قصص عراقية:
ﺍﻟﺒﺎﺭﺕ 36
ﺭﻭﺍﻳﺔ .. ﺟﻮﻟﻴﻴﺖ ﻭﺍﺳﺮﻫﺎ ... ﻏﻴﺎﻫﺐ ﺍﻹﻧﺘﻘﺎﻡ
ﺑﻘﻠﻤﻲ ... ﻧﻮﺭ ﺳﻤﻮ ﺍﻟﻌﺮﺍﻕ
💔💔💔💔💔💔💔💔💔💔
ﻭﻳـﺂ ﺩﻓـﻮ ﺁﺣﻀـﺂﻧﺞ ﻏـﺮﻳـﺐ
ﺷـﺘﻮﻱ ﻭﻣـﮕﺂﺳـﺮﻟﻬﮧ ﺻـﻴﻒ ﻭﺁﻧﺘﻲ ﻋﻮﺩ ﺷـﮕﺪ ﺛﮕﻴﻠﻬﮧ ﻭﺷـﺂﻣـﻬﮧ ﺁﻟـﺒﻌﻀـﻤـﺞ ﺗﺒﻴﻦ
ﻭﺟﻠﺪﺝ ﻭﺩﻣـﺞ ﺧﻔﻴﻒ ﻭﺧﻤـﺮ ﻭﺟﻬﮩﺞ ﺳـﮕﺮ ﺁﻋﻴﻮﻧﻲ ﻋﻠﺊ ﮔﻴﻒ
ﻭﻫﮩـﺂ ﺗﺠـﻴـﻦ ﻫﮩـﺂﺁﺁﺁ ﺗـﺠـﻴـﻦ
ﺑﻴﻬﮧ ﻭﺁﻫﮩﺲ ﺳـﻨﺪﺑﺂﺩ ﻭﺫﺁﮒ ﺟﺘﻔﻬﮧ ﺁﻟﻤـﺂﺗﻌﺐ ﻣـﻦ ﻳﺂﺳـﻤـﻴﻦ
.............................................
ﺍﺣﻀﻨﻴﻨﻲ ..... ﻟﻬﻞ ﺩﺭﺟﻪ ﻭﻳﻮﺻﻞ ﺍﻻﻧﺴﺎﻥ ﺑﺎﻟﺠﺮﻭﺡ ﻭﺍﻻﻟﻢ ﻭﻳﻄﻠﺐ ﻣﻦ ﺍﺧﺖ ﻋﺪﻭﻩ ﺣﻀﻦ ﻳﺸﻔﻲ ﺟﺮﻭﺣﻪ ﻭﻳﻄﻴﺐ ﺧﺎﻃﺮﻩ ...
ﺍﺣﺲ ﻫﺬﻱ ﺍﺻﺪﻕ ﻟﺤﻈﻪ ﺑﺤﻴﺎﺗﻨﺎ ﻟﺤﻈﺔ ﺻﻤﺖ ﻭﻋﻨﺎﻕ ﺍﺭﻭﺍﺡ ﺑﻐﺼﺔ ﺍﺷﺘﻴﺎﻕ ﺗﺘﻌﺎﻧﻖ ﻋﻠﺊ ﺭﺻﻴﻒ ﺍﻟﺬﻛﺮﻳﺎﺕ
ﺍﺣﺴﻪ ﻭﻃﻦ ﻭﻫﻞ ﻭﻃﻦ ﺟﺎﺭﺡ ﻭﻣﺠﺮﻭﺡ ....
ﺍﻱ ﻣﺠﺮﻭﻭﺡ ﻭﺟﺎﺭﺣﻨﻲ ﻭﻳﺮﻳﺪﻧﻲ ﺍﻟﻤﻠﻢ ﺟﺮﻭﺣﻪ ﺑﺤﻀﻨﻲ
ﻫﻤﺲ ﺑﻌﺬﺍﺏ .. ﻭﻟﺞ ﺧﺪﺭﺍﻥ ﺑﻴﻪ ﺍﻟﺸﻮﻙ ... ﺍﺣﻀﻨﻴﻨﻲ
ﺑﺎﻭﻋﺘﻠﻪ ﺭﺟﻔﺖ ﺷﻔﺎﻳﻔﻲ ﻭﻋﻴﻮﻧﻲ ﺍﻟﻤﺬﺑﻮﺣﻪ ﺗﺘﺎﻣﻠﻪ ﺑﺤﺰﻥ ﻭﺩﻣﻮﻉ ﺣﺎﻳﺮﻩ ...
ﻟﻔﻴﺖ ﺍﻳﺪﻳﻪ ﻋﻠﺊ ﻫﻞ ﻭﻃﻦ ﺍﻟﻤﻨﺤﻮﺭ ﺧﻔﺖ ﺍﻟﺠﻢ ﺟﺮﻭﺣﻪ ﺭﺩﺕ ﺍﺭﺵ ﻋﻠﺊ ﺟﺮﺣﻪ ﻳﺎﺱ ﻣﻮ ﻣﻠﺢ
ﺩﻓﻨﺖ ﻭﺟﻬﻲ ﺑﻨﺤﺮﻩ ﻭﻫﻮ ﻟﻒ ﺍﺩﻳﻪ ﻣﺜﻞ ﺳﻴﻮﻑ ﻗﺎﺗﻠﻪ ﻋﻠﺊ ﺧﺼﺮﻱ
ﺑﺠﻴﺖ ﺑﻌﺬﺍﺏ ﺑﺠﻴﺖ ﻣﻦ ﻇﻠﻤﻪ ﻭﻗﺴﺎﻭﺗﻪ ﺑﺠﻴﺖ ﻣﻦ ﺟﺒﺮﻭﺗﻪ ﻭﻣﻦ ﻇﻠﻢ ﺍﺧﻮﺍﻧﻲ ﺍﻟﻴﻪ
ﺑﺠﻴﺖ ﻭﺍﻧﻲ ﺍﺣﻦ ﺍﻻﺧﻮﻭ ﻣﺜﻠﻪ ﻳﺮﻓﻊ ﻣﻦ ﺷﺄﻧﻲ ﻭﺍﻟﻌﺎﻟﻢ ﺗﻬﺎﺑﻨﻲ ﺑﺲ ﻳﻨﺬﻛﺮ ﺍﺳﻤﻪ
ﻳﺮﻳﺪ ﺍﺣﻀﻨﻪ ﻭﺍﻃﻴﺐ ﺟﺮﻭﺣﻪ ﻭﻫﻮ ﻣﺜﻞ ﺍﻟﺠﺒﻞ ﻣﺎ ﻳﻬﺰﻩ ﺭﻳﺢ ﻭﺍﻧﻲ ﻣﺜﻞ ﻭﺭﻗﺔ ﺑﻔﺼﻞ ﺍﻟﺨﺮﻳﻒ ﻣﺤﺪ ﻟﻜﻞ ﺩﺍﺳﻨﻲ ﻭﻛﺴﺮ ﺍﺷﻼﺋﻲ ...
ﻣﺴﺢ ﻋﻠﺊ ﺿﻬﺮﻱ ﺑﺤﻨﻴﻦ ﻭﻫﻤﺲ ﺑﺘﻌﺐ ... ﺍﺷﺸﺶ ﺗﺮﺉ ﺗﻌﺒﺎﻥ ﻣﻦ ﻧﻔﺴﻲ ﻻ ﺗﺰﻳﺪﻳﻬﺎ ﻋﻠﻴﻪ ...
ﺷﻬﻜﺖ ﻭﺍﻧﻲ ﺑﺴﺠﻦ ﺻﺪﺭﻩ ﺍﻟﺪﻣﻮﻉ ﻧﺰﻟﺖ ﻣﺜﻞ ﺍﻟﻤﻄﺮ ﻭﺑﻠﻠﺖ ﻣﻼﺑﺴﻪ ﺣﻂ ﺍﻳﺪﻩ ﻋﻠﺊ ﺭﺍﺳﻲ ﻭﻣﺴﺢ ﻋﻠﺊ ﺷﻌﺮﻱ
ﺟﺮ ﻧﻔﺲ ﻭﺯﻓﺮﻩ ﻭﻫﻤﺲ ﻋﻨﺪ ﺍﺫﻧﻲ .. ﺍﺣﻀﻨﻴﻨﻲ ﻛﺴﺮﻱ ﻛﻞ ﻋﻈﻢ ﺑﻴﻪ ﺍﺟﺮﺣﻴﻨﻲ ﻭﻏﺮﻛﻴﻨﻲ ﺑﺪﻣﻲ ﺗﻌﺒﺎﻥ ﺟﻮﻟﻴﻴﺖ ﺗﻌﺒﺎﺍﺍﺍﺍﻥ ﻭﻇﺎﻡ ﺑﻜﻠﺒﻲ ﻫﻮﻭﻭﺍﻱ
ﻭﻛﻞ ﻣﺮﻩ ﺗﺼﻴﺮ ﻭﻳﺎﻱ ﻣﺸﻜﻠﻪ ﻭﻣﺎ ﺍﺣﺠﻲ ﻻﻥ ﺍﻋﺮﻑ ﻟﻮ ﻧﻄﻘﺖ ﺑﻜﻠﻤﻪ ﺭﺍﺡ ﻧﺮﺟﻊ ﻟﻨﻘﻄﺔ ﺍﻟﺼﻔﺮ ﻭﺍﻧﺘﻲ ﺍﻟﻮﺣﻴﺪﻩ ﺍﻟﻲ ﺭﺍﺡ ﺗﺘﻌﺬﺑﻴﻦ
ﻻ ﻋﺒﺎﻟﺞ ﻫﻞ ﺣﺎﺩﺙ ﺍﻟﺘﻌﺮﺿﺖ ﺍﻟﻪ ﻋﺒﺚ ﻻﺍﺍﺍﺍ ﻫﺬﺍ ﺍﻟﺤﺎﺩﺙ ﻣﻘﺼﻮﻭﺩ ﺑﺲ ﻣﺎ ﻧﻄﻘﺖ ﺑﻜﻠﻤﻪ ﻭﻟﻮ ﺍﻧﻲ ﻣﺘﺄﻛﺪ ﻣﻨﻮ ﺍﻟﻲ ﻭﺟﻬﻪ ﺍﺳﻼﺣﻪ ﻋﻠﻴﻪ ﻭﺟﺎﻥ ﻧﺎﻭﻱ ﻋﻠﺊ،ﻗﺘﻠﻲ
ﺑﻠﻌﺖ ﺭﻳﻜﻲ ﺑﺨﻮﻭﻑ ﻭﺍﺭﺗﻌﺸﺖ ﺍﻧﺎﻣﻠﻲ ﺑﺮﻋﺐ ﺑﺲ ﻣﺎ ﺣﺠﻴﺖ ﻭﺍﻟﺸﻚ ﺩﺏ ﺑﺮﺍﺳﻲ ﻫﻮ ﻟﻮ ﻋﺎﺻﻢ ﻟﻮ ﺩﺍﻭﻭﺩ ﻭﺛﻨﻴﻨﻬﻢ ﺍﺫﺍ ﺣﺠﻪ ﻋﻨﻬﻢ ﺍﻧﻲ ﺭﺍﺡ ﺍﺭﻭﺡ ﺑﺨﺒﺮ ﻛﺎﻥ
ﺭﻓﻌﺖ ﻋﻴﻮﻧﻲ ﺍﻟﻪ ﻭﺍﻧﻲ ﻟﺴﻪ ﺣﺎﺿﻨﺘﻪ ﻭﺍﻟﺪﻣﻌﻪ ﺗﻼﻟﻲ ﺑﻌﻴﻨﻲ ﺳﺎﻟﺘﻪ ﺑﺮﺟﻔﺔ ... ﻣﻨﻮﻭﻭﻭ؟
ﺑﺎﻭﻋﻠﻲ ﻭﺿﻞ ﻣﺮﻛﺰ ﺑﻌﻴﻮﻧﻲ ﺑﺠﻤﻮﺩ ﻏﻤﺾ ﻋﻴﻮﻧﻪ ﻛﺎﻝ ... ﺑﺲ ﺍﺣﻀﻨﻴﻨﻲ ﻣﺎ ﺍﺭﻳﺪ ﺍﻱ ﺷﺊ ﺑﺲ ﺧﻠﻲ ﻧﻌﻴﺶ ﻫﻞ ﻟﺤﻈﻪ ﺑﺄﻣﺎﻥ
ﺭﺟﻌﺖ ﺣﻀﻨﺘﻪ ﻭﺧﻠﻴﺖ ﺭﺍﺳﻲ ﻋﻠﺊ ﻛﻔﺘﻪ ﺑﺲ ﺑﻌﺪﺕ ﺍﻳﺪﻱ ﻋﻦ ﺻﺪﺭﻩ ﺍﻟﻤﺠﺮﻭﺡ ...
ﺍﻧﻌﺎﺩﺕ ﻋﻠﻴﻪ ﺫﻛﺮﻳﺎﺕ ﻭﺍﻻﻟﻢ ﻫﻮ ﺍﻟﻪ ﺣﺼﻪ ﺑﻴﻬﺎ ﺷﻜﺪ ﺻﻌﺐ ﻭﺍﺻﻌﺐ ﻣﻦ ﻛﻮﻭﻟﺸﻲ ﺑﺎﻟﺤﻴﺎﺓ ﻣﻦ ﺗﺤﻀﻨﻴﻦ ﺷﺨﺺ ﻭﻫﻞ ﺷﺨﺺ ﺑﻴﻮﻡ ﻣﻦ ﺍﻻﻳﺎﻡ ﻇﻠﻤﺞ ﻭﺿﺮﺑﺞ ﻭﻣﺎ ﺍﻫﺘﻢ ﻻ ﻟﺼﻐﺮ ﺳﻨﺞ ﻭﻻ ﻟﺘﺮﺍﻓﺔ ﻋﻀﻤﺞ ...
ﺿﻤﻴﺖ ﺭﺍﺳﻲ ﺑﻜﺘﻔﻪ ﻭﺍﺗﻤﻨﺊ ﺍﻋﺎﺗﺒﻪ ﻭﺍﺿﺮﺑﻪ ﻭﺍﺧﺬ ﺣﻘﻲ ﻣﻨﻪ ﻭﻣﺜﻞ ﻣﺎ ﻳﻄﻠﺐ ﺍﺿﻤﻪ ﻟﺼﺪﺭﻱ ...
ﺑﺲ ﻣﺎ ﺍﻟﻲ ﺣﻖ ﺑﺎﻟﻌﺘﺎﺏ ... ﻫﻮ ﻣﻮ ﻣﺎﻝ ﻣﻌﺎﺗﺐ ﺍﻟﻌﺘﺐ ﻋﻠﺊ ﺍﺧﻮﺍﻧﻲ ﺍﻟﻲ ﺭﺧﺼﻮﻧﻲ ﻭﺍﻧﻄﻮﻧﻲ ﺍﻟﻪ ﻭﺍﻧﻲ ﻣﻀﺮﻭﺑﻪ ﻭﻣﻬﻀﻮﻣﻪ ﻭﻣﻜﺴﻮﺭﺓ ﺧﺎﻃﺮ ...
ﺭﺟﻌﺖ ﻣﻦ ﺗﻔﻜﻴﺮﻱ ﻋﻠﺊ ﺻﻮﺗﻪ ﻭﻛﻼﻣﻪ ﺍﻟﻤﻤﺰﻭﺝ ﺑﺤﻨﻴﻪ ﻣﻦ ﻛﺎﻝ ... ﻣﺎ ﻣﺼﺪﻙ ﻭﻗﺎﺭ ﺗﺰﻭﺟﺖ ﻭﺯﻓﻴﺘﻬﺎ ﺑﻴﺪﻱ ﺩﺍﺋﻤﺎ ﺍﺑﻮﻭﻱ ﺍﻟﻠﻪ ﻳﺮﺣﻤﻪ ﻳﻮﺻﻴﻨﻲ ﻋﻠﻴﻬﺎ ﻭﺩﺍﺋﻤﺎ ﺍﺫﻛﺮ ﻛﻠﻤﺘﻪ ﻣﻦ ﻳﻜﻮﻝ ﺗﺮﺉ ﻭﻗﺎﺭ ﻣﻀﻠﻮﻣﻪ ﻭﺗﺤﺲ ﺑﻨﻘﺺ ﻭﻫﻲ ﺍﻣﺎﻧﺘﻚ ﺍﺫﺍ ﺍﻟﻠﻪ ﺍﺧﺬ ﺍﻣﺎﻧﺘﻪ
ﺍﻧﺖ ﺗﻄﻠﻊ ﺣﻘﻬﺎ ﻭﺍﻧﺖ ﺗﻜﺒﺮﻫﺎ ﺑﻌﻴﻦ ﻧﻔﺴﻬﺎ ﻭﺗﺤﺴﺴﻬﺎ ﻭﺗﺤﺴﺲ ﺍﻟﻜﻞ ﻫﻲ ﺍﺣﺴﻦ ﻭﺣﺪﻩ ﻭﺍﺣﻠﺊ ﻭﺣﺪﻩ ﻭﺭﺍﻫﺎ ﺳﻨﺪ ﻭﺣﺰﺍﻡ ﻇﻬﺮ ﻳﺴﻨﺪﻫﺎ ...
ﻋﻀﻴﺖ ﻋﻠﺊ ﺷﻔﺎﻳﻔﻲ ﺑﺼﻤﺖ ﻭﺍﻧﻲ ﺍﻣﻨﻊ ﻋﺒﺮﺗﻲ ﻭﺩﻣﻮﻋﻲ ﻣﺎ ﺍﺭﻳﺪ ﻳﺸﻮﻓﻬﻦ ﻫﻤﺴﺖ ﺑﺪﺍﺧﻞ ﻛﻠﺒﻲ ... ﻟﻴﺶ ﻳﺎﺑﻪ ﻟﻴﻴﺶ ﻣﺎ ﺻﻨﺘﻚ؟ ﻣﺎ ﺣﻔﻀﺘﻚ ﺷﻴﺒﺎﺗﻚ؟ ﻭﺻﻴﺖ ﻣﻨﻮ ﺑﻴﻪ ﻳﺎﺑﻪ ﺗﺮﺉ ﺍﻧﻀﺮﺑﺖ ﻭﺍﻧﻬﻨﺖ ﻭﺍﻧﺤﺒﺴﺖ ﻭﺻﺮﺕ ﺧﺪﺍﻣﻪ ﻣﺤﺪ ﻛﺎﻝ ﺍﻧﻲ ﺳﻨﺪ ﺍﻟﺞ
ﻭﺻﻴﺖ ﺣﺎﺯﻡ ﻟﻮ ﻋﺎﺻﻢ ﺑﻴﻪ ... ﻟﻮ ﻧﺴﻴﺘﻮﻧﻲ ﻭﻛﻠﺘﻮﺍ ﺧﻠﻲ ﻫﻲ ﺗﺪﺑﺮ ﺍﻣﺮﻫﺎ ﺯﻭﺟﻨﺎﻫﺎ ﻟﻮ ﻳﻤﻮﺗﻬﺎ ﻭﻳﺪﻓﻨﻬﺎ ﺑﻴﺪﻩ ﻧﻜﻮﻝ ﺍﻟﻠﻪ ﻳﺮﺣﻤﻬﺎ ﻫﺬﺍ ﺯﻭﺟﻬﺎ ﻣﺎﻟﻨﻪ ﺳﻠﻄﻪ ﻋﻠﻴﻪ
ﻳﺎﺑﻪ ﻭﻗﺎﺭ ﺍﺑﻮﻫﺎ ﻣﻴﻴﺖ ﻭﺭﺍﻓﻊ ﺭﺍﺳﻬﺎ ﻭﺍﻧﺖ ﻋﻠﺊ ﻗﻴﺪ ﺍﻟﺤﻴﺎﺓ ﻭﺍﻧﺘﻲ ﺍﻧﻜﺴﺮﺕ ﻭﺍﻧﻬﻨﺖ ﻭﺍﻧﺖ ﻣﺎﻛﻮﻭﻭ
ﺣﺴﻴﺖ ﺍﺧﺘﻨﻜﺖ ﺭﺩﺕ ﺍﺻﺮﺥ ﺑﺼﻮﻭﻭﺕ ﻋﺎﻟﻲ ﻭﺍﻓﺰﺯ ﻛﻞ ﻣﺸﺎﻋﺮﻩ ﺑﺲ ﺧﻔﺖ ﻋﻠﻴﻪ ﻫﻮ ﻣﺮﻳﺾ ﻭﻣﺎ ﺍﺭﻳﺪ ﺍﻏﺜﻪ
ﺑﺲ ﻭﺍﻟﻠﻪ ﺷﻨﻮ ﻣﻦ ﺍﻫﻞ ﻟﻮ ﻛﺎﺳﺮﻩ ﻋﻴﻨﻬﻢ ﻣﺎ ﻳﺴﻮﻭﻥ ﺑﻴﻪ ﻫﻴﻴﺞ ﻻ ﻣﻦ ﺍﻡ ﻭﻻ ﻣﻦ ﺍﺏ ﻭﻻ ﻣﻦ ﺍﺧﻮﻭﺍﻥ
ﺷﻨﻮ ﺍﻟﺴﻮﻳﺘﻪ ﺣﺘﺊ ﻫﻴﺞ ﻳﺠﺎﺯﻭﻧﻲ ﻭﻳﻨﺮﻏﻠﻮﻧﻲ ﺑﺎﻟﺘﺮﺍﺏ ﻣﺤﺪ ﺟﺎﺯﻑ ﻭﺍﺳﺎﻝ ﻋﻠﻴﻪ ﻭﺍﻟﻠﻪ ﺍﻋﺘﺐ ﻋﻠﻴﻬﻢ ﻭﺍﻟﻠﻪ
ﻟﻴﺶ ﻳﺎﺑﻪ ﻣﺎ ﺧﻠﻔﺖ ﻭﻟﺪ ﻣﺜﻠﻪ ﺳﻨﺪ ﻻﺧﻮﺍﻧﻪ ﻭﺍﺧﻮﺍﺗﻪ ﻭﻣﺎ ﻳﻨﺎﻡ ﻋﻠﺊ ﺣﻘﻪ
ﺭﻓﻊ ﻭﺟﻬﻲ ﻭﺷﺎﻑ ﺩﻣﻮﻋﻲ ﺍﺳﺘﻐﺮﺏ ﻛﺎﻝ ﺑﺼﺪﻣﺔ ... ﻟﻴﺶ ﺗﺒﺠﻴﻴﻦ؟
ﺑﻠﻌﺖ ﺍﻟﻐﺼﻪ ﻭﺑﺎﻭﻋﺘﻠﻪ ﺑﻌﻴﻮﻥ ﺗﺤﻤﻞ ﻛﻢ ﻫﺎﺋﻞ ﻣﻦ ﺍﻟﺤﺰﻥ ﻭﺍﻻﺳﻰ ﺟﺎﻭﺑﺘﻪ ﺑﺄﻟﻢ ... ﺍﺷﺘﺎﻗﻴﺖ ﻻﺑﻮﻳﻪ
ﺟﺮ ﻧﻔﺲ ﻭﺿﻐﻂ ﻋﻠﺊ ﺧﺼﺮﻱ ﺑﻘﻮﻭﻩ ﻟﺰﻣﺖ ﺍﻳﺪﻩ ﺍﺧﻔﻒ ﻣﻦ ﻗﺒﻀﺘﻪ ..
ﺗﻨﻬﺪ ﺑﻀﻴﻖ ﻭﺳﺤﺐ ﻧﻔﺲ ﻭﺯﻓﺮﻩ ﻛﺎﻝ ... ﻣﺎ ﺭﺩﺕ ﺍﺣﺮﻣﺞ ﻣﻦ ﺍﻣﺞ ﻭﺍﺑﻮﻭﺝ ﻭﻻ ﺍﺭﻳﺪ ﺍﺟﺮﺣﺞ ﺑﺲ ﺍﻛﻮﻭ ﺍﻣﻮﺭ ﺻﺎﺭﺕ ﻣﺨﻔﻴﻪ ﻭﺍﻧﺘﻲ ﻣﺎ ﻋﻨﺪﺝ ﻋﻠﻢ ﺑﻴﻪ ﻟﺬﻟﻚ ﺍﻧﺴﻴﻬﻢ ﻭﻋﻴﺸﻲ ﻟﻨﻔﺴﺞ ﻭﺧﻠﻴﻬﻢ ﻳﺘﻬﻨﻮﻥ ﺑﺤﻴﺎﺗﻬﻢ
ﺷﻬﻜﺖ ﺑﻌﺒﺮﻩ .. ﺍﻣﻲ ﺗﺤﺒﻨﻲ ﻣﺴﺘﺤﻴﻞ ﺗﻨﺎﺳﻨﻲ ﺍﻣﻲ ﺗﺸﻮﻓﻨﻲ ﻣﻼﻙ ﺑﻌﻴﻮﻧﻬﺎ ﻭﻣﺎ ﺗﻨﺎﻡ ﺍﺫﺍ ﻣﺎ ﺗﺴﻤﻊ ﺻﻮﺗﻲ ﺷﻐﻴﺮﻫﺎ ﻟﻴﺶ ﺗﺤﺮﻣﻮﻧﻲ ﻣﻨﻬﺎ ﻭﺗﺠﺮﺣﻮﻧﻲ ﺑﻜﻼﻣﻜﻢ
ﺭﺩ ﺑﺠﺒﺮﻭﺕ ... ﺍﻧﻲ ﻫﻢ ﺍﺏ ﻭﺍﻋﺮﻑ ﺷﻌﻮﺭ ﺍﻟﻔﻘﺪﺍﻥ ﻛﻠﺶ ﺯﻳﻦ ﻛﺘﻠﺞ ﻣﺎ ﺭﺩﺕ ﺍﺣﺮﻣﺞ ﻣﻨﻬﻢ ﺑﺲ ﺍﻟﺜﺄﺭ ﺍﺧﺬﺝ ﻣﻨﻬﻢ ﻭﺍﻧﺘﻲ ﺑﻼ ﺫﻧﺐ ﻭﻛﻞ ﺫﻧﻮﺑﺞ ﻋﻔﻴﻔﻪ
ﻭﺍﺍﻛﺪ ﺍﻟﺞ ﻣﺎ ﺣﺮﻣﺘﻬﻢ ﻫﻢ ﺣﺮﻣﻮﺍ ﻧﻔﺴﻬﻢ ﻭﺟﺎﺯﻓﻮﺍ ﺑﻴﺞ ﻋﻠﺊ ﺣﺴﺎﺏ ﻋﺎﺻﻢ ... ﺣﺘﺊ ﻣﺎ ﻃﻠﺒﺖ ﻣﻨﻬﻢ ﻳﺴﻠﻤﻮﻥ ﻋﺎﺻﻢ ﺑﺲ ﻣﺎ ﺃﻋﺮﻑ ﻟﻴﺶ ﻓﻀﻠﻮﺍ ﺍﻟﻘﺎﺗﻞ ﻋﻠﺊ ﺍﻟﻤﻘﺘﻮﻝ
ﺍﻧﺴﺴﺴﻴﻬﻤﻤﻢ .....
ﺷﻜﺪ ﺻﻌﺒﻪ ﻫﻞ ﻛﻠﻤﻪ ﺻﺢ ﺣﺮﻭﻓﻬﺎ ﻗﻠﻴﻠﻪ ﺑﺲ ﺗﻠﭽﻢ ﻭﺗﺠﺮﺡ ﻭﺗﺬﺑﺢ ﺷﻠﻮﻥ ﺍﻧﺴﺊ ﺍﻧﺴﺊ ﺳﻨﺪﻱ ﺑﺎﻟﺤﻴﺎﺓ ﺍﺑﻮﻳﻪ ﺍﻟﻤﻜﺴﻮﺭ ﺿﻬﺮﻩ ﺣﺘﺊ ﻳﻜﺒﺮﻧﺎ
ﻟﻮ ﺍﻣﻲ ﺍﻟﻲ ﻫﻲ ﺭﻭﺣﻲ ﻭﻣﺎ ﺗﻜﻤﻞ ﻃﻠﺘﻲ ﺍﻟﻪ ﺑﻴﻬﺎ ﻭﺍﻟﻠﻪ ﺻﻌﺐ ﺍﻧﺴﺎﻫﺎ ﻭﺍﻟﻠﻪ ﺍﻣﻲ ﺗﻌﻮﺯ ﻋﻠﺊ ﻧﻔﺴﻬﺎ ﻭﺗﺬﻛﺮﻧﻲ ﺍﻣﻲ ﺗﻨﺎﻡ ﺟﻮﻋﺎﻧﻪ ﻭﺗﻮﻛﻠﻨﻲ ﺍﻣﻲ ﺗﻨﺎﻡ ﺑﻤﻼﺑﺲ ﻣﺘﻬﺮﻳﻪ ﺣﺘﺊ ﺍﻧﻲ ﺍﻟﺒﺲ ﺍﺣﺴﻦ ﻣﻦ ﺑﺎﻗﻲ ﺍﻟﺒﻨﺎﺕ
ﻫﻤﺴﺖ ﺑﺎﻧﺬﺑﺎﺡ ... ﺷﻠﻮﻥ ﺍﻧﺴﺊ ﺍﻣﻲ ... ﺗﺮﺉ ﺍﻣﻲ ﻭﻃﻦ ﻭﺍﻧﻲ ﺑﻤﻨﻔﺊ ﺍﺳﻴﺮﻩ ﻋﻨﺪﻙ
ﺭﺩ ﺑﻬﺪﻭﺀ ... ﺍﻟﻠﻪ ﻳﺠﻤﻌﺞ ﺑﻴﻬﺎ ...
ﺭﻓﻊ ﺭﺍﺳﻲ ﺑﺎﻃﺮﺍﻑ ﺍﺻﺎﺑﻌﻪ ﻭﺑﺎﺳﻨﻲ ﺑﺨﺪﻱ ﻛﺎﻝ ... ﺧﻠﻴﻨﻪ ﻧﻔﺘﺢ ﺻﻔﺤﻪ ﺟﺪﻳﺪﻩ ﻣﺎ ﺍﺭﻳﺪ ﺍﺿﻮﺟﺞ ﻭﺍﻋﺬﺑﺞ ﺭﺍﺡ ﺍﻧﺴﺊ ﻫﺮﻭﺑﺞ ﻭﻛﻠﺸﻲ ﺻﺎﺭ ﻭﺩﺍﺭ ﻗﺒﻞ
ﺭﻏﻢ ... ﻟﺤﺪ ﺍﻻﻥ ﺟﻤﺮﺓ ﻏﺰﻝ ﺗﺴﻌﺮ ﺑﺼﺪﺭﻱ ﺗﺪﺭﻳﻦ ﺍﻟﻴﻮﻡ ﻣﻦ ﺳﻠﻤﺖ ﻭﻗﺎﺭ ﺍﻟﺠﺎﺑﺮ ﺣﺴﻴﺖ ﻧﻔﺴﻲ ﺳﻠﻤﺖ ﻏﺰﻝ ﻟﻌﺮﻳﺴﻬﺎ
ﺷﻜﺪ ﺟﻨﺖ ﺍﺗﻤﻨﺊ ﺍﺯﻓﻬﺎ ﺑﻴﺪﻱ ﻣﺴﻜﻴﻨﻪ ﻋﺎﺷﺖ ﻳﺘﻴﻤﻪ ﺟﻨﺖ ﺍﺗﻤﻨﺊ ﺍﻋﻮﺿﻬﺎ ﺍﻛﻮﻥ ﺍﻟﻬﺎ ﺍﻡ ﻭﺍﺏ ﻭﺍﺥ ﻭﺍﺧﺖ ﺑﺲ ﺍﻟﻘﺪﺭ ﺍﻛﺒﺮ ﻣﻨﻲ ﻭﺍﺧﺬﻫﺎ ﻣﻦ ﺑﻴﻦ ﺍﺣﻀﺎﻧﻲ
ﻣﺮﺍﺕ ﺍﺷﻮﻑ ﻏﺰﻝ ﺑﻴﺞ ﺍﺷﻮﻓﺞ ﺑﺪﻭﻥ ﺳﻨﺪ ﺍﺷﻮﻓﺞ ﻳﺘﻴﻤﻪ ﺑﺮﻏﻢ ﻭﺟﻮﺩ ﺍﻫﻠﺞ ﺍﺣﻦ ﻋﻠﻴﺞ ﺑﺲ ﺍﺗﺮﺍﺟﻊ ﻻﻥ ﺍﻛﻮ ﺣﺎﺟﺰ ﻣﺎﻧﻌﻨﻲ ﻭﻫﺴﻪ ﺍﺭﻳﺪ ﺍﻛﺴﺮ ﻫﻞ ﺣﺎﺟﺰ ...
ﻫﻤﺴﺖ ﺑﺬﺑﻮﻝ ... ﻭﺍﻧﻲ ﻳﺘﻴﻤﺘﻚ ﺍﻟﻲ ﻣﺤﺪ ﺭﺣﻤﻬﺎ ﻻ ﺍﻧﺖ ﻭﻻ ﺍﻫﻠﻚ ﻭﺭﺿﻴﺖ ﺍﻋﻴﺶ ﺑﻜﻬﻔﻚ
ﺍﺑﺘﺴﻢ ... ﺩﻳﻠﻪ ﻟﻌﺪ ﺑﻮﺳﻴﻨﻲ ﻭﺗﺤﻤﺪﻳﻠﻲ ﺑﺎﻟﺴﻼﻣﻪ
ﺿﺤﻜﺖ ... ﻻ ﻭﺍﻟﻠﻪ ﺗﺮﺉ ﺣﻴﺼﻴﺮ ﺍﺳﺒﻮﻉ ﻣﻦ ﻃﻠﻌﺖ ﻣﻦ ﺍﻟﻤﺴﺘﺴﻔﺊ ﻭﺣﺪﻩ ﻏﻴﺮﻱ ﻣﻦ ﺯﻣﺎﻥ ﻃﺮﺩﺗﻚ ﻭﻛﻠﺘﻠﻚ ﻳﺎﻟﻠﻪ ﻋﻴﻨﻲ ﺍﺑﻮ ﺍﻟﺸﺒﺎﺏ ﺭﻭﺡ ﺍﺷﺘﻐﻞ ﻋﻤﺎﻟﻪ ﻛﺘﻠﻨﻪ ﺍﻟﺠﻮﻭﻉ
ﺭﺩ ﺑﺒﺮﻭﺩ ... ﺍﻓﺎﺍﺍ ﻣﻴﺘﻪ ﻣﻦ ﺍﻟﺠﻮﻉ ﻭﺍﻧﻲ ﻣﺎ ﺍﺩﺭﻱ ﺍﺩﻟﻠﻲ ﻫﺴﻪ ﺍﻭﻛﻠﺞ ﻋﻠﺊ ﻃﺮﻳﻘﺘﻲ
ﺭﺩﻳﺖ ﺑﻘﻬﺮ ... ﻻ ﺷﻜﺮﺍ ﺷﺒﻌﺎﻧﻪ
ﺩﺧﻞ ﺍﺻﺎﺑﻌﻪ ﺑﺸﻌﺮﻱ ﻭﻣﺴﺢ ﻋﻠﻴﻪ ﺑﺤﻨﺎﻥ ... ﺩﻳﻠﻪ ﺑﻮﺳﻴﻨﻲ
ﺑﺎﻭﻋﺘﻠﻪ ﺑﻌﺘﺐ ... ﺍﻟﻴﻮﻡ ﺷﺒﻴﻚ ﺍﺣﺴﻚ ﺿﺎﺭﺑﻚ ﺍﻟﺠﻔﺎﻑ
ﺭﻓﻊ ﺣﺎﺟﺐ ﺑﻌﺪﻡ ﻗﺒﻮﻝ ﻛﺎﻝ ... ﺍﻛﻠﻲ ﺗﺒﻦ ﻟﺞ ﺟﻔﺎﻑ ﺷﻨﻮﻭ ... ﺑﺲ ﻫﺬﺍ ﻭﺍﺟﺐ ﺍﻧﻲ ﻃﻠﻌﺖ ﻣﻦ ﺍﻟﻤﻮﺕ ﺍﻧﺘﻲ ﻻﺯﻡ ﺗﺒﻮﺳﻴﻨﻲ ﻭﺗﺘﺤﻤﺪﻳﻠﻲ ﺑﺎﻟﺴﻼﻣﻪ ﺗﺮﺉ ﺯﻳﺎﺭﺓ ﺍﻟﻤﺮﻳﺾ ﻫﺎﻱ ﺷﺮﻭﻃﻬﺎ
ﺭﻓﻌﺖ ﻧﻔﺴﻲ ﺑﺘﺬﻣﺮ ﻭﺑﺴﺘﻪ ﺑﺨﺪﻩ ﻭﺑﺨﺪﻩ ﺍﻟﺜﺎﻧﻲ ﻭﺍﻧﻲ ﺍﺑﻮﺱ ﺑﻲ ﻭﺍﺗﺤﻤﺪ ﺑﺎﻟﺴﻼﻣﻪ ... ﺷﻠﻮﻧﻚ ﺍﺑﻮ ﻣﺮﺗﻀﺊ ﺍﻟﺤﻤﺪ ﻟﻠﻪ ﻋﻠﺊ ﺳﻼﻣﺘﻚ ﺍﻥ ﺷﺎﺀ ﺍﻟﻠﻪ ﻣﺎ ﺗﺸﻮﻑ ﺷﺮ ﻭﻣﺸﻔﺎﻩ ﺍﻥ ﺷﺎﺀ ﺍﻟﻠﻪ
ﺷﻔﺘﻪ ﻛﻮﻩ ﻛﺎﺗﻢ ﺍﺑﺘﺴﺎﻣﺘﻪ ﻭﺍﺩﻳﻪ ﺗﺴﻠﻞ ﺑﺨﻠﺴﻪ ﻋﻠﺊ ﺟﺴﻤﻲ ﻭﺭﺩ ... ﺍﻟﻠﻪ ﻳﺴﻠﻤﺞ ﺍﻡ ﻣﺠﺘﺒﺊ ﻣﺎ ﻗﺼﺮﺗﻲ ﻟﻴﺶ ﺗﻌﺒﺘﻲ ﻧﻔﺴﺞ ﻭﺍﺟﻴﺘﻲ ...
ﺭﺟﻌﺖ ﺑﺴﺘﻪ ﺑﺨﺪﻩ ... ﻻ ﺷﻠﻮﻥ ﺍﺫﺍ ﺍﻟﻚ ﻣﺎ ﺍﺟﻲ ﻭﺍﺗﻌﻨﻪ ﺍﻟﻤﻦ ﺍﺟﻲ
ﺍﺑﺘﻌﺪ ﻋﻨﻪ ﺷﻮﻭﻳﻪ ﻭﻣﺪﻳﺖ ﺍﻳﺪﻱ ﺑﺼﺪﺭﻱ ﻃﻠﻌﺖ ﻓﻠﻮﺱ ﻭﺧﻠﻴﺘﻬﻢ ﺟﻮﻩ ﺍﻟﻤﺨﺪﻩ ﻫﻮ ﻟﺰﻡ ﺍﻳﺪﻱ ﺑﺎﺳﺘﻨﻜﺎﺭ ... ﻻ ﺍﻡ ﻣﺮﺗﻀﺊ ﺑﺲ ﺟﻴﺘﺞ ﻛﺎﻓﻲ ﻭﺍﻟﻠﻪ ﻣﺎ ﺍﻋﺘﺐ
ﺿﺤﻜﺖ ... ﻻ ﺷﻠﻮﻥ ﻳﺎﺑﻪ ﻏﻴﺮ ﺍﻧﺖ ﺍﻟﻐﺎﻟﻲ ﻟﻮ ﺗﺸﻮﻑ ﺷﻜﺪ ﺩﻛﻴﺖ ﻭﻟﻄﻤﺖ ﻣﻦ ﺻﻮﺑﻮﻙ ﻭﺩﺍﻋﺖ ﻃﻠﻌﺖ ﺍﻏﻠﺊ ﻣﻦ ﺍﻟﺮﻭﺡ
ﻟﺰﻡ ﺍﻳﺪﻱ ﻭﻣﺴﺢ ﺑﻴﻬﺎ ﺧﺪﻩ ﺑﺤﻨﻴﻦ ... ﻓﺪﻭﻩ ﻟﺮﻭﺣﺞ
ﺍﺗﺪﺍﺭﻙ ﺍﻻﻣﺮ ﻭﺍﻧﻲ ﻫﻤﺎﺗﻴﻦ ﻏﻠﺴﺖ ﻣﺪ ﺍﻳﺪﻩ ﺟﻮﻩ ﺍﻟﻤﺨﺪﺥ ﻭﻃﻠﻊ ﺍﻟﻔﻠﻮﺱ ﺍﻟﻲ ﺍﻧﻄﻴﺘﻬﻢ ﺍﻟﻪ ﺑﺎﻭﻉ ﻋﻠﻴﻬﻦ ﻃﻠﻌﻦ ﺍﻟﻒ ﻭﺭﺑﻊ ﺍﻻﻟﻒ ﻣﻠﺰﻙ ﻭﻣﺸﻜﻮﻙ ﻭﺍﻟﺮﺑﻊ ﺟﺪﻳﺪ
ﺭﻓﻊ ﺣﺎﺟﺐ ... ﻋﺒﺎﻟﻲ ﺣﻤﺮﻩ
ﺟﺎﻭﺑﺘﻪ ﺑﺴﺨﺮﻳﻪ ... ﻫﺎﺍﺍﺍ ﻃﻠﻌﺖ ﻣﺎﺩﻱ ﻭﺗﻌﺒﺪ ﺍﻟﻌﻤﻠﻪ ﻭﺍﻧﻲ ﻣﺎ ﺍﻋﺘﺮﻑ ﺑﺎﺑﻮ ﺍﻟﻤﺎﻝ ...
ﺑﺎﻭﻋﻠﻲ ﺑﻨﻈﺮﻩ ﻣﺴﺘﻔﺰﻩ ... ﺍﻟﻴﻮﻡ ﻫﻮﺍﻳﻪ ﺗﺤﺠﻴﻦ ﺷﺒﻴﺞ؟
ﺣﻄﻴﺖ ﺍﻳﺪ ﻋﻠﺊ ﺍﻳﺪ ... ﺷﺴﻮﻱ ﻣﺎ ﻋﻨﺪﻱ ﻭﺍﺣﺪ ﺍﺣﺠﻲ ﻭﻳﺎﻩ ﺍﺟﻴﺖ ﻻ ﺗﺨﻠﻴﻨﻲ ﺍﻏﻴﺮ ﺍﻟﻠﻬﺠﻪ
ﺳﺤﺒﻨﻲ ﻣﻦ ﺍﻳﺪﻱ ﺍﺟﻴﺖ ﺍﻭﻛﻊ ﻋﻠﺊ ﺟﺮﺣﻪ ﺑﺲ ﺗﻤﺎﺳﻜﺖ ﻭﺣﻄﻴﺖ ﺍﻳﺪﻱ ﻋﻠﺊ ﺑﻄﻨﻪ ﺍﺑﺘﺴﻢ ﺍﺑﺘﺴﺎﻣﻪ ﺟﺎﻧﺒﻴﻪ ﻭﻫﻤﺲ ... ﺗﺮﺉ ﺣﻠﻜﺞ ﻣﻮ ﺑﺲ ﻟﻠﺤﺠﻲ
ﺍﺳﺘﻐﺮﺑﺖ ... ﻟﻌﺪ ﺍﻟﻤﻦ
ﺳﺤﺐ ﺭﺍﺳﻲ ﺑﻴﺪﻩ ﻭﺍﻟﺘﻬﻢ ﺷﻔﺎﻳﻔﻲ ﺑﺮﻭﻣﺎﻧﺴﻴﻪ ﺟﻤﺪﺕ ﺑﻤﻜﺎﻧﻲ ﻏﻤﺮﻧﻲ ﺍﻟﺤﻨﻴﻦ ﻻﻳﺎﻣﻨﻪ ﻗﺒﻞ ﻟﻼﺳﻒ ﺑﺎﺩﻟﺘﻪ ﻟﻜﻦ ﺳﺮﻋﺎﻥ ﻣﺎ ﺍﻧﺘﺒﻬﺖ ﺍﻟﻨﻔﺴﻲ
ﺑﻠﻌﺖ ﺭﻳﻜﻲ ﻭﺍﺑﺘﻌﺪﺕ ﻋﻨﻪ ﻭﺍﻧﻲ ﺍﻣﺴﺢ ﺑﻘﻄﺮﺍﺕ ﺍﻟﻌﺮﻕ ﺍﻟﻲ ﺗﻠﺌﻠﺌﺖ ﻋﻠﺊ ﺟﺒﻴﻨﻲ
ﺳﺎﻟﺘﻪ ﺑﺎﺭﺗﺒﺎﻙ ﻭﺧﺠﻞ ﻭﺗﺮﺩﺩ ... ﻣﺤﺘﺎﺝ ﺷﺊ ﺩﺍ ﺍﺭﻳﺪ ﺍﺭﻭﺡ ﺍﻧﻀﻒ ﺍﻟﺒﻴﺖ
ﺳﺤﺒﻨﻲ ﻭﺿﻤﻨﻲ ﺍﻟﺼﺪﺭﻩ ﺿﻠﻴﺖ ﺍﺳﺘﻤﻊ ﻟﻨﺒﻀﺎﺕ ﮔﻠﺒﻪ
ﺍﻟﻤﻀﻄﺮﺑﻪ ﻭﺟﻨﺖ ﺑﺤﺎﻟﻪ ﻣﻦ ﺍﻟﺴﻜﻮﻥ ...
ﺭﻏﻢ ﻗﺴﺎﻭﺗﻪ ﺍﻟﺤﻴﺎﺓ ﻭﻳﺎﻩ ﺑﺲ ﺣﻴﺎﺗﻨﻪ ﺑﻴﻦ ﻣﺪ ﻭﺟﺮ ﻭﺩﺍ ﺍﺷﻮﻑ ﻧﻔﺴﻲ ﻣﻦ ﻳﻠﻴﻦ ﻭﻳﺎﻳﻪ ﺍﻟﻴﻦ ﻭﻣﻦ ﻳﻘﺴﺊ ﺍﺗﻌﺼﺐ ﻭﺍﺗﺼﺮﻑ ﺑﺮﻋﻮﻭﻧﻪ ﻣﺜﻞ ﺗﺼﺮﻓﻪ ﻳﻌﻨﻲ ﻟﻜﺎ ﻓﻌﻞ ﺭﺩﺓ ﻓﻌﻞ
ﺑﺲ ﻣﻦ ﺍﻧﻀﺮﺏ ﻭﺣﺴﻴﺖ ﺑﺨﻄﺮ ﻋﻠﻰ ﺣﻴﺎﺗﻪ ﺣﺴﻴﺖ ﺍﻟﻨﺎﺱ ﺫﺋﺎﺏ ﻭﺗﺮﻳﺪ ﺗﺎﻛﻠﻨﻲ ﻭﻫﻮ ﺭﻏﻢ ﻗﺎﺳﻲ ﺑﺲ ﺍﻟﻪ ﻣﻮﺍﻗﻒ ﻭﻳﺎﻳﻪ ﻭﺍﻛﻴﺪ ﻣﺎ ﺍﺧﺎﻑ ﺑﻮﺟﻮﺩﻩ ﻣﻦ ﺍﻱ ﻭﺍﺣﺪ ﻏﻴﺮﻩ ....
ﺍﺣﺴﻪ ﻣﺘﻐﻴﺮ ﺍﺣﺴﻪ ﺻﺎﻳﺮ ﺣﻨﻴﻦ ﻳﻤﻜﻦ ﻻﻥ ﺟﺎﺑﺮ ﻛﻠﻪ ﺍﻧﻲ ﻣﻦ ﺗﺼﺎﻭﺏ ﺷﻠﻮﻥ ﺍﻧﻬﺎﺭﻳﺖ ﻋﻠﻴﻪ ﻳﻤﻜﻦ ﻻﻥ ﻋﺮﻑ ﺍﻧﻲ ﻣﺎ ﻋﻨﺪﻱ ﻏﻴﺮﻩ ﻳﺎﺍﺍﺭﺏ ﻳﺘﻐﻴﺮ ﻟﺨﺎﻃﺮ ﻫﻞ ﺍﻃﻔﺎﻝ ﻭﺍﻟﻠﻪ ﺍﻣﻮﻭﺕ ﻗﻬﺮ ﻣﻦ ﺍﺗﺬﻛﺮ ﻫﻢ ﺑﻮﺳﻂ ﻋﺎﺋﻠﻪ ﻣﺘﺸﺘﺘﻪ
ﺑﺲ ﺍﻟﺤﻤﺪ ﻟﻠﻪ ﻫﻮ ﺣﻨﻴﻦ ﻋﻠﻴﻬﻢ ﻭﺍﺑﺪ ﻣﺎ ﻛﺮﻫﻢ ﻭﻛﺎﻝ ﻫﺬﻭﻝ ﺧﺎﻟﻬﻢ ﻛﺘﺎﻝ ﺍﻫﻠﻲ ﻳﺎﺭﺏ ﺗﺤﻨﻦ ﻛﻠﺒﻪ ﻋﻠﻴﻪ ﻣﺎ ﻋﻨﺪﻱ ﻏﻴﺮﻩ ﺑﻌﺪﻙ ﻳﺎﺭﺑﻲ ﻳﺎ ﺣﺒﻴﺒﻲ ...
ﺍﺧﺎﻑ ﺗﻄﻠﻌﻠﻲ ﻣﺸﻜﻠﻪ ﻭﺗﺨﺮﺏ ﻋﻠﻴﻪ ...
ﺍﻧﻲ ﻣﻦ ﺗﺼﺎﻭﺏ ﻟﺤﺪ ﺍﻻﻥ ﺍﺟﻴﺐ ﻣﺠﺘﺒﺊ ﻭﻣﺮﺗﻀﺊ ﺍﺧﻠﻴﻬﻢ ﻳﻤﻪ ﻻﻥ ﻛﻞ ﺷﻮﻳﻪ ﺍﻧﻲ ﻳﻤﻬﻢ ﻭﻻﺯﻡ ﺍﺭﻭﺡ ﺍﺷﻮﻓﻪ ﻓﻼﺯﻡ ﺍﺭﻭﺡ ﺍﺷﻮﻑ ﺟﺎﺳﺮ ﻭﺭﻃﻴﻨﻪ ﺻﺎﻳﺮﻩ ...
ﺍﺳﺘﻨﺸﻘﺖ ﻋﺒﻴﺮ ﻋﻄﺮﻩ ﻣﻦ ﺯﻣﺎﻥ ﻣﻦ ﻳﻮﻡ ﺍﻟﺨﻄﺒﻪ ﻭﺍﻧﻲ ﺍﺣﺐ ﻗﺮﺑﻪ ﻭﺍﺣﺐ ﺍﺳﻮﻟﻒ ﻭﻳﺎﻩ ﺑﺲ ﻫﻮ ﻛﺴﺮﻧﻲ ﻭﺟﻔﻪ ﻭﻳﺎﻳﻪ ﺧﺸﻤﻪ ﻳﺎﺑﺲ ﻭﺍﻧﺎﻧﻲ ..
ﺣﺘﺊ ﺍﺑﻮ ﺍﻟﻠﻪ ﻳﺮﺣﻤﻪ ﻳﻜﻮﻟﻬﺎ ﻭﻟﻚ ﺟﺎﺳﺮ ﺷﺒﻴﻚ ﻛﻠﺒﻚ ﻣﻴﺖ ﻭﻟﻚ ﻫﺎﻱ ﺟﻮﻟﻴﻴﺖ ﺍﺳﻢ ﻋﻠﺊ ﻣﺴﻤﺊ ﻟﻜﻞ ﺣﺎﺳﺪﻙ ﻋﻠﻴﻬﺎ ﺟﻨﻬﺎ ﻃﻔﻠﻪ ﺍﻭﺭﺑﻴﻪ ﻭﺍﻧﺖ ﻣﺠﺎﻓﻴﻬﺎ
ﺻﺪﻙ ﻫﻮ ﺯﻳﻦ ﺟﺎﻥ ﻭﻳﺎﻳﻪ ﺑﺲ ﺑﺎﺭﺩ ﻫﺴﻪ ﺍﺣﺴﻦ ﻣﺮﺍﺕ ﺍﻛﻮﻝ ﻳﺤﺒﻨﻲ ﻭﻣﺮﺍﺕ ﺍﻛﻮﻝ ﻳﻌﻄﻒ ﻋﻠﻴﻪ
ﺿﻤﻴﺖ ﺭﺍﺳﻲ ﺑﺼﺪﺭﻩ ﻭﻫﻮ ﺷﺪ ﻣﻦ ﺣﻀﻨﺘﻪ ﺍﻟﻴﻪ
ﺍﻧﺘﺒﻬﺖ ﻋﻠﺊ ﺻﻮﺕ ﻣﺠﺘﺒﺊ ﻛﻌﺪ ﻭﻫﻮ ﻳﺒﺠﻲ ﺩﺭﺕ ﻭﺟﻬﻲ ﻋﻠﻴﻪ ﻭﺑﻌﺪﺕ ﺍﻳﺪ ﺍﻟﻜﺎﺳﺮ ﻣﻦ ﺧﺼﺮﻱ ﻭ ﻭﻛﻒ
ﺍﺧﺬﺗﻪ ﻣﻦ ﺳﺮﻳﺮﻩ ﻭﺣﻀﻨﺘﻪ ﻭﺍﻧﻲ ﺍﺑﻮﺱ ﺑﻌﻴﻮﻧﻪ ﺍﻟﺤﻠﻮﻩ ﻛﻌﺪﺗﻪ ﺑﺼﻒ ﺍﺑﻮﻭ
ﺑﺎﻭﻋﻠﻪ ﻭﺿﺤﻚ ﺍﺣﺲ ﻣﺠﺘﺒﺊ ﺩﻭﻩ ﻟﺠﺮﻭﺡ ﺍﺑﻮ ﻭﻋﻮﺿﻪ ﻋﻦ ﻏﺰﻭﻟﻪ ﺭﻏﻢ ﻣﻌﺎﻕ
ﻛﺎﻝ ... ﺗﻌﺎﻱ ﺍﻡ ﻣﺠﺘﺒﺊ ﻛﻌﺪﻳﻨﻲ
ﺣﻄﻴﺖ ﺍﻳﺪﻱ ﻭﺭﻩ ﺿﻬﺮﻩ ﺩﺍ ﺍﺭﻳﺪ ﺍﻛﻌﺪﻩ ﺑﺲ ﻣﺎ ﻛﺪﺭﺕ ﺍﻟﻠﻪ ﻳﺴﻠﻤﻪ ﻋﻈﻤﻪ ﺛﻜﻴﻞ ﻛﻮﻭﻩ ﻛﻌﺪﺗﻪ ﺍﺟﻴﺖ ﺍﻭﻛﻊ ﺑﺤﻀﻨﻪ
ﺿﻞ ﻳﻠﻌﺐ ﺑﻤﺠﺘﺒﺊ ﻭﻣﺠﺘﺒﺊ ﻋﺒﺎﻟﻚ ﻟﻜﻪ ﺻﺎﺣﺒﺘﻪ ﻣﻴﺖ ﻋﻠﻴﻪ ﻭﻳﻀﺤﻚ ﻭﻳﺎﻩ ﻭﻛﻞ ﺷﻮﻳﻪ ﻭﻛﻤﺰ ﻋﻠﻴﻪ
ﻛﻌﺪﺕ ﺑﺼﻔﻬﻢ ﻭﺍﻧﻄﻴﺖ ﺍﻟﻠﻬﺎﻳﻪ ﻟﻤﺠﺘﺒﺊ ﺧﻠﻴﺘﻬﺎ ﺑﺤﻠﻜﻪ ﻻﻥ ﻳﻌﻴﻂ ﻭﺍﺧﺎﻑ ﻳﻜﻌﺪ ﺍﺧﻮ ﻋﺎﺩ ﻫﻮ ﻭﺍﺧﻮ ﻭﺍﺑﻮ ﻭﺍﻟﻠﻪ ﻣﺎ ﺍﻛﺪﺭ ﺍﻟﻬﻢ ﻛﻠﻬﻢ ....
ﺷﻔﺖ ﺟﺎﺳﺮ ﺍﺑﺘﺴﻢ ﻋﺮﻓﺖ ﺍﻛﻴﺪ ﺗﺬﻛﺮ ﻣﻦ ﺍﺣﺘﺮﻙ ﻣﺮﺗﻀﺊ ﻭﺍﻧﻲ ﻣﻦ ﺭﺑﻜﺘﻲ ﺧﻠﻴﺖ ﺍﻟﻠﻬﺎﻳﻪ ﺑﺤﻠﻜﻲ ﺑﺪﻝ ﻣﺎ ﺍﺧﻠﻴﻬﺎ ﺑﺨﻠﻚ ﺭﺿﺎﻭﻱ ...
ﻏﻠﺴﺖ ﻭﺿﻠﻴﺖ ﻛﺎﻋﺪﻩ ﻭﻣﺠﺘﺒﺊ ﻧﺬﻝ ﻣﺜﻞ ﺍﺑﻮ ﺗﻤﺎﻣﺎ ﻳﺸﻤﺮ ﺍﻟﻠﻬﺎﻳﻪ ﻭﻳﻀﻞ ﻳﺒﺠﻲ ﻳﺮﻳﺪ ﺍﺟﻴﺒﻬﺎ ﺍﻟﻪ
ﻭﺍﻧﻲ ﻛﻞ ﺷﻮﻳﻪ ﻭﺭﻛﻀﺖ ﻏﺴﻠﺘﻬﺎ ﻭﺭﺟﻌﺖ ﺍﻧﻄﻴﺘﻬﺎ ﺍﻟﻪ ﻭﻫﻮ ﺷﻤﺮﻫﺎ ﻭﺿﻞ ﻳﻌﻴﻂ ﻭﺍﻧﻲ ﺍﺭﻛﺾ ﺍﻏﺴﻠﻬﺎ ﻭﺍﺟﻴﺒﻬﺎ ﻃﻴﺢ ﺣﻀﻲ
ﻭﺟﺎﺳﺮ ﻛﻞ ﺷﻮﻳﻪ ﻭﺿﺤﻚ ﻭﻛﻠﻪ .. ﻋﻔﻴﻪ ﺑﻌﺪ ﺍﺑﻮﻭﻭﻙ ﺑﻮﻭﻳﻪ ﻭﺍﻟﻠﻪ ﺳﺒﻊ ﻭﺷﺨﺼﻴﺘﻚ ﻗﻮﻭﻳﻪ
ﻫﻮ ﺷﻤﺮ ﺍﻟﻠﻬﺎﻳﻪ ﺑﻮﺟﻪ ﺟﺎﺳﺮ ﺍﺟﻴﺖ ﺑﺨﺸﻤﻪ ﺿﺤﻚ ﻋﻠﻴﻪ ﺑﺼﻮﺕ .. ﻫﻬﻬﻬﻬﻬﻪ ﻻ ﻳﺎﻧﺬﻝ ﻃﺎﻟﻊ ﻋﻠﺊ ﺍﻣﻚ
ﺗﻌﺼﺒﺖ ... ﻻﺍﺍﺍ ﻭﺍﻟﻠﻪ ﻋﻠﻴﻚ ﺍﻧﺖ ﻧﺬﻝ
ﻫﻮ ﻧﺒﺖ ﺍﺻﺎﺑﻌﻪ ﻋﺒﺎﻟﻚ ﺳﺠﺎﺟﻴﻦ ﺑﺨﺎﺻﺮﺗﻲ ﺻﺮﺧﺖ ﺑﺼﻮﺕ ﻋﺎﻟﻲ ﻟﻮ ﺍﻛﻮ ﻭﺍﺣﺪ ﺑﺎﻟﺒﻴﺖ ﺟﺎﻥ ﺍﺟﻮ ﻋﻠﺊ ﺻﺮﺧﺘﻲ
ﻛﺎﻝ ﻭﻫﻮ ﻳﻀﻐﻂ ﺍﻛﺜﺮ ... ﻧﺬﻝ ﻣﻮﻭﻭ؟ ﻛﻠﺘﻲ ﻫﺬﺍ ﻣﺼﻮﺏ ﻣﺎﻳﻜﺪﺭ ﻋﻠﻴﻪ ﺍﻋﺘﺬﺭﻱ ﺍﻡ ﺍﻟﺴﻮﺍﺩﻳﻴﻦ
ﺟﺎﻭﺑﺘﻪ ﺑﻌﻨﺎﺩ ... ﻣﺎﺍﺍﺍﺍﺍ ﺍﻋﺘﺬﺭ ﺍﻧﺖ
ﺿﻐﻂ ﺍﻛﺜﺮﺭ ﻭﺑﻘﻮﻭﻭﻩ ﻟﺰﻣﺖ ﺑﺘﻮﺳﻞ ... ﻟﻴﺶ ﺗﻜﺮﻫﻨﻲ
ﺗﺠﺎﻫﻞ ﻛﻼﻣﻲ ﻭﺭﺩ ﺑﺒﺮﻭﺩ ... ﺍﻋﺘﺬﺭﻱ ﻳﺎﻟﻠﻪ
ﺑﺎﻭﻋﺖ ﻟﻤﺮﺗﻀﺊ ﻧﺎﻳﻢ ... ﻟﻚ ﻣﺎﻣﺎ ﻣﺮﺗﻀﺊ ﺍﻓﺰﻋﻠﻲ
ﻫﻮ ﺍﺑﺘﺴﻢ ﺑﺨﺒﺚ ﻭﺍﺿﻐﻂ ﺍﻛﺜﺮ ﻫﻤﺴﺖ ﺑﻌﺪﻡ ﺭﺿﺎ .... ﻟﻌﻔﻮ
ﻛﺮﺻﻨﻲ ﺑﻘﻮﻩ ﻭﺑﻌﺪ ﺍﻳﺪﻩ ﻋﻨﻲ ... ﻭﻛﻔﺖ ﺑﻐﻀﺐ ﻭﻣﺸﻴﺖ
ﺑﺎﻭﻋﺘﻠﻪ ﺑﻨﻈﺮﺗﻲ ﺍﻟﻤﻌﺘﺎﺩﻩ ﺍﻟﻲ ﻳﺘﺨﺒﻞ ﻣﻨﻬﺎ ﻛﺎﻝ ... ﻫﺎﺍﺍ ﺍﻡ ﻟﺴﺎﻥ ﻭﻛﺤﻪ ﺻﺎﻳﺮﻩ
ﺭﻓﻌﺖ ﺣﺎﺟﺐ ﻭﺍﻧﻲ ﻟﺴﻪ ﺍﻓﺮﻙ ﺑﺨﺼﺮﻱ ﺭﺩﻳﺖ ﻋﻠﻴﻪ ﺑﺎﺳﺘﻔﺰﺍﺯ .... ﺗﺮﺑﻴﺘﻚ ﻳﺎﺑﻪ ﻫﺎﻱ ﻭﺍﻧﺖ ﻣﺮﻳﺾ ﻟﻮ ﺻﺎﺣﻲ ﺷﺴﻮﻳﺖ
ﺿﺤﻚ ﺑﻐﻤﻮﺽ ... ﺍﻃﻠﻌﺞ ﻣﻜﺴﺮﻩ ﻋﺎﺩ ﺍﻟﻴﻮﻡ ﻗﺎﻓﻞ ﻋﻠﻴﺞ ...
ﺧﺰﺭﺗﻪ ﻭﺧﻠﻴﺖ ﻭﻃﻠﻌﺖ ﻛﻌﺪﺕ ﻋﻠﺊ ﺍﻟﺪﺭﺝ ﺍﻟﻴﻮﻡ ﻣﺪﺭﻱ ﺷﺒﻲ ﺍﺣﺲ ﺍﻟﻄﻠﻘﻪ ﻏﺴﻠﺖ ﻣﺨﻪ ﻣﻮ ﻃﺒﻴﻌﻲ ...
ﺷﻮﻳﻪ ﻭﺣﺴﻴﺖ ﺍﻛﻮﻭ ﺿﺠﻪ ﻳﺒﻮﻭﻭ ﺟﻌﻔﺮ ﺳﻜﺮﺍﻥ ﻭﺟﺎﺳﺮ ﻣﺮﻳﺾ ﻳﺘﺨﺒﻞ ﻭﺍﻟﻠﻪ ﻭﺻﻼﺡ ﻣﻮ ﻫﻨﺎ ﺷﻠﻮﻥ ﻣﺸﻜﻠﻪ ....
ﺍﻧﻮﺏ ﺍﻧﻲ ﺍﺳﺘﺤﻲ ﻣﻨﻬﻢ ﺍﺣﺘﺎﺭﻳﺖ ﺷﻠﻮﻥ ﺍﻟﺰﻣﻪ ﺳﺤﺒﺘﻪ ﻣﻦ ﻗﻤﻴﺼﻪ ﻭﻫﻮ ﻳﺼﻴﺢ ﺷﻬﻮﺩﻩ ﻻ ﺗﺰﻭﺟﻴﻴﻦ ﺍﺣﺒﺒﺞ ﺗﺰﻭﺟﺖ ﺍﺧﺘﻲ ﺻﺒﺮﻳﻪ ...
ﻣﺪﺭﻱ ﺷﻨﻮ ﻳﺤﺠﻲ ﺩﺧﻠﺘﻪ ﺍﻟﻐﺮﻓﺘﻪ ﺧﻔﺖ ﺍﻧﻮﺏ ﻳﻠﺰﻣﻨﻲ ﻭﺍﻟﻘﺮﺍﻥ ﺟﺎﺳﺮ ﻳﻨﻜﻠﺐ ﻭﺣﺶ ﻳﺴﻜﻄﻪ ﺗﺴﻜﻂ
ﺷﻤﺮ ﻧﻔﺴﻪ ﻋﻠﺊ ﺍﻟﺴﺮﻳﺮ ﻭﻫﻮ ﻳﺤﺠﻲ ﺳﺮﻳﺎﻧﻲ ﻣﺪﺭﻱ ﻓﺎﺭﺳﻲ ﻛﻮﻭﻭﻟﺸﻲ ﻣﺎ ﻓﻬﻤﺖ ...
ﺍﻭﻝ ﻣﺎ ﻃﻠﻌﺖ ﻭ ﻧﻮﺍﻝ ﺻﺎﺭﺕ ﺑﻮﺟﻬﻲ ﻫﻲ ﻭﻫﺎﻟﻪ ﺧﻔﺖ ﻳﻔﻬﻤﻨﻲ ﻏﻠﻂ ﺑﺲ ﺍﻟﺤﻤﺪ ﻟﻠﻪ ﺍﻧﻲ ﺍﻋﺮﻑ ﻧﻔﺴﻲ ﻣﺎ ﺍﻫﺘﻤﻴﺖ ﺍﻟﻬﺎ
ﺩﺍ ﺍﻣﺸﻲ ﻭﻧﻮﺍﻝ ﻟﺰﻣﺘﻨﻲ ﻛﺎﻟﺖ ﺑﻐﻀﺐ ... ﺷﺘﺴﻮﻳﻦ ﺑﻐﺮﻓﺔ ﺯﻭﺟﻲ
ﺑﺎﻭﻋﺘﻠﻬﺎ ﺑﻘﺮﻑ ﺷﻠﻮﻥ ﺗﻤﻂ ﺑﺒﺮﺍﻃﻤﻬﺎ ﺩﻓﻌﺖ ﺍﻳﺪﻫﺎ ﺑﻨﺘﺮ .... ﺍﺣﺘﺮﻣﻲ ﻧﻔﺴﺞ ﻣﻔﻬﻮﻡ ﺯﻭﺟﺞ ﻋﻠﺊ ﻛﻮﻟﺘﺞ ﺳﻜﺮﺍﻥ ﻭﺍﺧﺎﻑ ﻳﺸﻮﻓﻪ ﺯﻭﺟﻲ ﻭﺍﺧﺎﻑ ﻋﻠﻴﻪ ﺗﺘﺎﺯﻡ ﺣﺎﻟﺘﻪ
ﺭﺩﺕ ﻫﺎﻟﻪ ﺑﻤﺼﺎﺧﻪ ... ﻋﺸﺘﻮﻭﻭ
ﺭﻓﻌﺖ ﻋﻴﻮﻧﻲ ﺑﺪﻟﻊ ... ﺍﻱ ﻭﺍﻟﻠﻪ ﺷﻨﺴﻮﻱ ﻳﮕﻠﺒﻲ ﺯﻭﺟﻲ ﻭﺍﺑﻮ ﺟﻬﺎﻟﻲ ﻭﺍﺑﻮﻳﻪ ﻫﻮ ﺑﺪﻭﻧﻪ ﺍﺿﻴﻴﻊ ﺗﺎﻛﻠﻨﻲ ﺍﻟﺠﻼﺏ ...
ﻧﻮﺍﻝ ﺑﺨﺒﺚ ... ﺷﻘﺼﺪﺝ ﺍﻧﻲ ﻭﻋﻤﺘﻲ ﺍﻡ ﻓﻼﺡ ﺟﻼﺏ
ﺭﺩﻳﺖ ﺑﺎﺳﺘﻔﺰﺍﺯ .... ﻻ ﻋﻤﺘﻲ ﺣﺸﺎﻫﺎ
ﻫﺎﻟﻪ .... ﻭﻧﻮﺍﻝ .... ﺍﻧﺘﻲ ﺻﺪﻙ ﻣﺎ ﺗﺴﺘﺤﻴﻦ ﻗﺼﺪﺝ ﻧﻮﺍﻝ ﺟﻠﺒﻪ ﻫﺎﻱ ﻓﻮﻙ ﻣﺎ ﺍﺧﻮﺝ ﻛﺘﻞ ﺯﻭﺟﻬﺎ ﻭﺭﻣﻠﻬﺎ ﻭﻳﺘﻢ ﺑﻨﺎﺗﻬﺎ ... ﻭﻻ ﺗﺴﺘﺤﻴﻦ ﻭ ﻛﻮﻟﻴﻦ ﻣﺮﺓ ﺍﻟﺠﺒﻴﺮ
ﻭﺑﻌﺪﻳﻦ ﺍﻧﺘﻲ ﺍﻟﺊ ﻣﺘﺊ ﺗﻀﻞ ﻧﻔﺴﺞ ﺩﻧﻴﻪ ﻭﺗﺨﻤﻄﻴﻦ ﺑﺎﻟﺰﻟﻢ ﻭﺍﻟﻠﻪ ﺣﺮﺍﻡ ﺑﻴﺞ ﺍﺑﻮ ﻏﺰﻝ ﺣﺮﺍﻡ ﺍﻧﺘﻲ ﻣﺮﺗﻪ ﻣﺎ ﺗﺼﻮﻧﻴﻨﻪ
ﺍﻧﻮﺏ ﺩﻧﺖ ﻧﻔﺴﺞ ﻋﻠﺊ ﺍﺧﻮﻭﻭ
ﺍﺷﺮﺕ ﺍﻟﻬﺎ ﺑﺎﺻﺒﻌﻲ ﺑﺒﺮﻭﺩ .... ﺍﻛﻠﻲ ﻧﻌﻞ ﺭﺟﺎﺀﺍ ﻻ ﺍﺟﻲ ﺍﻭﻛﻠﺞ ﺑﻴﺪﻱ ﺯﻭﺟﻲ ﻳﺤﺒﻨﻲ ﻭﻳﻌﺮﻓﻨﻲ ﻛﻮﻭﻭﻟﺶ ﺯﻳﻦ ﻭﻣﺎﻛﻮ ﻏﻴﺮﺝ ﺩﻧﻴﺌﺔ ﻧﻔﺲ ﻭﺣﺮﺑﺎﻳﻪ ...
ﻧﻮﺍﻝ ... ﻻ ﺗﺤﺠﻴﻦ ﻋﻠﺊ ﻫﺎﻟﻪ ﺗﺎﺝ ﺭﺍﺳﺞ ﻭﺍﻧﺘﻲ ﺍﻛﺒﺮ ﺣﻘﻴﺮﻩ ﻟﺤﺪ ﺍﻻﻥ ﻓﺎﻳﺮﻩ ﻣﻦ ﺳﻮﺍﻟﻔﺞ ﻟﻴﻴﺶ ﻟﻴﻴﺶ ﻭﻟﺞ ﺍﺧﺬﺗﻲ ﺧﻄﻴﺒﻬﺎ ﺍﺣﻤﺪ ..
ﺭﺟﻌﺖ ﺧﺼﻠﺔ ﺷﻌﺮﻱ ﺑﻐﺮﻭﺭ ... ﺗﻤﺎﻡ ﻣﺤﺘﺎﺟﻪ ﺷﺊ ﻟﻮ ﺍﺭﻭﺡ ﺯﻭﺟﻲ ﻣﺤﺘﺎﺟﻨﻲ
ﺿﻠﻦ ﻳﺒﺎﻭﻋﻠﻲ ﺑﺘﺬﻣﺮ ﻭﺍﻧﻲ ﻣﺸﻴﺖ ﺑﺪﻟﻊ ﻛﺪﺍﻣﻬﻦ ﺳﻤﻌﺖ ﺧﺎﻟﺘﻲ ﺗﺒﺠﻲ ﻭﻫﻲ ﺩﻛﻮﻝ ... ﻳﻤﻪ ﻭﻗﺮﻭﻩ ﺳﻮﺩﻩ ﺷﻠﻮﻥ ﺍﻧﺎﻡ ﻭﺍﻧﺘﻲ ﻣﻮ ﻳﻤﻲ ...
ﻃﺒﻌﺎ ﺧﺎﻟﺘﻲ ﺍﺑﺪ ﻣﺎ ﺗﻬﺘﻢ ﺍﻟﺒﻨﺎﺗﻬﺎ ﻭﻫﻲ ﻳﻤﻬﻦ ﺑﺲ ﻣﻦ ﻳﺘﺰﻭﺟﻦ ﺗﺘﺨﺒﻞ ﻋﻠﻴﻬﻦ ﻣﺎ ﺍﺩﺭﻱ ﻟﻴﺶ ﺑﺤﻴﺚ ﺗﺤﺴﺲ ﺍﻟﻌﺎﻟﻢ ﻣﺎﻛﻮ ﻣﺜﻞ ﺑﻨﺎﺗﻬﺎ ....
ﺭﺟﻌﺖ ﻟﻜﻴﺖ ﺟﺎﺳﺮ ﻧﺎﻳﻢ ﺍﺟﻴﺖ ﻧﻤﺖ ﺑﺼﻔﻪ ﺑﺲ ﺑﻌﻴﺪﻩ ﻋﻨﻪ ﺷﻮﻳﻪ ﺍﺧﺎﻑ ﺍﺍﺫﻱ ﺟﺮﺣﻪ ....
....................
ﻭﻗﺎﺭ ....
ﺍﺟﺖ ﺍﻟﺰﻓﻪ ﻭﺟﺎﺳﺮ ﺟﺎﻥ ﻛﻼﻣﻪ ﻛﻮﻭﻭﻭﻟﺶ ﺍﻟﻪ ﺍﺛﺮ ﻋﻤﻴﻖ ﺑﺪﺍﺧﻠﻲ ﺑﺤﻴﺚ ﺣﺴﻴﺘﻪ ﺍﺑﻮﻳﻪ ﻟﺪﺍ ﻳﺤﺠﻲ ﻣﻮ ﺍﺧﻮﻳﻪ ﺍﻟﺪﻣﻌﻪ ﻣﺎ ﻧﺸﻔﺖ ﻣﻦ ﻋﻴﻨﻲ ﻭﺟﺎﺑﺮ ﻛﻞ ﺷﻮﻳﻪ ﻭﻟﺰﻡ ﺍﻳﺪﻱ ﻳﻄﻤﻨﻲ ....
ﺟﻨﺖ ﻣﺎ ﺍﺷﻮﻑ ﺑﺴﺒﺐ ﺍﻟﺒﺮﻧﺺ ﻭﺟﺎﺑﺮ ﻛﻞ ﺷﻮﻳﻪ ﻭﻧﺰﻟﻪ ﻋﻠﺊ ﻋﻴﻮﻧﻲ ﺟﺎﻥ ﻫﻮ ﻳﺴﻮﻕ ﻭﻣﺸﻐﻞ ﺍﻏﻨﻴﻪ ﻫﺎﺩﺋﺔ ﻭﻛﻮﻭﻟﺶ ﺣﻠﻮﻩ
ﻫﻤﺴﺖ ... ﺟﺎﺑﺮ ﺗﺤﺒﻨﻲ
ﺟﺮ ﻧﻔﺲ ﻭﻟﺰﻡ ﺍﻳﺪﻱ ﺍﻟﻤﻔﻘﻮﺩﻩ ﻭﺭﺩ ﺑﻨﻔﺲ ﺍﻟﻬﻤﺲ ... ﺍﻱ ﺍﻣﻮﻭﺕ ﻋﻠﻴﺞ ﻣﻦ ﺯﻣﺎﻥ ﺍﻧﻲ ﺟﺎﻥ ﺍﻟﻲ ﻣﺸﺎﻋﺮ ﺍﺗﺠﺎﻫﺞ ﻣﻦ ﻗﺒﻞ ﻻ ﻳﻤﻮﺕ ﻋﻤﻲ ﺑﺲ ﺩﻓﻨﺘﻬﺎ
ﺍﺳﺘﻐﺮﺑﺖ ... ﻟﻴﻴﺶ؟
ﺭﺩ ﺑﻐﻤﻮﺽ ... ﻻﻥ ﺍﺣﺒﺒﺞ
ﺍﺑﺘﺴﻤﺖ ﺑﺘﻮﺗﺮ ﻭﺳﻜﺘﺖ ﺭﻓﻌﺖ ﺍﻟﺒﺮﻧﺺ ﺷﻮﻳﻪ ﺷﻔﺖ ﺧﺎﻟﺘﻲ ﺻﺒﺮﻳﻪ ﻃﺎﻟﻌﻪ ﻣﻦ ﺟﺎﻡ ﺍﻟﻜﻮﺳﺘﺮ ﻭﺗﺮﻛﺺ ﺑﻤﺴﺪﺳﻬﺎ ﻭﺛﻮﺑﻬﺎ ﺍﻟﻴﻠﻤﻊ ...
ﻣﺴﺎﻓﺔ ﺍﻟﻄﺮﻳﻖ ﻭ ﻭﺻﻠﻨﻪ ﻟﻠﺒﻴﺖ ﺍﻭﻝ ﻣﺎ ﻧﺰﻟﺖ ﻣﻦ ﺍﻟﺴﻴﺎﺭﻩ ﻧﺰﻟﻨﻲ ﻭﺧﻄﻴﻪ ﺭﻳﻬﺎﻡ ﺳﺎﻋﺪﺗﻪ ﻳﻨﺰﻟﻨﻲ ﺑﺒﺪﻟﺘﻲ ...
ﺷﻔﺖ ﺟﻌﻔﺮ ﻳﺎﻟﻠﻪ ﺷﻜﺪ ﺍﺳﺘﺤﻴﺖ ﻫﺴﻪ ﻳﻜﻮﻟﻮﻥ ﺍﺧﻮ ﺍﻟﻌﺮﻭﺳﻪ ﺟﺎﻱ ﺑﺲ ﻳﺎﻟﻠﻪ ﻫﻮ ﺍﺑﻦ ﻋﻤﻬﻢ ﻣﺜﻞ ﺍﺧﻮﻫﻢ
ﺟﻌﻔﺮ ﻻﺯﻡ ﺍﻟﺨﺮﻭﻑ ﻭﺍﻟﺴﺠﻴﻦ ﺩﻳﺬﺑﺤﻮﺍ ﺷﺎﻑ ﺻﺒﺮﻳﻪ ﻛﺎﻝ ... ﻟﻴﺶ ﺟﺎﻳﺒﻴﻦ ﻃﻠﻲ ﻣﻮ ﻛﺘﻠﻜﻢ ﺟﻴﺒﻮﺍ ﻛﻨﻮﺵ ﻧﺬﺑﺤﻪ
ﺑﺎﻭﻋﺘﻠﻪ ﺻﺒﺮﻳﺔ ﺑﺤﻘﺪ ... ﺧﺎﻳﺐ ﺗﺴﻜﺖ ﻻ ﺍﺫﺑﺤﻚ ﺑﺪﺍﻝ ﺍﻟﺨﺮﻭﻑ ﻳﺬﺑﺢ ﻛﻨﻮﺵ ﻣﻮ ﻫﻮ ﺍﺣﺴﻦ ﻣﻨﻪ
ﺟﻌﻔﺮ ... ﻻ ﻋﻤﻲ ﻛﻨﻮﺵ ﺍﻟﻴﻮﻡ ﻧﻜﻌﺪﻩ ﺑﺎﻟﺪﻳﻮﺍﻥ ﺑﻤﻜﺎﻥ ﻋﻤﻲ ﻋﻜﺎﺏ
ﺟﺎﺑﺮ ﺿﺮﺑﻪ ... ﻭﻟﻚ ﻻ ﺗﺠﻔﺺ ﻣﺎ ﺩﻛﻠﻲ ﺷﺠﺎﺑﻚ ﺍﻭﻝ ﺍﺷﻮﻑ ﺍﺧﻮ ﻳﺠﻲ ﺑﻌﺮﺱ ﺍﺧﺘﻪ
ﺟﻌﻔﺮ ... ﺍﻧﻲ ﺍﻧﺴﺎﻥ ﻣﻤﻴﺰ ﺍﺻﻼ ﻣﺘﻤﻴﺰ ﻋﻦ ﺍﻟﻌﺸﻴﺮﻩ ﻛﻠﻬﺎ ﺷﺮﺏ ﻋﺮﺑﺪﻩ ﺍﺣﻠﺊ ﻭﺍﺣﺪ ﺑﻴﻜﻢ ﻭﺭﺍﺡ ﺍﺗﺰﻭﺝ ﺍﺛﻨﻴﻦ ﻣﻨﻮ ﺑﻴﻜﻢ ﻣﺜﻨﻲ ﻏﻴﺮﻱ ﻭﻏﻴﺮ ﺍﺑﻮﻭﻱ ...
ﺻﺒﺮﻳﺔ ﺭﻛﺼﺖ ... ﺑﺲ ﻛﻮﻥ ﺳﺎﻟﻢ ﻳﺎﻟﻮﻟﺪ ﻛﻞ ﻳﻮﻡ ﺍﺯﻓﻠﻚ ﻣﺮﻩ ... ﻭﻓﻠﻮﺱ ﺍﻣﻚ ﺟﻮﻩ ﺍﻟﻜﺎﺷﻴﻪ ...
ﻋﺎﺩ ﻫﻮ ﻣﺎ ﺻﺪﻙ ﻃﺎﺡ ﺍﻟﺼﺒﺮﻳﻪ ﺑﺲ ﻭﺻﻮﺭ ﺑﺲ ﺍﻟﻤﻬﻢ ﻋﻨﺪﻩ ﻳﺘﺰﻭﺝ ....
ﺍﺟﻪ ﺍﻟﻜﺼﺎﺏ ﺫﺑﺢ ﺍﻟﺨﺮﻭﻑ ﻭﺍﻧﻲ ﺧﺎﺗﻠﻪ ﻭﺭﻩ ﺟﺎﺑﺮ ﻣﻦ ﺍﻟﺨﻮﻑ ...
ﺗﺬﻛﺮﺕ ﺟﺎﺳﺮ ﻣﻦ ﺗﺰﻭﺝ ﻭﺫﺑﺤﻮﺍ ﺍﻟﺨﺮﻭﻑ ﻭﺟﻮﻟﻲ ﺗﺼﺮﺥ ﻭﺗﺒﺠﻲ ﻭﻛﻠﻬﺎ ﺗﻀﺤﻚ ﻋﻠﻴﻬﺎ ﻭﺣﺎﺿﻨﻪ ﺟﺎﺳﺮ ﺑﻴﻮﻣﻬﺎ ﻫﻮ ﻭﺍﻟﻠﻪ ﻓﺸﻞ ﻭﺿﻞ ﺑﺲ ﻳﻤﺴﺢ ﺑﺠﺒﻴﻨﻪ ﻭﺣﺎﺿﻨﻬﺎ ﻋﺒﺎﻟﻚ ﺑﻨﺘﻪ ...
ﺩﺧﻠﻨﻪ ﺟﻮﻭﻩ ﺑﻌﺪ ﻣﺎ ﺩﻣﺮﻭﺍ ﺣﺬﺍﺋﻲ ﺑﺎﻟﺪﻡ ﻛﻌﺪﻧﻪ ﺑﺎﻟﻜﻮﻭﺷﻪ ﺍﻟﻲ ﻣﺼﻤﻤﺘﻬﺎ ﻋﻤﺘﻲ ...
ﻛﻮﻭﻭﻟﻬﺎ ﺟﺎﻧﺖ ﺗﺮﻛﺺ ﻭﺭﻳﻬﺎﻡ ﺟﺎﻧﺖ ﻻﺑﺴﻪ ﻓﺴﺘﺎﻥ ﻗﺼﻴﺮ ﻭﻓﺎﺗﺤﻪ ﺷﻌﺮﻫﺎ ﻃﻮﻭﻳﻞ ﻳﺠﻨﻦ ﻭﺗﺮﻛﺺ ﻭﺗﻬﻮﺱ ﻭﺍﻣﻬﺎ ﺗﻔﺘﺮ ﻭﺭﺍﻫﺎ ﺑﺤﻨﻴﻪ ... ﻳﻤﻪ ﺭﻫﻮﻣﻪ ﺍﻛﻌﺪﻱ ﺍﺧﺎﻑ ﻋﻠﻴﺞ ﻭﻋﻠﺊ ﻃﻔﻠﺞ ﻻ ﻳﺼﻴﺮ ﺑﻴﻬﻢ ﺷﺊ
ﻭﻫﻲ ﻣﺎ ﻣﻬﺘﻤﻪ ﺧﻄﻴﻪ ﺣﻴﻞ ﻓﺮﺣﺎﻧﻪ ﻫﻤﺎﺗﻴﻦ ﺍﻟﻴﻪ ﻭﺍﻻﺧﻮﻫﺎ ﺟﺎﺍﺍﺑﺮ ....
ﻃﻠﻊ ﺟﺎﺑﺮ ﻭﺍﻧﻲ ﺯﻓﻮﻧﻲ ﺍﻟﻐﺮﻓﺘﻲ ﺟﻨﺖ ﻓﺮﺣﺎﻧﻪ ﺣﻴﻴﻞ ﻋﺠﺒﺘﻨﻲ ﺍﻟﻐﺮﻓﻪ ﻛﻮﻭﻭﻟﺶ ﺗﺠﻨﻦ ﻭﻋﺠﺒﻨﻲ ﺍﻟﺠﻜﻠﻴﺖ ﺍﻟﻲ ﻣﺴﻮﻳﺘﻪ ﻭﻗﺎﺭ ﻋﺒﺎﺭﻩ ﻋﻦ ﻗﻠﺐ ﺍﻟﺤﺐ ﻭﻫﻤﺎﺗﻴﻦ ﺃﺳﻤﺎﺋﻨﺎ ﺍﻧﻲ ﻭﺟﺎﺑﺮ ....
ﺩﻳﻜﻮﺭ ﺍﻟﻐﺮﻓﻪ ﻛﻮﻭﻟﺶ ﺣﻠﻮ ﻭﺗﺮﻛﻴﻪ ﺟﺎﻥ ﻃﺎﻏﻲ ﻋﻠﻴﻬﺎ ﺍﻟﻠﻮﻥ ﺍﻟﻤﺎﺭﻭﻧﻲ ﻭﺍﻻﺑﻴﺾ ...
ﻫﻨﻪ ﻃﻠﻌﻦ ﻭﻣﺎﻣﺎ ﺑﺎﺳﺘﻨﻲ ﻭ ﻭﺻﺘﻨﻲ ﻛﺎﻟﺖ ... ﺣﺒﻴﺒﺘﻲ ﺑﻴﻀﻲ ﻭﺟﻬﻲ ﻭﺭﻓﻌﻲ ﺭﺍﺱ ﺍﺧﻮﺍﻧﺞ ﻫﺎﻱ ﺳﻨﺔ ﺍﻟﺤﻴﺎﺓ ﻭﻻ ﺗﺨﺎﻓﻴﻦ ﺟﺎﺑﺮ ﺻﺎﺭ ﺳﺘﺮﺝ ﻭﻏﻄﺎﺝ ﻻ ﺗﺴﺘﺤﻴﻦ ﻣﻨﻪ
ﺭﺩﺕ ﺻﺒﺮﻳﻪ ﻭﻫﻲ ﺗﺪﺧﻦ ... ﻋﻠﻴﻤﻦ ﻣﺴﺘﺤﻴﻪ ﺷﻮ ﺟﻮﻳﺒﺮ ﺷﺒﻊ ﺑﻴﻬﺎ ﺑﻮﺱ ﺍﻟﺒﺎﺭﺣﻪ ﺍﻟﻴﻮﻡ ﺍﺳﺘﺤﺖ ﻻ ﻳﻤﻪ ﻻ ﺗﺴﺘﺤﻴﻦ ﻫﻲ ﺟﻜﺔ ﺍﺑﺮﻩ
ﻧﻮﺍﻝ ﻫﻔﺖ ﺑﻴﺪﻫﺎ ﻋﻠﺊ ﺍﻟﺪﺧﺎﻥ ﻛﺎﻟﺖ ... ﻋﻮﻭﻭﻉ ﺧﺎﻟﻪ ﺧﻨﻜﺘﻴﻨﻪ ﻭﺧﺮﺑﺘﻲ ﻏﺮﻓﺔ ﺍﻟﻌﺮﺳﺎﻥ
ﺻﺒﺮﻳﺔ ﺑﻐﻀﺐ ... ﺧﺎﻳﺒﻪ ﻟﻴﺶ ﻣﺎ ﺗﺴﻜﺘﻴﻦ ﻻ ﺍﻃﻔﻲ ﺍﻟﺠﻜﺎﺭﻩ ﺑﺒﺮﺍﻃﻤﺞ ﻫﺴﻪ ﻣﺪﺧﻨﻪ ﺑﻐﺮﻓﺘﺞ ﻏﺮﻓﺔ ﺍﺑﻦ ﺍﺧﺘﻲ ﻭﺍﻧﻪ ﺣﺮﻩ ﺑﻴﻬﺎ ﻳﻤﻦ ﻛﻮﻭﻥ ﻣﺎﻝ ﻟﻄﻢ
ﻧﻮﺍﻝ ﺍﺟﺖ ﺗﺘﻌﺎﺭﻙ ﻭﻳﺎﻫﺎ ﺑﺲ ﺭﺿﻴﻪ ﻟﺰﻣﺘﻬﺎ ﻭﺳﻜﺘﺘﻬﺎ
ﺷﻮﻳﻪ ﻭﺩﺧﻞ ﺟﺎﺑﺮ ﻭﺧﺎﻟﺘﻲ ﺗﻠﻜﺘﻪ ﻭﻫﻲ ﺗﻬﻮﺱ ... ﺍﻟﻴﻮﻡ ﻳﻮﻣﻚ ﻳﺎ ﺑﻄﻞ ﺍﻟﻌﺐ ﻋﻠﺊ ﺍﻟﺠﺮﺑﺎﻳﻪ
ﻫﻮ ﺧﺠﻞ ﻭﻫﻲ ﺭﻛﻌﺘﻪ ﻋﻠﺊ ﻛﺘﻔﻪ ... ﺍﻱ ﻭﻟﻚ ﺍﺭﻳﺪﻧﻚ ﺳﺒﻊ ﻛﻮﻭﻥ ﺗﺒﻴﺾ ﻭﺟﻮﻫﻨﻪ ﻣﻮ ﻣﺜﻞ ﺍﺑﻮ ﺍﻟﻠﻮﻝ ﺟﻨﻪ ﺻﺨﻞ ﺍﺳﺒﻮﻉ ﻭﻫﻮ ﻛﻠﺸﻲ ﻣﺎﻛﻮﻭ ...
ﻫﻮ ﺍﺑﺘﺴﻢ ﻭﺳﻜﺖ ﺭﺟﻌﺖ ﺑﺎﻭﻋﺘﻠﻲ ... ﻭﻗﻴﺮﻩ ﻣﻮ ﺗﺸﻠﻌﻴﻦ ﻛﻠﺒﻪ ﺗﺮﺉ ﺑﻌﺪﻳﻦ ﺍﻧﺘﻲ ﺗﻀﻠﻴﻦ ﺗﺮﻛﻀﻴﻦ ﻭﺭﺍﻩ ﻭﻫﻮ ﻳﺸﺮﺩ ﻣﻨﺞ ﻛﻔﻴﻠﺞ ﺍﻟﻌﺒﺎﺱ ...
ﺟﺮﺗﻬﺎ ﺍﻡ ﺟﺎﺑﺮ ﻭﻃﻠﻌﺘﻬﺎ ﻭﻫﻲ ﻟﺤﺪ ﺍﻻﻥ ﺗﻠﻌﻠﻊ ﻫﻮ ﺩﺍﺭ ﻭﺟﻬﻪ ﻭﻗﻔﻞ ﺍﻟﺒﺎﺏ ﻫﺰ ﺭﺍﺳﻪ ﺑﺎﺳﺊ ﻭﻫﻮ ﻳﻀﺤﻚ ... ﺧﺮﺏ ﻏﻴﺮﺗﺞ ﺧﺎﻟﻪ ﻭﻻ ﻋﻨﺪﺝ ﺣﻴﺎ ﺣﻀﻮﺭﻱ
ﺍﺑﺘﺴﻤﺖ ﻭﻧﺰﻟﺖ ﺭﺍﺳﻲ ...
ﺗﻘﺮﺏ ﻣﻨﻲ ﻭﺍﻧﻲ ﻟﺰﻣﺘﻨﻲ ﺭﻋﺸﻪ ﻗﻮﻭﻳﻪ ﺍﺭﺟﻒ ﻣﺪﺭﻱ ﺷﺒﻴﻪ ﻟﺰﻡ ﺍﻛﺘﺎﻓﻲ ﺍﻟﻌﺎﺭﻳﻪ ﻭ ﻭﻛﻔﻨﻲ ﺑﺎﺳﻨﻲ ﺑﺨﺪﻱ ﻭﻫﻮ ﻳﺘﺎﻣﻞ ﻣﻼﻣﺢ ﻭﺟﻬﻲ
ﻫﻤﺲ ﺑﺤﺐ ... ﺣﻠﻮﻩ ﺍﻧﺘﻲ ﻣﻦ ﺯﻣﺎﺍﺍﻥ ﺑﺲ ﺍﻟﻴﻮﻡ ﻃﺎﻟﻌﻪ ﺍﺣﻠﺊ ﻭﺻﺪﻙ ﺍﻟﻴﻮﻡ ﻟﻴﻠﺔ ﻋﺮﺳﺎﻥ
ﻟﺰﻡ ﺍﻳﺪﻱ ﻭﻓﺮﻧﻲ ﺑﺒﺪﻟﺘﻲ ﺭﻏﻢ ﺍﻟﻠﺤﻈﻪ ﺍﻟﺤﻠﻮﻩ ﺑﺲ ﺟﻨﺖ ﺣﻴﻞ ﺧﺠﻼﻧﻪ ﻣﻦ ﺍﻳﺪﻱ ﻭﺗﺮﻋﺶ ﻭﻫﻲ ﺗﺤﺖ ﻗﺒﻀﺔ ﺍﻳﺪﻩ
ﺑﺎﻭﻋﻠﻲ ﻣﻦ ﻓﻮﮒ ﻟﻴﺠﻮﻩ ﻭﺭﻛﺰ ﺑﻨﻈﺮﺍﺗﻪ ﻋﻠﺊ ﺧﺼﺮﻱ ﻛﺎﻝ ... ﺗﺮﺉ ﺧﺼﺮﺝ ﻛﺎﺍﺍﻓﺮ ﻭﻳﺤﺮﺿﻨﻲ ﻋﻠﺊ ﺍﻟﻔﺴﻖ ﻭﺍﻟﻔﺠﻮﺭ ...
ﻫﻤﺴﺖ ﺑﺨﺠﻞ ﻭﺍﺑﺘﺴﺎﻣﻪ ﻣﺮﺗﺒﻜﻪ ... ﺑﺲ ﺍﻧﺖ ﺍﻧﺴﺎﻥ ﻣﺘﺪﻳﻦ ﻣﺎ ﺍﻋﺘﻘﺪ ﻳﻐﺮﻳﻚ ﺧﺼﺮﻱ
ﺭﻓﻊ ﺣﺎﺟﺐ ﺑﺬﻫﻮﻝ ﻭﺍﺑﺘﺴﺎﻣﻪ ... ﻻ ﻭﺍﻟﻠﻪ ﻳﻌﻤﻲ ﺍﻏﺮﺍﻧﻲ ﺍﺫﺍ ﻫﻮ ﺧﺼﺮﺝ ﺍﺷﺪ ﻛﻔﺮ ﻣﻦ ﺍﺑﻮ ﻟﻬﺐ ...
ﻧﺰﻟﺖ ﻋﻴﻮﻧﻲ ﻭﺍﻟﻔﺮﺣﻪ ﺗﻨﺒﺾ ﺑﺪﺍﺧﻠﻲ ... ﻣﻦ ﻫﺴﻪ ﺷﺪﻳﺖ ﺣﺮﺍﺑﻪ ﻭﻳﻪ ﺧﺼﺮﻱ
ﻋﺾ ﺷﻔﺘﻪ ﺑﻠﻬﻔﻪ ... ﺍﻟﻴﻮﻡ ﺍﻛﻄﻌﻪ ﺍﻟﻴﻮﻡ ﻣﺎ ﺍﺭﺣﻢ ﺑﺤﺎﻟﻪ ﺍﺩﺭﻱ ﺍﻧﺘﻲ ﻣﺎ ﺗﺎﻛﻠﻴﻴﻦ ﺍﻏﺮﺍﻧﻲ ﻣﻦ ﺍﻭﻝ ﻳﻮﻡ ﺍﻟﺨﻄﺒﻪ ﻭﺍﻧﻲ ﺍﺷﻮﻓﻪ ﻃﺎﻣﺲ ﺑﻴﻦ ﺍﻋﻀﺎﺋﺞ ﺣﺘﺊ ﻛﻠﺖ ﻫﺎﻱ ﻣﺎ ﺗﺎﻛﻞ ﺷﻬﻞ ﺧﺼﺮ ﺍﻟﺤﻠﻮ
ﺭﻓﻊ ﻧﻈﺮﻩ ﺍﻟﻮﺟﻬﻲ ﺍﻣﺎ ﻭﺟﻬﺞ ﺑﺤﺚ ﺍﺧﺮ ﻣﺎ ﻋﻨﺪﻱ ﺍﻟﻮﻗﺖ ﺍﻟﻜﺎﻓﻲ ﺣﺘﺊ ﺍﺗﻐﺰﻝ ﺑﻴﺞ ﺍﺫﺍ ﻛﻞ ﺷﺊ ﺑﻮﺟﻬﺞ ﻳﻨﺮﺍﺩﻟﻪ ﻗﺼﻴﺪﻩ ﻛﺎﻣﻠﻪ ...
ﺑﻠﻌﺖ ﺭﻳﻜﻲ ﺑﻘﻬﺮ ﻭﺣﺰﻥ ... ﺑﺲ ﺍﻳﺪﻱ ﺗﻌﻴﺒﻨﻲ ﺟﺎﺍﺑﺮ ﻭﺍﻛﺜﺮ ﺍﻟﺸﻐﻼﺕ ﻣﺎ ﺍﻛﺪﺭ ﺍﺳﻮﻳﻬﻦ ..
ﺭﻓﻊ ﺍﻳﺪﻱ ﻭﻧﺰﻉ ﺍﻟﺸﺎﺵ ﻣﻨﻬﺎ ﺑﺎﺳﻬﺎ ﺑﻬﻴﺎﻡ ﻭﻃﻮﻝ ﺷﻮﻳﻪ ﻛﺎﻝ ... ﻻ ﻣﺘﻌﻴﺒﺞ ﺍﺻﻼ ﻣﻤﻴﺰﺗﺞ ﻋﻦ ﺍﻟﺒﺎﻗﻴﺎﺕ ﻻ ﺗﺴﺘﺤﻴﻦ ﻭﻻ ﺗﺨﺠﻠﻴﻦ ﻣﻨﻬﺎ ﺍﻛﺜﺮ ﺷﺊ ﺍﺣﺒﺒﻪ ﺑﻴﺞ ﺍﻳﺪﺝ ...
ﺣﻀﻨﺘﻪ ﺑﺮﻭﺡ ﻣﻠﭽﻮﻣﻪ ﻭﺑﺠﻴﺖ ﺑﺼﻮﺕ ﻣﺴﻤﻮﻉ ﺣﺘﺊ ﻫﻮ ﺍﻧﺼﺪﻡ ﻣﻨﻲ ﻭﺣﻀﻨﻲ ﺣﻴﻞ ﻋﺒﺎﻟﻚ ﻳﺪﺧﻠﻨﻲ ﺑﺼﺪﺭﻩ ﻣﺴﺢ ﻋﻠﺊ ﻇﻬﺮﻱ ﻛﺎﻝ ... ﺍﺷﺸﺶ ﻻ ﺗﺒﺠﻴﻴﻦ ﻛﺘﻠﺞ ﺍﻧﻲ ﺍﻳﺪﺝ ﻭﺍﻧﻲ ﻛﻠﺞ
ﺍﺑﺘﻌﺪﺕ ﻋﻨﻪ ﺷﻮﻭﻳﻪ ﺧﺠﻼﻧﻪ ﻭﻫﻮ ﺿﺤﻚ ﺑﻤﻜﺮ ﺷﻔﺘﻲ ﻫﻞ ﺍﻳﺪ ﺍﻟﺤﻠﻮﻩ ﺷﻠﻮﻥ ﺳﻮﺗﻠﻲ ﺧﺪﻣﻪ ﺧﻠﺘﺞ ﺣﻀﻨﺘﻴﻨﻲ ﺑﺪﻭﻥ ﺳﺎﺑﻖ ﺍﻧﺬﺍﺭ ...
ﺍﺑﺘﺴﻤﺖ ﻭﻧﺰﻟﺖ ﺭﺍﺳﻲ ﺳﺎﻋﺪﻧﻲ ﻧﺰﻋﺖ ﺍﻟﺒﺪﻟﻪ ﺑﺲ ﻫﻮ ﺑﺲ ﻓﺘﺢ ﺍﻟﺴﺤﺎﺏ
ﻟﺒﺴﺖ ﺛﻮﺏ ﻧﻮﻡ ﺳﺘﻦ ﻃﻮﻭﻳﻞ ﻭﻓﻮﻛﺎﻩ ﺭﻭﺏ ﻃﻮﻭﻳﻞ ﺗﻮﻭﻝ ...
ﺳﺎﻋﺪﻧﻲ ﻓﺘﺢ ﺍﻟﺘﺴﺮﻳﺤﻪ ﻭﻛﻞ ﻣﺎﺷﻪ ﻳﺸﻤﺮﻫﺎ ﻳﺒﻮﺳﻨﻲ ﺑﻌﻨﻘﻲ ﻭﻳﺴﺘﻨﺸﻖ ﻋﻄﺮﻱ ...
ﺷﻤﺮ ﺍﻟﺴﺘﺮﻩ ﻭﺍﻟﺮﺑﺎﻁ ﻛﺎﻝ ... ﺧﻠﻲ ﻧﺘﻮﺿﺊ ﻭﻧﺼﻠﻲ ﻭﺑﻌﺪﻫﺎ ﻧﺨﻠﺺ ﺷﻐﻠﺘﻨﺎ
ﺻﺪﻙ ﻏﺴﻠﺖ ﺍﻟﻤﻜﻴﺎﺝ ﻭﺗﻮﺿﻴﻨﻪ ﺻﻠﻴﻨﻪ ﺭﻛﻌﺘﻴﻦ ﻭﺻﻠﻴﻨﻪ ﺍﻟﻤﻐﺮﺏ ﻭﺍﻟﻌﺸﺎﺀ ﻭﻫﻤﺎﺗﻴﻦ ﻫﻮ ﺩﻋﺎ ﺑﺪﻋﺎﺀ ﺍﻟﺰﻭﺍﺝ ...
ﻣﻦ ﺧﻠﺼﻨﻪ ﺳﻔﻂ ﺍﻟﺴﺠﺎﺩﺍﺕ ﻭﺍﺧﺬ ﻋﺒﺎﻳﺔ ﺍﻟﺼﻼﻩ ﺳﻔﻄﻬﺎ ﻭﺍﻧﻲ ﺍﺑﺎﻭﻉ ﻋﻠﻴﻪ ﻭﺍﺿﺤﻚ
ﻛﺎﻝ ﺑﺎﺳﺘﻐﺮﺍﺏ ... ﻟﻴﺶ ﺗﻀﺤﻜﻴﻦ
ﺭﺩﻳﺖ ﺑﺒﺎﺑﺘﺴﺎﻣﻪ ﺧﺠﻮﻟﻪ ... ﺣﻠﻮ ﺗﺴﻔﻂ ﺑﺲ ﻫﺎﻱ ﺍﻭﻝ ﻣﺮﻩ ﺍﺷﻮﻓﻚ ﻫﻴﻴﺞ ﻳﻌﻨﻲ ﻋﺎﺩﻱ ﺗﺴﺎﻋﺪﻧﻲ ﻣﻮﻭ؟؟
ﺷﻤﺮ ﺍﻟﻌﺒﺎﻳﻪ ﻋﻠﺊ ﺍﻟﻤﻴﺰ ﻭﺗﻘﺮﺏ ﻣﻨﻲ ﻭﺷﺎﻟﻨﻲ ﻛﺎﻝ .... ﺍﻱ ﻣﺎ ﺗﻌﺮﻓﻴﻨﻲ ﺑﻌﺪﺝ ﺍﻥ ﺷﺎﺀ ﺍﻟﻠﻪ ﺍﺩﻟﻠﺞ ﺩﻻﻝ ﻭﻣﺎ ﺍﺗﻌﺒﺞ ﻭﺩﺍﻋﺘﺞ
ﺧﻼﻧﻲ ﻋﻠﺊ ﻃﺮﻑ ﺍﻟﺠﺮﺑﺎﻳﻪ ﻭﺩﻓﻊ ﺍﻟﻠﻮﺣﻪ ﺍﻟﻔﻨﻴﻪ ﺍﻟﻲ ﺗﻌﺒﺎﻧﻪ ﺑﻴﻬﺎ ﻭﻗﺎﺭ ﻭﺗﻄﺸﺮ ﻛﻞ ﺍﻟﺠﻜﻠﻴﺖ ﻭﺗﻘﺮﺏ ﻣﻨﻲ ﻏﻤﻀﺖ ﻋﻴﻮﻧﻲ ﺣﻴﻴﻴﻞ ...
ﻭﺣﻀﻨﺖ ﻧﻔﺴﻲ ﺑﺨﺠﻞ ﻣﻦ ﺷﻔﺘﻪ ﺗﻘﺮﺏ ﻣﻨﻲ ﻭﻧﺰﻉ ﺍﻟﺮﻭﻭﺏ ﺣﺴﻴﺖ ﺑﻤﻠﻤﺲ ﺩﺍﻓﻲ ﻋﻠﺊ ﺷﻔﺎﻳﻔﻲ ﺳﻠﻤﺖ ﺍﻟﺮﻭﺡ ﻭﺍﻟﺠﺴﺪ ﺍﻟﻪ ...
ﺟﺎﻥ ﻛﻮﻭﻟﺶ ﺣﺒﺎﺏ ﺭﻭﻣﺎﻧﺴﻲ ﻭﻛﻞ ﺣﻨﻴﺔ ﺍﻟﺪﻧﻴﺎ ﺑﻲ ﺑﺤﻴﺚ ﺿﻌﺖ ﻭﻳﺎﻩ ﻭﻓﻘﺪﺕ ﺍﻟﺬﺍﻛﺮﻩ ﻣﺎ ﺍﺫﻛﺮ ﺑﺲ ﻫﻮ ﻭﺍﻧﻲ ....
ﻓﺘﺤﺖ ﻋﻴﻮﻧﻲ ﻣﺼﺪﻭﻣﻪ ﻣﻦ ﻛﺎﻝ ... ﺷﻮﻭ ﻣﺎﻛﻮ ﺍﺛﺮ ﻟﻠﻌﺬﺭﻳﻪ
ﺭﺟﻔﺖ ﺑﺨﻮﻭﻑ ﻭﺻﺪﻣﻪ ... ﺟﺎﺍﺍﺑﺮ ﻭﺍﻟﻠﻪ ﻣﺤﺪ ﻻﻣﺴﻨﻲ
ﺟﺮ ﻧﻔﺲ ﻭﺍﺑﺘﺴﻢ ... ﻻ ﺗﺨﺎﻓﻴﻦ ﻋﺎﺩﻱ ﺗﺼﻴﺮ ﺍﻥ ﺷﺎﺀ ﺍﻟﻠﻪ ﻛﻢ ﻳﻮﻡ ﻭﻧﺸﻮﻑ ﺣﻞ ...
ﻫﻤﺴﺖ ﺑﺮﻋﺐ ... ﻳﻌﻨﻲ ﺷﻨﻮ
ﺍﺑﺘﺴﻢ ﻣﺠﺎﻣﻠﻪ ... ﻻ ﺗﺨﺎﻓﻴﻦ ﻣﺎﻛﻮﻭ ﺷﺊ ﻳﺠﻮﺯ ﻳﻄﻠﻊ ﺍﻟﻐﺸﺎﺀ ﻣﻄﺎﻁ ﻭﺣﺘﺊ ﻟﻮ ﻣﺎ ﺷﻔﺖ ﺍﺛﺎﺭ ﻋﺬﺭﻳﻪ ﺍﻧﻲ ﺛﺎﻕ ﺑﻴﺞ ﻭﺍﻋﺮﻓﺞ ﺣﺒﻴﺒﺘﻲ
ﺿﻠﻴﺖ ﻣﺼﺪﻭﻣﻪ ﻫﻮ ﺭﺍﺡ ﺳﺒﺢ ﻭﻃﻠﻊ ﻛﺎﻝ ... ﻣﻨﻮ ﻳﺴﺎﻟﺞ ﻛﻠﻴﻠﻬﻢ ﻣﺎ ﻗﺒﻠﺖ ﺧﻔﺖ ﻭﻫﻴﺞ ﺷﺊ ﺍﻭﻙ ﺣﺒﻴﺒﺘﻲ
ﻫﺰﻳﺖ ﺭﺍﺳﻲ ﻭﺍﻧﻲ ﺩﻣﻮﻋﻲ ﺷﻼﻝ ﺿﺤﻚ ﻋﻠﻴﻪ ﻭﺗﻘﺮﺏ ﻣﻨﻲ ﺑﺎﺳﻨﻲ ﺑﺮﺍﺳﻲ ﻭﻫﻤﺲ ... ﻻ ﺗﺨﺎﻓﻴﻦ ﺷﺒﻴﺞ ﺍﻛﺜﺮ ﺍﻟﺒﻨﺎﺕ ﻫﻴﺞ ﻋﺎﺩﻱ ﻭﺍﻟﻠﻪ ...
ﺧﻠﻪ ﻭﻃﻠﻊ ﻭﺍﻧﻲ ﺿﻠﻴﺖ ﺍﺑﺠﻲ ﺩﺧﻠﺖ ﺍﻣﻲ ﻭﺍﺧﺘﻲ ﻭﻧﻮﺍﻝ ﻭﻫﺎﻟﻪ ﻭﺻﺒﺮﻳﻪ ﻭﺍﻡ ﺟﺎﺑﺮ ...
ﺍﻣﻲ ﻭﻋﻤﺘﻲ ﺍﻡ ﺟﺎﺑﺮ ﺳﺄﻟﻨﻲ ﻛﻠﺘﻠﻬﻦ ﺧﻔﺖ ﺍﻣﻲ ﺑﺎﻭﻋﺖ ﻻﻡ ﺟﺎﺑﺮ ﺑﺘﻮﺳﻞ ... ﺧﻄﻴﻪ ﺻﻌﺒﻪ ﻋﻠﻴﻬﺎ ﺻﺒﺮﻭﺍ ﺷﻮﻳﻪ
ﺭﺩﺕ ﻋﻠﻴﻬﺎ ﺍﻡ ﺟﺎﺑﺮ ... ﺻﺪﻙ ﺟﺬﺏ ﺧﻴﻪ ﺷﻌﺪﻧﻪ ﻫﻢ ﺑﻜﻴﻔﻬﻢ ﺷﻮﻛﺖ ﻣﺎﻳﺮﺩﻭﻥ ﻭﺣﻘﻬﺎ ﺗﺨﺎﻑ ﻗﺎﺑﻞ ﺷﻨﻮ ﺟﺎﺑﺮ ﻧﻬﺎﺭ ﻛﻠﻪ ﻛﺎﻋﺪ ﻭﻳﺎﻫﺎ ﺻﺢ ﺍﺑﻦ ﻋﻤﻬﺎ ﺑﺲ ﻣﺎ ﻣﺘﻌﻤﻖ ﻭﻳﺎﻫﺎ
ﻭﺍﺭﺩﻓﺖ ﺑﻬﺪﻭﺀ ... ﺑﺲ ﻻ ﺩﻛﻮﻟﻴﻦ ﺍﻟﺼﺒﺮﻳﻪ ﺗﺮﺉ ﻫﺎﻱ ﻓﻀﻴﺤﻪ ﺗﻨﺸﺮﻫﺎ ﺑﺎﻟﺠﺮﺍﻳﺪ
ﻭﺑﻌﺪﻫﺎ ﻋﻤﺘﻲ ﻫﻠﻬﻠﺖ ﻭﺻﺒﺮﻳﻪ ﻣﺎ ﺻﺪﻛﺖ ﺧﺒﺼﺖ ﺍﻻﻣﻪ ﺗﺮﻛﺺ ﻭﺗﻬﻠﻬﻞ ...
ﺿﻠﻦ ﺷﻮﻳﻪ ﻭ ﺭﺍﺣﻦ ﻭﻫﻮ ﺩﺧﻞ ﺍﺑﺘﺴﻢ ﺑﻮﺟﻬﻲ ﻣﺠﺎﻣﻠﻪ ﻭﺑﻌﺪﻫﺎ ﻧﺎﻡ ﺑﺼﻔﻲ ﻭﺣﻀﻨﻲ ...
........................ ..........
ﺭﻳﻬﺎﻡ ...
ﺍﻧﻲ ﺻﺢ ﺟﻨﺖ ﺍﺭﻛﺺ ﺑﺲ ﻣﻮ ﻗﻮﻱ ﻣﺠﺮﺩ ﺍﺣﺮﻙ ﺑﺎﺩﻳﻪ ﺣﺴﻴﺖ ﺻﺎﺭﺕ ﻋﻨﺪﻱ ﺍﻭﺟﺎﻉ ﻗﻮﻭﻳﻪ ...
ﻓﺨﺎﺑﺮﺕ ﺻﻼﺡ ﻛﺘﻠﻪ ﺣﻨﺎﻡ ﻋﻨﺪ ﺍﻫﻠﻲ ﻭﻫﻮ ﻗﺒﻞ ﻣﺎ ﻛﺎﻝ ﺷﺊ ...
ﺧﺎﺑﺮﻧﻲ ﺑﻌﺪﻫﺎ ﺑﺎﻟﻴﻞ ﻛﺎﻝ ﺷﻠﻮﻧﺞ ﺳﻮﻟﻔﺖ ﺍﻟﻪ ﻋﻦ ﺣﺎﻟﺘﻲ ﻛﺎﻝ ﺑﺨﻮﻑ ... ﺩﻳﺮﻱ ﺑﺎﻟﺞ ﻋﻠﺊ ﻧﻔﺴﺞ ﻭﺍﻥ ﺷﺎﺀ ﺍﻟﻠﻪ ﺑﺎﺟﺮ ﺍﺟﻲ ﺍﺧﺬﺝ ...
ﻗﻔﻠﺖ ﺍﻟﺨﻂ ﻭﻛﻌﺪﺕ ﺍﺻﻠﻲ ﺳﺠﺪﺕ ﺳﺠﺪﻩ ﻃﻮﻳﻠﻪ ﺑﺲ ﺣﺴﻴﺖ ﺍﻟﺴﺠﺎﺩﻩ ﺗﻠﻄﺨﺖ ﺍﺑﺘﻌﺪ ﺷﻮﻳﻪ ﻭﺍﺷﻮﻑ ﺍﻟﺪﻡ ﻧﺎﺯﻝ ﻣﻦ ﺧﺸﻤﻲ ﻟﻠﺴﺠﺎﺩﻩ ...
ﺧﻔﺖ ﺣﻴﻴﻞ ﻭﺧﻠﻴﺖ ﻭﺭﺣﺖ ﻧﻤﺖ ﻋﻠﺊ ﺳﺮﻳﺮﻱ ﻓﺘﺤﺖ ﺍﻟﻤﻮﺑﺎﻳﻞ ﻟﻜﻴﺖ ﺻﻼﺡ ﺭﺍﺳﻠﻲ ﺭﺳﺎﻟﻪ ﻛﺎﺗﺐ ... ﺗﺮﺍ ﺍﻟﻤﻔﺮﻭﺽ ﺗﺘﻘﺪﺱ ﺗﻔﺎﺻﻴﻠﭻ
ﻭﺍﺭﺗّﺐ ﺷﻌﺮﭺ ﺑـ ﺃﻳﺪﻱ ﻭﺍﺑﻮﺱ ﺍﻳﺪﭺ ﻭﺍﻏﻨﻴﻠﭻ ﻭﺍﺫﺍ ﺻﺎﺑﭻ ﺗﻌﺐ ﻧﺎﻣﻲ
ﺣﺒﻴﺒﭻ ﺑﺎﻗﻲ ﻳﺪﻋﻴﻠﭻ
ﻭﻛﺎﺗﺐ ... ﺻﻠﻴﺖ ﻭﺩﻋﻴﺘﻠﺞ ﺣﺒﻴﺒﺘﻲ ...
ﺟﺮﻳﺖ ﻧﻔﺲ ﺑﺒﺘﺴﺎﻣﻪ ﺣﺰﻳﻨﻪ ﻛﺘﺒﺖ ... ﺍﺩﻋﻴﻠﻲ ﺻﻼﺡ ﺍﺣﺲ ﺍﺭﻳﺪ ﺍﻣﻮﻭﺕ
ﻣﺎﻛﻮ ﺛﻮﺍﻧﻲ ﻭﺍﺗﺼﻞ ﺑﻴﻪ ﻣﺜﻞ ﺍﻟﻤﺨﺒﻞ ﻛﺎﻝ ﺑﺮﻋﺐ ... ﺷﺒﻴﺞ ﺭﻫﻮﻣﺘﻲ ﺷﻨﻮ ﺍﻟﻴﻮﺟﻌﺞ ﺷﻨﻮ ﺗﺤﺴﻴﻦ ﺟﺎﻱ ﺍﺧﺬﺝ
ﺿﺤﻜﺖ ... ﺷﺒﻴﻚ ﺣﺒﻴﺒﻲ ﻭﺍﻟﻠﻪ ﻣﺒﻴﻪ ﺷﺊ ﺑﺲ ﺗﻌﺒﺎﻧﻪ ﺷﻮﻳﻪ
ﺟﺮ ﻧﻔﺲ ﺑﻘﻠﻖ ... ﻣﻮ ﺩﻛﻮﻟﻴﻦ ﺍﺭﻳﺪ ﺍﻣﻮﻭﻭﺕ ﺷﻨﻮ ﻫﻞ ﻛﻼﻡ ﻣﻮ ﺗﺪﺭﻳﻦ ﺑﻴﻪ ﺍﺧﺎﻑ ﻋﻠﻴﺞ ﻟﻴﺶ ﺗﻘﻠﻘﻴﻨﻲ ﻋﻠﻴﺞ
ﺑﻠﻌﺖ ﺭﻳﻜﻲ ﺑﺤﺰﻥ ... ﺍﺳﻔﻪ ﺣﺒﻴﺒﻲ ﻭﺍﻟﻠﻪ ﺑﻌﺪ ﻣﺎ ﺍﻋﻴﺪﻫﺎ
ﺭﺩ ﻋﻠﻴﻪ ﺑﺎﻟﻢ ... ﺣﻀﺮﻱ ﻧﻔﺴﺞ ﺟﺎﻱ ﺍﺧﺬﺝ
ﺣﻄﻴﺖ ﺍﻳﺪﻱ ﻋﻠﺊ ﺧﺪﻱ ... ﻋﺰﺍ ﺻﻼﺡ ﺍﻟﻮﻗﺖ ﻣﺘﺎﺧﺮ
ﺻﻼﺡ ... ﺣﺘﺊ ﻟﻮ ﻫﺴﻪ ﺍﻟﻔﺠﺮ ﻣﺎ ﺍﻛﺪﺭ ﺍﻧﺎﻡ ﻭﺍﻧﻲ ﻗﻠﻖ ﻋﻠﻴﺞ
ﻣﺎ ﺣﺒﻴﺖ ﺍﺿﻮﺟﻪ ﺳﻜﺘﺖ ﻭﻗﻔﻠﺖ ﺍﻟﺨﻂ ﺣﻀﺮﺕ ﺍﻏﺮﺍﺿﻲ ﻃﺒﻌﺎ ﺍﻣﻲ ﻣﺎ ﻗﺒﻠﺖ ﺍﺭﻭﺡ ﺑﺲ ﻛﻠﺘﻠﻬﺎ ﻻ ﺧﻠﻲ ﺍﺭﻭﺡ ﺧﻄﻴﻪ ﺑﺎﺟﺮ ﻋﻨﺪﻩ ﺩﻭﺍﻡ ...
ﺷﻮﻳﻪ ﻭﺍﺟﻪ ﺍﺧﺬﻧﻲ ﻭﻳﺎﻫﺒﺲ ﺟﺎﻥ ﻛﻮﻭﻭﻟﺶ ﻣﻬﻤﻮﻡ ﻭﻣﻘﻬﻮﺭ ﺣﺴﻴﺖ ﺑﻲ ﻭﺍﻧﻘﻬﺮﺕ ﻋﻠﻴﻪ
ﻟﺰﻣﺖ ﺍﻳﺪﻩ ﺑﺤﻨﺎﻥ ﻫﻤﺴﺖ ... ﻻ ﺗﺨﺎﻑ ﻭﺍﻟﻠﻪ ﻣﺎﺑﻴﻪ ﺷﺊ
ﺑﺎﻭﻋﻠﻲ ﺑﻘﻠﻖ ... ﺍﻛﻴﻴﻴﺪ
ﺭﻓﻌﺖ ﺍﻳﺪﻩ ﻭﺑﺴﺘﻬﺎ ﺑﺒﺘﺴﺎﻣﻪ ... ﺍﻱ ﻭﺍﻟﻠﻪ ﺍﻛﻴﻴﺪ
ﻭﺻﻠﻨﻪ ﻟﻠﺒﻴﺖ ﺧﻄﻴﻪ ﻣﺨﻼﻧﻲ ﺍﺳﻮﻱ ﺍﻱ ﺷﺊ ﺣﺘﺊ ﻣﻼﺑﺴﻲ ﻫﻮ ﺩﺧﻠﻬﻦ ﻟﻠﻜﻨﺘﻮﺭ ﻭﺑﺪﻟﻲ ﻧﻤﺖ ﻭﻧﺎﻡ ﺑﺼﻔﻲ ﺣﻀﻨﻲ ﻛﺎﻝ ... ﺭﻳﻬﺎﻡ ﺍﺣﺒﺒﺞ ﻭﺧﺎﻳﻒ ﻋﻠﻴﺞ
ﻫﻤﺴﺖ .. ﻟﻴﺶ ؟
ﺟﺮ ﻧﻔﺲ ... ﻣﺎ ﺍﻋﺮﻑ ﺧﺎﻳﻒ ﺍﻓﻘﺪﺝ
ﺣﻀﻨﺘﻪ ﺑﺤﻨﺎﻥ .. ﻻ ﺣﺒﻴﺒﻲ ﺍﻥ ﺷﺎﺀ ﺍﻟﻠﻪ ﻧﻀﻞ ﺩﻭﻡ ﻭﺍﺣﺪ ﻣﻜﺎﺑﻞ ﺍﻟﺜﺎﻧﻲ
ﺗﻘﺮﺏ ﻣﻨﻲ ﻭﺑﺎﺳﻨﻲ ﺑﻌﻨﻘﻲ ﻭﺿﻞ ﺣﺎﺿﻨﻲ ﻟﺤﺪ ﻣﺎ ﻏﻠﻴﻨﻪ ﺍﻟﻨﻮﻡ ﻭﻧﻤﻨﻪ ...
.............................
ﺟﻮﻟﻴﻴﺖ ....
ﻣﺮ ﺗﻘﺮﻳﺒﺎ ﺗﻠﺚ ﺍﻳﺎﻡ ﻋﻠﺊ ﻋﺮﺱ ﻭﻗﺎﺭ ﻓﻌﻼ ﺍﻟﺒﻴﺖ ﻓﺎﺭﻍ ﺭﻏﻢ ﻭﻗﺎﺭ ﻫﺎﺩﺋﻪ ﻭﻣﺎ ﺍﻟﻬﺎ ﺻﻮﺕ ﺑﺲ ﺧﻠﺖ ﻓﺮﺍﻍ ﻭﺭﺍﺣﺖ
ﺧﺎﺑﺮﻫﺎ ﺟﺎﺳﺮ ﻛﻠﺘﻠﻪ ﺍﻟﺤﻤﺪ ﻟﻠﻪ ﺯﻳﻨﻪ ﻭﻛﻠﻬﻢ ﺧﺎﺑﺮﻭﺍ ﺍﺣﺐ ﺣﻨﻴﺘﻬﻢ ﻋﻠﺊ ﺍﺧﻮﺍﺗﻬﻢ ....
ﺩﺧﻠﺖ ﻟﻠﻐﺮﻓﻪ ﻟﻜﻴﺖ ﺟﺎﺳﺮ ﻧﺎﻳﻢ ﻭﺑﺼﻔﻪ ﺍﻻﻃﻔﺎﻝ ﻳﻠﻌﺒﻮﻥ ﻓﺪﻳﺘﻬﻢ ﻛﺒﺮﺍﻧﻴﻦ
ﺑﺎﻭﻋﺘﻠﻪ ﺑﺘﻮﺗﺮ ﻛﺘﻠﻪ .. ﺟﺎﺳﺮ ﺍﺳﻮﻳﻠﻚ ﺷﻮﺭﺑﻪ
ﺭﺩ ﺑﻬﺪﻭﺀ ... ﺍﻱ ﺳﻮﻳﻠﻲ ﺑﺲ ﻣﺎ ﺍﺭﻳﺪ ﺑﻴﻬﺎ ﺑﻬﺎﺭﺍﺕ ﻋﺒﺎﻟﻚ ﻣﺨﻠﻴﺘﺎﺕ ﺣﻨﻪ ﻭﻻ ﻣﻠﺢ ﻫﻮﺍﻱ
ﺿﺤﻜﺖ ... ﻻ ﺣﺨﻠﻴﻠﻚ ﻣﻠﺢ ﺣﺘﺊ ﻳﻐﺰﺭ
ﻋﺾ ﺷﻔﺘﻪ ﺑﺎﺳﺊ ... ﻣﻮ ﺍﮔﻮﻡ
ﺭﺩﻳﺖ ﺑﻌﻨﺎﺩ ... ﺷﻮﻳﺐ ﻣﺎﺑﻴﻚ ﺣﻴﻴﻞ ﺍﻧﻮﺏ ﻣﺼﻮﺏ ﺑﺲ ﺍﻫﻔﻲ ﻋﻠﻴﻚ ﺗﻄﻴﺮ ...
ﺭﺩ ﺑﻌﺪﻡ ﻗﺒﻮﻝ ... ﺍﻓﺎﺍﺍ ﺍﻧﻪ ﺍﺑﻮ ﺍﻟﺘﻮﻡ ﻻ ﺗﺨﻠﻴﻨﻲ ﺍﻛﻮﻡ ﺍﺣﺒﻠﺞ ﺑﺘﻮﻡ ﻭﺍﺷﻮﻓﺞ ﺍﻟﺸﺎﻳﺐ ﺍﻟﻤﺼﻮﺏ ﺷﻴﺴﻮﻱ
ﺣﺴﻴﺖ ﺻﺨﻨﺖ ﻣﻦ ﻛﻼﻣﻪ ... ﻻ ﻻ ﻋﻤﻲ ﺍﻧﺖ ﻣﻮ ﺷﺎﻳﺐ ﺍﻧﺖ ﻛﺘﻜﻮﺕ
ﻏﻤﺰﻟﻲ ... ﺗﻌﺎﻟﻲ ﺗﻘﺮﺑﻲ ﻳﺠﻜﻠﻴﺖ ﺧﻠﻲ ﺍﻏﺎﺯﻟﺞ ﺑﺴﻜﻮﺕ ﻣﻦ ﺟﻬﺎﻟﺞ ...
ﻣﺸﻴﺖ ﺑﺪﻟﻊ ﻭﺩﺍ ﺍﺳﺪ ﺍﻟﺒﺎﺏ ﺷﻤﺮ ﺍﻟﻠﻌﺒﻪ ﻣﺎﻟﺖ ﻣﺮﺗﻀﺊ ﻋﻠﻴﻪ ﺑﻐﻀﺐ ﺍﺟﺖ ﺑﺎﻟﺒﺎﺏ ﻛﺎﻝ ... ﺑﺴﻴﻄﻪ ﺗﻐﺮﻳﻨﻲ ﻭﻟﺞ ﻟﺞ ﺭﺏ ﺍﻟﻌﺎﻟﻤﻴﻦ ﻗﺪﻡ ﺍﻟﻨﻪ ﺣﻮﺭ ﺍﻟﻌﻴﻦ ﻭﺍﺣﻨﻪ ﻣﻘﺼﺮﻳﻦ ﺑﺤﻘﻪ ﻭﺍﻧﺘﻲ ﺟﺎﻳﻪ ﺗﻐﺮﻳﻨﻲ ...
ﻃﻠﻌﺖ ﻣﻦ ﺑﺎﺏ ﺍﻟﻐﺮﻓﻪ ... ﻫﻮ ﺍﻧﻲ ﻣﻦ ﺣﻮﻭﺭ ﺍﻟﻌﻴﻴﻦ ﻭﻣﺤﺪ ﻛﺎﻳﻠﻚ ﺑﺎﻭﻉ ﻋﻠﻴﻪ ﺍﻧﺖ ﻋﻴﻮﻧﻚ ﺯﺍﻳﻐﻪ
ﺿﺤﻚ ﺑﺬﻫﻮﻝ ... ﻏﺎﺏ ﺍﻟﻘﻂ ﺍﻟﻌﺐ ﻳﺎ ﻓﺎﺭ ﺷﻔﺘﻴﻨﻲ ﻣﺮﻳﺾ ﻃﻠﻌﺘﻲ ﺍﻟﺴﺎﻧﺞ ..
ﻫﺰﻳﺘﻠﻪ ﺑﺤﻮﺍﺟﺒﻲ ﺷﻤﺘﺎﻧﻪ ﺭﺟﻊ ﺭﻛﻌﻨﻲ ﺑﺎﻟﻠﻌﺒﻪ ﺍﻟﺜﺎﻧﻴﻪ ﻣﺎﻝ ﻣﺠﺘﺒﺊ ﻭﺍﻧﻲ ﺧﻠﻴﺖ ﻭﺍﻧﻬﺰﻣﺖ ﻭﺿﻠﻴﺖ ﺍﺿﺤﻚ
ﻃﻠﻌﺖ ﺍﻟﺨﻀﺮﻭﺍﺕ ﺳﻮﻳﺘﻠﻪ ﺷﻮﺭﺑﺔ ﺧﻀﺎﺭ ﻛﻮﻭﻭﻟﺶ ﺍﻫﺘﻤﻴﺖ ﺑﻴﻬﺎ ﻭﺑﻌﺪﻫﺎ ﺿﺮﺑﺘﻬﺎ ﺑﺎﻟﺨﻼﻁ ....
ﺍﺟﺖ ﻧﻮﺍﻝ ﻭﻛﻔﺖ ﻭﺍﻧﻲ ﺭﺣﺖ ﺍﻏﺴﻞ ﺑﺎﻟﻤﻮﺍﻋﻴﻦ ﻛﺎﻟﺖ .. ﺭﺍﺡ ﺍﺧﺬ ﺷﻮﻳﻪ ﺍﻟﻴﻪ ﺷﻮﺭﺑﻪ
ﻛﺘﻠﻬﺎ ﺑﺪﻭﻥ ﻧﻔﺲ ... ﺍﺧﺬﻱ
ﺩﺧﻠﺖ ﺭﻳﻬﺎﻡ ﻭﺍﻧﻲ ﻧﺸﻔﺖ ﺍﻟﻤﺎﻋﻴﻦ ﺩﺍ ﺍﺿﻤﻬﻦ ﺑﺎﻟﻜﺎﻭﺗﺘﺮ
ﻭﻧﻮﺍﻝ ﻃﻠﻌﺖ ﺍﺧﺬﺕ ﺍﻟﺸﻮﺭﺑﻪ ﻭﺭﺣﺖ ﺍﻧﻄﻴﺘﻬﺎ ﺍﻟﺠﺎﺳﺮ ﺟﻨﺖ ﻛﻮﻩ ﻛﺎﺗﻤﻪ ﺿﺤﻜﺘﻲ ﻭﻫﻮ ﻳﺒﺎﻭﻋﻠﻲ ﺑﻨﻈﺮﺓ ﻋﺘﺐ
ﻫﻤﺴﺖ ﺑﺒﺮﺍﺀ .. ﺍﻟﻌﻔﻮﻭ
ﻫﺰ ﺍﻳﺪﻩ ﻭﺍﻛﻞ ﺍﻭﻝ ﻣﺎ ﺍﻛﻞ ﺷﻤﺮ ﺍﻟﺨﺎﺷﻮﻛﻪ ﺑﺎﻟﺼﻴﻨﻴﻪ ﺍﺳﺘﻐﺮﺑﺖ ﻛﺎﻝ ﺑﻌﺼﺒﻴﺔ ... ﻣﺎﻟﺤﻪ ﺗﻜﺘﻞ ﻣﻮ ﻛﺘﻠﺞ ﻻ ﺗﺴﻮﻳﻬﺎ ﻣﺎﻟﺤﻪ
ﺗﻔﺎﺟﺌﺖ ﺭﺩﻳﺖ ﺑﺎﺳﺘﻐﺮﺍﺏ . ﻻ ﻭﺍﻟﻠﻪ ﻣﻮ ﻣﺎﻟﺤﻪ ﻗﺒﻞ ﻻ ﺍﺧﻠﻴﻬﺎ ﺍﻟﻚ ﺿﻜﺘﻬﺎ ﻋﺎﺩﻳﻪ ﻣﺎﺑﻴﻬﺎ ﻣﻠﺢ
ﺍﻧﻄﺎﻧﻲ ﺍﻟﺨﺎﺷﻮﻛﻪ ﺿﻜﺘﻬﺎ ﺻﺪﻙ ﺗﻜﺺ ﺍﻟﻜﻠﺐ ﺍﻣﻠﻮﺣﺘﻬﺎ ﺑﺎﻭﻋﺘﻠﻪ ﺑﻘﻬﺮ ﻭﺍﺑﺘﺴﻤﺖ ﺑﺤﺰﻥ .. ﻭﺍﻟﻠﻪ ﻫﺎﻱ ﻧﻮﺍﻝ ﺗﺮﺳﺘﻬﺎ ﻣﻠﺢ
ﻋﻘﺪﺕ ﺣﻮﺍﺟﺒﻪ ﻛﺎﻝ ... ﻣﺘﺄﻛﺪﻩ
ﻫﺰﻳﺖ ﺭﺍﺳﻲ .. ﺍﻱ ﻭﺍﻟﻠﻪ ﻫﻲ ﺍﺧﺬﺕ ﻣﻨﻬﺎ ﻗﺒﻞ ﻻ ﺍﺻﺒﻠﻚ ﻭﺍﻛﻴﺪ ﻫﻲ ﺧﻠﺖ ﺑﻴﻬﺎ ﻣﻠﺢ ﺑﺲ ﺧﻠﻲ ﺍﺳﺎﻝ ﺭﻳﻬﺎﻡ ﻫﻲ ﺟﺎﻧﺖ ﻣﻮﺟﻮﺩﻩ
ﻛﺎﻝ ... ﺻﻴﺤﻲ ﺭﻳﻬﺎﻡ ﺑﺴﺮﻋﻪ
ﺭﺣﺖ ﺻﺤﺖ ﺭﻳﻬﺎﻡ ﺍﺟﺘﻲ ﺍﻭﻝ ﻣﺮﻩ ﻣﻦ ﺳﺎﻟﻬﺎ ﻛﺎﻟﺖ ... ﻻ ﻻ ﻋﻔﻴﻪ ﺍﻧﻲ ﻣﺎ ﺍﻟﻲ ﺷﻐﻞ ﻣﺎ ﺍﺣﺐ ﺍﻟﻤﺸﺎﻛﻞ ﻭﻻ ﺍﺣﺐ ﺍﻓﺘﻦ
ﺟﺎﻭﺑﻬﺎ ﺟﺎﺳﺮ ... ﺍﻟﺴﺎﻛﺖ ﻋﻦ ﺍﻟﺤﻖ ﺷﻴﻄﺎﻥ ﺍﺧﺮﺱ ﺍﻧﺘﻲ ﺷﻔﺘﻴﻬﺎ ﺧﻠﺖ ﻣﻠﺢ ﻟﻮ ﻻ ﺍﺣﻠﻔﺞ ﺑﺎﻟﻘﺮﺍﻥ
ﺭﺩﺕ ﺑﺘﺮﺩﺩ ﻭﻗﻠﻖ ... ﺍﻱ ﺷﻔﺘﻬﺎ ﺩﺍﺭﺕ ﺍﻟﻤﻠﺢ ﺑﺎﻟﺠﺪﺭﻳﻪ ...
ﻫﻮ ﺗﺨﺒﻞ ﺟﺎﻥ ﻻﺑﺲ ﺩﺷﺪﺍﺷﻪ ﺳﻮﺩﻩ ﺻﺎﺡ ﺑﺼﻮﺕ ﻏﺎﺿﺐ .... ﺟﻮﻭﻭﻟﻴﺖ ﺗﻌﺎﻟﻲ ﺳﺎﻋﺪﻳﻨﻲ ﺍﻃﻠﻊ
ﺭﺣﺖ ﺍﺭﻛﺾ ﺑﺨﻮﻭﻭﻑ ﺳﺎﻋﺪﺗﻪ ﺭﻏﻢ ﻣﺎ ﺍﻛﺪﺭ ﻭﺍﻟﻠﻪ ﻃﻠﻊ ﺻﺎﺡ ﺑﺼﻮﺕ ﻋﺎﻟﻲ ... ﺟﻌﻔﺮﺭﺭﺭﺭ
ﻃﻠﻊ ﺟﻌﻔﺮ ﻳﺮﻛﺾ ﻣﻦ ﻏﺮﻓﺘﻪ ﻛﺎﻝ ... ﻫﺎﺍﺍﺍ ﺧﻮﻭﻭﻳﻪ
ﺭﺩ ﻋﻠﻴﻪ ﺑﻐﻀﺐ ... ﻧﻮﺍﻝ ﺣﺮﻣﺘﻚ ... ﻭﻣﺎ ﺍﻟﻨﻪ ﺳﻠﻄﻪ ﻋﻠﻴﻬﺎ ﺍﻧﺖ ﺯﻭﺟﻬﺎ ﻭﻻﺯﻡ ﺗﺤﺎﺳﺒﻬﺎ ﻻ ﻭﺍﻟﻠﻪ ﺍﺗﺼﺮﻑ ﺗﺼﺮﻑ ﺛﺎﻧﻲ ﻭﻳﺎﻫﺎ ﺍﺧﻠﻴﻬﺎ ﺗﺒﺠﻲ ﺩﻡ
ﻃﺒﻌﺎ ﺟﺎﺳﺮ ﺻﺎﺡ ﻋﻠﺊ ﺟﻌﻔﺮ ﻭﻛﻠﻪ ﻻﻥ ﻳﻌﺮﻑ ﺟﻌﻔﺮ ﻳﻜﺮﻩ ﻧﻮﺍﻝ ﻭﺍﻛﻴﺪ ﻳﻤﻮﺗﻬﺎ
ﻋﺎﺩ ﺟﻌﻔﺮ ﻣﺎ ﺻﺪﻙ ﺳﺮﻓﻦ ﺍﺭﺍﺩﻧﻪ ﻛﺎﻝ ... ﺧﻴﺮ ﺷﺒﻴﻬﺎ ﻭﺟﻬﻪ ﺍﻟﻄﺎﻭﻩ
ﺟﺎﺳﺮ ﻛﺎﻝ ... ﺍﺣﺠﻲ ﺭﻳﻬﺎﻡ
ﻭﻳﻪ ﻣﺎ ﺩﺗﺤﺠﻲ ﺭﻳﻬﺎﻡ ﺩﺧﻞ ﺻﻼﺡ ﺭﺩﺕ ﺑﺒﺮﺍﺀﻩ ﻭﺧﻮﻑ ﻭﺳﻮﻟﻔﺖ ﺍﻟﺴﺎﻟﻔﻪ ﻛﻠﻬﺎ
ﻋﺎﺩ ﻧﻮﺍﻝ ﻣﺎ ﺧﻠﺖ ﺍﻣﺎﻡ ﻭﻟﺖ ﻧﺒﻲ ﻭﻻ ﻭﺻﻲ ﻣﺎ ﺣﻠﻔﺖ ﺑﻲ ﻭﻛﺎﻟﺖ .. ﺟﺬﺏ ﻭﺍﻟﻠﻪ ﻭﺍﻟﻘﺮﺍﻥ ﻭﺭﻭﺡ ﻓﻼﺡ ﺍﻟﺸﺎﻟﻊ ﻋﻴﻮﻧﻲ ﻣﺎ ﻣﺨﻠﻴﻪ
ﻫﻮ ﺟﻌﻔﺮ ﻛﻠﻬﺎ ﺑﺴﻴﻄﻪ ﺍﻟﻴﻮﻡ ﺍﻟﻪ ﺍﺧﻠﻴﺞ ﺗﻠﺤﻜﻴﻦ ﻓﻼﺡ .. ﻟﺰﻣﻬﺎ ﺳﻜﻄﻬﺎ ﺗﺴﻜﻂ ﻭﻫﻲ ﺗﺼﻴﺢ ﻭﺗﻐﻠﻂ ﻭﺗﺪﻋﻲ
ﻛﻠﻬﺎ ﺟﻌﻔﺮ .. ﺍﻣﺸﻲ ﻭﻟﻲ ﺍﻻﻫﻠﺞ
ﻫﻲ ﺭﻛﻀﺖ ﺳﺪﺕ ﺑﺎﺏ ﻏﺮﻓﺘﻬﺎ ﻭﻛﻠﺘﻠﻪ ... ﻭﺍﻟﻠﻪ ﻣﺎ ﺍﻃﻠﻊ ﻟﻮ ﺗﻄﻠﻊ ﻧﺨﻠﻪ ﺑﺮﺍﺳﻚ ﺍﺑﻮ ﺍﻟﻌﺮﻙ
ﻓﻠﺶ ﻋﻠﻴﻬﺎ ﺍﻟﺒﺎﺏ ﺗﻔﻠﺶ ﻣﺎ ﻗﺒﻠﺖ ﺗﻄﻠﻊ ﻭﺍﻣﻪ ﻭﺭﺿﻴﻪ ﻳﺘﻮﺳﻠﻦ ﺑﻲ
ﺻﻼﺡ ﺿﺎﺝ ﻣﻦ ﺷﺎﻑ ﺭﻳﻬﺎﻡ ﺷﻬﺪﺕ ﺿﺪ ﻧﻮﺍﻝ ﺿﻞ ﻳﺤﺠﻲ ﻋﻠﻴﻬﺎ ﻭﺣﺘﺊ ﺻﻴﺢ ﻋﻠﻴﻬﺎ ﻫﻲ ﺧﻄﻴﻪ ﺍﻧﻘﻬﺮﺕ ﻭﺧﻠﺖ ﻭﺭﺍﺣﺖ ﺍﻟﻐﺮﻓﺘﻬﺎ ...
ﺭﺟﻌﺖ ﻟﻠﻤﻄﺒﺦ ﺷﻤﺮﺕ ﺍﻟﺸﻮﺭﺑﻪ ﺑﺠﻴﺲ ﻭﻏﺴﻠﺖ ﺍﻟﺠﺪﺭ ﺟﺎﺳﺮ ﺣﺠﻪ ﻣﻮ ﻻﻥ ﺧﻠﺖ ﺍﻟﻤﻠﺢ ﺑﺎﻟﺠﺪﺭ ﺑﺲ ﻳﻜﻮﻝ ﺑﺲ ﻭﺍﺣﺪ ﻳﺴﻜﺖ ﺍﻟﻬﺎ ﺗﺘﻔﺮﻋﻦ ﺍﻛﺜﺮ ...
ﺷﻮﻳﻪ ﻭﺍﺟﺖ ﺭﻳﻬﺎﻡ ﺗﺮﻛﺾ ﻛﺎﻟﺖ ... ﺟﻮﻭﻟﻲ ﺍﻟﺤﻜﻴﻠﻲ ﺩﺍ ﺍﻧﺰﻑ ....
ﻧﻬﺎﻳﺔ ﺍﻟﺒﺎﺭﺕ ﻳﺘﺒﻊ ....