الثأر السادس عشر
ثارهم وبنت الفقير
بقلمي_ترانيم هادي ♥️🕊️.
⇠────────────────⇢
_صوتو عالبارت حلويني
.
.
وتعاليقكم بين الفقرات لاتنسوها
.
.
ومتابعه للحساب ♥️🕊️,
taranim_09
لثاني يوم العصر جنت كاعده بالغرفه ارتب بالملابس المغسوله وضرار بالصاله يشتغل
شوي واندك الباب كام هوه فتحه سمعت صوت غيد عفت البيدي وطلعت
كعدنا بالصاله شوي نسولف بعدها عافنا وراح بس صوت القفل سمعته
غيد... هاج
عافت المبايل بيدي وبتسمت ابتسامه باهته
سيرين... شكرا
غيد... اسكتي ولج يله خابري اهلج كبل لايجي ضرار
سيرين... اي ماشي
كمت اخذت المبايل ورحت للغرفه اتصلت على امي شوي ورجعت اتصلت على بدر بس حسيته موعلى بعضه
بدر... شلونج سيرين
سيرين... بدر صاير شي
بدر... سيرين سمعيني وركزي وياي
سيرين... اي احجي
بدر... ضرار عاقد عليج محكمه
سيرين... اي
سمعت صوت ضربه يمه ويفشر على ضرار
سيرين... بدررر احجي شكو
بدر... هالعار حاسب حساب لكلشي وعرف شلون ياخذج لصفه بدوم محد يفك حلكه
سيرين... شلون
بدر... شكد مخلي المقدم والمأخر ؟
سيرين... شهل اسئله بدر فهمني ترا دخت والله
بدر... اااااحجي
سيرين... ميه الف
بدر... هههههههههههه
سيرين... علشنو هالضحك
بدر... بطلي غبائج وشوفي العقد هههههههه ميه الف كالت
_تعجبت على طريقه كلامه وشلون يحجي وياي سكت شوي ورجع حجى
بدر... هم متقربلج
سيرين... بدر
بدر... جاوبي
سيرين... زواجي من ضرار صار بالاجبار ولاممكن بيوم اعترف بيه هالزواج خارج عن ارادتي
واذا هوه اخذني بلقوه وجبرني على العايشته فهاي مشكلته انه كلبي وروحي ملكك مستحيل افكر احبه لضرار ضرار مثل السم صاير بجسمي يابدر
تنهدت وحجيت ،ماباقي شي واتخلص من جحيمه للأبد
ضلينى نحجي شوي بس من طريقه كلامه حسيته يريد يوصلي شي بس ابد مافهمته ولافهمت سبب عصبيته
سديته منه واجت غيد اقتحمت الغرفه عيونها حمر من العصبيه وتحجي بنتر
غيد... وججج سيرين اصحي على روحج وبطلي هالتهور
سيرين... غيد الله يخليج لاتكمليها عليه
غيد... عباالج تفلتين هههههههه باااحلامج تعرفين شنو يعني بااااحلامج تكدرين تفلتين من ضرااار حذرتج وارجع احذرج ديربالج تفكرين تهربين من ضرار
سيرين... وانه ضرار مستحيل اضل كل عمري تحت ظلمه
غيد... تتندمين
سيرين... الاهم اتخلص منه
غيد... خليج وانتي الي بديتي بهالشي اتحملي اليصيرلج وهذا ابن عمتج الي مستقتله عليه لورجال جان خبص الدنيا وطلعج من حلك السبع مولحد هسه مخليج وكاعد يسخت
_قبل لاتكمل سمعنى صوت الباب اجت بسرعه اخذت المبايل مني وضمته بملابسها
دخل ضرار للغرفه ويباوعلنا باستغراب
ضرار... شمالجن ؟
غيد... ها مايينه شي بس جنى نسولف يلا انه حروحن امي بحدها خاف تحتاج شي وماتلكاني
ضرار... تعالي اوصلج
غيد... ماله داعي هيه هاي شقتنا كدامكم
ضرار... كومي بويه
سيرين... راحت هيه وضرار واني جامده بمكاني جاي اسوي وشلون اصرف
غيد بكل مره تحذرني من الاسوي ومن ضرار يربي شلون اذا عرف
بسببه جاي اسوي هيييج الله يااااخذك
_كمت طلعت وراهم لكيته كاعد بالصاله ومبايله بيده شافني وابتسم بوجهي
خذت نفس ورحت كعدت يمه خليت راسي على كتفه وعيوني مغمضه
سيرين... ضرار
ضرار... روحه
سيرين... اريد اهلي
ضرار... اصبري ماضل شي
سيرين... شنو ؟
ضرار... اذا رديتج اللهم تنسيني ؟
سيرين... انـتـهـه حظلك بحياتي مثل الندبه حتى لوتخلصت منك ورجعت لاهلي حظلك ذكرى بحياتي كل العمر
ضرار... ذكرى سيئه ؟
سيرين... ماعرف
لزم ايدي وقربها على صدره تحسست نبظات قلبه ابد مومنتظمه ويدك بشكل سريع
ضرار... سيرين اكو اشياء ماتعرفيها انتي، وعقلج حياخذج ويوديج ماريدنج بيوم تفكرين انه كلشي سويته وياج حتى انتقم من جابر
اعرف الطريقه الاخذتج بيها خطأ بس ياسيرين تعبت عليج لاسوين شي بظهري تخليني اتندم لان عاملتج بالطيب
_رفعت راسي عاينت بعيونه هواي حجي بيهن مضموم وموراضي يطلعه من ثغره
سيرين... شنو الماعرفه ليش جاي تحجي بالالغاز فهمني ضرار ترا ماكادره استوعب اكثر من هيج تعبت من التفكير احجي شنو المااعرفه وشلون تعبت عليه ؟
لزم راسي وضمه لصدره
ضرار... اششش اهدي ولاشغلين بالج كلشي بوكته حلو
سيرين... ضرار مشتاقه لاهلي فدوه رجعني الهم
ضرار... انشالله
كمت ردت اروح وسحبني من ايدي كعدني بحضنه
سيرين... ضرار شدسوي
ضرار... ابقي بحضني
سيرين... هالحضن موالي
ضرار... وانه كلي الج حتى هالحضن هوه وطنج وامانج شكد ماتبتعدين عني والمسافات طول بينا بس يبقى حضني ملجأج
سيرين... عاينت بعيونه ونظراتي تتوزع على معالم وجهه
ركزت كل نظري عليه وجن جاي ارسمه بمخيلتي تلمست وجهه وايديه تتوزع على كل انش بوجهه
نتبهت على سماره موازرك مثل مامفكره عيونه سود مثل سواد الليل وحواجبه الي زايدتهن جمال
نظرته جانت عاديه بس جن يباوعلي بخزره تلمست لحيته خفيفه خليت راسي على كتفه وهوه حاضني بقوه لحضنه
ضمني اكثر لصدره لدرجه حسيت عظامي تكسرت وانفاسه صارت تلهث برقبتي
سيرين... ضرار قبضتك وجعتني
ضرار... سيرين حيل رايدج
حسيت الوضع زاد عن حده واذا ابقى يمه حيستمر بتصرفاته دفعته بخفه حتى يوخر
وهوه يقوي قبضته اكثر
سيرين... عوفني ضرار
ضرار... خليج بحضني
سيرين... هههههههههههه
همس بهدوء ووجه دافنه برقبتي
ضرار... شمالج ضحكين
سيرين... هههههههههههه لحيتك دغدغني
رفع راسه وعاينلي عيونه ذبلانات والتعب محاوطهن
سيرين... اففف وخر لاتجاوز حدودك اكثر
ضرار... انه مامجاوز حدودي هاي هيج
سيرين... وهذا شيسمو !!
تنهد وحجى
ضرار... اخافن ركبتج تنلجم مابوسج بس اشمج
سيرين... اااااه وخر خنكتني
ضرار... اه وخر ضرار ههههههههههههههاااي
سيرين... ايع لعبتها لنفسي شبيك
ضرار بخبث... شرأيج اخليج
سيرين... شنو
غمض عينه بقوه وحجى
ضرار... سيرين لاتتحركين بحضني اركدي
سيرين... ضراااار عوفني مااا وخر
كرصني من خصري وغمزلي
ضرار... انهيج بالعباس
سيرين... هههههههههههه صرت حافظتها هالكلمه
ضرار... چا اتجفي شري ولج لا ااذيج
سيرين... ماتكدر تاذيني
ضرار... ليش ؟
سيرين... اسال نفسك
ضرار... بس انه اكدر أذيج بغير طريقه
سيرين بفهاوه... شلون
ضرار... مراح تعجبج
سيرين... انه كلشي منك ميعجبني
ضرار... لابويه يعجبج يعجبج وشوفي
حجى اخر كلمه وغمزلي وخرني من حضنه وكام للغرفه
ضليت كاعده بمكاني اريد اسيطر على دقات قلبي ماكدر وجن جاي دك طبول صرت بلكوا اجر النفس
سيرين... اهدي سيرين لاتنسين نفسج بحظنه دخيلك يربي ساعدني
شفته طلع من الغرفه يمشط بلحيته ويبتسملي
سيرين بكلبي... بشنو وكعت نفسي ديخليني اضعف يمه انه ماحبه احب بدر سيرين بطلي هالتفكير وركزي عالتردي
اجى كعد كدامي ومخلي رجل على رجل
ضرار... ماسويتلج شي بويه شمالج ترجفين
سيرين بتوتر... ها ه هوه شسمه لامارجف
راد يحجي ودك مبايله اخذه وكام يجاوب واني اذني يمه حجى شوي وسداه
اجى يمي عيونه حمر بكصته من العصبيه اني كمت بسرعه طكيتها ركضه
ضرار... شماااالج
سيرين... شبببيك شمسويه حتى تعصب ها
فرك كصته بعصبيه ويصك على سنونه
ضرار... خرب بالكـ*** انه مويمجج سيرين امشي بدلي بسرعه حنروح
سيرين... وين
ضرار بعياط... يلااااااا بله اسئله
نزيت من صوته رحت بسرعه للغرفه سحبت الصايه والشال كوا لبستهن
خبصني بعياطه وهوه يتصل ويفشر
طلعت لكيته مخلي ايده على خصره ويفرك بكصته
اندار عليه وعاط
ضرار... بعد لووو نايمههه
مشى بدون مايباوعلي واني الدمعه بطرف عيني صارت، ساعه يصير زين وساعه يتخبل عليه
قفل باب الشقه واني مثل الاطرش بالزفه امشي وراه مثل العميان
راح دك شقه الحجيه طلعتله غيد حجى وياها بهمس وهيه بس تفر براسها
سيرين... يربي هذا على شنو ناوي وشبيه فجأه تخبل
قاطع تفكيري وهوه يجر بايدي ويمشيني مثل اللعبه بايده
اريد الحك على خطواته كلساع اريد اوكع على وجهي وايدي احسها تكسرت من قوه قبضته
شهكت ببجيي وألم... فدوه علكيفك حوكع
وكف وعاين عليه
ضرار... استغفر الله شمالج تبجين
سيرين... ايدي
شاف ايدي تلمسها اعاينلها حمره واثار اصابعه مطبوعه باسها وتنهد
ضرار... تحمليني يلا استعجلي بويه
هزيتله راسي ومشيت ،سلم عالحارس الواكف برى
_طول الطريق بس يتصل ماعرف حتى شصاير
طلع مبايله الثاني واتصل
يرن ويرجع يتصل حتى مايطي مجال احد يجاوبه
ضرار... كـ*** موامظ*** عليك ماجاوب ، وجدي شعرفه انه هناه ،اكل خ*** ولي انه اعلمه لهالدايح ،سويها ماكدر انه جاي اسوق ،اي يله
_ثبت مبايله وعافه شوي واتصلو عليه على الصوت وهوه مستمر يسوق
ضرار... الو
حيدري... هلا بالضلع الماينشلع
ضرار... لاضل تاكل خ*** واحجي شنهي الصاير
حيدري... هههههههه اخوي الغالي
ضرار... جدي شعرفه انه هناه
حيدري... چا جدك شني ماتعرفه اشو الطير من يحط عالحايط يدري بيه
ضرار... ضلو هالكم يوم علما احلها وكعدتي مامطول اكثر من هيج
حيدري... اخوي لاتستعجل ضل نايم بالعسل
ضرار... س*** احجي عدل وينه انور ادكن عليه ماكو
حيدري... جا ماتدري بيه هذا مسوي اتحاد وي جدك
ضرار... ابن الك*** انه اعلمه
حيدري... هوه الاب الصالح شمحصل منك غير المسبه
ضرار... يلا ولي بعدين نحجي
حيدري... لاااااا اوكف
ضرار... شكو
حيدري... وينها العوره
ضرار بعصبيه... لاتخليني اشعل عشيرتك ولي
حيدري... هههههههههههههه
_سداه منه ورجع يسوق حسيت فر الدنيا بيه حتى دخت على كد مايسوق
سيرين... ضرار وين رايحين
ضرار... نفتر شوي
سيرين... فريت بيه بغداد كلها وتكلي شوي
ضرار... اسكت سربوت
سيرين... ضراار
ضرار... روحه
سيرين... هففف ميفيد وياك الحجي
_شوي ورجع اتصل مبايله
ضرار... ها يابه ،اي يلا سدي الباب لاحد تطلع،رادين
_تعبت من التركيز وياه وكلامه كله بالالغاز خليت راسي عالجامه وغفيت
ماكعدت غير على صوته يرج بعقلي يحجي بهدوء بس صوته خشن
سيرين... ضرااار خلص عوفني
ضرار... هههههههههههه يبعد عيون ضرار كووومي عيب واكفين بنص الشارع
فتحت عيني لكيته كدامي عاينت باالارجاء واكفين كدام البنايه واصلا ماكو احد بس صوت الجلاب ومويمنا
سيرين... هفف الاتخرب نومتي
ضرار... ولايهمج هسه انومج بحضني...وغمزلي
سيرين... وخر منحرف
ضرار... هههههههههاااي
دفعته بخفه ومشيت قبله رحت طكيتها ركضه للشقه ومن شده ذكائي حتى المفتاح ماخذته منه
وكفت شوي واجى يفر بالمفتاح بيده
ضرار... شو بعدج واكفه
سيرين... والباب بيمن افتحه براسي
ضرار... هخخخ من لسانك يرادله كص ك***
سيرين... انت ليش لسانك فالتتت انه موصديقك وتحاجيني بهالاسلوب
ضرار... وخري تعبت من الوكفه
دفعني بخفه فتح الباب ودخل قبلي ضليت واكفه بالباب
سيرين... هسه اذا اهرب مايكضني اي احسن
عاينت يمين ويسار وطكيتها ركضه احس الدرج صار اطول من حياتي وبلكوا اجر النفس
طلعت الشارع يصوصي شفت الجلاب قريبات مني ....على حظي جانن مموجودات شجابهن هسه
عاينت للحارس نايم بسابع نومه حتى مايحس بالدنيا طشت رشت
غميت كصتي واندب بحظي رجعت للشقه مثل العاقله ،لكيته كاعد بالصاله ومبايله بيده
عاين عليه واشوفه حابس ضحكته وجهه احمر صاير
تجاهلني ورجع يعاين بمبايله طبكت الباب بقوه ورحت
واسمعه يعيط
ضرار... من ينكسر جاااابر يصلحه
سيرين... وأنت اشبيييك خايفه عليك اكسر وانت تصلح
ماجاوبني رحت بدلت ولفيت راسي ونمت من التعب
_لثاني يوم الصبح كعدت الصبح دورت الشقه مالكيته طالع
التهيت اعزل وانظف مع انو هيه نظيفه احس الملل ياكل بيه وبس صوتي يدوي بالشقه
والتفكير محاوطني من كل مكان ،خلصت كمت سبحت لبست تراك من الجبتهن رتبت نفسي
سيرين... واكفه كدام المرايه واعاين على نفسي،انه شنو الجاي اسويه ؟
ترى هالشي صح او خطا ليش حتى اخلي يتأمل عالفاضي وانه ماحبه ولا اريده
جاي اجهز نفسي اله وانه كلبي وروحي مويمه
_قاطع تفكيري صوت باب الشقه عفت المشط من ايدي وطلعت
اول ماشافني ابتسملي اجى تقرب عليه وباسني من راسي
ضرار... روحي تشتاكلج
سيرين... اتأخرت
ضرار... شغل فوك راسي ولازم اخلص كلشي هالكم يوم
بالي ابد مويمه قربه يوترني كلش وموكادره اسيطر على رجفتي
ضرار... ماكله شي لوبعدج
سيرين... لامالي نفس
ضرار... انتي جا ماشوفين وجهج مصفر
سيرين... من الوحده والملل حتى مالي نفس احط لكمه بحكي
ضرار... حسبح حتى نروح يم الحجيه بس حضريلي ملابسي
_كرص خدي بخفه وراح وانه امشي واتحرك بدون روح تعبت امثل الحب تجاهه
شنو نهايتي وي ضرار ؟
رحت طلعتله ملابسه شوي وطلع لابس بس شورت والمي ينكط على جسمه والشعر نازل على عيونه
فهيت عليه واني اتفحصه من فوك لجوى
ضرار... عاجبج
سيرين بفهاوه... ها
غمزلي واجى سحبني عليه احس الحراره صعدت لراسي من الخجل واني بقربه وجسمه ملامس جسمي
سيرين... ض ضرار
ضرار... اهدي
سيرين... وخر
ضرار... ماريد
سيرين... ها
باسني بخفه بركبتي ووخر اخذ لملابس وراح يبدل
وانا طلعت العبايه والشال لبستهن شوي وطلع
_رحنى يم الحجيه تغدينا والوقت ميخلى من شقى ضرار وغيد
شوي شوي تسحبنى لغرفتها وضرار غفى على رجل الحجيه من التعب
غيد... تدرين شنو ؟
سيرين... شنو ؟
غيد... عيد الفالنتاين بعد كم يوم
سيرين... وشنو هذا نوب
غيد... وجج يحظي العشاق يحتفلون بيه
سيرين... واحنى شعلينه
غيد... دنلصمي احسلج جا وضرار جيس خضره
سيرين... اسكتي احسلج انه ضرار لاحبه ولايحبني ولاالي شغل بهالخرابيط
غيد... همداج والله يالفاهيه البسيله مشخل وخلي من عطر الاثاره وشوفي شلون يهيج عليج ههههههههههههه
ضربتها على ايدها بخفه
سيرين... بله هالسوالف ولج عيب
غيد... دوخري انتي تبطين الكلب وتطلعيله بسامير كومي احسلج
سيرين... زين العالم شلون يحتفلون اوشيسوون
غيد... وانه شعرفني بس الاعرفه كل اثنين يحبون بعض يكضوها حب ومغازل للصبح ههههههههههه لويعترفون لبعض اما يطلعون لاماكن رومانسيه وحلوه واحد يجيب هديه للثاني
سيرين... انه وضرار بعيدين عن هالسوالف ماتخايل نفسي ابد
غيد... وشبيج يبعدي اشو تشكين حتى المطي بحسنج
سيرين... مدح لوذم هذا ؟
غيد... المهم اوصلج الفكره
سيرين... الله كريم
غيد... هوه دام وجهج يبجي نسدت بيبان الله عوذه
سيرين... خلصتي يله وخري
عفتها ورحت يم الحجيه شفتها بلكوا تتحرك وضرار نايم على رجلها
سيرين... حجيه اكعده حتى نروح
الحجيه... لايمه عيفي تعبان
تقربت عليها شلت راسه من حضنها وخليته بحضني
الحجيه... الله يحفظكم يمه
سيرين... ابتسمتلها ابتسامه باهته ... عافتنا وكامت
اعاينله غاط بنومه وموحاس بالدنيا
راسه بحظني وايديه تتوزع على معالمه وعيوني مركزتهم عليه
ضلت ايدي تتحرك على وجهه وهوه كلساع يتحرك مزعوج
سيرين... شكد حلو من نايم بس تضلك شويب ، رموشك احلى من رموشي
نزلت اصبعي بخفه على خده والايد الثانيه دافنتها بشعره
ضلك كل العمر نايم هالنومه حتى اخلص من حسك العالي
ضرار... متخلصين
صافنه عليه واهمس بخفه وفززني صوته
سيرين... يمهه كلبي
ضرار... ريحانه انه شايب ؟
سيرين... ها اي شويب انـتـهـه
ضرار... ترا بعدج ماشايفه شي من شويب
سيرين... اوووه ماريد اشوف
ضرار... اشوفج
سيرين... لاماريد
سحبني من راسي وباسني بحنجي
سيرين... شكد عيب لوتشوفنا الحجيه وخر مني
ضرار... الحجيه تدري بيه كاتلني الحر والبرد ماتحجي شي
سيرين... اهه راسك ثكيل وخر
ضرار... هسه صار ثكيل جا ستوج من صافنه وتهمسين بينج وبين روحج ماكلتي ثكيل
من الخجل احس روحي صخنت وهوه بحضني وعيونه مركزهن عليه
سيرين... ضرار فدوه كوم
كام من حضني تقرب باسمي بخدي ووخر
ضرار... كومي خنروح
سيرين... اي ماشي
كمت ردت البس عبايتي وطلعت غيد والحجيه من الغرفه
الحجيه... ها يمه وين
ضرار... حجيه حنروح
الحجيه... يايمه ضلو بعد وكت شعدكم
ضرار... الغاليه ماتقصرين بس تعبان واريد ارتاح
الحجيه... براحتك وليدي
رجعنى للشقه وهوه كبل طكها نومه لليل يالله كعد
_مر كم يوم والعرفته عيد الحب باجر واني كلما يقرب احس موتي قرب
صرت اخذ فلوس من محفضته بدون مايحس وبهالكم يوم صرت قريبه عليه كلش وعلاقتنه زينه
بس الي قالقني فرحته ولهفته وهوه يشوفني راضيه بقربه خايفه هالقرب يأذيني ويخليني راضخه اله
جمعت كم فلس وضميتهن بدون مايحس عليه والاتصال وي اهل قطعته حتى وي بدر
كعدت من الصبح مثل كل مره واني قلبي مقبوض والخوف مسيطر عليه
خوف,توتر,رجفه,كلهن مسيطرات عليه كمت سبحت اريد اهدي نفسي ماكو
احس نار واجه بيه وحايره شلون اهرب اليوم منه بكل طريقه
هاي فرصتي ومستحيلل تتكرر بعدين
سبحت وخلصت رحت اسوي ريوك وهوه نايم بالصاله
رحت تقربت عليه
كعدت قريب عليه
سيرين... ضرار مستعده اسوي كلشي حتى اخلص من جحيمك
خليتني اصير بهالانانيه ومافكر بغير نفسي وشلون اتخلص منك...سجنك وظلامك وحتى انـتـهـه كلشي يخصك يخنك بروحي وموكادره اتحمله شهور وانه بهالقفص حابسني حاولت بكل الطرق افهمك واتوسلك بس بادت كل الطرق فاشله وياك لدرجه صرت ماشوف غير الكره بحياتي تجاهك والندم لان خليتك تعيش هالكم شهر براحه
...شفته تحرك كمت بسرعه رحت رتبت الاكل وهوه شوي وكعد
اجى صبح عليه كالعاده،والي نهار ميبدى اذا ماتتوزع بوساته على جسمي
كعدنا ناكل وانه حايره شلون افتح الموضوع وياه وشلون ابدي
ضرار... احجي التردي
سيرين... ها شنو
ضرار... شمالج تلوبين سيرين احجي التردي ولاتترددين
سيرين... ها هوه شسمه شوف
ضرار... ششوف
سيرين... لاتقطعني
ضرار... هههههههههااي كملي كملي
سيرين... اليوم موعيد العشاق
ضرار... اي وشبيه
سيرين... انه هم اريد احتفل
ضرار... ويامن تختفلين؟
بلعت ريفي بتوتر واريد اجمع الحروف احسهن ضاعن من ثغري
سيرين... ضراااار ويامن يعني غير وياك
ضرار... احجي التردي بويه شلعتي كلبي
سيرين... اريدك طلعنى ونحتفل برى مثل العشاق
ضرار... هذا هوه نحتفل مثل العشاق
سيرين... ضرااار
ضرار... هاا
سيرين... هففف هييج
ضرار... انتي التردي يجرالج
سيرين... مممم شكرا عود
ضرار... احم اكلج
سيرين... شنو
ضرار... هوه تعرفين العشاق شيلعبون بالليل
سيرين... لا شيلعبون ؟
ضرار... من نرد عود اكلج شيلعبون خلينه نكمل طلعتج بويه
سيرين... ياااي صدك وين تاخذني
ضرار... انتي وين تردين
سيرين... شوف اريد تاخذني لمكان مليان ناس مثل الحديقه الي نروحلها بس احلى اريد اي المهم بيها ناس
ضرار... سيرين شبيج اليوم وليش الا بيه ناس تردين؟
سيرين... هيج بس رايده اغير جو لان احس اجواء العايشه بيها نفسيتي تعبت من وراها كلش
_حاولت اتفادى نظراته خلصنا كمت رتبت المطبخ احاول الهي نفسي بشي
بس كلما افكر والخوف يدب بداخلي وبلكوا مسيطره على نفسي حتى مايغمى عليه
سمعت صوته صاحني رحت لكيته كاعد ومبايله بيده ويفرك براسه
رحت وكفت يمه عاينلي،سحبني عليه وكعدني بحضنه واني مثل اللعبه يجيبني ويوديني حتى مامنعته
ضرار... ريحانه
سيرين... ها
ضرار... لو ملتقين بغير ظروف شلون حتكون علاقتنه؟
سيرين... يجوز حتكون احسن من هسه
دفن راسه برقبتي وانفاسه احسها تحرك بيه
ضرار... كلبج الي وبس
سيرين بكلبي... انه كلبي ملك لبدر ومستحيل يكون ملك لغيره
انه شنو بالنسبه الك؟
ضرار... جنوني
سيرين... شلون
ضرار... مجنون بيج لدرجه اذا شفت دمعه بعينج هالدمعه تصير مثل الجمر تضل تجوي بكلبي
سيرين... وجننتني وياك
ضرار... هيج وصارت روحي ملجأج حتى تحتمين بيه من هالجنون
سيرين... تحبني؟
_انه كلت هالكلمه وهوه فز عاين عليه وحواجبه عاكدهن
هزلي راسه بمعنى لا
سيرين... كول لا ليش تهز راسك
ضرار... اششش انتي لوتردين تعرفين جوابي وهامج جان عرفتي من تصرفاتي وياج
خليت راسي على كتفه ودموعي تجري بدون صوت
سيرين بكلبي... ساعدني يربي انه شنو الجاي اسوي ولوين يريد يوصل بتصرفاته
ضرار... ليش هالدموع
سيرين ببجي... هيج بس مشتاقه لاهلي
ضرار... ضاملج مفاجأه ومتأكد حتفرحج
سيرين... شنو
ذب حسره جبيره حتى حسيتها زرفت كلبه
ضرار... ماضل شي باجر اشوفها الج
_انه من غبائي حتى مانتبهت لكلامه وشنو المفاجأه الي مضمومتلي
لليل كمت حضرت نفسي وبلكوا مسيطره من الخوف احوالي نكلبت وروحي تلوب
لبست فستان محجبات وطلعت لضرار قميص بلونه
وخليت مكياج خفيف علمتني عليه غيد
نتظرته يدخل للحمام بسرعه رحت طلعت الفلوس من جوا الجربايه وضميتهن بملابسي
اعاين لوجهي نكلب لونه اصفر على ازرق كعدت انتظره شوي وطلع
يفتر كدامي وانه للحظه اريد اتراجع عن الجاي اسويه
خلصنى وطلعنى طلبت منه نمر عالحجيه
فتحت غيد الباب وضحكتها الي احسها راحه نفسيه حظنتها وجن جاي ارتمي بيها من الضياع الي عايشه بيه
غيد... يايمه منين نزلت هالحنيه لوحتى تقنعيني ماطلع وياكم ها يله وخري زعلت
سيرين... هههههه موصوجج صوجي انه اشتاقلج وينها الحجيه
غيد... بغرفتها تلكيها
عاينت على ضرار هزلي راسه بمعنى روحي عفتهم ورحت لكيتها كاعده وبيدها المسبحه
رحت بستها وكعدت يمها
سيرين... حجيه فدوه ادعيلي
الحجيه... يايمه انه دوم ادعليج الله يوفقج بنيتي
سيرين... انشالله حجيه
ضليت شوي وكمت منها طلعت للصاله لكيت غيد وضرار اول ماشافوني سكتو
غيد الضحكه شاكه حلكها والفرحه بعيونها بس ضرار عكسها التوتر باين عليه والحزن محاوطه
_مشينى وطول الطريق ساكتين وبس صوت الاغنيه يتكرر
_اول ماوصلنى للمكان تعجبت عالناس البيه مكان يخبل بمعنى الكلمه وكلها عوائل والاهم صاير مزدحم وصوت الاحتفالات والاضويه الي منور المكان
ضرار... عجبج
سيرين... اي حلو كلش
لزم ايدي وضلينى نمشي وانه فاكه حلكي على جمال المكان
كعدنا على طاولات خاصه واحنى ساكتين بدون ماننطق اي كلمه وكلما ارفع عيني عليه يذب حسره ويدور وجهه
ماهتميت وانه تفكيري شلون الهي حتى اهرب
شفت من بعيد واحد يبيع موطه (مرطبات) وصايره عليه هوسه
سيرين... ضرار
ضرار... ها بويه
سيرين... جيبلي من هذيج الموطه فدوه والله اشتهيتها
أشرتله عالمكان ورجع عاينلي
ضرار... شوفيلج غيرها هالتشوفيها هوسه صايره
سيرين... ما ما ماريد الامن هاي
ضرار... هخخخ من عنادج ضلي هناه شوي وراجع
راح هوه واني كلبي صار بمعدتي ورجليه احسهن نشلن ،كلساع يندار ويباوعلي
علما صار بنص الهوسه اني كمت بسرعه طكيتها ركضه وكلساع انضرب بأحد
طلعت من نفس الباب الدخلنا منه السيارات تروح وتجي وانه كلشي ماندل
والدنيا لليل وبس انه وكلساع احد يوكف بسيارته ضليت اركض
علما تعبت وحرت وين اروح صرت على صفحه طلعت الفلوس من ملابسي بدون محد يشوفني وضليت امشي
وطريقي ماعرف وين ماوين ونظرات العالم الي تتوزع عليه لوالكلام الاسمعه لعبها لروحي
خلاني اتندم لان خطيت هالخطوه بس ماكدر اتراجع
شفت مجموعه مال سيارات قليله
خفت اروح واركب بس حتى لواركب وين اروح
ضليت ابجي وارجف بنص الشارع اخرها اجى رجال جبير سالني شبيه وهوه يهدي بيه
سيرين... عمو فدوه اريد اروح للكراج
_عمي شمطلعج بهالليل خافن طافره من اهلج
ماجاوبته وبس ابجي واشهك هز راسه
تعالي اوصلج شلي غرض انه على باب الله
صعدت وياه وانه طول الطريق ماضل دعاء ماقريته واتوسل برب العالمين ينجيني من الاني بيه
وصلنى للكراج نزلت تعجبت عليه ماكو غير سيارات والرياجيل كومه وحتى ركاب اكو على عدد الاصابع
سيرين... يااايمه ضرار الحكني انه بشنو ورطت روحي
عاينت للرجال وحجيت بتوسل
سيرين... عمو ليش ماكو ناس و ووين اكدر اركب
_ماكو عالم تجي هيج وكت من وجه الصبح يالله وانتي وين تردين توصلين
سيرين... لل للحله اريد
_ياعمي هسه ماكو هيج وكت واتي بحدج ماخفتي من طلعتي
ماعرفت شجاوبه وبس دموعي تجري واشهك بدون صوت اعاين عالمكان بس السيارات وعيونهم عليه
سيرين... يااارب دخيلك نجيني انه موكدها والله
انداريت عالرجال ،وشهكت بصوت عالي حسيت الشهكه زرفت كلبي
دموعي يجرن بدون صوت صرت اطكطك من الخوف وانه اشوفه كدامي واكف
انه شفته وبديت اتشاهد على روحي،بهاللحظه عرفت غلطي وانو مستحيل اهرب من قبضه ضرار
ضرار... هلا بويه واخيرا لكيتج
_عمي تعرفي
ماجاوبته وبس دموعي تجري عاينلي بخبث وابتسامه مرسومه على ثغره
ضرار... شلون ماتعرفني غير مرتي مو ؟
_الرجال حسيته خاف راح شغل سيارته ومشى حتى ماخذ كروه واني ثابته بمكاني وبس جسمي يرجف
كلمه وحده طلعت منه كافيه انو تخليني اعيد تفكيري بالصار
ضرار... انتي جبتيها لروحج
لزم ايدي حسيتها نكسرت من قوه قبضته مشى بيه مسافه شوي بعيد فتح الباب وشمرني بسيارته
خفت من هدوءه ومن الصمت المحاوطه
سيرين... ض ضرار
وماحس غير بكف ندار وجهي ونضرب راسي بالجامه
سحبني من شالي وعصبيته احسها نار
ضرار... حذرررتج مووو حذرتججج هااا اااحجي شكتلجج انه
سيرين... ب بس خلفهمك فدوه
لزمني من فكي حسيت اظافر ايده نبتت بيه
صاك على سنونه ويحجي
ضرار... شتفهميني هااا يله فهميني مسسويتني مضحكه للخلوفج ااااحجي كل هالمده وانه الكـ*** مطيج مجال شفتيني ضحكت بوجهج كلتي طززز بيه لهالعاار شعدي خل ان*** براسه حتى تهربين
ااااحجي لاسكتين طللللعي لسااانج يلللله
_دفعني بقوه شغل السياره وطول الطريق يفشر ويسب
اخرها تصل مبايله جاوبه وهوه يصك على سنونه
ضرار... باجر راد وكلشي كتلك عليه تلللغي بالعباااس مايصير شي
سد ورجع يفشر ساعه يستغفر وساعه يكفر وانه بس دموعي تجري وارجف مثل السعفه
_اول ماوصلنى اجى يجربيه جر حتى السياره عافها مشتغله
كل بايه يصعدها اوكع على وجهي ويرجع يكومنني منا علما وصلنى واني روحي خلصانه حتى دموعي نشفت من الخوف والرهبه
اول ماوصلنى سحبني للغرفه دفعني بقوه على وجهي ضل بس الدم يجري
خفت انطق بكلمه لواحجي واشوف الغضب مالي
ضرار... كل تمثيل مو ؟ اهتمامج وضحكتج وسوالفج وحتى الحب بس حتى تلاكين الفرصه وتهربين بس من غبائج حتى ماعرفتي تخططين زين
سيرين انه تلعبين عليه ؟
سيرين... لاااااتلووومني كله بسببك سويت هيييج
سحب الشال مني والدنبوس نبت بلعومي
ضرار... ماراح اسويلج شي بس وروح ابوي الراح تعيشي كافي انو يخليج تكرهين روحج لاراح احجي ولااضرب انه اعلمج شلون تلعبين وي اسيادج الظاهر اطيتج مجال هواي وصرتي تك*** زايد بس اعرفن شلون اردج لمكانج
_قفل الباب وراح خفت من سكوته تمنيت لومكسر ومعربد ولاهالهدوء
بلحظتها ايقنت انو عقابي بدى وي ضرار وانه الي بديته بسبب تهوري
كمت زحفت على ركبي احس رجليه مشلولات موكادره اوكف على حيلي ضميت رجليه لصدري وبس صوت شهكاتي ينسمع
شوي ودخلت غيد للغرفه عيونها حمر دم مبين باجيه شافتني ولطمت على صدرها
صارت تضرب بوجها وتعيط عليه وهيه تلوم بيه
غيد... وجججج شلعبتي بحالج الله لاااينطيج وجج راد يرجعج رااد يرجعج سيرين دمررتي روحجج الله ياخذج على هالعمله
مكدرت اجاوبها بكلمه تعبت هيه واجت كعدت يمي ومستمره تلوم بيه ساعه تحضن وتبجي وياي وساعه تلومني وترزل
غيد...
جنت كاعده اباوع عالتلفزيون واندك الباب كمت فتحته ضرار وسيرين سلمت عليهم وراحت سيرين يم امي
غيد... يابه ادخل لاضل واكف
دخل بدون مايحجي وبس يذب حسرات اعرفه من يكون مضايق لوصاير شي
رحت جبتله مي ونطيته اله
غيد... صاير شي ليش موعلى بعضك
ضرار... حرجعها
غيد... شنو
تنهد بألم وعيونه حمر دم
ضرار... سيرين باجر اردها لاهلها
غيد... صدك وزين هيه تدري وشلون هيج فجأه
ضرار... بعدني ماكايللها من نرد افتح وياها الموضوع ،ماكدر اخليها اكثر من هيج لحدمن تضل محبوسه وحتى لوترد تضل مرتي
غيد... شلون حتبعد عنها ؟
رفع عينه وباوعلي اول مره اشوفه بهالحزن والدمعه بطارف عينه
ضرار... كبل كدرت ابتعد عنها بس هسه لا كلشي تغير ما....
راد يكمل واجت سيرين ،سلمت عليهم وراحو بس الي صدمني
وكت ماتصل ضرار وهوه يكول سيرين هربت ...
عرفتها سوت البراسها وهالمره مستحيل تخلص من ضرار للابد خاف جان راحمها عالسوته بيه يخليها تتندم الف مره
ساااعات واني انتظر خبر منهم سمعت صوت عياط ضرار كبل طكيتها ركضه لشقتهم هوه طلع بدون ميحجي
رحت للغرفه فتحتها لكيت حالتها حاله حرت شسوي وياها
غيد... سيرين شلعبتي بحالج ضرار مراح يرحمج ولج
سيرين... فدوه سااعديني ولاتخليني بيده والله خايفه
غيد... مااااخفتي من طلعتي بنص اللليل وحدج ماااخفتي من لعبتي بمشاعره وسويتي مضحكه هااا
مجان الي غير بس دموعي تشرح حالي وصوت شهكاتي المتعاليه
سيرين... يرببي سااعدني تعبت واني افهمكم ليش متفهمون الا اني بيه لوغيري جان سوتت
والله تعبت وحيلي نهد اريد اهلي اريد ارجعلهم تعبت من الغربه الااني بيها
انه مولعبه بيده حتى يسوي وياي هيج انه هم بشر وعندي مشاعر ليش ميفهم موقفي
خطفني من أهلي وعذبني اسرني وخلا حياتي جحيم
ارريد ابوي الي حرمني منه انه مالي دخل موانه الي كتلته لابوه حتى يحاسبني على غلط موانه مسويته
موكدها حتى اتحمل العذاب واتحمل الضرب والاهاانه
يكدر يسوي كلشي بس مايكدر يعوضني عالمريت بيه مايكدر يعوض الضرب الاخذته منه والحرمان مايعوض شوكي لاهلي وحرماني الهم
مايعوض كل عذاب مريت بيه بسببه
شنو غلطي لحتى انحرم من حياتي واعيش حياه مومن اختياري
ليش مجاي يرحمنني والله انه هم تعبت موطبعي هذا ولا ردت اكون انانيه واسوي كلهذا بيه
بس جبرني جبرررني بتصرفااته بسببه انه صرت هيييج موتربايتي ولااسلوبي
والله تعببببت حسوو بيه عااد عيشوو الي اني عشتته وحااسبوني
_صررت ابجي واعيط ذبحت نفسي باللطم لدرجه الدم صار يجري وموحاسه بيه
شوي واقتحم الغرفه والمسدس بيده اجى سحب غيد من ايدها وهيه تتوسل بيه يرحم بحالي
للحظه شفت مجرم سفاح طاغي, موضرار الي تعودت على حنيته وهدوءه
طلعها برا وقفل الباب بدى يتقرب بخطوات بطيئه واني اعد خطوات موتي مانطق ولاحرف وبس نظراته المليانه حقد اشوفها بعيونه
وجه السلاح على راسي غمضت عيني بألم ودموع واني اودع هالحياه ....
غيد... كسرت الباب وصوتي راح من العياط حتى بلعومي تجرح خفت لايأذيها اعرفه من عصبيته حتى مايشوف دربه
دكيت الباب بقوه لدرجه حسيت ايدي تكسرت وماحس غير بس صوت الطلقه وصرخه سيرين دوت المكان .....
يـــتـــــــبــــــــع....
( توقعاتكم للبارت الجاي 🌚؟ )