قصص عراقية:
البارت السابع..
رواية...جولييت_واسرها..غياهب الإنتقام
بقلمي...نور سمو العراق
💔💔💔💔💔💔💔💔💔💔
نـشـتــاق لأشــيــاء قــديــمـة ، ضــحــكــاٺ ،أشـخــاص أبــعـدتـهـم الأقــــدار عــنّــا،، أوقـــاٺ كــنــا فــيـهــا ســعــداء جــداً
وأشـيـاء كـثـيــرة لــن تــعـود أبـــــداً
أشــيــاَء كَــثـيـره تَــجــرحـنــا فهناك
وَلــكــن لاَ نَـجــد سِــوى الــصَـمــت
فـكـيــف نُــعــاتــبـهــم عَــلـى أفــعَــال لاَ تَـعـنـي لـهُـم شيـئــاً !
َوَلــكـنـهــا تَــعــنـي لـنــا الكثير...
...............................
جولييت....
طلعت من المطبخ اركض وبيدي الجلافه...ياا عزا وين راحو ذوول وين مشوا طبعا والله متت منهم صدك اني مسلوله بس انسليت سل من اجوو هل زوج مال الشياطيين
ويكولك طفل بريئ وطفل ملاك واني اطفالي ينبشون الميت من كبره ويطلعونه...
انضربت بجاسر الي جان لازم اوراق وما اعرف شنو ديشوفهم العمه وكعن الاوراق من ايده
من بين الاوراق وكعت محفضته انطيتهك اله وهو خله ودخل بس انتبهت للمحفضه لحد الان بيدي
فتحتها اثارني الفضول عبالي الكه الظرف بيها ولو وين الكاه اذا هو ظرف كبير مو صغير ...
شفت مخلي صورة بنته احتمال ماخذتها للمدرسه او للجنسيه يعني صورة صغيره
ابتسمت بألم...شكد يحبها ياربي ترحمها وتصبر ابوها علئ فراكها
سرحت للبعيد لذيج الذكريات الاليمه الموجعه حد النخاع من عاصم قتل عمي وفلاح وغزل
اتذكر مره من المرات تحلمت بيها غزوله الله يرحمها وهي تباوعلي ببراءه وحزن و واكفه بباب الغرفه مالتي مثل الشبح
ودكولي بحزن وعيون دامعه...ارحمي يااا انتي الزمن ما رحمه
ودائما صورتها تتلاشئ وتبتعد عني وما يضل غير العذاب الي يتلذذ بضعفي
وترجع عليه وتمسح علئ عيوووني وتبتسم بشروود...
حسيت بانغراس مثل السهم بصدري من ذيج اليله انتهت العواطف والكلام الحلو انمحئ...
ما ضل بصدري غير حب ناااشف ديتفتت مثل خبزه يابسه
لزمتها بيدي كلت خلي اجيب الاطفال وبعدها اخذ المحفظه الغرفته طلعت بره شفت واحد ديخابر عرفته هذا جابر
تنهدت بحسره علئ نفسي حييل أخجل من جابر لان محلوه طلعتي،بذاك الوقت
هو اول ما شافني قفل الخط وباوعلي ببتسامه كال...هلا بام مرتضئ شلونج البقيه بحياتج
بلعت ريك بخوف ورجعت باوعت للباب جاوبته بارتباك...اشكرك البقاء لله انت شلونك
رد بسرعه...الحمد لله تمام
مشيت عنه خطوات سريعه والهواء البارد يداعب بشالي سحبت مرتضئ ومجتبئ بقهر...ليش تطلعون بالحديقه لييش مو الدنيا بارده وهسه تتمرضون
رد عليه ابو اللسان مشمش...مو اني هو رطاوي دول حلينا نقلع برا...« رضاوي يكول خلينه نطلع برا »
رضاوي جاوبه بعصبية...شداااب والله انعله ابووك نعله ابوووك
هذا انتفض شلون يسب ابوو ضل يصررخ...ماااا نعل ابوووك انت والله اعفه والله
سحبتهم وهم يصرخوون وهاا يردون يرحون يشتكون الجاسر يكوله ابونه انسب...
حطيت ايدي علئ جبيني ...اوووه شلون بيهم ذوول وكحين
ضحك جابر كال...متعبيينج مبينين
ابتسمت ومجاوبته مشيت خطوات حسيت بعصرة ألم اهلي ليش عافوني شلوون مااات عاصم
سالته بقهر...جابر عاصم شلووون مااااات
فتح عيونه مدهوش من كلامي
درت وجهي منه والدمعه بعيني همست...امي عافتني وراحت شنو الكلام الي وصل الها حتئ عافتني وبعديين اكو شئ غااامض مو معقوله امي تعوفني احجيلي شنو تعرف عن اهلي وشلون مات عاصم
جر نفس وديحجي وما اسمع بس الصوووت الغاضب...جووولييييت
درت وجهي بخوووف عليه شفته جاااسر واكف بقامته الطووويله وحواجبه المعقوده بقسوه وعيونه الحاقد
بلعت العافيه وجابر ضل مصدووم وتوتر انوب حيشككه بينه شئ
هو خزر جابر وبعدها باوعلي بحده كال...صار شكد اصييح عليج وانتي مااااكو اثاريج هنا كاعده ادكيين سوالف
جاوبته بارتباك و حده .....هسه اجييت جنت ادور علئ الاطفال
باوعلي بغضب...الاطفال جوووه
بلعت ريكي...هسه دخلووا
جابر...اي هسه دخلو جانوا هناا يلعبوون
رد علئ جابر...انت محد طلب راييك
سحبني من ايدي ودخلني حاولت ابعد ايده عني ودفعته بتذمر...عوووفني انت شبييك شكوكي وبعديين اني ما اريدك ولا اااحببك وخرر...
بس هو مجان مهتم الكلامي واصلا بس يسحب بيه مثل البهيمه
دخلني للغرفه وباوعلي بجموود خزرته بغضب...انت شبيييك ترئ والله حتئ فشلتني ويه الولد
رد من بين اسنانه...سدي حلكج وانلصمي والله مره ثانيه من اشوفج طالعه يم جابر رجلج اكسرها
فتحت عيوني مصدومه ...ليييش وبعدين ترئ مطالعه اني رحت اجيب اطفالي
ضحك باستهزاء...اي ما شاء الله جابر ياخذهم برا وانتي ترحيين تجيبيهم شهل مهزله
تعصبت حيييل...شنو مهزله انت تعرف بيه كووولش زين ما عندي شئ ويه اي شخص
هز راسه بقبول...اكييد
جاوبته بغضب...لعد شبيييك؟
باوعلي بغموض...حتئ لو انتي او جابر ما عندكم شئ بس هاي العالم ما ترحم و وكفتج وياه بالحديقه غلللط ومره ثانيه اذا تكررت والله رجلج اكسرها
وبعدين انتي شعندج واكفه تحجيين وياه هاااا؟
خنكتني العبره وبلعت حسرتي...لان اريد اعرف السبب الي خله اهلي يرحوون ويعوفوني
رد ببرود...ما نخلص من اهلج مثلا
حطيت ايدي علئ شفايفي مقهوره من كلامه...لا هذا هو خلصت واكتفيت ومحد ضل الي بهل دييره اتطمن اتطمن
تقربت منه واني ابتسم بسخريه...ارتاحييت رضيت ضميرك ريحت ابووك بقبره هذا هو الردته صاار وحتئ امي بعد ما تريدني وشمرتني مثل الكلبه علييك
بعد ما انحرمت من اهلي وخسرتهم وخسرت امي وبعد كل هذا تحرم عليه السؤال عليهم ترئ والله ظلم
رد من بين اسنانه...ترئ تعبت منننج منو حرمج منهم هم حرموج منهم وكافي كل شئ يصير تخلي براسي لا وحق الله حتئ هذا البيت بعد ساعه ما اكعد بي
جاوبته بغضب...اي تكييف انت اكييد متزوج وتريد تاخذ راحتك وتدخل وتطلع بكيفك فتريد تخليها حجه بحجتين وتاخذ راحتك ومحد يحجي وياك بعد
عض شفته وهو يخفي هوايه من مشاعره...وشنو مثلا اذا متزوج خااايف منج ؟
رفعت اكتافي بغرور ...واذا يعني مو مهم ترئ اصلا اني حعتمد علئ نفسي واشتري بيت واكعد بي الوحدي اني وجهالي ويمكن اكعد ويايه صبريه او رضيه
سحبني من خصري عليه كال برومانسيه وخبث...ليش ما تكعديني اني وياج
حطيت ايدي علئ صدره واني ابعده عني...اني اريد انهزم منك انوب اجي اكعدك وياي بيتي هاي وين صايره؟
حرك اديه علئ خصري بعبث كال...صار شكد مكعدج وياي بيتي شو ما تذمرت منج و رغم انتي فد وحده اوووف منج نومج منحرف واني انسان فقير وخجول وحرفتيني وضيعتي اخلاقي...
هزيت ايدي باستهزاء...اي صح اهلك ما يحلفون بالله يحلفون باخلاقك ..
رد ببرود...شفتي شلوون؟
جريت نفس...لا والله احجي صدك اني اريد اكون نفسي واشتغل واشتري بيت حتئ من نترك بعض ما اكون بحاجتك
باوع للمحفضه بيدي كال...اهااا اوك من تفتحيين مشروع اريد اشتغل عامل عندج شنو راييج ؟
ابتسمت مسايره...اوك اني مشروعي خياطه ان شاء الله وانت مدام اشتغلت عامل عندي يوميه تروح تجيبلي دانتيلات وقيراجات وتول تمام؟
رد بهدوء...ادللي
حطيت محفضته علئ الميز اعرف بي يصنف عليه ومستهزء بيه كتله...هاي محفضتك وكعت منك وبعد لا تشك بيه وبجابر ترئ جابر بمثابة اخوويه واني ردت اعرف شلون مات اخويه ...
اشر علئ نفسه... اساليني واني اجاوبج
اهتز صوتي وجاوبته بورع...مفتخر؟ اسالك وتحجيلي شلون قتلت اخوويه لهل درجه كلبك مييت اسمع من غيرك ولا اسمع منك..
ارحم حالي شويه لا تعذبني شلون اسمع منك شلون ضربت اخويه ومات من بين ادييك
رد بهدوء وغموض...لا ما مات بين اديه مات بالمستشفئ
تجمدت الدموع بعيني وشهكت بالم...ليش جاسر لييش هييج سويت ليش ما سلمته للحكومه ليش ما خليت غيرك يسوي هل سالفه ليش انت بالذات
رد ببرود ...لان هذا حقي
هزيت راسي بذبول والم...واني شلون بيه ترئ،والله كوه دا اتقبل الواقع هنا تعبانه حييل وانت عادي عايش حياتك...
جر نفس كال...مثل ما اني تقبلت الصار انتي كذلك راح تتقبلين الوقت كفيل بالنسيان
غمضت عيوني واني اصبر نفسي بالكووه هذا هو راييه الله يعينه ويعيني ...
باوعلي من فووك ليجوه كال...انتي حاولي تنسين الصار وشوفي شلون راح يتغيير كلشي
تعصبت حييل...لاااا ما يتغييير شئ،مثل ما انت عاندت واخذت ثااارك اني كذلك اسوي،مثلك
رفع حاجب...تاخذيين ثارج مني لو ناويه تضربيني،طلقه وتموتيني...
جاوبته ببتسامه...مو لهلدرجه مجرمه
رد ببرود...هم صح
خليت دا اطلع تعصبت من بروده وكلامه عبالك وحده ثوله وتحجي،وياه ولا كأن بشر ودا احجي عبالك زعطوطه ماخذني،علئ،كد عقلي
درت وجهي عليه بغضب...اكولك اني اريد اشتري موبايل وسيم كارت اريد اخابر صبريه اريد الهي نفسي شويه اسوي،واتساب فايبر فلك اسوي،
جاوب بهدوء...اوك يحلو سوي وانطيني رقمج نتغازل باليل
رفعت حاجب من كلامه رغم بطني لوتني،و ودجعتني كتله...انت شارب اليوووم؟
هز راسه بأي...
هزيت ايدي ...خوش عائله كولها عركجيه
عاد هو ركض ورايه طكيتها ركضه دا اطلع وهو سحب ايدي قووي ودفعني علئ الجربايه صعد فوكايه
حطيت اديه بخووف علئ صدره...شبييك وخرر
كال...منو العركجيه ولج؟
بلعت ريكي بخووف...مو اني سألتك كتلك شارب كلت اي،وجعفر هماتين يشرب يعني اني ممجذبه عائله كلها سكرانه
دفن وجهه بركبتي وهو يبووس،بيه ويتجرء ويتلمس بجسمي دفعته بغضب،واني،اضرب،بي،بعشوائية...عزا بيعينك يا ما تستحي،اني مو محرمتك علئ نفسي ليش تنقض بالعهد
رد بذوبان وهو يشم برگبتي...سكران والسكران ما عليه عتب
لزمت ايده...وخررر جاسر حعييط انت لا سكران ولا شئ بس ما تصدك
رد بسخريه...لا عمي وداعتج سكران شارب بطليين وسكران بييج ...والسكران لا يعرف عهد ولا وعد
ما اشوف اله انفتح الباب ضحكت الحمد لله اجه الفرج....
شفتهم وهم يتعاركون واحد يريد يدخل قبل الثاني وكل واحد منهم لابس نعاله ثنينهم يسرئ تك وتك كل عاده...
جاسر ابتعد شويه واني عدلت ملابسي
احسهم يردون يتسابقوون منو يريد يوصل الكلام قبل الثاني
مجتبئ كله قبل مرتضى...بابا هدا روطي يدوول نعلا ابوووك
مرتضئ فتح عيونه بصدمه ...شدااب هو يدلي نعله ابوك واني دتله نعله ابووك انت ...
جذاب هو يكولي نعله علئ ابوك واني كتله نعله علئ ابوك انت
ضحك جاسر...يالله بالحالتيين محصل منكم لعنه
مجتبئ كعد بحضن جاسر وهو مبرطم وعاكد النونه وياشر علئ روضي...سوووفه يقلط علئ ابويه
مرتضئ بصرراخ...انت اقلط علئ ابويه...« انت تغلط علئ ابويه »...
خليتهم هم وجاسر وطلعت ياربي والله مليت وتعبت حتئ،لو احاول عقلي رافض الفكره ما اكدر اعييش وياه ...ولا اكدر اروح الاهلي وضاله متشتته....
هو ذنبي …
لٱ سكنت وية الاجوني،
ولا تبعت الراحلين، ،!! .....
........................،
جابر...
رحت البيت عمي جاسر جان جاي من السفر وعزمنه حييل مشتاقله دخلنه وتعشينه عندهم
بعدها اطفاله وكحين حييل اخذيتهم اشتريت الهم واجاني اتصال من شخص ضل يسأل ويحجي ما حبيت ادخل جوه لان الحديث جان خاص شويه
طلعت جولييت تدور علئ اطفالها من شفتها بسرعه قفلت الخط وباوعتلها سلمت واخذت جهالها وراحت
سالتني عن اخوها شلون مات احس كل كياني تزلزل
احتاريت شلون اجاوبها ونقذ الموقف جاسر من صاح عليها جان متعصب حاولت افهمه بس هو قافل وخله وراح...
مسحت وجهي بتوتر وتنهدت بضيق...شبي هذا جاسر صاير حييل مزعج وهو يعرف كلش زين اني ما بيني وبين مرته شئ...
بعدني اباوع بموبايلي شفت وقار اجت صووبي جانت لابسه ثوب زيتوني شويه كصير مو طوويل وشعرها نازل وخصلاته مبعثره بإهمال...
جريت نفس حزين من شفته لو ما المشكله الي،صارت جان هسه حامل بس للاسف ما مقسوم
ابتسمت بوجهه كلتله...شلونها حبيبتي؟
ردت بذبول...تمام
ضحكت...يالله حضري نفسج خلينه نرجع للبيت
باوعتلي بملامح جامده...لا جابر بعد ما ارجع لبيتكم
عقدت حواجبي باستغراب...ليش ؟
ردت بحده وهي تبلع ريكها...لان اريد اتطلك
انصدمت من كلامها كلتلها...ليييش؟
دارت وجهه وهي تداري دموعها...لان احنه طريقنا مسدود وما متفاهميين اببد ننفصل احسن ...
لزمتها من كتفها بحده...مو بكيفج مفهووم
جاوبت بهدوء...لا بكيفي ...يعني اني هم انسانه الي رأيي بهذا القرار واني طالبه الطلاق ما بيها شئ تضل ابن عمي حتئ لو افترقنا
بلعت ريكي،بحده...ما الي كلمه وياج اكعد ويه جاسر واتفاهم وياه ...
ردت بضحكه...وجاسر شدخله قابل انت متزوج جاسر موضوعك وياي واني وانت نقرر هل شئ
بلعت ريكي من حدة كلامها جنها جاسر حتئ نفس عيونه شكد جنت اكول عنها فقيره بس لا والله جويسر بجلالة قدره...
نفس الغرور ورفعة الخشم...
ابتسمت وزفرت بضيق...خليج عند اهلج وان شاء الله بس ترتاحين اجي اخذج...
ردت بغرور...مرتاحه كوولش بس اني اريد اتطلك
جاوبتها بحده...دروحي بابا روحي هي سهله سالفة الطلاك ومنو منجن طخيناها طخ وصاحت طلكني شبيجن تخبلتن الله يساعد نسوان قبل ماكلات وحل وهنه متحملات الحصار والعيال والرجال وانتن بس واحد يبزجن بزه تخبلتن وتعال طلكني
عاد هي ضربت رجلها بالارض وراحت متعصبه وهي دكول والله ولا ارجع والله انت اصلا لا تحبني ولا تحترمني وتكرهني ادري بييك
ضحكت علئ عقلها وهزيت راسي خليها كم يوم ترتاح عند اهلها وان شاء الله اجي بعديين اخذها...
رجعت دخلت جوه شفت جاسر مطنكر بوجهي ياربي قابل اني داخل لغرفة مرته شو هي الطلعت وسالتني شبي هذا مو وكته ابد....
اخذت اهلي وطلعت و وقار ضلت عند اهلها ...
اجيت اخذ ريهام ويانه لان خطيه تعبانه بس هي ما قبلت كالت عندي موعد بالدكتور باجر وصلاح ياخذني ...
واني سويت تحليل لان اريد اتبرع الها بالنخاع وان شاء الله يطلع مطابق
.............................
شهد ..
طلعت من غرفتي دا اروح للمطبخ اجيب مي ..
واشوف وجه الطاوة واكفة يم التواليت وشاعلة شمعة بالكاع مثبتتها وواكفة يمها وتتلفت بخوف ..
ستغربت .. تمشيت بخفة واتختل ورحت باتجاهه
وهي منطيه ظهر
وكفت وراها وحجيت بصوت عالي فززها
هاااي شنوو هاي شدتسووين ؟؟
التفتت مفزوعة وايدها على قلبها ، رمشت بقووة
وكالت هاااي شبييج شدعوااج ؟؟ فززتيني احجي بصوت ناصي ترة اسمعج موو طرشة اني .
تخصرت وبالايد الثانية اشرتلها ع الشمعة
هااي شنوو يله سألتج جاوووبي ..
ارتبكت بالكلام شش ششنو بعد شمعة
ههههه متعرفيها هاي شمعة ...
رديت بنتر : شمعة شسوي يم التواليت سوالفج موو عليه هاي ترة اعرفهن كلهن تردين تسووين سحورة مووو ؟؟
وظليت اضرب بيدي على ايدي الثانية ..
هي ردت بلعثمة : سحوورتيش لاتسوينها قصة بالله ..
ظليت احرك بحواجبي اسويها قصة موو شبيج خالة خفتي ؟ لو الي بعبه مطي يجووعر اني رايحة اكول لجعفر تردين تهجمين البيت بسحورتج لا مااسكتلج .
دا اروح سحبتني من ملابسي واني جريت ملابسي وطرررت للغرفة مالته هو ونويلة ..
فتحت الباب عليه ودخلت .. شفته نايم على السرير ..
انقهرت حيل دمعت عيوني وحسيت قلبي يعلن عن انقباضة قاسية .
رحت سحبته من ملابسه واكعده من النوم ..
جعفر كووم جعفرررر كووم شوفها شدتسووي بينا كوووم ..
كام متنرفز : اووو وسم المطي شبييييج شبييييج لاتكولين واحد خامد نايم شكوو مكعدتني .
كتله كووم شووف سحورة مرتك كووم شاعلة شمعة يم التواليت شنو القصد منها هاي هاا شنوو ؟
طبت هيه تتمسكن وهو كاعد ع السرير يفرك بعيوونه ..
كالت شدعوة وشصار كلبت الدنيا ، حبيبي جعفر وروح فلاح كلوب التواليت شكل ورقاوي تريد تفوت للتواليت شعلت شمعة الها عن لا تخاف من الظلمة .
واني واكفة واجت هاي ام لسان اخذتني حاصل فاصل
بكد بزر بطني وتحاسبني مالها حق شنو هالظلم هذا .
رديت بسرعة جذابة اصلا رقية مجانت بالتواليت انتي لوحدج جنت واكفة .
كام على حيله وكال اووووو شهد لا تحطين رووحج بكل شي كاااافي ويله امشي ولي لغرفتج يله ولي وحس مااسمعلج .
نزلت دمعة على خدي كولش متغير عليه ياربي شلون ارجعه الي شلوووون .
طلعت بكرامتي من غرفته وخليت نوال تباوعلي بشماتة وجوفي مشتعل شعل بالنار .
رحت للغرفة كعدت ابجي مقهورة وكلبي معصور عصر
... ... ...
لليل حسيت على الباب انفتحت خفت لا دخلت نويلة تخنكني ولو ترش سحورتها عليه واني نايمة اتوقع كل شي .
دفرت الغطى وكمت بسرعة ...
شفت جعفر مد ايده فتح الضوه وجاي باتجاهي ويتطوطح ..
عرفته سكران ، شحيت وجهي منه بانزعاج ، حسيت السرير نزل عرفته كعد يمي .
مد ايده لحنجي ودار وجهي عليه
ظليت اباوعله بزعل وقهر ..
هو كال بتوسل وبثمالة وعيونه حمر
شهد شهوودة حبيبي خو مزاعلنة مني ؟
باوعتله مزعوجة ورفعت تك حاجبي ..
لا خلص تعودت عليك من صاحي متريدني بس من سكران تحتار شون ترضيني .
لف اكتافي بذراعه واخذني لحضنه
كال بحزن : لا حبيبي مو هيج موو هيج بس اني محتاجج واذا ما ألجئ الج المن الجأ .
عدلت كعدتي كلت باستغراب : خير جعفر شبيك شصاير وياك ؟؟
رد والله ياشهودة باكو تليفوني وفلوسي واريد تليفونج اخابر عليهم بلكي ير جعونه ..
كمزت من السرير واني اكول اي تدلل .. انتبهت النفسي كبر شكد عار اني قبل شويه رزلني وانوب مو بس هيج سكران...
بس لا والله حرامات موبايله من هذا الزين هسه مشتري وغالي
رحت جبت تليفوني وانطيته اله ..
اخذه وظل يدردم .. بنبرة ثمالة ..
الله اليوم اله شعل صفحة الخلفوهم ...
واني واكفة كتله ادري شلون تشعل صفحة الخلفوهم بالمكالمة انت يمته تبطل سوالف الشرب هاي ..
اشرلي بيده وبملامحه بعدم اهتمام وظل يصيح
والله ك*** د ساقط هذا منو اليحجي وياي ؟؟ ترجع التليفووون لا اسمط عشيرتك سمممط .
ظل يصيح فجأة بعصبية
سدااه بووجهي ابن الطركة ...
ظل يخابر وميجاوبون اخر شي حظروا رقمي من يمهم ..
وهو ظل يشيل روحه ويركعها بالكاع من العصبية
زوجي السكران انقهرت عليه امداني
هم سكران وهم بايكين تليفونه وهم نويلة سامطته بسحر ..
شفته نايم جفي على السرير ، ويدردم وحده ويسب ويغلط ..
طلعت من الغرفة توجهت لجوليت دكيت الباب ودخلت يمها جانت خالة صبرية ..
كالت شبيج لابسة وجهج بالمكلوب .
فركت وجهي ها خالة موبايل جعفر انباك ومقهورة عليه ..
كالت يولي فدوة نمووونة ..
باوعتلها خالة غالي حيييل شون فدوة .. ومو بس هييج بي صور اليه ومحادثات وهو سكران يجوز حتئ فاتح الهم الرمز...
كالت طبه حمس وليش يشتري من الغالي شبي الصرصور ؟
وشالت تليفونها صرصور قديم تأشر بي ..
جوليت كالت خابروهم بكلي يرجعونه...
رديت بحزن : مو خابرهم من تليفوني وحظروا رقمي ..
ردت خالة صبرية : خابريهم من الصرصور مالتي ..
كمزت جبت تليفوني وشفته نايم ع السرير ، عفته وصعدت لجوليت .
خليت الرقم بتليفون خالة صبرية
واتصلنا على تليفون جعفر ..
وخالة صبرية تبرعت تحجي وياهم ..
كالتله خايب الغسل حتى الغسل ماتستحون تبوكون تليفوونات اشوو رده يله ورجليك على راسك لا اجيك بابو الصجم مالتي ازرف بطنك تزرف بي .
خليت اذني يم التليفون واسمع ذاكه شيكوللها وهيه تدفع بيه
كاللها بحماس بعد بيتي والله ارجعه وارجع ابوو بس بشرط ..
انه تتشرط عليه يالحرامي هينه ..
رد اسمعي شغلة تفيدج
كالت نسمع من الحرامية شعدنا ..
كاللها ارجعه بس اله انام وياج وانطيج الموبايل وفوكاه خمسين الف شكلتي ؟؟ يم صوت الحلوو .
صاحت : امداني صار سنين مطلكه محد تحرش بيه هسه انت تريدني بخمسين الف ولك ضامه روحي سنين هو هذا تقديري خمسين الف من تف عليك اي والله اذا اجيك بالمسدس اكو احد يلومني ؟؟؟
باوعت عليه وهمست بصوت ناصي...هسه من كوون يزيد السعر بيها باب وجواب
كلها..اووويلي انووب مطلكه صووتج حلو ولو مبين محمداوي بس يمووع تعالي الشقتي واخذي الموبايل نكضيلنه ليله وبعدها انطيج الموبايل والفلوس وفوكهن خمسين الف...
صبريه . خوووش اجي بس عود جيب اختك يتمتع بيها صاااحب يالكواد يالساقط ...وبعدها كلامها كله طووط وزائد 18
هو يفشر
كلتلها شهد...خاله مو هييج جيبي بالسياسه خلي اني احجي وياه اسايسه
اخذت الموبايل كلتله...فدوه خوويه رجع الموبايل
رد عليها بسخريه...هي مال خوويه تعاي للشقه الموبايل عندج
خمطت صبريه الموبايل منها كلتله...مو من اجي اخلي الموبايل.....
عاد هو رد عليها...انتي عجبتيني اليوم ما اهدج
كلتله...والله من اهد عليك كنوش اله اخلي ينطحك بمكان يخليك بعد ما تفكر تروح شقق ابو الشقق الساقط...
ضلت هي ترفع وهو يكبس اخر شئ اني بصراحه مدري الله ذب عليه ضحك يعني اذا احجي الصار بالقلم العريض يمكن تموتون ضحك بس شويه الموضوع حساس...
تالي قفلت الموبايل كالت...لو يدري كنوش اشتروا شرفي بخمسين الف اله يتفل بوجهي...
ولكم شني هذا تقديري خمسين الف امداني اي والله واني اكول ابو اللول طلكني ثاري تقديري خمسين الف
خلصتها اليل كله اضحك وكل شويه وكلتلها خاله .ترئ تقديرج خمسين الف
وهي تضربني...اسكتي يالمايعه هاي،بدون شوف قدرني
شهد...
خليت وطلعت ما استفاديت شئ وخالتي صبريه شبعتهم فشار وذاك مطووخ جنه هم سكران مدري هو ساقط ضال بس يفشر...
خليت ورحت نمت وباجر ان شاء الله اكول الجاسر يادبه....
ربج جاسر مو هنا بالشغل جان موته كتل...
.............................
جوليت...
خالتي صبريه راحت من الصبح بعد عركه طوويله بينها وبين الشخص الي سرق الموبايل...بس بصراحه ضحكت متت ضحك البارحه
صار دنيا العصر اني جنت ملتهيه باطفالي ...
هاا صدك من اجتنه خاله صبريه جابتلي مكينة خياطه وكلها حدت اسنانها...
حتئ جاسر من شاف المكينه تخبل كال...شنووو تخيطيين ما اخليج علئ،شنو كاسره ضهرج اني مو كل يوم امشيلج مصرف واذا احتاجيتي كنتوري موجود...
جاوبته واني اتفاده المشاكل...لا مو اخييط بس اني حابه الهي نفسي ومرات يعني اكف او اقرم ثوبي او ملابس الجهال...هيج شئ...
باوعلي بغموض...علينا جولييت تردين تكسرين ضهرج بالخياط
تنهدت ...لا والله بس اتعلم ما بيها شئ بس يعني استفاد منها الي او لاطفالي ماما رضيه او فساتين مكطعه
عض شفته...اييي خيطي فستانج الكطعت الدكم مالته اوووف والله ليله كووون نعيدها شنو راييج
خزرته بغضب...مو فستاني فستان رهومه وبعد ما اعييد هيج ليالي اوك ابو مرتضئ
احتضن خصري...ليش ام مرتضئ شنو ما عجبتج ذيج اليله حتئ اذا ما عجبتج اسويلج جو رومانسي اكثر
بعدت ايده من خصري...اهووو جااسر عوفني ابببد ما اصير وياك رومانسيه والله
رد بتنهيده...اصلا انتي رومانسيتج معوقه ...
رديت عليه ....يااا شبيها معوقه ما اعرف ابوووس ما اعرف احضن ما اعرف اغازل كوووولشي اعرف
رفع حاجب بغرور...كلشي ماكوو اصلا اسم الرومانسيه ما عندج فاهيه ومايعه وبس تتنعوصين ...واذا بيج خييير شوفيني رومانسيتج
جريت نفس بغضب وعود سويت روحي رومانسية...اني احب....
بعديين انتبهت علئ نفسي شكد غبيه وثوله ومطيه شلون يستفزني حتئ اكوله احببك واحضنه وابوسه
ابتسمت بثقه...لا يابه ما اعرف كنوش رومانسيته احسن مني
دار وجهه وهو يعدل بقميصه...اي مو كلت
ابتسمت اردفت بحنين...جاسر ممكن اطلب طلب
باوعلي ورد بثقه...عيوني الج
خجلت من كلامه ونزلت عيوني وبعدها رفعت راسي بللت شفايفي بتوتر ...اريد تاخذني للسوك او مول اي مكان اريد اجيب هديه الرهومه قبل فتره عيد ميلادها وانت جنت بالسفر
هو صح اني محرمتك علئ نفسي وجان اكدر اطلع بس لا اني اخلاقي وتربيتي متسمحلي لذلك انتظرتك تجي واكولك علئ الهديه
ضحك كال...ادللي روحي حضري نفسج واني اخذج
فرحت حييل رغم خاطري مكسوور هي رهومه طلعت من المستشفى قبل يوميين...
خلينه ورحنه وطبعا مجتبئ ومرتضئ اخذناهم ثنينهم لان وكحيين واخاف اني عليهم اخاف نوال تضربهم لان للامانه هم يكتلون بنتها الصغيره وهي تضل تحجي
حقها بهاي السالفه لان اني ما احمدهم وكاحتهم فوول بحيث ديج صبريه مسويه طلي ويردون يصعدون عليه يكولون مييع...
احسهم مثل نييلز وهذا الديج مثل البطه العذبها نيلز ...
رحنه للمول عاد هم تخبلوا عبالك مشايفيين البجي وصريخ حيييل مو مؤدبيين والله وابوهم محتار شنو يشتري الهم
هو جاسر خبلهم هو ورضيه واني هم وياهم لان شيردون نجيب الهم عبالك ما عندهم قناعه
بس يالله اذا عليه وعلئ ابوهم ما يدللون عليمن يدللون علئ وجهه الطاوه...
اشتريت الريهام ساعه كوولش حلوه و وياها سووار لونهم فضي بس جانت شويه غاليه واشتريت الها بوكس مال ورد وبي قراان كوولش حلوو يجنن...
جاسر كال شنو حابه تاخذين اخذي بس الحمد لله اني مقتنعه واحس مو بحاجة شئ
هو جاسر كال...اني جايب هديه وياي الريهام من السفر
حولت عيوني ولويت شفايفي...عابت حتئ رهومه ذاكرها واني لاا شبيه بيه جرب وما يذكرني
يالله مو مهم اطفالي اكبر هديه من رب العالمين...
رجعنه للبيت وما اشوف بس الصياح والعيطه كابه وشهد تصيح ونوال تلعلع...
دخلنه عاط بيهن جاااسر بغضب...ومرض وسسم شبيجن اصواتجن طالعه للشارع مو صوجن صوج الاغم زوجن الي ما عرف يكص اللساناتجن
ردت نوال وهي تبجي ...اي والله كله من جعفر جابلنه وحده مو راحه واجه دخلها بيتنه والله والله وروح فلاح والقران الزمه وادكه تلث مرات وتاخذوني للعباس،تسبحوني وتاخذوني واحلف بي اذا جذابه
البارحه سمعت شهد وجولييت يخابرن بوولد
اني فتحت عيوني مصدومه من كلامها وباوعت الجاسر وهزيت راسي بنفي
شهد كالت...والله جذابه جذابه
كلتلها...تحلفيين ما مخابرتن ولد البارحه
شهد بغصه...لا صح خابرنه
نوال تقربت منها ...وين خابرتي
ردت شهد بارتباك...بغرفة جولييت
جاسر باوعلي بغضب...شنووو هل مهزله ولجن
شهد بخووف...شوف عموو ماكوو هذا جعفر اجه سكران وبايكين موبايله واخذ موبايلي خابر منه والولد الباك الموبايل حضره
واني صح اجيت الغرفة جكليته بس خابرته من صبريه وصبريه حجت وياه لان جعفر سكران ولعب لعب علئ موبايله دووخني...
هو تخبل ضل يغلط ويسب وتحلف بجعفر ..كلها...وييينه رجلج السكط والله اليوم اسحله سحل العااار الكلب العكرجي ابو العرك...
دخل للغرفه ما لكاه رجع باوع النوال اشر الها بغضب...انتي حسابج بعديين ويه ذاك السكط....
خله وراح للغرفه...
هي لزمت بطنها يممه بطني احس دا انزف اخذوني الامي اريد امي
راحت خابرت علئ امها وامها اجت طايره اخذتها وراحت...
اني رحت اخذت الهديه ودكيت الباب انطيها الرهومه دكيت دكيت ماكوو
فتحت الباب ودخلت شفتها نايمه ومتغطيه ضحكت كلت خلي اكعدها صايره هوايه تنام...
هي نايمه علئ جنبها..هزيتها بهدوء...رهوومه رهوومتي اكعد يحلو يا جمييل شوفي شنو جبت الج
ما حسيت اي استجابه منها
درتها عليه واني تخبلت من الشفته صرخت بصووت عالي....ريهااااام...
نهاية البارت...يتبع