المكتوب " على عشقك لاموني "

حلقة 81

🥀💎  المكتـــوب 💎🥀
     ⭐🌾على عشقـــــك لامـــــــوني 🌾⭐
❌⛔ ممنوع النقل حاليا ⛔❌
🖋 بقلمي: زينب   🖋
حلقة 81:
دخلت عليها من غير ماطبطب خلعتها...
سلمى: وينك اطفلة من صباح نحوس عليك...
ياسمين: اممم راني علبالي بيك جبتي روطار... اعملو رايكم مدامني مسؤولة...
قعدت مقابلتها:  لا مش مشكل هنا... تحبي تعاقبيني واجدة...
ياسمين هزت عينيها من ملف وسام... خير وش المشكل...
تنهدت مرجعة شعرها وراء وذنها: أسامة...
ياسمين ركزت معاها: وشبيه...
سلمى: مانقدرش نخدم معاه مستحيل...
ياسمين: وش عمللك الواطي...
سلمى: مافهمتش وش حاب ياك خرج من حياتي وهو الي حب طلقني غيابي... هج وخلاني من غير حتى ما يخبرني... قاعد يستفز فيا...
ياسمين: شوفي سلمى نعرف اسامة مليح... اناني لابعد حد... حاجة الي يحب يوصللها يعمل مستحيل يوصللها... خليك بعيدة عليه... لانو راح يعملك مشاكل مع راجلك...
سلمى: هو الي يتلاح علبا منبن يلقاني مش انا والله... قتلو راني مرت راجل... بكل برود قالي هو راجلك وانا حبيبك... نرمال هذا في مخو... مانظنش..
رجعت بلكرسي لوراء ياسمين: وانا قالي اعطيني رقمها ثاني...
سلمى: كفاااه احلفي... هبل هذا حاب يباصيني ولا...
ياسمين: لازم محمد يعرف بلحكاية وهو يحطلو حد قبل لا يتمادى...
سلمى: لااااا مستحيل  وشبيك اطفلة هبلتي والله يباصي في جرتو... انا ماصدقت رجع محمد لقديم...
وقفت تطل على طاقة: والحل سلمى حياتك زوجية  مع اسامة ممكن تتدمر...
سلمى: راح نسافر معاه هذا الحل...
دارتلها تشوف معاها: كفاااااه؟...
~~~~~~
كل مرة واحد من الحومة يجي يطل عليه يوقف معاه شوي يحكي... العايلة لكل جات ماعدا معتز الي يعيطلو... قالو نعمل دوش ونجي... اي خبر جديد يخبرو... مرة قاعد مرة واقف مرة يسقسي ممرضين على حالة خوه... يوصل بحدا بيرو تعها ويعاود يرجع مش حاب يكثر عليها... طفل عاوناتو وبزيادة اما الهبد يفهم روحو مايسيحش اكثر من اللزوم...تلفون نتاعو يصوني لاحبس ولا قال نحبس مش قادر يرد ولا يحكي... رجعو لجيبو قابلو ايمن مع حليمة ماشيين جيهتو تبسم معاهم مقرب يسلم عليها...
حمزة: وش حوالك حاجة...
حليمة: لباس سوال عليكم ياوليدي...
حمزة: نحمدو ربي على كل حال...(شاف مع ايمن غمزو ) مش حرام عليك تشقي في الحاجة؟...
ايمن: على اساس ماتعرفهاش ماحلتش روحها حبيت غير تجي وتشوفها...
حمزة قابلاتو جاية من بعيد عقد حواجبو يشوف معاها جاية بوجه صحيح... مسح على وجهو مدورو... شيء الي خلى ايمن يدور يشوف وين يشوف... حتى هو وجهو تقلب رجع شاف مع صاحبو... قرب منو اصرفها بلعقل وبلا مشاكل نطلع الحاجة ونجي اوكي...
حمزة: مافهمتش علاه جاية ر###... ق###تع###
ايمن: كالمي روحك اني راجع....