بقات كتقلب عليه بعينيها و مبانشليها
سلمى(كترعد بالبرد و الشتا بداات كتنقط) : حمزززززة فيينك خرج (غطصات فالبحر و كتقلب عليه بعينيها واالوو مبانش ليها) اوووووف حمزاااااا شوووف بلاش من هاد اللعب خرج راه الشتا كطيييح
لا جوااب مخرجش و الشتا كتزيد طييح بداو دموعها كيطيحو خافت عليه بزاف ليكون غرق ولا شدو كلاكاج فالبحر
سلمى(نيفها حمار بالبرد و زادت كتبكي) : حمزة هئ خرج فينك عافاك مديرش فيا هكا هئ هئ حمزة
محسات براسها حتا و هيا مهزوزة من الما و ايديها ضايرين على خصرها
حمزة(كيشوف فعويناتها و نيفها و فمها كيف كيترعد بالبرد) : هاني مالك منوضة الحيحة
سلمى مجوباتوش ضورات ايديها على عنقو و تخشات فيه كتبكي بحال الدرية الصغيورة
سلمى: هئ شهاد اللعب الباااسل علاش درتي هاكاا هئ دبا كون متيي (حيدات راسها من عنقو و كتشوف فيه و دوي و تبكي فنفس الوقت) الليل و الشتا كطييح و نتا غابر ليك الاثر هئ كون هئ كون وقعت ليك شي حااجة (شافتو مكيدوي ما والو و غير كيشوفيها الشئ لي خلاها تعصب و تعقد حجبانها) طلق مني بعد مني حيد ايدك انا كندوي هنا خايفة علييك و ننتاا ساااااكت و مبرااااااد مكدوييش
حمزة زاد زير عليها و قربها لعندو ولاسق شفايفو على ديالو بلا ميدوي بحالا كيهدنها
حمزة(كيدوي ببحة و بشوية صوتو بروشها) : مالنا ؟
بقات كتشوفيه و ترخاات فاش باسها
سلمى(كتبعد عينيها من عينيه) : بعد مني خليني نخرج جاني البرد
حمزة(زير عليها) : هدااي مالنا على الطرطية
سلمى: ممالناش ا خويا رخف عليا خليني نخرج نغبر وجهي
حمزة : وعلاش
سلمى: كيفاش و علاش من الصباح و انا كندوي و كنغوت و نتا كتبحلق فيا بحالا مواقع والو
حمزة : وعلاش
سلمى: كيفاش و علاش تاني وا نتا غاطس كثر من 15 لدقيقة و نتا تحت الما كنغووتت تا من الحوت سمعني
حمزة : وعلاش
سلمى: (كتشوف فيه و فبرودتو عصبها و جاتها البكية) تفوو بعد مني هئ مريض نتا انا هنا خايفة علك و نتا كتمركن بيا بوعلاااش ديالك طلق مني انا لي حماارة ذايرا فيك راس..
حمزة مخلاهاش تكمل هدرتها و باسها تاني ففمها
حمزة(مركز بشوفاتو على شفايفها) : مغتسكتيش غنسكتك بطريقتي 😉
سلمى سقلات و بقات كتهرب شوفاتها من عينيه و هوا عكسها كيشوفيها و ففمها كيف ولا حمر و كيترعد بالبرد
حمزة:(كيدوي بشوية ) خفتي عليا
سلمى: لا جواب
حمزة عرفها تقلقات منو هز ليها رجليها و ضورهم على خصرو و حاوط ايديه على خصرها و بقا كيعوم بيها و هيا مكتشوفش فيه غير ساكتة و صوت شهقاتها كيتسمعو و شتا كطيح عليهم
وصلو للشط و بقا هازها و هيا باقا مدورة رجليها على خصرو و كترعععد بالبرد نزلها من عليه و هيا مسخااتش ههه مع لحمو كان سخوون فاش حطها حسات بالبرد كيدخل ليها مع عضامها
هز قبيتها و لبسها ليه
سلمى(تنترات منو) : كنعرف نلبس راسي
مداهاش فيها و كمل ليها لبس هز تريكوه بدا كينشف ليها ف شعرها بشوية لاح تريكو لي فزك فالارض و نزل لبس عليه حويجو
كيشوفيها كترعد بالبرد و فمها ولا زرق شوية
حمزة: فك البرد
سلمى(كترعد): مم
مدواش معاها و هزها خشاها فيه حتا هيا كان فيها البرد تمخشات فيه بحال المشة كتشم ريحتو لي فالقبية
بقاو غادين بلا حتا كلمة وصلو للاوطيل
حمزة: فينا غرفة
قاتليه سلمى الغرفة ديالها حلاتها و حطها
حمزة(كيشوف فيها) : دوشي و لبسي علك مزيان انا شوية و ندوز عندك نعطيك دوا درواح راه غيبداك
سلمى : مم واخا
حمزة(كيشوفيها كدوي منفخة نزل على ركابيه و حط ايديه على فخاضها) : سمحيليا حيت خلعتك ليوما مكنتش كنصحابك اتخلعي هكك.. هادي عادتي انا فاش كنمشي للبحر كنسا راسي تحت الماا
سلمى ممتيقاش راه عتاذر منها و فسر ليها علاش دار هكك بقا غي كتشوف فيه و فعينيه و فتفاصيل وجهو
حمزة(هز طراف دصبعانو و شد ليها نيفها) : اشنو البكاية مغدويش معانا همم مخاصمين
سلمى طلعات معاها السخونية و تزنكاات حتا الهدرة وحلات ليها هخخخخ
حمزة: مهم ديري شنو قتلك دوشي و لبسي علك مزيان ندوش تانا و نجيب ليك الدواا
سلمى: واخا
بقا كيشوفيها شحاال و خرج من البيت شد الباب و مشا للغرفة ديالو مبتاسم و فرحاان
سلمى بقات جاالسة و كتسترجع فهادشي لي طرا دبا
ناضت دوشات و لبسات بيجامة سخوونة لاحت دوك الحويج فالوسخ شافت الساعة لقاتها الثلاتة ديال الصباح سمعات الذقان فالباب و مشات حلات لقاتو هو لابس عليه سوفيطمة و سروال دالكيطمة و داير طربوش كيبان زوييين بهاد الستييل
حمزة: شنو اتخليتا واقفين ولا !
سلمى : ها اا لا لا دخل..
دخل حمزة كيضحك على تصرفاتها
حمزة : هاكي دوا شربيه و نعسي واخا
سلمى: واخا احم و نتا
حمزة : انا شربتو دبا نوبتك (جلس فالفوطوي) و مغنتحرك حتا نشوفك شربتيه و تكمشتي فبلاصتك
مشات عمرات كاس ديال الما و حلات ديك الخنيشة و كباتها فالماا تنساتها حتا تفاعلات و شرباتها
سلمى (خبطات الكاس) : صافي شربتو
حمزة: گوود گييرل ( good girl )😉
مجوباتوش تاني ههه
حمزة : يلا دوزي لبلاصتك تكمشي فيها
مشات تاهيا اصلا كاان فيها لموووت ديال النعااس تخشات فيها كتشوف فيه ب عويناتها
حمزة (معارفش شنو هاد الاحساس لي كيعيشو معاها واش حب و لا اعجااب هو نيتو كانت اتقرب منها باش انتاقم لختو ولكن طرا لعكس طاح فشباك حبها ملكاتو و تربعات فوق العرش ديالو خايف اصارحها بحقيقة امرو و تقلب عليه و متبقاش كيف هيا دباا متردد بزااف) : سلمى..
سلمى:(عينيها كتلصقو بالنعاس ) مم
حمزة: ايلا قتليك بلي انا غير كنستاغلك باش نتاقم لختي غتيقيني
سلمى: مم
حمزة : وايلا قتليك بلي خربقتيني و دوختيني وليت طول لوقت كنفكر فيك غي نتي و فشنو كديري و معامن كدوي ونسيت علاش جيت من الاول غتيقيني
سلمى : مم
حمزة : (جلس فوق الفوطوي) معرفتش مالي من. نهار لول لي شفتك فيه خربقتيني دوزت فحياتي بزاف ديال البنات و عاشرت بزااف ولكن نتي نتي بووحذك لي قدرتي تحركي فيا هاد الشعور فاش كنكون معااك مكنبغيش نتفرق علييك كنحس براسي واحد اخر ماشي حمزة
سلمى(كتسمع ليه و مصدومة حتا هيا نفس الاحساس ناضت من الفراش و تقابلات معاه ) : انا كنت عارفة راك غير كتستغلني
حمزة( كيشوفيها بصدمة) : كيفاش
سلمى: و عرفتك بلي تقربتي ليا غير باش تقتل وجدان و دخل بيناتنا .. ولكن انا تغاضيت على هدشي و تبعت احساسي
حمزة: انا عرفت بلي ختي ماتت فالولادة و عثمان بريئ كنشوفو كيفاش كيتعامل مع صاحبتك و كيفاش كيبغيها
سلمى:وجدان بنت حنينة و ضريفة ماتو ليها واليديها و خلاوها لقات فعثمان حنان الام و الاب و كلشي و شتي كون درتي ليها شي حاجة كنت غنسا كولشي و غنوقف فوجهك حيت هيا ماشي غير صحبتي راها كثر هيا ختيي و نقتل على قبلها
حمزة(بتاسم ليها) : نعسي دباا غدا و نكملو هدرتنا
سلمى: واخا (تخشات فبلاصتها و غمضات عينيها فرحانة حيت عتارف ليها بنيتو)
تحنا لعندها و طبع بوسة حنينة على خدها طفا الضو و خرج لبراا
غادي فالكولوار حتا كيعيط ليه
عثمان: حمزة
ضار عندو و شافو
حمزة: عثمان
بقا كيشوفو ف بعضياتهم و خرجو للبرا واحد كيشوف فلاخر
عثمان: كنسمعك
حمزة: شنو !
عثمان : كتبغيها ؟
حمزة:(سكت شوية و دوا) اه
عثمان: عارفة شنو تحت راسك ولا لا
حمزة : اه
عثمان: ختك مدرت ليها والو انا ماتت فاش كانت كتولد
حمزة: (حنا راسو) عرفت
عثمان: مزيان مني عرفتي
حمزة: حتا وجدان بنت زوينة و تستاهلك
عثمان(عقد حجبانو) : فوت علك مرتي راه صابحتها نزوجكم من غدا
حمزة(ضحكو ) : ههه كاالم اشاف منويت فيها والو
عثمان:(بتاسم و هوا كيشوفيه) احسن حاجة غديرها هيا تزوج بيها حتا هيا بنت زوينة
حمزة(خنزر فيه) : بعد ليا منها
عثمان: ههه دبا شنو كترجع ليا صرف ولا
حمزة : بحال هكك 😉 (بقا ساااكت و دوا و هوا ماد ليه ايديه) نرجعو كيف كناا
عثمان معطلوش جرو و تعانقو عناق رجولي صحااب و كثثر من خوت وقع بيناتهم مشكيل ولكن هاهوما رجعو كيف كانو
رجع حمزة لغرفتو و مشا عثمان لعندها حل الباب لقاها متكيا على كرشها و مطلعة رجل وحدة عند صدرها و شعرها مليوح فوق المخدة و ضو القمر مضوي فالغرفة
حيد تيشيرت و تخشا حداها معنقها من ضهرها مقدرش اصبر على فراقها و لحق عليها مجاهش النعااس بعيد عليها شد طريق و حا لعندها و دبا عاد داه نعااس
صبح الصباااح
كتحس بالردة و شي ايد محطوطة على خصرها تقييلة تنترات منها بالزربة و مشات كترد كاع مصارنها حطاتهم تمااك
حتا كتحس بشي واحذ جمع ليها شعرها
ضورات وجهها لقاتو هواا واقف عينيه معسلين بالنعااس و شعرو مخربق شدها من دراعها و غسل ليها وجهاا ضورها لعندو
عثمان:نمشيو لطبيب
وجدان (صوت باح فيه نعاس ) لا.. البارح كليت بزاف دكشي عللش
عثمان:ومالك على دكشي كامل كليتيه لماكلة مغتهربش ليك
وجدان:تشهيتها (كتشوف فيه) و نتا امتا جيتي
عثمان: لبارح فليل مقدرتش نبقا بعيد علك و جيت نشوف مراتي
وجدان(ضحكاات حتا تقبة الزين بانت ليها) : ههه مرااتك
عثمان: مم مراتي
خرجو من الدوش و مشاو لناموسية تكات على صدرو و هوا كيلعب ليها بخصلات شعرها
عثمان: سلمى غتزوج
وجدان: هااا شكووون اويلي صابحتيي
عثمان: بشوية ا رعدة ايه صاحبتك
وجدان(كتشوف فيه) : و بيمن ؟
عثمان: بحمزة
وجدان: و نتا منين كتعرفو ؟؟
عثمان عاود ليها كلشي مبغاش اخبي عليهاا .....
وجدان : دبا تصالحتو نتا وياه
عثمان: اه تصالحناا
وجدان(فرحانة لصاحبتهاا) : ههه دبا امتا غيعرض عليها الزوااج
عثمان: معرفتش ولكن فهاد العطلة لي نتوما فيها دباا (كيشوف فساعة) نوضي راه 12 دبا لبسي حويجك
ناضت طاايرة لبسات عليها كسوة فايتة الركبة فاللبيض نازلة على لكتاف جمعات شرعها لفوق و نزلات شي زغيبات دارت عكير خفييف و كثفات شفرانها بالريسيل دخل لبس عليه حتا هوا تريكو فالازرق و شورط دجين و سبادري بيضة ضار كاسكيط و قلبها لور هز سوارتو و شد ليها فايدها و خرجو تلاقاو مع رحاب خارجة
رحاب: اووه خوياا مقدرتيش تصبر مزاال
عثمان(عنق وجدان) : وشكون يقدر اتفرق عليها
وجدان كضحك بحال الراس المشوط فرحات حيتاش جا عدها و حيتاش صابحتها اتزوج ههه
نزلو للكافي لتحت لقاو حمزة جالس لابس عليها سوفيطمة بحال صميطات و شورط سبور و سبداري شعرو مطلعو لفووق
عثمان : صباح الخير
حمزة: صباح النور
رحاب مفهمت والو
وجدان : ههه جلسي جلسي كنتي عارفااه شنو تحت راسو و خبيتيها عليا ياكي (قرصتها) هادي هيا صحبة
رحاب: اييي و خفتك تقلقي ولا شي حاجة
وجدان(كتشوف فحمزة): دبا نتا كتبغي سلمى
حمزة: اه
وجدان : وسلمى كتبغيك
حمزة : معرفتش
وجدان : كتبغيك كتبغيك ديك الملعوقة طاحت على زنافرها ههه
رحاب بدات ضحك
وجدان: قاليا عثمان اتعرذ عليها زواج
حمزة: اه ليوما فالليل وقاديت كلشي فاليخت
وجدان : ايي هيا شي حاجة رومنسية
عثمان:اه غنمشيو كاملين
رحاب:اويلي هوا و سلمى و نتوما خاشين راسكم
وجدان : و اتزوجو ديك ساع مكين لي افرقهم
بقا كيدويو كيفاش اديرو ليها هاد المفاجاءة
نزللات سليمو لاابسة كسيوة فالازرق مع سبادري بيضة و هادة سويك صغيور
سلمى:(مفاهمة والو) عثمان امتا جيتي
وجدان: هه لحبيب ديالي جا لبااارح مقدر على فراقي
رحاب: نتي غا ليلة فالشمال و وليتي دوي بحالهم
وجدان: اهه لاميمواغ عندي زوينة هههه
شرحو لسملى تاهيا.. الصباح ا ديال الشرييح هههه ولكن مقالوش ليها على المفاجاءة
ناضو دراري خرجو براا و مشاو لبنات كيتمشااو
وجدان:(كتشوف فايس كريم) اممم بغيتوو
رحاب:هايا بدات كتشها تاني عليناا
وجدان:ختي واش كناكل بفلوسك اويلي فلوس راجلي
رحاب:وراجلك راه خوياا
وجدان:مسموومة سيري تزوجي لك سيري سيري
سلمى ضحكوها هاد الزوجات مشاو شراو كلهم ايس كريم و بقا كياكلو فييه
رحاب كتشوفيها كيفاش كتاكل و كتبنن و هيا دير ليها طنننن فراسها
رحاب:وجداان
وجدان : ممم
رحاب: شحال باقي للغيكل ديالك
وجدان:معرت اطط نشووف
جبدات تيليفون لقاتها معطلة ب 15 يوم
سلمى:(مخرجة عينيها ف رحاب) ياكمااا
رحاب : وهدشي لي جاني فبالي تاناا
وجدان(كتشوف فيهم) : اش يكما ما يكما
سلمى و رحاب : حاملة
وحلات ليها وجدان
وجدان : اويلي
سلمى: وا ختي تاكلي متعقليي و كتوحمي علينا هنا و ليغيكل معطلة علك اوا شنو راه باينة و كتردي فالصباح
و الدوخة اذن راك حاملة
وجدان ممتيقاش هدرة البنات للخضة خافت من ردة فعل عثمان معرفتش شنو غدير معرفتش واش هوا باغي لولاذ ولا نن
رحاب:خصنا نتأكدوو و نشريو طيست
سلمى:اااه نوضي نشريو و ديريه
وجدان غير ساكتة معرفتش شنو هدشي لي واقع دبا
رحاب: وجداان هوههوو فين مشيتي
وجدان:واش بصح داوين ولا غي كضحكو عليا راه انخسر معاكم والله
سلمى:اويلي صبرو نمشي نجيب طيست و نرجع
مشات بزربة نيت كانت حداهم صيذلية شرات واحد و رجعات
سلمى: هاكي يلاه نووضي سربي ديريه
رحاب : ايي نوضي نوضي انولي عمة
وجدان(كتشوفيه و ايديها كيترعدو) : لا مغندير والو محاملة ما والو غير كتخايلوو (ناضت) نوض نمشيو راه خاصنا نوجدو راسنا دزاري عارضين علينا
سلمى:اويلي ا وجدان عاد دبا كنتي كضحكي ديريه ا صحبتي و قطعي الشك مالك شنو خاسرة
وجدان : قتلك لا صافي (دارتو فساكها) نوضو نمشيو
سبقاتهم و ركبات فالطموبيل لور و كتشوف خايفة بزااف من ردة فعلو مراتو للولة ماتت وهيا كتولد خايفة لمميبغيش مزال لولاد
ركبو لبنات و كيشوفو فيها من المراية كيف تقلبت دغيا
وصلو لاوطيل طلعو لبسو عليهم حويجهم
لبسة سلمى
لبسة وجدان
لبسة رحاب
و نزلو وجدان غير ساكتة و كتشوف و لبنات من وراها
وصلو لليخت طلعو كيشوفو فيه كيفاش مقااد و مزوق
رحاب: ممم عندهم ضووق
وجدان غير ساكتة و كتشوف ب عينيها
عثمان: زين ديالي (عنقها من لور) مالك
وجدان : همم والو
سلمى : (كتشوف ف حمزة ) نتا لي قاديتي هدشي
حمزة:مم (جر ليها لكرسي و جلسات)
بقاو كيدويو و كيضحكو و وجدان ماشي معاهم
جا عازف الكمان و ناضو ليكوبل ديالنا كيرقصو و رحاب كتصور فيهم شوية وقفو و نزل على ركابيه جابد من جيبو بواطة
حمزة:سلمى.. تقبلي تكوني مراتي
سلمى تصدماات و بقات غير كتشوفيه 😂😂
وجدان(كتفرنس): رراها قااابلة غير لبسو ليها
رحاب:مسطية يلاه كنتي مغوبششة
وجدان:وا صاحبتي اتزوج و نبقا مغوبشة
عثمان(قرب ليها) : ولاش مغوبشة
وجدان: احم والو
سلمى:قابلة
لبس ليها الخاتم و باسها بوسة طوييلة كيعبر ليها على حبوو جلسو كيدويو و ايضحكو و وجدان كتشوف فيه و مترددة تنوض تجرب دااك الطيست
وجدان(ناضت ) : انا جاية
هزات ساكها و مشات لطواليط
عثمان:(بشك) مالها نتوما كنتو معاها
رحاب:والو احم (كضور فعينيها)
دخلات لطواليط و نزلات سروالها خهخ كتشوفيه
وجدان : يا ربي وقف معايا يا ربي
دارتو و تسنات خمسة دقايق غمضات عينيهاا و حلاتهم لقاتهم زوج شرطات بالحمر
تصدمااات تخلطات عليها فرحة و صدمة ممتيقاش واش بصح هيا حااملة و هزا روح صغييورة فكرشها من راجل لي كاتبغي نزلو دمووع لفرحة كتبكي فصمت
عثمان تشوش عليها و ناض تبعها و تبعوه البركاكات كيتلستو
دق عليها بشوية
عثمان:وجدان.. صافا.. حلي لباب
خرجات وجدان و حنيكاتها و نيفها حمريين
عثمان (طاح فيه النص): ماالك كتبكي شواقع
مجوباتووش و كتشوف فيه شوية حولات عينيها لجيهة سلمى
عثمان:(كيشوفها فين كتشوف ) واش حيتاش غتزووج بناقس من ديلمو هاد ازوااج لي ايخليك تبكي
سلمى:اويلي (شافت فحمزة)
وجدان ضحكها فعز دموعها و شافت فيه و دواات
انا حااملة ...
بعد مرور 4 سنوات
واقفة كتعوم فيها لابسة عليها ديباردور و شورط و كلاكيط و شعرها جامعاه لفوق
وجدان:يلاه ا بنتي (لواتها فالفوطة ) اوووباااا
خرجاتها مكورة فالفوطة و حطاتها فوق النموسية
ساندية : واس ضلولي نمسي لديك لمدللسة راه مكنحملهااس
وجدان: اه ضروري راكي بنت العمراني و خصك تكوني فاعلى المراتب اولاا ؟
ساندية : وا ماامي زوڤوبا آلي اليكوول تماك كينين لي زونفوو و كيطيلو مع طيوول
وجدان(كتنشف ليها شععرها) : بحالا نتي كبيرة راك بقا صغيورة
ساندية: اووف
وجدان: هييه متقوليش اووف راه انحرق ليك داك اللسان
لبساتها تريكو فالاسود وصاية ديال الجلد فالمارو مع ليبة كتبين اللحم و سبادرية جمعات ليها شعرها على شكل كرينات
ساندية (شافتو جاي) : بااابيي (تلاحت عليه و هزها هوا التالي) توحستك
عثمان : مم شحال
ساندية:(حلات دريوعاتها صغيورين) قد هاكااا
باسها فراسها و مشا لعند وجدان باسها ففمها
عثمان: صباح الخير
ساندية ( غطات عينيها): مسفت واااالو
وجدان و عثمان بداو كيضحكو
وجدان: ايي علك ادييبة وليتي تعرفي لكلشي ههه
عثمان:فيناهوا ياسر
وجدان: راه لتحت لبستو و نزل كيفطر و بقيت واحلة مع هاد الديبة شحفاتني كون مكانوش من نفس الكرش نقول ماشي خوت و هوما تزادو فنفس الوقت
ساندية: وا كنبغي نعسس و ياسل كيفيق بكلي
عثمان: مم حيتاش كينعس بكري
ساندية:وا باغسكو كنبقا نتفلج فلوسوم
عطاتها ليه و نزلها لتحت مشات لبسات عليها حويجها سروال جلد كحل و قبية بيضة و سباذرية بيضة جمعات شعرها كودشوففال و دارت مكياج خفييف و نزلات للتحت لقاتهم مجمومعين
شافت فبنتها كيفاش جالسة على حجر باباها و كيوكلها و كتبقا تعيفر عليه و ضورات عينيها لولذها لي عكسها جالس بنخوة قولي ماشي ولد 4 سنين ههه
وجدان مشات هزاتو
وجدان:هوباا لبطلل ديالي كليتي
ياسر:اه
وجدان:شبعتي ا حبيب ماما
ياسر : اه سبعت
وجدان : (باستو فحنكو) اخليلي المربي دياليي (كدوي مع رحاب لي كرشها لفهما) شفتي ا ختي وا من نفس الكرش و واحد ميشبه لاخر
رحاب:هههه وا عادي ا صحبتي توام هكا كيكونوو
وجدان : اوا ا زين شهرك هاداا
رحاب : ااه تقلت بزااف والله
وجدان: وليد غيجي ليوم ياك
رحاب: اه عيطت لييه راه جاي
وجدان : مزيان نتجمعو ليوم
سمعات وجدان طرونسبور و خرجات معاهم لبرا ركبات ليهم شكير ديالهم و باستهم و ركبو
دخلات لقات عثمان خارج
عثمان(باسها): حبيبة هاني غادي
وجدان : مم الله اعونك متعطلش فالليل راه عارضين على سلمى و حمزة
عثمان: واخاا
دخلات وجدان و بقات مجمعة مع رحاب نزلات رحمة و بقا كيدويو على العراصة ديال العشية
وصلات الستة رجعو لگنس من المدرسة ساندية جايا كطير دوك الكرينات نزلو كل وحدة و فين هبطات راابو ههه اما سبادرية وحدة فرجل و لاخرة هازاها فايدها عكس خوها لي كيف مشا كي رجع مهدن بزاااف مشاو كيطيرو لعد جداهم
رحمة: لكميشات دالي جيتو
ياسر:اه جينا اجذة
ساندية:(كدوي مع ماماها) ماما ليوما غيجي مهدي
وجدان: ااه
سانذية:يااس
ياسر: و نتي سوقك راه دري هداك انا وياه لي غنلعبو و نتي سير لعبي بلوعابك
رحاب: هاي هاي بديتي بالحكام عليها نت دباا 😂😂😂😂😂
وجدان(عيطات للخدامة) : طلعيهم و دوشي ليهم عفاك و لبسيهم واخا
الخدامة:واخا ا ختي
رحمة: الله على راحة حياني الله تا شفت حفايدي قدامي
لبسو البراهش حويجهم و نزلو لتحت دخل عثمان سلم عليهم و على ولاذو
هز ياسر بين ايديه و بقا كيدويو بحال الصحااب هه
جات سلمى و حمزة و مهدي الصغيوور سلمو عليهم و جلسو كلاو و كيضحكووو فرحاانين و مجموعين
النهاية
حبيباتي قصة جديدة كنتمنا تعجبكم كنبغيكم ❤❤