(So Sorry For the late update but I was very much busy in my personal life so I had no time to write stories so please Forgive me.
I will Upload new parts quickly now onwards...)
Purvi Kitchen Se Khana Bana ke Bahar jaati hai Baazar Kuchh saamaan Khareedne...
Purvi - Maa, Hum Baazaar jaa rahe hain kuchh saamaan Khareedne aate waqt bachchon ko saath lekar aayenge...
Agar Mukhi Ji aajaye to unhe Lunch de dena Aap...
PD - Thik Hai Main Virendar ko khana de dungi Tu Fikar mat kar aur dhyaan se jana...
Purvi - Thik hai Maa, Hum aate hain...
( PD ka Pair Chhukar Purvi Bahar Nikal jaati hai)
Baazaar Se sab saamaan Khareed kar Purvi School Jaati hai aur wahan se Juhi Manas ko Le kar aa rahi hoti hai ki....
Manas Ice cream khane ko kehta hai....
Purvi - Are Genda Bhai sardi main Icecream khaoge toh gala baith jayega aur ghar laut kar lunch bhi toh karna hai...
Manas - Nahin Haathi mujhe abhi Icecream khana hai bas....
Juhi - Haan Haathi humein Icecream khila do na please ...
Purvi - Achha thik hai par Pramise karo ki Lunch Thik se karoge...
Juhi Manas - Promise Haathi Hum achhe se Lunch karenge...
Purvi to Icecream wala - Bhaiyaa Do Icecream dena
Juhi Manas - Aap Nahin khaogi Haathi?
Purvi - Nahin Aaj Mann nahin kar raha hai...
Juhi Manas ( Haste Hue ) - Baba ki yaad aa rahi hai aur Baba ne shayad kuchh nahin khaya hoga yeh soch ke nahin kha rahi ho na aap....
Purvi - Aisi Koi Baat nahin hai...Chup Chap Icecream khao warna hum Yahan se chale jayenge....
Juhi Manas - Sorry Haathi ...
Purvi Ko Yaad aya ki Usse Juhi Manas ke project keliye kuchh saamaan aur khareedna hai toh woh Paas Wale Stationary shop pe gayi....
Purvi - Bachchon tum icecream Khao main bas uss dukaan se aayi...
Kids - Okay Haathi...
Purvi Dukaan pe pahunchti hai toh do aadmi jo Gundon ki tarah kapde pehne hue hain unko dekhti hai aur thoda ghabra jaati hai par woh usse ignore karke dukaan se saamaan lekar aajati hai...
Aate waqt Purvi ke haathon se Ek Bag gir jata hai aur woh jhuk kar jab Bag utha rahi hoti hai tab hi woh un dono Gundon ki baat sun leti hai ....
Goon 1 - Dekho Maalik ne Humein Jo Kaha hai woh karna padega....
Goon 2 - Par agar pakde gaye toh Jail jayenge
Goon 1 - Par agar nahin karenge toh Jaan Jayegi
Goon 2 - Par Mukhi Ko Maarna itna aasan nahin hai....
Unke aagey piche Guards Hain aur woh Khud bhi toh Pehelwaan hai aur unka nishana bhi kabhi nahin chukta....
Kaise Marenge?
Goon 1 - Aaj Wo Dhawalpur Gaaon gaye hain Woh bhi Akele kisi se milne...
Koi Budhhiya hai sayad...
Aur Guards main sirf ek Guard hai baaki ghar gaye hain aaj mauka hai....
Goon 2 - Thik hai abhi chalte hain dopahar ka waqt hai sunsaan hoga jagah....
Itna Kehkar Dono Gunde chale gaye gaadi main bahut tezi se....
Purvi Yeh sunkar Wahan se bhaagne lagi aur Bachchon ko Gaadi main Bithaya...
Purvi - Driver Bhaiya aap Bachchon ko abhi Ghar lekar jaaiye aur Bachchon Ghar achhe se jana tang mat karna...
Hum abhi aate hain...
Kids - Haathi Par tum Kahan jaa rahi ho...
Purvi - Woh Aapke Baba ko laane unhone Bulaya hai humein isiliye....
Kids - Thik hai...Haathi
Bachche Wahan se chale jaate hain....
Purvi Mukhi ko Call lagati hai par Call nahin lagta kyunki Dhawalpur Gaaon main Network nahin hai....
Purvi Ek Auto Ko bulati hai aur Dhawalpur Gaaon Keliye nikal padti hai....
Purvi - Jaldi Bhaiya...Thoda Jaldi kijiye
Mukhi Dhawalpur Gaaon se Nikal kar aate hue achanak Ek Badi si gaadi Mukhi ke gaadi ke saamne aajati hai....
Mukhi - Ke Hua Gaadi kyun Rok di Tanne
Driver - Mukhi Ji Kisi ne humare gaadi ke saamne Apni Gaadi achanak se rok di...
Mukhi Gaadi se bahar nikalte hue ..
Mukhi - Yo ke natak hai....Aise Gaadi ke saamne rok kyun dia...
Arre Kaun se jiski itni himmat Hui ki woh
Mukhi Virendra Pratap Singh ko Rok Raha hai...
Pichhe Se Gundon ne Mukhi pe Humla kardiya ....
Mukhi Gundon se ladai karne laga....
Jordaar maar pit hone lagi
Itne main Purvi wahan aagayi...
Mukhi ko bachane par wahan Mukhi Ko Gundo Ke qaid main dekh kar ghabra gayi par himmat karke Woh aagey Badhi Aur Ek Danda utha kar maarne lagi isi beech Mukhi ne dono Gundon ko pakad liya aur Dono ko maarne laga.....
Isi maar peet ke beech Ek Gunde ne Gun Nikala aur shoot kardiya Mukhi par....
Purvi ne Jab yeh dekha toh Mukhi Ko bachane keliye Khud Goli ke saamne aagayi aur Woh Goli Usse lag gayi....Jiski wajah se Purvi Neeche Gir Gayi....
Mukhi Ye dekh kar Chillane ne laga....
Mukhi - Bawari.....
Mukhi Gusse main Dono Gundon ke pichhe bhaga par woh dono wahan se Bhag gaye....
Mukhi Purvi ke paas Daud ke gaya...
Mukhi - Ae Bawari Uth tanne kuchh na hoga...abhi Aspatal chalenge....
Purvi - Mukhi Ji....Aap thik ho na aap ko kuchh hua toh nahin...
Mukhi - Manne Kuchh na hua aur tanne main kuchh hone na dunga ...
Purvi - Mukhi ji agar humein kuchh hogaya toh aap Juhi Manas ka khayal rakhoge unse pyaar karoge aur haan khud se bhi pyaar karoge....
Mukhi - Chup bilkul chup...
Tanne kuchh na hoga...
Juhi Manas ke paas tu hi rahegi aur khabardar marne ki baat ki toh....
Purvi (thoda haste hue) - Kroor Singh kahin ke
Itna Kehkar behosh ho gayi....
Mukhi - Bawari....ae bawari uth...tanne kuchh na hoga....Main Hoon....Juhi Manas hai...Uth Bawari.....
Mukhi Purvi Ko Apne Baahon main utha kar Gaadi main Bitha deta hai aur Khud Purvi ke paas Usse pakad kar baith ta hai ..
Mukhi - Driver Jaldi Aspatal lekar chal....
Purvi Ka sar Mukhi ki God main aur Mukhi Ne Purvi ka Haath Pakda hua hai ..
Mukhi - Ae Bawari yo ke kiya tanne ....
Manne Bachane keliye Apni jaan daav pe laga di.....
Agar tanne kuchh hogaya toh Ke hoga mere ghar ka mere bachchon ka aur mera.....
Ae Uth ja na ......
Hospital main Gaadi Pahunch gayi aur Driver Ne Hospital walon ko bulaya Madad keliye....
Hospital staffs Purvi Ko stretcher pe laita ke le gaye...
Mukhi Saath saath Purvi ka haath pakad ke chalne laga
Mukhi - Doctor Sahab yo meri Patni se....
Isse Goli lag gai...
Isse Bacha lijiye ...
Doctor - Aap Yahin Rukiye Hum Mukhyani Ji ka treatment shuru karte hain...
Aap Reception pe jaake saare formalities Kar lijiye....
Mukhi - Par ...Bawari thik toh ho jaywegi na
Doctor - Hum Puri koshish karenge aap chinta mat kijiye ....
Mukhi Reception pe Saari formalities karta hai aur Gharwalon Ko saare haadse ki khabar deta hai....
PD - Yo Ke keh raha hai Virendar....
Purvi Ko Goli lag gayi aur woh Aspatal main hai....
Aisa kaise hogaya....
Tu Ruk wahin hum wahan aate hain
Mukhi - Maa woh Juhi Manas ko mat batana warna woh Pareshan ho jawenge....
PD - Thik hai hum abhi aatey hain
PD ne Phone rakha aur Achanak Juhi Manas ko dekha
PD - Balakon tum Yahan ke kar rahe ho
Kids - Daadi Haathi ko goli lag gai hai na...
PD - Woh Aisi baat na hai....
Kids - Humne sab sun liya haathi ko goli lag gai hai aur woh Hospital main hai....
Daadi Agar haathi Mar gayi toh woh bhi Maa ki tarah kabhi wapis nahin aayegi na....
Daadi....
Juhi Manas Rote hue ....
PD ( Bachchon ke aansoo poch kar ) - Na na aisa na kehte subh subh bolo....aur haathi ko kaise kuchh ho sakta hai...
Haathi ke paas toh kitni Shakti hoti hai...
Hai ki nahin?
Toh Haathi ko kaise kuchh hoga
Balakon tum Bhagwan se Prarthana karke Apne haathi ki lambi umar maango wo tumhari baat sunenge...
Kids - Sach main
PD - Haan
Bachche Ghar ke mandir ke paas bhag kar jaate hain aur Bhagwan se Prarthana karte hain....
Juhi - Bhagwan ji humari Haathi ko thik kardo hum shaitani kabhi nahi karenge
Manas - Haan Bhagwan ji AAP Humari haathi ko bacha lo hum Chocolates aur icecream bhi nahin khayenge....
Itne Main Mama Sarkaar Aatey hain Aur PD Mama Sarkaar Hospital keliye nikal rahe hote hain ki Bachche bhi zidd karte hain par unhe PD aur Mama Sarkaar samjha ke Anjali ke hawale karke Jaate hain....
Mukhi Hospital main bechain....
Mukhi ( Mann main ) - Yo ke hogaya...Manne bacha te bacha te usne apni Jaan khatre main daal di....
Agar Bawari ko kuchh hogaya toh Main Apne aap ko maaf na kar paunga aur Na hin mere bachche ....
Bawari Yo ke kardiya tere bagair Kaise jiyenge mere bachche....
Tere bina mera Parivar suna pad jayega aur tere bina mera....mera ke hoga....
Jis andhere dal dal se manne nikala tha tune aaj Usi dal dal main dhakel ke jaa rahi ho....
Sakshi ke jaane ke baad meri Zindagi jaise chhin gayi thi agar tanne kuchh ho jawega na toh mujh se meri puri duniya hi chhin jawegi....
Hey Bhagwan, Jo saza dena hai manne de par iss Bawari ko thik kar de....
Iske bina jee nahin paunga....
Itna sochte hi Mukhi ke aankhon main aansoo aagaye .....
PD aur Mama Sarkaar Hospital main.....
PD - Virendar Kaisi hai Purvi
MS - Viren yo sab kaise hua....
Mukhi ne sab kuchh bataya...
PD aur Mama Sarkaar - Purvi Thik hojayegi Bhagwan pe bharosa rakh....
Doctor ICU se nikal kar Mukhi ke paas aaye aur kaha...
Doctor - Mukhi ji Mukhyani Ji Ke Seene ke bahut kareeb se Goli lagi hai aur Itni Gehrayi main lagi hai ki bina operation ke nikal nahin payega isiliye humein Unka Operation karna padega....
Mukhi - Aap jo bhi kijiye par Bawari ko thik kar dijiye...
Doctor ne Purvi Ko OT main shift kiya aur Operation start hogaya yahan sab bechain hai aur Mukhi baar baar Purvi ko dekhne keliye OT ke paas jaa raha hai....
Khud ko mann hi mann kosh raha hai....
Ro Raha hai tadap raha hai......
Kuchh der baad Operation khatam hua aur Doctor OT se jaise hi Bahar aaye....
Mukhi Bhag kar Pahunchte hue....
Mukhi - Bawari...Bawari thik toh hai na....
Doctor - Ab sab thik hai...chinta karne ki koi baat nahin hai Mukhyani ji Bilkul thik hai....
Mukhi Chain ki saans lete hue...
Mukhi - Hum mil sakte hain kya abhi...
Doctor - Abhi woh behosh hain hum unhe pehle ICU main shift kar dein fir aap sab milenge....
Mukhi - Ji shukriya
PD aur Mama Sarkaar - Bhagwan ka laakh laakh shukar hai ...
PD - Abhi main Balakon ko ye baat bata deti hoon woh khush ho jayenge ...
Doctor - Aur haan Yahan Mukhyani ji ko ek do din rukna padega toh Ghar main se koi ek raat main ruk sakta hain...
Mukhi - Main Rahunga....
Doctor - Achha aap abhi jaake mil lijye...
Mukhi - Thik se ..
PD se Purvi ki baat sunkar Bachche khus hogaye....aur Purvi keliye Get well soon ka card bhi banane main lag pade....
Mukhi Purvi ke paas jakar baith ta hai aur usse achhe se dekh ta hai aur uska ek haath apne haath main lekar behosh Purvi se baatein karne lagta hai....
Mukhi - Ae Bawari tune toh ek pal keliye mujhe dara hi diya tha ....
Pata hai Aaj Maine woh mehsoos kiya jo pehle kabhi nahin kiya tha....pata nahin kyun mujhe aaj itna dar lagne laga...
Tumhe khone ka darr....
Agar tanne aaj kuchh ho jata toh main ke karta.....
Humesha tanne Chup hone ko kehta tha par aaj teri khamoshi mujhe kaat ne ko daud rahi thi ...
Tere Bina ek ek pal mujhe jaise ek ek sadi si lagi ...
Tujh se Humesha Humesha keliye Door hone ka khauf sata raha tha ....
Yo kaisa jaadoo kardiya tanne Bawari ki tujh se ek pal ki bhi doori bardasht nahin ho rahi hai mujh se ....
Ye Dheere dheere kya ho raha tha Mukhi ko
Kya Mukhi ne anjaane main apne pyaar ka izhaar Kiya ya Mukhi ko Purvi se pyaar ka ehsaas hua....
Aise pyaar ko kya naam dein jo hokar bhi nahin hai aur Na hokar bhi hai.....
Jaan ne keliye Kal tak ka Intezar karein.....
Kal Pakka iska agla part Post karungi...
I hope you all understand my situation
Love You
Good Night 🌃