"هو عليّ هَينُ" - (حُذيفة ورميم )

الإسكريبت الثاني [2]

اسكريبت لطيف 🍂
#حُذيفة_ورميم

_ رميم حبيبتي.

_ يا روحها.

_ تعالي عايزك في موضوع.

قربت منه فمسك إيدي برفق وقعدني جمبه، وعرفت إنّ في حاجة عايزني فيها.

_ خير يا حُذيفة، في حاجة يا حبيبي.

_حذيفة قربها منه ورفع إيده ومسد على شعرها برفق وحنان، وقال بجدية لينة: إنتِ عارفة إن بحبك صح يا رميمي.

_ رميم استغربت من كلامه وحست بالقلق بس جاوبت وقالت: عارفة يا حُذيفة، بس ليه كلامك ده..

سكتت شوية وقالت بصوت عالي كله شر: إنتَ ناوي تتجوز عليا ولا أيه يا حُذيفة وبتمهدلي الموضوع..

_ بصلها حُذيفة بدهشة من تغيرها، وضحك بشدة وسحبها جوا حضنه وهو بيقرصها من خدها ويقبل مكان القرصة: إنتِ تعرفي عني كدا يا رميمي طب أودي حُبك وعشقك إللي مالي قلبي دا فين .. قلب حُذيفة لا يتسع سوى لإمرأة واحدة وهي أنتِ رميم قلبي..

_ خدودها احمرت بخجل، وقالت بحب: وقلب رميم لحُذيفة وبس..

_ قال حُذيفة بمزاح: أيه يا بت يا رميم، هو كل ما أجي بقى أتكلم معاكي في موضوع مهم نقلبها رومانسيات وتنسيني كُنت هقول أيه.

_ الغلط غلطك يا ذيفو إنتَ إللي مش بتركز ومش بتقدر تقاومني، وأنا يا سي حُذيفة طيوبة وبريئة مش بعمل أي حاجة ..

_ ماشي يا ست الطيوبة هنشوف دلوقتي، قوليلي إنتِ خرجتي النهاردة؟

_ أيوا خرجت ما أنا قولتلك إنّ هنزل الكلية، وعديت على السنتر وأنا راجعة.

_ اسمعيني كويس يا قطتي، أنتِ عارفة إن أنا بحبك قد أيه ومكانتك في قلبي أيه، إنتِ حبيبة قلبي يا رميم ورفيقة روحي ودربي، وإللي بيحب حد بيبقى عايزة يفضل جمبه عالطول، وأنا عايزك دايمًا جمبي..

_ أنا دايمًا جمبك يا حُذيفة، ومش هسيبك أبدًا إن شاء الله يا روحي، ليه بتقول كدا؟

_ اسمعيني للأخر يا قطتي، إنتِ جوهرتي الغالية إللي مستحيل اشوفها بتعمل حاجة غلط وأسكت أو بتأذي نفسها وأقف أتفرج، أنا عايزك رفقتي في الجنة مش في الدنيا بس يا رميم، مش عايز افترق عنك ابدًا يا حبيبتي..

ورفع حُذيفة إيده وكور وجه رميم بين كفيه وإصبعيه الإبهامان بيمررهم على حاجبي رميم يرسم حدودهم برفق.

_ تعرفي أيه أكتر حاجة بحبها فيكِ يا رميمي، روح الطفلة إللي جواكِ .. بس تعرفي بحب أيه أكتر، ملامح الطفولة والبراءة إللي مرسومة على وجهك الجميل وإللي بتعكس روحك الجميلة ونقاءك الداخلي، بس شوفتي إنتِ شوهتي دا إزاي وحرمتني من إللي بحبه، أنا بحبك زي ما إنتِ يا رميم لأنك جميلة من جوا قبل برا.. فإنتِ مش محتاجة نمص حواجبك أبدًا...

فضلت رميم تتأمله بهدوء وتسمع لكلامه بصمت وترقب..

_ كمل حُذيفة كلامه، وقال: أنا مش هقولك حرام والكلام ده لأن الكل يعرف إن حرام ومع ذلك بيعملوه، تعرفي يا رميم إن كل حاجة ربنا حرمها علينا بيبقى ليها حكمة وأكيد بتبقى لمصلحتنا لأنه رحيم بينا جدًا..
نمص الحواجب بيشوه الوجه وبيغير منه يعني بيمحي ملامح البراءة إللي على الوجه وتحسيه بيكبر العُمر ..
تعالي بقى للجانب العلمي..
العلم الحديث أثبت إنّ النمص وإزالة شعر الحواجب بيسبب إلتهاب النسيج الخلوي للعين وبيسبب إحمرارها وتورمها كمان، بالإضافة لإلتهاب في البشرة وتشوهات في المنطقة إللي حول العين وبتؤدي للإصابة بالصداع المُزمن ربنا يعفينا ..
غير إن بيقولوا إنّ النمص ممكن يسبب سرطان الثدي بعيد الشر عنك يا روحي، لأن شعر الحاجب لم بيتم إزالته بيسبب أكسدة الدم وتجمده في موضعه وبمرور الوقت بتتجمع النُقط دي وتتحول لخلايا سرطانية، وإزالة الشعر بشكل مُستمر بيتلف بُصيلات الشعر وتسبب تهيج العصب الخامس وإلتهاب الجيوب الأنفية، والبُصيلات دي بيبقى متخزن فيها دهون وإزالتها بتضعف وتتلف طبقة الجلد تحتها بشكل نهائي ..

_ رميم كانت بتسمع كلام حُذيفة بدهشة وصدمة وانبهار به، ما كانت تتوقع أبدًا إنّ حاجة بسيطة زي دي ممكن تسبب دا كله، قالت بعدم تصديق: يااااه .. دا كله يا حُذيفة بجد أنا مش كُنت أعرف، وطلعت ميحة ثقافة..

_ طبع حُذيفة قُبلة على رأسها، وقال بحنان: أمال أنا موجود ليه يا عيون حُذيفة، إللي مش عارفاه أنا أعرفهولك، إحنا موجودين علشان نكمل بعض وكل واحد يساند التاني.

_ ربنا يباركلي فيك ويحفظ قلبك ليا يا ذيفو، يلا كمل.

_ يرضيكِ تزعلي ربنا وحبيبه مُحمد عليه الصلاة والسلام منك.. مش إنتِ بتحبيه..؟

_ لا طبعًا مش عايزة كدا .. وطبعًا بحبه، هو قدوتي..

_ طب وإللي بيحب حد مش بيسمع كلامه، الرسول صلّ الله عليه وسلم قال (لعن اللهُ المتنَمِّصاتِ)
تعرفي يعني أيه اللعنة، دي كبيرة أووي يا رميم إحنا مش قدها، نهانا عن النمص ينفع نعمله..
النمص تغيير لخلق الله إللي ربنا خلقنا عليها ..
اسمعي كدا ..
قَولُه تعالى، حكايةً عن إبليسَ لعنَه اللهُ: وَلَأُضِلَّنَّهُمْ وَلَأُمَنِّيَنَّهُمْ وَلَآمُرَنَّهُمْ فَلَيُبَتِّكُنَّ آذَانَ الْأَنْعَامِ وَلَآمُرَنَّهُمْ فَلَيُغَيِّرُنَّ خَلْقَ اللَّهِ [النساء: 119].
شوفتي إبليس قال أيه فليغيرن خلق الله، يعني هغويهم وهخليهم يغيروا خلق الله، إنتِ بقى ضعيفة قدام الشيطان وهو أقوى منك ولا أيه يا رميمي ..

_ رمت نفسها في حضنه وهي غرقانه في البُكى وهو إحتواها بحنان ورقة، وقالت رميم من بين دموعها: والله ما اقصد أبدًا، صدقتي وعد مني معدتش هعمل كدا تاني، وهتوب من الذنب دا يا حُذيفة، أنا مكونتش أعرف إن حاجة صغيرة زي دي يكون سببها اللعن.

_ مسد حُذيفة على ظهرها بحنان، وقال: وتحسبونه هينًا وهو عند الله عظيما، وربنا رحيم يا رميم وبيقبل توبة عبده وأنا عارف يا حبيبتي إنك متقصديش حاجة، المهم إن عرفتي وفهمتي ودا أهم شيء..

_ أيوا فهمت وخلاص مش هعمل الذنب دا التاني، وتسلملي يا ذيفو على إرشادي وتعليمي ربنا يباركلي فيك يا حبيبي.

_ مسح دموعها وقبلها من جبينها، وقال: أنا بحبك يا رميم ومقدرش أشوفك بتعملي معصية ومأخدش بإيدك وأرشدك.

وتابع كلامه بمرح: هو إحنا هنقضي اليوم كله عياط ولا أيه يا ست رميم، الواحد واقع من الجوع .. طبختي أيه النهاردة يا قدري الكريمي..

_ شهقت رميم، وقالت بصدمة: يا خبر ... ذيفو ..

_ لا

_ يا ذيفووو

_ قولت لا.

_ خلاص بقى خليك طيوب، أنا يدوب رجعت من الكلية وكنت بحضر الغدا وأنتَ إللي نادتني، يعني الذنب ذنبك، إنتَ إللي عطلتني..

_ بس مفيش أكل من برا زي كل مرة مش ناقصين أمراض إحنا .. يلا على المطبخ ..

_ أعمل أيه فيه ..

_ هما بيدخلوا المطبخ يعملوا أيه.

_ على حسب.

_ يعني؟

_ يعني أنا مثلًا باخد كتاب ولا رواية معايا جوا وأقعد أقرأه فيه، الجو هناك مُريح بشكل..

_ قولتيلي كُتب ... أمم .. طب شكلي هلغي المكتبة إللي جوا دي، أنا أصلًا إللي غلطان جبته لنفسي..
يلا قدامي على المطبخ يا قدري الكريمي..

_ يوووووووه خلاص مشينا ..

_متلويش بوزك كدا هساعدك يا ست رميم.

_ جرت عليه وقبلته على فكه، وقالت بمرح: حبيبي يا ذيفو أنا عارفة إن حبيبتك رميم متهونش عليك..

_ خلاص كفاية تثبيت وقولي هتعملي أيه ..

_ بص تعالى كدا كُنت جايبة وصفة حلوة أووي من على اليوتيوب وهرجبها..

_ يا ستار تجربي أيه بس يا رميم، معدتي مش حِمل تسمم الله يباركلك ..

_ حُــذيــفـة..

_ عيونه ..

_ نقطني بسكاتك..

_ سكتنا، تعالي وريني عايزة تعملي أيه..

وبدأوا يحضروا الوصفة وحُذيفة بيساعدها بحب وبيشاركها كُل حاجة في يومها، وبيعلمها بلين ومحبة ورفق ورميم بتتعلم منه وهي في غاية السعادة لأن حُذيفة ونعم السند بعد الله عز وجل، ونعم الزوج والحبيب والصديق لها
بتغلط وتتعثر وهو بيعلمها ويفهمها برفق ويساعدها تقوم من جديد ..
حُذيفة وطن والأوطان لا تفنى ..

حُذيفة إتفاجيء بها بتحضنه من ظهره وبتقبل موضع قلبه من الخلف ابتسم بحب وهو بيسمعها بتقول: أنتَ رزق بحمد ربنا عليه، شُكرًا على كل حاجة يا حبيبي.

_قال حُذيفة بتنهيدة:-
" والله إنها مُبهرة وحتى العادي فيها مُختلف"...

_ ضحكت رميم بقوة على كلماته سعيدة بها، ليقول حُذيفة مرة أخرى وهو بيمسك إيدها يحطها فوق إيده:-
"لو أمتلك دولة بإسمي، سأجعل ضحكتكِ النشيد الوطني."

_ قالت رميم وهي بتشد على إيده:-
"إن كان لي وطن فعينيكَ موطني، وإن كان لي دارٌ فحُبك داري."

"رِفق القلب ولِين الجانب جُنديّان لا يُهزمان."♥️🍒
"تمَثل اللين تُرزق السكينة، ألا ترى كيف السكون يسكُن أحرُف اللين ومُحالٌ كسر هذا السكون مهما أشتدت معارك البناء والإعراب؛ فَـ كُن لينًا كالأملود أكُن لكَ سَكنًا ومَسكنا.)"

#مُقتطفات_حُذيفة_ورميم.

▪︎|بمِداد:- ســـارة نيـــل|▪︎
  «عاشقةُ الضــــــــــادِ»..

لو عجبكم كتاباتي متنسوش تعملوا مُتابعة لصفحتي علشان تقرأوا كُل جديد ♥️🍒
دُمتم بسعادة وخير يا سكاكير ♥️🍒