لاتنسون المتابعه لحسابي +التصويت +التعليق بين الفقرات 🤍
#حُب محكوم بالأعدام
#بنين الزيادي
~~~~~~~~~~~~~~~~~~
ماكعدت اله ثاني يوم على صوت امي وهيه تكعدني لدوام اخ ربي ليمته اتخرج واخلص من الضيم هذا
ماما...يلله وتين يلله يمه كعدي
-اي يمه كعدت ولله لعبت نفسي من دوام ومن كلشي
ماما...هو انتِ شداومتي حتى تتعبين هنه سبوعين
-ترا سبوعين مو قليلات طاح حظي بيهن
ماما...دكومي غسلي وبدلي وبطلي هلحجي المابيه فايده
-صار حجيي مابيه فايده سهله يوم سهله
عافتني ونزلت كمت غسلت وجهي وبدلت كلعاده نفس الروتين نزلت اتريك كلت شويه لان ماشتهي اجه سايق
-هلاو كوكي شونج
كوثر...هَـلا كلبي الحمدلله انتِ شونج
-اني طايح حظي بس من كعدت الصبح
كوثر...يلله مابقه شي راح تجي العطله
باوعتله بنظره استهزاء وكتله
-انتِ تضحكين على روحج لو عليه شنو راح تجي العطله واحنا صارلنه بس سبوعين من داومنه
كوثر...كبر عود جاي اواسيهه صوجي ولله
-رحم الله والديج بس بعد لا سويهه
باوعتلي صفح وسكتت
وصلنه لجامعه ورحنه كعدنه بلنادي على مايجي وقت المحاظره الاولئ
كوثر...اكلج تينه
-كولي ڪلبـي
كوثر...من زمان ماطالعين سوه شنو رائيج نطلع العصر
-ياريت ولله بس اسئل بابا اذا وافق نطلع ليش لا
كوثر...بس لو اعرف ليش ابوج مايقبل نطلع بوحدنه
-هو من خوفه وحرصه علينه ميقبل نطلع وحدنه ولاتنسين بابا ابن عشاير
كوثر...اي صح
-كومي نروح للقاعه راح تبدي المحاظره
كوثر...اي يلله
رحنه للقاعه وجانت المحاظره لدكتور احمد
دخل للقاعه
وكال...السلام عليكم
ردينه...وعليكم السلام
خلص المحاظره كلهه عينه مني حتى طلاب انتبهو واني ضجت
ندستني كوثر
كوثر...اويلي على نظرات يابه
-كوثر مُمڪن سكتين ترا صدك ضجت باعي الطلاب شون نتبهوا راح اصير حديثهم هلسبوع
كوثر...وخلينتبهون عيني انتِ بس انتبهي لنظرات الدكتور ومعليج بلباقي وغمزتلي
-كوثررر وبعدينن
كوثر...سكتنه يابه سكتنه
رحنه كعدنه بلنادي وكوثر سطرت راسيي بس بدكتور احمد
-كوثر انتِ منتبهه لنفسج كل ماشفتيلج واحد باوعلي تلزكين بسالفه ترا دضوجيني ولله
كوثر...حظي لهسه يلله دريتي اني اموت على الحلوين وانتِ يباوعولج بس المصكصكين فلازم الزك بسالفه
-ها يعني تعترفين انتِ تموتين على حلوين
كوثر...مو بس اعترف اصلن هاي شهادة اعتز بيهه
رَبي شون بهلبنيه اني
اجه وقت المحاظره الثانيه جانت المحاظره لدكتور سالم رجال جبير وكلهه تحبه لان يساعدنه
وهيج خلصنه باقي المحاظرات لحد مااجه وقت المحاظره الاخيره الي هيه لدكتور قحطان المغرور وشايل خشمه عليمن ماادري
بدت المحاظره ودخل
دكتور قحطان... السلام عليكم
ردينه...وعليكم السلام
سئل سؤال رفعوا ايدهم كم طالب اني هم رفعت ايدي
باوعلي فرحت عبالي حيكومني تجاهلني وكوم الطالب الوراي وجيتت وانطفيت من الحركه
ورجع سئل سؤال ثاني اعرف جوابه بس ماكمت هيج عناد بيه ما كومني من رفعت ايدي بعد ليش ارفع ايدي مره ثانيه وافشل نفسي
كال...وتين يلله كومي جاوبيني مو بس صافنه
اني ليمته صفنت
كمت جاوبته حسيته نصدم عباله مااعرف الجواب ويفشلني هه
كال...المحاظره الجايه اكوم واحد من عدكم يشرحلي لهيج اضبطو الماده
كلناله...اي دكتور
خلصت المحاظره وطلعنه نمشي اني وكوثر لخارج الجامعه
-هذا شبي الدكتور يوم بعد يوم جاي يكرهني بيه
كوثر...اسكتي يمعوده معليج بيه
-ترا ولله حيل يغثث
سمعت صوته ورايه يكول
دكتور قحطان...منو هذا اليغث استاذه وتين
حسيت الدم جمد بعروگي درت وجهي اله يمه اجيت اوكع من طولي من الفشله عزا شكد عيب
جاوبته
-شسمه مو وياك دكتور
دكتور قحطان...امم مو وياي الله كريم بيناتنه درجات
كال هيج وراح درت وجهي على كوثر
-ولج شيقصد يعني راح يرسبني عزا بعينيي اخ منك يلسانيي وج شلون بيه
كوثر... تستاهلين منو كلج تحجين عليه اكليهه مدبسه
-صخام صخمج وتين
رجعنه بسياره واني افكر بكلامه وافرك بصابعي من التوتر معقوله ينفذ كلامه ويرسبني وهاي العوبه كوثر ولاجنهه ولاتهدي بيه تكلي تستاهلين
وصلت للبيت ودعت كوثر ودخلت للبيت
لكيت البيت هدوء اكيد متغدين ونايمين
صعدت لفوك بدلت ملابسي ورحت كعدت ولاعندي خلك اكل ولا بيه حيل اصلاً رحت لجربايتي انام احسن لي من تفكير خليت راسي وبعد تفكير طويل نمت
فزيت من النوم شبعانه نوم رفعت الموبايل اشوف الساعه بـ 6:15 دقيقه خرب هاي شكد نايمه اربع ساعات تقريبا لميت شعري
ونزلت لكيت بابا وماما ورنين كاعدين بصاله
-هلوو
ردو...هلوات
بابا...تعالي حبيبة ابوج كعدي يمي
رحت كعدت يمي بابا وخليت راسي على متنه
ماما...شبيج تينه حَـبيبتـʊ̤ شو ضايجه
ـ لا ماما مابيھہ شي
ماما...اكيد
ـ اي ماما اكيد
رنين... وتين اتصلت بيه كوثر تكول اتصل بوتين ماكو مترد واحنا تواعدنه نطلع العصر
-خرب هـسهہ ذكرت كالتلي نطلع العصر،اي وشكتيلهه
رنين...كتلهه نايمه اكعدهه الج كالت لا عوفيهه براحته
-هسه تزعل هاي العوبه
كمت اريد اصعد اتصل بيه بس صاحني بابا
بابا...تعالي بابا تعالي شنو طلعات شنو متواعدات واني مادري من ليمته هلحجي
-ها بابا مو هيه الصبح كلتلي نطلع العصر لان من زمان مطالعين سوه كتلهه اسئل بابا اذا قبل ونطلع
بابا... ها هيج عبالي مواعدته بدون متكوليلي خبر
-لا اكيد بابا انتَ تعرفني كلش زين اني ماخذ قرار بدون ماارجعلك واسئلك
بابا... اكيد حَـبيبتـʊ̤ خلص روحي خابري صديقتج
صعدت فوك واتصلت على هاي الخبله ماردت اتصلت مره ثانيه هم ماردت راسلتهه
-🗯️هيو ولج ردي لا اجي البيتكم اسحلج من كفشتج
شافته
رجعت اتصلت بيه ردت
-ها ولج ونبي جنت نايمه لا تزعلين حيوانه
متجاوب ساكته
-ولج هيوو لتبيعين ثكل براسي ردي وصير خوش بنيه
كوثر...خير شتردين
-ادبسزز انجبي احبج لاتزعلين
كوثر...اوكي وبعدين شتردين
-اكول شرايج بهديه حلوه تلوك لوجهج الحلو ويروح الزعل
كوثر...اذا بيهه هديه انعل ابو زعل لابو اليزعل بس شنو الهديه مثل هايفون
-خايبه دنجبيي تريد هايفون ام الوصخ هو اني ماعندي هايفون تردين اجيبلج
كوثر...ها هيج صارت لعد حضل زعلانه
-وزعلاتهم يلله باي ابقي زعلانه وحتى الهديه انسيهه
كوثر...تعالي يمعوده هو اكو واحد يكدر يزعل منج بس ليمته الهديه توصلني
-مصلحجيه مو بيدج
كوثر...حَياتـِي روحي استأذني من ابوج حتى نطلع باجر والهديه اني اختاره تمـام يلله باي
-تمام باي
نزلت استأذنت من بابا علمود الطلعه بعد نصايح وتوصيات طويلههههه يلله قبل
رحت للمطبخ
-ها يوم تحبين اساعدج بشي
ماما...لاحبيبتي مو تجين تسوين الزلاطه علمود تشردين من غسل المواعين روحي اكعدي بصاله والمواعين عليج
-خرب يمه هاي شكد مركزه على سوالفي وحافظتهن
ماما...حفظتهن سوالفج كد ما مشيتهن براسي
رحت كعدت بلصاله لان للأسف نكشفت خطتي للهروب من المواعين
بعدين تعشينه وغسلت المواعين وصعدت فوك كعدت ادرس كملت دراسه ورحت طلعت ماسكاتي وكعدت اعتني بوجهي مااعكر مزاجي واضوج علمود حظرة الدكتور خلصت ورحت اسبح كملت وطلعتي مسلسل وحبشكلات وكعدت اتابع
ووينن يلله حسيت امي تكعدني لدوام
كعدت رحت غسلت وجهي واجيت فتحت الكنتور طلعتلي بينصل ضيك اسود وستره كوباي قصيره وحذاء ابيض وشال ابيض واسود وجنطه لون ابيض ومكياج كثرت هلمره
بدلت ونزلت تريكت واجه السايق صعدت
-صباحو
كوثر...ياصباح الجمال
-عمري
كوثر...ولج شطالعه تشكين المطي من الجمال
-يعني شلون لازم تجفصين
كوثر...شبيج خاني تعبير
-بعد لاتعبرين مُمڪن
كوثر...عوفي هلسوالف وسولفيلي بدكتور احمد الراح يدوخ بهل جمال
-كوثر اذا ماتسكتين ونبي بعد ماحجي وياج
كوثر...سكتنه عمي سكتنه
وصلنه لجامعه وذكرت اني نسيت استنسخ محاظرة البارحه
-كوثر اني راح استنسخ المحاظرة و انتِ اسبقيني للقاعه
كوثر...تمـام
راحت كوثر واني رحت استنسخ مدنگه ادور موبايلي بلجنطه ماحسيت اله ندعمت بحايط رفعت راسي واشوفه دكتور قحطان واوراقه طشرن بلكاع
-اسفه دكتور مو بقصدي جنت مامنتبهه
دنكت الم بلاوراق
ماحسيت اله صوته فززني وهو يكول
دكتور قحطان... وين بويه وين دنكتي مو الامم المتحده كلهه بينت كومي وبعد لا دنكين
حسيتت خدودي وجن نارر من الخجل
-شسمه اي دكتور اني اسفه
دكتور قحطان...ماصار شي بس بعد انتبهي ولادنكين كدام احد واذا عندج اعرض من هاي الملابس لبسيهم
-خزرته شبيهم ملابسي
دكتور قحطان...لا ابد كلشي مبيهن بس مفصلات جسمج تفصل
-وانتَ ليش مركز بجسمي مو عيببب
دكتور قحطان... العيب عليج مو عليه من انتِ بارزه جسمج حتى شباب تباوعلج وبعدين اهلج ماشافوج من طلعتي
مادري شصار بيهه بس حسيت دمي كام يجويني من العصبيه والخجل ثنينهن سوه
-اول شي انتَ معليك بيه ثاني شي ما بارزه جسمي حتى واحد يباوعلي وثالثاً اهلي شافوني وقابلين على لبسي ورابعاً واخيراً كلمن يرئ الناس بعين طبعه
وعفته ومشيت حتى ماستنسخت
راحت عليه اول محاظره من وراه
رحت كعدت بلنادي لحد مااجتني كوثر
كوثر... ولج وين رحتي ضل بالي يمج وليش مدخلتي للمحاظره
-ولج لو تدرين شصار
كوثر...شكو ولج شصار
حجيتلهه الصار وكملت شو هاي طكتهه بضحكه
-هيوو شبيج تضحكين مضحكه كدامج
كوثر...يمه متتتت ولج شنو تكليله كلمن يرى الناس بعين طبعه ليش ششفتي لابس ضيك وبارز جسمه للشباب يمهه متتتتت
-صفنت عزااا يعني اني جفصتت موو لا يربيي شبيه مااعرف احجيلي كلمتين عدلات بدون تجفص
كوثر... ههههههههههه بعد لاتحجين رجاءً
ضجت خرب شنو هاي
ضليت طول اليوم ضايجه والحمدلله اليوم ماعدنه محاظره اله
ثاني محاظره جانت لدكتور احمد طبعا كلعاده خلص المحاظره يباوعلي ماكو شخص مانتبهه ضجتت حيلل
هيج خلص الدوام ورجعت للبيت
تغديت وبقيت كاعده ويه اهلي راسلتني كوثر تذكرني بطلعه خاف انسى وانام مثل البارحه
نطلع ب4:00 وهسه 3:30 اي هم يلله على ماكمل تبديل صعدت بدلت ونزل انتظرهه تجيني هيه واخوها يوصلنه
واخيراً سمعت صوت هورن السياره صعدت
-السلام عليكم
ردو السلام و وصلنه اخوها لمول المنصور
رحنه نفتر ونتونس
كوثر ...اكلج وتين اني تعبت من الفره وجعت
-اي حتى اني تعالي نكعد
رحنه كعدنه بلمطعم
رفعت راسي واشوف دكتور قحطان ووياه احد كاعدين مقابيلنه
-عزااا
كوثر...شكو ولج
-ولج دكتور قحطان ووياه واحد كاعدين مقابيلنه
دارت وجهه كوثر باوعتلهم
كوثر...عزااا ولج شفتي الجمال الكاعد يمه
-ثول باع هاي راحت تباوع للولد واني افكر شجاب دكتور قحطان هنا
كوثر...ولج يخبل وبعدين شنو شجابه كاعد ببيت ابوج غير هو مول
-كوثر انجبي وكومي نروح
كوثر...لاولله مارحنه نكعد ونباوع لابداع الرحمان
-لا كوثر كومي نروح عفيه لاينتبه النه
كوثر... انجبي واكعدي واذا انتبهه
خرب كعدت وسكتت اباوع لجهتهم مشغول يحجي ويه الكاعد يمه فجاءه رفع راسه لجهتي وانتبه رفع حاجبه وابتسم تك خد
-عزاااا انتبهلنه ولج
كوثر...اي عادي
باوعتله شو هذا كام وتقدم ناحيتنه
اجه يمنه وكال......
يتبع...🍂
~~~~~~~~~~~~~~~~~~~~~~
القفله مو قويه مو🌚♥️
توقعاتكم للبارت الجاي؟.
الى اللقاء في البارت المُقبل ...احبكم
#حُب محكوم بالأعدام
#بنين الزيادي