"ဂါးးးအဲ့အသေးလေးကိုရှာရတာလဲ အလုပ်တစ်လုပ်ပဲ"
ဂျောင်ကုမှာ ညနေကျောင်းဆင်းတိုင်း သူ့ရဲ့အသေးလေးကို ရှာရတာအမောပင်
"ဟျောင့် ဒုံဒုံကု"
မှုန်ကုတ်ကုတ်မျက်နှာလေးနဲ့ ယွန်းဂီက သူ့ကိုတလွှဲနာမည်လေးခေါ်ပြီး ပြုစားတတ်ပါသေးသည်။
"အယ် အသေးလေး မျက်နှာကဘာဖြစ်လာတာလဲ"
"ဘာအသေးလေးလဲ သေချင်လို့လား"
"မျက်နှာကဘယ်လိုဖြစ်လာတာလဲလို့"
ပါးနုနုလေးတွေမှာ ခရမ်းပုတ်ရောင်လိုအကွက်လေး ဂျောင်ကုထိကြည့်တော့
"အ့ ခွေးမသား နာတယ်ကွ"
"ဒါကဘယ်လိုဖြစ်ရတာလဲ"
"ဘယ်လိုဖြစ်ရမှာလဲ ရန်ဖြစ်လာတာပေါ့"
"ဘယ်လိုဖြစ်တာလဲ ဘယ်သူနဲ့လဲ သူတို့ကအရင်စတာလား"
"ကျစ် ဟိုနေ့ကငါ့ကိုအဲ့ကောင်တွေအဖွဲ့ထဲက တစ်ယောက်က ရည်းစားစကားပြောတာကို ငါကငြင်းလို့ မကျေနပ်နေတာ ဘယ်နှယ့်ကွာ ယောကျာ်းချင်းကို ရည်းစားစကားလာပြောရတယ်လို့ ငါ့ဘာကောင်မှတ်နေလဲမသိ ရာရာစစ"
ဂျောင်ကုခေါင်းတည့်တည့်ကို မိုးကြိုးပစ်ချလိုက်သလို မျက်လုံးတွေပါပြူးသည်။သူ့ကိုပြောနေတာ မဟုတ်ပေမယ့် သူ့ကိုပြောနေသလိုပဲ။
ဂျောင်ကုပျော်ရမလား ငိုရမလားမသိ။ ပျော်ရမှာက ဟိုကောင့်ကိုငြင်းလိုက်လို့ ငိုရမှာက သူ့ပါငြင်းမှာစိုးလို့။
"ဒုံဒုံကု!"
"ဗျာ"
"အိမ်ရှေ့ရောက်နေပြီ လစ်တော့"
"ဆေးလိမ်းပေးချင်လို့"
"မလိုဘူး လက်ပါတယ်"
ကိုယ်တော်ချောက လက်ဝါးလေးထောင်ပြလိုက်သေးသည် တကယ့်ကို ချစ်စရာအတိပါပင်။
"မင်းကျူရှင်မရှိဘူးလား"
"ရှိတယ်လေ ညကျမှကို
ထားပါ လိမ်းပေးမယ်နော်"
...
"အ့ ဖြေးဖြေးလုပ်လေ ဘယ်လိုလုပ်နေတာလဲ"
"အသေးလေးကလည်း စိတ်လျော့ပါ မောင်ကမြန်မြန်ပျောက်အောင်လုပ်ပေးနေတာလေကွာ"
"ရားးးဒုံဒုံကု မင်းဘယ်လိုတွေပြောနေတာလဲ"
ဂျောင်ကုမသိလိုက်ခင်မှာပဲ သူ့ကိုယ်သူမောင်လို့သုံးမိသွားသည်။
'အာ သေစမ်းပဲ'
"မီယားနဲ ဟျောင်း ကျွန်တော်ဒီတိုင်းပြောမိသွားတာပါ"
"ဘယ်စော်ကိုစိတ်ထဲစွဲနေလို့ မှားသုံးရတာလဲ"
အသေးလေးရယ် ဒါမင်းအတွက်ဖြစ်တည်လာတဲ့ မောင့်ရဲ့နာမ်စားလေးလေ ဒီနာမ်စားလေးကို အသေးလေးပဲခေါ်ခွင့်ရှိမှာ။
"ဘယ်စော်ကိုမှ မစွဲရပါဘူးဗျာ"
"..."
ဒီအပိုင်းမှာတော့ kookieရဲ့ Note ထဲကစာလေးတွေကိုပဲ ထည့်ရေးပေးလိုက်ပါဦးမယ်
'ခင်ဗျားကိုသဘောကျတယ်'
'ခင်ဗျားက သိပ်ဆိုးတာပဲ ကျနော့်ကိုငိုအောင်လုပ်တယ်'
'အသေးလေး လွမ်းတယ်'
'မင်ယွန်းဂီက ဂျွန်ဂျောင်ကုအပိုင် အာညီး ဒုံဒုံကုအပိုင်ကွ ဟားဟား'
'Aခန်းက လူချောလေး ဂျွန်ဂျောင်ကုက မင်ယွန်းဂီဆိုတဲ့ အသေးလေးရဲ့အပိုင်ပါ ခ်ခ်'
'အသေးလေးရဲ့ ပါးပြင်နုနုလေးဆီက ရုပ်ဆိုးဆိုးဒဏ်ရာလေး သက်သာပြီး မြန်မြန်ပျောက်ပါစေ မောင့်အိပ်ပုတ်လေးက အအိပ်ကြမ်းတော့ ဟိုလှည့်ဒီလှည့်နဲ့ ဖိမိရင် နာနေမယ်'
'မောင့်ရဲ့အသေးလေး ကောင်းကောင်းအိပ်ပါ'
Noteထဲက စာကြောင်းလေးတွေအရဆိုရင် ကုကီက အရင်ကလို ကလေးလေးပုံစံမဟုတ်တော့ပဲ ယွန်းဂီအပေါ်စိုးမိုးချင်တဲ့ လူကြီးလေးတစ်ယောက်အဖြစ်တွေ့လာရတယ်နော် သူကိုယ်သူမောင်ပါတဲ့လေ။
စာဖတ်သူတစ်ယောက်ချင်စီတိုင်းကို ကျေးဇူးတင်ပါတယ်ရှင့်