شاَيـلهَ مـوُش عِـيونِ و الحـاجِب
هَـلالِ و الحَـلگِ شِذرٍة مـاسَ
حِك الله ينـگالِ ❤️.
_____________________________
عِلٌقـَوِ بيَـنِ الفَقـرِاٌتِ ..؟
………
احمد : دخلت وره علي من زفوه للغرفه و وكفت بنص الصالة و كلت بصوت عالي
احمد : علي ارفع راسنه بروح امك و اذا احتاجيج مساعده صيحلي انه اخوك
و وراها دخلت للمطبخ و هناا نسطرت على راسي ،
بويههه . شفتلي صاروخ يخبل خنفشاري ظليت صافنه و حاير عليمن اباوع ، على العيُون الچتاله المجرورات جرت سيف و بسوادهن انه غرگت و الخشم مابي ولا غلطه. و الشفايف اه يالشفايف يشهنك تضوكهن ...
صحتني امي من صفنتي الي ما جان بودي اصحه منها ، و كالتلي هاي بت عمك جومانه ، يمه انوب بس الاسم يرد الروح چاا شلون الوجهه. . انشل حالي شل
شسويتي بحالي يـبت عمي ..؟!
فاطمه بهمس لحنين : انسطر الخلفه فرد سطره
و لمن دخل مصطفى للمطبخ و البنات سلمن عليه و تعرفن يلا طلعت وياه. ...
ْ
………
زهراء : فتحت عيوني الصبح و اول شي شفته هو وجهه الي يرد الروح سبع اعوام لوره.
خليته ايدي على خده و ظليت اتلمس بلحيته و فكه الحاد ، ما جنت بودي احرره من عيوني ابد و ظليت اتأمله لحد ما حسيته فتح عيونه ،
ظل يباوعلي و ابتسم و باس راسي و كال بصوته الكَالتلنيِ
علي : صباح الخير يوجهه الخير كله ،
و صوته اخخخ يصوته المعذبني بـ بحته الصباحيه
و كمل بنبره لعوبه : شلونها زهرتي اليوم ، تگدر تمشي لو لا
ضحكت و غطيت راسي بصدره العريض هو أمَانِي الُوحِيد
زهراء : يلا كومنه نبدل حتى ننزل الوادم متانيتنه
علي : خاب من اشتعلو نفر نفر غابشين من الصبح
زهراء : لا حبيبي غلطان ما غابشين همه بايتين هنااا
علي : كومينه السوالف ما تفيد
صدك كمنه و بدون ما استوعب سحلني للحمام ، سبحنه و طلعنه بدلت لبست قفطان مغربي بنفسجي و ابيض و هو لبس دشداشه بيضه عدلته الغتره و الياخه و
سويت مكياجي خفيف و هادء و لبست شحاطه كعب بيضه و شال بنفسجي خليته على راسي و نزلنه ، اول ما نزلنه طكنها امي و عمتي و مرت عمي هلاهل ، نزل علي باس راس بيبي و امه و طلع و اني هم نفسه.
ْ
بعد مرور شهرين
ْ
………
زهراء : هذني الشهرين صدك مر عليه مثل شهر العسل ، من حنيت علي و حبه و جرائته ، اني جنت ماخذه اجازه شهر كامل و علي هم ما راح لشغل فـظلينه اغلب وقتنه نگضي سوه ،
جنه دائما نطلع لو نروح للاسطبل لو للمول نفتر لو للمطعم نتعشى و نجي و مرات ناخذ البنات و نروح للمطعم نتعشى وراها للعاب و نشتري حلويات و نرجع ،
طبعاً صارت ملجة حنين و فاطمه بنفس اليوم و ثنينهن مجبورات ، اي حنين ما تريد ناصر ، لأن يكبرها بـ13 سنة و تكول جبير عليه و من كالت لابوها عمي جبرها لأن ما يريد يكسر حجايته و حجايت علي بالمضيف.
و فاطمه اني تفاجئت منها ، هيه البنت جانت تحب فهد حيل ليش هسه رفضته و معانده ،
اليوم كعدت من الصبح و علي ما موجود اتذكرت من كالي البارحه بلليل باجر عنده كعده بالناصريه و حضرتله الدشداشه مالته ،
نزلت تريكت و رحت للدوام و كضيت اليوم و اني بالي مشغول على علي لسه ما رجع و مو بس هوه كله عمامي و ولدهم راحو يعني بالبيوت الثلاث بس نسوان ،
بس الشي الي خلاني انسه قلقي و خوفي عليه ، هو اني سويت سونار لان شكيت بروحي من بدايت العرس ما جايتني الدوره ،
و صدك طلعت حامل صارلي شهر يعني هسه اني بالشهر الثاني و اليوم اول يوم الي بي ، رجعت للبيت و اني فرحانه و ناسيه علي ما موجود اصلاً ،
دخلت و شفت بيبي كاعده بالساحه و تباوع للباب رحت يمها و كلتلها
زهراء : شبيج بيبي اشوفج مهمومه ؟
الشيخه : ولج يمه زلمنه كلها طلعت من الخمسه الصبح و هسه بـثمانيه بلليل و ماكو اثر الهم ، ولج يمه بس لا البالي صحيح ،
- شيخه شيخه الحكينه شيخه مصيبه جايده وكعت على روسنه !؟
وكفت بسرعه و اني اشوف واحد من الحراس يركض علينه وكفت كباله و كلت
زهراء : شبيك ولك حويزم اشوفنك تركض ؟
حازم : شيخه هسه وصلتنه اخبار ، الشيخ هاشم و ولده خطفوهم بالدرب و كلبنه الناصريه كلاب و ما لكيناهم
صاعقه و نزلت عليه ظليت صافنه و ما اعرف شجاوب و انه اشوف بيبيتي وكعت عوچيتها بالكاع و صافنه ، هناا تذكرت حجيه من انطاني مسدس روسي و كالي
"اريدج تصيرين گويه بغيابي احنه رايحين بدرب و بس الله اليعلم نرجع منه لو لا ، هذا المسدس تخلي بيدج و ما تذبي و اريد تصيرين صدك ذيبـه ، و من ارجع الوادم كلها تكول هاي مهرة الشيخ علي"
گويت روحي و مسحت دمعتي و كلت لحازم
زهراء : خابرلي الضابط فيصل بسرعه و تشدد الحراسه على البيوت الثلاث ،
و دخلت لجوه و حجيت و انه موجهه كلامي لامي و اسراء
زهراء : خابرن نسوان عمامي خلي يجيبن البنات و يجن ، وكعنه بمصيبه بس الله يعرف نهايتها شلون. ..!
و طلعت للمضيف متانيه دريد يجي على احر من الجمر ، بهل الاثناء دخل فيصل و كال
فيصل : السلام عليكم شيختنه
زهراء : و عليكم السلام ابو عباس
فيصل : امري شيخنه حازم كال رايدتني بموضوع مهم
زهراء : اي صح دريد ، اكعد و اشرب كهوتك.
فيصل : و هسه شيخه احجي شنهي السالفه شغلتي بالي
زهراء : مثل ما تعرف انه انقذت حيات مرتك من زمان و انتَ كلت اطلبي اي شي و انه حاضر
فيصل : اكيد شيخه فضلج ما انساه طول عمي انتي بس احجي و انه خادم
زهراء : الساعه بـ5 الفجر طلعو الشيوخ للناصريه لأن عدهم كعده و لسه محد مبين منهم ، الاريده منك يرجعون رجلي و عمامي للبيت بـ6 الصبح
فيصل : عد عيناج شيخه وداعت امي الاكلب الناصريه كلاب عليهم و لو جبرني الوضع احفر الكاع و ادور تحتها !
زهراء : انه ما اريد حجي ، اريد افعال !
فيصل : تدللين شيخه يلا من رخصتج
زهراء : مرخوص يبو عباس
طلع فيصل من الديوان و جريت حسره شراح يصير بينه هسه من يدرون الشمات ، طلعت من الديوان الي محد يعرف يمتى راح يرجع شيخه ،
دخلت للصاله و اني اشوف كل وحده منه حالتها حاله ، طلعت رحت لبيتنه دخلت لغرفتي فتحت بابها و تلكتني ريحته الترد روحي ،
ظليت كاعده على الجربايه شويه اتذكر كلامه شلون جان يحفزني اني اصير قويه و شلون يخليني نرجسيه بنفسي بسبب غزله بجمالي ،
اخير شي جريتلي حسره و كمت بدلت ملابسي و اخذتلي ملابس و الغراض الاحتاجهن و اخذت فلوس وياي للبيت الجبير و طلعت قفلت كل الغرف و المطبخ و الديوان و البيت كله قفلته و طلعت رجعت للبيت دخلت بدون حجي كبل لغرفتي اتمددت على الجربايه و انه افكر
شراح يصير بيه ، علي ما اطيق غيابك عني ارجع فدوه
ْ
…
يتبع
.
.
فولو ، تصويت ، كومنت 🔥💞
.
.
عـشگك عـٌذابـَي ❤️🔥.
للڪاتبـه : - زههـراء .
.
.
عدد الُڪلمات 1040 💞🌻"