳﺪﻩ ﻣﻦ ﺑﻨﺖ ﺍﺑﻮ ﻫﺸﺎﻡ ﻭﺍﺣﻨﻪ ﻧﻌﺮﻑ ﺷﻠﻮﻥ ﻧﺘﺼﺮﻑ ﻭﻳﺎﻫﺎ
ﻭﺍﻧﻪ ﻫﺴﻪ ﺍﺩﺯ ﻋﻠﺊ ﺍﺑﻮ ﻫﺸﺎﻡ ﻭﺍﻓﺮﺍﺩ ﺍﻟﻌﺸﻴﺮﻩ ﻭﻧﻘﺮﺭ ﺷﻨﺴﻮﻱ ﻭﻳﺎﻫﺎ ﻫﻲ ﻭﺍﻣﻬﺎ
ﺑﻠﻌﺖ ﺭﻳﻜﻲ ﺑﺎﺭﺗﺒﺎﻙ ﻭﺗﻮﺗﺮ ﻭﺧﻮﻭﻑ ... ﻋﻤﻲ ﻻ ﺗﺠﻴﺐ ﻃﺎﺭﻳﻲ ﻭﻻ ﺩﻛﻮﻝ ﺍﻧﻲ ﺍﻟﻲ ﺍﺟﻴﺘﻚ ﻻﻥ ﻭﺍﻟﻠﻪ ﺍﺧﺎﻑ ﻣﻦ ﺯﻭﺟﻲ ﻭﺍﻧﺖ ﺑﻌﺪ ﺗﻌﺮﻓﻪ
ﺍﺑﺘﺴﻢ ﻭﺭﺩ ﻋﻠﻴﻪ ﺑﻬﺪﻭﺀ ... ﻻ ﺗﺨﺎﻓﻴﻦ ﻋﻤﻲ ﻻ ﺗﺨﺎﻓﻴﻦ ﺍﺳﻤﺞ ﻣﺎ ﻳﻨﻄﺮﻱ ﺑﺎﻟﺪﻳﻮﺍﻥ ﻭﺍﺧﻠﻲ ﺍﺩﻳﺞ ﻭﺭﺟﻠﻴﺞ ﺑﻤﺎﻱ ﺑﺎﺭﺩ
ﻭﻧﻌﻢ ﻣﻨﺞ ﺍﻧﺘﻲ ﺍﺧﺖ ﻋﺎﺻﻢ ﺍﻟﻤﺎ ﺗﺮﺿﻴﻦ ﺗﻨﻄﻴﻨﻪ ﻟﻠﻤﻮﺕ ﻭﻻ ﺗﺮﺩﻳﻦ ﺗﻮﺭﻃﻴﻨﺎ ﻭﺗﻮﺭﻃﻴﻦ ﺯﻭﺟﺞ
ﺍﺑﺘﺴﻤﺖ ﻭﺳﻠﻤﺖ ﻋﻠﻴﻪ ﺩﺍ ﺍﻃﻠﻊ ﻭﺩﺧﻞ ﻣﺮﺗﻀﺊ ﻭﺭﺿﻴﻪ ﺗﺮﻛﺾ ﻭﺭﺍﻩ ﺷﺎﻳﻠﻪ ﻣﺸﻤﺶ ﻣﻦ ﺷﻔﺘﻬﻢ ﺍﻧﻬﺒﻄﺖ ﻣﻦ ﺍﻟﺨﻮﻑ
ﺍﻭﻝ ﻣﺎ ﺩﺧﻞ ﻭﻛﻒ ﻭﺭﻓﻊ ﺍﻳﺪﻩ ﻛﺎﻝ ... ﺗﻼﻡ ﻋﻠﻴﺘﻢ ﺳﺘﻮ
ﺍﻟﺸﻴﺦ ﺿﺤﻚ ﻭﺭﺩ ﻋﻠﻴﻪ ... ﻭﻋﻠﻴﻜﻢ ﺍﻟﺴﻼﻡ ﻫﻼ ﺑﻴﻚ ﻭﺍﻟﻠﻪ ﺍﺑﻦ ﻣﻨﻮ ﻫﺬﺍ
ﺿﺤﻜﺖ ﺑﺤﻴﺮﻩ ﻭﺧﻮﻑ ... ﻫﺎﺍﺍ ﻫﺬﺍ ﺍﺑﻨﻲ ﻫﻢ ﺛﻨﻴﻨﻬﻢ ﻭﻟﺪﻱ
ﻫﻮ ﺑﺎﺳﻬﻢ ﻛﺎﻝ ... ﻭﺍﻟﻠﻪ ﻭﺍﻟﻨﻌﻢ ﻣﻨﻬﻢ
ﺧﻠﻴﻨﻪ ﻭﺭﺟﻌﻨﻪ ﻭﻟﺰﻣﻨﺎ ﺍﺯﺩﺣﺎﻡ ﻣﻮ ﻃﺒﻴﻌﻲ ﻭﺍﻧﻲ ﺟﻨﺖ ﺍﻓﺮﻙ ﺑﺎﺩﻳﻪ ﺻﺎﺭ ﺩﻧﻴﺎ ﺍﻟﻴﻞ ﻭﺍﺣﻨﻪ ﻣﺎ ﻭﺻﻠﻨﻪ
ﻭﻣﺠﺘﺒﺊ ﻳﺼﻴﺢ ... ﺍﻟﺴﺮﻃﻲ ﻳﺎﻟﻠﻪ ﺣﻠﻴﻨﻪ ﺍﻣﺴﻲ ﻻ ﺣﻠﻲ ﺑﺎﺑﺎ ﻳﺘﺘﻠﻚ ﺑﺪﺩﺱ ... « ﺍﻟﺸﺮﻃﻲ ﻳﺎﻟﻠﻪ ﺧﻠﻴﻨﻪ ﻧﻤﺸﻲ ﻻ ﺍﺧﻠﻲ ﺑﺎﺑﺎ ﻳﻜﺘﻠﻚ ﺑﺎﻟﻤﺴﺪﺱ ..
ﻣﺸﻪ ﺍﻟﺴﻴﺮ ﻭﻫﻢ ﻛﻞ ﺳﻴﻄﺮﻩ ﻧﻔﻮﺕ ﻣﻨﻬﺎ ﻭﺻﺎﺣﻮ ... ﺍﻟﺘﻼﻡ ﻋﻠﻴﻜﻢ ...
ﺑﻌﺪﻫﺎ ﻭﺻﻠﻨﻪ ﻟﺤﺪ ﻣﻨﻄﻘﺘﻨﺎ ﺣﻤﺪﺕ ﺍﻟﻠﻪ ﻭﺷﻜﺮﺗﻪ ﺑﺲ ﺟﻨﺖ ﺧﺎﻳﻔﻪ ﺍﺧﺎﻑ ﺍﻟﻜﻪ ﺟﺎﺳﺮ ﻭﻫﻨﺎ ﺍﻟﻤﺸﻜﻠﻪ ...
ﻳﺎﺭﺏ ﻛﻮﻭﻭﻥ ﻣﺎ ﻣﻮﺟﻮﺩ ....
..........................
ﻭﻗﺎﺭ ...
ﺟﺎﺳﺮ ﮔﻠﺐ ﺍﻟﺒﻴﺖ ﮔﻼﺏ ﻭﺟﺎﻥ ﻣﺘﻮﻋﺪ ﺑﺠﻮﻟﻴﻴﺖ ﺑﺲ،ﺍﻟﻲ ﺍﺛﺎﺭ ﺍﻧﺘﺒﺎﻫﻲ ﺍﻥ ﺟﻮﻭﻟﻲ ﻣﻮ ﺍﻟﻮﺣﺪﻫﺎ ﻣﻮ ﻫﻨﺎ ﻻ ﻫﻲ ﻭﺭﺿﻴﻪ
ﺍﺳﺘﻐﺮﺑﺖ ﻭﻳﻦ ﻳﻜﻮﻥ ﺭﺍﺣﻦ ﻫﻲ ﻭﺭﺿﻴﻪ ﻭﺗﺮﺉ ﺣﻴﻴﻞ ﺍﺗﺎﺧﺮﻥ ﻣﻌﻘﻮﻟﻪ ﺭﺿﻴﻪ ﻫﺰﻣﺘﻬﺎ ﻭﺍﻧﻬﺰﻣﺖ ﻭﻳﺎﻫﺎ
ﺍﺳﺘﺒﻌﺪﺕ ﺍﻟﻔﻜﺮﻩ ﻻ ﻣﺴﺘﺤﻴﻴﻞ ﻣﻮ ﻣﻌﻘﻮﻟﻪ ﺭﺿﻴﻪ ﻻ ﻳﻤﻜﻦ ﺗﺴﻮﻳﻬﺎ ﺑﺲ ﺣﻴﻴﻞ ﺍﺗﺎﺧﺮﻥ
ﻟﻮ ﺭﺍﻳﺤﺎﺕ ﺍﻟﻜﺮﺑﻼﺀ ﻣﻮ ﻫﻴﺞ ﻳﺘﺎﺧﺮﻥ
ﺟﻌﻔﺮ ﺟﺎﻥ ﻛﺎﻋﺪ ﻭﺑﺼﻔﻪ ﺳﺠﺎﻭﻱ ﺗﻠﻌﺐ ﺑﻤﻮﺑﺎﻳﻠﻬﺎ ﺭﺩ ﺑﻌﺼﺒﻴﺔ ﻛﺎﻝ ... ﻃﺒﻌﺎ ﻫﺎﻱ ﺟﻮﻟﻴﻴﺖ ﻳﻨﺮﺍﺩ ﺍﻟﻬﺎ ﻭﺍﺣﺪ ﻳﺬﺑﺤﻬﺎ ﻣﺎ ﻳﺼﻴﺮ ﻫﻴﻴﺞ ﻭﺣﺪﻩ ﻛﻠﺶ ﻣﺴﺘﻬﺘﺮﻩ
ﻣﻮ ﺻﻮﺟﻬﺎ ﺻﻮﺝ ﺟﺎﺳﺮ ﻣﺎ ﺫﺑﺤﻬﺎ ﻣﻦ ﺍﻧﻬﺰﻣﺖ ﻣﻦ ﺍﻭﻝ ﻣﺮﻩ
ﺟﺎﻭﺑﺘﻪ ﻧﻮﺍﻝ ﻭﻫﻲ ﺗﻠﻮﻱ ﺑﺸﻔﺎﻳﻔﻬﺎ ... ﺍﻱ ﻭﺍﻟﻠﻪ ﻛﻼﻣﻚ ﺻﺤﻴﺢ ﺑﺲ ﺣﺾ ﺍﻟﻌﻮﺍﻫﺮ ﺟﻮﺍﻫﺮ ﻭﻫﺎﻱ ﻋﺎﻫﺮﻩ ﺑﺲ ﺣﻀﻬﺎ ﺟﻮﻫﺮﻩ ﺍﻧﻮﺏ ﻣﺸﺘﺮﻱ ﺍﻟﻬﺎ ﺑﻴﺖ ﺍﻟﻮﺣﺪﻫﺎ ﺣﺘﺊ ﺗﻜﻌﺪ ﺗﻜﻮﺩ ﻣﻦ ﻭﺭﺍﻩ ﻫﻬﻪ
ﺭﻓﻌﺖ ﻋﻴﻮﻧﻲ ﺑﻤﻠﻞ ﻭﻧﻔﺨﺖ ﺑﻀﻴﻖ ... ﺍﻫﻮﻭ ﺍﻧﺘﻲ ﺻﺪﻙ ﺗﺤﺠﻴﻦ ﻫﻲ ﻣﻨﻴﻠﻬﺎ ﺣﺾ ﻫﻞ ﻣﺴﻜﻴﻨﻪ ﻫﻲ ﻫﺎﻱ ﺣﻀﻬﺎ ﻳﺪﻭﻟﺐ ﺑﻴﻬﺎ
ﺍﻣﻲ ﺭﺩﺕ ﻋﻠﻴﻪ ﻛﺎﻟﺖ ... ﻻ ﻭﺍﻟﻠﻪ ﺻﺪﻙ ﺣﻀﻬﺎ ﻛﺎﻋﺪ ﻫﻞ ﻣﺮﻩ ﺍﺫﺍ ﻣﺎ ﺫﺑﺤﻬﺎ ﺍﻧﻲ ﺍﺫﺑﺤﻬﺎ ﺑﻴﺪﻱ ﻣﺪﺭﻱ ﻭﻳﻦ ﺍﺧﺬﺕ ﺭﺿﻴﻪ ﺍﻟﻤﺴﻜﻴﻨﻪ ﻭﻛﻌﺪﺕ ﺗﻬﺒﺖ ﺑﻴﻬﺎ
ﺟﺎﻭﺑﺘﻪ ﺑﺴﺮﻋﻪ ﻭﺗﺬﻣﺮ ... ﻳﺠﻮﺯ ﺭﺍﺣﻦ ﻟﻠﻤﻀﻤﺪ ﻟﻠﻤﺴﺘﺸﻔﺊ ﻟﻔﺪ ﻣﻜﺎﻥ ﻟﻴﺶ ﻛﺒﻞ ﺳﻮﻳﺘﻨﻬﺎ ﺍﻧﻬﺰﻣﺖ
ﺭﺩ ﻋﻠﻴﻪ ﺍﻣﻲ ... ﻃﻠﻌﺖ ﻣﻦ ﺩﻭﻥ ﻋﻠﻢ ﺭﺟﻠﻬﺎ ﻭﻫﺬﺍ ﺧﻄﺄ ﺑﺤﺪ ﺫﺍﺗﻪ ﻫﻲ ﺑﺖ ﺑﻬﻴﻪ ﻣﻦ ﺍﻟﺒﺪﺍﻳﻪ ﻣﺎ ﺭﺩﺗﻬﺎ ﻭﻻ ﻋﺠﺒﺘﻨﻲ ﺑﺲ ﺻﻮﻭﺝ ﺍﺧﻮﻭﺝ
ﺷﻮﻓﻲ ﻫﺴﻪ ﻣﻦ ﻭﺭﺍﻫﺎ ﻣﺎﺕ ﺍﺑﻮﺝ ﻭﺍﺧﻮﺝ ﻭﻣﺎﺗﺖ ﺑﺖ ﺟﺎﺳﺮ
ﻭﺍﺧﻮﺝ ﻛﺘﻞ ﺍﺧﻮﻫﺎ ﻭﺗﺒﺮﻩ ﻣﻦ ﺑﻴﺖ ﻋﻤﻪ ﺍﻧﻮﺏ ﻳﺮﻳﺪ ﻳﻜﻮﻥ ﻋﺸﻴﺮﻩ ﻭﺣﺪﻩ ﻭﻫﻮ ﺑﻴﺖ ﺷﻴﺦ ﻣﻄﺸﺮ
ﺟﻌﻔﺮ ﺿﺤﻚ ... ﺷﻠﻮﻥ ﺷﻴﺦ ﻫﺬﺍ ﻣﻄﺸﺮ ﺷﻮﻛﺖ ﻳﻠﻤﻮﻧﻪ ﻫﻬﻬﻪ
ﺍﻧﻲ ﺳﻮﻳﺖ ... ﻧﻨﻨﻨﻨﻪ ﺑﺎﻳﺨﻪ ﻣﺎ ﺗﻀﺤﻚ
ﺻﺎﺡ ﺑﻴﻪ ﺑﺼﻮﺕ ﻋﺎﻟﻲ ... ﺍﻧﺠﺒﻲ ﻟﺞ ﻃﺎﺡ ﺣﻀﺞ ﻣﺎ ﻋﻨﺪﺝ ﺗﺮﺑﻴﻪ
ﻧﻮﺍﻝ ﻛﺎﻟﺖ ... ﻫﻲ ﺍﻟﻲ ﺗﺪﺍﻓﻊ ﺍﻟﺠﻮﻟﻴﻴﺖ ﺷﺘﺘﺮﺟﺊ،ﻣﻨﻬﺎ
ﺻﻔﻨﺖ ﻋﻠﻴﻬﺎ ﻭﺭﻓﻌﺖ ﺣﺎﺟﺐ ﺭﺩﻳﺖ ﻋﻠﻴﻬﺎ ﺑﺤﺪﻩ ... ﺭﺟﺎﺀﺍ ﺍﻧﺘﻲ ﻻ ﺗﺘﺪﺧﻠﻴﻦ ﻭﻻﺗﺤﻄﻴﻦ ﻋﻠﺊ ﺍﻟﺤﻄﺐ ﻧﺎﺭ ﺍﺣﺘﺮﻣﻲ ﻧﻔﺴﺞ ﻭﺍﻧﻲ ﻭﺑﻨﺖ ﺧﺎﻟﺘﻲ،ﺍﻟﺤﻤﺪ ﻟﻠﻪ ﻣﺎ ﺑﻴﻨﻪ ﺷﺊ ﻭﺍﺧﻼﻗﻨﺎ ﺳﺎﺑﻘﺘﻨﻪ
ﻋﺎﺩ ﻫﻲ ﺍﻧﻠﺼﻤﺖ ﻋﻠﺊ ﺣﻠﻜﻬﺎ ﻭﻛﺘﻔﺖ ﺍﺩﻳﻬﺎ ﻭﺩﺍﺭﺕ ﻭﺟﻬﻬﺎ ﻣﺎ ﻋﺎﺟﺒﻬﺎ ﺍﻟﻜﻼﻡ ...
ﻭﺳﺠﺎﻭﻱ ﺟﺎﻧﺖ ﺗﻜﺘﺐ ﺑﺴﺮﻋﻪ ﻭﺗﺘﺒﺴﻢ ﻭﺗﻀﺤﻚ ﻭﺑﻌﺪﻫﺎ ﺧﻠﺖ ﻭﺍﻧﻬﺰﻣﺖ ﺍﻟﻔﺮﻓﺔ ﺍﻣﻬﺎ
ﺷﻜﻴﻦ ﺑﻴﻬﺎ ﻋﻨﺪﻫﺎ ﺷﺊ ﺍﻣﺮﻫﺎ ﻣﻮ ﻃﺒﻴﻌﻲ ﻭﻻ ﺧﺎﻟﻴﻪ ﻫﻞ ﺑﻨﻴﻪ ﻛﻞ ﺑﺴﺒﺐ ﺍﻣﻬﺎ ﻫﺎﻣﻠﺘﻬﺎ ﻭﻋﺎﻳﻔﺘﻬﺎ ﺑﺪﻭﻥ ﺗﺮﺑﻴﻪ ﻭﺍﻧﻮﺏ ﺗﺠﻲ ﻭﺗﺤﺠﻲ ﺑﺎﻟﺘﺮﺑﻴﻪ
ﻣﺜﻞ ﺍﺑﻠﻴﺲ ﻳﻌﻠﻢ ﻭﻟﺪﻩ ﻟﻠﺼﻼﺓ ﻭﻫﻮ ﻣﻴﺼﻠﻲ
ﺷﻮﻳﻪ ﻭﺩﺧﻞ ﺟﻮﻟﻴﻴﺖ ﻫﻲ ﻭﺍﻃﻔﺎﻟﻬﺎ ﻭﻣﺎﻣﺎ ﺭﺿﻴﻪ ﺑﺲ ﺷﻨﻮ ﻭﺟﻬﻬﺎ ﻣﺨﻄﻮﻑ
ﻭﻫﻲ ﻛﻠﻬﺎ ﻫﺠﻤﺖ ﻋﻠﻴﻬﺎ ﺑﺬﺍﻙ ﺍﻟﻜﻼﻡ ﻣﻦ ﺍﻣﻲ ﻭﻣﻦ ﺟﻌﻔﺮ ﻭﻣﻦ ﻧﻮﺍﻝ
ﻭﺟﺎﺳﺮ ﺟﺎﻥ ﻛﺎﻋﺪ ﺑﻐﺮﻓﺘﻪ ﻣﻦ ﺳﻤﻊ ﺍﻟﻀﺠﻪ ﻓﺘﺢ ﺑﺎﺏ ﺍﻟﻐﺮﻓﻪ ﻭﺑﺎﻭﻋﻠﻬﺎ ﺍﺷﺮ ﺍﻟﻬﺎ ﺑﺎﺻﺎﺑﻌﻪ ... ﺩﻗﻴﻘﺘﻴﻦ ﺍﻟﺪﻗﻴﻘﻪ ﺍﻟﺜﺎﻟﺜﻪ ﺍﺫﺍ ﻣﺎ ﺍﺟﻴﺘﻲ ﻣﺎ ﺗﻠﻮﻣﻴﻦ ﺍﻟﻪ ﻧﻔﺴﺞ ....
............................
ﺍﻭﻝ ﻣﺎ ﺩﺧﻠﻨﻪ ﻭﻫﻢ ﺗﻠﻜﻮﻧﻪ ﻣﺜﻞ ﺍﻟﻮﺣﻮﺵ ... ﻭﻳﻦ ﺟﻨﺘﻲ ﻭﻭﻳﻦ ﺟﻨﺘﻲ ﺍﻟﻴﻮﻡ ﺟﺎﺳﺮ ﻳﺬﺑﺤﺞ ﺍﻟﻴﻮﻡ ﻳﻤﻮﺗﺞ
ﺧﻠﻮﻧﻲ ﺍﻃﻚ ﺭﺟﻞ ﺑﺮﺟﻞ ﻣﻦ ﺍﻟﺨﻮﻭﻭﻑ ﻭﺍﻟﺮﺟﻔﻪ ﺍﻟﻲ ﺍﻋﺘﻠﺖ ﻛﻞ ﺟﺴﻤﻲ ﻣﺎﻣﺎ ﺭﺿﻴﻪ ﺭﺩﺕ ﻋﻠﻴﻬﻢ ﺑﻜﺬﺏ ... ﻫﻮ ﺷﻨﻮ ﻭﻳﻦ ﺟﻨﻪ ﺟﻨﻪ ﺑﺎﻟﺪﻛﺘﻮﺭ ﻭﺗﺎﺧﺮﻧﻪ
ﺟﺎﻭﺑﺘﻬﺎ ﺍﻡ ﻓﻼﺡ ﺑﻐﻀﺐ ... ﻳﺎ ﺩﻛﺘﻮﺭ ﻫﺬﺍ ﻻ ﺑﻴﺪﺟﻦ ﻋﻼﺝ ﻭﻻ ﺑﻴﺪﺟﻦ ﺗﺤﻠﻴﻞ ﺷﻔﺘﻴﻨﻪ ﺳﻮﺩ ﻋﺒﺎﻟﺞ ﻫﻨﻮﺩ ﺗﺮﺩﻥ ﺗﻀﺤﻜﻦ ﻋﻠﻴﻨﻪ
ﻭﻧﻮﺍﻝ ﺟﺎﻭﺑﺖ ﺑﻀﺤﻜﻪ .... ﻫﻬﻬﻬﻬﻬﻪ ﺍﻱ ﻭﺍﻟﻠﻪ ﻳﺮﺩﻥ ﻳﻀﺤﻜﻦ ﻋﻠﻴﻪ
ﻋﺎﺩ ﻣﺎﻣﺎ ﺭﺿﻴﻪ ﺗﺨﺒﻠﺖ ﻋﺎﻃﺖ ﺑﻴﻬﺎ ﺑﻌﺼﺒﻴﺔ ... ﻭﺍﻧﺘﻲ ﺷﺪﺧﻠﺞ ﺗﺤﺎﺳﺒﻴﻨﻲ ﻟﻮ ﺷﻨﻮ ﻭﻟﺞ ﻧﻮﻳﻠﻪ ﺍﺗﻘﻲ ﺷﺮﻱ ﻭﺍﺣﺘﺮﻣﻲ ﻧﻔﺴﺞ ﺍﺣﺴﻦ ﺍﻟﺞ
ﺟﺎﻥ ﻫﻲ ﺍﻟﺨﺒﻴﺜﻪ ﺩﻛﻮﻟﻪ ... ﺍﻛﻮﻟﺞ ﺭﺿﻴﻪ ﺍﻧﺘﻲ ﻋﻠﺊ،ﺷﻨﻮ ﻛﺎﻋﺪﻩ ﻫﻨﺎ ﺍﺷﻮ ﻻ ﻋﻨﺪﺝ ﺩﺍﺩﺍ ﻭﻻ ﻣﺎﻣﺎ ﻭﺍﺫﺍ ﻋﻠﺊ ﻣﻬﻴﻮﺏ ﻣﻬﻴﻮﺏ ﻣﺎﺕ ﻣﻦ ﺯﻣﺎﻥ
ﻣﺎﻣﺎ ﺟﺎﻭﺑﺘﻬﺎ ﺑﺼﺪﻣﻪ ... ﺗﻄﺮﺩﻳﻨﻲ؟
ﺟﻌﻔﺮ ﻭﺍﻡ ﻓﻼﺡ ﻣﺎ ﻗﺒﻠﻮﺍ ﻋﻠﺊ ﻛﻼﻡ ﻧﻮﺍﻝ ﻭﺭﺯﻟﻮﻫﺎ ﻭﻫﻲ ﺧﻠﺖ ﻭﺭﺍﺣﺖ ﻭﻣﺎﻣﺎ ﺭﺿﻴﻪ ﺿﻠﺖ ﺗﺒﺠﻲ ﻭﺧﻠﺖ ﻭﺭﺍﺣﺖ ﺍﻟﻐﺮﻓﺘﻬﺎ ....
ﻭﺍﻟﺒﻘﻴﻪ ﺍﺳﺘﻠﻤﻮﻧﻲ ﻭﺍﻧﻲ ﺟﻨﺘﻲ ﻭﻳﻦ ﺭﺣﺘﻲ ﻭﺍﻟﺮﺯﺍﻳﻞ ﺑﻔﻠﺲ
ﻫﻮ ﻃﻠﻊ ﻣﻦ ﻏﺮﻓﺘﻪ ﻛﺎﻝ ﺟﻤﻠﻪ ﻭﺣﺪﻩ ﻭﺩﺧﻞ ...
ﻋﺎﺩ ﺍﻧﻲ ﺿﻠﻴﺖ ﺍﺭﻋﺶ ﻣﻦ ﺍﻟﺨﻮﻭﻑ ﻭﺍﻻﺭﺗﺒﺎﻙ ﻭﺧﻠﻴﺖ ﻭﺭﺣﺖ ﺍﺭﻛﺾ
ﻓﺘﺤﺖ ﺍﻟﺒﺎﺏ ﻭﺩﺧﻠﺖ ﻟﻠﻐﺮﻓﻪ ﺑﺎﻭﻋﺖ ﻋﻠﻴﻪ ﻛﺎﻋﺪ ﻋﻠﺊ ﺍﻟﻘﻨﻔﻪ ﺑﺎﺭﻳﺤﻴﻪ ﻭﻫﻮ ﻳﺪﺧﻦ
ﻗﺘﻠﺘﻨﻲ ﻫﻴﺌﺘﻪ ﻭﺻﻮﺭﺗﻪ ... ﻋﺰﺓ ﺷﻤﻮﺥ ﻛﺒﺮﻳﺎﺀ ﺟﺒﺮﻭﺕ ﺍﻧﺘﻘﺎﻡ ﺧﺒﺚ ﻛﻞ ﺍﻟﺼﻔﺎﺕ ﻣﺘﺠﻤﻌﻪ ﺑﻤﻼﻣﺤﻪ ﺍﻟﺠﺒﺎﺭﻩ ﻭﻛﻴﺎﻧﻪ ﺍﻟﻤﺘﻌﺠﺮﻑ
ﻭﻛﻔﺖ ﻣﻘﺎﺑﻠﻪ ﻣﺜﻞ ﺳﺠﻴﻦ ﻭﻣﻨﺘﻈﺮ ﻋﻘﺎﺑﻪ ...
ﻭﺍﻛﻔﻪ ﺑﺤﻀﺮﺗﻪ ﻣﻨﻜﺴﺮﻩ ﻭﺛﻨﺎﻳﺎ ﺍﻻﻧﻴﻦ ﺗﻬﺸﻢ ﺑﺎﻋﻈﺎﺋﻲ ﻭﺍﻃﺮﺍﻑ ﺍﻟﻮﺟﻊ ﻣﺪﺍ ﺗﺼﺒﺮ ﻋﻨﻲ
ﺭﻓﻊ ﺭﺍﺳﻪ ﺑﺒﺮﻭﺩ ﻭﺟﻜﺎﺭﺗﻪ ﺑﻴﺪﻩ ﺭﻛﺰ ﻋﻠﻴﻪ ﺛﻮﺍﻧﻲ ﻛﺄﻥ ﻳﺪﺭﺳﻨﻲ ﺍﻭ ﻳﺒﻴﻦ ﺣﻘﻴﻘﺘﻲ ﻗﻠﺺ ﻋﻴﻮﻧﻪ ﻭﺗﻜﻠﻢ ﺑﻨﺒﺮﻩ ﺑﺎﺭﺩﻩ ... ﻭﻳﻦ ﺟﻨﺘﻲ ﻣﺪﺍﻡ ﺣﺎﻟﻴﺎ ﺍﻟﺴﺎﻋﻪ ﺑﺎﻟﺘﺴﻌﻪ ﻭﺍﻧﻲ ﺍﺟﻴﺖ ﻣﻦ ﺍﻟﺴﺘﻪ
ﺭﻣﺸﺖ ﺑﻌﻴﻮﻧﻲ ﻭﺑﻠﻌﺖ ﺭﻳﻜﻲ ﺑﻐﺼﻪ ﺭﺩﻳﺖ ﺑﻨﺒﺮﻩ ﺧﺎﻳﻔﻪ ... ﺑﺎﻟﺪﻛﺘﻮﺭ
ﺭﻛﺰ ﻋﻠﻴﻪ ﻭﺭﺩ ﺑﻬﺪﻭﺀ ﻭﻫﻮ ﻳﻄﻔﻲ ﺟﻜﺎﺭﺗﻪ ﺑﺎﻟﻨﻔﺎﺿﻪ ... ﺑﺪﻭﻥ ﺟﺬﺏ
ﻫﺰﻳﺖ ﺭﺍﺳﻲ ﺑﺮﻋﺐ ... ﻣﺪﺍ ﺍﺟﺬﺏ
ﻭﻛﻒ ﻭﻣﺸﺊ ﺧﻄﻮﺍﺕ ﻭﺍﺳﻌﻪ ﺻﺎﺭ ﻣﻘﺎﺑﻴﻠﻲ ﻭﺍﻧﻲ ﺭﺟﻌﺖ ﺑﺨﻄﻮﺍﺕ ﺧﺎﻳﻔﻪ ﺑﺲ ﻣﺎ ﺍﺑﺘﻌﺪﺕ ﻋﻨﻪ ﻣﺎ ﺣﺴﻴﺖ ﻏﻴﺮ ﺑﺮﺍﺷﺪﻱ ﺷﻮﻫﻪ ﻣﻌﺎﻟﻢ ﻭﺟﻬﻲ ..
ﺻﺮﺧﺖ ﻭﺗﻤﺎﺳﻜﺖ ﺣﻄﻴﺖ ﺍﻳﺪﻱ ﻋﻠﺊ ﺧﺪﻱ ﻭﺑﺎﻭﻋﺘﻠﻪ ﻣﻬﻀﻮﻣﻪ ﻭﻫﻮ ﺑﺎﻭﻋﻠﻲ ﺑﻜﻞ ﻋﺼﺒﻴﺔ
ﺭﺟﻊ ﻟﺰﻣﻨﻲ ﻣﺮﻩ ﺛﺎﻧﻴﻪ ﻭﻟﺰﻡ ﻓﻜﻲ ﺑﻌﻨﻒ ﻛﺎﻝ ﺑﻐﻀﺐ ... ﺍﺣﺠﻲ ﻭﻳﻴﻦ ﺟﻨﺘﻲ ﻻ ﺍﻛﺴﺮﺝ ﻫﺴﻪ ﺗﻜﺴﺮ ﺑﺎﻟﻘﺮﺍﻥ
ﺭﺟﻔﺖ ﺷﻔﺎﻳﻔﻲ ﻭﺍﻧﺬﺑﺢ ﻋﻨﺪﻱ ﺍﻟﻜﻼﻡ ﻭﻣﻦ ﻛﺜﺮ ﺍﻟﻘﻠﻖ ﻣﺎ ﻋﺮﻓﺖ ﺷﻠﻮﻥ ﺍﺣﺠﻲ ﺍﻟﺴﺎﻧﻲ ﺍﻟﺘﻮﻩ ... ﺍﺀﺀ ﻣﻢ ﻣﺎﺍﺍ ﺍﻧﻲ
ﺟﻨﺖ ﺑﻌﺪﻧﻲ ﻻﻳﺴﻪ ﺣﺠﺎﺑﻲ ﺟﺮﺍﻩ ﻣﻨﻲ ﺣﻴﻴﻞ ﺍﻟﺪﻧﺒﻮﺱ ﻃﻚ ﻭﺟﺮﺡ ﺭﻛﺒﺘﻲ
ﺻﺮﺧﺖ ﺑﺼﻮﺕ ﻣﻦ ﺍﻟﺪﻧﺒﻮﺱ ﻟﺰﻣﺖ ﺍﻳﺪﻩ ﻫﻮ ﺩﻓﻊ ﺍﻳﺪﻱ ﻭ ﺭﺟﻊ ﻟﺰﻣﻨﻲ ﺑﺤﺪﻩ ﻭﺻﺮﺥ ﺑﻮﺟﻬﻲ ... ﺍﺣﺠﻴﻴﻲ ﻭﻳﻦ ﺟﻨﺘﻲ ﻻ ﺑﺎﻟﻘﺮﺍﻥ ﻫﺴﻪ ﺍﺩﻓﻨﺞ ﻭﺍﻧﺘﻲ ﻋﺎﻳﺸﻪ
ﺻﺮﺧﺖ ﺑﻮﺟﻬﻪ ﺑﻌﺪ ﻣﺎ ﺧﻠﺼﺖ ﻧﻔﺴﻲ ﻣﻦ ﻗﺒﻀﺘﻪ ... ﺍﻧﺖ ﺷﺘﺮﻳﺪ ﻣﻨﻲ ﺷﺘﺮﻳﻴﺪ ﻭﻳﻴﻦ ﺟﻨﺖ ﻳﻌﻨﻲ ﺭﺣﺖ ﺍﻧﻲ ﻭﻣﺎﻣﺎ ﺭﺿﻴﻪ ﺑﺸﻐﻠﻪ
ﺣﻂ ﺍﻳﺪﻩ ﻋﻠﺊ ﺍﻟﺤﺎﻳﻂ ﺣﺎﺻﺮﻧﻲ ﺑﻴﺖ ﻭﺣﺪﻩ ﻭﺭﺩ ﺑﻐﺮﻭﺭ ... ﻭﺷﻨﻮ ﺍﻟﺸﻐﻠﻪ ﺑﺪﻭﻥ ﺯﺣﻤﻪ ؟
ﺑﺎﻭﻋﺘﻠﻪ ﺑﺨﻮﻭﻑ ... ﻫﻴﺞ ﺷﻐﻠﻪ ﻧﺴﺎﺋﻴﻪ
ﺳﺤﺒﻨﻲ ﻣﻦ ﺻﺎﻳﺘﻲ ﺑﺨﺪﻩ ﺣﺴﻴﺖ ﻃﺮﺕ ﺑﻴﺪﻩ ﺯﻣﺠﺮ ﺑﻐﻀﺐ ﻋﺎﺭﻡ ... ﻭﻟﺞ ﺍﺩﺑﺴﺰ ﺗﻀﺤﻜﻴﻦ ﻋﻠﻴﻪ ﻟﻮ ﺷﻨﻮﻭﻭﻭ ﺑﺎﻟﻘﺮﺍﻥ ﺍﻟﻴﻮﻡ ﻣﻮﺗﺞ ﻋﻠﺊ ﺍﻳﺪﻱ ﺗﺤﺠﻴﻦ ﻻ ﺍﺧﻠﻴﺞ ﻫﺴﻪ ﺗﺒﺠﻴﻦ ﺩﻡ ...
ﺑﺎﻭﻋﺘﻠﻪ ﺑﻌﺼﺒﻴﺔ ﻭﺍﻟﺪﻣﻮﻉ ﻣﺎﺧﺬﻩ ﻣﺠﺎﺭﻫﺎ ﻋﻠﺊ ﻣﺤﺎﺟﺮ ﻋﻴﻮﻧﻲ ﺻﺮﺧﺖ ﺑﻮﺟﻬﻪ ... ﻳﺎﻟﻠﻪ ﺍﺩﻓﻨﻲ ﻳﺎﺍﺍﺍﺍﺍﺍﺭﻳﺖ ﻳﺎﺭﻳﺘﺖ ﻣﻠﻴﻴﻴﺖ ﻭﺍﻟﻠﻪ ﻣﻠﻴﻴﻴﺖ ﻟﻚ ﻭﺍﻟﻠﻪ ﺻﺮﺕ ﺍﻛﺮﻫﻜﻢ ﻛﻠﻜﻢ ﻳﺎﺍﺍﺍﺭﻳﺖ ﺍﻣﻮﻭﺕ ﻭﺍﺧﻠﺺ ﻣﻨﻜﻤﻤﻤﻢ
ﻋﺎﺩ ﻫﻮ ﺿﺮﺑﻨﻲ ﺑﻀﺎﻫﺮ ﻛﻔﻪ ﻋﻠﺊ ﺣﻠﻜﻲ ﻭﺻﺎﺡ ﺑﻮﺟﻬﻲ ... ﺍﻧﻠﻄﻤﻴﻴﻴﻴﻲ ﻻ ﺗﺼﻴﺤﻴﻴﻦ ﻻ ﺗﻌﻠﻴﻴﻦ ﺻﻮﺗﺞ ﻭﻟﺞ ﺍﺩﺑﺴﺰ ﻭﺍﻟﻠﻪ ﺍﻧﺘﻲ ﺑﺪﻭﻥ ﺗﺮﺑﻴﻪ ﻭﺍﻧﻲ ﺍﻧﻄﻴﺘﺞ ﻣﺠﺎﻝ ﻫﻮﻭﻭﻭﺍﻱ
ﻭﺍﻟﻠﻪ ﺍﺫﺍ ﻣﺎ ﺭﺑﻴﺘﺞ ﻭﺧﻠﻴﺘﺞ ﺗﻤﺸﻴﻦ ﻭﺗﺘﻠﻔﺘﻴﻴﻦ ﻣﺎ ﺍﻃﻠﻊ ﺟﺎﺳﺮ
ﻭﻟﺞ ﺍﻧﺘﻲ،ﺿﺎﻟﻪ ﺗﻠﻌﺒﻴﻦ ﻣﻦ ﻭﺭﺍﺍﺍﻱ ﺗﻒ ﻋﻠﻴﻴﺞ ﻭﻋﻠﺊ ﺗﺮﺑﻴﺘﺞ ﻭﻟﺞ ﺗﺘﻔﻘﻴﻦ ﺍﻧﺘﻲ ﻭﺍﺑﻦ ﻋﻤﻲ ﻋﻠﻴﻪ ﺑﺴﻴﻴﻴﻄﻪ ﺍﺫﺍ ﻣﺎ ﻧﺪﻣﺘﺞ ﻣﺎ ﺍﻃﻠﻊ ﺟﺎﺍﺍﺍﺍﺳﺮ
ﻭﻟﺞ ﻫﺴﻪ ﺗﺒﻴﻦ ﺍﻟﻲ،ﺍﻧﺘﻲ ﻭﺣﺪﻩ ﺑﺪﻭﻭﻭﻥ ﺍﺧﻼﻕ
ﺻﺮﺧﺖ ﺑﻮﺟﻬﻪ ﺑﺤﺪﻩ ﻭﺍﻧﻬﻴﺎﺭ ..... ﻻ ﺗﺤﺠﻲ ﻋﻠﺊ ﺍﺧﻼﺍﺍﺍﻗﻲ ﻻﺍﺍﺍ ﺗﺤﺠﻲ ﺍﻧﺖ ﻣﻨﻮ ﻭﺗﺠﻴﺐ ﺳﻴﺮﺓ ﺍﺧﻼﻗﻲ ﻭﺍﻟﻠﻪ ﺍﻧﻲ ﺍﺷﺮﻑ ﻣﻦ ﺍﻟﺸﺮﻑ
ﺑﺎﻭﻋﻠﻲ ﻭﻫﻮ ﻳﺮﺳﻢ ﺍﺑﺘﺴﺎﻣﻪ ﺷﺎﻣﺘﻪ ﻋﻠﺊ ﺷﻔﺎﻳﻔﻪ ... ﻣﺎﻛﻮﻭﻭ ﻭﺣﺪﻩ ﺷﺮﻳﻔﻪ ﺗﺴﻮﻱ ﺳﻮﺍﻟﻔﺞ ﻫﺎﻱ ﺳﻮﺍﻟﻔﺞ ﺑﺲ ﺍﻟﺴﺎﺍﺍﺍﻗﻄﻪ ﺗﺴﻮﻳﻬﺎ
ﻓﺘﺤﺖ ﻋﻴﻮﻧﻲ ﻣﺼﺪﻭﻣﻪ ﻣﻦ ﻛﻼﻣﻪ ﻭﻣﻦ ﺍﺩﻋﺎﺋﻪ ﺍﻟﻜﺎﺫﺏ ﺭﻓﻌﺖ ﺍﻳﺪﻱ ﺑﺤﺪﺩﺩﺩﻩ ﻭﺭﺩﺕ ﺍﺿﺮﺑﻪ ﺑﺲ ﻫﻮ ﻟﺰﻡ ﺍﻳﺪﻱ ﺑﻘﻮﻭﻭﻩ ﻭﻟﻔﻬﺎ ﻭﺭﻩ ﺿﻬﺮﻱ ﻭﻟﻮﻫﺎ
ﺻﺮﺧﺖ ﺑﺼﻮﺕ ﻋﺎﻟﻲ ﻭﺿﻬﺮﻱ ﺻﺎﺭ ﻋﻠﺊ ﺑﻄﻨﻪ ﺍﻧﺤﻨﻴﺖ ﻣﻦ ﺍﻟﻮﺟﻊ
ﺿﻐﻂ ﻋﻠﺊ ﺍﻳﺪﻱ ﺣﻴﻴﻞ ﻭﺷﺪ ﻋﻠﺊ ﺍﺳﻨﺎﻧﻪ ﺣﺴﻴﺖ ﺍﻳﺪﻱ ﻣﺎﺗﺖ ﻣﻦ ﺍﻟﻮﺟﻊ ﺣﻂ ﺷﻔﺎﻳﻔﻪ ﻗﺮﻳﺐ ﻣﻦ ﺍﺫﻧﻲ ﻭﻫﻤﺲ ﺑﻔﺤﻴﺢ ﻣﺮﻋﺐ .... ﻫﺎﻱ ﺍﻳﺪﺝ ﺍﺫﺍ ﺍﻧﺮﻓﻌﺖ ﻋﻠﻴﻪ ﻣﺮﻩ ﺛﺎﻧﻴﻪ ﻭﺍﻟﻠﻪ ﺍﻋﻠﻜﻬﺎ ﺑﺮﻛﺒﺘﺞ
ﺿﻠﻴﺖ ﺍﺗﻠﻮﺉ،ﻣﻦ ﺍﻟﻮﺟﻊ ﺑﻴﻦ ﺍﺩﻳﻪ ﻭﺍﺭﻳﺪﻩ ﺑﺲ ﻳﻔﻚ ﺍﻳﺪﻱ ﻣﺎ ﻗﺒﻞ
ﺍﺭﺗﻌﺶ ﺟﺴﻤﻲ،ﺑﻴﻦ ﺍﺩﻳﻪ ﻭﺍﺩﻳﻪ ﺗﻌﻮﺟﺖ ﺍﻫﺘﺰﻳﺖ ﺑﻘﻮﻭﻩ ﻭﻛﻌﺖ ﻋﻠﺊ ﺍﻻﺭﺽ ﻭﺍﻧﻲ ﺍﺭﻋﺺ ﺑﺎﻻﺭﺽ ﺍﻟﺒﺎﺭﺩﻩ
ﻭﺍﺳﻨﺎﻧﻲ ﺻﻜﺖ ﻣﻦ ﺍﻟﻮﻭﻭﺟﻊ
ﻫﻮ ﻣﻦ ﺷﺎﻑ ﺣﺎﻟﺘﻲ ﻫﻴﻴﺞ ﻛﻌﺪ ﺭﻛﺒﻪ ﻭﻧﺺ ﻭﻓﺘﺢ ﺍﺳﻨﺎﻧﻲ،ﺑﻘﻮﻭﻩ ﺑﺎﺻﺎﺑﻌﻪ
ﻣﺎ ﺟﺎﻧﺖ ﻋﻨﺪﻱ ﻃﺎﻗﻪ ﺍﺩﻓﻌﻪ ﺭﻓﻌﻨﻲ ﻭﺷﺎﻟﻨﻲ ﺧﻼﻧﻲ ﻋﻠﺊ ﺍﻟﺴﺮﻳﺮ ﻭﺍﻧﻄﺎﻧﻲ ﺣﺒﺎﻳﻪ
ﻣﺎ ﻛﺪﺭﺕ ﺍﺷﺮﺑﻬﺎ ... ﻣﻦ ﻫﺪﺋﺖ ﺷﻮﻭﻭﻳﻪ
ﻫﻮ ﺍﺧﺬﻫﺎ ﻭﺷﺮﺑﻬﺎ ﺍﻟﻴﻪ ﻏﺼﺐ ﻋﻨﻲ ﺩﻓﻌﺘﻪ ﻭﺣﻄﻴﺖ ﺍﻳﺪﻱ ﻋﻠﺊ ﺷﻔﺎﻳﻔﻲ ﻭﺭﻛﻀﺖ ﻟﻠﺤﻤﺎﻡ ﺟﺒﺮﺕ ﺭﻭﺣﻲ ﺍﺗﻘﻴﺊ ﺍﻟﺤﺒﺎﻳﻪ ﻭﻛﻞ ﺷﻲ ﺟﻨﺖ ﻣﺎﻛﻠﺘﻪ
ﺑﺎﻭﻋﺖ ﺍﻟﻮﺟﻬﻲ ﺑﺎﻟﻤﺮﺍﻳﻪ ﺭﻣﺸﺖ ﺑﻌﻴﻮﻧﻲ ﺷﺼﺎﻳﺮ ﺑﻴﻪ ﺷﻤﺴﻮﻱ ﺑﻮﺟﻬﻲ ﺷﻔﺎﻳﻔﻲ ﺗﻨﺰﻑ ﺩﻡ ﻭﺧﺸﻤﻲ ﻳﻨﺰﻑ
ﻭﺧﺪﻱ ﺻﺎﻳﺮ ﺍﺯﺭﻙ ﻋﻠﺊ ﺍﺣﻤﺮ ﻣﺘﺸﻮﻫﻪ ﻭﻳﻦ ﺟﻮﻟﻴﻴﺖ ﺍﻟﺤﻠﻮﻩ ﻣﺘﻐﻴﺮﻩ ﺣﻴﻴﻞ ﻣﺘﻐﻴﻴﺮﻩ
ﺍﻭﻭﻭﻑ ﻳﻤﻪ ﺍﻭﻭﻭﻳﻠﻲ ﻋﻠﺊ ﺣﺎﻟﻲ ﻣﺎ ﺍﺭﺗﺎﺣﻴﺖ ﻭﺍﻟﻠﻪ
ﻭﻟﺞ ﻳﻤﻪ ﻓﺪﻭﻭﻭﻩ ﺣﺴﻲ،ﺑﻴﻪ ﺗﻌﺎﻟﻲ ﺷﻮﻓﻴﻨﻲ ﺍﺭﻳﺪ ﺍﺷﻜﻴﻠﺞ ﻣﻦ ﻧﻔﺴﻲ ﺍﺭﻳﺪ ﺍﺷﻜﻴﻠﺞ ﻣﻨﻬﻢ ﺣﺘﺊ ﺑﻌﺮﺿﻲ ﻃﻌﻨﻮ ﻭﺍﻟﻠﻪ ﻳﻤﻤﻪ ﺍﻧﺘﻲ ﻟﻴﺶ ﻣﺎ ﺗﺤﺒﻴﻨﻲ
ﻭﺍﻟﻠﻪ ﻣﻮ ﻋﺎﺭ ﻋﻠﻴﺞ ﻭﺍﻟﻠﻪ ﺍﻧﻲ ﺑﻨﺘﺞ ﺍﻟﻐﺎﻟﻴﻪ ﺍﻧﻲ ﻧﺒﺾ ﮔﻠﺒﺞ ﺭﺍﺣﺖ ﺭﻭﺣﻲ ﺑﻐﻴﺎﺑﺞ ﻳﻤﻪ
ﺭﺩﺕ ﺍﻃﻠﻊ ﻣﻦ ﺍﻟﺤﻤﺎﻡ ﺳﻤﻌﺘﻪ ﻳﺤﺠﻲ ﻭﻳﻪ ﻣﺮﺗﻀﺊ ﻭﻣﺠﺘﺒﺊ ﻭﻫﻮ ﻳﻜﻮﻟﻬﻢ ... ﻭﻳﻦ ﺭﺣﺘﻮ ﺍﻧﺘﻮ ﻭﻣﺎﻣﺎ ﻭﺑﻴﺒﻲ ﺭﺿﻴﻪ
ﻫﻢ ﺭﺩﻭ ﻋﻠﻴﻪ ﺑﻌﺪﻡ ﺗﻤﻴﻴﺰ ... ﻟﺤﻨﻪ ﻟﺴﺘﻮ ﺍﺑﻮ ﺳﺎﺑﺮ ... ﺭﺣﻨﻪ ﺍﻟﺠﺪﻭ ﺍﻟﻮ ﺟﺎﺑﺮ
ﺍﻧﻲ ﺧﻠﻴﺖ ﻭﻃﻠﻌﺖ ﻭﻻ ﺣﺘﺊ ﺑﺎﻭﻋﺖ ﺑﻮﺟﻬﻪ ﺻﺎﺭﺕ ﻋﻨﺪﻱ ﺭﺩﺓ ﻓﻌﻞ ﻛﻮﻭﻭﻟﺶ ﻗﻮﻭﻭﻳﻪ ﺧﻔﺖ ﻣﻨﻪ ﺣﻴﻴﻞ
ﺍﻳﺪﻱ ﻣﺪﺍ ﺍﻛﺪﺭ ﺍﺣﺮﻛﻬﻪ ﻣﻦ ﺍﻟﻮﺟﻊ ﻣﻮﺗﺘﻨﻲ ﻭ ﻭﺟﻬﻲ ﺍﺣﺴﻪ ﻧﺎﺍﺍﺍﺭ ﻣﻦ ﻏﻴﺮ ﺍﻟﺪﻭﺧﻪ ﻭﺍﻟﻐﺜﻴﺎﻥ ﺍﻟﻲ ﺻﺎﺑﻨﻲ ﻣﻦ ﺭﺍﺷﺪﻳﺎﺗﻪ
ﺣﻄﻴﺖ ﺍﻳﺪﻱ ﻋﻠﺊ ﮔﻠﺒﻲ ﺍﻟﻤﺘﻌﺐ ﺍﻟﻲ ﻳﺨﻔﻖ ﺑﻘﺴﻮﻩ .. ﻳﻜﻠﻮﻟﻪ ﺟﻨﻪ ﻋﻨﺪ ﺟﺪﻭ ﺍﺑﻮ ﺟﺎﺑﺮ ﺑﺲ ﻻ ﻳﺮﻭﺡ ﻳﺘﻌﺎﺭﻙ ﻭﻳﺎﻫﻢ ﻭﻳﻪ ﺑﻴﺖ ﺍﺑﻮ ﺟﺎﺑﺮ
ﻫﻢ ﺍﻃﻔﺎﻟﻲ ﻣﺎ ﻣﻴﺰﻭ ﺍﺑﻮ ﺟﺎﺑﺮ ﻻﻥ ﻧﻔﺲ ﻫﻴﺌﺔ ﻛﺒﻴﺮ ﻋﺸﻴﺮﺗﻨﻪ ....
ﻭﺍﻧﻮﺏ ﺍﺧﺎﻑ ﻣﺎﻣﺎ ﺭﺿﻴﻪ ﺗﻌﺘﺮﻑ ﻋﻠﻴﻪ ﺑﺲ ﻣﺎﻣﺎ ﻣﺘﺤﺠﻲ ﺍﺑﺒﺒﺪ ﺍﻧﻲ ﺍﻋﺮﻓﻬﺎ
ﻭﻛﺎﻟﺖ ﺍﺫﺍ ﺳﺎﻟﻨﻲ ﻭﺍﻧﻔﻀﺤﻨﻪ ﺍﻛﻠﻪ ﺭﻭﺡ ﺍﺳﺄﻝ ﺟﻮﻟﻲ ﺍﻧﻲ ﻣﺎﻟﻲ ﺷﻐﻞ ....
ﻧﻤﺖ ﻋﻠﺊ ﻓﺮﺍﺷﻲ ﻭﺍﻟﻐﺼﻪ ﺗﺠﺮﺡ ﺑﺼﺪﺭﻱ ﻭﺍﻟﺪﻣﻮﻉ ﺗﺮﺍﻓﻖ ﻋﻴﻮﻧﻲ
ﺣﻄﻴﺖ ﺍﻳﺪﻱ ﻋﻠﺊ ﺑﻄﻨﻲ ﻭﺍﻧﻲ ﺍﺑﺠﻲ ﺍﺭﻳﻴﺪ ﺍﺭﺗﺎﺡ ﻣﻠﻴﻴﺖ
ﺑﻌﺪﻫﺎ ﺍﺑﺘﺴﻤﺖ ﺑﻤﺮﺡ ... ﺭﻏﻢ ﻫﺎﻧﻲ ﺟﺎﺳﺮ ﺑﺲ ﻭﺍﻟﻠﻪ ﺍﻟﻴﻮﻡ ﺍﻟﺴﻮﻳﺘﻪ ﺭﻳﺤﻨﻲ ﺍﻫﻢ ﺷﺊ ﺍﻟﻜﻞ ﻳﻌﺮﻑ ﻫﺎﻟﻪ ﺷﻨﻮ ﻭﺍﻟﻤﻬﻢ ﺑﻌﺪ ﻳﻜﺼﻮﻥ ﺍﻟﻠﺴﺎﻧﻬﺎ ﻭﻳﻄﻴﺤﻮﻥ ﺣﻀﻬﺎ
ﺟﺮﻳﺖ ﻧﻔﺲ ﺷﻜﺪ ﻣﺎ ﺍﺭﻳﺪ ﺍﺣﺴﻦ ﻋﻼﻗﺘﻲ،ﻭﻳﺎﻩ ﺗﺘﺎﺯﻡ ﺍﻛﺜﺮ ﻭﺍﻟﺼﺎﺭ ﺍﻟﻴﻮﻡ ﻣﻮ ﺑﺲ ﺍﺯﻡ ﻋﻼﻗﺘﻨﺎ ﻻ ﻣﺤﺎﻫﺎ ﻭﺩﻣﺮﻫﺎ ...
ﺧﻠﻲ ﺍﻧﻲ ﺑﻌﺪ ﻣﺎ ﺍﺭﻳﺪﻩ ﺧﻠﻲ،ﻳﻄﻠﻊ ﻣﻦ ﺣﻴﺎﺗﻲ
ﻭﺍﻧﻲ ﻣﻦ ﺳﺎﺑﻊ ﺍﻟﻤﺴﺘﺤﻴﻼﺕ ﺍﺳﺎﻓﺮ ﺍﻻﻫﻠﻲ ﺍﻭﻻ ﺍﻭﻻﺩﻱ ﻫﻮ ﻣﺎ ﻳﻘﺒﻞ ﺍﺧﺬﻫﻢ ﻭﺍﺫﺍ ﺍﺧﺬﺗﻬﻢ ﺣﻀﺮﺭ ﺍﻫﻠﻲ ﺍﻛﻴﺪ
ﻭﻫﻮ ﻣﻦ ﺧﻼﻧﻲ ﺍﺳﺎﻓﺮ ﻣﺠﺎﻥ ﻳﻌﺮﻑ ﺑﻌﺎﺻﻢ ﻋﺎﻳﺶ ﻟﺬﻟﻚ ﺍﻟﻴﻮﻡ ﺍﺗﻐﻴﺮ ﻋﻦ ﺫﺍﻙ ﺍﻟﻴﻮﻡ
ﻭﺍﻧﻲ ﻫﻤﺎﺗﻴﻦ ﻣﺎ ﺍﻛﺪﺭ ﺍﺭﻭﺡ ﺍﺳﺎﻓﺮ ﺍﻟﻬﻢ ﻛﺮﺍﻣﺘﻲ ﻣﺎ ﺗﺴﻤﺤﻠﻲ ﻻﻥ ﺍﻟﺴﻮﻭﻩ ﻭﻳﺎﻳﻪ ﺍﺑﺪ ﻣﻮ ﻗﻠﻴﻞ ﻫﻢ ﺑﺎﻋﻮﻧﻲ ﻭﺗﺮﻛﻮﻧﻲ ﻭﺿﺤﻮ ﺑﻴﻪ ...
ﺑﺲ ﺍﺣﺐ ﺍﺷﻮﻓﻬﻢ ﻣﺮﺗﺎﺣﻴﻦ
ﺍﻧﻲ ﺍﻋﺘﻤﺪ ﻋﻠﺊ ﻧﻔﺴﻲ ﻭﻻ ﺟﺎﺳﺮ ﻭﻻ ﺍﻫﻠﻲ ﺍﻋﻴﺶ ﺍﻟﻨﻔﺴﻲ ﻭﻫﺬﺍ ﺍﻓﻀﻞ ﺣﻞ ...
.........................
ﺷﻬﺪ ...
ﺟﻨﺖ ﻛﺎﻋﺪﻩ ﺑﺎﻟﺪﻛﺎﻥ ﺩﺍ ﺍﺑﻴﻊ ﺣﻠﻮﻳﺎﺕ ﻭﺍﻛﻞ ﻣﺪﺭﻱ ﺷﺒﻴﻪ ﻣﺘﺨﺒﻠﻪ ﻋﻠﺊ ﺍﻟﺤﻠﻮﻳﺎﺕ ﺍﻛﻞ ﻭﺍﺿﻢ ﺑﺎﻟﺒﻘﺎﻳﺎ ﻣﺎﻟﺖ ﺍﻟﺤﻠﻮﻳﺎﺕ ﺑﺎﻟﺰﺑﻞ ...
ﺍﺟﻪ ﻭﺍﺣﺪ ﻳﺸﺘﺮﻱ ﺿﻞ ﻳﺒﺎﻭﻋﻠﻲ ﺑﻨﻈﺮﺍﺕ ﺳﺨﻴﻔﻪ ﻫﻮ ﻳﺨﻮﻭﻑ ﺷﻌﺮﻩ ﺳﻴﻢ ﻣﻮﺍﻋﻴﻦ ﻭﻟﺤﻴﺘﻪ ﻭﺍﺻﻠﻪ ﻟﺤﺪ ﺧﺪﻩ ﻭﺍﺳﻤﺮ ﻃﻮﻭﻭﺥ ﻳﺨﻮﻭﻑ
ﺿﻞ ﻳﺒﺎﻭﻋﻠﻲ ﻭﻳﺘﻐﺰﻝ ﺑﺎﻭﻋﺘﻠﻪ ﺑﻌﺼﺒﻴﺔ ... ﻛﺒﺮ ﺷﺒﻴﻚ ﻣﺎ ﺗﺴﺘﺤﻲ
ﺭﺩ ﻋﻠﻴﻪ ﺑﺬﻭﺑﺎﻥ .... ﺷﻠﻮﻥ ﺍﺳﺘﺤﻲ ﻭﺍﻧﻲ ﺍﺷﻮﻑ ﺍﻟﺨﻮﺥ ﻛﺪﺍﻣﻲ
ﻫﺰﻳﺖ ﺍﻳﺪﻱ ... ﺧﻮﺍﻙ ﺍﻟﺒﻴﻦ ﻭﺭﻛﻌﻚ ﭼﻴﻠﺘﻴﻴﻦ ﻋﻠﺊ ﻛﻮﻟﺔ ﺧﺎﻟﺘﻲ ﺻﺒﺮﻳﻪ ﺍﻣﺸﻲ ﻭﻟﻲ ﻣﻨﺎ ﻻ ﺍﺻﻴﺢ ﺍﺑﻮﻳﻪ ﻋﻠﻴﻚ
ﺟﺎﻭﺑﻨﻲ ﻭﻫﻮ ﻳﺴﻮﻱ ﺣﺮﻛﺎﺕ ﺳﺨﻴﻔﺔ ... ﻭﻳﻨﻪ ﺍﺑﻮﻭﺝ ﺍﺭﻳﺪ ﺍﺧﻄﺒﺞ ﻣﻨﻪ
ﺻﺤﺖ ﺑﻮﺟﻬﻪ ﺑﻐﻀﺐ ... ﺷﺒﻴﻴﻚ ﺍﻧﺖ ﻣﺎ ﺗﺴﺘﺤﻲ ﻛﺒﺮ ﺣﺘﺊ ﻛﺒﺮ ﺍﻧﻲ ﻣﺘﺰﻭﺟﻪ ﻭﺣﺎﻣﻞ
ﺭﺩ ﺑﺨﺒﺚ ... ﻣﻴﺨﺎﻟﻒ ﺍﻧﻲ ﺍﻣﻮﺕ ﻋﻠﺊ ﺍﻟﻤﺘﺰﻭﺟﺎﺕ
ﻣﺎ ﺍﺷﻮﻑ ﺍﻟﻪ ﺍﻟﻮﻟﺪ ﺗﻜﻮﻡ ﻋﻠﺊ ﺍﻻﺭﺽ ﻭﺻﺎﺡ ﺑﺼﻮﺕ ﻋﺎﻟﻲ ﻭﻫﻮ ﻣﺘﺎﺫﻱ ﻣﻦ ﺍﻟﻀﺮﻳﻪ
ﺗﻔﺎﺟﺌﺖ ﺷﺒﻲ ﻫﺬﺍ ﻭﻛﻊ ﻣﺪﻳﺖ ﺭﺍﺳﻲ،ﻣﻦ ﺷﺒﺎﻙ ﺍﻟﺪﻛﺎﻥ ﻭﺍﺷﻮﻑ ﺟﻌﻔﺮ ﻻﺯﻡ ﺑﻄﻠﻪ ﻭﻳﺘﻬﺪﺩ ﻋﻠﻴﻪ ... ﻟﻚ ﻛﻮﻭﻭﺍﺩ ﺳﺎﻗﻂ ﺗﺤﺠﻲ ﻭﻳﻪ ﺑﺖ ﻋﻤﻲ ﺍﻧﻲ ﻭﺍﺣﺪ ﻳﺘﻌﺪﻩ ﻋﻠﺊ ﻣﺮﺗﻲ
ﻫﺰﻳﺖ ﺭﺍﺳﻲ ﺑﺎﺳﺊ ﻫﻢ ﺳﻜﺮﺍﻥ ﺟﻌﻴﻔﺮ ﺷﻠﻮﻥ ﺑﻲ ﻫﺴﻪ ﻛﻮﻥ ﺍﺧﺎﺑﺮ ﺟﺎﺳﺮ ﻭﺍﻟﻠﻪ ﺍﻟﻪ ﺍﺧﻠﻲ ﻳﻤﻮﺗﻪ
ﻃﻠﻌﺖ ﺍﺭﻛﺾ ﺑﺮﻩ ﻭﺍﻟﻌﺎﻟﻢ ﺍﻟﺘﻤﺖ ﻭﻫﺬﺍ ﺍﻟﻲ ﺍﻧﻀﺮﺏ ﺿﻞ ﻳﺘﻬﺪﺩ ﻋﻠﺊ ﺟﻌﻔﺮ ﻭﺍﻟﻌﺎﻟﻢ ﻭﺍﻛﻔﻴﻦ ﺣﻮﺍﺟﻴﺰ ﺑﻨﺼﻬﻢ
ﺍﻧﻲ ﺳﺤﺒﺖ ﺟﻌﻔﺮ ﻣﻨﻬﻢ ﻭﺩﺧﻠﺘﻪ ﻟﻠﺤﻮﺵ ﻭﺍﻧﻲ ﺍﺿﺮﺏ ﺑﻲ ﻭﻫﻮ ﺩﺧﻞ ﻭﻛﻞ ﺷﻮﻳﻪ ﻭﺍﺧﺬﻟﻪ ﻣﺠﻌﻪ ﻣﻦ ﺑﻄﻠﻪ
ﻛﺎﻝ ﺑﺪﻭﻭﺧﻪ ... ﺍﻟﻴﻮﻡ ﺍﻣﻮﻭﻭﺗﻪ ﻫﺬﺍ ﺻﻼﺡ ﺵ ﺷﺎ ﺷﺎﻳﻒ ﺭﺭ ﺭﻭﺣﻪ ﻋﻠﻴﻪ ﻭﻳﻐﺎﺯﻝ ﺑﻤﺮﺗﻲ ﺍﻧﻲ ﺷﺶ ﺷﻔﺘﻪ ﺑﻌﻴﻨﻲ
ﺿﺮﺑﺘﻪ ﺑﻘﻬﺮ ... ﻳﺎ ﺻﻼﺡ ﻳﺎ ﻣﺮﺗﻚ ﺷﺒﻴﻚ ﺍﻧﺖ ﺗﺨﺒﻠﺖ
ﻟﺰﻡ ﺍﺩﻳﻪ ﻭﻫﻮ ﺩﺍﻳﺦ ... ﺍﻧﻲ ﺣﻴﻴﻴﻞ ﺍﺣﺒﺒﺞ ﺷﺶ ﺷﻬﺪ ﺷﻮﻭﻛﺖ ﻧﺘﺰﻭﺝ ﺧﻠﻴﻨﺎ ﻧﻨﻬﺰﻡ ﺍﻧﻲ ﻭﻳﺎﺝ ﻭﻧﺴﺎﻓﺮ
ﺩﺍ ﺍﺳﺒﻪ ﻫﻮ ﺣﻂ ﺍﻳﺪﻩ ﻋﻠﺊ ﺷﻔﺎﻳﻔﻲ ... ﻻ ﻣﺤﺪ ﻳﻜﺘﻠﺞ ﻭﻳﻐﺴﻞ ﻋﺎﺍﺍﺭﻩ ﺍﻧﻲ ﺭﺍﺡ ﺍﺗﺰﻭﺟﺞ ﺍﻧﺘﻲ ﺭﺍﺡ ﺗﻜﻮﻧﻴﻦ ﺧﺎﻟﺘﻲ ﻳﻌﻨﻲ ﺣﻼﻝ
ﻫﺰﻳﺖ ﺍﻳﺪﻱ ﺧﺮﺏ ﺑﺎﻟﺤﻆ ﺍﻱ ﻭﺍﻟﻠﻪ ﻫﻮ ﻫﺬﺍ ﺣﻀﻲ
ﻛﺘﻠﻪ ﺑﻐﻀﺐ ... ﺗﺮﺉ ﺍﻧﻲ ﺯﻭﺟﺘﻚ ﺯﻭﺟﺘﻚ
ﺣﻀﻨﻲ ﺑﻔﺮﺣﻪ ... ﺻﺪﻙ ﻻ ﻻﺍﺍ ﺍﻧﺘﻲ ﺟﺬﺍﺍﺍﺍﺑﻪ ﺍﻧﺘﻲ ﺟﺬﺍﺑﻪ ﻣﺎ ﻣﺘﻮﻗﻊ ﺍﻧﻲ ﻭﻳﺎﺝ ﺗﺰﻭﺟﻨﻪ
ﺍﺑﻦ ﻋﻤﺞ ﺍﻟﻨﻬﺊ ﻋﻠﻴﺞ ﻛﺘﻠﺘﻪ ﺍﻳﻲ ﺍﻳﻲ ﺍﺗﺬﻛﺮﺕ ﻫﻬﻬﻪ
ﺷﻔﺘﻪ ﻭﻋﺪﺗﺞ ﻭﻭﻓﻴﺖ ﺑﻮﻋﺪﻱ ﺑﻌﺪ ﻣﻨﺎ ﻭﻫﻴﺞ ﺗﻐﻨﻴﻠﻲ ﻛﻠﻪ .. ﻭﻗﻮﻭﻭﻟﻲ ﺍﺣﺒﺒﺒﻚ ﺣﺘﺊ ﺗﻌﺮﺽ ﺿﺤﻜﺘﻲ ﺍﺣﺒﺒﺞ ﺑﺖ ﺍﻟﻜﻠﺐ
ﺳﺤﺒﺘﻪ ﻭﻛﻌﺪﺗﻪ ﺑﺎﻟﺤﻮﻭﻭﺵ ﻭﻫﻮ ﻛﻌﺪ ﻳﻐﻨﻲ ... ﻫﺰﻱ ﻫﺰﻱ ﻫﺰﻱ ﺧﺼﺮﺝ ﻭﻫﺰﻱ ﻃﻮﻭﻟﺞ ﻭﺗﻌﺎﻱ ﺍﺭﻛﺼﻲ
ﻣﺪﺭﻱ ﺷﻴﻐﻨﻲ ﻭﻣﺪﺭﻱ ﺷﻨﻮ ﻳﺤﺠﻲ ﻛﻠﺖ ﺍﺧﺎﺑﺮ ﺟﺎﺳﺮ ﻭﺍﺧﻠﻲ ﻳﺬﺑﺤﻪ ﺑﺲ ﺍﺳﺘﻐﻔﺮﺕ ﺭﺑﻲ
ﺍﻧﻮﺏ ﺑﺲ ﻣﻦ ﻳﺴﻜﺮ ﻳﺠﻴﻨﻲ ﻭﻳﺼﻴﺮ ﺑﺲ ﻫﻮ ﻭﺑﺲ ﻳﻀﻞ ﻣﺎ ﻳﻌﺮﻑ ﺍﻣﻪ ﻣﻦ ﺍﺑﻮﻭﻭ
ﺧﺎﺑﺮﺕ ﻫﻠﺊ ﺻﻼﺡ ﻻﻥ ﺻﻼﺡ ﺍﻫﺪﺉ ﻣﻦ ﺍﺧﻮﻭ ﻛﻠﺖ ﺣﺘﺊ ﻣﺎ ﺍﻓﺘﻌﻞ ﻣﺸﺎﻛﻞ ...
ﺧﺎﺑﺮﺗﻪ ﻭﻫﻮ ﺧﻄﻴﻪ ﻧﺺ ﺳﺎﻋﻪ ﻭﺍﺟﻪ ﻟﻜﻪ ﺟﻌﻔﺮ ﺷﻮﻳﻪ ﺻﺎﺣﻲ ﺿﻞ ﻳﺮﺯﻝ ﺑﻲ ﻭﺑﻌﺪﻫﺎ ﺍﺧﺬﻩ ﻭﺭﺍﺡ ....
ﺗﻨﻬﺪﺕ ﺑﻀﻴﻖ ﺷﻠﻮﻥ ﺑﻲ ﻫﺬﺍ ﺷﺼﺎﻳﺮ ﻭﻳﺎﻩ ﻣﻮ ﻃﺒﻴﻌﻲ ﻫﻮ ﻣﻮ ﺗﺮﻙ ﺍﻟﺸﺮﺏ ﻫﺴﻪ ﺷﺒﻲ ﻟﻴﺶ ﺭﺟﻊ ﻋﻠﻴﻪ
ﻋﺴﺎﻫﺎ ﺑﺤﻈﺞ ﻭﺑﺨﺘﺞ ﻳﺎ ﻧﻮﻳﻠﻪ ﻳﺎ ﺯﻣﺎﻟﻪ ....
...............................
ﺭﻳﻬﺎﻡ ...
ﻃﻠﻌﺖ ﻣﻦ ﺍﻟﻤﺴﺘﺸﻔﺊ ﺑﻌﺪ ﻣﺎ ﻳﺄﺳﻮﺃ ﻣﻦ ﺣﺎﻟﺘﻲ ﺑﺲ ﺍﻧﻲ ﻣﺎ ﻳﺄﺳﺖ ﻣﻦ ﺭﺣﻤﺔ ﺭﺑﻲ ﺍﺑﺒﺪ ﻭﺍﻣﻠﻲ ﺟﺎﻥ ﺑﺮﺑﻲ ﻛﺒﻴﺮ
ﺟﻨﺖ ﺑﺎﻟﺒﻴﺖ ﻛﻞ ﺷﻮﻳﻪ ﻭﺗﺠﻴﻨﻲ ﺟﻮﻭﻟﻲ ﺭﻏﻢ ﻫﻲ ﺣﺎﻟﺘﻬﺎ ﺍﺻﻌﺐ،ﻣﻦ ﺣﺎﻟﺘﻲ ﻻﻥ ﺟﺎﺳﺮ ﻣﺘﺨﺒﻞ ﻋﻠﻴﻬﺎ
ﻭﺣﺘﺊ ﻣﺎ ﻳﺒﺎﻭﻉ ﺑﻮﺟﻬﻬﺎ ﻭﺧﻄﻴﻪ ﻣﺤﺎﺭﺑﻬﺎ ﺑﻌﻴﺸﺘﻬﺎ ﺑﺤﻴﺚ ﻳﻔﺘﻌﻞ ﻣﺸﺎﻛﻞ ﺣﺘﺊ ﻟﻮ ﺑﺲ ﻳﺼﻴﺢ ﺑﺎﻟﺒﻴﺖ
ﻳﺨﻠﻴﻬﺎ ﺗﺮﺩﻡ ﺑﺎﻟﺒﻴﺖ ﺭﺩﻡ ﻭﻣﺎ ﺗﻌﺮﻑ ﻭﻳﻦ ﺗﻨﻄﻲ ﻭﺟﻬﻬﺎ ﺑﻲ ﻃﺒﻴﻌﻪ ﻣﻦ ﻳﺨﺒﺚ ﻳﻜﺮﻩ ﺍﻟﻮﺍﺣﺪ ﻳﻌﻴﺸﺘﻪ
ﺍﻧﻲ ﺣﺎﻟﺘﻲ ﺗﻌﺒﺎﻧﻪ ﺣﻴﻴﻞ ﺑﺲ ﻣﺎ ﺣﺒﻴﺖ ﺍﺭﻭﺡ ﺍﻻﻫﻠﻲ ﺣﺒﻴﺖ ﺍﻛﻮﻥ ﻫﻨﺎ
ﺫﺍﻙ ﺍﻟﻴﻮﻡ ﺍﺟﻪ ﺻﻼﺡ ﻣﺘﻌﺼﺐ ﻻﻥ ﻫﺬﺍ ﺟﻌﻔﺮ ﺳﻜﺮﺍﻥ ﻭﺛﺎﻧﻲ ﻳﻮﻡ ﻣﻦ ﺻﺤﺊ ﺗﻌﺎﺭﻙ ﻭﻳﺎﻩ ﻭﻧﻮﺍﻝ ﺗﺨﺒﻠﺖ ﺷﻠﻮﻥ ﺭﺍﻳﺢ ﺍﻟﺒﻴﺖ ﺷﻬﺪ
ﻭﺗﻌﺎﺭﻛﺖ ﻭﻳﺎﻩ ﻭﻫﻮ ﻳﺤﻠﻒ ﻣﺎ ﺭﺍﻳﺢ ﺍﻟﻬﺎ ﺑﺲ ﺻﻼﺡ ﺷﻬﺪ ﻋﻨﻪ
ﺟﺎﻥ ﻫﻲ ﺿﺎﺟﺖ ﺿﻠﺖ ﺗﺒﺎﻭﻋﻠﻲ ﻣﺪﺭﻱ ﺷﻠﻮﻥ ﻻﻥ ﻛﻠﺘﻠﻬﺎ ﻫﻲ ﻫﻢ ﺯﻭﺟﺘﻪ ﻭﺣﺎﻣﻞ ﻭﺍﺫﺍ ﺭﺍﺡ ﺍﻟﻬﺎ
ﺭﺩﺕ ﻋﻠﻴﻪ ﺑﺨﺒﺚ ... ﺍﺫﺍ ﺍﻧﺘﻲ ﺗﻘﺒﻠﻴﻦ ﺑﺎﻟﺰﻭﺟﺔ ﺍﻟﺜﺎﻧﻴﻪ ﻟﻌﺪ ﺧﻠﻲ ﺻﻼﺡ ﻳﺘﺰﻭﺝ ﻋﻠﻴﺞ ﻟﻮ ﻋﻠﻴﺞ ﺣﺮﺍﻡ ﻭﻋﻠﻴﻨﻪ ﺣﻼﻝ
ﺭﻓﻌﺖ ﺣﺎﺟﺐ ... ﻭﻟﻴﺶ ﻳﺘﺰﻭﺝ ﻋﻠﻴﻪ ﺯﻭﺟﻲ ﻳﺤﺒﻨﻲ ﻭﻳﺤﺘﺮﻣﻨﻲ ﻭﺍﻧﻲ ﺍﺣﺒﻪ ﻣﺎﻛﻮ ﻓﺪ ﺧﻠﻞ ﻳﺨﻠﻲ ﻳﺘﺰﻭﺝ ﻋﻠﻴﻪ ...
ﺟﺎﻥ ﺩﻛﻮﻝ ... ﻟﻴﺶ ﻳﻤﻪ ﻣﺎﻛﻮ ﺧﻠﻞ ﺍﻭﻝ ﺷﺊ ﺍﻧﺘﻲ ﺑﻌﺪ ﻣﺎ ﺗﺨﻠﻔﻴﻦ ﻭﻣﺴﺘﺤﻴﻴﻞ ﺗﺨﻠﻔﻴﻦ
ﻭﺛﺎﻧﻲ ﺷﺊ ﻣﺎ ﺳﺄﻟﻨﻲ ﻧﻔﺴﺞ ﺍﻧﺘﻲ ﻟﻴﺶ ﺍﻟﺪﻛﺘﻮﺭ ﻃﻠﻌﺞ ﻣﻦ ﺍﻟﻤﺴﺘﺸﻔﺊ،ﻭﺣﺎﻟﺘﺞ ﻣﺎ ﺗﺴﻤﺢ
ﺿﻠﻴﺖ ﺻﺎﻓﻨﻪ ﻋﻠﻴﻬﺎ ﻭﮔﻠﺒﻲ ﺭﺟﻒ ﻣﻦ ﻛﻼﻣﻬﺎ ﺑﺲ ﻣﺎﺟﺎﻭﺑﺘﻬﻞ ﻋﻠﺊ ﺗﺴﺎﺅﻻﺗﻬﺎ
ﺭﺩﺕ ﺑﻀﺤﻜﻪ ﺧﺎﻓﺘﻪ ... ﻻﻥ ﺍﻧﺘﻲ ﺍﻳﺎﻣﺞ ﻣﻌﺪﻭﺩﻩ ﻭﻣﺎ ﺿﻞ ﺍﻟﺞ ﺷﺊ ﻭﺗﻤﻮﺗﻴﻦ
ﺣﺴﻴﺖ ﺑﺰﻟﺰﺍﻝ ﺯﻟﺰﻝ ﺭﻭﺣﻲ ﺍﺑﺘﺴﻤﺖ ﺑﺤﺰﻥ ... ﺍﻧﺘﻲ ﻣﻮ ﺭﺏ ﺍﻟﻌﺎﻟﻤﻴﻦ ﺣﺘﺌﺘﻘﺮﺭﻳﻦ ﺷﻮﻛﺖ ﺍﻣﻮﺕ ﻳﺠﻮﺯ ﺍﻧﺘﻲ ﺗﻤﻮﺗﻴﻦ ﻗﺒﻠﻲ ﺍﻻﻋﻤﺎﺭ ﺑﻴﺪ ﻟﻠﻪ
ﺟﺎﻭﺑﺖ ﺑﻔﺰﻉ ... ﺗﻒ ﺗﻒ ﺗﻒ ﺍﺳﻢ ﺍﻟﻠﻪ ﺍﺳﻢ ﺍﻟﻠﻪ ﻳﻮﻣﺞ ﻗﺒﻞ ﻳﻮﻣﻴﺎﻧﻲ ﺍﻧﺴﺎﻧﻪ ﻣﻈﻠﻮﻣﻪ ﻭﺻﺎﺣﺒﺔ ﻳﺘﺎﻣﺊ ﺍﻟﻪ ﺍﻧﺘﻲ ﻣﻦ ﺗﻤﻮﺗﻴﻦ ﻣﻨﻮ ﻭﺭﺍﺝ
ﻭﺑﻌﺪﻳﻦ ﺍﻛﻮﻟﺞ ﺍﻧﺘﻲ ﺟﺎﻳﻪ ﺗﺤﺎﺳﺒﻴﻨﻲ ﺍﻧﻲ ﺷﺪﺧﻠﻨﻲ ﻫﻮ ﺍﻟﺪﻛﺘﻮﺭ ﻛﺎﻝ ﺍﻧﺘﻲ ﺍﻳﺎﻣﺞ ﻣﻌﺪﻭﺩﻩ ﻗﺎﺑﻞ ﺍﻧﻲ ﺟﺎﻳﺒﻪ ﻫﻞ ﻛﻼﻡ ﻣﻦ ﺟﻴﺒﻲ
ﻭﻫﺎﺍ ﺣﺒﻴﺒﺘﻲ ﻻ ﻋﺒﺎﻟﺞ ﺍﻧﻲ ﺍﻛﺮﻫﺞ ﺑﺎﻟﻌﻜﺲ ﺍﻧﻲ ﺍﺩﻋﻴﻠﺞ ﻭﺍﻧﺘﻲ ﻏﺎﻳﺒﻪ ﻻﻥ ﺍﻧﻲ ﻣﻮ ﺧﺒﻴﺜﻪ ﺣﺘﺊ ﺍﺩﻋﻲ ﻋﻠﺊ ﺍﻟﻌﺎﻟﻢ
ﺑﺲ ﻋﻔﻴﻪ ﻛﻠﻲ ﺍﻟﺼﻼﺡ ﺧﻠﻲ ﻳﻜﻒ ﻣﻦ ﺑﻨﺎﺗﻲ ﻭﻻ ﻛﻞ ﺷﻮﻳﻪ ﻭﻓﺘﺶ ﻣﻮﺑﺎﻳﻼﺗﻬﻦ
ﺗﺮﺉ ﺟﻌﻔﺮ ﻫﻮ ﺍﻟﻤﺴﺆﺅﻝ ﻋﻨﻬﻦ ﻭﺍﻧﻲ ﻣﺴﺆﻭﻟﺔ ﻋﻨﻬﻦ ﻭﺍﻟﻠﻪ ﺍﺫﺍ ﺻﻼﺡ ﻣﺎ ﻛﻒ ﻣﻦ ﺳﺠﺎﻭﻱ ﻭﺍﺧﻮﺍﺗﻪ ﻭﺍﻟﻠﻪ ﺗﺮﺉ ﺍﻛﻠﺠﻴﻬﺎ ﺑﺼﺮﺍﺣﻪ ﺗﺼﻴﺮ ﻛﺎﺗﻞ ﻭﻣﻜﺘﻮﻝ
ﻻﻥ ﺟﻌﻔﺮ ﻭﺍﻟﻠﻪ ﻣﺘﺤﻠﻒ ﺑﻴﻜﻢ ﻭﻳﻜﻮﻝ ﺍﻱ ﻭﺍﺣﺪ ﻳﺸﻚ ﺑﺴﺠﺎﻭﻱ ﻭﻳﻔﺘﺶ ﻣﻮﺑﺎﻳﻠﻬﺎ ﺍﺷﻚ ﺣﻠﻜﻪ
ﻓﺎﺣﺠﻲ ﻭﻳﻪ ﺻﻼﺡ ﻭﻛﻔﻮﻧﻪ ﺍﻟﺸﺮ ﻭﺍﻥ ﺷﺎﺀ ﺍﻟﻠﻪ ﺗﻄﻴﺒﻴﻦ ﻳﺎﺭﺏ ﻭﻣﺎ ﻳﺘﺤﻘﻖ ﻛﻼﻡ ﺍﻟﺪﻛﺘﻮﺭ ﻣﻦ ﻛﺎﻝ ﻛﻢ ﻳﻮﻡ ﻭﺗﻤﻮﺗﻴﻦ ... ﻳﻤﻜﻦ ﻛﺎﻝ ﺑﻌﺪ ﺧﻤﺴﺔ ﺍﻳﺎﻡ
ﺍﺣﺲ ﻛﻼﻣﻬﺎ ﻓﻮﺭﻧﻲ ﺷﻌﻞ ﺍﻟﻨﺎﺭ ﺑﺼﺪﺭﻱ ﺑﺲ ﻣﺎ ﻋﻨﺪﻱ ﻃﺎﻗﻪ ﺍﻟﻬﺎ ﻭﺍﻟﻨﻘﺎﺷﻬﺎ
ﻣﺸﻴﺖ ﺍﻟﻐﺮﻓﺘﻲ ﻭﺍﻧﻲ ﺍﺟﺮ ﺛﻴﺎﺏ ﺍﻟﻴﺄﺱ ﻭﺍﻟﻘﻬﺮ ...
ﺷﻤﺮﺕ ﺭﻭﺣﻲ ﻋﻠﺊ ﺳﺮﻳﺮﻱ ﻭﺍﻧﻲ ﺍﺑﺠﻲ ﺑﺼﻮﺕ ﻋﺎﻟﻲ ﻳﺎﺭﺑﻲ ﺭﺣﻤﺘﻚ ﻳﺎﺭﺑﻲ ﺍﻧﺖ ﺍﻟﺸﻔﺎﺀ ﻭﺍﻧﺖ ﺍﻟﻌﺠﻴﺐ ﻭﺍﻧﺖ ﺍﻟﺮﺣﻴﻢ ... ﺍﺭﻳﺪﻫﻢ ﻳﺘﻌﺠﺒﻮﻥ ﺑﺸﻔﺎﺋﻲ
ﻳﺎﺭﺑﻲ ﺑﺤﻖ ﻋﻠﻴﻞ ﻛﺮﺑﻼﺀ ﺗﺸﺎﻓﻴﻨﻲ ﻭﻻ ﺗﺨﻠﻴﻬﻢ ﻳﺘﺸﻤﺘﻮﻥ ﺣﺘﺊ ﺑﻤﺮﺿﻲ ﻭﻣﻮﺗﻲ
ﺍﻋﺮﻑ ﺍﻟﻤﻮﺕ ﻣﺎﺑﻲ ﺷﻤﺎﺗﻪ ﻻﻥ ﺍﻟﻤﻮﻭﺕ ﺣﻖ ﻭﻛﻠﻨﻪ ﻧﻤﻮﺕ ﺑﺲ ﻫﻞ ﺍﻧﺴﺎﻧﻪ ﻗﻬﺮﺗﻨﻲ ﺍﻧﺘﻲ ﻛﻔﻴﻠﻲ ﻳﺎﺭﺏ ﺑﺤﻖ ﻣﺮﻳﻢ ﺍﻟﻌﺬﺭﺍﺀ ﺍﺭﻳﺪﻙ ﺗﺸﺎﻓﻴﻨﻲ
ﺭﺣﺖ ﺗﻮﺿﻴﺖ ﻭﺻﻠﻴﺖ ﺭﻛﻌﺘﻴﻦ ﻗﺮﻳﺖ ﻗﺮﺍﻥ ﺍﺣﺐ ﺳﻮﺭﺓ ﻣﺮﻳﻢ ﺩﺍﺋﻤﺎ ﺍﺭﺩﺩﻫﺎ
ﻧﻤﺖ ﻋﻠﺊ ﺳﺠﺎﺩﺗﻲ ﻭﻣﻦ ﺑﻴﻦ ﺍﺣﻼﻣﻲ ﺟﻨﺖ ﻭﺍﻛﻔﻪ ﻭﺍﻧﻲ ﻻﺯﻣﻪ ﻭﺭﻗﻪ ﺑﻴﻀﻪ ﺑﻴﺪﻱ ﻭﻣﻄﺒﻜﻪ ﺑﺎﺣﻜﺎﻡ ﻭ ﻭﺍﻛﻔﻪ ﺑﺒﺎﺏ
ﻭﺍﻟﺒﺎﺏ ﺟﺎﻧﺖ ﺍﻟﻌﺎﻟﻢ ﻻﺯﻣﻪ ﻋﻠﻴﻪ ﺳﺮﻩ ﻭﺍﻧﻲ ﻭﺍﻛﻔﻪ ﻋﻠﺊ ﺻﻔﺤﻪ ﻭﺧﺠﻼﻧﻪ ﻭﻣﺴﺘﺤﻴﻴﻪ ﺣﻴﻴﻞ
ﻭﻃﻠﻊ ﻣﻨﻪ ﺭﺟﺎﻝ ﺿﺨﻢ ﺣﻴﻴﻞ ﻭ ﻣﻮﺯﺭ ﺑﻌﻠﻚ ﺍﺧﻀﺮ ﻭﺑﺼﻔﻪ ﻣﺮﻩ ﻻﺑﺴﻪ ﺍﺑﻴﺾ ﺑﺎﺑﻴﺾ ... ﺑﺲ ﻣﺎ ﺷﻔﺖ ﻭﺟﻬﻢ
ﺻﺎﺡ ﻋﻠﻴﻪ ﻛﺎﻝ ... ﺗﻌﺎﻟﻲ ﺭﻳﻬﺎﻡ ﺍﻧﻄﻴﻨﻲ ﻭﺭﻗﺘﺞ ﺧﻠﻴﻨﻲ ﺍﺷﻮﻑ ﺣﺎﺟﺘﺞ
ﺍﻧﻄﻴﺘﻪ ﺍﻟﻮﺭﻗﻪ ﻭﺍﻧﻲ ﻣﺘﺮﻗﺒﻪ ﺑﺨﻮﻑ ﺑﺎﻭﻉ ﻟﻠﻮﺭﻗﻪ ﻭﻛﺎﻝ ... ﻭﻳﻦ ﻋﻠﺘﺞ ﻳﺎ ﺭﻳﻬﺎﻡ
ﺍﺷﺮﺕ ﻋﻠﺊ ﻇﻬﺮﻱ
ﻫﻮ ﻧﺰﻉ ﺍﻟﻌﻠﻚ ﺍﻻﺧﻀﺮ ﻭﺍﻧﻄﺎﻩ ﻟﻠﻤﺮﻩ ﻛﻠﻬﺎ ﺷﺪﻱ ﻋﻠﺊ ﻇﻬﺮﻫﺎ
ﻫﻲ ﺍﻟﻤﺮﻩ ﺭﺑﻄﺘﻪ ﻋﻠﺊ ﻇﻬﺮﻱ ﻭﺷﺪﺗﻪ ﺣﻴﻴﻞ ﻛﺎﻟﺖ ... ﺭﻳﻬﺎﻡ ﻫﺎﻱ ﺛﺎﻧﻲ ﻣﺮﻩ ﻧﺠﻴﺞ ﺑﻌﺪ ﻣﺎ ﻧﺠﻴﺞ ﻭﻻ ﺗﺠﻴﻨﻪ ﺣﺎﺟﺘﺞ ﺍﻧﻘﻀﺖ ﺑﺄﻣﺮ ﺭﺑﺞ ...
ﺩﺍﺭﺗﻨﻲ ﻋﻠﺊ ﺿﻬﺮﻱ ﻭﻛﺎﻟﺖ ... ﻳﺎﻟﻠﻪ ﺭﻭﺣﻲ ﻭﺣﺎﻓﻀﻲ ﻋﻠﺊ ﺍﻟﻌﺸﺮﻩ ﺍﻻﺧﺬﺗﻴﻬﺎ ﻭﺑﻌﺪ ﻻ ﺗﻠﺘﻔﺘﻴﻴﻦ ﺍﻣﺸﻲ ﺑﺰﻭﺩﺝ
ﺧﻠﻴﺖ ﻭﺭﺣﺖ ﺍﺭﻛﺾ ﻭﺍﻣﺸﻲ ﻣﻠﻬﻮﻭﻓﻪ ﻭﺧﺎﻳﻔﻪ ﻭﻻﺯﻣﻪ ﺍﻟﻌﻠﻚ ﺑﻴﺪﻱ ...
ﻓﺰﻳﺖ ﻣﻦ ﺍﻟﺤﻠﻢ ﻣﺮﻋﻮﻭﻭﺑﻪ ﻭﺧﺎﻳﻔﻪ ﺭﻏﻢ ﺍﻟﺤﻠﻢ ﺣﻠﻮﻭ ﻭﻣﺎ ﺑﻲ ﺷﺊ
ﺣﻤﺪﺕ ﺭﺑﻲ ﻭﺍﺛﻨﻴﺖ ﻋﻠﻴﻪ ﻭﻛﻤﻠﺖ ﻗﺮﺍﺀﻩ ﻗﺮﺁﻥ ...
ﺿﻠﻴﺖ ﻛﻢ ﻳﻮﻡ ﺣﺴﻴﺖ ﻧﻔﺴﻲ ﺯﻳﻨﻪ ﻭﻣﺎ ﺑﻴﻪ ﺷﺊ ﺭﻏﻢ ﻛﺎﻟﻮ ﺍﻳﺎﻣﻲ ﻣﻌﺪﻭﺩﻩ ﻣﺮﺕ ﺍﻻﻳﺎﻡ ﻃﺒﻴﻌﻴﻪ
ﻭﺻﻼﺡ ﻣﻦ ﺷﺎﻓﻨﻲ ﺟﺎﻥ ﻓﺮﺣﺎﻥ ﺑﻴﻪ ﻭﻣﺘﺮﻗﺐ ﺣﺎﻟﺘﻲ ﺭﺟﻌﻨﻲ ﻟﻠﺪﻛﺘﻮﺭ
ﺳﻮﻳﺖ ﻓﺤﻮﺻﺎﺕ ﻛﺎﻣﻠﻪ ﻭﺗﺤﺎﻟﻴﻞ ﻭﺳﻮﻧﺎﺭﺍﺕ
ﺍﻧﻄﻴﺘﻬﻢ ﻟﻠﺪﻛﺘﻮﺭ ﻫﻮ ﺑﺎﻭﻋﻠﻲ ﻭﺍﺑﺘﺴﻢ ﻛﺎﻝ ... ﺭﻳﻬﺎﻡ ﺷﻤﺴﻮﻳﻪ
ﺟﺎﻭﺑﺘﻪ ﺑﺎﺭﺗﺒﺎﻙ ... ﻟﻴﺶ ﺩﻛﺘﻮﺭ ﺷﻜﻮﻭ
ﺭﺟﻊ ﺑﺎﻭﻉ ﻟﻠﺘﺤﺎﻟﻴﻞ ﻛﻠﻬﻢ ﻭﺿﻞ ﻳﻘﻠﺐ،ﺑﻴﻬﻢ ﻛﺎﻝ ... ﻣﺎ ﺷﺎﺀ ﺍﻟﻠﻪ ﻣﺎ ﺷﺎﺀ ﺍﻟﻠﻪ ﺍﻟﻤﺮﺽ ﻣﺼﻔﺮ ﻭﺍﻟﺪﻡ ﺻﺎﺍﺍﻋﺪ ﻭﻧﺨﺎﻋﺞ ﺍﺻﺤﺊ ﻣﻦ ﻧﺨﺎﻋﻲ ﺍﻧﺘﻲ ﻫﺎﻱ ﻣﻌﺠﺰﻩ ﻣﻌﺠﺰﻩ ﺑﺎﺑﺎ ﺗﻌﺮﻓﻴﻦ ﺷﻨﻮ ﺍﻟﻤﺮﺽ ﺍﻧﻤﺤﺊ ﻣﻨﺞ ؟
ﻓﺘﺤﺖ ﺷﻔﺎﻳﻔﻲ ﻣﺼﺪﻭﻣﻪ ﻭﺍﻟﺪﻣﻮﻉ ﻏﻠﺒﺖ ﻋﻠﻴﻪ ﻣﻦ ﻛﻼﻣﻪ ﺑﺎﻭﻋﺖ ﺍﻟﺼﻼﺡ ﺍﻟﻲ ﺳﺎﺑﻘﻨﻲ ﺑﻔﺮﺣﺘﻪ
ﺳﺤﺒﻨﻲ ﻭﺣﻀﻨﻲ ﻭﺍﻧﻲ ﺍﺑﺠﻲ ﻭﻫﻮ ﻳﺤﻤﺪ ﺑﺮﺑﻲ ... ﺍﻟﺤﻤﺪ ﻟﻠﻪ ﻳﺎﺭﺑﻲ ﺍﻟﺤﻤﺪ ﺍﻟﻠﻪ ﻣﺎ ﺧﻴﺒﺖ ﺿﻨﻲ ﺍﻟﻚ ﺍﻟﺤﻤﺪ ﻭﺍﻟﺸﻜﺮ
ﺭﺟﻊ ﻛﺎﻝ ... ﺍﻟﺪﻛﺘﻮﺭ ﺑﻌﺪ ﻣﺎﻛﻮ ﺣﺎﺟﻪ ﺗﺎﺧﺬﻳﻦ ﺍﻱ ﻋﻼﺝ ﺍﺗﺮﻛﻲ ﺍﻱ ﻋﻼﺝ ﻳﺘﻌﻠﻖ ﺑﻬﻞ ﻣﺮﺽ ﺍﺳﺠﻠﺞ ﺑﺲ ﻭﻗﺎﻳﻪ ﻣﺎﺭﺳﻲ ﺣﻴﺎﺗﺞ ﻃﺒﻴﻌﻴﻪ ﻭﺧﻠﻲ ﺯﻭﺟﺞ ﻳﺘﻘﺮﺏ ﻣﻨﺞ
ﺍﺫﺍ ﺻﺎﺭ ﻋﻨﺪﺝ ﻃﻔﻞ ﺍﻋﺘﺒﺮﻱ ﺍﻟﻤﺮﺽ ﺑﻌﺪ ﻳﻨﻘﺘﻞ ﻧﻬﺎﺋﻴﺎ ﺍﻓﺘﻬﻤﺘﻲ ﺑﺎﺑﺎ ﻭﻛﻞ ﻓﺘﺮﻩ ﺭﺍﺟﻌﻴﻨﻲ ﺍﺑﺎﺷﺮ ﺣﺎﻟﺘﺞ
ﺍﺑﺘﺴﻤﺖ ﻭﺍﻧﻲ ﺍﻫﺰ ﺭﺍﺳﻲ ﺑﺄﻱ ﻭﻓﺮﺣﺎﻧﻪ ﺣﻴﻴﻴﻞ ﻭﺻﻼﺡ ﺣﺎﺿﻨﻲ ﻭﻳﺒﻮﺱ ﺑﺎﺩﻳﻪ
ﻛﻠﻨﺎﻟﻬﻢ ﺍﻧﻲ ﻃﺒﺖ ﻣﻦ ﺍﻟﻤﺮﺽ ﺧﻄﻴﻪ ﺍﻟﻜﻞ ﻓﺮﺡ ﻭﺍﺑﻮﻳﻪ ﺫﺑﺢ ﻃﻠﻴﺎﻥ ﻭ ﺯﻋﻬﺎ ﻋﻠﺊ ﺍﻟﻔﻘﺮﺍﺀ
ﻭﺻﻼﺡ ﺫﺑﺢ ﺑﺲ ﻋﺰﻡ ﺍﻗﺎﺭﺑﻬﻢ ﻭﺳﻮﺍﻩ ﺛﻮﺍﺏ ﻟﻮﺟﻬﻪ ﻟﻠﻪ ﺗﻌﺎﻟﻰ
ﺍﻟﺤﻤﺪ ﻟﻠﻪ ﻳﺎﺭﺏ ﻣﺎ ﺧﺎﺏ ﻣﻦ ﻟﺠﺄ ﺍﻟﻴﻚ ﺍﻟﺤﻤﺪ ﻟﻠﻪ ﻳﺎﺭﺑﻲ ﺩﻛﻴﺖ ﺑﺎﺑﻚ ﻭﻣﺎ ﻓﺸﻠﺘﻨﻲ ﺍﻟﻒ ﺍﻟﺤﻤﺪ ﻟﻠﻪ ﻭﺍﻟﺸﻜﺮ
........................
ﺟﻮﻟﻴﻴﺖ ...
ﻫﺎﻱ ﺍﻻﻳﺎﻡ ﺍﺣﺴﻪ ﻣﺜﻞ ﺍﻟﺼﺒﺎﺭﻩ ﻛﻞ ﻳﻮﻡ ﺗﻨﻮﻟﺪ ﺷﻮﻛﻪ ﺟﺪﻳﺪﻩ
ﺩﻳﺤﺎﺭﺑﻨﻲ ﺍﺣﺴﻪ ﺣﺎﻗﺪ ﻋﻠﻴﻪ ﺑﺲ ﻧﻈﺮﺍﺕ ﻋﻴﻮﻧﻪ ﺗﺰﻟﺰﻟﻨﻲ ﻣﺘﺨﺒﻞ ﻣﻦ ﺭﻭﺣﺘﻲ ﻛﻮﻭﻭﻟﺶ ﻣﺘﺨﺒﻞ
ﻣﺎﻣﺎ ﺭﺿﻴﻪ ﺍﺑﺪ ﻣﺎ ﺍﻧﻄﺘﻪ ﺍﻱ ﻣﺠﺎﻝ ﺿﺪﻱ ﻭ ﻣﺠﺘﺒﺊ ﻭﻣﺮﺗﻀﺊ ﻳﻜﻠﻮﻟﻪ ﺭﺣﻨﻪ ﺍﻟﺠﺪﻭ ﺍﺑﻮ ﺟﺎﺑﺮ
ﻫﻮ ﺭﺍﻳﺢ ﺳﺎﻝ ﻋﻤﺘﻲ ﺍﻡ ﺟﺎﺑﺮ ﻭﻫﻲ ﻛﻠﺘﻠﻪ ﻻ ﺍﺑﺒﺪ ﻭﺍﻟﻠﻪ ﻣﺎ ﺍﺟﺘﻨﻪ ﻭﻫﻮ ﻳﻌﺮﻑ ﺍﻧﻲ ﻣﺎ ﺭﺣﺖ ﻻﺑﻮ ﺟﺎﺑﺮ
ﻫﺬﺍ ﻣﺮﺗﻀﺊ ﻭﻣﺸﻤﺶ ﻣﻮ ﻳﺸﻮﻓﻮﻥ ﺍﺑﻮﻫﻢ ﻣﻴﺤﺠﻲ ﻭﻳﺎﻳﻪ ﻭﺑﺲ ﻳﺼﻴﺢ ﻭﻧﻮﺍﻝ ﺗﻔﺘﺮ ﻋﻠﻴﻪ ﺣﻴﻄﻠﻜﺞ ﺣﻴﻄﻠﻜﺞ
ﻫﻢ ﻛﻞ ﺷﻮﻳﻪ ﻭﺭﺍﺣﻮ ﺍﻟﺠﻌﻔﺮ ﻭﻛﻠﻮﻟﻪ ... ﺩﻋﻔﺮ ﺍﺑﻮ ﺍﻟﻘﻴﻮﺭ ﺍﺑﻮ ﻗﻠﻖ ﺍﻣﻲ ... « ﺟﻌﻔﺮ ﺍﺑﻮ ﺍﻟﻄﻴﻮﺭ ﺍﺑﻮﻱ ﻃﻠﻚ ﺍﻣﻲ »
ﺻﺪﻙ ﺿﺤﻜﺖ ﻋﻠﻴﻬﻢ ﺑﻴﻮﻣﻬﺎ ﻭﻻ ﻳﻜﻌﺪﻭﻭﻥ
ﻭﺭﺍﺣﻮ ﺟﺎﺑﻮ ﺍﻟﺪﻳﺞ ﻣﻦ ﺍﻟﺠﻴﺮﺍﻥ ﻭﻳﺮﻛﻀﻮﻥ ﻭﺭﺍﻩ ﺑﻨﻌﺎﻝ ﻳﺮﺩﻭﻥ ﺑﻜﺘﻠﻮﻧﻪ ﻻﻥ ﺷﺮﺩ ﻣﻨﻬﻢ ﻭﺭﺍﺡ ﻋﻨﺪ ﺍﻟﺠﻴﺮﺍﻥ
ﺍﺫﺍ ﻣﺸﻤﺶ،ﻳﻜﻮﻟﻪ ﺑﻌﺼﺒﻴﺔ ... ﻭﺍﻟﻠﻪ ﻋﻔﻔﻔﻚ ﻟﻴﺲ ﺭﻭﺡ ﺑﻴﺖ ﻋﻤﻮ ﻫﺎﺍﺍ
ﻃﺒﻌﺎ ﻣﺠﺘﺒﺊ ﻋﺎﻟﺠﻨﺎﻩ ﻫﻮ ﻳﻤﺸﻲ ﻋﺎﺩﻱ ﺑﺲ ﺷﻮﻳﻪ ﺭﺟﻠﻪ ﺍﻟﻴﺴﺮﺉ ﻳﻌﺮﺝ ﻣﻨﻬﺎ ﻭﺑﻤﺮﻭﺭ ﺍﻟﻌﻼﺝ ﻳﻄﻴﺐ ﻣﻨﻬﺎ ﺍﻛﺪ ﺍﻟﻨﻪ ﺍﻟﺪﻛﺘﻮﺭ
ﺑﺲ ﺿﻠﺖ ﻋﻨﺪﻩ ﺍﻟﻔﺘﺤﻪ ﺍﻟﻲ ﺑﻘﻠﺒﻪ ﻫﻢ ﻛﺎﻟﻮ ﻻ ﺗﺨﺎﻓﻮﻥ ﻋﻠﻴﻪ ﺍﻥ ﺷﺎﺀ ﺍﻟﻠﻪ ﻣﺎ ﺑﻲ ﺷﺊ
ﺍﻟﺤﻤﺪ ﻟﻠﻪ ﻣﻦ ﻃﺎﺏ ﻧﻮﺍﻝ ﻛﻠﻪ ﺗﺼﻴﺢ ﻋﻠﻴﻪ ﺍﻟﻤﻌﻮﻕ
ﺑﺎﻭﻋﺖ ﻋﻠﻴﻬﻢ ﻭﻫﻢ ﻳﺮﻛﻀﻮﻥ ﻟﺰﻣﻮﺍ ﺍﻟﺪﻳﺞ ﻭﻧﺰﻋﻮﺍ ﻧﻌﺎﻻﺗﻬﻢ ﻟﺒﺴﻮ ﺍﻟﻨﻌﺎﻝ
ﻣﺮﺗﻀﺊ ﻳﻜﻮﻟﻪ ﺑﺘﻔﺎﻫﻢ ... ﻋﺒﻴﺒﻲ ﻻ ﺍﻣﺸﻲ ﻋﺎﻓﻲ ﺍﻗﺐ ﺩﺯﺍﺯﻩ ﺑﺠﺮﻙ ... ﺣﺒﻴﺒﻲ ﻻ ﺗﻤﺸﻲ ﺣﺎﻓﻲ ﺗﻄﺐ ﻛﺰﺍﺯﻩ ﺑﺮﺟﻠﻚ
ﻫﻮ ﺍﻟﺪﻳﺞ ﺑﺲ ﻳﺮﻳﺪ ﻳﺨﻠﺺ ﺭﻭﺣﻪ ﻣﻨﻬﻢ ﻭﻫﻢ ﻻﺯﻣﻲ ﻟﻴﺶ ﻣﺎ ﻧﻜﺮ ﻣﺠﺘﺒﺊ ﺑﺤﺎﺟﺒﻪ ﻭﻫﻮ ﺿﻞ ﻳﺼﺮﺥ
ﺭﻛﻀﺖ ﻋﻠﻴﻬﻢ ﻭﺍﺷﻮﻑ ﺍﻟﺪﻡ ﻳﻨﺰﻝ ﻣﻦ ﺣﺎﺟﺒﻪ ﺑﺲ ﻗﻠﻴﻞ ﻭﺍﻟﺪﻳﺞ ﺷﻤﺮ ﻧﻌﺎﻟﻬﻢ ﻭﺍﻧﻬﺰﻡ
ﻭﻣﺮﺗﻀﺊ ﻳﺮﻛﺾ ﻭﺭﺍﻩ ... ﻧﻌﻠﻪ ﺍﺑﻮﻭﻭﻙ ﻭﺍﻟﻠﻪ ﻋﻔﻚ ﺍﻟﻴﻮﻡ ﻟﻴﺶ ﻋﻔﻴﺖ ﺍﺣﻮﻳﻪ ...
ﻭﻣﺠﺘﺒﺊ ﻳﺮﻳﺪ ﻳﻔﺮﻏﺺ ﻧﻔﺴﻪ ﻣﻨﻲ ﻳﺮﻳﺪ ﻳﺮﻭﺡ ﻳﻌﻀﻪ ﻭﻳﻜﻮﻟﻲ ... ﻋﻮﻓﻴﻨﻲ ﺳﻜﻴﺘﻪ ﻻ ﺍﻋﻔﺞ
ﺧﻠﺺ ﻧﻔﺴﻪ ﻣﻨﻲ ﻭﺭﺍﺡ ﻳﺮﻛﺾ
ﺩﺧﻞ ﺟﺎﺳﺮ ﻭﻫﻮ ﺑﻘﻤﺘﻪ ﻏﻀﺒﻪ ﺑﺎﻭﻋﻠﻲ ﺑﺠﺒﺮﻭﺕ ﻛﺎﻝ ... ﺗﻌﺎﻟﻲ ﺑﺴﺮﻋﻪ
ﺍﻧﻲ ﻣﻦ ﻛﺎﻝ ﺗﻌﺎﻟﻲ ﺣﺴﻴﺖ ﻛﻞ ﺟﺴﻤﻲ ﻣﺎﺕ ﺑﺲ ﻗﻮﻳﺖ ﻧﻔﺴﻲ ﻭﺧﻠﻴﺖ ﻭﺭﺣﺖ ...
ﺑﺎﻭﻋﻠﻲ ﺑﺠﻤﻮﺩ ﻛﺎﻝ ... ﺫﺍﻙ ﺍﻟﻴﻮﻡ ﻣﻦ ﻃﻠﻌﺘﻲ ﻣﻦ ﺩﻭﻭﻥ ﻋﻠﻤﻲ ﻭﻳﻴﻦ ﺭﺣﺘﻲ
ﺑﻠﻌﺖ ﺭﻳﻜﻲ ﺑﻘﻠﻖ ﻭﻫﻤﺴﺖ ﻭﺍﻧﻲ ﺍﻟﺰﻡ ﺑﻄﻨﻲ ﻭﺭﺟﻠﻴﻪ ﺗﺮﺟﻒ ... ﻟﻠﺪﻛﺘﻮﺭ
ﺭﺩ ﻣﻦ ﺑﻴﻦ ﺍﺳﻨﺎﻧﻪ .... ﻻﺍﺍﺍﺍﺍ ﺭﺣﺘﻲ ﺍﻟﺸﻴﺨﻜﻢ ﻛﺎﻇﻢ ﺍﺑﻦ ﺯﺑﻮﻭﻥ
ﺭﻣﺸﺖ ﺑﻌﻴﻮﻧﻲ ﻭﻛﻠﺒﻲ ﻳﺨﻔﻖ ﺑﻘﻮﻭﻩ ﺑﻠﻌﺖ ﺭﻳﻜﻲ ﺍﻟﻤﺮ ﺑﺮﻋﺐ ﻭﻣﺠﺎﻭﺑﺘﻪ
ﻛﺎﻝ ... ﺷﻌﻨﺪﺝ ﺭﺣﺘﻲ ﺍﻟﻪ ﻭﺑﺄﻱ ﺩﻭﻟﻪ ﻋﺎﺍﺍﺍﺻﻢ
ﻫﺰﻳﺖ ﺭﺍﺳﻲ ﺑﻨﻔﻲ
ﻫﻮ ﺻﺮﺥ ﺑﻮﺟﻬﻲ ﺑﺼﻮﻭﺕ ﻏﺎﺿﺐ ... ﺍﺣﺠﻴﻴﻴﻲ
ﺣﺴﻴﺖ ﺑﺸﺊ ﺩﺍﻓﻲ ﻧﺰﻝ ﻋﻠﻴﻪ ﺗﺠﺎﻫﻠﺖ ﻛﻼﻣﻪ ﺍﻟﻐﺎﺿﺐ ﻭﺑﺎﻭﻋﺖ ﺍﻟﺜﻮﺑﻲ ﺷﻔﺖ ﺍﻟﺪﻡ ﺻﺮﺧﺖ ﺑﺼﻮﺕ ﻋﺎﻟﻲ ... ﻳﻤﻤﻤﻤﻪ ﺷﻨﻮﻭﻭﻭ ﻫﺬﺫﺫﺍ ﺩﻣﻤﻤﻢ ﺩﻣﻤﻢ
ﻧﻬﺎﻳﺔ ﺍﻟﺒﺎﺭﺕ ... ﻳﺘﺒﻊ