Mukhi Apne Dil Ka haal Anjaane main Purvi ko Bayaan karta hai aur usi waqt Mukhi ke aankhon se ansoon Purvi ke Haathon pe girta hai aur Purvi ko achanak se Hosh aa jata hai....
Purvi - Mukhi Ji Aap Ro Rahe hain?
Mukhi Purvi ko hosh main dekh kar khush Ho jata hai aur bolta hai...
Mukhi - Tu Thik to se na...Koi takleef toh na ho rahi hai tanne aur tu uth kyun rahi se...
Laiti reh...
Purvi - Aapne Jawab Nahin diya mere sawal ka...
Mukhi - Kaunsa Sawal?
Purvi - Ki aap Ro rahe the kya?
Mukhi ko yaad aa jata hai ki usne Purvi se dil ki baat kahi thi aur ro raha tha...
Purvi - Kahan Kho gaye? Jawab toh dijiye
Mukhi - Main Kyun Rone laga
Purvi - Toh aapke aankhon main aansoon kyun the...
Mukhi - Aansoon nahin the woh, woh mere aankhon main paani aagaya tha...
Woh Aankhon main kuchh chala gaya tha...
Purvi - Aap sach main nahin ro rahe the?
Mukhi - Tu ke bak bak kar rahi se...
Abhi abhi toh thik hui ho chup kar ke so Jaa...
Purvi - Hum Marte marte bach gaye par aap ab bhi hum pe hi gussa nikal rahe ho
Mukhi - Toh kisne kaha tha tanne wahan Jhansi ki Rani ban ne ko...
Kud gayi goli khane
Purvi - Toh hum kya karte? Aapko maarne wale the woh gunde aur aapko bachane keliye humein jo thik laga woh humne kiye
Mukhi - To manne bachane keliye kya Marjaogi
Purvi - Haan....
Mukhi - Kyun
Purvi - Kyunki hum aapse Pya.... matlab Aapke bachchon se pyaar karte hain aur woh apne Baba ko kho dein yeh hum kabhi nahin hone denge kabhi bhi nahin....
Chahe Humari jaan bhi na kyun chali jaaye....
Mukhi Purvi ke Muhn pe haath rakh deta hai...
Mukhi - Khabardar jo tune fir se marne ki baat ki ab tu chup ho ja Juhi Manas thodi der main aane waale hain...
Itne Main Juhi Manas ICU ke andar aa jaate hain
Kids - Hum aagaye....
Manas Bhaag kar Purvi ke paas jata hai
Manas - Haathi tum thik ho gayi na?
Purvi - Hum bilkul thik hai
Juhi Bhi Purvi ke paas pahunch kar boli...
Juhi - Haathi agar tumhe kuchh ho jata toh hum kya karte?
Purvi - Humein kaise kuchh ho sakta tha humare paas do nanhe farishtey jo the...
Kids - Kaun?
Purvi - Arre aap dono mere Genda Bhai aur Khargosh...
Fir Juhi Manas Purvi ko gale lag gaye aur Purvi bhi unke gale lagi...
Ye pal Mukhi dekh kar khush ho raha tha aur mann main socha
Mukhi (Mann main) - Bhagwan tera laakh laakh shukar hai ki Iss Bawari jaan aapne bacha li aur mere Bachchon ke upar se maa ka saya fir se na chhina ...na hin mujh se meri zind....
Yo main ke soch raha hoon
Yo main Iss Bawari ko apni zindagi kyun bol raha tha?
Yo Bawari keliye main aaj kyun ro raha tha?
Kya sirf bachchon keliye ya Kahin mujhe Bawari se Pya... Nahin Nahin aisa na hai woh toh bas ek lagaav hai aur upar se ye toh mere parivar khayal rakhti hai sayad isiliye main itna soch raha hoon....
Bas kar Mukhi sochna band kar....
Juhi Manas - Baba! Baba! Hum haathi ko kab Le jaa sakte hain Ghar
Tab Hi doctor ICU main aata hai aur kehta hai...
Doctor - Abhi nahin Bachchon....
Kuchh din baad le jana apni haathi ko...
Abhi Woh kamzor hai na toh abhi Yahin pe aaraam karengi...
Achha Ab aap sab chaliye Nurse Mukhyani ka dressing karne wali hai....
Sab wahan se jaa hi rahe hote hain ki
Doctor - Aap Kahan jaa rahe hain Mukhi ji
Mukhi - Abhi toh kaha bahar jaane ko
Doctor - Sab ko kaha aapko nahin...
Aap Mukhi ji hai aur inke Pati...Yahan pe aapka rehna laazmi hai
Mukhi - Parr...
Doctor - Parr Var kuchh nahin Aap yahin rahiye...
Nurse Inhe sikha dena sab kuchh
Nurse - Ji Sir....
Nurse Mukhi ko Purvi ke paas jaane ko bolti hai aur Kaise dressing karein woh sab bolti hai....
Mukhi - Par Yo sab manne kyun samjha Rahi se...
Yo toh Nurse ka kaam Hove Hai....
Nurse - Haan par hum har waqt toh nahin rahenge toh Aapko hi sikhna padega aur iska baad aapko karna padega....
Chaliye Aap Main Jo kehti hoon kijiye
Mukhi thoda hichkicha ke....
Mukhi - Ke karna hai....
Nurse - Aap Pehle Upar ke do button kholiye, Fir ye purani patti nikal lijiye uske baad ye Rui main Spirit laga kar saaf kijiye fir ye dawa laga ke Fir se patti kar dijiye...
Jaldi kijiye...
Mukhi Purvi ke Kapdon ke paas Haath dheere dheere leta hai....aur Button Kholne ki koshish karta hai...Isi beech Dono ek dusre ko dekhte hain aur Fir nazre chura lete hain...
Mukhi sab Kuchh Hichkicha kar karta hai aur purvi bhi Awkward Mehsoos karti hai
Dono ek Dusre ko fir se dekhte hain aur fir se nazre chura lete hain...
Mukhi Achhe se patti kar leta hai aur Purvi ke kapdon ke button ko Band kar deta hai....
Ye sab Nurse dekhte hue puchh ti hai
Nurse - Aap Inke pati hai aur ye aapki patni parr aap dono main itni hichkichahat kyun hai....
Aur Mukhi ji jab Mukhyani ji Ka Operation ho raha tha aap toh bilkul bechain the aur Pareshan bhi...
Ab aise kyun behave kar rahe hain jaise ek Dusre se Anjaan ho aap
Mukhi - Aisa Kuchh na hai...
Eib ye bolo ki kab Ghar lekar jaa sakte hain...
Nurse - Abhi nahin kam se kam ek hafta....
Mukhi - Kya? Ek Hafta...
Nurse - Haan warna tabiyat kharab ho sakti hai
Mukhi - Thik se....
Aise Hi ek hafta Beet gaya...
Bachche Har roz Purvi se milne aate the...
PD aur Mama Sarkaar Khana lekar Hospital aate the...
Mukhi Purvi ki Seva karta hai....
Aakhiri din....
Doctor - Mukhi Ji Ab Mukhyani Ji ko aap le jaa sakte hain Ghar wo ab bilkul thik hain...
Aap Mere saath aaiye aur discharge papers pe sign kar dijiye...
Mukhi - Ji Thik se...
Aur Mukhi Doctor wahan se chale jaate hain..
PD Purvi ko uske kapde de deti hai aur pehen ne ko kehti hai aur bahar jaake Baith jaati hai...
Purvi Kapde badalne lagti hai...
Tab Hi PD ko ek Phone aata hai aur woh wahan se baat karne chali jaati hai aur isi beech Mukhi Discharge papers lekar aajata hai aur Room ke andar Ghus jata hai....
Purvi Chaunk jaati hai aur Mukhi bhi Chaunk jata hai....
Purvi - Aap Aise kaise aagaye...
Hum kapde badal rahe the
Mukhi - Manne kaise pata chalega ki tu Yahan Kapde Badal rahi hai
Purvi - Maa ne Roka nahin aapko?
Mukhi - Maa? Maa Kit gayi?
Purvi - Maa Bahar nahin hain...
Abhi toh the....
Mukhi - Tu thik se hai na....
Maa nahin hai bahar aur waise bhi kapde badal toh liya na...
Purvi - Woh humare Choli ki Dori nahin bandh rahi thi...
Aap Maa ko bula dijiye ya fir Nurse ko
Mukhi - Kyun? Main kar deta hoon...waise bhi maine ek baar Dori bandhi thi toh ab Koi Dikkat toh hai bhi na....
Aur itna keh kar Mukhi Purvi ki dori baandh ne lagta hai aur Purvi Chup Chap Khadi hokar Mukhi ke Sparsh ko mehsoos karti aur dheere dheere Muskurake Sharmaane lagti hai....
Tab Hi PD room ke andar aa kar bolti hai...
PD - Ye ke ho raha hai?
Ye sun kar Mukhi aur Purvi Chaunk jaate hai aur Sar jhuka ke khade ho jaate Hain
PD - Arrey Virendar tu yahan kab aya woh Purvi kapde badal rahi thi aur Main Bahar hi baithi thi ke mujhe ek Phone aya aur isi wajah se wahan se chali gayi thi tab hi aagaya hoga....
Chalo Koi na hai Pati patni ho tum dono isme sharmane ki ya fir Ghabrane ki kya baat hai...
Waise ab chale kya hum sab...
Bachche Wahan Intezar kar rahe hain apni Haathi ko Welcome karne keliye...
Mukhi - Ji Maa Ghar Chalte hain
Aur wahan se PD, Mukhi aur Purvi Nikal padte hain....
Mukhi Car ke saamne wali seat pe baitha hota hai aur Purvi bilkul Mukhi ke pichhe
Car ke Rear View Mirror pe dono ek dusre ko dekhte hain bina Palke jhapkayein
Aur Muskura ne lagte hain....
Tab Hi Driver FM laga deta hai aur ek Gana bajta hai ...
" Jab Kisi ki Taraf Dil Jhukne Lagey....
Baat Aakar zuban Tak Rukne Lagey....
Aankhon Aankhon Main Izhaar Hone Lagey...
Bol Do Gar tumhe pyaar hone Lagey...
Hone Lagey Pyaar Hone Lagey..."
Toh Dono ka dil Ek dusre ki taraf jhukne bhi lagey the aur Baat bhi Zubaan par aake Ruk ne hi lagey the....
Aur Aankhon Aankhon main Izhaar bhi kar rahe the....
Par Ye kya kabhi Bol payenge ki inhe Pyaar ho gaya hai...
Ya fir Dil Main yeh ehsaas aise hi dafan kar denge ....
Par Jo Bhi Ho PurVir ko Ek dusre se Pyaar Toh Hona Hi tha aur hogaya hai ab bas yeh dono uss pyaar ko ehsaas kare aur ek dusre se bayan.....
Dekhte hain aagey kya hota hai.....
Jaan Ne keliye Jude Rahiye Mujhse....