قصص عراقية:
ﺍﻟﺒﺎﺭﺕ ﺍﻟﺜﺎﻣﻦ
ﺭﻭﺍﻳﺔ ... ﺟﻮﻟﻴﻴﺖ ﻭﺍﺳﺮﻫﺎ ... ﻏﻴﺎﻫﺐ ﺍﻹﻧﺘﻘﺎﻡ
ﺑﻘﻠﻤﻲ ... ﻧﻮﺭ ﺳﻤﻮ ﺍﻟﻌﺮﺍﻕ
💔💔💔💔💔💔💔💔💔
ﻟﻢ ﻳﻴﺄﺱ ﺯﻛﺮﻳﺎ، ﺑﺎﻟﺮﻏﻢ ﻣﻦ ﺩﻭﺍﻋﻲ ﺍﻟﻴﺄﺱ : ﻭﻫﻦ ﻋﻈﻤﻪ، ﻭﺍﺷﺘﻌﻞ ﺭﺃﺳﻪ ﺷﻴﺒًﺎ، ﻭﻛﺎﻧﺖ ﺍﻣﺮﺃﺗﻪ ﻋﺎﻗﺮًﺍ .. ﻟﻜﻨﻪ ﻇﻞ ﻳﺤﺴﻦ ﺍﻟﻈﻦ ﺑﺮﺑﻪ . ﴿ ﻭﻟﻢ ﺃﻛﻦ ﺑﺪﻋﺎﺋﻚ ﺭﺏّ ﺷﻘﻴﺎ ﴾
......................................
ﺣﻠﻮ ﺍﻻﻧﺴﺎﻥ ﻣﻦ ﻳﻔﺮﺡ ﻳﻠﻜﻪ ﺍﻧﺴﺎﻥ ﻳﻔﺮﺡ ﺍﻟﻔﺮﺣﺘﻪ ﻭﻣﻦ ﻳﺤﺰﻥ .. ﻳﺤﺰﻥ ﺍﻟﺤﺰﻧﻪ ...
ﻫﻴﺞ ﺍﻧﻲ ﻭﺭﻫﻮﻭﻣﻪ ﻣﺎ ﺻﺎﺭ ﻭﻳﺎﻳﻪ ﻣﻮﻗﻒ ﺣﺰﻳﻦ ﺍﺫﺍ ﻣﺎ ﺟﺎﻧﺖ ﻭﺍﻛﻔﻪ ﻭﻳﺎﻳﻪ ﺑﻲ
ﻭﻻ ﺻﺎﺭ ﻭﻳﺎﻳﻪ ﻣﻮﻗﻒ ﻣﻔﺮﺡ ﺍﺫﺍ ﻣﺎ ﺷﺎﺭﻛﺘﻨﻲ ﻓﺮﺣﺘﻲ
ﺭﻳﻬﺎﻡ ﺍﻻﻧﺴﺎﻧﻪ ﺍﻟﻨﻘﻴﻪ ﺍﻃﻬﺮ ﻗﻠﺐ ﻭﺍﺣﻦ ﻗﻠﺐ ﻋﻠﻴﻪ ﻣﺎ ﺍﺗﻮﻗﻊ ﻫﻴﺞ ﺗﻤﻮﺕ ﻭﺗﺘﺮﻛﻨﻲ ﺍﻟﻮﺣﺪﻱ
ﺍﻧﻲ ﺍﺣﺲ ﺍﻟﺪﻧﻴﺎ ﻭﺍﻛﻔﻪ ﺑﻌﻴﻨﻲ، ﻭﻫﻮﺍﻳﻪ ﺍﺧﺬﺕ ﻋﺰﺍﺯ ﻣﻨﻲ ﻟﻼﺳﻒ ﻋﺰﺍﺯﻱ ﺑﻌﺎﺩ ﻋﻨﻲ
ﺑﺲ ﺭﻫﻮﻣﻪ ﻭﻳﺎﻳﻪ ﺑﻬﻞ ﺑﻴﺖ ﻭﺟﺎﻧﺖ ﺍﻟﻤﺪﺍﻓﻊ ﺍﻻﻭﻝ ﺍﻟﻲ ﻣﺎ ﻓﺪﻳﻮﻡ ﻏﺜﺘﻨﻲ ﻭﻻ ﻓﺪ ﻳﻮﻡ ﺳﻤﻌﺘﻨﻲ ﺣﺠﺎﻳﻪ ﻣﺤﻠﻮﻩ ﻭﻻ ﻓﺪ ﻳﻮﻡ ﺷﻬﺪﺕ ﺯﻭﺭ ﺿﺪﻱ،
ﻭﺣﺘﺊ ﻣﻦ ﺍﺧﻮﻳﻪ ﻗﺘﻞ ﻋﻤﻬﺎ ﻭﺍﺑﻦ ﻋﻤﻬﺎ ﻭﺣﻔﻴﺪﺗﻬﻢ ﺟﺎﻧﺖ ﻛﻮﻭﻟﺶ ﺣﻨﻴﻨﻪ ﻭﻳﺎﻳﻪ ﻭﺗﻨﺼﺤﻨﻲ ﻭﺗﺬﻛﺮﻧﻲ ﺑﻤﻲ ﺍﻭ ﺑﺎﻛﻞ
ﺍﻟﻜﻠﻤﻪ ﺍﻟﻄﻴﺒﻪ ﺗﻌﺘﺒﺮ ﺩﻳﻴﻦ ﻋﻠﻴﻪ ﻭ ﺭﻳﻬﺎﻡ ﻣﺎ ﺧﻠﺖ ﺑﺎﻟﻜﻠﺐ ﻟﺠﻤﻪ ﻭﻻ ﻓﺪ ﻳﻮﻡ ﺍﺫﺍﻧﻲ
ﺩﺭﺕ ﻭﺟﻬﻪ ﻋﻠﻴﻪ ﺍﻧﺼﺪﻣﺖ ﻣﻦ ﺍﻟﺸﻔﺘﻪ ﺻﺮﺭﺧﺖ ﻳﺼﻮﺕ ﻋﺎﻟﻲ ... ﺭﻳﻬﺎﺍﺍﺍﻡ ﺭﻳﻬﺎﺍﻡ ﺍﻛﻌﺪﻱ ﺍﻛﻌﺪﻳﻴﻴﻲ
ﺍﻫﺰ ﺑﻴﻬﺎ ﻣﺎﻛﻮ ﺍﻱ ﻧﻔﺲ ﻣﺜﻞ ﻗﻄﻌﺔ ﺍﻟﻜﻨﻠﻜﺲ ﻣﺎ ﺑﻴﻬﺎ ﺍﻱ ﺭﻭﻭﺡ ﺟﺎﻧﺖ ﻏﺎﻟﻘﻪ ﻋﻴﻮﻧﻬﺎ ﺍﻟﺪﺍﻣﻌﻪ ﻭﺧﺸﻨﻬﺎ ﻧﺎﺯﻑ ﺩﻡ ﻭﻃﺎﻟﻊ ﻣﺜﻞ ﺍﻟﻮﻏﻒ ﻣﻦ ﺣﻠﻜﻬﺎ ...
ﺍﻧﻲ ﻛﻠﺖ ﻣﺎﺗﺖ ﻣﺎ ﺩﺍﻡ ﻫﻴﻴﺞ ﺿﻠﻴﺖ ﺍﺻﺮﺥ ﺑﺼﻮﻭﺕ ﻋﺎﻟﻲ ﺩﺧﻞ ﺟﺎﺳﺮ ﻳﺮﻛﺾ ﻭﺧﺎﻟﺘﻲ ﺍﻡ ﻓﻼﺡ ﻭﻣﺎﻣﺎ ﺭﺿﻴﻪ ﻭﺷﻬﺪ ﻭﺑﻨﺎﺕ ﻓﻼﺡ ...
ﺿﻠﻦ ﻳﻌﻴﻄﻦ ﻣﻦ ﺷﺎﻓﻨﻬﺎ ﺻﻔﺮﺭﺭﺭﺭﻩ ﻭﺍﻟﺸﻔﺎﻳﻒ ﺟﺎﻓﻪ
ﻣﺴﺤﺖ ﺷﻔﺎﻳﻔﻬﺎ ﺑﺸﺎﻟﻲ ﻻﻥ ﺗﺨﺮﺩﻟﺖ ﺍﺭﻳﺪ ﺍﺟﻴﺐ ﻛﻠﻨﻜﺲ ﺭﺟﻠﻴﻪ ﺟﻤﺪﺕ
ﻛﻌﺪ ﺟﺎﺳﺮ ﺭﻓﻌﻬﺎ ﺍﻟﺼﺪﺭﻩ ﻭﻫﻮ ﻳﻀﺮﺏ ﻋﻠﺊ ﺧﺪﻫﺎ ... ﺭﻳﻬﺎﺍﺍﻡ ﺭﻳﻬﺎﺍﻡ ﺗﺴﻤﻌﻴﻨﻲ
ﺣﻂ ﺭﺍﺳﻪ ﻋﻠﺊ ﺻﺪﺭﻩ ﻭﻟﺰﻡ ﺍﻟﻌﺮﻕ ﺍﻟﻨﺎﺑﺾ ﺑﻴﺪﻫﺎ
ﺑﺎﻭﻉ ﻋﻠﻴﻨﻪ ﻛﺎﻝ ... ﺑﻴﻬﺎ ﻧﻔﺲ ﺧﻠﻴﻨﻪ ﻧﻨﻘﻠﻬﺎ ﻟﻠﻤﺴﺘﺸﻔﺊ ...
ﺷﺎﻟﻬﺎ ﺑﻴﻦ ﺍﺩﻳﻪ ﻭﺍﻟﺤﺠﺎﺏ ﻣﺎﻟﺘﻬﺎ ﻭﻛﻊ ﻣﻦ ﺭﺍﺳﻬﺎ ﺟﺎﻥ ﺷﻌﺮﻫﺎ ﻭﻻ ﺷﻌﺮﺍﻳﻪ ﻣﻮﻗﻒ ﺗﻨﻬﺰ ﺍﻟﻪ ﺍﻻﺑﺪﺍﻥ
ﺍﻧﻲ ﺍﻧﻬﺎﺭﻳﻴﺖ ﻟﻄﻤﺖ ﻋﻠﺊ ﻭﺟﻬﻲ ... ﺭﻳﻬﺎﺍﻡ ﺣﺒﻴﺒﺘﻲ ﺳﻮﺩﻩ ﻋﻠﻴﻪ ﻳﺎ ﻋﻤﺮﻱ
ﻭﺣﺘﺊ ﺧﺎﻟﺘﻲ ﺍﻡ ﻓﻼﺡ ﻭﻣﺎﻣﺎ ﺭﺿﻴﻪ ﺿﻠﻦ ﻳﻠﻄﻤﻦ ﻋﻠﺊ ﻭﺟﻬﻦ
ﻋﺰ ﻋﻠﻴﻪ ﻫﻴﻴﺞ ﺭﻫﻮﻭﻣﻪ ﺑﺪﻭﻥ ﺣﺠﺎﺏ ﻭﻣﺎ ﻋﻨﺪﻫﺎ ﺷﻌﺮ ﺭﻛﻀﺖ ﺷﻠﺖ ﺷﺎﻟﻬﺎ ﻭﻟﻔﻴﺘﻪ ...
ﻣﺎﻣﺎ ﺭﺿﻴﻪ ﻟﺰﻣﺖ ﻛﻠﺒﻬﺎ ﻛﺎﻟﺖ ... ﺭﻭﺣﻲ ﻭﻳﺎﻫﻢ ﺍﻧﻲ ﻣﺎ ﺍﻛﺪﺭ ﻛﻠﺒﻲ ﺭﺍﺡ ﻳﻮﻛﻒ ﻭﺍﻟﻀﻐﻂ ﻋﻠﻚ
ﻋﺎﻁ ﺑﻴﻪ ﺟﺎﺳﺮ ..... ﺑﺴﺮﻋﻪ ﺑﺪﻟﻲ ﻭﺗﻌﺎﻟﻲ ﻭﻳﺎﺍﺍﺍﻱ
ﺭﺣﺖ ﺍﺭﻛﺾ ﻓﺘﺤﺖ ﺍﻟﻜﻨﺘﻮﺭ ﺳﺤﺒﺖ ﺍﻟﺼﺎﻳﻪ ﻣﻨﻬﺎ ﻭﺷﺎﻝ ﻻﻥ ﺷﺎﻟﻲ ﺧﻠﻴﺘﻪ ﻋﻠﺊ ﺣﻠﻚ ﺭﻳﻬﺎﻡ ﻭﺧﺸﻤﻬﺎ ..
ﺗﻄﺸﺮﺕ ﺑﺎﻗﻲ ﺍﻟﻤﻼﺑﺲ ﻣﻦ ﺍﺳﺘﻌﺠﺎﻟﻲ ﻣﺎ ﺷﻠﺘﻬﻢ ﻭﺍﻟﺠﻬﺎﻝ ﻳﺒﺠﻮﻭﻥ ﻻﻥ ﻛﻠﻬﺎ ﺗﺼﺮﺥ ﻭﺧﻄﻴﻪ ﺷﻬﺪ ﺗﺴﻜﺖ ﺑﻴﻬﻢ
ﻛﻠﺘﻠﻬﺎ ﺑﺘﻮﺳﻞ ... ﻓﺪﻭﻩ ﺷﻬﻮﺩﻩ ﺭﺑﻲ ﻳﻮﻓﻘﺞ ﺩﻳﺮﻱ ﺑﺎﻟﺞ ﻋﻠﻴﻬﻢ
ﺍﺷﺮﺕ ﻋﻠﺊ ﻋﻴﻮﻧﻬﺎ ﻭﺍﻧﻲ ﺧﻠﻴﺖ ﻭﻃﻠﻊ ﺍﺭﻛﺾ ﻭﺭﻩ ﺟﺎﺳﺮ ﻭﻫﻮ ﺷﺎﻳﻞ ﺭﻳﻬﺎﻡ ﺍﻟﻬﺰﻳﻠﻪ ...
ﻛﺎﻝ ﺑﻐﻀﺐ ... ﺍﻓﺘﺤﻲ ﺑﺎﺏ ﺍﻟﺴﻴﺎﺭﻩ ﺑﺴﺮﻋﻪ ...
ﺍﻭﻝ ﻣﺎ ﻓﺘﺤﺖ ﺍﻟﺒﺎﺏ ﻭﺍﺷﻮﻭﻑ ﺻﻼﺡ ﺍﺟﻪ ﺑﺴﻴﺎﺭﺗﻪ ﻣﻦ ﺷﺎﻑ ﺭﻳﻬﺎﻡ ﺑﻴﺪ ﺟﺎﺳﺮ ﻭﻫﻲ ﻣﺘﺨﺮﺑﻄﻪ ﺧﻄﻴﻪ ﻧﺰﻝ ﻳﺮﻛﺾ
ﺑﺎﻭﻉ ﻋﻠﺊ ﺭﻳﻬﺎﻡ ﺷﺎﻓﻬﺎ ﺟﺜﻪ ﻫﺎﻣﺪﻩ
ﺻﺮﺥ ﺑﺼﻮﻭﻭﺕ ﻋﺎﻟﻲ ﻭﺍﻧﻬﻴﺎﺭﺭ ... ﺭﻳﻬﺎﺍﺍﺍﺍﻡ ﻣﺎﺗﺘﺖ ﺭﻳﻬﺎﺍﺍﺍﻡ
ﺟﺮ ﻗﻤﻴﺼﻪ ﺑﻘﺴﻮﻭﻭﻩ ﻭﻫﻮ ﻳﺼﺮﺥ ﺷﻜﺎﻩ ﻟﺰﻣﺘﻪ ﻣﻦ ﻛﺘﻔﻪ ﻭﺍﻧﻲ ﺍﻫﺪﻱ ﺑﻲ ﻭﺍﺳﻜﺘﻪ ... ﺧﻮﻳﻪ ﻋﻠﺊ ﻛﻴﻔﻚ ﺍﻥ ﺷﺎﺀ ﺍﻟﻠﻪ ﻣﺎ ﺑﻴﻬﺎ ﺷﺊ ﺑﺲ ﻫﻲ ﺗﺨﺮﺑﻄﺖ ﻣﺎ ﻣﺎﺗﺖ ﻭﺍﻟﻠﻪ ﺑﻴﻬﺎ ﻧﻔﺲ
ﺻﻌﺪ ﺟﺎﺳﺮ ﻭﺍﻧﻲ ﻛﻌﺪﺕ ﺻﺎﺭ ﺭﺍﺳﻬﺎ ﻋﻠﺊ ﺭﺟﻠﻲ ﻭﺻﻼﺡ ﻛﺎﻋﺪ ﺑﺎﻟﺼﺪﺭ ﻭﻫﻮ ﻳﺒﺎﻭﻋﻠﻬﺎ ﻭﻳﺒﺠﻲ
ﻟﺰﻡ ﺍﻳﺪﻫﺎ ﺍﻟﺒﺎﺭﺩﻩ ﺍﻟﻤﻠﻴﺎﻧﻪ ﻧﺪﺏ ﻣﻦ ﺍﻻﺑﺮ ﻭﺍﻟﻤﻐﺬﻳﺎﺕ ﻭﺍﻟﻜﺎﻧﻮﻻﺕ
ﻣﺴﺢ ﻋﻠﺊ ﻭﺟﻬﻪ ﺑﺘﻮﺗﺮ ... ﻳﺎﺭﺑﻲ ﺩﺧﻴﻴﻠﻚ ﻳﺎﺭﺏ ﺍﻟﻪ ﺭﻳﻬﺎﺍﺍﻡ ﻻ ﺗﻔﺠﻌﻨﻲ ﺑﻴﻬﺎ ﻣﺮﻳﺘﻲ ﺳﺎﻟﻔﺘﻲ ﻭﺍﻟﻠﻪ ﺭﻫﻮﻣﻪ ﺳﺎﻟﻔﺘﻲ،ﻣﺎ ﻋﻨﺪﻱ ﺳﺎﻟﻔﻪ ﻏﻴﺮﻫﺎ ...
ﻭﺍﻧﻲ ﺟﻨﺖ ﺍﺑﺠﻲ ﻭﺍﺩﻋﻴﻠﻬﺎ ﺑﺼﺪﻕ ﻧﻴﻪ ﻭﺟﺎﺳﺮ ﻃﺎﺍﺍﻳﺮ ﻋﻠﺊ ﺳﺎﻋﻪ ﻳﺴﻮﻳﻠﻨﻪ ﺣﺎﺍﺍﺩﺙ ...
ﻭﺻﻠﻨﻪ ﻟﻠﻤﺴﺘﺸﻔﺊ ﻫﻢ ﻳﻌﺮﻓﻮﻥ ﺣﺎﻟﺘﻬﺎ ﻭﻋﻨﺪﻫﻢ ﻣﻠﻒ ﺍﻟﻬﺎ ﺑﺎﻟﻤﺴﺘﺸﻔﺊ ﺍﺧﺬﻭﻫﺎ ﺑﺎﻟﻄﻮﺍﺭﺉ ﺑﺴﺮﻋﻪ
ﻭﺍﺣﻨﻪ ﺿﻠﻴﻨﻪ ﺑﺎﻻﻧﺘﻈﺎﺭ ﻭﺻﻼﺡ ﺧﻄﻴﻪ ﺿﻞ ﻳﻔﺘﺮ ﻣﺎ ﻛﻌﺪ ﺩﻗﻴﻘﻪ ﻭﻳﻔﺮﻙ ﺑﺎﺩﻳﻪ ﻭﻳﺪﻋﻲ ﺑﺘﻮﺗﺮ
ﺧﻄﻴﻪ ﺟﺎﻱ ﺗﻌﺒﺎﻥ ﻣﻦ ﺩﻭﺍﻣﻪ ﻭﺍﻧﻮﺏ ﺍﻧﻬﺒﻂ ﻣﻦ ﺷﺎﻑ ﺭﻳﻬﺎﻡ ﺟﺴﺪ ﺑﺪﻭﻥ ﺭﻭﻭﺡ
ﻟﺰﻣﻪ ﺟﺎﺳﺮ ﻛﻠﻪ ... ﻋﻠﺊ ﻛﻴﻔﻚ ﺻﻼﺡ ﺍﻥ ﺷﺎﺀ ﺍﻟﻠﻪ ﻣﺎﺑﻴﻬﺎ ﺷﺊ
ﻫﺰ ﺭﺍﺳﻪ ﺑﻌﺬﺍﺏ ﻭﺍﻟﺪﻣﻌﻪ ﺗﻠﻤﻊ ﺑﻌﻴﻨﻪ ... ﺟﺎﺳﺮ ﻳﺎ ﻣﺎ ﺑﻴﻬﺎ ﺷﺊ ﺭﻳﻬﺎﻡ ﻣﻨﺘﻬﻴﻪ ﺭﻳﻬﺎﻡ ﺍﻧﻄﻮﻧﻲ ﻣﺪﻩ ﻭﺗﻤﻮﺕ ﻛﺎﻝ ﺍﻟﺪﻛﺘﻮﺭ ﻣﺎ ﺗﻄﻮﻭﻝ ﺍﺫﺍ ﻛﻠﺶ ﻛﻠﺶ ﺗﻌﻴﺶ ﻓﺪ ﺳﻨﻪ
ﺭﺩ ﻋﻠﻴﻪ ﺟﺎﺳﺮ ﺑﻐﻀﺐ ... ﻭﻫﻢ ﻣﻨﻮ ﺭﺏ ﺍﻟﻌﺎﻟﻤﻴﻦ ﺣﺘﺊ ﻫﻴﺞ ﻳﻘﺮﺭﻭﻥ
ﺭﺩ ﻋﻠﻴﻪ ﺑﺤﺰﻥ ﻭﻗﻬﺮ ... ﻫﺬﺍ ﻃﺐ ﺟﺎﺍﺍﺳﺮ ﻫﺬﺍ ﻃﺐ ﻭﻣﺮﺿﻬﺎ ﺳﺮﻃﺎﻥ ﺑﺎﻟﻨﺨﺎﻉ ﺍﻗﻮﺉ ﻣﺮﺽ ﻧﺎﺱ ﺗﺘﻌﺎﻟﺞ ﺑﺎﻟﺨﺎﺭﺝ ﻭﻣﺠﺎﻱ ﺗﻄﻴﺐ ...
ﺟﺎﻭﺑﻪ ﺟﺎﺳﺮ ﺑﻘﻠﻖ ... ﻻ ﺗﺨﺎﻑ ﻭﺍﻟﻠﻪ ﻟﻮ ﺍﻋﺮﻑ ﻋﻼﺝ ﺭﻳﻬﺎﻡ ﻳﻜﻠﻔﻨﻲ ﺭﻭﺣﻲ ﻫﻢ ﻓﺪﺍﻫﺎ ﺍﻟﺮﻭﺡ ﻭﺷﻜﺪ ﻳﻜﻠﻒ ﻋﻼﺟﻬﺎ ﺍﻧﻲ ﺍﺗﻜﻔﻠﻪ ﻋﻨﺪﻱ ﺷﻘﻪ ﺭﺍﺡ ﺍﺑﻴﻌﻪ ﻭﺍﻟﺒﻴﺖ ﺍﻟﻘﺪﻳﻢ ﻛﺬﻟﻚ ﻭﺍﺟﻤﻊ ﺍﻟﻤﺒﻠﻎ ﺍﻟﻌﻨﺪﻱ ﻭﺍﺫﺍ ﻃﻠﻌﺖ ﻫﺴﻪ ﻣﻦ ﻫﻞ ﺍﺯﻣﻪ ﻧﺴﻔﺮﻫﺎ
ﺍﺭﺩﻑ ﺑﻠﻬﻔﻪ ... ﻣﻮ ﺟﺎﺑﺮ ﺭﺍﺡ ﻳﺘﺒﺮﻉ ﺍﻟﻬﺎ ﺑﺎﻟﻨﺨﺎﻉ
ﺿﺤﻚ ﺑﺎﺳﺘﻬﺰﺍﺀ ... ﺍﻟﻤﺸﻜﻠﻪ ﻣﺎ ﺗﻄﺎﺑﻘﺖ ﻭﻳﻪ ﺟﺎﺑﺮ ﻟﻼﺳﻒ
ﻓﺘﺤﺖ ﻋﻴﻮﻧﻲ ﻣﺼﺪﻭﻣﻪ ... ﻻ ﻋﺰﺯﺯﺍ ﺟﺎﻥ ﺍﻣﻠﻨﻪ ﺑﺠﺎﺑﺮ ﺷﻠﻮﻥ ﻫﻴﻴﺞ ﻳﺎﺭﺑﻲ ﺩﺧﻴﻴﻞ ﺍﻧﺴﺪ ﺑﺎﺏ ﺍﻓﺘﺢ ﺍﻟﻒ ﺑﺎﺏ ﺍﻟﺮﻫﻮﻣﻪ ﻭﺍﻟﻠﻪ ﺗﺴﺘﺎﻫﻞ ﻭﻣﻦ ﻋﺒﺎﺩﻙ ﺍﻟﺼﺎﻟﺤﻴﻴﻦ ...
ﺷﻮﻳﻪ ﻭﺍﺟﺖ ﺍﻡ ﻓﻼﺡ ﻭﺟﺎﺑﺮ ﻭﺍﻣﻪ ﻭﺍﻟﺸﻴﻴﺦ ﻣﻦ ﺷﺎﻓﻮﺍ ﺭﻫﻮﻣﻪ ﻣﻦ ﺍﻟﺒﺎﺏ ﺍﻟﺰﺟﺎﺟﻲ ﺗﺨﺒﻠﻮ ﻋﻠﻴﻬﺎ
ﺧﺎﺻﻪ ﺍﺑﻮﻫﺎ ﻳﺒﺠﻲ ﺑﻘﻠﺐ ﻣﺤﺮﻭﮒ .... ﻳﺎ ﺑﻮﻳﺔ ﻳﺎ ﺭﻫﻮﻭﻣﻪ ﻳﺎﻟﻌﺰﻳﺰﻩ
ﺭﺍﺩ ﻳﺪﺧﻞ ﻋﻠﻴﻬﺎ ﻭﺍﻟﺪﻛﺘﻮﺭ ﺳﻤﺢ ﺍﻟﻪ ﺩﺧﻠﻮ ﻫﻮ ﻭﺍﻣﻬﺎ ﻭﺟﺎﺑﺮ
ﺧﻄﻴﻪ ﺍﺑﻮﻫﺎ ﻳﺒﻮﺱ ﺑﺮﺟﻠﻴﻬﺎ ﺍﺗﺬﻛﺮﺕ ﺍﺑﻮﻳﻪ ﺍﻟﻠﻪ ﻳﺮﺣﻤﻪ ﺷﻠﻮﻥ ﺟﺎﻥ ﻳﺤﺒﻨﻲ ﻭﻳﺒﻮﺱ ﺍﻳﺪﻱ
ﺍﺧﺘﻨﻜﺖ ﺑﻌﺒﺮﺗﻲ ﺣﻴﻴﻴﻞ ... ﺍﻟﻠﻪ ﻳﺮﺣﻤﻚ ﻳﺎﺑﻪ ﻭﻳﻨﻮﺭ ﻗﺒﺮﻙ ﻭﻳﺠﻌﻠﻪ ﺭﻭﺿﻪ ﻣﻦ ﺭﻳﺎﺽ ﺍﻟﺠﻨﻪ ﻣﺸﺘﺎﻗﺘﻠﻚ ﻓﺪﻭﻩ ﻳﺎﺑﻪ
ﻳﺎﺭﻳﺖ ﺍﻧﻲ ﺍﻟﻤﻴﺘﻪ ﻭﻻ ﺍﻧﺖ ﺟﻨﺖ ﺩﺍﺋﻤﺎ ﺍﻛﻮﻭﻝ ﻳﺎﺭﺑﻲ ﻣﻮﺗﻨﻲ ﻗﺒﻞ ﺍﻫﻠﻲ ﻻﻥ ﻭﺍﻟﻠﻪ ﻣﺎ ﺍﺗﺤﻤﻞ ﺍﻟﻢ ﻭﻓﺎﺟﻌﺔ ﺍﻟﻔﺮﺍﮒ ...
ﺍﺑﺘﻌﺪﺕ ﺷﻮﻳﻪ ﻭﺍﺧﺬﺗﻠﻲ ﺯﺍﻭﻳﻪ ﻛﻌﺪﺕ ﻋﻠﺊ ﻛﺮﺍﺳﻲ ﺍﻻﻧﺘﻈﺎﺭ ﻭﺑﺠﻴﺖ ﺑﻮﻭﺟﻊ ﻟﺰﻣﺖ ﺻﺪﺭﻱ ﺣﻴﻴﻞ ... ﻳﺎﺭﺑﻲ ﺻﺒﺮﻧﻲ ﺩﺧﻴﻴﻠﻚ ..
ﺣﺴﻴﺖ ﺑﺸﺨﺺ ﺍﺣﺘﻀﻨﻲ ﻭﺣﻂ ﺍﻳﺪﻩ ﻋﻠﺊ ﻛﺘﻔﻲ ﺑﺎﻭﻋﺘﻠﻪ ﺑﺨﻮﻭﻑ ﺷﻔﺘﻪ ﺟﺎﺳﺮ ﺟﺮ ﻧﻔﺲ ﻛﺎﻝ ... ﺷﺒﻴﻴﺞ ﺗﺒﺠﻴﻴﻦ ﺍﻧﺘﺒﻬﺖ ﻋﻠﻴﺞ ﻣﻦ ﺷﻔﺘﻲ ﻋﻤﻲ ﺍﻟﺸﻴﺦ ﺯﺩﺗﻲ ﺑﺎﻟﺒﺠﻲ ﻭﻣﻦ ﺩﺧﻞ ﻋﻠﺊ ﺭﻳﻬﺎﻡ ﺍﻧﻬﺮﺗﻲ
ﺍﺑﺘﺴﻤﺖ ﺑﺤﺰﻥ ﻭﺍﻧﻲ ﺍﺑﺎﻭﻋﻠﻪ .... ﺗﺬﻛﺮﺕ ﺑﺎﺑﺎ ﻧﻔﺲ ﺣﻨﻴﺘﻪ ﻭﺣﺒﻪ ﺍﻟﻴﻪ
ﺟﺮ ﻧﻔﺲ ﻭﺭﺟﻊ ﺣﻀﻨﻲ ﺣﻴﻴﻴﻞ ﺣﺴﻴﺖ ﺍﻋﻀﺎﻣﻲ ﺗﻜﺴﺮﺕ ﺑﺤﻀﻨﺘﻪ ﻛﺎﻝ ... ﺍﺑﻮﻱ ﺍﻟﻠﻪ ﻳﺮﺣﻤﻪ ﻧﻔﺴﻲ ﻋﻤﻲ ﺣﻨﻴﻴﻦ ﺣﻴﻴﻞ ﺣﺘﺊ ﻋﻠﺊ ﺟﻌﻔﺮ ﺭﻏﻢ ﺷﻜﺪ ﻣﺘﻌﺒﻪ ﻭﺍﻧﻲ ﻣﺎﻛﻮ ﺍﺣﻦ ﻣﻨﻲ ﻋﻠﺊ ﺑﻨﺘﻲ ﻏﺰﻝ
ﺑﺎﻭﻋﺘﻠﻪ ﺑﺪﻫﺸﻪ ﻣﻦ ﺫﻛﺮﻫﺎ ﻭﻋﻴﻮﻧﻲ ﺗﻠﻤﻊ ﺑﺎﻟﺪﻣﻮﻉ ﻛﻠﺒﻲ ﺿﻞ ﻳﺪﻙ ﺳﺮﻳﻴﻴﻊ ﺣﺴﻴﺘﻬﺎ ﺭﺳﺎﻟﻪ ﻣﻨﻪ ﺍﻟﻴﻪ ﺭﺳﺎﻟﻪ ﻣﺒﻄﻨﻪ ﺍﻥ ﻫﻮ ﻫﻢ ﺍﻧﺤﺮﻡ ﻣﻦ ﺍﺑﻮﻭ ﻭﺑﻨﺘﻪ ﺍﻧﺤﺮﻣﺖ ﻣﻦ ﺣﻨﺎﻧﻪ ﺑﺪﻭﻥ ﺇﻱ ﺳﺒﺐ ﻣﺜﻠﻲ ﺗﻤﺎﻣﺎ ...
ﺟﺎﻭﺑﺘﻪ ﺑﺤﻨﻴﻦ ... ﺍﻥ ﺷﺎﺀ ﺍﻟﻠﻪ ﺭﺑﻲ ﻳﻌﻮﺿﻚ ﺑﺎﻭﻻﺩﻙ
ﺟﺮ ﻧﻔﺲ ﻭﺍﺧﻔﺊ ﺍﺑﺘﺴﺎﻣﻪ ﺣﺰﻳﻨﻪ ... ﻣﺮﺍﺕ ﺍﺷﻮﻑ ﺑﻴﺞ ﻏﺰﻝ ﻧﻌﻮﻣﺘﻬﺎ ﻃﻔﻮﻟﺘﻬﺎ ... ﺍﺣﺴﺞ ﺑﻨﻴﺘﻲ !
ﺿﻠﻴﺖ ﺍﺑﺎﻭﻉ ﺍﻟﻌﻴﻮﻧﻪ ﺑﺘﻔﺎﺟﺊ،ﻭﺻﺪﻣﻪ ... ﻳﺤﺴﻨﻲ ﺑﻨﻴﺘﻪ ﻻﺍﺍ ﺟﺬﺏ ﻣﺴﺘﺤﻴﻞ ﻫﻮ ﻣﺎ ﻳﺤﺒﻨﻲ،ﺑﻜﺪ ﻣﺎ ﻳﺤﺐ ﻏﺰﻝ ﺷﻠﻮﻥ ﻳﺤﺴﻨﻲ ﻣﺜﻠﻬﺎ
ﺍﺑﺘﺴﻤﺖ ﻭﻧﺰﻟﺖ ﻋﻴﻮﻧﻲ ﺑﺎﺳﻰ ... ﻻ ﻣﺘﺤﺒﻨﻲ ﺑﻜﺪﻫﺎ
ﺟﺮ ﻧﻔﺲ ﻭﺭﺧﻪ ﺿﻬﺮﻩ ﻋﻠﺊ ﺍﻟﻜﺮﺳﻲ ﻛﺎﻝ ﻫﺰ ﺭﺍﺳﻪ ﺑﻌﺪﻡ ﻣﻌﺮﻓﻪ ﻭﺍﻧﺰﻋﺎﺝ ...
ﺧﻠﻴﻨﻪ ﻭﺭﺟﻌﻨﻪ ﻟﺮﻳﻬﺎﻡ ﻭﻧﺸﻮﻑ ﺧﺒﺼﻪ ﺑﺒﺎﺏ ﻏﺮﻓﺘﻬﺎ ﺗﺨﺒﻠﻨﻪ ﻛﻠﺖ ﻣﺎﺗﺖ ﺍﺟﻴﻨﻪ ﻧﺮﻛﺾ ﻛﺎﻟﻮ ... ﻻﺍﺍ ﺑﺲ،ﺯﻭﺟﻬﺎ ﺗﺨﺮﺑﻂ ﻭﺍﺧﺬﻭﺍ
ﺧﻄﻴﻪ ﺭﺣﻨﻪ ﻟﻜﻴﻨﻪ ﺻﻼﺡ ﻣﺘﺨﺮﺑﻂ ﺻﺎﻳﺮ ﻋﻨﺪﻩ ﺍﻧﻬﻴﺎﺭ ﻋﺼﺒﻲ ﻭﺷﺎﺩﻳﻠﻪ ﻣﻐﺬﻱ ...
ﺧﻄﻴﻪ ﺟﺎﺳﺮ ﺿﻞ ﻣﺤﺘﺎﺭ ﻭﺍﺣﻨﻪ ﻟﻠﻴﻞ ﻋﻠﺊ ﻫﻞ ﺣﻄﻪ ﻭﺍﻧﻲ ﻭﻻ ﺣﺎﻃﻪ ﻟﻜﻤﻪ ﺑﺤﻠﻜﻲ ...
ﻭﺟﺎﺳﺮ ﻛﻞ ﺷﻮﻳﻪ ﻭﺭﺍﺡ ﺍﻟﺼﻼﺡ ﻭﻳﺮﺟﻊ ﺍﻟﺮﻳﻬﺎﻡ ﺑﺲ ﺍﻧﻲ ﺿﻠﻴﺖ ﻳﻢ ﺭﻳﻬﺎﻡ ﻭﺧﺎﻟﺘﻲ ﺻﺒﺮﻳﻪ ﺿﻠﺖ ﻭﻳﺎﻧﻪ
ﺑﺲ ﻛﺎﻟﻮ ﺍﻟﺪﻛﺎﺗﺮﻩ ﻻ ﺗﺨﺎﻓﻮﻥ ﻋﺪﺕ ﻣﺮﺣﻠﺔ ﺍﻟﺨﻄﺮ ﻭﻫﻮ ﻫﺬﺍ ﻣﺮﻳﺾ ﺍﻟﺴﺮﻃﺎﻥ ﻳﺘﻌﺮﺽ ﻟﻬﻴﺞ ﺣﺎﻻﺕ ﻭﻫﻲ ﻣﺨﺘﻨﻜﻪ ﻭﻣﺘﻘﻴﺌﻪ ...
ﺻﻼﺡ ﺷﻮﻳﻪ ﺻﺎﺭ ﺯﻳﻦ ﺍﺟﻪ ﻛﻌﺪ ﻫﻮ ﻭﺟﺎﺑﺮ ﺑﺎﻻﻧﺘﻈﺎﺭ ﻭﺟﺎﺳﺮ ﻭﻳﺎﻫﻢ
ﻭﺍﻧﻲ ﻭﺧﺎﻟﺘﻲ ﻭﻳﻪ ﺭﻳﻬﺎﻡ ﺑﺎﻟﻐﺮﻓﻪ ﺧﺎﻟﺘﻲ ﺻﺒﺮﻳﻪ ﻧﺎﻣﺖ ﺿﻠﺖ ﺗﺸﺨﺮ ...
ﻃﻠﻌﺖ ﺑﺮﺍ ﺩﺍ ﺍﻛﻮﻝ ﻟﺠﺎﺳﺮ ﻳﻜﻮﻝ ﻟﻠﺪﻛﺘﻮﺭ ﺟﺎﻥ ﻛﺎﻝ ... ﺗﻌﺎﻟﻲ ﺍﻣﺸﻲ ﻭﻳﺎﻳﻪ
ﺭﺣﺖ ﻭﻳﺎﻩ ﻭﻫﻨﺎﻙ ﺩﺧﺖ ﻛﻮﻭﻩ ﺗﻮﺍﺯﻧﺖ ﻟﺰﻣﻨﻲ ﻛﺎﻝ ﺑﻘﻠﻖ ... ﺷﺒﻴﻴﺞ
ﺭﺩﻳﺖ ﺑﺘﻌﺐ ... ﺩﺧﺖ
ﺍﺧﺬﻧﻲ ﻗﺎﺱ ﺍﻟﻀﻐﻂ ﻃﻠﻊ ﻫﺎﺑﻂ ﻫﺰ ﺍﻳﺪﻩ ﺟﺎﺳﺮ ﻛﺎﻝ ... ﺍﻟﻴﻮﻡ ﺷﺒﻴﻜﻢ ﻣﺮﺽ ﺟﻤﺎﻋﻲ ﻟﻮ ﻭﺍﺣﺪ ﻳﻨﻄﻲ ﺣﺎﻓﺰ ﻟﻠﺜﺎﻧﻲ
ﺍﺑﺘﺴﻤﺖ ... ﺧﻄﻴﻪ ﺗﺒﻬﺬﻝ ﺣﻴﻴﻞ ﻭﺍﻧﻲ ﺩﺍﺋﻤﺎ ﻋﻨﺪﻱ ﻫﺒﻮﻁ ﺑﺎﻟﻀﻐﻂ ﺑﺴﺒﺐ ﺍﻟﻀﻌﻒ ﻭﻓﻘﺮ ﺍﻟﺪﻡ ...
ﺍﻧﻄﻮﻧﻲ ﻫﻴﻴﺞ ﻣﺜﻞ ﺍﻟﻘﻄﺮﺍﺕ ﻛﺎﻟﻮ ﺧﻠﻲ ﻣﻲ ﻭﻛﻢ ﻗﻄﺮﻩ ﻭﺍﺷﺮﺑﻲ ﺑﺲ،ﺑﻌﺪ ﻣﺎ ﺗﺎﻛﻠﻴﻴﻦ
ﻫﻮ ﺟﺎﺳﺮ ﺭﺍﺡ ﺟﺎﺑﻠﻨﻪ ﻋﺸﺎ ﻣﻦ ﺍﻟﻤﻄﻌﻢ ﻟﻌﺒﺖ ﻧﻔﺴﻲ ﻣﺎ ﻛﺪﺭﺕ ﺍﻛﻞ ﻓﺠﺎﺑﻠﻲ ﺑﺴﻜﺖ ﻣﺎﻟﺢ ﻭﻣﻴﺰﻭ ...
ﺿﻠﻴﺖ ﻛﺎﻋﺪﻩ ﻳﻢ ﺭﻳﻬﺎﻡ ﻭﻫﻢ ﺑﺮﻩ ﻫﻲ ﻛﻌﺪﺕ ﺑﺎﻭﻋﺘﻠﻬﺎ ﺭﺣﺖ ﻳﺴﺮﻋﻪ ﺍﻟﻬﺎ ﻟﺰﻣﺖ ﺍﻳﺪﻫﺎ ... ﻫﺎﺍﺍ ﺭﻫﻮﻣﻪ ﺍﻟﺤﻤﺪ ﻟﻠﻪ ﻋﻠﻰ ﺳﻼﻣﺘﺞ
ﺟﺎﻭﺑﺖ ﺑﺘﻌﺐ ﻭﺍﺑﺘﺴﺎﻣﻪ ... ﺍﻟﻠﻪ ﻳﺴﻠﻤﺞ ﺷﻨﻮ ﺍﻧﻲ ﺑﺎﻟﻤﺴﺘﺴﻔﺊ؟
ﻫﺰﻳﺖ ﺭﺍﺳﻲ ﺑﺎﻱ ... ﺗﺨﺮﺑﻄﺘﻲ ﺷﻮﻳﻪ ﻳﺮﻭﺣﻲ ﺍﻥ ﺷﺎﺀ ﺍﻟﻠﻪ ﻣﺎ ﺑﻴﺞ ﺷﺊ ...
ﺭﻣﺸﺖ ﺑﻌﻴﻮﻧﻬﺎ ﻛﺎﻟﺖ ... ﺍﻣﻤﻢ ﺣﺴﻴﺖ ﺍﻟﺪﻛﺘﻮﺭ ﻳﻀﺮﺏ ﺑﺎﺻﺎﺑﻌﻪ ﻋﻠﺊ ﺻﻠﻌﺘﻲ ﻫﻬﻬﻬﻪ
ﺿﺤﻜﺖ ﺑﺤﺰﻥ ﻋﻠﻴﻬﺎ ﺭﻏﻢ ﺣﺰﻳﻨﻪ ﺑﺲ ﻣﺘﺤﺐ ﺗﺒﻴﻴﻦ ... ﻫﻬﻬﻪ ﻳﺎﺍﺍﺍ ﻋﺰﺍﺍﺍ
ﻛﻤﻠﺖ ... ﺍﻱ ﻭﻟﺞ ﻛﻌﺪﺕ ﻭﺭﺟﻌﺖ ﻧﻤﺖ ﻭﺍﻻﻭﻛﺴﺠﻴﻦ ﺑﺨﺸﻤﻲ
ﺑﺎﻭﻋﺖ ﺷﺎﻓﺖ ﺧﺎﻟﻪ ﺻﺒﺮﻳﻪ ﺗﺸﺨﺮ ﻛﺎﻟﺖ ... ﻳﺎﺍﺍﺍ ﺣﺒﻴﺒﺔ ﻛﻨﻮﺵ ﺷﺠﺎﺑﻬﺎ ﻫﻨﺎﺍ ﺑﺲ ﻻ ﻃﺮﺩﺕ ﺍﻟﺪﻛﺎﺗﺮﻩ ﻭﺍﻟﻤﻤﺮﺿﺎﺕ ﻭﻛﺎﻟﺖ ﺍﻟﻬﻢ ﻛﻨﻮﺵ ﺍﻓﻬﻢ ﻣﻨﻜﻢ ﻫﻬﻬﻬﻬﻬﻪ ...
ﺟﺎﻥ ﻫﻲ ﻛﻌﺪﺕ ﻛﺎﻟﺖ ... ﻫﺎﺍﺍﺍ ﻭﻟﺠﻦ ﺑﺮﺍﺑﻴﻚ ﺗﺘﻤﻀﺤﻜﻦ ﻳﻤﻦ ﻛﻮﻭﻥ ﻣﺎﻝ ﺍﻟﻠﻠﻄﻢ
ﻭﻟﺞ ﺍﻧﺘﻲ ﺭﻫﻴﻤﻪ ﻣﻮ ﻗﺒﻞ ﺷﻮﻳﻪ ﺑﻴﻦ ﺍﻟﺤﻴﺎﺓ ﻭﺍﻟﻤﻮﺕ ﺷﻮ ﻫﺴﻪ ﻟﺴﺎﻧﺞ ﺷﻄﻮﻟﻪ ﺻﺪﻙ ﻟﻮ ﻛﺎﻟﻮ ﺑﺰﻭﻥ ﺑﺴﺒﻊ ﺍﺭﻭﺍﺡ
ﺭﻳﻬﺎﻡ ﺿﺤﻜﺖ ﻛﻠﺘﻠﻬﺎ ... ﺍﻣﻮﺗﺞ ﻭﻣﺎ ﺍﻣﻮﺕ ﻟﻌﺪ ﺍﻣﻮﺕ ﺍﻟﻮﺣﺪﻱ؟ ﻏﻴﺮ ﺍﺭﻳﺪﺝ ﻫﻨﺎﻙ ﺗﻮﻧﺴﻴﻨﻲ
ﺭﺩﺕ ﻋﻠﻴﻬﺎ ... ﺍﻱ ﻣﻮ ﺍﻧﻪ ﻋﺎﺩﻱ ﺍﻻﻣﺎﻡ ... « ﻋﺎﺩﻝ ﺇﻣﺎﻡ »
ﺿﺤﻜﺖ ﺍﻧﻲ،ﺑﺼﻮﺕ ﺷﻮﻳﻪ ﻋﺎﻟﻲ ﻛﻠﺘﻠﻬﺎ ... ﻟﺞ ﻋﻴﻨﻲ ﺭﻫﻮﻣﻪ ﺧﺎﻟﺘﻲ ﺻﺒﺮﻳﻪ ﻃﻜﺖ ﺿﻠﺖ ﺗﻄﻠﻊ ﻟﻴﺎﻟﻲ ﺣﻤﺮﻩ ﺗﺒﻴﺎﺗﻪ ﺑﺨﻤﺴﻴﻦ ﺍﻟﻒ ﻫﻬﻬﻬﻬﻬﻪ
ﺷﻤﺮﺕ ﻋﻠﻴﻪ ﺑﺎﻛﻴﺖ ﺍﻟﺠﻜﺎﻳﺮ ... ﺍﻧﺠﺒﻲ ﻭﻟﺞ ﺑﺖ ﺍﺑﻴﺶ ﺍﻟﻤﺎﻳﻌﻪ ﺷﻮﻛﺖ ﻃﻠﻌﺖ
ﺍﻧﺪﻙ ﺍﻟﺒﺎﺏ ﺭﺣﺖ ﻓﺘﺤﺘﻪ ﻟﻜﻴﺘﻪ ﺟﺎﺳﺮ ﻃﻠﻌﺖ ﻭﺍﻧﻲ ﺍﺿﺤﻚ ﻛﺎﻝ ... ﺷﻜﻮﻭ ﺷﻮ ﺗﻜﺮﻛﺮﻳﻦ
ﺿﺤﻜﺖ ... ﻛﻌﺪﺕ ﺭﻫﻮﻣﻪ ﻭﺿﻠﻴﻨﻪ ﻧﻀﺤﻚ ﻭﺧﺎﻟﺘﻲ ﺩﻛﻮﻝ ﻋﻠﻴﻨﻪ ﺑﺮﺍﺑﻴﻚ ﺗﺬﻛﺮﺗﻚ ﻫﻬﻬﻪ
ﺭﺩ ﻋﻠﻴﻪ ﺑﻤﺮﺡ ... ﻣﺤﺪ ﺑﺮﺑﻮﻙ ﺑﺎﻟﻬﺪﻧﻴﺎ ﻏﻴﺮﺝ ﻗﺒﻞ ﺷﻮﻳﻪ ﻫﺎﺑﻂ ﺍﻟﻀﻐﻂ ﻣﻦ ﺷﻔﺘﻲ ﺭﻳﻬﺎﻡ ﺿﺤﻜﺘﺞ ﻭﺻﻠﺖ ﻟﺪﻛﺘﻮﺭ ﺍﻟﺨﻔﺮ
ﺭﻓﻌﺖ ﺣﺎﺟﺐ ... ﻣﺎ ﺗﻜﻴﻴﻒ ﺍﺿﺤﻚ
ﺭﺩ ﺑﻬﺪﻭﺀ ﻭﻋﻴﻮﻧﻪ ﺍﻟﻐﺎﻣﻀﻪ ﺗﺨﺘﺮﻗﻨﻲ ... ﻻ ﻳﺎﺑﻪ ﺷﻌﻨﺪﻱ ﻏﻴﺮﺝ ﺍﻡ ﻣﺮﺗﻀﺊ ﺗﺮﺍﺝ ﻏﺎﻟﻴﻪ
ﺿﺤﻜﺖ ... ﺍﻱ ﺍﻏﻠﺊ ﻣﻦ ﺻﺒﺮﻳﻪ ﻫﻬﻬﻬﻬﻬﻪ ﺗﻘﺪﻳﺮﻫﺎ ﺧﻤﺴﻴﻦ ﺍﻟﻒ
ﻛﺎﻝ ... ﺩﻳﺎﻟﻠﻪ ﻋﻴﻨﻲ ﺳﻮﻳﻠﻨﻪ ﻃﺮﻳﻖ ﻫﺬﺍ ﺻﻼﺡ ﺿﻞ ﺟﻨﻪ ﻭﺣﺪﻩ ﻣﻌﺴﺮﻩ ﻭﺗﻄﻠﻚ ﺧﻠﻲ ﻳﺸﻮﻓﻬﺎ ﻻ ﻳﻤﻮﺕ ﻋﻠﻴﻪ ...
ﺭﺣﺖ ﻋﺪﻟﺖ ﺭﻫﻮﻣﻪ ﻭﺩﺧﻠﻮﺍ ﻫﻢ ﻛﻠﻬﻢ ﻭﺧﻄﻴﻪ ﺻﻼﺡ ﻻﺯﻡ ﺍﻳﺪﻫﺎ ﻭﻳﺒﻮﺱ،ﺑﻴﺪﻫﺎ ﻭﻳﺤﺠﻲ ﻭﻳﺎﻫﺎ ﺑﺼﻮﺕ ﻫﺎﺍﺍﻣﺲ
ﻭﺟﺎﺑﺮ ﻛﻞ ﺷﻮﻳﻪ ﻭﻛﺎﻝ ... ﺑﺎﻟﻠﻪ ﻫﺬﺍ ﻣﺎ ﻳﺴﺘﺤﻲ ﻛﻞ ﺷﻮﻳﻪ ﻭﺣﻀﻦ ﺍﺧﺘﻲ
ﻭﺟﺎﺳﺮ ﻳﺮﺩ ﻋﻠﻴﻪ ... ﻭﺍﻟﻠﻪ ﺍﻧﺖ ﻣﺎ ﺑﻴﻚ ﺧﻴﻴﺮ ﺩﻛﻮﻡ ﺍﺭﻓﺴﻪ ﺍﺿﺮﺑﻪ ﻟﻮ ﻣﻜﻴﻴﻒ
ﻋﺎﺩ ﺟﺎﺑﺮ ﺑﺎﻭﻋﻠﻪ ﺑﻄﺮﻑ ﻋﻴﻨﻪ ﻭﺩﺍﺭ ﻭﺟﻬﻪ
ﺍﻧﻲ ﻛﻠﺒﻲ ﻃﻚ ﻋﻠﺊ ﺍﻃﻔﺎﻟﻲ ﻛﺘﻠﻪ ﺍﻧﻄﻴﻨﻲ ﻣﻮﺑﺎﻳﻠﻚ ﺍﺧﺎﺑﺮ ﻋﻠﺊ ﻣﺎﻣﺎ ﺗﻨﻄﻴﻨﻲ ﺍﻟﺠﻬﺎﻝ ...
ﻫﻮ ﺍﺗﺼﻞ ﻭﺍﻧﻄﺎﻧﻴﺎﻩ ﺧﺎﺑﺮﺕ ﻋﻠﺊ ﻣﺎﻣﺎ ﺭﺿﻴﻪ ﻛﺎﻟﺖ ... ﺫﻭﻝ ﻣﺎ ﺑﻴﻬﻢ ﺷﺊ ﻣﺮﺗﻀﺊ ﻧﺎﻳﻢ ﺑﺲ ﻣﺸﻤﺶ ﻛﺎﻋﺪ ﻳﻠﻌﺐ ﺑﻜﺼﺎﻳﺒﻲ ﻳﺤﻠﻬﻦ ﻭﺍﻛﻌﺪ ﺍﺿﻔﺮﻫﻦ ...
ﺿﺤﻜﺖ ... ﺍﻧﻄﻴﻨﺎﻩ ﻣﺎﻣﺎ ﺍﺭﻳﺪ ﺍﺣﺠﻲ ﻭﻳﺎﻩ
ﺍﺟﺎﻧﻲ ﺻﻮﺗﻪ ﺍﻟﻄﻔﻮﻟﻲ ﺍﻟﻨﺎﻋﺲ ... ﻣﺎﻣﺎ ﺍﻋﺒﺒﺞ ﻟﻴﺲ ﻋﻮﻓﻴﻨﻲ ﻭﻋﺪﻱ ... « ﻣﺎﻣﺎ ﺍﻧﻲ ﺍﺣﺒﺞ ﻟﻴﺶ ﺗﻌﻮﻓﻴﻨﻲ ﺍﻟﻮﺣﺪﻱ »
ﺟﺎﻭﺑﺘﻪ ﺑﻤﺮﺡ ... ﻳﻌﻤﺮﺭﺭﻱ ﺍﻧﺖ ﺍﻟﺤﻠﻮ ﻣﺸﻤﺸﺘﻲ ﻻ ﻣﺎﻣﺎ ﻣﺎ ﻋﻔﺘﻚ ﺑﺲ ﺭﺣﺖ ﺍﺟﻴﺒﻠﻚ ﺳﻴﺎﺭﻩ ﺣﻠﻮﻩ ﻣﺜﻠﻚ
ﺟﺎﻭﺑﻨﻲ ﺑﺼﻮﺕ ﺑﺎﻛﻲ ... ﺍﻧﻲ ﺍﻋﺒﺒﺞ ﺗﻌﺎﻟﻲ ﺍﻟﻴﺪ ﻧﺎﻡ ﺍﻣﺞ ... « ﺍﺭﻳﺪ ﺍﻧﺎﻡ ﻳﻤﺞ »
ﺩﻣﻌﺖ ﻋﻴﻮﻧﻲ ﻋﻠﺊ ﻛﻼﻣﻪ ﻓﺪﻳﺘﻬﻢ ﻭﻟﻴﺪﺍﺗﻲ ﻣﺎ ﻣﻔﺎﺭﻛﺘﻬﻢ ﺍﺑﺪ ﻟﺤﺪ ﺍﻻﻥ ﺍﺗﺬﻛﺮ ﺍﻟﻠﻮﻋﻪ ﻣﻦ ﺍﺧﺬﺕ ﻣﺤﺘﺒﺊ ﺍﺷﻮﺍﻕ ﺷﻠﻮﻥ ﺍﺭﻛﺾ ﻣﺜﻞ ﺍﻟﻤﺨﺒﻠﻪ ﺑﺎﻟﺸﺎﺭﻉ ﻭﻣﺎ ﺳﻜﻨﺖ ﻭﻫﺪﻳﺖ ﺍﻟﻪ ﻟﻤﻦ ﺷﻔﺘﻪ ﺩﺧﻞ ﻋﻠﻴﻪ ﺑﻄﻠﺘﻪ ﺍﻟﺒﺮﻳﺌﺔ ...
ﻗﻔﻠﺖ ﺍﻟﺨﻂ ﻣﻨﻪ ﺑﻌﺪ ﻣﺎ ﺗﻌﺒﺖ ﻭﻳﺎﻩ ﻻﻥ ﺍﻃﻔﺎﻟﻲ ﻣﺜﻠﻲ ﻣﻴﻌﺮﻓﻮﻥ ﺷﻨﻮ ﻳﺮﺩﻭﻥ
ﺑﺴﺖ ﺍﻟﻤﻮﺑﺎﻳﻞ ﺣﻴﻴﻞ ﻭﺿﻤﻴﺘﻪ ﺍﻟﺼﺪﺭﻱ ﺍﻟﺤﻤﺪ ﻟﻠﻪ ﺳﻤﻌﺖ ﺻﻮﺕ ﺍﺑﻨﻲ ... ﺍﻭﻭﻑ ﺑﺲ ﺭﺿﺎﻭﻱ ﻧﺎﻳﻢ ﺿﻞ ﺑﺎﻟﻲ ﻋﻨﺪﻩ ...
ﺩﺍ ﺍﺩﺧﻞ ﻟﻠﻐﺮﻓﻪ ﻭﺭﻥ ﺍﻟﻤﻮﺑﺎﻳﻞ ﺑﺮﺳﺎﻟﻪ ﺭﻓﻌﺖ ﺍﻟﻤﻮﺑﺎﻳﻞ ﺷﻔﺖ ﺍﻟﺮﺳﺎﻟﻪ ﻣﻦ ﺍﻟﺸﺎﺷﻪ ﺍﻟﺮﺋﻴﺴﻪ ﻻﻥ ﻫﻮ ﻣﺨﻠﻲ ﺭﻣﺰ ﻣﻜﺘﻮﺏ ... ﺍﺑﻮ ﺭﺿﺎﻭﻱ ﺍﻧﺘﻬﺖ ﺍﻟﻤﻬﻤﻪ
ﺍﺳﺘﻐﺮﺑﺖ ... ﺷﻨﻮ ﺍﻧﺘﻬﺖ ﺍﻟﻤﻬﻤﻪ ﻳﺎﺭﺑﻲ ﺷﺪﻳﺼﻴﺮ ﺷﻜﻮﻭ ﻳﺎ ﻣﻬﻤﻪ ﺟﺎﺳﺮ ﻏﺎﻣﺾ ﺣﻴﻴﻞ ﻭﻣﺪﺍ ﺍﻋﺮﻑ ﺷﻨﻮ ﻳﺪﻭﺭ ﺑﺒﺎﻟﻪ ﺷﻜﻮﻭ؟
ﻋﺒﺎﻟﻲ ﺻﺎﺭ ﺍﺩﻣﻲ ﻳﺘﻐﺰﻝ ﻭﻳﻜﻼﻣﻪ ﻣﻮ ﻣﺘﻌﺼﺐ ﺭﻏﻢ ﺑﺎﺭﺩ ﺍﺛﺎﺭﻱ ﻭﺭﺍﻩ ﺳﺎﻟﻔﻪ
ﺭﺟﻌﺖ ﺍﻧﻄﻴﺘﻪ ﺍﻟﻤﻮﺑﺎﻳﻞ ﻭﻛﻌﺪﺕ ﻭﺫﻫﻨﻲ ﺷﺎﺍﺍﺭﺩ ﺟﺎﻧﻮﺍ ﻳﺴﻮﻟﻔﻮﻥ ﻭﻳﺤﺠﻮﻥ ﻭﺍﻧﻲ ﺑﺎﻟﻲ ﺍﺑﺒﺪ ﻣﻮ ﻳﻤﻬﻢ ...
ﺑﻌﺪﻫﺎ ﻏﻠﺒﻨﻲ ﺍﻟﻨﻮﻭﻡ ﻭﻧﻤﺖ ﻭﺍﻧﻲ ﻛﺎﻋﺪﻩ ...
ﻓﺰﻳﺖ ﻋﻠﺊ ﺍﻳﺪﻩ ﺑﺎﻭﻋﺘﻠﻪ ﺑﻘﻠﻖ ... ﻫﺎﺍﺍ ﺷﻜﻮﻭ ﺻﺒﺢ ﺍﻟﺼﺒﺢ
ﻛﺎﻝ ﺑﻬﺪﻭﺀ .. ﻻ ﻳﺎﺑﻪ ﻛﻮﻣﻲ ﻧﺎﻣﻲ ﻋﻠﺊ ﺫﻳﺞ ﺍﻟﺴﺪﻳﻪ ﺍﺣﻨﻪ ﺭﺍﺡ ﻧﻄﻠﻊ ﻭﻣﻦ ﻧﺮﻭﺡ ﺍﻟﺼﺒﺢ ﻧﺠﻴﺞ ...
ﻫﻮ ﺧﻠﻪ ﻭﺭﺍﺡ ﻭﺍﻧﻲ ﺿﻠﻴﺖ ﺍﺳﻮﻟﻒ ﻭﻳﻪ ﺭﻳﻬﺎﻡ ﻭﺍﺣﺠﻴﻠﻬﺎ ﻋﻦ ﺻﻼﺡ ﺷﻠﻮﻥ ﻳﺤﺒﻬﺎ
ﻫﻲ ﺧﻄﻴﻪ ﺿﻠﺖ ﺗﺒﺠﻲ ﻛﺎﻟﺖ ... ﻣﺎ ﺍﻋﺮﻑ ﺷﻠﻮﻥ ﺭﺍﺡ ﺍﻓﺎﺭﻛﻪ ﻭﺍﻟﻠﻪ ﺟﻮﻟﻴﻴﺖ ﺍﻧﻲ ﺣﻴﻴﻞ ﺍﺣﺐ ﺻﻼﺡ ﺍﻣﻮﻭﺕ ﻋﻠﻴﻪ ﺷﻠﻮﻥ ﺍﻣﻮﺕ ﻭﺍﻋﻮﻓﻪ
ﺣﻄﻴﺖ ﺍﻳﺪﻱ ﻋﻠﺊ ﺷﻔﺘﻬﺎ ... ﻻ ﻳﻌﻤﺮﻱ ﻋﻤﺮﺝ ﻃﻮﻭﻳﻞ ﺍﻥ ﺷﺎﺀ ﺍﻟﻠﻪ ﻳﺎﺭﺏ ﺗﺨﻠﻔﻴﻦ ﻣﻨﻪ ﻭﺗﺤﺒﻠﻴﻦ ﻭﺗﺘﺮﺳﻴﻦ ﺍﻟﺒﻴﺖ ﺯﻋﺎﻃﻴﻂ ﻭﻫﺎﺍﺍ ﻣﻦ ﻫﺴﻪ ﺗﺮﺉ ﺍﺫﺍ ﺟﺒﺘﻲ ﺑﻨﻴﻪ ﻟﻮﺍﺣﺪ ﻣﻦ ﻭﻟﺪﻱ
ﺿﺤﻜﺖ ... ﻫﻬﻬﻬﻪ ﺍﻭﻭﻭﻱ ﻓﺪﻳﺘﺞ ﺟﻮﻭﻟﻲ ﻭﻟﺞ ﻭﻟﺪﺝ ﻣﺠﺮﻣﻴﻦ ﺍﺧﺎﻑ ﻳﺴﻜﻄﻮﻫﺎ ...
ﺭﺩﻳﺖ ﺑﻐﺮﻭﺭ ... ﺑﻨﺖ ﻋﻤﻬﻢ ﺣﻼﻟﻬﻢ ﻻ ﺗﺘﺪﺧﻠﻴﻦ ﻭﺗﺨﺮﺑﻴﻦ ﻋﻠﺊ ﺑﻨﺘﺞ ﺍﻭﻭﻭﻑ ﻣﻨﺠﻦ ﻳﺎﻟﻨﺴﻮﺍﻥ ﻣﺎ ﺗﺨﻠﻦ ﺑﻨﺎﺗﺠﻦ ﻳﺮﺗﺎﺣﻦ
ﺭﺟﻌﺖ ﺿﺤﻜﺖ ﺑﺼﻮﺕ ... ﻋﺰﺍ ﺍﻟﻌﺰﺍﻧﻲ ﻭﻟﺞ ﻫﺴﻪ ﻫﻲ ﻭﻳﻨﻬﺎ ﻋﻤﻲ ﺑﺲ ﺧﻠﻲ ﺗﺠﻲ ﺍﻧﻄﻴﻬﺎ ﺍﻟﻬﻢ ﻭﻻ ﺍﺳﺎﻝ،ﻋﻨﻬﺎ
ﺿﻠﻴﻨﻪ ﻧﻀﺤﻚ ﻭﻧﺴﻮﻟﻒ ﻭﺧﺎﻟﺘﻲ ﺻﺒﺮﻳﻪ ﻛﻞ ﺷﻮﻳﻪ ﻭﻫﺠﻤﺖ ﻋﻠﻴﻨﻪ ... ﺷﻠﻮﻥ ﺑﺎﻟﻠﻪ ﺍﻟﻴﻮﻡ ﻣﺎ ﻧﺎﻡ ﻫﺎﻱ ﻋﻮﺩ ﻣﺮﻳﻀﺎﺕ ﻭﺣﺪﺗﻬﻦ ﺣﻴﻠﻬﺎ ﺣﻴﻞ ﺍﻟﻤﻄﻲ ...
ﺧﻄﻴﻪ ﺭﻳﻬﺎﻡ ﻭﺻﻠﺖ ﻟﻠﻤﻮﺕ ﻭﺍﻟﻠﻪ ﻋﺒﺎﻟﻲ ﻣﺎﺗﺖ ﺑﺲ ﺍﻟﺤﻤﺪ ﻟﻠﻪ ﺣﺎﻟﺘﻬﺎ ﺗﺤﺴﻨﺖ ﺍﺫﻥ ﺍﻟﻤﺆﺫﻥ ﺭﺣﻨﻪ ﺻﻠﻴﻨﻪ ﻭﺑﻌﺪﻫﺎ ﺍﺟﻪ ﻋﻤﻲ ﺍﻟﺸﻴﺦ ﻭﻣﺮﺗﻪ
ﺍﻧﻲ ﺑﺴﺖ ﺍﻳﺪﻩ ﻫﻮ ﺳﺤﺒﻬﺎ ﻣﺎ ﻗﺒﻞ ﻭﺣﻀﻨﻲ ﻛﺎﻝ ... ﺑﻮﻳﻪ ﺍﻋﺬﺭﻳﻨﻲ ﺍﻟﺒﺎﺭﺣﻪ ﻣﺎ ﺍﻧﺘﺒﻬﺖ ﻋﻠﻴﺞ ﺭﻫﻮﻣﻪ ﺍﺧﺬﺕ ﻛﻞ ﺣﻴﻠﻲ
ﻣﺴﺤﺖ ﺩﻣﻮﻋﻲ ... ﻻ ﻋﻤﻮ ﻓﺪﻭﻩ ﺍﻟﻜﻠﺒﻚ ﺍﻧﻲ ﺍﻋﺘﺬﺭ ﻣﻨﻚ ﻭﺍﻟﻠﻪ ﻭﺍﻟﺤﻤﺪ ﻟﻠﻪ ﻋﻠﻰ ﺳﻼﻣﺔ ﺭﻫﻮﻣﻪ
ﻣﺴﺢ ﻋﻠﺊ ﺭﺍﺳﻲ ﻭﺟﺮ ﻧﻔﺲ ﻛﺎﻝ ... ﺍﻟﻠﻪ ﻳﺴﻠﻤﺞ ﺑﻮﻳﻪ ﻭﻻ ﻳﻀﺮﺝ ﻣﺸﻜﻮﺭﻩ ﻋﻠﺊ ﻭﻛﻔﺘﺞ ﻭﻳﺎﻧﻪ
ﺟﺮﻳﺖ ﻧﻔﺲ ﻭﺭﺩﻳﺖ ﺑﻠﻬﻔﻪ ... ﺍﻓﻀﺎﻟﻚ ﻋﻠﻴﻪ ﻫﻮﺍﻳﻪ ﻋﻤﻲ ﻭﻟﻮ ﺍﻟﺼﺤﻪ ﺗﻨﺸﺮﻩ ﻭﺍﻟﻠﻪ ﺍﺑﻴﻊ ﺭﻭﺣﻲ ﻭﺍﺷﺘﺮﻱ ﺻﺤﻪ ﺍﻟﺮﻳﻬﺎﻡ ...
ﺭﻳﻬﺎﻡ ﺭﺩﺕ ﺑﺎﻳﻤﺎﻥ ... ﻻ ﺣﺒﻴﺒﺘﻲ ﺟﻮﻟﻴﻴﺖ ﺍﻟﻤﺮﺽ ﻧﻌﻤﺔ ﻣﻦ ﺭﺏ ﺍﻟﻌﺎﻟﻤﻴﻦ ﻭﺍﺧﺘﺒﺎﺭ ﻭﺣﺘﺊ ﻫﻞ ﺷﺪﻩ ﻭﻫﻞ ﻣﺮﺽ ﻳﺒﻴﻦ ﻣﻌﺪﻥ ﺍﻟﻨﺎﺱ ﺑﺎﻟﻌﻜﺲ ﻭﺍﻟﻠﻪ ﺍﻧﻲ ﻣﺎ ﻣﻘﻬﻮﺭﻩ ﻻﻥ ﻣﺮﻳﻀﻪ ﺍﻟﺤﻤﺪ ﻟﻠﻪ ﺭﺍﺿﻴﻪ ﺑﻘﻀﺎﺀ ﺍﻟﻠﻪ ﻭﻗﺪﺭﻩ ...
ﻭﺣﺘﺊ ﻟﻮ ﻣﺘﺖ ﻣﺎ ﺭﺍﺡ ﺍﻋﺘﺒﺮ ﺍﻟﺴﺮﻃﺎﻥ ﺗﻐﻠﺐ ﻋﻠﻴﻪ ﻻ ﺍﻧﻲ ﺍﻟﻲ ﺗﻐﻠﺒﺖ ﻋﻠﻴﻪ ﺑﺼﺒﺮﻱ ﻭﺍﻳﻤﺎﻧﻲ ﻭﺛﻘﺘﻲ ﺑﺎﻟﻠﻪ ..
ﺍﺑﻮﻫﺎ ﻟﺰﻡ ﺍﻳﺪﻫﺎ ﻭﺑﺎﺳﻬﺎ ... ﺑﻌﺪ ﺍﺑﻮﺝ ﺭﻫﻮﻣﺘﻲ ﺍﺭﻳﺪﺝ ﻗﻮﻭﻭﻳﻪ ﺑﻨﻴﺘﻲ ﺍﻟﻤﺎ ﻳﻜﺴﺮﻫﺎ ﺍﻟﻤﺮﺽ
ﺿﻠﻴﻨﻪ ﻧﺴﻮﻟﻒ ﺷﻮﻳﻪ ﻭﺑﻌﺪﻫﺎ ﺧﻠﻴﻨﻪ ﻭﺭﺟﻌﻨﻪ ﺍﻧﻲ ﺟﺎﺳﺮ ﻭﺟﺎﺑﺮ ... ﻭﺻﻠﻨﺎﻩ ﺑﻄﺮﻳﻘﻨﻪ
ﺳﻤﻌﺖ ﺟﺎﺳﺮ ﻳﺤﺠﻲ ﻭﻳﻪ ﺟﺎﺑﺮ ﻛﻠﻪ ... ﺍﺭﻳﺪ ﺍﺭﻭﺡ ﻟﻠﻨﺠﻒ
ﺍﻧﻲ ﻧﻄﻴﺖ ﻣﻦ ﻣﻜﺎﻧﻲ ... ﺍﺭﻭﻭﻭﺡ ﻭﻳﺎﻙ
ﺑﺎﻭﻋﻠﻲ ﻣﻦ ﻣﺮﺍﻳﺔ ﺍﻟﺴﻴﺎﺭﻩ ﻭﺿﻞ ﺛﻮﺍﻧﻲ ﻣﺮﻛﺰ ﺑﻴﻪ ﻭﻋﺎﻗﺪ ﺣﻮﺍﺟﺒﻪ ﻣﻘﺒﻞ ﻋﻠﺊ ﺳﺮﻋﺘﻲ ﺑﺎﻟﻜﻼﻡ ...
ﺟﺎﺑﺮ ﺭﺩ ﻋﻠﻴﻪ ... ﻻ ﻟﺘﺮﺣﻮﻥ ﺍﺯﺩﺣﺎﻡ ﻫﺎﻱ ﺍﻻﻳﺎﻡ ﺧﻠﻲ ﺗﺨﻒ ﺍﻟﺰﻳﺎﺭﻩ ﻭﺭﺣﻮﺍ
ﺳﻜﺘﺖ ﻣﺠﺎﻭﺑﺘﻪ ﻭﻻ ﺟﺎﺳﺮ ﺟﺎﻭﺑﻪ ...
ﻭﺻﻠﻨﻪ ﻟﻠﺒﻴﺖ ﺧﻠﻴﺖ ﻭﺩﺧﻠﺖ ﻳﻤﻪ ﺍﻃﻔﺎﻟﻲ ﺗﻠﻜﻮﻭﻧﻲ ﻣﻜﻴﻔﻴﻦ ... ﺳﻜﻴﺘﻪ ﺍﺩﺩﺕ ... ﺍﺟﺖ ﺟﻜﻠﻴﺘﻪ ...
ﺣﻀﻨﺘﻬﻢ ﺑﺤﻨﺎﻧﻲ ﻭﻫﻢ ﺗﻌﻠﻘﻮﺍ ﺑﻴﻪ ﻭﺭﺍﺣﻮﺍ ﺣﻀﻨﻮﺍ ﺍﺑﻮﻫﻢ .. ﺩﺧﻠﺖ ﺳﺒﺤﺖ ﻭﻧﻤﺖ ﻧﻮﻣﻪ ﻳﻤﻜﻦ ﺑﺤﻴﺎﺗﻲ ﻣﻨﺎﻳﻤﻪ ﻫﻴﻴﻴﺞ ﺗﻌﺒﺖ ﺣﻴﻴﻞ ﻭﺍﻧﻲ ﻣﻤﺘﻌﻮﺩﻩ ﺍﻃﻠﻊ
ﺑﺲ ﻫﻢ ﺍﻟﻤﻼﺋﻜﻪ ﺍﻟﻤﺤﻠﻘﻪ ﺃﻃﻔﺎﻟﻲ ﻳﺨﻠﻮﻥ ﻭﺍﺣﺪ ﻳﻨﺎﻡ ﻛﻞ ﺷﻮﻳﻪ .. ﻣﺎﻣﺎ ﺭﻭﻃﻲ ﻋﻔﻨﻲ ... ﻣﺎﻣﺎ ﻣﻤﺶ ﺩﻟﻲ ﻧﻌﻠﻪ ﺍﺑﻮﻭﻙ ... ﻣﺎﻣﺎ ﺍﻗﻴﻨﻲ ﺣﻠﻴﺐ ...
ﻭﻛﻞ ﺷﻮﻳﻪ ﻭﻣﺪﻭ ﺍﻳﺪﻫﻢ ﺑﺼﺪﺭﻱ ﻭﺍﻧﻲ ﻛﻞ ﺷﻮﻳﻪ ﻭﻛﺎﻣﺰﻩ ﻋﺒﺎﻟﻲ ﺍﺑﻮﻫﻢ ...
ﻣﻨﺎ ﻟﻤﻦ ﺍﺟﺖ ﺭﺿﻴﻪ ﺍﺧﺬﺗﻬﻢ ﻭﻧﻤﺖ ﻧﻮﻣﻪ ﻋﻤﻴﻘﻪ ..
............................
ﻭﻗﺎﺭ ...
ﺗﺨﺮﺑﻄﺖ ﺭﻳﻬﺎﻡ ﺍﻧﻲ،ﺗﺨﺒﻠﺖ ﻋﻠﻴﻬﺎ ﺭﻳﻬﺎﻡ ﻋﻨﺪﻱ ﺍﻋﺰ ﻣﻦ ﺭﻭﺣﻲ ﻭﻣﻦ ﺍﺷﻮﺍﻕ ﺍﺧﺘﻲ ...
ﺿﻠﻴﺖ ﻣﺘﺨﺒﻠﻪ ﻋﻠﻴﻬﺎ ﺧﺎﺑﺮﺕ ﺟﺎﺑﺮ ﻭﺍﻧﻄﻴﺘﻪ ﺧﺒﺮ ﻭﻫﻢ ﺗﺨﺒﻠﻮ ﻭﺧﻠﻮ ﻭﺭﺍﺣﻮﻭ ﺍﻟﻬﺎ ...
ﺷﻮﻳﻪ ﻭﺍﺗﺼﻠﺖ ﺍﻡ ﻧﻮﺍﻝ ﺗﻐﻠﻂ ﻭﺗﺴﺐ ﻭﺗﺼﻴﺢ ... ﻫﺴﻪ ﻳﺠﻲ ﺟﻌﻔﺮ ﻳﻄﻠﻚ ﻧﻮﺍﻝ ﻭﺍﻟﻠﻪ ﻫﺴﻪ ﻳﺠﻲ،ﻳﻄﻠﻜﻬﺎ ﺷﻨﻮ ﺑﻨﺘﻲ ﻓﺼﻠﻴﺔ ﺍﻟﺨﻠﻔﻜﻢ ﻭﻫﻴﺞ ﺗﻌﺬﺑﻮﻫﺎ ...
ﻟﻴﻴﺶ ﻳﺎ ﻇﻼﻡ ﻟﻴﻴﺶ ﺣﺎﻣﻞ ﺑﻄﻔﻠﻜﻢ ﺗﻀﺮﺑﻬﺎ ﺷﻬﻴﺪﻩ ﺍﻟﻜﺢ ... ﻭﺗﻮﻛﻊ ﺿﻨﺎﻫﺎ ﺍﻧﻮﻭﺏ ﻭﻟﺪ ﻃﺮﺣﺖ ﻭﻟﺪ ﻭﻣﺎﺕ ﻣﻢ ﻭﺭﺍﻛﻢ ...
ﺿﻠﺖ ﺗﺤﺠﻲ ﻭﺗﻐﻠﻂ ﻭﺍﻧﻲ ﻗﻔﻠﺖ ﺍﻟﺨﻂ ﺑﻮﺟﻬﻪ ﺑﻄﺮﺍﻧﻪ ﺍﺣﻨﻪ ﺑﻴﺎ ﺣﺎﺍﺍﻝ ..
ﺗﻘﺮﻳﺒﺎ ﻟﻠﻌﺼﺮ ﻭﺍﺟﻪ ﺟﻌﻔﺮ ﻫﺎﺩ ﻋﻠﻴﻨﻪ ﻭﻳﺼﻴﺢ .... ﻭﻳﻴﻦ ﻫﺎﺍﺍﻱ ﺍﻟﻜﻠﺒﻪ ﺑﻨﺖ ﺍﻟﺴﻄﻌﺶ ﻛﻠﺐ ﻭﺍﻟﻠﻪ ﺍﻟﻴﻮﻡ ﺍﺫﺑﺤﻬﺎ ﺑﻴﺪﻱ ﻭﺍﻟﻠﻪ ﻣﻮﺗﺖ ﺍﺑﻨﻲ ﺍﻻﺩﺑﺴﺰ ﺍﻡ ﺍﻟﺸﻮﺍﺭﻉ ...
ﻃﻠﻌﺖ ﺷﻬﺪ ﻭﻫﻲ ﺗﺒﺎﻭﻋﻠﻪ ﻣﺼﺪﻭﻣﻪ ﻭﻫﻮ ﻫﺠﻢ ﻋﻠﻴﻬﺎ ﺑﻌﻨﻒ ﻛﻄﻌﻬﺎ ﺗﻜﻄﻊ ﺭﻓﺴﺎﺕ ﻭﺩﻓﺮﺍﺕ ﻭﺑﻮﻛﺴﻴﺎﺕ ﻭﻫﻲ ﻃﻔﻠﻪ ﻭﺣﺎﻣﻞ ﻭﺗﺼﺮﺥ ﺑﻴﻦ ﺍﺩﻳﻪ
ﺑﺎﻟﻘﺮﺍﻥ ﻣﻮ ﺟﻌﻔﺮ ﻭﺍﺣﺪ ﺛﺎﻧﻲ ﻋﺒﺎﻟﻚ ... ﻣﻮ ﺑﻮﻋﻴﻪ ﺣﺘﺊ،ﻣﻦ ﻳﺴﻜﺮ ﻣﻮ ﻫﻴﻴﺞ ﻣﺨﺒﻞ ﻭﻫﺠﻢ ﻋﻠﺊ ﺍﻟﺒﻨﻴﻪ ﻣﻮﺗﻬﺎ ﻛﺘﻞ
ﺣﺘﺊ ﻋﻮﻭﺩ ﺍﻧﻲ ﺭﺣﺖ ﺍﻓﺎﺭﻏﻬﺎ ﻟﺰﻣﻨﻲ ﻭﺿﺮﺑﻨﻲ،ﻛﻠﺖ ﻭﺍﻟﻠﻪ ﺍﻟﻪ ﺍﻛﻮﻝ ﺍﻟﺠﺎﺳﺮ ﻋﻠﻴﻪ ﺣﻴﻴﻞ ﻣﺴﺘﻬﺘﺮ ...
ﺍﻧﻮﺏ ﺳﺤﻠﻬﺎ ﺳﺤﻞ ﻣﺎ ﻟﺤﻜﺖ ﺗﻠﺒﺲ ﺻﺎﻳﺘﻬﺎ ﻭﺷﺎﻟﻬﺎ ﻭﻃﻠﻌﺖ ﺍﺧﺬﻫﺎ ﺍﻻﻫﻠﻬﺎ ...
...
ﺷﻬﺪ ..
ﺟﻨﺖ ﻛﺎﻋﺪﻩ ﺍﻟﻌﺐ ﺑﺠﻬﺎﻝ ﺟﺎﺳﺮ ﻭﺍﺷﻮﻓﻬﻢ ﻣﻘﺎﻃﻊ ﺑﺎﻟﻤﻮﺑﺎﻳﻞ
ﻭﻣﺎ ﺍﺳﻤﻊ ﺑﺲ ﺟﻌﻔﺮ ﻳﺼﻴﺦ ﻭﻳﻐﻠﻂ ﻭﻳﺴﺐ ﺍﻧﺼﺪﻣﺖ ﺷﺒﻲ ﻫﺬﺍ ﻃﻠﻌﺖ ﻣﻦ ﺍﻟﻐﺮﻓﻪ ﺍﺳﻮﻓﻪ ﻭﻫﻮ ﺑﺪﻭﻥ ﺳﺎﺑﻖ ﺍﻧﺬﺍﺭ ﻛﻄﻌﻨﻲ ﺗﻜﻄﻊ
ﺍﻟﻀﺮﺑﺎﺕ ﺗﺠﻴﻨﻲ ﻣﻦ ﻛﻞ ﺍﺗﺠﺎﻫﺎ ﺍﻧﻮﺏ ﺧﻨﻜﻨﻲ ﻭﻳﺼﻴﻴﺢ ... ﺍﻛﺮﺭﺭﺭﻫﺞ ﺍﻛﺮﺭﺭﺭﻫﺞ ﺍﺗﺨﺒﻞ ﻣﻨﺞ ﻭﻟﺞ ﺍﻧﺘﻲ ﻭﻭﺣﺶ،ﻣﻮﻭﻭﺗﻲ ﻣﻮﻭﻭﺗﻲ
ﺿﻠﻴﺖ ﺍﺷﺤﻂ ﺑﺒﻠﻌﻮﻣﻲ ﻭﺍﺑﺠﻲ ﻭﺍﺿﺮﺏ ﺑﻲ ﺍﻧﻮﺏ ﺳﺤﻠﻨﻲ ﺭﺍﺩ ﻳﺎﺧﺬﻧﻲ ﺍﻷﻫﻠﻲ ...
ﻣﺎ ﻟﺤﻜﺖ ﺑﺲ ﺍﻟﺒﺲ ﺻﺎﻳﺘﻲ ﻭﺷﺎﻟﻲ ...
ﻣﺤﺪ ﺟﺎﻥ ﻣﻮﺟﻮﺩ ﻛﻮﻟﻬﺎ ﺑﺎﻟﻤﺴﺘﺸﻔﺊ ﻭﻫﻮ ﻳﺒﺴﻨﻲ ﺗﻴﺒﺲ ﺑﺎﻟﻜﺘﻞ ...
ﺍﻧﻮﺏ ﻳﺼﻴﺢ ﺍﻧﺘﻲ ﻓﺎﺗﻨﻪ ﻋﻠﻴﻪ ﻛﺪﺍﻡ ﺟﺎﺳﺮ ﻭﺩﻛﻠﻴﻠﺦ ﺟﺎﻱ ﺳﻜﺮﺍﻥ ﺍﻛﻮ ﻣﺮﻩ ﻫﻴﻴﺞ ﺗﺴﻮﻱ ﻫﺎﻱ ﺑﺲ ﺍﻻﻫﻠﻬﺎ ﻣﺪﻳﺤﻴﻨﻬﺎ ﻫﻴﻴﺞ ﺗﺸﻬﺪ ﺿﺪ ﺭﺟﻠﻬﺎ
ﺍﺧﺬﺕ ﺍﻟﻄﺮﻳﻖ ﻛﻠﻪ ﺍﺑﺠﻲ ﻭﺍﻟﺪﻣﻌﻪ ﻣﺎ ﻧﺸﻔﺖ ﻣﻦ ﻋﻴﻨﻲ،ﻭﺍﻟﻠﻪ ﻻ ﺿﺎﺭﺑﺘﻬﺎ ﻭﻻ ﺩﺍﻓﻌﺘﻬﺎ
ﻭﻫﻮ ﺍﺻﻼ ﺟﺎﻥ ﻳﻜﻮﻝ ﺟﺬﺍﺑﻪ ﻫﺎﻱ ﻣﻨﻴﻦ ﺣﺎﻣﻞ ﻭﺣﺘﺊ ﻟﻮ ﺣﺎﻣﻞ ﻣﻮ ﻣﻦ ﻋﻨﺪﻱ ﻻﻥ ﺍﻧﻲ،ﺣﺘﻰ ﻣﺎ ﺷﺎﻳﻒ ﺧﻠﻘﺘﻬﺎ ﺍﻧﻮﺏ ﺍﻧﺎﻡ ﻭﻳﺎﻫﺎ ...
ﻃﻠﻊ ﺟﺬﺍﺏ ﺍﻟﺤﻘﻴﻴﺮ ﺍﻟﺤﻴﻮﺍﻥ ﺍﻟﺸﻬﻮﺍﻧﻲ ﺍﺛﺎﺭﻱ ﻳﻨﺎﻡ ﻭﻳﺎﻫﺎ ﻭﺣﺎﻣﻞ ﻣﻦ ﺻﺪﻙ ﻟﻮ ﻣﺎ ﺣﺎﻣﻞ ﻣﺠﺎﻥ ﻫﻴﺞ ﺿﺮﺑﻨﻲ
ﻭﺻﻠﻨﻪ ﻟﻠﺒﻴﺖ ﻭﻫﻮ ﺍﻭﻝ ﻣﺎ ﻭﺻﻠﻨﻪ ﺩﻓﻌﻨﻲ ﺑﻘﺴﻮﻩ ﺣﺴﻴﺖ ﺍﻋﻀﺎﻣﻲ ﺗﻜﺴﺮﺕ ﻭﺍﻟﻠﻪ ﺣﺘﺊ ﻧﻌﺎﻝ ﻻﺑﺴﻪ ﺗﻚ ﻭﺗﻚ ...
ﻃﻠﻌﺖ ﻣﺮﺓ ﺍﺑﻮﻭﻱ،ﻣﻦ ﺍﻟﺪﻛﺎﻥ ﻛﻠﺘﻠﻪ ﺑﻐﻀﺐ ... ﻭﻟﻚ ﻟﻴﺶ ﻫﻴﺞ ﺿﺎﺭﺏ ﻫﻞ ﻋﻠﻪ ﺷﻤﺴﻮﻳﻪ ﻫﻞ ﻣﻜﻤﻮﻋﻪ
ﺭﺩ ﻋﻠﻴﻪ ﺑﻐﻀﺐ ... ﻫﺎﻱ ﺑﻨﺘﻜﻢ ﺍﺩﺑﻮﻫﺎ ﻭﺭﺟﻌﻮﻫﺎ ﺍﻟﻴﻪ ... ﺍﻭ ﻟﻴﺶ ﺗﺮﺟﻌﻮﻫﺎ ﺧﻠﻮﻫﺎ ﺗﻌﻔﻦ ﻋﻨﺪﻛﻢ ﻣﻨﺎ ﻟﻤﺎ ﺍﻧﻲ ﺍﻃﻠﻜﻬﺎ ..
ﺭﺩﺕ ﻋﻠﻴﻪ ﺯﻭﺟﺘﺔ ﺍﺑﻮﻳﻪ ﻭﻫﻲ ﺗﺘﺨﺼﺮ ﺑﻐﻀﺐ ... ﺍﻧﻬﺠﻢ ﺑﻴﺖ ﻳﺎ ﺍﺑﻮ ﺍﻻﺧﻼﻕ ﻫﻮ ﺍﻧﺖ ﻛﻠﻚ ﺧﻠﮓ ﺳﻜﻴﻴﺮ ﺯﺍﻳﻌﺘﻚ ﺍﻟﺪﻧﻴﺎ ﺍﻟﻌﺘﺐ ﻣﻮ ﻋﻠﻴﻚ ﻋﻠﻴﻨﻪ ﺍﺣﻨﻪ ﺍﻟﻲ ﺍﻧﻄﻴﻨﺎﻙ ﻣﺮﻩ ﻭﻻ ﺍﻧﺖ ﻣﻨﻮ ﻳﻘﺒﻞ ﻳﻨﺎﺳﺒﻚ
ﺟﺎﻭﺑﻬﺎ ﺑﺎﺳﺘﻬﺰﺍﺀ ... ﺩﻳﻠﻪ ﺍﻟﻲ ﻳﺴﻤﻌﺞ ﻳﻜﻮﻝ ﻣﻄﻴﺘﻨﻲ ﺍﻧﺠﻠﻴﻨﺎ ﺟﻮﻟﻲ ﻫﻲ ﻛﻠﻬﺎ ﺧﻠﻚ ﻭﺣﺪﻩ ﺯﺭﻛﻪ ﻭﺣﻮﻟﻪ ﺟﻨﻬﺎ ﺻﺒﺮﻳﻪ ﺑﺸﺒﺎﺑﻬﺎ ...
ﻋﺎﺩ ﻫﻲ ﻣﺮﺓ ﺍﺑﻮﻳﻪ ﻃﺎﺣﺖ ﺑﻲ،ﻭﻃﺮﺩﺗﻪ ﻭﺿﻠﺖ ﺗﺴﺐ ﺑﻲ ﻭﺗﻐﻠﻂ ﻫﻮ ﻣﻬﻨﺪ ﻭﻳﻘﻠﺪ ﺍﺑﻮ ﺍﻟﻌﺮﻙ ...
ﻟﺰﻣﺘﻨﻲ ﻣﻦ ﺍﻳﺪﻱ ﺣﻴﻴﻞ ﻭﺩﺧﻠﺘﻨﻲ،ﺟﻮﻩ .... ﻋﺮﻓﺖ ﺭﺍﺡ ﻳﺮﺟﻌﻮﻧﺞ ﻋﻠﻴﻪ ﻫﻮ ﺍﻧﺘﻲ ﻣﺎﻝ ﺯﻭﺍﺝ ﺍﻣﺪﺍﺝ ﺍﻣﺪﻩ ﻓﺮﻛﺞ ...
ﺩﻓﻌﺖ ﺍﻳﺪﻫﺎ ﻭﻛﻌﺪﺕ ﺍﺑﺠﻲ ... ﺍﻟﻠﻪ ﻻ ﻳﻮﻓﻘﺞ ﻳﺎ ﻭﺟﻬﻪ ﺍﻟﻄﺎﻭﻩ ﻳﺎ ﺣﻴﻮﺍﻧﻪ ﺍﻥ ﺷﺎﺀ ﺍﻟﻠﻪ ﻛﻮﻥ ﺍﻟﻠﻪ ﻳﺎﺧﺬ ﺣﻘﻲ ﻣﻨﺞ ﺷﻮﻛﺖ ﻛﺘﻠﺘﺞ ﻟﻴﺶ ﻫﻲ ﺗﻨﻜﺘﻞ ﺍﻟﻬﺎﻳﺸﻪ ...
ﺑﺴﻴﻄﻪ ﺟﻌﻔﺮ ﻭﺍﻟﻠﻪ ﺍﻟﻪ ﺍﺧﺎﺑﺮ ﻋﻤﻮ ﺟﺎﺳﺮ ﻋﻠﻴﻚ ﻭﺍﺧﻠﻲ،ﻳﻤﻮﺗﻚ ﻛﺘﻞ ﻣﺜﻞ ﻣﺎ ﺿﺮﺑﺘﻨﻲ
ﺑﻌﺪﻫﺎ ﺗﺮﺍﺟﻌﺖ ﻻﺍﺍ ﻣﺎ ﺍﺭﻳﺪ ﺍﻛﻮﻥ ﺳﺒﺐ ﻫﻮ ﺟﺎﺳﺮ ﻳﻌﺮﻓﻪ ﻭﻫﺴﻪ ﻳﻜﺘﻠﻪ ﻭﻳﺎﺩﺑﻪ ...
ﺍﺟﻪ ﺍﺑﻮﻳﻪ ﺯﻭﺟﺘﻪ ﺳﻮﻟﻔﺖ ﺍﻟﻪ ﻛﻠﻬﺎ ... ﺧﻠﻲ ﻳﻮﻟﻲ ﺍﻃﻠﻜﻬﺎ ﻭﺑﺲ ﺗﺠﻴﺐ ﺍﺷﻤﺮ ﺍﺑﻨﻪ ﻋﻠﻴﻪ
ﺍﻧﻲ ﺗﺨﺒﻠﺖ ... ﻻﺍﺍ ﻛﻮﻭﻭﻟﺸﻲ ﻭﻻ ﺍﺑﻨﻲ ﻭﺍﻟﻠﻪ ﻣﺎ ﺍﻧﻄﻲ ﻭﺍﻟﻠﻪ ...
ﺣﻀﻨﺖ ﺑﻄﻨﻲ ﻭﻧﻤﺖ ﻭﺍﻧﻲ ﺍﺑﺠﻲ ... ﺍﻟﻠﻪ ﻻ ﻳﻨﻄﻴﺞ ﻭﺟﻬﻪ ﺍﻟﻄﺎﻭﻩ ﺷﺴﻮﻳﺘﻲ ﺑﻴﻨﻪ ...
........................
ﺟﻮﻟﻴﻴﺖ ...
ﻛﻌﺪﺕ ﻣﻦ ﺍﻟﻨﻮﻡ ﺗﻌﺒﺎﻧﻪ ﺣﻴﻴﻞ ﻭﺩﺍﻳﺨﻪ ﺿﺎﻳﺠﻪ ﺍﺭﻳﻴﺪ ﺍﺑﺠﻲ ...
ﺟﺎﺳﺮ ﻣﻮ ﻫﻨﺎ ﺑﺎﻟﺸﻐﻞ ﺑﺎﻟﻴﻞ ﻳﺠﻲ ﻣﺘﺎﺧﺮ
ﻣﺎ ﺍﻋﺮﻑ ﺷﺒﻴﻪ ﻋﻨﺪﻱ ﺭﻏﺒﻪ ﺑﺎﻟﺒﻜﺎﺀ ﺗﺠﻲ ﻭﺗﺨﺘﻔﻲ
ﺍﺑﺘﺴﻤﺖ ﻭﻧﺰﻟﺖ ﺭﺍﺳﻲ ﻛﺎﻓﻲ ﺑﺠﻲ ﺟﻮﻟﻴﻴﺖ ﺣﺘﺼﻴﺮﻳﻦ ﻋﻤﻴﻪ
ﻏﺴﻠﺖ ﻭﺟﻬﻲ ﻭﻃﻠﻌﺖ ﻟﻜﻴﺖ ﻣﺸﻤﺶ ﻭﻣﺮﺗﻀﺊ ﻳﻠﻌﺒﻮﻥ ﺑﺎﻟﺪﻳﺞ ﻭﺑﻨﺎﺕ ﻧﻮﺍﻝ ﻳﻠﻌﺒﻦ ﻭﻳﺎﻫﻢ
ﻣﻦ ﺍﻣﻬﻦ ﻣﺎ ﻣﻮﺟﻮﺩﻩ ﻛﻮﻭﻭﻟﺶ ﺣﺒﺎﺑﺎﺕ ﻣﻦ ﺗﺠﻲ ﺍﻣﻬﻦ ﻳﺘﺨﺒﻠﻦ ﺭﺳﻤﻲ ﻫﻲ ﻣﺎﺧﺬﻩ ﺑﺲ ﺍﻟﺼﻐﻴﺮﻩ ﻭﻋﺎﻳﻔﻪ ﺍﻟﻜﺒﺎﺭ
ﺍﺑﺘﺴﻤﺖ ﻋﻠﻴﻬﻦ ﻭﺩﺧﻠﺖ ﻟﻠﻤﻄﺒﺦ ﺧﻄﻴﻪ ﻣﺤﺪ ﻣﻮﺟﻮﺩ ﺑﺲ ﺍﻟﻨﺴﻮﺍﻥ ﺍﻟﻜﺒﺎﺭ ﻭ ﻭﻗﺎﺭ ﻭﻗﺎﺭ ﺷﻮﻳﻪ ﻣﺘﻜﺪﺭ ﺿﻬﺮﻫﺎ ﻣﻦ ﻭﻛﻌﺖ ﻳﺎﺫﻳﻬﺎ ... ﺧﻠﻴﺖ ﻟﺤﻢ ﻋﻠﺊ ﺍﻟﻄﺒﺎﺣﻈﺦ
ﻭ ﺭﺟﻌﺖ ﺻﻠﻴﺖ ﻭﺍﻧﻮﺏ ﺭﺣﺖ ﺳﻮﻳﺖ ﻋﺸﺎ ﺩﺧﻠﺖ ﻭﻗﺎﺭ ﺿﻠﺖ ﺗﺴﺎﻋﺪﻧﻲ ﻭﺗﺸﻜﻲ ﻣﻦ ﺟﺎﺑﺮ
ﺿﺤﻜﺖ . ﻳﻤﻌﻮﺩﻩ ﻛﻮﻟﻲ ﻳﺎ ﺍﻟﻠﻪ ﻟﻮ ﻋﻨﺪﺝ ﺟﺎﺳﺮ ﺟﺎﻥ ﺷﺴﻮﻳﺘﻲ
ﺭﺩ ﺑﻀﺤﻜﻪ ... ﻳﻤﻪ ﺍﺳﻢ ﺍﻟﻠﻪ ﻣﺎ ﺭﺍﻳﺪﻩ ﺭﻭﺣﻲ ... ﺑﺲ ﻻ ﻭﺍﻟﻠﻪ ﺟﻮﻟﻲ،ﺍﺧﻮﻳﻪ ﺣﻨﻴﻴﻦ ﻭﺣﺒﺎﺏ ﺑﺲ ﻣﻮ ﺷﻮﻳﻪ ﺍﻟﺼﺎﺭ
ﺟﺮﻳﺖ ﻧﻔﺲ ... ﺍﻱ ﻭﺍﻟﻠﻪ ﻣﻮ ﺳﻬﻞ ﺍﺑﺒﺒﺪ ﺍﻟﻠﻪ ﻳﻌﻴﻨﺎ ...
ﻛﻤﻠﻨﻪ ﻋﺸﺎ ﺭﺣﻨﻪ ﺗﻌﺸﻴﻨﻪ ﻭﺟﻤﻌﺖ ﺍﻟﻤﻮﺍﻋﻴﻦ ﻏﺴﻠﺘﻬﻢ ...
ﺍﻧﺪﻙ ﺍﻟﺒﺎﺏ ﺷﻔﺖ ﺧﺎﻟﺘﻲ ﺍﻡ ﻫﺎﻟﻪ ﺩﺧﻠﺖ ﻣﻦ ﺩﺧﻠﺖ ﻭﺍﻟﻠﻪ ﺍﺣﺲ ﻛﻠﺒﻲ ﺍﻧﻌﺼﺮ ﻭﺍﺣﺲ ﺍﺩﻳﻪ ﺿﻠﺖ ﺗﺮﺟﻒ ﻣﺎ ﺍﺭﺗﺎﺣﻴﺖ ﺍﻟﺠﻴﺘﻬﺎ ﺍﺑﺒﺒﺪ ...
ﺿﻠﺖ ﺗﻘﺮﻳﺒﺎ ﺳﺎﻋﺘﻴﻴﻦ ﺍﻟﺠﻮ ﺻﺎﺭ ﻣﻈﻠﻢ ﻭﺍﻟﺠﻮ ﺑﺮﺩ ﺑﺲ ﺍﻧﻲ ﻧﻮﻣﺖ ﺍﻃﻔﺎﻟﻲ،ﻭﺿﻠﻴﺖ ﺍﺣﻮﻭﺹ ﺷﻨﻮ ﺩﺗﺤﺠﻲ ﻭﻳﻪ ﺧﺎﻟﺘﻲ ﺷﺘﺮﻳﺪ ﺟﺎﻳﻪ
ﺻﺎﺣﺖ ﻋﻠﻴﻪ ﻣﺎﻣﺎ ﺭﺿﻴﻪ ﻛﺎﻟﺖ ... ﺟﻮﻟﻲ ﻳﻤﻪ ﺳﻮﻳﻠﻨﻪ ﻧﻮﻣﻲ ﺑﺼﺮﻩ ﺧﺎﻟﺘﺞ ﺍﻡ ﻫﺎﻟﻪ ﺻﺎﻋﺪ ﺿﻐﻄﻬﺎ ...
ﺗﺬﻣﺮﺕ ﺑﻤﻠﻞ ﻭﺧﻠﻴﺖ ﻭﺭﺣﺖ ﺳﻮﻳﺖ ﺍﻟﻬﺎ ﺍﺧﺬﺗﻪ ﺳﻠﻤﺖ ﻋﻠﻴﻬﺎ ﻫﻲ ﺿﻠﺖ ﺗﺒﺎﻭﻋﻠﻲ ﺍﻧﻲ ﻣﺠﻨﺖ ﻻﺑﺴﻪ ﺷﺎﻝ ﻻﻥ ﻣﺤﺪ ﻣﻮﺟﻮﺩ ﻭﺻﻼﺡ ﺑﺎﻟﻤﺴﺘﺸﻔﻰ ...
ﻫﻲ ﺑﺴﺮﻋﻪ ﺑﺎﻭﻋﺖ ﺍﻟﺮﻛﺒﺘﻲ ﻛﺎﻟﺖ ... ﻫﺎﻱ ﺷﺒﻴﻬﺎ ﺭﻛﺒﺘﺞ
ﺣﻄﻴﺖ ﺍﻳﺪﻱ ﻋﻠﻴﻬﺎ ﺑﺎﺳﺘﻐﺮﺍﺏ ... ﺷﻜﻮ ﺷﺒﻴﻬﺎ ؟
ﻫﺰﺕ ﺍﻳﺪﻫﺎ ﻭﻣﺎ ﺣﺠﺖ ﺑﺲ ﻟﻮﺕ ﺷﻔﺎﻳﻔﻬﺎ ﻋﻮﺩ ﻣﺎ ﺭﺍﺿﻴﻪ
ﺍﻧﻲ ﺧﻠﻴﺖ ﻭﺭﺣﺖ ﺑﺎﻭﻋﺖ ﺑﺎﻟﻤﺮﺍﻳﻪ ﺷﻔﺖ ﺭﮔﺒﺘﻲ ﺑﻴﻬﺎ ﻋﻼﻣﺎﺕ ﺯﺭﻛﻪ
ﺍﺣﺲ ﺍﻧﻀﺮﺑﺖ ﺑﻮﻛﺲ ﺑﺒﻄﻨﻲ ... ﻋﺰﺍﺍﺍ ﺍﻟﻌﺰﺍﻧﻲ ﺷﻠﻮﻥ ﻧﺴﻴﺖ ﺍﻟﺒﺲ ﺣﺠﺎﺑﻲ ﻫﺬﺍ ﻛﻞ ﻣﻦ ﺟﺎﺳﺮ ﻣﻦ ﻛﺘﻠﻪ ﻋﺎﺋﻠﻪ ﻋﺮﻛﺠﻴﻪ ...
ﺟﻨﺖ ﻭﺍﻛﻔﻪ ﺑﺎﻟﺤﻮﻭﺵ ﺍﻋﺰﻝ ﺑﻲ ﻭﻃﻠﻌﺖ ﺧﺎﻟﺘﻲ ﺍﻡ ﻫﺎﻟﻪ ﺑﺎﻭﻋﺘﻠﻲ ﻭﻫﻲ ﺗﻀﺤﻚ ﺑﺎﺳﺘﻬﺰﺍﺀ ... ﻫﻬﻪ ﺻﺪﻙ ﺍﻧﺘﻲ ﻭﺣﺪﻩ ﺻﻠﻔﻪ ﻭ ﻭﻛﺤﻪ ﻭﻟﺞ ﺍﺧﻮﻭﺝ ﺑﻌﺪﻩ ﺗﺮﺍﺑﻪ ﺍﺧﻀﺮ ﻭﺍﻣﺞ ﺍﻟﻠﻪ ﻳﻌﻠﻢ ﺑﺤﺎﻟﻬﺎ
ﻭﺍﻧﺘﻲ ﻣﺨﻠﺼﺘﻬﺎ ﺑﻮﺱ ﻭﻣﺤﺎﺿﻦ ﻭﻳﻪ ﭼﺘﺎﻝ ﺍﺧﻮﭺ
ﺑﺲ ﺍﻧﺘﻲ ﻣﺜﻞ ﻣﺎ ﻛﺎﻟﺖ ﻫﺎﻟﻪ ﻣﺎ ﺗﻬﻢ ﻏﻴﺮ ﻧﻔﺴﺞ ﻭﻣﺎ ﺗﺤﺒﻴﻦ ﺑﺲ ﺭﻭﺣﺞ
ﻭﺣﺪﻩ ﻏﻴﺮﺝ ﻃﻤﺖ ﺭﻭﺣﻬﺎ ﺑﺎﻟﺘﺮﺍﺏ ﻭﺍﻟﻠﻪ ﺍﻧﺘﻲ ﻋﺎﺍﺍﺭ ﻋﻠﺊ ﻋﺸﻴﺮﺗﻨﻪ
ﺣﺘﺊ ﻫﺸﺎﻡ ﺍﺑﻨﻲ ﻛﺎﻝ ... ﻫﺎﻱ ﺟﻮﻟﻴﻴﺖ ﻭﺣﺪﻩ ﺻﻠﻔﻪ ﻭﺣﻘﻴﺮﻩ ﺷﻠﻮﻥ ﺗﺘﻘﺒﻞ ﺗﻌﻴﺶ ﻭﻳﻪ ﻛﺘﺎﻝ ﺍﺧﻮﻫﺎ
ﻭﻋﻤﺞ ﻛﻠﻪ .. ﺍﺣﻨﻪ ﻣﺎ ﺩﺍﻡ ﻫﻴﻴﺞ ﺳﻮﺕ ﻣﺎ ﻧﺮﻳﺪﻫﺎ ﺑﻌﺪ ﻭﻣﺘﺒﺮﻳﻦ ﻣﻨﻬﺎ ﺍﻟﻴﻮﻡ ﺍﻟﺪﻳﻦ
ﺭﺩﻳﺖ ﻋﻠﻴﻬﺎ ﺑﻘﺴﻮﻩ ... ﻋﻤﻲ ﻣﻮ ﺍﺟﻴﺘﻪ ﻭﻃﻠﻌﺖ ﻣﻦ ﺣﻴﺎﺓ ﺍﻟﻜﺎﺳﺮ ﻭﻛﺎﻝ ﺍﻣﺞ ﺳﺪﺕ ﺑﺎﺑﻬﺎ ﺑﻮﺟﻬﺞ
ﺟﺎﻭﺑﺘﻨﻲ ﺑﻌﻨﻒ ... ﺣﻘﻬﺎ ﻣﺤﺪ ﻳﻠﻮﻣﻬﺎ ﻭﻟﺞ ﻭﺍﻟﻠﻪ ﻟﻮ ﺍﻧﺘﻲ ﺑﻨﺘﻲ ﻭﻫﻴﺞ ﻣﺴﻮﻳﻪ ﺍﺫﺑﺤﺞ
ﻫﻬﻪ ﻧﺎﻳﻤﻪ ﻭﻳﺎﻩ ﻭﻫﻞ ﺍﺛﺎﺭ ﺗﺸﻬﺪ ﻋﻠﻴﻴﺞ ﻭﺍﻟﻠﻪ ﻋﻴﺐ ﻋﻠﻴﺞ ﻣﻦ ﻫﺴﻪ ﻛﻮﻥ ﺍﻛﻮﻝ ﺍﻟﻌﻤﺞ ﻋﻠﺊ ﻫﻞ ﺳﺎﻟﻔﻪ ﻣﺎ ﻳﻬﺪﺭ ﺩﻣﺞ
ﻓﺘﺤﺖ ﻋﻴﻮﻧﻲ ﻣﺼﺪﻭﻣﻪ ﻣﻦ ﻛﻼﻣﻬﺎ ﻭﺟﺎﻭﺑﺘﻬﺎ ﺑﺤﺪﻩ ... ﺷﻨﻮﻭﻭ ﻧﺎﻳﻤﻪ ﻭﻳﻪ ﻏﺮﻳﻴﺐ
ﻫﺰﺕ ﺍﻳﺪﻫﺎ ... ﻣﻮ ﺍﻛﻠﺞ ﻭﺣﺪﻩ ﺻﻠﻔﻪ ﻭﺍﺩﺑﺴﺰ ﻣﺨﻠﺼﺘﻬﺎ ﻟﻴﺎﻟﻲ ﻣﻼﺡ ﻭﺍﻫﻠﺞ ﺑﻀﻴﻢ ﺍﻟﻤﺎﺑﻲ ﺧﻴﺮ ﻻﻫﻠﻪ ﻻ ﺗﺘﺮﺟﻪ ﻣﻨﻪ ﺧﻴﺮ
ﺍﻧﺘﻲ ﻭﺣﺪﺩﺩﺩﻩ ﺭﺧﻴﻴﻴﻴﻴﻴﺼﻪ ...
ﺧﻠﺖ ﻭﻃﻠﻌﺖ ... ﺑﻌﺪ ﻣﺎ ﻧﻄﻘﺖ ﺍﺧﺮ ﺟﻤﻠﻪ
ﻛﻼﻣﻬﺎ ﺣﺴﻴﺘﻪ ﻣﺜﻞ ﻭﺣﺶ ﻣﻔﺘﺮﺱ ﻳﻨﻬﺶ ﺑﺼﺪﺭﻱ ﺍﻋﺼﺎﺑﻲ ﺗﺠﻤﺪﺕ ﻭﻣﺸﺎﻋﺮﻱ ﺗﻠﺒﺪﺕ
ﻛﻮﻩ ﺻﺒﺮﺕ ﻧﻔﺴﻲ ﻭﺍﻋﺼﺎﺑﻲ ﺑﺎﻭﻉ ﺍﻻﺩﻳﻪ ﺍﻧﻌﻜﻔﺖ ﻛﻼﻣﻬﺎ ﻣﺜﻞ ﺍﻟﺴﻢ ﻳﻠﺪﻍ ﻭﻳﺠﺮﺡ ...
ﺭﻛﻀﺖ ﻃﻠﻌﺖ ﺑﺮﺍ ﺑﺎﻟﺤﺪﻳﻘﻪ ﺍﻟﺠﻮﻭﻭ ﻣﻈﻠﻢ ﻭﺍﻻﺷﺠﺎﺭ ﺗﺘﺮﺍﻗﺺ ﻋﻠﺊ ﺍﻟﻬﻮﺍ ﺍﻟﻌﺎﻟﻲ
ﻟﺰﻣﺖ ﺻﺪﺭﻱ ﺑﻮﺟﻊ ﻭﺭﻓﻌﺖ ﺭﺍﺳﻲ ﻻﻋﻨﺎﻥ ﺍﻟﺴﻤﺎﺀ ... ﻳﺎﺍﺍﺍﺍﺍﺭﺑﻲ ﻻﺍﺍﺍﺍ ﻭﺍﻟﻠﻪ ﺍﺣﺲ ﻛﻠﺒﻲ ﺣﻴﻮﻛﻒ ﻓﺪﻭﻭﻭﻩ ﺻﺒﺮﻧﻲ
ﺑﺠﻴﺖ ﺑﺼﻮﻭﻭﻭﺕ ﻋﺎﻟﻲ ﻣﻄﺮﺕ ﻣﻄﺮ ﺧﻔﻴﻒ ﺟﺎﻥ ﻫﺴﻪ ﺩﺍﺧﻠﻴﻦ ﻋﻠﺊ ﻓﺼﻞ ﺍﻟﺸﺘﺎ ﻭﺍﻟﺠﻮ ﺣﻠﻮﻭﻭ
ﺣﺴﻴﺖ ﺑﻌﺪ ﻣﺎ ﺍﻛﺪﺭ ﺍﻗﺎﻭﻡ ﻭﻛﻌﺖ ﻋﻠﺊ ﺍﻻﺭﺽ ﺯﺣﻔﺖ ﻭﻛﻌﺪﺕ ﻋﻠﺊ ﻃﺮﻑ ﺍﻟﻤﺮﺟﻮﺣﻪ
ﺍﺷﻬﻚ ﻣﻦ ﺍﻟﺒﺠﻲ ﻭﻣﻦ ﻛﻼﻣﻬﺎ ... ﺍﻱ ﺍﻧﻲ ﺻﺪﻙ ﻭﺣﺪﻩ ﺣﻘﻴﺮﻩ ﺍﻧﻲ ﺭﺧﻴﻴﺼﻪ ﻣﺜﻞ ﻣﺎ ﻛﺎﻟﺖ ﻣﺎﻛﻮﻭﻭ ﺍﺭﺧﺺ ﻣﻦ ﻫﻴﻴﺞ
ﺍﻛﻞ ﻭﺍﺷﺮﺏ ﻭﺍﻛﻌﺪ ﻭﻳﻪ ﻛﺘﺎﻝ ﺍﺧﻮﻭﻭﻱ ﺑﺲ ﺍﻧﺘﻢ ﻣﺎ ﺧﻠﻴﺘﻮ ﺍﻟﻴﻪ ﺣﻞ ﺍﺟﻴﺘﻜﻢ ﻭﺍﻟﻠﻪ ﻭﺳﺪﻳﺘﻮ ﺑﺎﺑﻜﻢ ﺑﻮﺟﻬﻲ ﻭﻳﻨﻜﻢ ﻋﻨﻴﻲ ﻭﻳﻴﻴﻦ
ﻳﺎﺑﻪ ﺍﻧﺖ ﺍﻋﻠﻢ ﺑﺤﺎﻟﻲ ﻓﻬﻢ ﺍﻣﻲ ﺷﻨﻮ ﺍﻟﺼﺎﺭ ﺑﻴﻪ ﺣﺘﺊ ﻟﻮ ﺑﺤﻠﻢ ﻓﺪﻭﻩ ﻳﺎﺑﻪ ...
ﺷﻔﺘﻪ ﺩﺧﻞ ﻛﺘﻤﺖ ﺍﻧﻔﺎﺳﻲ ﻭﺣﻄﻴﺖ ﺍﻳﺪﻱ ﻋﻠﺊ ﺷﻔﺎﻳﻔﻲ ... ﻣﺎ ﺍ ﻳﺪﻩ ﻳﺸﻮﻓﻨﻲ
ﻫﻮ ﺩﺧﻞ ﻭﻫﻮ ﻳﻤﺸﻲ ﺑﻬﻴﺒﻪ ﻭﺷﻤﻮﺥ ﻭﻳﺮﺍﻗﺐ ﺣﻔﻴﻒ ﺍﻟﺸﺠﺮ ﺑﻬﺪﻭﺀ .....
ﻣﺎ ﺧﻠﻴﺘﻪ ﻳﺸﻮﻓﻨﻲ ﺍﺑﺒﺒﺪ ﻭﺩﺧﻞ ﺟﻮﻩ ﺍﺣﺴﻪ ﻣﺎ ﺍﻋﺮﻑ ﺷﻨﻮ ﺍﺣﺲ ﻣﻦ ﻛﺎﻟﺖ ﺭﺧﻴﺼﻪ ﺣﺴﻴﺖ ﻧﻔﺴﻲ ﺍﺳﻴﺮﻩ ﻋﻨﺪﻩ ﻟﻮ ﺟﺎﺭﻳﻪ ﻣﺎ ﺍﺩﺭﻱ ﻫﺬﺍ ﺍﻟﺸﺊ ﺍﻟﺤﺴﻴﺖ ﺑﻲ ...
ﺿﻠﻴﺖ ﻛﺎﻋﺪﻩ ﻭﺍﺩﻳﻪ ﻣﻌﻜﻮﻓﻪ ﻭﻻﻣﻪ ﺭﺟﻠﻴﻪ ﻟﺼﺪﺭﻱ ﻭﺍﺑﺠﻲ ...
.....................
ﻭﻗﺎﺭ
ﺟﻨﺖ ﻫﺴﻪ ﺩﺍ ﺍﻧﺎﻡ ﻳﻢ ﻣﺎﻣﺎ ﺭﺿﻴﻪ ﺣﻴﻴﻞ ﻣﺸﺘﺎﻗﻪ ﺍﻟﺠﺎﺑﺮ ﺑﻨﻔﺲ ﺍﻟﻮﻗﺖ ﻣﺎ ﺍﺩﺭﻱ ﺍﺣﺴﻪ ﻣﻴﺤﺒﻨﻲ ﻳﻌﻄﻒ ﻋﻠﻴﻪ ﺍﻛﻮ ﺍﺷﻴﺎﺀ ﺧﻔﻴﻪ ﺑﺪﺍﺧﻠﻲ ﺗﺒﻴﻦ ﺍﻥ ﻫﻮ ﻳﻌﻄﻒ ﻋﻠﻴﻪ
ﺩﺯﻳﺘﻠﻪ ﺳﻤﺎﻳﻞ ﻭﺭﺟﻌﺖ ﺣﺬﻓﺘﻪ ﺑﺴﺮﻋﻪ ﻫﻮ ﺑﺴﺮﻋﻪ ﺩﺯﻟﻲ ﺿﺤﻜﻪ
ﺧﻠﻴﺖ ﻭﻃﻔﻴﺖ ﺍﻟﻤﻮﺑﺎﻳﻞ ﺑﻔﺸﻠﻪ ﻭﺧﻠﻴﺖ ﺭﺍﺳﻲ ﻋﻠﺊ ﺍﻟﻤﺨﺪﻩ ﺍﺭﻳﺪ ﺍﻧﺎﻡ ...
ﻫﺴﺘﻮﻧﻲ ﺧﻠﻴﺖ ﺭﺍﺳﻲ ﺩﺍ ﺍﻧﺎﻡ ﻭﻣﺎ ﺍﺷﻮﻑ ﺍﻟﻪ ﺟﺎﺍﺳﺮ ﺩﺧﻞ ﻋﻠﻴﻪ ﻭﻋﻴﻮﻧﻪ ﺗﻨﻄﻖ ﺑﻐﻀﺐ ﻓﺰﻳﺖ ﻣﻦ ﻣﻜﺎﻧﻲ ﻛﺘﻠﻪ ... ﻫﺎﺍﺍ ﺧﻮﻳﻪ ﺷﻜﻮﻭﻭ
ﺟﺎﻭﺏ ﺑﻐﻀﺐ ... ﺟﻮﻟﻴﻴﺖ ﻭﻳﻴﻦ ؟
ﺭﻣﺸﺖ ﺑﻌﻴﻮﻧﻲ ... ﻣﺎ ﺍﺩﺭﻱ ﻏﻴﻴﺮ ﺑﻐﺮﻓﺘﻬﺎ
ﺿﺮﺏ ﺍﻟﺒﺎﺏ ﺑﻘﺒﻀﺔ ﺍﻳﺪﻩ ﺑﻘﻮﻭﻭﻩ ... ﻣﺎﻛﻮﻭﻭ ﺑﻐﺮﻓﺘﻬﺎ ﺍﻟﺒﻴﺖ ﻛﻠﻪ ﻣﺎﻛﻮﻭ ﺑﻲ ﺍﻧﺘﻦ ﻭﻳﻨﺠﻦ ﻋﻨﻬﺎ
ﺑﺎﻭﻋﺘﻠﻪ ﺑﺨﻮﻑ ﻭﺗﺠﻤﺪﺕ ﻣﻼﻣﺤﻲ ﺭﺣﺖ ﺍﺩﻭﺭ ﺑﺎﻟﻐﺮﻑ ﺻﻌﺪﺕ ﻓﻮﻭﻙ ﻣﺎﻛﻮ ... ﻳﺎﺍﺍ ﻋﺰﺍ ﺍﻟﻌﺰﺍﺝ ﺟﻮﻟﻲ ﺑﺲ ﻻ ﺍﻧﻬﺰﻣﺖ ﻣﺜﻞ ﺫﻳﺞ ﺍﻟﻤﺮﻩ ﺧﺎﻑ ﺫﻳﺞ ﺍﻟﻤﺮﻩ ﺭﺣﻤﻬﺎ ﻻ ﻫﻞ ﻣﺮﻩ ﻳﺬﺑﺤﻬﺎ ﻭﺍﻟﻠﻪ ...
ﻣﺎﻛﻮﻭ ﻣﺎ ﻟﻜﻴﺘﻬﺎ ﻧﺰﻟﺖ ﻟﻜﻴﺘﻪ ﻭﺍﻛﻒ ﺑﻨﺺ ﺍﻟﺤﻮﻭﺵ ﻣﺜﻞ ﺗﻤﺜﺎﻝ ﻣﻦ ﺟﻠﻴﻴﺪ
ﻛﺘﻠﻪ ﺑﺨﻮﻭﻑ ﻣﺎﻛﻮﻭ ... ﺍﺧﺎﻑ ﺑﺎﻟﺤﺪﻳﻘﻪ
ﻛﺎﻝ ﺑﻌﺼﺒﻴﺔ ... ﺷﻴﻄﻠﻌﻬﺎ ﺑﻬﻞ ﻣﻄﺮ ﻫﺴﻪ ﺍﺟﻴﺖ ﻣﺎ ﺷﻔﺖ ﺍﺣﺪ ﺑﺎﻟﺤﺪﻳﻘﻪ
ﺑﻌﺪﻫﺎ ﻃﻠﻌﻨﻪ ﺍﻧﻲ ﻭﻳﺎﻩ ﻭﺍﺳﺘﻮﻗﻔﻨﺎ ﺻﻮﺕ ﺍﻷﻧﻴﻦ ﺍﻟﻤﻔﺠﻊ
ﺑﺎﻭﻋﻠﻲ ﺑﺎﺳﺘﻐﺮﺍﺏ ﻭﻫﻮ ﻋﺎﻛﺪ ﺣﻮﺍﺟﺒﻪ ﻛﺎﻝ ... ﺗﺴﻤﻌﻴﻴﻦ
ﻫﺰﻳﺖ ﺭﺍﺳﻲ ﺑﺄﻱ
ﻓﺘﺢ ﺍﻻﻳﺖ ﻣﺎﻟﺖ ﺍﻟﻤﻮﺑﺎﻳﻞ ﻭ ﻭﺟﻬﻪ ﻋﻠﺊ ﺍﻃﺮﺍﻑ ﺍﻟﺤﺪﻳﻘﻪ ﺷﺎﻓﻬﺎ ﻣﻌﺘﻜﻔﻪ ﻋﻠﺊ ﻧﻔﺴﻬﺎ ﻭﺷﻌﺮﻫﺎ ﺍﻻﺷﻘﺮ ﻧﺎﺯﻝ ﻭﻣﻌﻄﻲ ﺑﺎﻗﻲ ﻣﻼﻣﺤﻬﺎ ...
ﺗﺒﺠﻲ !!!
ﺷﻨﻮ ﺍﻟﻲ ﻳﺨﻠﻴﻬﺎ ﺗﺒﺠﻲ ﺑﻨﺺ ﺍﻟﻴﻞ ﻭﻛﺎﻋﺪﻩ ﺑﻬﻞ ﺍﻟﻀﻠﻤﻪ ﻭﺍﻟﻤﻄﺮ ﻳﻐﺴﻞ ﺑﺠﺴﻤﻬﺎ ﺍﻟﻬﺰﻳﻴﻞ ...
ﺍﺷﺮﻟﻲ ﻛﺎﻝ ... ﺭﻭﺣﻲ ﻭﻗﺎﺭ ...
ﺧﻠﻴﺖ ﻭﺭﺣﺖ ﺑﺲ ﺑﺎﻭﻋﺘﻠﻬﻢ ﻣﻦ ﺑﻌﻴﺪ ﻫﻮ ﻳﺤﺘﻀﻨﻬﺎ ﺑﺤﻨﺎﻧﻪ ... ﻭﻫﻲ ﻧﻘﻄﺔ ﺿﻌﻔﻬﺎ ﺣﻨﺎﻧﻪ ...
ﺟﻮﻟﻴﻴﺖ ...
ﺗﻘﺮﻳﺒﺎ ﻣﺮﺓ ﻛﻢ ﺩﻗﻴﻘﻪ ﻣﻦ ﺩﺧﻞ ﺍﺳﻤﻌﻪ ﻳﺼﻴﺢ ﺑﺲ ﻣﺎ ﺣﺠﻴﺖ ﺷﺊ ﻭﺑﻌﺪﻫﺎ ﺗﻮﺟﻬﻪ ﺿﻮﺀ ﺍﻟﻼﻳﺖ ﻋﻠﻴﻪ ﺭﻓﻌﺖ ﺭﺍﺳﻲ ﻭﺿﺮﺏ ﺍﻟﻀﻮﺀ ﺑﻌﻴﻮﻧﻲ
ﺷﻔﺘﻪ ﺣﺠﻪ ﻭﻳﻪ ﺍﺧﺘﻪ ﻭﺗﻘﺮﺏ ﻣﻨﻲ ﻭﺣﻀﻨﻲ ﺍﺳﺘﺴﻠﻤﺖ ﺍﻟﺤﻀﻨﻪ ﻭﺑﺠﻴﺖ ﺑﻘﻠﺐ ﻣﺤﺮﻭﮒ
ﺣﻂ ﺍﻳﺪﻩ ﻋﻠﺊ ﺧﺪﻭﺩﻱ ﺍﻟﻤﺘﺼﻘﻌﻪ ﻣﻦ ﺍﻟﺒﺮﺩ
ﺣﺴﻴﺖ ﺑﺪﻓﺊ ﻣﻦ ﻟﻤﺴﺎﺗﻪ ﺍﺧﺘﺮﻗﺖ ﺑﻜﻞ ﺟﺴﻤﻲ
ﻣﺴﺢ ﻋﻠﺊ ﺷﻌﺮﻱ ﺍﻟﻤﺒﻠﻞ ﻛﺎﻝ ﺑﺎﻟﻢ ... ﻟﻴﺶ ﻛﺎﻋﺪﻩ ﺍﻟﻮﺣﺪﺝ ﻫﻨﺎ
ﺑﻠﻌﺖ ﺭﻳﻜﻲ ﺍﻟﻤﺒﻠﻞ ﺑﻄﻌﻢ ﺍﻟﻐﺪﺭ ... ﻻﻥ ﺍﺣﺲ ﻧﻔﺴﻲ ﺭﺧﻴﺼﻪ ﻭﺍﻧﻲ ﻛﺎﻋﺪﻩ ﺑﺒﻴﺘﻚ
ﺳﺤﺐ ﺭﺍﺳﻲ ﻭﻏﺮﺳﻪ ﺑﺼﺪﺭﻩ ﺿﻠﻴﺖ ﺍﺷﻬﻚ ﻭﺍﺑﺠﻲ ﻭﺍﻧﻲ ﺍﺳﺘﻤﻊ ﺍﻟﺪﮔﺎﺕ ﮔﻠﺒﻪ ﺍﻟﺴﺮﻳﻌﻪ
ﺣﻄﻴﺖ ﺍﻳﺪﻱ ﻋﻠﺊ ﺷﻔﺎﻳﻔﻲ ﻭﺍﻧﻲ ﺍﻧﺤﺐ ... ﺍﻱ ﻭﺍﻟﻠﻪ ﺍﻧﻲ ﺣﻘﻴﺮﻩ ﻭﻣﺎ ﻋﻨﺪﻱ ﻻ ﺫﻣﻪ ﻭﻻ ﺿﻤﻴﺮ ﺍﻟﺠﻨﺖ ﺧﺎﻳﻔﻪ ﻣﻨﻪ ﺻﺎﺍﺍﺭ ﺷﻮﻑ ﺍﻟﻌﺎﻟﻢ ﺿﻠﺖ ﺗﺤﺠﻲ ﻭﺗﻄﻌﻨﻲ
ﺭﺩ ﻋﻠﻴﻪ ﻭﻫﻮ ﻳﻔﺮﻙ ﺑﺎﺻﺎﺑﻊ ﺍﺩﻳﻪ ﺍﻟﻤﺘﺸﻨﺠﻪ ... ﺍﺷﺶ ﺍﺣﻨﻪ ﺍﺫﺍ ﺭﺍﺡ ﻧﻔﻜﺮ ﺑﻜﻼﻡ ﺍﻟﻌﺎﻟﻢ ﻋﻤﺮﻧﺎ ﻣﺮﺍﺡ ﻳﺼﻴﺮ ﺑﺮﺍﺳﻨﻪ ﺧﻴﻴﺮ ﻃﻨﺶ ﺍﻟﺤﻤﻴﺮ ﻭﻋﻴﺶ ﺍﻣﻴﻴﺮ
ﺭﻓﻌﺖ ﺭﺍﺳﻲ ﺍﻟﻪ ﺑﻨﺤﻴﺐ ... ﺍﻧﺖ ﺗﻜﺪﺭ ﺗﻄﻨﺶ ﻭﺗﻌﻴﺶ ﺑﺲ ﺍﻧﻲ ﻣﺎ ﺍﻛﺪﺭ ﻣﺎ ﺍﻛﺪﺭ ﺍﺗﺤﻜﻢ ﺑﺎﺣﺴﺎﺳﻲ ﻭﻣﺸﺎﻋﺮﻱ ﻭﺍﻟﻲ ﺩﺍ ﺍﻧﻄﻌﻦ ﺑﻴﻬﻢ ﻫﻢ ﺍﻫﻠﻲ
ﻣﺴﺢ ﺩﻣﻌﺘﺔ ﻋﻴﻨﻲ ﺑﺎﻳﺪﻩ ﻭﺟﺎﻭﺑﻨﻲ ﺑﻤﻼﻣﺢ ﺟﺎﻣﺪﻩ ... ﻻ ﺗﻬﺘﻤﻴﻦ ﻫﺬﺍ ﺍﻟﻌﺎﻟﻢ ﻣﻠﻴﺎﻥ ﺍﺷﻮﺍﻙ ﻭﺍﻧﺘﻲ ﻭﺭﺩﻩ ﺑﻴﻦ ﻛﻞ ﻫﻞ ﺍﺷﻮﺍﻙ
ﺍﻟﻲ ﺟﺎﻱ ﻳﺼﻴﺮ ﻭﻳﺎﺝ ﺻﺎﺭ ﻭﻳﺎﻱ ﻭﻛﻼﻡ ﺍﻟﻨﺎﺱ ﺍﺳﻤﻌﻪ ﻭﺍﻃﻨﺸﻪ ﻭﺣﺘﺊ ﺍﻟﻲ ﻳﻮﺍﺳﻴﻨﻲ ﻳﺎﺫﻳﻨﻲ ﺑﺲ ﺻﺪﻛﻴﻨﻲ ﺍﻧﻲ ﺩﺧﻠﺖ ﺷﻮﻛﻪ ﺑﻌﻴﻨﻬﻢ ﻭﻗﺎﺳﻴﻴﺖ ﻫﻮﻭﺍﻱ ﺑﺲ ﺣﺘﺊ ﺍﺣﻀﻦ ﻫﻞ ﻭﺭﺩﻩ ﺍﻟﻲ ﻫﻲ ﺍﻧﺘﻲ ...
ﺑﻠﻌﺖ ﺭﻳﻜﻲ ﻭﺑﺎﻭﻋﺘﻠﻪ ﻛﻼﻣﻪ ﻣﺎ ﺍﻋﺮﻑ ﻟﻴﺶ ﻳﺎﺛﺮ ﺑﻴﻪ ﺍﺣﺲ ﻧﻔﺴﻲ ﻃﻔﻠﻪ ﻣﻦ ﻳﺤﺠﻲ ﻭﻳﺎﻳﻪ ﻣﻦ ﻳﻘﺴﺊ ﺍﺻﻴﺮ ﻗﺎﺳﻴﻪ ﻭﻣﻦ ﻳﺼﻴﺮ ﺣﻨﻴﻦ ﺍﺳﺘﺠﺎﺏ ﺍﻟﻪ
ﻫﻤﺴﺖ ﺑﻌﺬﺍﺏ ... ﺧﺎﻟﺘﻲ ﺍﻡ ﻫﺎﻟﻪ ﺩﻛﻮﻝ ﺍﻧﺘﻲ ﺭﺧﻴﺼﻪ
ﺭﺩ ﺑﺴﺮﻋﻪ ﻭﻋﺼﺒﻴﺔ ... ﺗﺨﺴﺊ ... ﻫﻲ ﻭﺑﻨﺘﻬﺎ ﺭﺧﻴﺼﺎﺕ ﺍﺟﺘﻨﻲ ﺍﻟﺸﻐﻠﻲ ﻭﻋﺮﺿﺖ ﻫﺎﻟﻪ ﻋﻠﻴﻬﺎ ﻭﺣﺘﺊ ﻣﻬﺮﻫﺎ ﻫﻲ ﺗﺪﻓﻌﻪ ﻭﺭﻓﻀﺘﻬﺎ ﺧﻠﻲ ﺗﺸﻮﻑ ﻧﻔﺴﻬﺎ ﻫﻲ ﺍﻟﺮﺧﻴﺼﻪ ﻣﻮ ﺍﻧﺘﻲ ... ﺍﻧﺘﻲ ﻋﺰﻳﺰﺓ ﻧﻔﺲ ﻭﻛﺮﻳﻤﻪ
ﺣﻄﻴﺖ ﺍﺩﻳﻪ ﻋﻠﺊ ﺻﺪﺭﻩ ﻭﺭﺍﺳﻲ ﺑﻨﺤﺮﻩ ﻭﺑﺠﻴﺖ ﺑﺎﻟﻢ ... ﺗﻌﺒﺎﻧﻪ ﺟﺎﺍﺍﺍﺳﺮ ﻭﺍﻟﻠﻪ ﺗﻌﺒﺖ
ﺭﻓﻊ ﻭﺟﻬﻲ ﻣﻦ ﺭﮔﺒﺘﻪ ﻭﺑﺎﺱ ﺷﻔﺎﻳﻔﻲ ﺑﻌﻤﻖ ﺍﺑﺘﻌﺪﺕ ﺑﺴﺮﻋﻪ ﻛﺎﻝ ... ﻻ ﻳﺎ ﻋﻤﻲ ﻻ ﺗﻌﺒﻴﻦ ﻏﻴﺮ ﻣﻦ ﺿﺮﺑﺖ ﺍﻟﻼﻳﺖ ﻋﻠﺊ ﻋﻴﻮﻧﺞ ﺣﺴﻴﺘﺞ ﺑﺰﻭﻧﻪ ﺍﻟﻴﻔﻪ ﻭﻫﺎﺟﻤﻪ ﻋﻠﻴﻬﺎ ﺍﻟﻌﺘﺎﻭﻱ ...
ﺍﺑﺘﺴﻤﺖ ﺑﺤﺰﻥ ... ﺍﻱ ﺧﺎﻟﺘﻚ ﻭﺑﻨﺘﻬﺎ ﻋﺘﺎﻭﻱ ﻣﺘﻮﺣﺸﻪ ﻭﺍﻟﻠﻪ ﺩﻳﺎﺫﻧﻲ ﺑﻜﻼﻣﻬﻦ
ﺭﺩ ﺑﺴﺮﻋﻪ ... ﺧﻠﻲ ﻳﻮﻟﻦ ﻻ ﺗﻬﺘﻤﻴﻦ ﺍﻥ ﺷﺎﺀ ﺍﻟﻠﻪ ﺍﻛﻞ ﺍﻟﺮﺿﻴﻪ ﺑﻌﺪ ﻣﺎ ﺗﺨﻠﻴﻬﻦ ﻳﺪﺧﻠﻦ ﻭﻻ ﻟﻴﺶ ﺍﺧﺎﺑﺮ ﻋﻤﺞ ﻭﺍﻛﻠﻪ ﻣﺎ ﺍﺭﻳﺪﻫﻦ ﻳﺠﻦ ﻳﺴﺒﺒﻦ ﻣﺸﺎﻛﻞ ﻻﻡ ﺭﺿﺎﻭﻱ
ﻣﺴﺤﺖ ﺩﻣﻮﻋﻲ ﺑﻜﻢ ﺛﻮﺑﻲ ... ﺑﺲ ﺑﻌﺪﻧﻲ ﻣﻘﻬﻮﺭﻩ ﺟﺎﺳﺮ ﺍﺣﺲ ﺭﻭﺣﻲ ﺗﺮﻳﺪ ﺗﻄﻠﻊ ﻭﺍﻟﻠﻪ
ﻟﺰﻣﺖ ﺭﮔﺒﺘﻲ ﺑﻮﺟﻊ ... ﺍﺣﺲ ﻣﺨﺘﻨﻜﻪ ﻭﺍﻟﻠﻪ
ﺭﺟﻊ ﺳﺤﺒﻨﻲ ﺍﻟﺤﻀﻨﻪ ﻭﺍﺣﺘﻀﻨﻲ ... ﺟﺮﻳﺖ ﻧﻔﺲ ﻭﺍﻟﺪﻣﻮﻉ ﻣﻨﻬﻤﺮﻩ ﻋﻠﺊ ﺧﺪﻱ ﺗﻌﺒﻨﻪ ﻣﻨﻚ ﻭﻣﺎ ﺍﻟﺘﺠﺊ ﺍﻟﻪ ﺍﻟﻚ ﺻﺪﻙ ﺍﻧﻲ ﻭﺭﺩﻩ ﻭﺑﻨﺺ ﺍﺷﻮﺍﻙ ﺣﻘﺪﻙ ...
ﺷﺎﻟﻨﻲ ﻭﺩﺧﻠﻨﻲ ﺟﻮﻩ ﻣﻦ ﺗﺠﻴﻨﻲ ﻫﺎﻱ ﺍﻟﺤﺎﻟﻪ ﻣﺎﻟﺖ ﺍﻟﺘﺸﻨﺞ ﺍﺩﻳﻪ ﻭﺭﺟﻠﻴﻪ ﺣﻴﻴﻞ ﺗﺘﻌﺐ ﻭﻣﺎ ﺍﻛﺪﺭ ﺍﻣﺸﻲ
ﺧﻼﻧﻲ ﻋﻠﺊ ﻓﺮﺍﺷﻲ ﻭﻃﻠﻌﻠﻲ ﻣﻼﺑﺲ ﻛﺎﻝ ﺑﻐﻤﺰﻩ ... ﺍﺑﺪﻟﺞ ﻟﻮ ﺍﻧﺘﻲ ﺗﺒﺪﻟﻴﻦ
ﺭﺩﻳﺖ ﻋﻠﻴﻪ ﺑﻘﻬﺮ ... ﻻ ﺍﻧﻲ
ﺧﻠﻪ ﺍﻟﻤﻼﺑﺲ ﺑﺼﻔﻲ ﻭﺭﺍﺡ ﺑﺎﺱ ﺍﻻﻃﻔﺎﻝ ﻭﻫﻢ ﻧﺎﻳﻤﻴﻴﻦ
ﻭﺑﻌﺪﻫﺎ ﻛﺎﻝ ... ﺗﺼﺒﺤﻴﻦ ﻋﻠﺊ ﺧﻴﻴﺮ ﺗﺮﺉ ﺍﻟﻴﻮﻡ ﻋﺬﺑﺘﻴﻨﻲ ﻣﺮﻩ ﺛﺎﻧﻴﻪ ﻻ ﺗﻌﻴﺪﻫﺎ ...
ﻃﻔﺊ ﺍﻟﻀﻮﺀ ﻭﻃﻠﻊ ﺭﻣﺸﺖ ﺑﻌﻴﻮﻧﻲ ... ﻋﺬﺑﺘﻪ !!
ﻳﺎﺭﺏ ﺩﺧﻴﻠﻚ ﺍﻧﺖ ﺍﻟﻤﺴﺘﻌﺎﻥ ﻭﺍﻧﺖ ﺍﻟﻤﻌﻮﻝ ﻓﻲ ﺍﻟﺸﺪﺓ ﻭﺍﻟﺮﺧﺎﺀ ...
..............................
ﻭﻗﺎﺭ ...
ﺭﺟﻌﺖ ﻧﻮﺍﻝ ﻣﻦ ﺍﻫﻠﻬﺎ ﻭﻫﻲ ﻻﺯﻣﻪ ﺿﻬﺮﻫﺎ ﻃﺎﺭﺣﻪ ﺍﻟﻤﺪﺍﻡ ﻋﺸﺘﻮ ﺍﻣﻮﻭﺕ ﻭﺍﻋﺮﻑ ﺷﻠﻮﻥ ﻋﺮﻓﺖ ﺍﻧﻲ ﻣﻦ ﺍﺧﺬﻧﻲ ﺟﺎﺑﺮ ﻃﻠﻊ ﺍﻟﻐﺸﺎﺀ ﻣﻄﺎﻁ
ﺟﺬﺍﺑﻪ ﻣﺴﺘﺤﻴﻴﻞ ﺗﻜﻮﻥ ﺟﻮﻟﻲ ﻛﻠﺘﻠﻬﺎ ﻻﻥ ﺟﻮﻟﻲ ﺗﺴﺘﺤﻲ ﻣﻦ ﻫﻴﺞ ﻣﻮﺍﺿﻴﻊ ﺑﺲ ﻧﻮﻳﻠﻪ ﻋﺸﻘﻬﺎ ﺍﻟﻤﻮﺍﺿﻴﻊ ﺍﻟﺠﻨﺴﻴﺔ ....
ﻫﺴﻪ ﻫﻲ،ﺍﺟﺖ ﻣﺨﻠﺼﺘﻬﺎ ﻧﻮﻭﻡ ﻭﺍﻟﻠﻪ ﺷﻨﻮ ﺳﻮﻳﺖ ﻛﻮﺭﺩﺍﺵ ﻭﺿﻬﺮﻱ ﻳﻮﺟﻌﻨﻲ ﻣﺪﺭﻱ ﺷﻨﻮ ﻣﺎ ﺷﻨﻮ ﻭﺍﻧﻲ ﺍﺣﻠﻒ ﻋﻠﻴﻬﺎ ﺟﺬﺍﺑﻪ ﻻ ﺣﺎﻣﻞ ﻭﻻ ﺷﺊ
ﻭﺍﻟﺘﺤﻠﻴﻞ ﺍﻟﺠﺎﺑﺘﻪ ﺍﻛﻴﺪ ﺗﺤﻠﻴﻞ ﺯﻭﺟﺔ ﺍﺧﻮﻫﺎ ﻭﺳﺠﻠﺘﻪ ﺑﺎﺳﻤﻬﺎ ﻋﺎﺩﻱ ﺗﺴﻮﻱ ﺫﻳﺞ ﺗﺴﻮﻱ،ﺗﺤﻠﻴﻞ ﻭﻫﺎﻱ ﺗﻐﻴﺮ ﺍﻻﺳﻢ ﺑﺪﻝ ﻣﺎ ﺩﻛﻮﻝ ﺍﺳﻤﻬﺎ ﻓﻼﻧﻪ ﺩﻛﻮﻟﻪ ﻧﻮﺍﻝ
ﻫﻲ ﻣﻦ ﺍﺟﺖ ﻟﺤﺪ ﺍﻻﻥ ﺷﺎﺩﻩ ﺣﺮﺍﺑﻪ ﻭﻳﻪ ﺟﻬﺎﻝ ﺟﺎﺳﺮ ﻛﻞ ﺷﻮﻳﻪ ﻭﻛﺮﺻﺖ ﻭﺍﺣﺪ ﻭﻣﻦ ﻭﺍﺣﺪ ﻳﺤﺠﻲ ﻭﻳﺎﻫﺎ ﺗﻨﺰﻝ ﺛﻨﻌﺶ ﻣﻌﺼﻮﻡ ﻫﻲ ﻣﻤﺴﻮﻳﺘﻠﻬﻢ ﺷﺊ
ﻫﻢ ﻭﻛﺤﻴﻦ ﻣﻮ ﻋﺎﻗﻠﻴﻴﻦ ﺑﺲ ﺍﻃﻔﺎﻝ ﻣﺎ ﻳﻔﻬﻤﻮﻥ ﻭﻣﺮﺍﺕ ﺗﺤﺮﺽ ﺳﺠﺎﻭﻱ ﺗﻜﺘﻠﻬﻢ ﻫﻲ ﺳﺠﺎﻭﻱ ﻣﻮ ﺻﻐﻴﺮﻩ ﻛﺒﻴﺮﻩ
ﺟﻌﻔﺮ ﺿﺎﻝ ﻳﻨﻜﻞ ﻋﻠﻴﻬﺎ ﻣﻦ ﺍﻟﻤﻄﻌﻢ ﻛﺒﺎﺏ ﻭﻣﻌﻼﻙ ﻫﻬﻬﻬﻪ
ﺳﺒﺤﺎﻥ ﻣﻐﻴﺮ ﺍﻻﺣﻮﺍﻝ ﻭﺍﻟﻠﻪ ﺟﻨﻬﺎ ﺳﺎﺣﺮﺗﻪ ﺻﺎﻳﺮ ﻣﺨﺒﻞ ﺭﺳﻤﻲ ﻭﻳﺘﻨﻔﺲ ﻧﻮﺍﻝ ...
ﻭﻫﻲ ﺟﺎﻳﺒﻪ ﺑﻨﺖ ﺍﺧﺘﻬﺎ ﺍﻃﻴﺎﻑ ﺩﻛﻮﻝ ﺗﺴﺎﻋﺪﻧﻲ ﻷﻥ ﻣﺎ ﺍﻛﺪﺭ ﺍﺷﺘﻐﻞ ﻣﻮﺟﻮﻋﻪ ﻣﻦ ﺍﻟﻜﻮﺭﺩﺍﺵ ...
ﻭﻫﺎﻱ ﺍﻟﺒﻨﻴﻪ ﺣﻴﻴﻞ ﻣﺴﺘﻬﺘﺮﻩ ﻭﺍﻟﻠﻪ ﻭﺍﻟﻠﻪ ﺑﻌﻴﻨﻲ ﺷﻔﺘﻬﺎ ﻣﻦ ﺷﺎﻓﺖ ﺻﻼﺡ ﺭﻓﻌﺖ ﺛﻮﺑﻬﺎ ﻟﺤﺪ ﺍﻟﺴﺎﻕ
ﺣﺘﺊ ﺻﻼﺡ ﺑﺎﻭﻉ ﻋﻠﻴﻬﺎ ﺍﻧﺼﺪﻡ ﻭﻣﻦ ﺍﺭﺗﺒﺎﻛﻪ ﺧﻠﻪ ﻭﺩﺧﻞ ﺍﻟﻐﺮﻓﺔ ﺟﻮﻟﻲ ﻫﻤﺰﻳﻦ ﺟﻮﻟﻴﻴﺖ ﻣﺠﺎﻧﺖ ﺑﻐﺮﻓﺘﻬﺎ ﺟﺎﻥ ﺿﻠﺖ ﺗﻌﻴﻂ ...
ﺷﻔﺖ ﻧﻮﺍﻝ ﺳﺎﻓﻄﻪ ﻭﻳﻪ ﺟﻌﻔﺮ ﻭﺗﺸﻜﻲ ﺍﻟﻪ ﻣﻦ ﺟﻬﺎﻝ ﺟﺎﺳﺮ ﻭﺩﻛﻮﻟﻪ ... ﺟﻮﻟﻴﻴﺖ ﻣﺎ ﺗﺼﻴﻴﺢ ﻋﻠﻴﻬﻢ ﻭﻣﻮﺗﻮﺍ ﺭﻗﻴﻪ ﺗﻤﻮﺕ
ﻋﺎﺩ ﻫﻮ ﺍﺟﻪ ﻫﺠﻢ ﺻﺎﺡ ﺑﺼﻮﺕ ﻋﺎﻟﻲ ﻋﻠﺊ ﺟﻮﻟﻴﻴﺖ ... ﺟﻮﻟﻴﻴﻴﺖ ﻭﻳﻨﺞ ﺗﻌﺎﻟﻲ ﺍﻟﺰﻣﻲ ﺟﻬﺎﻟﺞ ﻻ ﻭﺍﻟﻠﻪ ﺍﻟﺰﻣﻬﻢ ﺍﻣﻮﺗﻬﻢ ﻛﺘﻞ
ﺭﺩ ﻋﻠﻴﻪ ﻣﺠﺘﺒﺊ ﺑﻌﺼﺒﻴﺔ ... ﻭﺍﻟﻠﻪ ﺩﻭﻝ ﺑﺎﺑﺎ ﻋﻠﻴﻚ ﺗﺘﻠﻚ ﺑﺎﻟﺪﺩﺱ ... « ﻭﺍﻟﻠﻪ ﺍﻛﻮﻝ ﺍﻟﺒﺎﺑﺎ ﻋﻠﻴﻚ ﻳﻜﺘﻠﻚ ﺑﺎﻟﻤﺴﺪﺱ »
ﻛﻠﻬﺎ ﺑﻐﻀﺐ ... ﺷﻮﻓﻴﻬﻢ ﺟﻬﺎﻟﺞ ﻣﺎ ﻋﻨﺪﻫﻢ ﺗﺮﺑﻴﻪ ﻣﺎﻛﻮ ﻫﻴﺞ ﺍﻃﻔﺎﻝ ﺭﺑﻲ ﺟﻬﺎﻟﺞ ﻣﻮ ﺑﺲ ﺗﻌﺮﻓﻴﻦ ﺗﻨﻄﻴﻬﻢ ﺧﺒﺰ ﻭﺗﺪﻳﺤﻴﻨﻬﻢ
ﻭﺍﻟﻠﻪ ﺍﻛﻄﻌﻬﻢ ﺗﻜﻄﻊ ﻣﺎ ﻋﻨﺪﻫﻢ ﺗﺮﺑﻴﻪ
ﻫﻲ ﺟﻮﻟﻴﻴﺖ ﺍﺑﺪ ﻣﺠﺎﻭﺑﺘﻪ ﺳﻜﺘﺖ ﻭﺩﺧﻞ ﺟﺎﺳﺮ ﻃﺒﻌﺎ ﻫﻮ ﺟﻌﻔﺮ ﻣﻦ ﺟﺎﺳﺮ ﻳﺠﻲ ﻳﺸﺮﺩ ﻣﻦ ﺟﺎﺳﺮ ﻳﺮﻭﺡ ﻳﻀﻞ ﻳﺘﻌﻴﻘﻞ ﻋﻠﻴﻨﻪ
ﻣﻦ ﺷﺎﻑ ﺟﺎﺳﺮ ﺧﻤﺪ ﻭﻣﻼﻣﺤﻪ ﻻﻧﺖ ﻛﻠﻪ ﺟﺎﺳﺮ ... ﻣﻨﻮ ﻣﺎ ﻋﻨﺪﻫﻢ ﺗﺮﺑﻴﻪ ﺑﻼ ﺯﺣﻤﻪ ﺍﺳﺘﺎﺫ ﺟﻌﻔﺮ
ﺭﺩ ﺑﺨﻮﻑ ... ﻫﺎﺍﺍﺍ ﺍﻧﻲ
ﻛﻠﻪ ﺑﺠﻤﻮﺩ ... ﺍﻛﻴﻴﺪ ﻭﻣﻦ ﺯﻣﺎﻥ ﻣﻮ ﻣﻦ ﻫﺴﻪ ﺗﻌﺎﻝ ﻭﺭﺍﻱ ﻋﻨﺪﻱ ﺣﺴﺎﺏ ﻭﻳﺎﻙ
ﻫﻮ ﺑﻠﻊ ﺭﻳﻜﻪ ﺑﺘﻮﺗﺮ ﻛﺎﻝ ... ﺷﻴﺮﻳﺪ ﻫﺴﻪ ﻭﺍﻟﻠﻪ ﻣﻮﺗﻨﻪ ﻭﺍﺣﺪ ﻣﺎ ﻳﺘﺤﺮﻙ ﺑﺎﻟﺒﻴﺖ ﺍﺫﺍ ﻣﺎ ﺟﺎﺑﻪ ﺑﺮﺍﺷﺪﻱ ﻭﺍﻟﻠﻪ ﻟﻮ ﺍﺷﻴﻞ ﻟﻮ ﻫﻮ ﻳﺸﻴﻞ
ﺍﻧﻲ ﺧﻠﻴﺖ ﻭﺍﺧﺬﺕ ﺍﻟﺠﺎﻱ ﺍﻻﺧﻮﻳﻪ ﻻﻥ ﺟﻮﻟﻲ ﻛﻌﺪﺕ ﺗﻐﺴﻞ ﺑﻤﻼﺑﺲ ﺟﻬﺎﻟﻬﺎ
ﺍﻧﻄﻴﺘﻪ ﺍﻟﺠﺎﻱ ﻭﻫﻮ ﻃﻔﺊ ﺟﻜﺎﺭﺗﻪ ﺑﺎﻟﻨﻔﺎﺿﻪ ﻭﺩﺧﻞ ﺟﻌﻔﺮ
ﺟﺎﺳﺮ ﻭﻛﻒ ﺑﺎﻭﻋﻠﻪ ﺑﺤﺪﻩ ﻛﻠﻪ ... ﻭﻳﻦ ﻣﻮﺑﺎﻳﻠﻚ ؟
ﺭﺩ ﻋﻠﻴﻪ ﺑﻘﻠﻖ ... ﺿﺎﺍﺍﺍﻉ
ﻣﺎ ﺍﺷﻮﻭﻭﻑ ﺍﻟﻪ ﺟﻌﻔﺮ ﻓﻘﺪ ﺗﻮﺍﺯﻧﻪ ﻣﻦ ﻗﻮﺓ ﺍﻟﺮﺍﺷﺪﻱ ﺍﻟﻲ ﺍﺟﺎﻩ ﻣﻦ ﺟﺎﺍﺍﺳﺮ
ﺣﻂ ﺍﻳﺪﻩ ﻋﻠﺊ ﺧﺪﻩ ﻭﺑﻠﻊ ﺭﻳﻜﻪ ﺑﺎﻭﻉ ﺍﻟﺠﺎﺳﺮ ﻭﺑﻌﺪﻫﺎ ﻧﺰﻝ ﻋﻴﻮﻧﻪ
ﻫﻞ ﻣﻮﻗﻒ ﺷﻜﺪ ﺫﻛﺮﻧﻲ ﺑﺎﺑﻮﻳﻪ ﻫﻮﺍﻳﻪ ﻣﻮﺍﻗﻒ ﺻﺎﺭﺕ ﻫﻴﺞ ﻣﻦ ﺍﺑﻮﻳﻪ ﺑﺴﺒﺐ ﺟﻌﻔﺮ
ﻟﺰﻣﻪ ﻣﻦ ﻳﺎﺧﺔ ﻗﻤﻴﺼﻪ ﻭﻫﺰﻩ ﺑﻌﻨﻒ ... ﻭﺳﻜﺮﺭﺭﺍﻥ ﻣﻮﻭﻭ ﺍﺧﺬﻭﺍ ﻣﻮﺑﺎﻳﻠﻚ ﻭﻓﻠﻮﺳﻚ ﻭﺍﻧﺖ ﻛﻞ ﻋﺎﺩﻩ ﻣﺎ ﺗﺪﺭﻱ ﺑﺮﻭﺣﻚ
ﻭﻣﺨﻠﻲ ﻣﺮﺗﻚ ﺗﺨﺎﺑﺮ ﻭﺍﻧﺖ ﺗﺨﺎﺑﺮ ﻣﻦ ﺭﻗﻤﻬﺎ ﻭﻟﻚ ﺍﻧﺖ ﺷﻨﻮﻭﻭ ﻣﻦ ﻣﻠﻪ ﺍﻧﺖ ﺑﺲ ﺑﺎﻟﺠﻨﺴﻴﻪ ﻛﺎﺗﺒﻴﻦ ﻧﻮﻉ ﺍﻟﺠﻨﺲ ﺫﻛﺮ ...
ﺍﻻ ﺍﻧﺖ ﻣﺎ ﺍﻟﻚ ﺍﻱ ﻋﻼﻗﻪ ﺑﺎﻟﺮﺟﻮﻟﻪ ﺍﺻﻼ ﺍﻧﺖ ﻭﺍﺣﺪ ﻋﺎﺍﺍﺭ ﻭﺳﻜﻂ
ﻭﺑﻌﺪﻳﻦ ﺗﻌﺎﻝ ﻳﺎﻟﺨﻤﺎﺭ ﻳﺎﻟﺴﻜﻴﺮ ﻟﻴﺶ ﻃﺎﺭﺩ ﺫﻳﺞ ﺍﻟﻤﺴﻜﻴﻨﻪ ﻭﻛﺎﺗﻠﻬﺎ ﻻﻥ ﺷﻬﺪﺕ ﻋﻠﻴﻚ؟ ﻟﻮ ﺷﻨﻮ
ﺭﺩ ﻋﻠﻴﻪ ﺑﺤﺪﻩ ... ﻻ ﺿﺮﺑﺖ ﻧﻮﺍﻝ ﻭﻣﻮﺗﺖ ﺍﺑﻨﻲ
ﺟﺎﺳﺮ ﺟﺎﻭﺑﻪ ﺑﻐﻀﺐ ... ﺍﻣﺪﺍﻙ ﺍﻣﺪﻩ ﺭﺟﻮﻟﺘﻚ ﻟﻚ ﻋﺎﺍﺭ ﺗﻀﺤﻚ ﻋﻠﻴﻚ ﻭﺣﺪﻩ ﻣﺜﻞ ﻧﻮﺍﻝ ﻣﻨﻴﻦ ﺣﺒﻠﺖ ﻣﻦ ﺍﻟﻬﻮﺍ ﺗﺠﺬﺏ ﻋﻠﻴﻚ ﻭﺍﻧﺖ ﻣﺜﻞ ﺍﻟﻤﻄﻲ ﻣﺼﺪﻙ
ﺷﻮﻑ ﻟﻚ ﻻ ﺗﻜﻌﺪ ﺍﻧﺖ ﻭﻧﻮﻳﻠﻪ ﺗﺴﻮﻭﻟﻨﻪ ﻣﺸﺎﻛﻞ ﻭﺗﺤﻂ ﻋﻘﻠﻬﺎ ﻭﻳﻪ ﻣﺠﺘﺒﺊ ﻭﻣﺮﺗﻀﺊ ﺍﻧﻲ ﺍﺑﻮﻫﻢ ﻭﺍﻧﻲ ﺍﻟﻲ ﺍﻟﻪ ﺳﻠﻄﻪ ﻋﻠﻴﻬﻢ ﺍﻟﻪ ﻻ ﺍﻧﺖ ﻭﻻ ﻣﺮﺗﻚ ﺍﻟﻜﻢ ﺳﻠﻄﻪ ﻋﻠﻴﻬﻢ
ﺭﺩ ﻋﻠﺊ ﺟﺎﺳﺮ ﺑﻬﺪﻭﺀ ... ﻫﻢ ﻣﺎ ﻳﻜﻌﺪﻭﻥ ﻳﺼﻴﺤﻮﻥ ﻋﻠﻴﻬﺎ ﻭﺟﻬﻪ ﺍﻟﻄﺎﻭﻩ
ﺍﻧﻲ ﺑﺼﺮﺍﺣﻪ ﻣﺘﺖ ﺿﺤﻚ ﻫﻲ ﻣﻮ ﺗﻜﺮﺻﻬﻢ ﻫﻢ ﺻﺢ ﻳﺼﻴﺤﻮﻥ ﻋﻠﻴﻬﺎ ﻭﺩﻫﻪ ﺍﻟﻘﺎﻭﻩ ... ﻋﻮﺩ ﻭﺟﻬﻪ ﺍﻟﻄﺎﻭﻩ
ﺭﺩ ﻋﻠﻴﻪ ﺟﺎﺳﺮ ﺑﺪﻭﻥ ﻧﻔﺲ ... ﻟﻴﺶ ﻫﻮ ﻣﻨﻮ ﻋﻠﻤﻬﻢ ﻋﻠﺊ ﻫﻞ ﺳﻮﺍﻟﻒ ﻭﻣﻨﻮ ﻃﻠﻊ ﻫﻞ ﻟﻘﺐ ﻋﻠﺊ ﻧﻮﺍﻝ ﻏﻴﺮﻙ
ﺍﻧﺖ ﻣﺜﻞ ﺍﺑﻠﻴﺲ ﻳﻌﻠﻢ ﻭﻟﺪﻩ ﻋﻠﺊ ﺍﻟﺼﻼﻩ ﻭﻫﻮ ﻣﻴﺼﻠﻲ ...
ﺳﻜﺘﺖ ﻫﻮ ﻣﺠﺎﻭﺏ ﻭﻻ ﻧﻄﻖ ﺑﻜﻠﻤﻪ ﺑﺲ ﺧﻄﻴﻪ ﺍﻧﻘﻬﺮﺕ ﻋﻠﻴﻪ
ﺟﺎﺳﺮ ﻛﻠﻪ ... ﻳﺎ?