الثأر السادس
ثارهم وبنت الفقير
بقلمي ترانيم هادي ♥️
مساء الخير حلويني تصويتاتكم عالقصه وعلقو ونطوني رأيكم وتوقعاتكم ،ومتابعه للحساب
مشاهده ممتعه ...
سيرين...
ظلام وهدوء قاتكم ,لكل شي اله عجائب والظلام والهدوء اله عجائب أيضاً
عاينت عالساعه جانت ب٣:٤٥صافنه بالظلام
وكلها نايمه وماحس غير الباب يندفع بكل قوته
ويدخلو علينه الاضويه متوجهه علينه والسلاح مركز فوك روسنا
امي كامت بسرعه لبست شيلتها وعاطت وجهو السلاح عليها وأشرولها تسكت طفو الاضويه وخلوو السلاح بضهرهم
سيرين... يمممهه
عمتي كامت سحبتني اني واختي وامي خلتنا وراها تحامينى موقف مرعب كلش ولابيوم تخيلته
_جيب البقيههه كبل لايطر علينه النهار
_خرب بالك*** ولكممم نسوان وجايين عليهم خرب بالمن**** فضهاا لا اكفر بيكم
نهايه... ربي ستررك وين ولدي
اندفع الباب بكل قوته واجو لازمين مُراد شادين حلكه هوه ومرتضى واتبعهم بدر شايليه والدم يتناثر من راسه دفعهم مُراد وتلاوه وياهم يريد يهد عليهم واجته ضربه بطرف السلاح خلت الدم يسيح منه
طلعت صرخه مكتومه من حنجرتي وعطت... مُراد
وخرت ايد عمتي وركضت على اخوي .... الله لاينطيكممم منووو انتوووو
مُراد حبيبي اااكعد سوده عليه
_اشششش ماهيس حسكم وحك علي الاسمع صوته احطن جيله براسه ودفنه بمجانه
سيرين... لك سفاااح وهم بيك خير وتحلففف هيه هاااي رجولتكم جاايين مثل الحراميه علينه
وماحسيت غير اندار وجهي بكف ومراد كام يريد يهد عليهم لزمته بكل قوتي خاف يأذوه
مُراد... ولك خاااايسس لاتمد ايدك عليها عوفووهن وتحاجووو وي زلمم لوكدرتكم عالنسوان
_هههههههه والله وعرف چابر يربي عجبتني
عاينت على عمتي وكعت من طولها وامي حارت بيها ساعه تعيط وساعه تتوسل بيهم يعوفوناا
جانو اربع ازلام بس واحد بيهم لازم سلاح والثام على وجوهم ضخامتهم كافيه حتى تخلي الرعب يدب بينا
اجى واحد منهم سحبني من شعري وكومني مرتضى ومراد ضلوو يعيطون عليهم حتى يهدني
وهمه ستلمو اخواني كلواحد ضربه
سيرين... عووفهههم الله لااااينطيك شسوينااالكم ياااااابهه وينك بدر اكعد
دفعني حيل على وجهي نجبيت عالكاع راح طلع شوي ورجع
دفع الباب بقوه ودخل نتبهت عليه جان مامخلي لثام على وجهى لابس بنطرون اسود وبدي اسود وعضلاته بارزه كلش بحيث عاينت عليه ضخامته تخوف
عاين عليه وخزرني مانسى بعمري النظره الشفتها منه الي مليانه غضب وانتقام والكراهيه مستوليه على معالم وجهه
كمت تخطيته وهوه واكف بمكانه رحت لاخواني وحضنتهم
سيرين... كعدت يمهم وحرت شسوي بدر فاقد ومايكعد ومراد وعصبيته خايفه يأذوه
كام مُراد على حيله سحب الشال على الميز ولبسني ياه
مُراد... خييتي لاتخاافين عبن هذول لو زلام ماجان تكاوو على النسوان والاسلحه بيدهم
عاط هذا الاجى بعلو صوته حتى يطلعون كلهم بقى هوه واحد منهم
سيرين... منو انتو وشرايدين منا
عمتي... يمههه وحيدي شماله ولكم يالماتخافون الله شسويتوله
ضرار... لاتخافين مابيه شي عبن نريده يتكوى اشو هذا من اول طكه نام بمجانه
نهايه... الله لااينطيكمم اطلعوو
ضرار... اشششش اخلص شغلي واروحن بس خلنا نتصافى بالاول
عاينت على امي وكعت من طولها ركضلها مرتضى وليال ناطه من البجي وعمتي كلساع تفقد وتحير شسوي موقف كلش صعب
مُراد بخزره... اطلع برا واحجي وياايه ولاتبصبص عالحريم
ضرار... ههههههههه نضرتك كويه بس ماتفيد هسه
سحب الكرسي وكعد عليه حجى الي وياه وهوه ينافخ
بسول... وتالي اكفر بالساعه الجيت بيها وياك
ضرار... اصبرر اطيني مبايلك
اطاه مبايله واجى عليه سحبني وهذا لزم مراد
قبض على ايدي بكل قوته ايدي حسيتها نكسرت اريده يوخر ،كلما ازيح بأيده يقوي بقبضته
شغل مبايله واتصل على شخص سلم عليه بالاول بعدها كال
ضرار... يله اطيه المبايل بسرعه
سكت شوي وحجى
ضرار... هلاا بالربع انشالله مداريك زين
عاينت بصدمه بحلم لوحقيقه اجى صوت ابوي وهوه يحجي والتعب باين ببحه صوته
سحبت المبايل منه ووخرت ايده
سيرين... يااابههه
شهك بصوته وحجى جابر... اعذريني بويه عبنن ماكدرت احميج
سيرين... بااابا وين انته وشلوونك وينك عنا كل هالمده ،شهكت وحجيت بنحيب تعال وشوف حالنه
احجي وينك ... ماسمعت غير بس صوت البجي
يابهه فدوه اروحلك سمعني حسك ولاتبجي وين انـتـهـه وشوكت تجينه
انسحب المبايل مني ودفعني على امي لزمتني وبس دموعها تجري كل جسمها يختض من الخوف ولسانها يلهث بأيات
( اللهمّ يا مسهّل الشّديد، ويا مليّن الحديد، ويا منجز الوعيد، ويا من هو كلّ يومٍ في أمرٍ جديد، أخرجني من حلق الضّيق الى أوسع الطّريق، بك أدفع ما لا أطيق، ولا حول ولا قوّة إلّا بالله العليّ العظيم، ربّ لا تحجب دعوتي، ولا تردّ مسألتي، ولا تدعني بحسرتي، ولا تكلني إلى حولي وقوّتي، وارحم عجزي فقد ضاق صدري )
صرت اردد وياها ولساني احسه بلكوا ينطق
رجع كعد عالكرسي واتكئ عليه على الصوت مال مبايل وقربه علينه
ضرار بخبث... والله وماكو احسن من ضيافتهم عاين عليه وضيق عيونه ورجع حجى، و ريحانتك
جابر ... عوفهم وعاكبني عبن لاتحاسبهم على اغلاطي
ضرار... اي اعوفنهم بس هسه كدامك خيارين
جابر... اسوي كلشي تريده
ضرار... اخذها بالحلال لو بالحرام
جابر... شنهي ؟
ضرار... ريحانتك
ابوي ماجاوبه وبس صوته يشهك ويبجي
جابر ببجي ... لاتكسرني بيها
عطت باعلى صوتي ودموعي تجري
سيرين... ياااابهه وحك الخلقك وسواك ماكو غيره هوه الراح ينكسر امسح دموعك وارفع راسك انه ترباتك وطالعه من ظهرك اضلن رافعه راسي بيك وتضل وكسرتك من كسرتي
شهكت بدموعي وكعدت بالكاع ابجي واعيط وابوي بس الصوت مال بجي ينسمع مانطق بكلمه
ضرار... حسابج بعدين يالعرمه حجى بالمبايل وكال هايهيه وصل جوابك
عاين لصديقه ماعرف شأشرله وهذاك هز راسه راح على مُراد ضربه من يم رقبته وفقد الوعي
عطت عليه وركضت وخرته خليت راسه بحضني اتفحصه .... مرااااد اااكعد شسويتله حقير
اجت امي تطلم وتبجي... رببببي جاااي شوووف
اجى سحبني من ايدي وبعدته تقرب عليه ولزمني من فكي عاين عليه وعيونه ناطات من مكانهن
ضرار... اي حركه واي حس منج يرحون بيها كلهم استجني احسلج
عافني وراح جاب العبايه مدري منين لكاها شمرها عليه
ضرار بنتر... لبسيها
سيرين... وين ماااخذني ماااروح وياك
ابتسم ابتسامه خفيفه وبحركه سريعه طلع المسدس من ظهره
ضرار... انتي لوهمه اختاري ؟
سيرين ببجي... ماسوينالك شي ليش هيجج الله يخليك عوفهم ولاتأذيهم
سحب المسدس ورجع وجهى عليهم امي ضلت دك وتلطم وعمتي فاقده لابيها تحجي ولاتكوم
ضرار... احسب للثلاثه والعباس اطكن هالجيلات ومايرفلي جفن
واحد
سيرين... مااادخلهم بثااااركم
ضرار... ثنين
سيرين... لطمت على وجهي وعطت،يااااابهه وينننك
حرك المسدس باتجاهم وابتسامه مرسومه على ثغره وجن جاي يتفنن بتعذيبنا
كمت بسرعه وخرت المسدس وعاينت بعيونه
سيرين... ااروحح بس عووفهم
كعدت بالكاع ابجي وانحب اريد احد يخلصنا من الاحنى بيه
اجى الوياه وكف بصفه وينافخ من العصبيه تقرب يمي ودنك
عاينت عليه استنجي بيه بلكي يساعدنا
سيرين بتوسل... ماسوينالكم شي لاتاذونا وروحو
بسول... خيتي مسحي دموعج وكومي
هوه كالي هيج واني زدت بشهكتي
ضرار بعياط... كوم منهااا
على صوته دخلو الجانو وياه
بسول... عبن كل تصرفاتك غلط وانه الك*** مشيت وراك لو اختك بمجانها شسوي
ضرار... لاتدخللل واااطلع
عافهم وطلع برى كام سحبني من ايدي وكومني اجت امي توخر بيه وتتوسله حتى يعوفني
نهايه... لاتأذيها مالها دخل بالصار
سيرين ببجي... يوم لاتخلي ياخذني الله يخليج ماريد اروح وياه
عمتي كامت بلكوا وتجر بنفسها
عمتي... ضرار البت شدخلها ولك يالطاغي جيت على هالفقيره يبو خشم اليابس
عاينت عليهم ورجعت حجت... ها يالبعران وجايين تتكاونون على هالبت خايبين والله لوجدكم يدري الله يطيح حظكم
حيدري... عجوز البين بس اهفي عليج توكعين ارجعي بمجانج
عمتي...ها يالاغم كبرت وكبرت ذيالك وياك
ضرار... امشووو وبله اكلان خ***
سحبتني امي من ايدي وضغطت على ايده
نهايه... عوف بنيتي وين رايح بيها
وجه نضره عليها وحجى ... موبتج
نهايه... بتي وكطعه من رويحتي انه ربيتها وتعبت عليها وجاي بكل بساطه تسوحل بيها وتريد تاخذها
ضرار... بعدكم ماشفتو شي واحد واحد راح يتحطم من ال جابر
نهايه بعياط... ماكو غيرك راح يتحطم منورى الحقد والكراهيه البروحك وحك علي من بعد ماتخطي خطوه هالباب وي بتي ادعي الله يغضب عليك ليوم الدين وهاي دعوه ام محروك كلبها ببزرتها
ضرار بسخريه... انه وربي نتحاسب بعدين
اجى مرتضى دفعه وهوه صغير مايكدرله
مرتضى... عوف سيرينه وين ماداخذها
دفعه ووكع على ضهره ونضرب بالميز
دفعت ايده ورحت كومته ... حبيبي لاتخاف عليه دير بالك على امي واخوتك وامسح دموعك الرجال عيب يبجي
وشهكت بدموعي اجت امي حضنتني من راسي وتبجي بصوت عالي ولازالت تتوسل بيه يعوفني
حضنتها بست راسها وايديها ... يوم لاتبجين ولاتخافين عليه ديربالج على ابوي من يرجع وكليله سيرينتك بوجودك تضل قويه ومايهزها شي
اجى كومني منها وشمر العبايه لبستها شلون ماكان وهوه يسوحل بيه
وصوت امي وعمتي والبجي مال اخواني يرن بأذني اخذني يجر بيه ،النهار جان ستوه طالع والعالم كلمن واكف بابه ويتفرجون محد حرك ساكن واجى يساعدنا
طلعت امي بدشداشتها تعيط وتبجي تتوسل بالناس يساعدونا
ولاواحد منهم حرك نفسه وخطه خطوه ، صعدني بسياره واعاين على امي وكعت وتلطم
راح واحد منهم كومها وحجى وياها
بسول... كوومي ولاتخافين عليها
نهايه... وين ماخذها وهيه بت شراح يسويلها
كام منها بدون مايجاوبها واجى صعد بمكان السايق ضرب ستيرن السياره وهوه يغلط ويكفر
اجى الثاني صعد بالصدر وبس يعيط ويتوعد مدري المن
ضرار بعياط... شمالك صفنت ماااتمشي
سيرين... وييييين رايحين
اندار عليه وخزرني ... صوتج لااحطن الجيله براسج
مشت السياره نحو المجهول بكلب مكسور وروح ذليله عياط امي وبجي اخواني وصوت البجي مال ابوي
وحبي الربيت وياه وحضن امي وحنان ابويه وسند اخواني كل ضحكه وكل دمعه ، كلهذا حفرته بكلبي اخذني منهم
وفجأه اسرني عنده على سبب ماقترفته ولالي ذنب بيه
عاقبني على شي ماسويته ولاجنت عارفه بيه
حسيت بحزن يعصر بكلبي شي محيرني وقالقني
بتعدت السياره عنهم خطوات بس حسيت بفراغ جبير بكلبي مكان راح ينهجر لايام وشهور
هالاحساس بدى يتسرب لاعماق كلبي احساس بالخوف والحزن
حزن لفراك اهلي وخوفي من اكون اسيره بين ايدين هالظلام
همس بتعب ونحيب... الله عليكم لاتنسوني وخلصوني منهم ماطيق اعيشن بدونكم وهسه اخذوني منكم
مشت السياره وامي تركض ورى السياره وتعطيط وتلاحكها مرتضى وعمتي
بجيت على حالي وحالهم مابيدي حيله غير امشي وياه نحو المجهول
عبرنا الفرع وكلشي اختفى من نضري ودعتهم وبس دموعي جانت تشرح حالي وهذا كلساع يعيط عليه ويريد يضربني بس صديقه مانعه
الشمس طلعت وحرورتها بدت تخترق كل انش بيه وتحرك بروحي ... مشينا مده طويله وسيارتين ورانا
وكفنى بمكان مابي احد وقليل سيارات تمر بيه
وكفو سياراتهم وبس التراب يتطاير نزل منها هوه والوياه
اجى سحبني من ايدي ونزلني
سيرين بعياط... وخررررررر
جر ايدي بدون مايسمعلي وهمه ولاواحد نزل من سيارته ... طلع المسدس من ظهره وخلاه براسي
غمضت عيني وتشاهدت على روحي ماحسيت
غير ضغط .....
يـــتـــــــبــــــــع....
سيرين(تكول)...
سريعة لكن هي الحياة دائماَ كما تعلمنا وكما تمر بكل الناس في كل زمان ومكان
غربة وحنين لقاء وفراق ضحكات ودموع
أحلى ضحكاتها اللقاء وأحر دموعها الفراق
نعم ما أحر دموع الفراق أشعر بحرارة تلك الدموع رغم احتباسها في عينأي لكن أقول يا عين لما تبكي ويا نفس فاحتسبي فراق بعدهم بقلبي ...