#في قبضه الخيلع
#البارت"27"
بقلمي: زيـنب عـلـي
عثراتي لا تنسون متابعه الحساب+ التصويت+ كومنتات بين الفقرات
𓂃 ִֶָ𓂃 ִֶָ𓂃 ִֶָ𓂃 ִֶָ𓂃 ִֶָ𓂃 ִֶָ𓂃 ִֶָ𓂃 ִֶָ
تـحملني مريـضك والدوه عـيونـك
سهـر وعيـوني يـردونك
سكون:-
من حجه هيج بسرعه فتحت عيوني بصدمه ماتوقعت ولا فكرت للحظه ان ممكن يصير هيج احتمال بقيت صافنه عليه الكل سكت وصار هدوء
ساجر:- لا تصفنون عليه انطوني جواب
حجه عمو منير
منير:- لحظه لحظه انت تحجي صدك سكون بعدها صغيره وقاصر هم
ام علاء:- بنيتنا مو غريبه ربت وكبرت عدنا اكو بگدها متزوجات وعدهن اطفال
فزيت على صوت سجاد وهو يصيح
سجاد:- شنو هي بكيفكم احنا اخوانها ونقرر
صاح بي عمو منير
منير:- محد اله حق يقرر غيرها واني هم ما أيد القرار لان اشوفها صغيره مو حمل زواج
حجه ابو علاء بهدوء
ابو علاء:- يابه الله بالخير عليكم
كلها ردت عليه : الله بالخير والرحمه
ابو علاء:- احنا گاعدين ونقرر بس ماسألنه صاحبه الشأن شنو ردها
سجاد:- ماكو داعي تاخذون ردها اني مانطيها
كل هذا واني ماخذتني الصفنه باوعت الساجر واكف على صفحه مكتف اديه يهز رجله بتوتر من حجه سجاد هيج بسرعه صاح بعصبيه
ساجر:- اريد اسمع القرار منها
يوسف:- شنو انتو مامعترفين بينا اخوتها انگلك مننطيها
ساجر:- اشوفك حميتها وحافظت عليها يا اخوها
بقو ساكتين ومنال تخزر بيهم بعصبيه وتباوعلي بخزره رجع حجه مكمل كلامه
ساجر:- اني منتظر الجواب منها بس اسمعه هسه گدامكم اخذ أيدها واطلع واريد اشوف واحد يعترض لو زلمه يفتح حلگه
منير:- عيب هذا الحجي ساجر شنو تاخذها وتطلع هيته هي
ساجر:- منير خليك محضر خير لان قسماً بالله ماتشوفون مني كل خير وهسه برضاتها مو برضاتها اخذها واطلع
علاء:- ساجر اهدأ مو هيج الحجي
بقو يتلاغون بينهم عمتي واحلام ابد مادخلن بقو الحجي للزلم واني عفتهم وگمت دخلت للغرفه گلبي يدك واديه يرجفن ومشاعري مختلطه ماعرف بشنو احس بس احساسي حلو بنفس الوقت مخلوط بخوف
انفتح الباب ودخلت زهور حجت بحماس
زهور:- والله لو ما العيبه هسه اهلهل والمهم كلهم هنا
حجيت بسرعه
سكون:- نجبي وسكتي ستري عليه يمعوده
زهور:- راح توافقين مو
حجيت بحيره
سكون:- شوافق ماعرف شنو احساسي وهم شوفي اصواتهم وين واصله
زهور:- معليج باصواتهم هسه عمو يعرف شلون يسكتهم انتي عليج بس گولي ايي
سكون:- مادري خايفه
زهور:- ترا خالو منير گال اني اگعد واحجي وياها ابقي فكري على راحتج منا الحد ميحجي وياج خالو
گعدت بصفي على الجربايه وكملت كلامها
زهور:- راح توافقين مو اموتج اذا كلتي لا
باوعتلها بحيره ماعرف شجاوب بس ابتسمت
خلت كتفها بصف كتفي دفعتني بخفه تحجي وتركص بحواجبها
زهور:- هااا ابتسمتي ابتسمتي والله ككللووششش
لطمت على خدي صوتها عالي بسرعه سديت حلگها
سكون:- ولج صوتج فضحتينا
دفعت ايدي وگامت تطك اصبع وتركص
زهور:- سكونه بس گولي بلي بيج خير وادللي
ياعمو طفي اللاله عدها عيون كتاله
خليت ايدي على حلگي اباوع عليها هاي الخبله سوت عرس وگامت تركص وهما بره صارتلهم مذابح بس صياح
انفتح الباب بسرعه وكفت عن الرگص باوعت دخلت اختي منسا باوعتلنا وحجت
منسا:- سكون عمو منير يريدج
گمت وكفت واني اكل بأضافيري حجيت بقلق
سكون:- ماگلج شنو يريد
منسا:- لا بس گال صيحيها
بقيت ساكته حجت بنتر
منسا:- هسه شگله تجي لو لا
باوعتلها زهور وصاحت بيها
زهور:- شلزگتي كلج صيحيها وصحتيها كثر الله خيرج شوفينا عرض كتافج
منسا:- وجع منو حاجي وياج انتي
زهور:- اهووو تريد تتعارك واني مابيه حيل اگوم اسحلها
ندستها وحجيت
سكون:- شبيج يمعوده ناقصين مشاكل احنا
باوعت المنسا وگلتلها
سكون:- روحي منسا هسه اجي وراج
باوعت الزهور من فوگ الي جوه غمتها وطلعت وهاي تخبلت من كل عقلها تريد تروح وراها تتعارك
زهور:- شفتي اختج شسوي والله الا اروح اكفشها من شعرها انتفه واخليها صلعه
جريتها وحجيت
سكون:- دگعدي وسكتي ستري علينا
گوه سكتتها طلعت قبلي وهي تدردم
زهور:- هاي من هسه هيج باجر عگبه من اگابلها شسوي
استغربت كلامها بس جنت ملتهيه بضيمي ماركزت وياها طلعت واني خطوه للامام وخطوات للخلف رجيله گوه تعيني اعرف عمو منير شنو يحجي دخلت للاستقبال صاحلي عمو اگعد يمه
اتقدمت زاد توتري اجت عيني على منال تباوعلي وتخزر بيه گعدت يم عمو منير منزله راسي ماريد اشوف واحد لو بيدي اخفي روحي جان خفيتها من الخوف والخجل
منير:- هاا بابا سكونه سمعتي الكلام صار گدامج
هزيت راسي بقبول بس من الخجل والاحراج احس نفسي تعرقت حتى عيوني دمعت
منير:- معليج بينا القرار الاول والاخير الج تردين تنطينا هسه جواب لو محتاجه مهله تفكرين
حجيت مرتبكه صوتي يرجف
سكون:- افكر
منير:- هاي هي فكري براحتج ورجعي جواب
باوعلهم وحجه
منير:- ياجماعه الخير هاي گدامكم كالت افكر الجواب بقى يمها لا يمي ولا يم اخوانها
ابو علاء:- ان شاء الله خير
رفعت راسي باوعت شفته واگف يم الباب مكتف اديناته وساند نفسه على الحايط يباوعلنا گمت وحجيت
سكون:- من رخصتكم
عفتهم وردت اطلع اتقربت يم الباب حجه بهدوء نبرته ممزوجه بتهديد
ساجر:- تفكرين مو بعيني
عفته وطلعت بسرعه للغرفه گلبي ينبض بقوه احسه يريد يطلع من صدري بقو گاعدين شويه و راحو بقى بس عمو منير يحجي ويا اخواني ويفهمهم
اول شي سجاد اعترض بعدين سكت سيف جان مأيد لان هو يحب ساجر وكلش صديقه راح عمو منير بعدها اخواني صاحوني يحجون وياي
رحت گعدت يمهم
سجاد:- سكونه سمعتي كلام عمو
سكون:- ايي
تنهد وحجه بهدوء
سجاد:- خوش القرار يمج واني من حجيت اول شي لان بعدج صغيره مو علمود شي
دنگت راسي وحجيت
سكون:- هاا مادري بكيفكم
ضحك يوسف وحجه
يوسف:- بكيفنا قابل احنا نزوج لو انتي حبيبتي لا تخافين من شي كولي قرارج واحنا وياج
همست
سكون:- بكيفكم
سجاد:- هاي هي فكري زين وانطي جوابج العمتي
هزيت راسي بـ ايي حجه سيف
سيف:- مو تگولين ضغطو عليه براحتج وادري بعمتي راح تلح عليج معليج بيها
سكون:- ان شاء الله عفتهم وطلعت تلگتني منال تحجي
منال:- هاا سويتيها يالخنيسه
باوعتلها وحجيت
سكون:- ليش شسويت
منال:- والله عمي خوش حظ صارله سنين عازل عن النسوان رحتي انتي مدري شسويتيله وسحلتي وراج خليتي يخطبج
سكتت منها ماحجيت رجعت حجت
منال:- انتي وعمتج خوش تشتغلن وتخططن مدري هو حظ الگحـ**
فتحت عيوني حيل ردت احجي طلع سيف صاح
سيف:- هاا يمه شنو هذا الكلام ماله داعي
منال:- وغمه انت غاسله ايدي منك
حجه بهدوء
سيف:- خوش لا تدخلين بسكون
هزت ايدها ودخلت للغرفه باوعلي سيف وحجه بضحكه
سيف:- لا تخلين ببالج طنشي ومن تضوجين من شي تعالي گليلي اني اتصرف
سكون:- عادي تعودت عليها لا يبقى بالك
اتقدم حضن راسي حيل يضحك ويحجي
سيف:- اروحح فدوه الاختي العاقله وين اضمها ويييننن
بقيت اتشاقه واضحك ويا ومنال تطب وتطلع تذبلها كلمه
مرت يومين اني افكر وزهور نخرت راسي من الملحه وعمه ميسون هم كل شويه تجي وافقي ووافقي منطوني مجال للتفكير اصلا
وبيوم جنت متمدده بالغرفه سارحه بأفكاري معقوله هو يحبني ويريدني لو بس حتى يحميني سوه هيج
بقيت منشغله بأفكاري وبمجرد مااتخيل نفسي ويا مثل الي بالمسلسلات جسمي كله ينتفض واطرفي يثلجن واني بهذا الوضع دك تلفوني معلن عن وصول رساله بسرعه فزيت
فتحته شفته كاتبلي
ساجر:- گاعده
گعدت على الجربايه ردت ادزله مسج مالحگت اتصل من الاتباك فزيت وگع التليفون من ايدي شلته اديه ترجف اليشوفني بهاي الحاله يگول اول مره بحياتها تحجي ويا
فتحت خط وحجيت
سكون:- الوو
ساجر:- هاا سكون
همست
سكون:- هاا
ساجر:- طلعيلي اريد احجي وياج
گمت وحجيت بتوتر
سكون:- ليش وين انت
ساجر:- ابابكم راح ادخل اطلعيلي
ردت احجي مانطاني مجال سده كمت بسرعه عدلت شعري وبقيت افتر بالغرفه بتوتر على اعصابي سمعت صوته بره يحجي ويا سيف شويه ودزلي مسج كاتب
ساجر:- اطلعي يمكم اني
قويت نفسي وطلعت اخواني جانو مموجودين بس سيف طلع من الاستقبال شافي وحجه
سيف:- تعالي سكونه ساجر يصيحلج
سكون:- هاا شنو يريد
ضحك وحجه
سيف:- استأذن وكال اريد احاجيها قابل هو غريب فوتي
اتقربت منال وحجت
منال:- مو عيب عليكم تخلونها وحدها ويا وهو يريد يخطبها
سيف:- وين وحدها ويا بالاستقبال وساجر مو غريب دخلي سكون
عفتها تحجي هي وسيف ودخلت للاستقبال شفته گاعد منتضرني وايده على لحيته يمسد بيها باوعلي مشت عينه وياي من اول مدخلت الحدما گعدت يمه وحجيت
سكون:- هاا
حجه بهدوء
ساجر:- وجعا
باوعتله رجع حجه
ساجر:- لا تگولين ها تصيرين جنج وحده ثوله وبعدين اليدخل يگول السلام عليكم مو ها
سكون:- مادري نسيت
ابتسم وحجه
ساجر:- هنيالي ايي والله
سكتت جنت منزله راسي اطگطك بأصابيعي حمحم وحجه
ساجر:- سكون
رفت راسي باوعتله خفت اگول اكول ها
سكون:- اسمعك
ساجر:- هذيج الفتره حاولت اشيل الحواجز بينا واقربج مني اكثر وهذاك اليوم طلبت ايدج وكلشي صار بسرعه بسرعه مالحگنا نفهم شي والفضل يعود الج طبعاً
باوعتله وحجيت
سكون:- اي وحده بمكاني اعتقد هيج تسوي مو بس اني
كتف اديناته رفع حاجبه ويباوع عليه رجعت حجيت
سكون:- كرامتي تعز عليه ، واني هنا ببيت ابويه حتى اذا تأذيت المهم كرامتي متنجرح
هز راسه وحجه
ساجر:- المهم كلشي صار بسرعه قبل لا ترجعين جواب خلي افهمج ليش هيج سويت
استمعتله واني كل ضني راح يگول لان اريدج الي او احبج او على الاقل احجزج منا الحد ماتخلصين دراسه وتكبرين من هاي الامور بس صدمني صدمه عمري من حجه
ساجر:- سكون انتي تعرفين اعتقد المريت بي سابقاً
هزيت راسي بـ ايي ردف مكمل كلامه
ساجر:- الي صار جان نقطه سوده بحياتي ماكدرت اجاوزها ولا اعديها الا بعد معاناه مشيت بطرق موزينه شربت سويت اشياء هواي غضبت رب العالمين زوجتي الاولى متقبلتها الاكثر من سنتين هي بمكان و اني بمكان اعتقد تذكرين وتعرفين هاي التفاصيل
هزيت راسي حجه
ساجر:- احجي اريد اسمع صوتج
حمحمت وحجيت بتردد
سكون:- ايي اعرف
ساجر:- خوش
تنهدت وحجه بحسره
ساجر:- سكون اني يمكن استعجلت بالقرار
بسرعه باوعتله مصدومه
سكون:- يي...يياا قرار تقصد
ساجر:- لا تفهميني غلط انتي تربيتي واعرفج كلش زين سكون الخلل مو بيج ابد الخلل عندي خاف اكسرج خاف تتعذبين وياي ماريد أأذيج كلشي ولا انتي
كمت بسرعه وگفت جسمي كله يرجف حسيت مي حار ونزل على گلبي حجيت واني ارجف
سكون:- مافهمت شنو المطلوب مني
تنهد وحجه
ساجر:- والله جنت كلي استعداد وكلي يقين ان الامور تمشي طبيعيه بس استعجلنا شويه يمكن
اخذت نفس قوي وحجيت
سكون:- ساجر المطلوب مني شنو
ساجر:- مامطلوب نبقى على حالنا حتى اذا رجعتي خبر بموافقتج نعقد بس تبقى علاقتنا مثل ماهي على ما تتخلصين مدرسه وهم انتي هسه بعدج قاصر منا الوگتها نشوف بعدين وين تصفه المهم تصيرين بأسمي حتى اعرف احميج اذا صار شي
صفنت عليه ماعرف شنو احجي راسي افتر مافهمت منه باوعتله وحجيت بهدوء
سكون:- قصدك نبقى بأحتمال مفتوح تربطني بيك الاكثر من 3 سنوات وبعدها اذا معجبك الوضع تخرب كلشي وتنسحب
اباوعله بقى ساكت يحرك رجله بتوتر گام وگف وحجه
ساجر:- مادري اريدج توافقين بس خايف اكسرج
همست
سكون:- وين جان هذا كلامك من جنت تقربني منك
اتقرب حضن وجهي بكفوف اديه وحجه
ساجر:- مادري قربتج مني حتى توگع الحواجز بينا ماجنت ادري من تصير صدك ندخل بهاي الدوامه
نترت اديه مني وحجيت
سكون:- واني ماموافقه على الخطوبه ولا العقد
عگد حاجبه بعصبيه حجه
ساجر:- سكون تفهميني شحجي كتلج العقد مايغير من علاقتنا بشي مجرد بعد ميخلي شخص يدخل بيج وتصيرين تحت مسؤليتي
باوعتله وحجيت بهدوء
سكون:- اني مو سلعه تحتكرها وبالاخير تقرر تريدها او لا
اخذ نفس وزفره
ساجر:- يابه شبيج ياسلعه هي مجرد ورقه لا تقدم ولا تأخر
ماعرف ليش نزلت دمعتي بسرعه مسحتها يمكن كلامه يكون طبيعي او لا ويمكن لان اجه خلاف توقعاتي جنت احس كله كلمه منه سهم يصيبني بنص گلبي بسرعه مسحت دمعتي من شافني بجيت فتح عيونه بصدمه واتقرب مني لزم اديه وگعدني على التخم حجه بهدوء
ساجر:- عليمن هاي الدموع شفتي شلون ماتتحمليني هاي بعدنا بالبدايه سكون تتأذين اشك هواي ويمكن مرات اتعامل وياج مو بوعيي يمكن ماكدر اكون وياج طبيعي هواي امور ماكدر اشرحها الج
حجيت واني اشهك
سكون:- لعد ليش تربطني بيك
ساجر:- احميج
حجيت بلا تفكير
سكون:- يمكن بهاي الـ 3 سنوات يعجبني غير شخص واقرر ارتبط بي شلون
بسرعه فزيت من جرني حيل من زندي قربني عليه يحجي صاك على اسنانه
ساجر:- شلووننن شلون ولجج سكون لا تخليني افقد انتبهي شنو تحججيينن
عطت بصوت مكتوم متالمه شدد لزمته على ايدي حجيت
سكون:- ساجر ايدك جاي تأذيني
نتر ايدي حيل وحجه صوت يفح من العصبيه
ساجر:- غصباً ماعليج تقبلين اريد اشوف وحده ترجع قرار بالرفض وشوفي ساعتها شسوي
عافني وطلع بقيت صافنه ورا احجي ويا نفسي هذا شبي تخبل مسحت دموعي وگمت خاف اني جنت محتاره هسه هو حيرني بالزايد
طلعت بسرعه دخلت الغرفتي اتصلت على عمه ميسون ابجي ماكدرت تفهم مني شي كالت جايتج
بقيت انتظرها شويه وفتحت باب غرفتي ودخلت هي وزهور بسرعه گمت من مكاني حضنتها وصرت ابجي بگلب محروك
ميسون:- يمه بنيتي اسم الله الرحمن
رفعت راسي بديها تباوع الوجهي
ميسون:- شبيج منو وياج والله اذا كلتي منال هسه افلش البيت على راسها
هزيت راسي بنفي وحجيت واني اشهك
سكون:- سس ..ساجر
اخذتني گعدتني على الجربايه تهدي بيه
ميسون:- اهدي واحجيلي
طلعت زهور جابتلي مي واجت شربت شويه ارتاحيت وهديت
ميسون:- احجيلي ولا تضمين عليه شبي ساجر شو هو هم دخل معصب وضايج شصاير بينكم
حجيت العمتي كل السالفه باوعتلها ماتفاجأت حجت بهدوء
ميسون:- عرفت راح يصير هيج المر بي مو شويه هو سنين مزوج مافكر يتقرب المرته لو حتى يباوع بوجها الحدما البنيه ملت وطلبت الطلاق
سكون:- يعني عمه ترديني اصير مثلها هم ابقى اسنين مايباوع الوجهي
گعدت بصفي حضنتني وحجت
ميسون:- لا انتي غير ساجر هو اختارج مانفرضتي عليه
سكون:- بس كلامه ...
ماخلتني اكمل قاطعتني وحجت
ميسون:- بعدج صغيره والعمر گدامج لو واحد غير ساجر والله اسوي المستحيل ومااخليج بهذا الموقف بس هو يحبج اعتبري مريض وانتي علاجه وفتره العلاج الحدما تخلصين دراسه
گمت وحجيت بحسره
سكون:- واني ابقى بالاحتمالات بلا مگدر يتقبلني
حجت زهور وهي تدمغني
زهور:- انتي غبيه عمو يحبج مثل مگلتلج ماما انتي علاجه واني متاكده عمو يخاف عليج حتى من نفسه لهذا هو خله هالاحتمالات گدامج
ميسون:- ما شاء الله بنتي صايره مصلحه اجتماعيه ولج انتي شمعرفج بهاي السوالف هاا
بلعت ريگ وحجت
زهور:- لا امي شبيج اصلا صار يومين احضر بالكلام لان اعرف هيج راح يصير
گوه سكتت عمه ميسون بقن يمي عمتي تنصح بيه وبالاخير گالت القرار الج
مرت الايام وعدت واني محتاره ماعرف شنو اقرر وهو من يومها بعد ماشفته عمتي يوميا تجي تحجي وياي وام علاء هم من غير ملحه زهور كله تزن براسي وافقي وافقي معافوني الحدما اخذو الموافقه مني
𔘓𔘓𔘓𔘓
مياسين:-
بعد ما راحو عيسى واهله انتقلنا الغير مكان جان بيت صغير هم بس غرفه ومطبخ وحمام بس هالمره جان البيت مفروش جنت اعزل بالغراض هو بيده ورقه وقلم ماعرف منو يسجل ينقل من الفون للورقه حجيت
مياسين:- شداسوي
جاوبني وهو يكتب بلا ميباوع عليه
الخيلع:- شغل مهم
اتقربت منه اباوع ماخلاني اشوف وكلشي مافهمت من خطه حجه
الخيلع:- كتلج شغل مهم عليش هيج كتلج الفضول
مياسين:- غير اعرف شداسوي
اتنهد اخذ غراضه وطلع من الغرفه للصاله طلعت ورا باوعلي وحجه
الخيلع:- ضلي افتري وراي راح انصير مثل جحيو وصوعه
حجيت بأستغراب
مياسين:- منو منو شنو هالاسماء ؟!!
الخيلع:- جحيو وصوعه شمالج اول مره تسمعين هيج اسامي
مياسين:- والله اول مره اسمع هم منو هذولي اصلا
باوع عليه وحجه
الخيلع:- هذولي ثنين متزوجين مايثبتون بمجان واحد يوميا ماخذين بيت الشعر مالتهم وناصبينه بغير صفحه
ابتسمت وحجيت
مياسين:- يعني مثلنا
الخيلع:- ايي وجانو بموسم الحصاد يجون يحصدون ببساتين الباشا كل شويه يتعاركون ياساحل يامسحول وصوعه هم جان لسانها مثلج بطول الـ ...
سكت ماكمل باوعلي جنت متخصره اهز برجلي حجيت
مياسين:- ايي كمل ليش سكتت
حمحم وحجه مبتسم
الخيلع:- بطول الورده
باوعتله صفح رمشت بعيوني بدلع وحجيت
مياسين:- طبعاً عندك اعتراض
الخيلع:- گمريه راح اگوملج لا تدلعين
وگفت بباب الغرفه وحجيت
مياسين:- لو سمحت مو گمريه اني اسمي صوعه
هز ايده بحرگه معاجبه حجه
الخيلع:- سوادين حتى سوادين
مياسين:- وانت جحيو شنو معاجبك
الخيلع:- عاجبني عمي بس سكتي خلي اشوف دربي
دخلت للغرفه واني احجي
مياسين:- صاير ممل اووييي
الخيلع:- هسه اگوملج هسه واذا گمت مااخلي بيج عضم صاحي
ابتسمت ورجعت ارتب بالغراض بس كون هالمره بعد منغير مكانه دافرغ بالجنط وحسيت اكو بين الملابس شي ثگيل فرغت الجنطه ونكتت الملابس حيل ادور بيهم وگع شي بالگاع وكأنه حديد لان صار صوت قوي اتقدمت حتى اشفوفه شنو
بسرعه دخل للغرفه وحجه
الخيلع:- شنو هذا الصوت
سويت حركه بحلگي بمعنى ماعرف وحجيت
مياسين:- ماعرف مدري شنو وگع من بين الملابس
دنگت اريد اباوع صار جوه الجربايه بسرعه لزمني وحجه
الخيلع:- اوگفي گمريه انا اشوف
نصه وباوع ورا الجربايه باوع عليه عاگد حواجبه گام وحجه
الخيلع:- ارجعي الي ورا گمريه
لزمته وحجيت بخوف
مياسين:- شكو
مجاوبني باوع حواليه يدور على شي سحب تيشيرته من الجربايه ونصه كلش يحاول يطلع شي من جواها رفع راسه وحجه
الخيلع:- ابتعدي منا
رجعت بخطوات الي ورا طلع شي ملفوف بعلاگه سوده وهو لازمه بالتيشيرت طلعه بره الغرفه واني ورا خلا بالگاع گدامه وصار يفتح بالعلاگه باطراف اصابيعه
باوعلي وحجه
الخيلع:- وين لگيتي بالضبط
مياسين:- داخل الجنطه ملفوف بالملابس عبالك شخص وضامه
مجاوبني فتح العلاگه وبين منها مسدس بسرعه شهگت بخوف وحجيت
مياسين:- حُر شنو هذا
حجه بحيره وهو يأشر بيده
الخيلع:- اندري شنو هذا سلاح وين لگيتي گمريه شجابه بنص الجنط
مياسين:- ماعرف احنا من ردنا نطلع مو الولد الي ويا ضياء هو الاخذ الجنط ونزل بيهن
صفن عليه شويه يفكر ونصه يم المسدس نكته طلعه من العلاگه طلعت ويا ورقه صغيره اخذها وگام يقرا بيها فتح عيونه حيل بعصبيه
بسرعه اتقدم على تليفونه اخذه وصار ينقل شي يمكن رقم من الورقه للفون اتقربت يمه لزمته وحجيت
مياسين:- حُر فدوه شكو والله گلبي راح يوگف من الخوف
مجاوبني حجه بالفون وصاح بعصبيه
الخيلع:- اذا انتَ رججااللل لا تلعب دور الحراميه والتخفي والتهديد من بعيد لبعيد اطلع وواجهني وانا اشوفك الامهات شجيب
سكت شويه بعدها صاح بعصبه
الخيلع:- جبباااانننن الوووو عاررر
سد الفون اباوعله من العصبيه يرجف ونفسه عالي وصوته يزمجر بقوه
حجيت بهدوء واني امسد على كتفه
مياسين:- فدوه اهدأ وتعال اگعد وفهمني شكو والله گلبي راح يوگف
غمض عيونه اخذ نفس وتنهد بقوه گعد وانطاني الورقه بيدي
اتذكر جان مكتوب بيها هديه بسيطه مني الك مسدس غير مرخص بلاغ واحد تروح بيها اذا تريد تتخلص منه تعال الهذا العنوان وتعرف التفاصيل
شمرت الورقه بسرعه لطمت على خدي وحجيت
مياسين:- ياا حُر هذا يحجي صدك شلون وصل عدنا
الخيلع:- ضياء ماكو غيره
حجيت بصدمه
مياسين:- لا فدوه لا شنو هذا المستنقع شلون ثقيت بي حُر شلون خاف دلاهم علينا
فرك راسه وحجه بحيره
الخيلع:- لا مايگدر يخاف من المعلم بس يگدر يخدمهم خدمه بسيطه وخله السلاح بالجنطه
كمت ارجف من الخوف حجيت وعيوني غورگت بالدموع
مياسين:- والحل
مجاوبني اخذ تليفونه واتصل ماعرف على منو فتح مايك وخلا على رجله وخله بيده الورقه والقلم
افتح خط وحجه صوت خشن
- منو تفضل
الخيلع:- مرحبا السياف
بس حجه حُر المقابل بسرعه عرفه صاح عليه بحماس
السياف:- لك هلااااا هذا انت وينك يمعود عبالي انلزمت
الخيلع:- هلا بيك ابو حمزه مشتاقين
السياف:- گلبي طاك عليك وين انت المكالمه دوليه
الخيلع:- انا بسوريا طلعت ورا ما نلزم الباشا بأيام
السياف:- اقطعه اقطعه اني اتصل عليك
سده من عنده شويه ورجع اتصل بقو يحجون شويه بعدها حُر دخل بالموضوع وحجه
الخيلع:- ابو حمزه هم تعرف واحد مهربجي معرف بأسم النهشل او اخو الجبير معروف بالعمده
السياف:- والله ماعرف بس اذا تريد اطلعهم الك خير گول شداگين من دگه وياك وعد عيناك اعتبرهم جوه رجلك
بقى يسولفله التفاصيل من البدايه اول مطلعنا الحد ما وصلنا سوريا وسالفه التهديد وهسه المسدس
السياف:- هذا مستهدفك ويراقبك اول ماطلعت من العراق وهسه مايحتاج نطلعه هو اجه برجليه وانطاك مكان محدد حاول تشغله فد يومين 3 على مااجيك ونعرف شلون نتصرف
سده من عنده بعد ما اتفقو يتقابلون باوعتله وحجيت
مياسين:- شنو حسوي
الخيلع:- خلي يجي الرجال ونشوف ساعتها
مياسين:- وضياء
هز راسه بوعيد وحجه
الخيلع:- هذا حسابه عندي اني اعرف شلون اربي
اخذ تليفونه وطلع للشارع يخابر ماخلاني اسمع
بعد ماتأكد منه هو بسوريا مو بالعراق وميعرفون مكانه بده يستدرجه ويأخر بي كل مرا يدفع الموعد الغير يوم الحدما مر سبوع احنا لا ليلنا ليل ولا نهارنا نهار واني حرفيا عايشه برعب
ومن يطلع حُر برا ابقى لازمه گلبي بأيدي خاف يتأذه وبيوم الاجه هو هذا الي اسمه السياف دخلني للغرفه وسده عليه گلي لا تطلعين
بقيت مخليه اذني على الباب حتى اسمع شنو يحجون
اول مدگ الباب ودخل سمعت صار بينهم سلام حار بقو فوك الخمس دقايق هم يتسالمون
اكل بضافري واحجي
مياسين:- ايييي هسه وكت سلام
اريدهم يخلصون ويدخلون بالمفيد ماكو
گعدو شويه وبعدها بدا الحجي والتخطيط اسمعه يگله
السياف:- لازم تروح على العنوان بالتوقيت المحدد
الخيلع:- والمسدس شلون راح يطلع
السياف:- هذا النهشل مبين ملعب وعنده ايد طويله ساندته مختارلك طريق مابي سيطرات هواي والمصنع مهجور يعني المكان شبه مقطوع بس هو غبي جنه على روحه
الخيلع:- شلون نتأكد ان هو مامحاوط المنطقه بچلابه
السياف:- تأكدت بطريقتي الخاصه خليها وراي ومعليك
يمه اني سمعت بي يروح يمهم لو تخبلت كل شويه اريد اطلع واخاف منه صرت اگمز بالغرفه من الاعصاب شويه وصار هدوء وسمعت صوته يودعه بالباب وهذاك يضحك ويگله
السياف:- اجيت والوحدي الشباب عفتهم خاف المكان مراقب
الخيلع:- ماعرف شلون شلون اشكرك ابو حمزه
انتهت يحجي ويا بكل احترام مبين كلش يعزه ويحترمه سمعت سده الباب بسرعه طلعت من الغرفه حجيت بلا اي مقدمات
مياسين:- متروح
باوعلي وحجه بهدوء
الخيلع:- شبيج گمريه
حجيت بعصبيه وصياح
مياسين:- متروووحححح گلت متروح هم تريد تعوفني واذا رحت اني وين ابقى
اتقرب مني لزم اديه الترجف سحبني ويا گعدني على القنفه وحجه بهدوء
الخيلع:- لا تخافين ماكو شي
باوعتله وحجيت
مياسين:- شلون ماكو شي وانت تريد تروحله برجليك واني وين تعوفني اذا رحت
يمسح بدموعي ويحجي
الخيلع:- غير حتى نخلص عاجبج وضع المطارده العايشين بي
بقيت اباوع عليه بلا شعور شمرت نفسي بحضنه وصرت ابجي بحرگه وصوت عالي وهو يلمني وعصرني بحضنه حيل ابتعدت شويه وحجيت واني ابجي
مياسين: اروح وياك
عگد حواجبه وحجه
الخيلع:- وين تروحين وياي وانا ماعول ادفع الخطر بعيد عنج
مياسين:- وتشمر نفسك انت بالخطر
حجه بعصبيه
الخيلع:- كتلج ماكو شي خطه مدبره
ماقتنعت بقيت ابجي وصممت الا اروح ويا ماقبل حتى يسمع مني كوه سكتني
مرت يومين وهم يخططون واني هم اخطط شلون اقنعه حتى اروح ويا جبته بكل الطرق ماقبل وجان رافض رفض قاطع وحتى مايسمعني
وجا اليوم الي اتفقو بي يروحلهم قبل لا يطلع جنت حاضنته ابجي اتوسل بي ميروح
الخيلع:- تأخرت گمريه كتلج لا تخافين راجعلج
حجيت واني اشهك
مياسين:- واذا مارجعتلي شسوي اني وين اروح حُر وين اروح
حضني دفن راسه برگبتي يطبع عليها بوسات بهدوء
رفعت راسه وحجيت بدموع
مياسين:- حُر انت وعدتني ماتعوفني ووعد الحر دين
الخيلع:- اوعدج گمريه ماعوفج راجعلج
اتقرب مني باسني بجبيني بعيوني على طرف انفي وخدودي بعدها وزع بوسات سطحيه على شفتي سند راسه على راسي وحجه
الخيلع:- ديري بالج على روحج
حجيت واني ابجي
مياسين:- ارجعلي حُر
الخيلع:- ادعيلي گمريه
دك تليفونه جاوب باس ايدي وعافني وطلع وهو يحجي بالموبايل مديت راسي شفته وكف يم سيارات سود بيهم اربع سيارات قبل لا يطلع گلي ثنين راح يبقن واگفات باب البيت حمايه الي
دخلت جوه وبقيت اكل بروحي كل مره هيج يسوي يأمن عليه وهو يمشي للخطر برجليه
باوعت النفسي بالمرايه وحجيت
مياسين:- هالمره لااا حُر لا رجلي على رجلك
فتحت الكنتور وطلعت عبايتي لبستها ولفيت الحجاب اخذت فلوس وطلعت ماگدر اطلع من الباب الاساسي البيت بي مثل الباب بالمطبخ يطلع على شرفه مثل البلكون بس ناصيه ارتفاعها 3 درجات تطلع على حديقه صغيره مسيجه بيها باب للشارع جانت ضهريه فتحت الباب وطلعت للحديقه فتحت بابها مديت راسي بعدهم واگفين بس بعيد طلعت بسرعه ركض صرت ورا السياج بعد ميشوفني ميشيت للشارع وگفت تكسي وصعدت
وصفتله المكان وگف شويه بعيد عنهم وكتله من تتحرك السيارات اطلع وراهم
بقينا ننتظر شويه باوعلي ابو التكسي وحجه
- شو انتي هربانه من شي حدا
جاوبته واني اباوع گدامي
مياسين:- ليش
- عم شوفك متوتره كتير وبعدين مين هدول الناس الي بدك تلحقيهم
بدو يتحركون حجيت
مياسين:- هسه انت شعليك ماخذتك ببلاش لو بفلوسك امشي عفيه بدو يتحركون
طلعو وهو هم حرك السياره ومشه وراهم وحجه
- ان شاء الله مايكونو رايحين لمكان بعيد
مياسين:- شلحيت گتلك شگد ماتريد انطيك
هز راسه وبقى يمشي وراهم طلعنا من المدينه وصرنا نمشي بمكان مقطوع ماكو سيارات بس سياراتهم 2 وسياره الي صاعد بيها حُر واحنا وراهم لكن فجأة صفت سياره يمنا ماعرف منين طلعت وهم سياراتهم وگفت
صاروا يأشرولنا حتى نوگف اني متت من الخوف ريگي نشف حجه ابو التكسي
- والله انا عرفت ان وراكي مصيبه وهاي المصيبه هاا
مياسين:- عفيه لا توگف حاول تسرع
بلا ميجاوبني طبك على صفحه صحت بي
مياسين:- ليششش وگفتتتت امششيي
بسرعه حاوطو السياره ونزلو جتفو منزلين راسه ماگدرت اسوي شي من الخوف بس صرت ابجي شفت من بعيد السيارات رجعت علينا وحتى السياره البيها حُر هم وياهم
وصلو يمنا وراح واحد ركض حجه وياهم بقيت گاعده بالسياره وابجي شفت حُر نزل من السياره واتقدم بتجاهي ماعرف افرح لان طلعو جماعته لو اخاف من عنده ومن رده فعله الي ماعرفها شنو
اتقدم بعصبيه فتح الباب اليمي واني گاعده ابجي فتح عيونه حيل بعصبيه وجرني من ايدي حيل عتها ونزلني من السياره واخذني وراها حسيت ايدي انكسرت من ضغطته عليها
حجه بعصبيه عيونه ماعرفت افسرها من كميه الغضب
الخيلع:- ولجججج شججاببججج وررايييي ياغضب الله الطاح فوك راسييي شججااببجج
اريد احجي ماگدر بس صوت شهگاتي تطلع گوه حجيت
مياسين:- حُر ايدي راح تنكسر
ضغط عليها اكثر وحجه
الخيلع:- وكسرتهم
هزني حيل وحجه
الخيلع:- شلون تطلعين من البيت وحدج وبلا ما انا ادريي شنييي ولججج مستصغرتني ماوراججج نعال ترجعيله تاخذين شورج من راسسجج
مياسين:- ماگدر اعوفك وحدك ماگدر فدوه حاول تفهمني كل مره تأمن عليه وانت تروح للخطر
صك على اسنانه وحجه بعصبيه
الخيلع:- حسابج بعدين مو هسسه انا الججج لو ماطلعت هاي السالفه من عيونج واخليج تصيحين التوبه انا مو الخيلع
ماگدرت احجي اتقرب هذا الاسمه السياف وحجه
السياف:- تأخرت لازم تتحرك
باوعله وحجه
الخيلع:- وهاي الطرگاعه وين اوديها لازم ارجعها
باوع الساعته وحجه
السياف:- لا ماتلحك يادوب توصل هسه يشكون بيك
باوعلنا وحجه مكمل كلامه
السياف:- اعتقد بوجودها راح يكون خروجه اسهل لان المدام المطلوبه من قبلهم مو انت
حجه بعصبيه
الخيلع:- مستحيل مااخليها توصل ابد هذا الشي مستحيل
بقى يحاول يقنع بي ماقبل يقتنع اتقربت منه وهمست
مياسين:- فدوه خلي اروح وياك
مد ايده گرصني گرصه يمكن شلع جلدي بيها مدري شلون ماصرخت بس عيوني دمعت
گوه يلا اقتنع اروح ويا لان ماعنده حل لا يگدر يرجعني ولا يأمن يرجعني ويا احد صعدني بالسياره يصيح ويحجي ويتوعد اول ماحركت السياره الحدما وصلنا هم اختفو ماعرف وين يعني بس السياره الاحنا بيها وگفت يم انقاض مصنع قديم والمنطقه مقطوعه نزلنا بسرعه رحت اركض لزمت ايده خاتله ورا حجه بعصبيه
الخيلع:- هسه خفتي يالشلنفص من طلعتي من البيت ماخفتي
حضنت زنده حيل ساكته وهو يضغط على ايدي حيل بعصبيه حسيت اصابعي صارن يطگن
شويه ومانحس لا حاوطونا هواي زلم كلهم رافعين سلاح صرخت بفزع وخوف بسرعه حجه
الخيلع:- اشششش صوتج لا يطلع
حجه واحد منهم
- وين الامانه العندك
طلعلهم السلاح الدزو النا من خصره وشمره عليهم
- بعد في عندك اشي تاني
حجه بهدوء واعصاب بارده
الخيلع:- لا
- السياره من وين
الخيلع:- استأجرتها
- ايي منيح هلا بنفتشكون
صاح بعصبيه وكأنه هو الخاطفهم مو هم الخاطفينه
الخيلع:- الي يتقرب منها مايلوم الا نفسه اشرب من دمه
- لكن كيف بدكن تدخلو
الخيلع:- بكيفك تريد نرجع تسوي فضل
تنهد فتحلنا الطريق تعديناهم سحب ايدي وخلاني امشي گدامه دخلنا جوه هو المصنع جبير ومهجور وكفنا بقينا ننتظر شويه بس اني من الخوف حتى رجليه خدرت وبس صوت شهگاتي طالع
شويه ودخل وحد يدفع شخص بكرسي متحرك انتبهت عليه زين هو هذا نفسه النهشل باقي معوق وعلى كرسي متحرك اول مشافنه ضحك بصوت عالي وحجه
النهشل:- عراقيين خرب بعرضكم وجوهكم ملحه مو مثل هذولي فاهين
الخيلع:- وهاي اجيناك برجلينا شتريد سولف خلي ننفذ
النهشل:- سلمنا الحلوه وروح
دفعني گدامه بخفه وحجه
الخيلع:- هاك اخذها وخلصني الا تخليك تتندم على الساعه السوده الشفتها بيها
فتحت عيوني حيل مصدومه من كلامه
النهشل:- هيج الروح عزيزه تخليك تضحي بالسمراء الفاتنه
الخيلع:- انت شتگول
النهشل:- اني اگول لو انطي روحي فداها مااعوفها واضحي بيها
الخيلع:- وانا مستغني عنها وباصملك بالعشره
بعده يحجي ماحسيت الا ماعرف منين طلعت الزلم كلها ملثمه ومسلحين حاوطونا وواحد يصيح اشمر سلاحك
باوعت الكل شمر سلاحه بوسط ذهول وهذا الاسمه النهشل ماكدر حتى يحجي بقى فاتح عيونه بصدمه
حُر سحب ايدي حيل ناحيته وحجه
الخيلع:- امشي بسرعه
مالحگت استوعب شنو صار جرني من ايدي يركض بيه وصوت الطلق الصار عالي صرت اركض واصرخ بفزع وصوت سيارات وهي تفحط انگلب المكان گلب
الخيلع:- هاي هي خلصت
باوعتله وحجيت
مياسين:- شنو الخلصت
الخيلع:- المهمه هي هاي
بقيت صافنه عليه ماعرف شحجي
الخيلع:- يعني لو اكو خطوره على حياتج واحد بالميه تتخيلين ممكن اجيبج واجي بس انا واثق بأبو حمزه هو گدها وگدود
جر ايدي وحجه
الخيلع:- لازم نبتعد منا
صعدني بالسياره دفعني حيل وحجه بعصبيه
الخيلع:- احسابج من نوصل للبيت
بقيت ساكته مصدومه ماعرف شنو احجي صعد يمي وساق السياره الطريق كله هو ساكت بس احس بي من الاعصاب من يباوعلي عبالك يضربني مو يخزرني
وصلنا للبيت وگفت السياره وحجه
الخيلع:- يلا انزلي خاتون
حجيت بخوف
مياسين:- شنو راح تسوي
باوعلي وحجه بهدوء
الخيلع:- اعاقبج
لزمت ايده وحجيت
مياسين:- فوك مخايفه عليك
نزل اندار ناحيه الباب البصفي فتحه وجرني من ايدي وحجه
الخيلع:- هو لان خايفه عليه قررت لازم تتعاقبين
سحلني ورا وهذولي بعدهم واگفين يم الباب سلم عليهم فتح الباب ودفعني جوه حيل
عطت متألمه انداريت عليه دفعته حيل ارتد الي ورا بعدها اتقدم عليه خله وجه بوجهي يباوع بعيوني وصوت نفسه عالي دفعني وحجه بصوت ذايب
الخيلع:- شلون تطلعين وحدج هاا ماوراج رجال مو بعينج انا
دفعته وحجيت
مياسين:- ماسويت شي غلط خايفه علييييك
ماحسيت الا وضربني راشدي فر وجهي من حرگه گلبي رفعت ايدي اريد اضربه لزم ايدي خلاها ورا ضهري وقربني عليه
وجه بوجهي وصرنا ناخذ نفس واحد غمض عيونه وحجه بذوبان
الخيلع:- خفت عليج بعد لا تسوينها
دفعته حيل وصرت اضرب بصدره بقوه احجي وابجي
مياسين:- ليشششش تضربننيي لييششش حقير خايفه عليك
بعدني على هاي الحاله رجع ضربني راشدي مره ثانيه
قبل لا انطي اي رده فعل دفعني على الحايط والتهم شفايفي بكل لهفه حاولت اقاوم وادفعه ماگدرت اخذ اديه صعدهن فوگ راسي وكمل مشواره بكل لهفه
ابتعد مني شويه همست
مياسين:- حُر
همس
الخيلع:- ماي گلبي انتي
ورجع مره ثانيه ماحسيت على نفسي لا واني محاطه رگبته ومبادلته بنفس لهفته ويمكن اكثر حاوط خصرتي رفعني اله ورجليه حاوطت خصره شالني يمشي بيه بس مابتعد بعده يبادلني دخلنا للغرفه وسد الباب ورا .........
يتبع...
𓂃 ִֶָ𓂃 ִֶָ𓂃 ִֶָ𓂃 ִֶָ𓂃 ִֶָ𓂃 ִֶָ𓂃 ִֶָ𓂃 ִֶָ
بقلمي: زينب علي
شنو رأيكم بالاحداث؟
شنو تتوقعون يصير البارت الجاي ؟
عثراتي علقو رأيكم كلش يهمني 🥺❤️
ولا تنسون التصويت + متابعه الحساب + التعليق على كل فقره شكد متكدرون
احبكم❤️
متابعه ممتعه 💜