هذا البارت الاخير حبايب كلبيي..
فهد...نصدمت من كلي
الدكتور...للاسف طلع عندك ورم بالكليه بس يتعالج عن طريق عمليه نستئصل الورم ومابيها اي شي والحمدلله الورم حميد .شوكت تسوي العمليه..
فهد..كلش نصدمت خفت بس ماخفت من الموت خفت اموت واني ماشايف نوسه كتله اني ابلغك وطلعت خابرت عباس وكتله كلشي كتله بس اريد اشوفها اخر مره
عباس....خابرني فهد وحجالي كلشي نقهرت علي رغم السوا بنوسه بس نقهرت علي يبقه ابو اطفال اختي وابن عمي كتله تمام اني احاجيها ترجع.سديته ونطلقت للسليمانيه.
فهد....كلشش فرحت من عرفت حترجع وجدي وابوي اصروا اسوي العمليه خابرت نوسه قبل لادخل الغرفه العمليات.وكلتلها..
عباس....طلعت الدكتوره وشايله طفلين كلش نصدمنه يعني تؤام خلتهم بيدي نسخه فهد والبنيه تشبه نوسه كالت شسموهم كتلها نوسه تسميهم كلشش فرحت ضليت ابجي من فرحه وحسن همم شوي وطلعو نوسه للغرفه الخاصه صحت وباركنالها
نوسه...بعد عياط جبت طبيعي والدكتوره كالت اكو بعد طفل يعني حامل بتؤام الفرحه متنوصفف ابدد ضليت بجي واعيط جبت وكالت مبروك ولد وبنيه شكرت الله وغفيت من تعب كعدت بغرفه ويمي حسن وعباس كلواحد شايل طفل فدوهه باركولي واجت دكتوره كالت شسميهم تذكرت فهد بيوم جنه كاعدين سئلته اذا صار عدنه ولد شنو تسمي كال اسمي اسد الله والبنيه عليه كتلهم
نوسه...الولد اسد الله والبنيه ليالي ع الليالي الخلصتها بدون فهد طلعت من مستشفى وره كم يوم طلعت نتيجتي وجانت هاي فرحتي الثانيه ناجحه ومعدلي 93يعني راح احقق حلمي واصير محاميه قررت ارجع لبغداد وصدمني عباس من كالي ع فهد تهسترت وخلصتها بجي شلون يضمون عني هيج شي جنت كاعده ابجي ودك تلفون رقم غريب. مجاوبته ضل يدك هم مجاوبت وصلني مسج اني فهد راسا رديت وسمعت صوته اخخ ياصوته التعبان.
فهد..دكيت عليها مترد لحد مدزيت مسج يلا ردت كلش فرحت بهذا تصرفهاا.كتلها..الو هلا بالعافيه الخسرتها من راحت هلا بالماعرف انام ليلي وراهاا هلا بالماخذه كلبي وروحي.شلونج يروحي شخبارج.
نوسه...اسمعه وابجي بس قويت نفسي حته مابين اله ردت اسويها مفاجئه كتله بخير الحمدلله انته شلونك
فهد..تحجي برود بس مهتميت اهم شي سمعت صوتها كتلها بخير دامج بخير .شكو ماكو.اني حدخل للعمليه وردت اسلم عليج نوسه احلفج بعزيز كلبج اذا صار بيه شي سامحيني ولتشيلين بكلبج عليه ولله اسف ع كل لحضه اذيتج بيها اسف ع كل شي صار بيج بسببي ولله اسف فدوه سامحيني ولله احبج اقسم بالله ماحبيت احد بكدج ولا راح احب اذا متت سامحيني فدوه.
نوسه...يحجي واني ارجف وابجي كتله اسم الله عليك لتكول هيج الله يشافيك وتظلع بالسلامه حجيت هيج ودخل حسن شافني ابجي كال
حسن....شبيجج نوسه حبيبتي شصاير ايش تبجين
نوسه...اشرتله اشش فهد سكت وخله ايده ع حلكه ضحكت ع حركته كلت الو ماكو لكيته ساده كعدت ابجي وحسون يسكت بيه كمت صليت وادعي لليل عباس كال نجحت العمليه لتخافين وهوه بخير كلشش فرحتت صليت ركعتين شكر لله وهيج عدت الايام فهد بعد متصل ولا اني الجهال يكبرون يوم عن يوم عباس وحسن ملتهين يسوون اوراقي مال دوام .
فهد...جان احجي وياها وسمعت صوت ولد يكللها حبيبتي عرفته رجلها سديته بسرعه ودخلت للعمليات وره فترا كعدت لكيت نفسي بالغرفه واهلي كلهم يمي تحمدولي بالسلامه وحته اهل نوسه يمنه ثاني يوم طلعت من مستشفئ ورحت للبيت والخطار والشيوخ ناس طابه ناس طالعه حته ماكدر ارتاح لليل عدت الايام ورجعت وكفت ع حيلي اكدر امشي واطلع نوسه ع بالي مرت 5اشهر ضبط وره العمليه وحنين جابت ولد وعباس اجه يمها اكيد وكال نوسه هالايام ترجع هيه ورجلها من كال رجلها حسيت بغصه عفتهم وطلعت وره فترا واجو بيت عمي اهل نوسه وكالو نوسه راح تجي باجر البيت كله نخبص اكيدد حته يستقبلوها صارلها سنه ونص بعيده عنه خلصو التحضيرات وجبنه ذبايح الكل راح ينام اله اني ضليت افكر شلون راح اتقبل اشوف رجلها بس قررت هاهيه مدام شافت حياتها وتريده الله يسعدها اهمشي هيه بخير فزيت صبح كمت سبحت ولبست دشداشه ولفيت الغتره لفه خليجيه وعطر ونزلت تريكنه وضلينه منتضرين لل12الضهر وصلت سياره نوسه وياها رجلهاا.وهنا جانت الصدمه رجلها نفسه الاجه وياها اخر يوم قبل لتسافر والصدمه الثانيه محجبه والحجاب يجنن عليها كوه تمالكت نفسي واني اشوفه يبوسها بخده وشاورها .
نوسه...فديوم جنه كاعدين وخابرت حنين كالتله ولادتي هللايام راح عباس وره يومين خابرني جابت ولد ومسمينه حسن ع اسم حسون يكله لان انته محد سوه السويته بقست وي نوسه وعفت حياتك اطفالي وعمري صار عمرهم 6اشهر فدوه العمرهم اسد عيونه ع ابو وكلشب يشبه ابو بس ليالي نسخه مني وعيونها ملونه وشكره نفسي . وره كم يوم كملنه كل الإجراءات اللازمة ورجعنه لبغدادد. لبست هيج
اخخخخ يابغداد يا ريحت هلي وجنتي شفت الافته بغداد السلام ترحب بكم واني ردت روحي رحنه لبيتنه فارغ والجهال ويايه اسد يمي ولولو يم حسن البيت فارغ رايحين يمهم لان وصلنه بليل نمنه وكعدت ثاني يوم ولبست هيج
وليالي لبستها هيج.. وهيه هاي البنيه تشبه ليلي كلشش
ولبست اسودي هيج.. بس ع اصغر
طبعا همه بس يضحكون ويناغون فدوه العمرهم الله يحفظهم الي والفهد طلعنه والتوتر يقرا الف رحنه طلكنه اني وحسن وتوجهنا للعماره وصلنه واني سقت السياره وحسن بصفي نزلنه والكل جان منتضرنه ومصدومين متحجبه وحسن وياي اجه حضني وشاورني ع اتفاقنه مفهوم .كتله مفهوم وضحكت شفت فهد يايمه هسه ردت روحي عصبي ومكور ايده حيل شفت امي وابوي ركضت عليهم حضنتهم وبوستهم كالو سامحينه كلتهم مسامحتكم سلمت ع اخواني ومحمد الجبير شالني وضل يفر بيه حسن كله
حسن...ترا اغار لك نزلهاا.
محمد...نجب لك غير اختي طلعت انته رجلها مو جنتو اخوان😂
حسن..معليك انته مو نوسايتي.
نوسه...اباوع واضحك كتله ييي صحيح نزلت من محمد سلمت ع بنات فاطمه وحنين ونسوان عمامي والشباب كلهم وصلت لفهد مديت ايدي كتله الحمدلله ع سلامه.
فهد...الله يسلمج.
نوسه اجه حسن كال نوووسه ابنج وينن.كتله يااااا بالسياره جيببه.اباوعلهم كلهم نصدموو واولهم فهدد. جاب اسد يمي بسته جان نايم وراح للسياره جاب ليالي همه مصدومين كتلهم شبيكم جهالي امي بوستهم وابويه هم والبقيه دخلنه جوه وجهالي ماكو من ايد الايد اباوع فهد مصدوم كلششش
فهد...جانت هاي ثاني صدمه عدها جهال يعني ماكو امل بعد كلشش حتركت اعصابي ضليت صافن والجهال من ايد الايد حسن عرفته طلع ابن خالتهاا مدري خالهاا هه عود جان اخوهاا ضليت كاعد لحد ما كالتله حسن اخذ الجهال بعيطه هوه كاملهاا ولزمها من ايدها كدامنه وضل يصيح عليها كمت وضربته بوكس ردت اكتله وهيه صارت كدامي كومته من كاع وكالتله شي صدمني
نوسه...اتفقنه اني وحسن عساس نتعارك ويطلكني كدامهم عطت هيج وهوه هم مقصر ضربه فهد يعني بعده يحبني وخرته وكتله حسن طلكني
حسن...انتي طالك طالك طاللك.
نوسه....ضحكت وحضنته حيل وهوه هم حضني همه مستغربيه واولهم فهد عباس حضنه وكله مقصرت كفو منك رجال ونعم الكلمه
ابو نوسه...شصار احد يفهمنه.
نوسه...اخذت اطفالي وقبل ماحجي انطيتهم الفهد كتله شوف جهالك.نصدم وبقه بس صافن عليه .وخرت وحجيتلهم كلشي صار بيني وببن حسن والخطه خلصت واهلي تشكرو منه كال نوسه وعدج وين كتله باجر تجيك مشيه زلم من العماره البغداد وعد مني اجه حضني بعدها راح الفهد بوس الجهال وطبطب ع جتفه وطلع فهد مصدوم ويباوع ع جهال وعليه كام يبجي اسد كتله شبيك اسودي شبيك اميي تعال يمي اخذته وامي كالت شسميتيهم.
نوسه...اسد الله وليالي.فهد بس يباوع وميحجي شي جدي وبيبي واهل فهد لاموني لان حرمتهم من احفادهم هالفترا ولان ضميت عليهم خبر حملي . بس محجو شي ابويه وامي كلشويه يبوسوني وممصدكين اني رجعت ستئذنت منهم وكمت ابدل صعدت فوك شفت غرفتنه اني وفهد كبالي دخلت بيهاا ونصدمت من شفتها كلشي ع حطة ايدي بس منضفه الغراض الهدوم العطور كوله بمكانه ضليت اتذكر كل لحضه عشتها وي فهد الحلوه والمره حسيت دمعتي نزلت مسحتها ودرت ضهري لكيت فهد بالباب وشايل ليالي واسد منا ومنا كتله نطيني اخذهم
فهد....من شفته ضربها اعصابي تلفت ومن طلكها نصدمت ومن نطتني الجهال نصدمت اكثررر واكثرر يعني هذوله جهالي معقوله اسد كلش يشبهني وليالي تشبه امهاا ماخذين عيونها ثنينهم فدوه الله بقيت بصدمه اسمع نوسه تحجي واني مصدومه كامت تبدل اخذت اطفالي وصعدت لكيتها بغرفتنه مسحت دموعها وشافتني شكد مشتاق الهل وجه بس قررت اعاقبها شويه لان مكالتلي ع جهالي كتلها عوفيهم وطلعي بره.
نوسه..من حجه هيج عرفته يريد يعاقبني لان مكتله ع جهاله بتسمت وكتله تمام عفته وطلعت دشوف لشوكت تعاقبني سبحت ولبست قفطان مغربي ونزلت شفت الكل كاعد حته فهد والجهال شلت ابن عبوسي فدوه اللله ينوكل شكد حلووو خليته بحضني وكلت.
نوسه...جدي ممكن اطلب منك طلب
الجد عيدان..ترخصلج عيون ام اسد كولي.
نوسه..فدوه لعيونك حسن يريد يخطب ووعدته مشيه زلم تجي من العماره لان شوي اهل البنيه صعبين ينطون الغريب توكفلي بهاي وتروح انته والولد مشيه لبغداد.
الجد عيدان...سهله بويه من العيون الثنين ان شاء لله باجر احنه طالعين ومانطلع اله بالموافقه.
نوسه..بست ايده وراسه وتشكرت منه اسد كام يبجي كتله نطيني ارضعه اخذته وليالي تناغي وي فهد سويتله مميه وغفه بحضني لان منايم رحت خليته بغرفه بيبي حته اسمعه اذا كعد وليالي هم نعست هم بدلتلها ونومتها كعدنه العصر بالحديقه للمغرب سوالف وضحك وفهد ولا معبرني اني هم مهتميت خلص الوكت هيج ثاني يوم اتفقنه نروح مشيه وحته نسوان اني وامي والبنات زمرد ونور وزهراء ناخذهن مناك ومرت عمي وبيبي وخالتي ومرت خالي ام العريس اكيد بدلت ولبست هيج
القميص الجوزي والبنطرون نفسه بالضبط وجهالي لبستهم قماصل وبناطير نفس البس مال تؤام ولد وبنيه نزلت واني شايلتهم ثنينهم شافني فهد اجه خذاهم مني محجيت شي باوع لبسي من فوك ليجوه وكام يستغفر شاور حنين وراحت فوك شوي ونزلت بيدها عبايه وبوشيه.واتت هاي المن.
فهد....نزلت ولبسها ضيك وكصير مو طويل مكررن اخليها تطلع هيج شلون حلو منضرهم ثلاثتهم فدوه الله شاورت حنين كتلها تجيب عبايه وبوشيه وتجي نزلت جابتهم اخذتهن ونطيت اسد الحنين وليالي الامي. رحت يمهاا شديتلها البوشيه وهيه فاتحه عيونها ع وسعهن دوخنييي كتلها سديهن بويه لبستها العبايه وكتلهم يلا نتوكل همه كلهم ابتسمو هيه دنكت ومشت شعجب ما عاندت.
نوسه...محجيت شي خجلت من نضراتهم كلهم يباعون يبتسمون طلعنه 11سياره .وصلنه بغداد اخذنه خالتي وخالي والبنات نزلت من سياره ابويه رحت وي حسن والشباب فهد بقه يخزر بيه وصلنه البيت البنيه نصدمو من كد الناس الجايه يدرون خطابه بس معبالهم هيج نسد شارعهم بسياراتنه دخلته وسلمنه النسوان وحد شفنه البنيه كلش حلوه وحبابه اني اعرفها خاجيه وياهاا بعد حجي طويل بالديوان سمعنه حسن صاح ام اسدددد هلهلييي يعني وافقو طكيتها بهلهوله اجه ابوها سئلها وافقت والنسوان كلهن هلهلن لان حسن خاطبها اكثر من مره ورافض بس هالمره ميكدر يرفض جبناله شيوخ العماره طلعنه واحنه فرحانين حسن حضني وباسني براسي كال هذا فضلج مراح انسا طول عمريي يروح اخوجج انتيي فهد يخزر ومعاجبه😂😂 رجعنه لبيتنه وبيت جدي كالو نبات اليوم والبنات جبتهن يمي ونضراتهم اكيد خزر وعركات😂😂😂 بين جسار ومرتضى والبنات خلص هاليوم والكل راح للعمارة جهالي بقو يمي ...
بعد سنتين ....سنه 2021.
مرت سنتين ودخلنه 2021 هواي صارت احداث حختصرها وره مراحو للعماره وره يومين اجت مشيه ع بنات زمرد ونور خطبوهن جسار ومرتضى وشلعن كلوبهم يلا وافقن😂😂 تزوجو ولعبت لعب بالعرس واكيد متخله من عركات فهد ع لبس بكل عرس وره اسبوع عدل اخويه. علي خطب فاطمه اخت فهد وجانت هاي الفرحه الثانيه وكلش حلو كل خوات اخذن خوان وره فترا حسن تزوج الي يحبهاا بعد عناء لان ابوها كل ميقرب العرس يأجل بعد هيه جانت اخر العنكود وصار عدهم بنيه اسمها الماسه كال أسميها عليج حته تطلع تشبهج😂😂✌ اني وفهد رجعنه وره شهرين من زواج الكل وستقرينا وفهد عوضني عن كولشي خسرته بالسنوات الراحت وبسنه 2021/2/2 محمد اخويه خطب زهراء بنت خالي جانو علاقه حب ومحد يدري وجانت كورونا ف عرسهم صار بينه احنه الاهل كلواحد صار عنده جهال هيج
محمد وزهراء بنيه اسمها رنيم عمرها حالياا دخلت سنه
حسن ومريم.بنيه الماسه ويكولون تكبر الماسه يلا نسوي بعد طفل
زمرد وجسار ولد اسمه فهد ع اسم اخوهم..وبنيه ليان
نور مرتضى..بنيه وولد علي ولارين
عباس وحنين..ثنين ولد حسن وسيف
علي وفاطمه..ثنين بنات ميار وميان.تؤام
اني وفهد ...اسد الله وليالي وليال شرفتنه قبل اشهر كال بعد نسوي ولد وهاهيه😭😂 بس اني ماريد 3كافي الحمدلله زينب منعرف شي عنهاا يكولون متزوجه غريب ومسافره وياا كملنه حياتنه بسعاده والكل فرحان وماكو مشاكل زمرد وجسار احلا ثنائي😂😂 بس يضحكون اني صرت مرحله ثانيه قانون والحمدلله فهد خلاني اكمل دراسه البنات هنه تركن لان اصلا ميحبن الدراسه وصار عدهن اطفال مكدرن .. ادعي ربي يحفظ فهد اليه ولا يحرمني منه هوه واطفالي .الكل يسلم عليكم ونشكركم لان حبيتو قصتنه وعرفتو تفاصيلها واشكر الكاتبه الي تعبت ويانه بسرد الاحداث رغم جانت تمر بضروف مقبلت تحذفها وكملتها عشتو ويانه باصغر تفاصيل حياتي واكبرهاا وحيات الكل همين اتمنه تتعلمون انو الصبر مفتاح الفرج والنجاح لو شنو ضروفك اصبر ثق وره كل صبر فرح وشكد متصبر تفرح اكثر اذا شخص غلط وياكم انطو فرصه ثانيه وذا خسرها لتسامحونه واضحكو وافرحو واهمشي لكل بنيه لتتخلين عن دراستج وحلمج اذا جان عندج هدف ابدد لتتخلين عنه وحققي واوكفي بوجه اكبر واحد لانج قويه لانج بنيه يعني انتي قويهه لتخلين احد يكسرج ابقي قويه وكسريهم كلهمم .لهنا واسلم القلم للكاتبه زهوو تكمل وياكم واشكرج من كل كلبي حبيبي انتي.محح بيباي حبايبي....
زهو...لهناا ونختم وياكم قصه البغدادية وابن العماره لهنا ونسد بيبان عائله الشيخ عيدان ونتمنالهم السعاده والفرح وان شاء لله الضحك دوم بعائلتهم وميشوفون مكروه والكل العراقيين ان شاء لله اتمنه جنت خفيفه ضل عليكم ومزعلتكم بيوم كلش حبيتكم حسيتكم عائلتي الثانيه الله يشهد اسفه اذا فديوم ضوجت احد بيكم او تأخرت بتنزيل بارت بس الضروف جانت تحكمني وان شاء لله كل فترا اسولف وياكم وماعوفكم واذا صارت عندي قصه ثانيه ابلغكم بيهاا كلش احبكم++اسفه ع تأخير البارت بس ولله جان الواتباد محذوف لان ماكو مساحه بالجهاز وهاا ابشركمم طلعت ناجحه الحمدلله اشكر كل شخص وكف ويايه ودعمني وشجعني اكمل القصه وانشرها ولا مره شفت تعليق سلبي ابددد كلش اشكركم ربي يحفظكم ويوفقكم يارب دمتم بخير وصحة وسعادة دائمة يارب احبكم كلش هوايه ......هاي الاغنيه مني الكم. لكل شخص ضايج....