🌟حہب عہنہ طريہقہ آلَفہآيہسہبہؤُكہ🌟
❌⛔ ممنوع النقل دون اذني ⛔❌
🌸🎀صـــوُنـــــــٌيـــــــّــآ🎀🌸
🌹الحلقة: 24 🌹
نهال بفرحة: خليها للمكتوب وين تعرف بالك غدوة نموت.. وتولي تحوس على غيري.. هههه
احمد: علاه هك بعد... إن شاءلله يومي قبل يومك.. علاه تحبي تحرميني منك اااه.. راك شيبتيني ماوصلتلك... تحبي تخليني مرة اخرى...
نهال تسمع فكل كلمة يقول فيها قلبها راح يخرج... فرحانة وفي نفس الوقت خايفة من المستقبل المجهول.. خايفة فرحتها متكملش...
نهال: حبيبي نسقسيك؟؟؟...
احمد: ااااه ياروح حبيبك سقسي انا كلي ليك...
نهال: علاه مصر عليا انا بذات... حكيت مع صارة واكيد حكيت مع الالاف قبلي... علاه انا...
احمد: ممكن تخلي جواب هذا للايام هي لتجاوبلك عليه...
نهال: حبيت نعرف... اما معليه كما تحب نخلوها للايام...قلي درك كنت مبلوكياتك كفاه حتى تنحى امممم...
احمد: هذا الجوابه بذات تلقيه عند صحبتك... لظلمتيها... ايه فكرتيني.. نحبك تصالحاها لأنو لو كان تعرفي... وفائها وحبها ليك.. تكرهي نهار الي خممتي فيه تعاتبيها وإلا تبعدي عليها...
طبطب الباب عند نهال.. بعدت تلفون.. ماما تحتاجي حاجة؟؟؟
امها بنتي نسمع فيك تحكي تحيرت ماهياش عوايدك..
نهال: لا ماما هاذي غير صارة... دوك نقفل سامحيني لا قلقتك... تصبحي على خير...
امها: وانت من اهل الخير ماتنسيش تتغطي مليح بارد الحال...
نهال: اوكي مام... بلا ما توصي...
راحت امها ورجعت تحكي مع احمد...
نهال: احمد ماما تحيرت اول مرة نحكي هك فليل والدار نتاعنا تسمع نخليك ونكملو بلكتابة معليه...
احمد: اكيد بنوتي الي يريحك... اصلا غدوة نجي لباباك ولا قبل... مانبقاوش نحكي بتخبية...
نهال: صحا روح مسنجر..
احمد: هاتي بوسة قبل تصبيرة...
نهال بحشمة: احمممد.. بديناها من ذرك...
ضحك عليها احمد وقطع اتصال... مع قطع بعد.. بعتلها مساج...
احمد: نحبببببببببببك يا بنت قلبي....
نهال بفرحة ردتلو : حتى انا....
احمد: وش هذي حتى انا... تحكي مع خوك واقيلا...
نهال: حبيبببي خليني على راحتي...
ضحك وردلها: معليه قوليلي ممكن غدوة نجي نتلقاك.. حاب نشوفك ومنو نقابل باباك...
نهال وهي مخلوعة: وين تتلقاني.. وزيد تحكي صح غدوة تجي لبابا... خمم احمد زواج ماهوش لعبة حتى تتقررو في ساعة..
احمد: نعرف وش راني ندير انهال مرانيش صغير... مش كل دورة زوج تقوليلي نخمم... حسب شوفة ماعندكش تيقة فيا اممم .. دروك نخليك تصبحي بخير
نهال: حبيبي والله ماقصدي نزعفك مني... حبيت نولهك برك...
احمد: صحيتي فحلة وصلني جوابك... ودرك نخليك تصبحي بخير غدوة خدام.. وانت تصبحي تقراي... وخرج وخلاه تغلي وحدها... اما هو فكان يتبسم بخبث... متوعدها..
نروح لنهال لدهشت من تصرفو..غير درك كانو يحكو لباس عليهم تمتم تقلب..وتغير حالو من حال لحال....لاوزيد خرج من فايس مخلاهاش حتى تردلو...معرفتش كفاه ترضيه...قعدت تتقلب في فراشها مجاهاش النوم...
#يتبع
⬅️زعمة وش الي يخمم يعملو أحمد...الاحداث الجاية كفاه راح تكون خلولي رأيكم..وتفاعلكم فلحلقات