Tumawag sa 'kin si Zaliah at sinabihan ako na hinahanap ako ni Engineer Marquez. Hindi ko pala sakaniya nasabi na mawawala muna ako ng dalawang linggo kaya tinext ko na lang siya.
Bumaba na din ako agad at nakita si Shiro na nakatulog na sa sofa, si Shertia ay pinaglalaruan ang matangos na ilong ng kuya niya, ako naman ay tumulong na sa kusina na magluto.
"Girlfriend po kayo ni Sir Shiro, ma'am?" tanong saakin ng isang kasambahay habang naghihiwa ako ng rekado.
I chuckled, "Hindi po, hindi ko po siya boyfriend."
Tumango na lang siya at hinugasan ang mga nahiwa kong rekado, nilutuan ko na din ng pritong manok si Shertia para kapag ayaw niya ng ulam ay may makakain siya agad.
Habang kumakain ay may tumawag saakin, kukunin ko na sana 'yon nang bigla akong pangunahan ni Shiro, sinagot pa niya iyon.
"Who's this? My wife is busy, what do you need?" tanong niya sa kabilang linya. Amputa. Si MJ pa naman 'yung tumatawag!
Pinatay na agad niya 'yon at padabog na nilapag sa lamesa. Inirapan ko siya bago kinuha ang cellphone ko at tinext si MJ.
Ezryn Trishia:
i'm not his wife so keep your mouth shut, myles
I called him Myles. Ayaw na ayaw niyang tinatawag non, e.
MJ Ocampo:
ok, Mrs. Salazar
Umirap ako sa hangin at nagpatuloy na lang sa pagkain. Epal talaga ng mokong na 'yun, misis amputa, ni wala nga akong balak maging girlfriend ni Shiro tapos... misis pa? Manigas siya.
Kahit kailan hindi ko jojowain si Shiro. Never in my life. Baka araw-arawin niya ko, charot. Ah basta, ayoko.
Hindi niya ako pinapansin kahit na kinakausap ko naman s'ya, para kaming mga tanga dito sa harap ni Shertia, magkatabi pero hindi pinapansin ang isa't isa. Wala naman akong kasalanan sakaniya, ah, ang arte naman ng lalaking 'to.
"Womanizer." pabulong na pang aasar ko. Totoo naman, e. Womanizer ang lalaking 'to, isa din 'yon sa rason bakit ayaw kong maging girlfriend niya.
Sumama ang tingin niya sa 'kin at agad ding tinanggal. Ako naman ay natatawang inirapan siya, mukha kasi siyang tanga, takot sa pusa pero babaero naman, tapos manghahalik ng babae kahit hindi naman niya girlfriend.
Tumayo ako at tinabihan na lang si Shertia, ngumiti pa ito saakin, si Shiro ay nahuhuli kong tumitingin tingin sa 'kin kaya binato ko na siya ng unan.
"What the hell is your problem?!" he yelled, I raised my middle finger on him and rolled my eyes.
Kapag sumisigaw si Shiro, natatakot si Shertia, siguro dahil ganon niya nakilala ang kuya niya. Lahat ata ay natatakot sa pesteng mokong na 'to, e. Pero ako? Tsk, hindi and never.
"Ezryn, let's talk!" turan niya saka lumabas ng bahay, nagpa-alam na din ako kay Shertia saka na siya sinundan.
"Oh? 'Di ka namamansin tapos bigla kan-"
"Stop playing with my feelings, Ezryn." wika niya, hindi pa ito nakatingin sa 'kin. Natawa na lang ako ng sarkastikto saka siya hinarap ng pwersa saakin.
"What the heck are you saying?" tanong ko, nabi-bwisit na ko sakaniya, ano bang sinasabi niya na itigil ko ang paglalaro sa nararamdaman niya? Eh hindi ko siya pinaglalaruan. Gago lang?
"Ano bang pinagsasasabi mo, Shiro? Anong sinasabi mong tigilan ko na ang paglalaro sa nararamdaman mo? Gagi, hindi ko nagegets promise," napahilamos ako sa mukha ko, "Tanong ko lang, may gusto ka ba talaga sa 'kin, Shiro?"
"Isn't it obvious, Ezryn? I already gave you a sign, I kissed you, I told you that I love you, I told you that I want you, what sign do you want me to give just for you to know that I like you, huh?"
"G-gusto mo talaga ako?" utal na tanong ko, ano ba, Ezryn, tumigil ka na, narinig mo na 'yung tao, e.
"How many times do I have to tell you that I like you?" sumeryoso ang mukha niya, shuta, ang pogi, sobra!
"Bakit ako? Bakit ako 'yung nagustuhan mo?"
"Fuck, do I really need to answer it?" tanong niya kaya tumango ako.
"I like not because you're pretty, but because of your personality, you always making me happy, that no one else can, you always making me smile and laugh, you can what others can't. You're the one who can understand me, by my mood swings."
"Sige, manligaw ka, pero..." pinutol ko ang sasabihin ko, hehe, advance sorry Shiro.
"Humawak ka muna ng pusa." I smiled.
Agad naman itong napapikit ng mariin saka napahawak sa sintido. Charot charot lang naman, e.
"Joke lang, 'to naman! Sige lang, bahala ka sa gagawin mo!" I laughed.
Pumasok na din kami agad sa loob dahil baka hinahanap na kami ni Shertia, drama drama pa niya, gusto lang pala niya ko, tsk, kalma, Sir. Ako lang 'to, charot!
Nang malapit nang mag-lunch ay kumain na lang kaming tatlo sa labas, maganda 'tong restaurant na 'to dahil may pool. Nangungulit nga si Shertia na mag-swimming e kahit na may pool sila sa bakod ng bahay.
"Let's get out of here." seryosong turan ni Shiro nang mas lalong lumala ang pangungulit ni Shertia.
"Shertia, 'di ba may pool kayo doon? Doon ka na lang mag swim, samahan ka ni ate, hmm?" wika ko naman kay Shertia, agad naman itong ngumiti at sumama na kay Shiro papunta sa sasakyan.
"Oh, saan tayo nyan?" tanong ko habang nag-da-drive siya.
Hindi siya sumagot at nagpatuloy na lang sa pagdadrive, si Shertia naman ay nakaupo lang sa legs ko at nakasandal sa dibdib ko. Hinaplos ko lang ang ulo nito hanggang sa makatulog na.
"Relax, ah." tumawa si Shiro.
Natatawa akong umiling hanggang sa napagdesisyunan na naming umuwi na lang, kumain naman na kami ng lugaw doon pati si Shertia. Pakakainin na lang namin siya ulit sa bahay.
"Ate, let's go swim na!" hinila agad ni Shertia ang kamay ko, sumama na din ako sakaniya.
Dahan dahan itong bumaba kaya umalalay ako sakaniya. Nang mailubog ko ang buong katawan ko sa pool ay naging visible na 'yung bra and underwear 'ko.
Nakaka-uncomfy naman.
"Can you swim?" she asked as she wiped her face.
"Oo naman."
Lulubog na sana ako nang biglang dumating si Shiro at umupo, nakatingin ito saakin pero agad ding umiwas nang mahuli ko.
"Kuya! Join us!" sigaw ni Shertia sa kuya niya. Hindi ito sumagot at tumingin na lang uli sa gawi namin.
Umahon na din kami agad dahil madaling mapagod si Shertia, taba kasi, e. Joke, cute ni Shertia kahit na mataba siya. Bata pa naman siya, e. Ako bahala sakaniya kapag teenager na siya.
Kung magkaibigan pa kami ni Shiro.
"Ezryn, cover your body with this towel, now."
Tatakpan ko naman talaga, pinangunahan lang talaga ako ng mokong na 'to. Nang makapag bihis ay tumulong na lang ulit ako sa kusina. Wala naman akong magagawa dito, e. Habang pinapanood kong magluto si Ate Alma ay tingin ito ng tingin saakin.
"May kailangan po kayo?" tanong ko.
Or may problema? Uncomfy ba sila na nandito ako sa kusina? Eh? Wala akong magawa dun sa sala, nanonood 'yung magkapatid, e.
"Wala po." magalang na sagot nito. Ako ang uncomfy, mas matanda siya sa 'kin pero naglalagay pa din siya sa sagot niya ng po.
Umalis na din ako agad doon dahil bigla akong pinuntahan ni Shertia, tinuro niya saakin si Shiro na nakahiga na sa sofa at nakatulog na.
Tinapik ko ang pisngi niya para gisingin siya dahil may naghahanap sakaniya, he stood up and went outside the house. Umakyat na din kami ni Shertia dahil gusto niyang matulog, sasamahan ko lang dapat siya pero nakaidlip na din ako.
"Hey, wake up." inaalog ni Shiro ang braso ko, may binigay pa itong papel na nakatupi saakin.
Shiro,
Pakisabi kay Ezryn na umuwi muna ako ng probinsya, nais ko lang ulit makahagap ng hanging probinsya.
Ikaw na bahala sa pamangkin ko, anak ko pala, libre kayong dalawa na pumasyal sa probinsya kapag may oras kayo, ipaglalaan ko kayo ng isang kwarto.
'Yung mga pinadala mo palang mga tao na magbabantay saakin, pinauwi ko na, salamat roon, Shiro.
Kampante akong kasama ka ni Ezryn ngayon, dahil alam kong kaya mo siyang protektahan, pakisabi na din sakaniya na 'wag nang mag-alala saakin dahil hindi 'ko naman siya iiwan.
Salamat.
Tita Angelie
"Since when?" tanong ko sakaniya, kelan pa niya 'to natanggap? Bakit ngayon lang niya binigay sa 'kin?
"Now."
"Shiro.. matagal pa ba 'yung parents mo? Matagal pa ba bago sila makauwi? Kailangan kong makita si Tit-"
"Ezryn, you don't need, you want." he cut me off. Oh edi siya na matalino basta gusto kong makita si Tita, bumyahe siya ng mag-isa.
"Ihatid mo na ako sa probinsya, Shiro, please." I plead. Hinawakan ko pa ang dalawang kamay nito. "Please, gagawin ko lahat ng gusto mo, ihatid mo lang ako sa probinsya, gusto kong makita si Tita, please, Shiro."
"Wala kang kailangang gawin, magbihis ka," utos nito saakin, umikot pa siya sa kabilang side ng kama para gisingin si Shertia.
Habang nasa sasakyan kami ay tingin ako ng tingin sakaniya, oo alam ko nagpahatid ako sakaniya pero bakit niya tinanggihan ang sinabi kong gagawin 'ko ang lahat basta ihatid lang niya ako? Bakit niya ginagawa 'to? Dahil ba may gusto siya saakin, kaya niya 'to ginagawa? Oh sadyang ganito lang talaga siya? Sabagay, hindi ko pa ganoon kakilala ang buong pagkatao niya, kinikilala pa lang namin ang isa't isa.
The CEO's Weakness