#وِحٌګمَتّ_أّلَمَحٌګمَهِ
بِقِلَمَ أّوِتّأّر حٌزِّيِّنِهِ
أّلَجِزِّء_ أّلََّسأّبِعٌ_ عٌشٍر
،،،،،،،،،،،،،،،،،،،،،،،،،،،،،،،،،،،،،،
،،،،،،،،،،،،،،،،،،،،،،،،،،،،،،،،،،،،،،،،،،،،،،،،
،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،
مراد
جنت مقهور من وره الصار بس تماسكت
لخاطر فتون ،،،،تگعد تبجي وهي نايمه
تهذي ابني راح
بليل نامت وطلعت يم امي كعدت وهي حجت
_ ها يمه نامت
_اي بس هم بعدها تشهك وتبجي هي نايمه
_سوده عليه من عرفت تخبلت وظلت بس
تبجي وتلوم بروحها
ذبيت حسره وجاوبتها
_الحمد لله والشكر هي ماصار بيها شي،،،
فدوه الجاهل يتعوض بس هي اذا راحت ماتتعوض
حجيتها بغصه وامي كعدت يمي وجاوبتني
بحنيه ووجهها مبتسم
_تحبها يول
ابتسمت وجاوبتها
_اي يمه احبها مثل حب ابويه الج
ضحكت وجاوبتني
_وتستاهل فتون تحبها مثل حبه لابوك
فدوه لقلبها ليش ماتنحب اشو حلوه ودمها عسل
وتضحك الميت ابوه
هزيت راسي ورجعت لنفس الموضوع
_يمه شلون وياها خاف تظل هيج ،،،،
_لا يمه هي كم يوم وترجع لحالتها وانته هم لاتعوفها
ظل يمها ومن اداوم خابرها كل مشوار
تره نص دواها انته
هزيت راسي وهي كملت
_والله بنات هالوكت راح يخبلني اكو وحده ماتحسب
لروحها احجي يكولن هي تجي شكو دنحسب الها
مضيعات الاول والتالي
سكتت وهي ظلت تحجيلي شلون وكعت
وثامر شالها وشلون خلو الها دم لان نزفت جثير
وراسها تاذى وخيطوا
_يحتاج نوديها للدكتوره باجر
_لا يمه مايحتاج الدكتوره انطتها علاج،،،وكالت
انتبهوا الها ،،،خاف ادوخ ماتتوازن اخذوها
رأسن وسوالها
مفراس
گلبي هبط وحجيت رأسن
_هاي ليش،،،،بيها شي وانتو ماكلتوا اليه
_لا يمه هاي شبيك من وره الضربه
الي اجتي براسها ،،،كالت راقبوها
سكتت وكمت لحيلي وره دقائق
_اروح اتمدد يمها لان تعبان كلش
_روح يمه الكل نام من التعب والهبطه سوده
عليه ابوك ذب روحه بالفراش
لو شايفه بالمستشفى جان وجهه اصفر والضغط
صعد عنده من شافها لا ايد ولارجل والراس مضمد
_الله يخلي النا ماقصر لا هو ولا اخوتي ،،،
_امين يمه
جاوبتني وتمشيت للغرفه الخطار
طبيت سديت الباب وتمشيت لجربايه فتون
جانت ام نفر فرشت يمها كعدت وباوعت عليها
نايمه والدمعه بعيونها ،،،،بستها من خدها
ورجعت تمددت بفراشي
مديت ايدي ولزمت ايدها ظليت اضغط عليها
كل مشوار الما غفيت
،،،،،،،،،،
ضرار
رجعت للبيت،،،،وجنت تعبان كلش
طبيت جوه وشفت امال كالعاده لازمه جهازها
وتلغي وي لو اهلها لو صديقاتها ايهم من شافني
اجه وهو يصيح
_بابا ،،،،اااجه
_هلااا يابابا شلونه الحلو مالتي
شلته وانتبهت
ماكل كاكاو وهدومه ووجهه كلها وصخ
تمشيت بي للمغسله غسلت ايده ووجهه واني استغفر ربي
رجعنا للصاله من شفتها
ماكامت ولا دارت بال حجيت
_سدي الخط وكومي حضريلينا العشه
_مو خابرتك وكلت الك جيب من بره شنوو
ماجبت
_لااا والله ماجبت لان كتلج سووي من الموجود
لان عدنا خير من الله
_وكتلك مالي خلگ شنوو ماسمعتني
_لاا الج خلگ بس تلغين وي فلانه وعلااانه
والبيت وراعيه طز بيهم
كامت وهي تصيح
_اهووو راح يبدي يعيد بنفس
الكلام شبيك انته مامليت،،،،دشوف
غيرك شلون معيشين نسوانهم
مطاعم وسهرات وطلعات خوما مثلك
تريدني بس للخدمه
_ااااسكتي لايسمعوج ويصدكون
ولج دشوفي البيت شلون وصخ شووفي ابنج
شحاله ولج هوو هالواحد وشوفي شلون مبهذل
ووصخ
_اني مووو خدامه لا الك ولا لابنك ،،،،،
تريد هذا كله جيب خدامه
وهي تخدمك الك ولابنك
صفنت عليها وطولت وبعدين حجيت
_لا يابه ولييش اجيب خدامه ازوج الثانيه
هوايه احسنلي
تفاجأت وصاحت
_اااي كووول تعرف وحده عليه،،،،،وصارلك فتره
تحجج عليه حتى تزوج عبالك اخليك لااا والله
سويها وشوف شسوي بيك
ابتسمت وجاوبتها ببروده
_طز بيج ،،،،،شتريدين تسوين سووي
حجيت وشلت ابني الجان ساد اذانه
ويباوع علينا بخوف وحجيت ويا
_لاتخاف بابا وامشي خلي نطلع اني وياك
نتعشه بره ونرجع
طلعت واسمعها تدعي عليه ،،،،وتحجي
مادرت بال الها وضبطت اعصابي،من وره ابني
الي تدمرت نفسيته من وره المشاكل واهمال امه الها
وقسوتها ويا
،،،،
فتون
كعدت الصبح وانتبهت لمراد كاعد ومتمدد بفراش
فارشه جوه الجربايه
ابتسم وحجه
_صباح الخير
_صباح النور
جاوبته وكام من فراشه وحجه بضحك
_اريد انام يم مريتي اشتاگيت الها
سويتله مكانه ونام بصفي وكمل بضحك
_نص جسمي طالع بره صاير شگبرني
تنگر مال نفط
ابتسمت وهو دنك وباس خشمي وكمل
_اضحكي من فدوه اروح لضحكتج ،،،
تره الحزن مايلوك الج يطلعج عجوووز بايگين راتبها
ابتسمت كوه
وقربت وجهي من صدره وهو باسني
من راسي وحجيت بقهر
_تعبانه مراد ،،،،لو بس عارفه بروحي
حامل جان والله.ماصعدت على الدرج وخاطرت بي
_صاارت بعد لاتظلين تلومين بروحج وتاذيها
حجيت ووخرت منها وكملت بضحك
واني اباوع لوجهها
_هسه الي اريده منج تصيرين زينه وتشدين حيلج
وتسددين الدين مالتج
ماافتهمت وصفنت بوجهها وهو كمل
مبتسم
_اريد اثنين بدل الراح ،،،،
ابتسمت وجاوبته
_الله كريم
_كررريم يابه ،،،،والنفط هم جثير وبيج خير وادللي
_مرااد
صاحت واني خربت ضحك
_هههههه
حالتي الصحيه تحسنت ثالث يوم ومراد
من راد يداوم حظني بغرفه الخطار
وظل يحجي ويبوس
العين. اموواه
والخد هم اموااه والحنج وياهن واهم شي الشفه
والرگبه اموع واخدر هناك ،،،،
باسها بشمه وطول ووخر وكمل وهو يبوس
بطرف شفايفي
_اوووف يابه يولي شگثر احبج
وراح اتعب هناك وانتي بعيده عني
ماحجيت شي وشميته بنفس طويل
وحجيت من وخر
_لاتتأخر عليه
_الله كريم بلكي المدير يحن عليه وينزلني
قبل اجازتي
هزيت راسي وهو كمل
_يله اني رايح محتاجه شي
_سلامتك ،،،،گلبي مامحتاجه شي
_دكولي الله وياك
ابتسم واني هم وجاوبته
_الله وياك
هو بالطريق فتح كامره وظل يحجي وياي
ويضحك،،،،سده من شاف سيطره وخابرني من وصل
وطمني علي ،،،بليل خابرته وشفته مشغول
عفته براحته وهو خابر وره مشوار
فتحت كام وشفته متمدد
وشكله تعبان
حجيت ويا شويه وعفت ينام ويرتاح
تمددت وخليت ايدي علئ بطني ،،،،شعور الذنب
لازمني من وره ابني،،،وظليت الوم بروحي هوايه
ولو ظاله وحدي اله اتخبل بس خاله ونارين
ماعافني وصابرين وهبه هم ظلن يخابرن ويحجن
وياي بغير مواضيع،،،،
يوم وره يوم مراد يتصل ويحجي
ويضحكني جان يريدني ارجع مثل الاول
شويه شويه تقبلت امر الله ودعيت يعووضني
عن قريب
اسبوع مر واني بغرفتي العصر
نارين طبت وهي عاقجه خشمها وحجت بضوجه
_فتونه امي ادكول تگدرين تنزلين تسلمين
على خاله وابتهاج وامال
_هااا ليش يمنا همه
_اي اجوي على مودج
هزيت راسي باي وجاوبتها
_ابدل وانزل
_براحتج
حجت ونزلت طلعت فستان اسود حاشيته
ورد ملون لبسته وخليت بس كحل
نزلت جوه ونارين حجت من شافتني مو لابس شال
_غازي يمنا اجه وياهن
ضجت بس عرفته يمنا وهي جابتلي شال
وردي فاتح ولبسته بغرفه خاله
طلعت امشي بهدوء طبيت للاستقبال وسلمت
بدون مااباوع علي خاله كامت بوجهي
وحجت
_هلا يمه الحمد لله علي السلامه
والله انقهرت من سمعت بيج
_الله لايقهرج ام غيث هاهيه شنسوي
ماعدهم قسمه بي
خاله جاوبتها وامال حجت من اجتي عليه
_الحمد لله على السلامه،،،
جاوبتها وكعدت يم خاله وعمي حجه
_هاا يابه شلونج اليوم
_الحمد لله عمو زينه
_ماتشوفين شر فتون
غازي حجه وجاوبته
_تسلم اخويه
جاوبتني بدون ماتباوع عليه،،،،وكلمه
اخويه خلتني ابتسم وعيوني ظلت عليها
سالتها متعمد
_مراد وينه
ماجاوبت وعم جليل الي ردلي
_اجه قبل اسبوع ظل 3 ورجع لبيجي
_هاااا
شلوونه صاير مايخابر ولا اشوفه
_الحمد لله زين،،،،وتعرف الواحد من يزوج
يلتهي بمرته وبيته ويوما الك
ابتسمت وباوعت لفتون وجاوبته
_والله ياعم جليل علواه يصير الي بالي
جان من باجر تزوجت
كلامه حسيته بنغزه درت وجهي
علي وشفته صافن عليه بنظرات الوصخه
عگدت حواجبي وكمت حجيت
_خاله اني اترخص منكم ،،،،لان تعبانه
_براحتج يمه ،،،،
مشيت وعمي كام واجه ليمي وحجه قريب
مني
_شبيج يابه اوديج للدكتوره
_لا عمو مايحتاج بس اتعب من اكعد وهسه بس اتمدد ارتاح لايظل بالك
_هاا براحتج ،،،اذا محتاجه شي احجي
ابتسمت بوجهه وجاوبته
_تسلم عمو والله لا انته ولا مراد مخليني احتاج
شي
_ادللي يابه ،،،
حجه وشفت امال تباوع اله بحقد ،،،شافتني
ودارت وجهها وغازي حجه وياي بضحك
_عمي انيالج على هذا الدلال ،،،بعد شتريدين
شوفي عم جليل شلون خايف عليج
لبسته وحجيت
_من رخصتكم
طلعت ،،،،وصعدت لغرفتي
طبيت وذبيت الشال ،،،،وشفت جهازي ديدك
_مرادي فدوه لقلبه
حجيت وي روحي وفتحت الخط
وحجيت
_الووو
_اموت بهل الصوت والبحه تذبححح اووف ياابه
ضحكت وجاوبته
_مشتاگه الك،،،،
_اوويلي راح اشمر روحي من فوك الخزان
ولج فتونه شلون بيه ،،،اني هم مشتاگ
_تعادلنا عجل
_ريتني العجل بحلگج ،،،،شلونج يبعد مراد
_زينه حبي لايظل بالك
_كولي والله
ابتسمت من سووه نفس حركتي
وجاوبته
_والله
_هههه صدگتج
ابتسمت وهو كمل
_وينج شكد اتصلت عليج وانتي ماكوو
_جنت جوه بيت خالتك ابتهاج وامال وغازي اجوي علينا
_هااا هلا بيهم بعدهم يمنا
_اي وسال عليك ببسي
_ههههه اوف يابه ،،،،مشتاگ لتحشيشج
وضحگاتج
ذبيت حسره وجاوبته
_سوي نقل هنا وانته تشبع منهن
_ان شاء الله حجيت وي واحد وراد مبلغ جبير
حتى ينقلني لبغداد
_شگد مايريد انطي ،،،المهم تصير قريب مني
_الله كريم اجي ونتفاهم
سكتت وهو كمل
_يابنيه
_هااا
_احبج
_واني اموت بيك
_يله اروح لان صاحوني على الغده
_اووف هاي لحد هسه مو متغدي
_اي والله التهيت باعطال بيجي ومصفاها
العجوز اصلح شي يخرب شي
ماكدرت الا احجي وجاوبته بضحك
_صير انته بمكانه ابو النفط
_هههههههه ولج بطني ياااايبه
اني اعلمج على هاي السالفه
ضحكت وهو حجه وره مشوار
_اضحكي يبعدهم كلهم،،،،اضحگي وخلي
روحي تهدأ ولج بس افكر بيج
سكتت وهو كمل
_بليل اخابرج
_انتظرك ،،،،
_سلميلي على الاهل
_يوصل حبي
بليل عمي جاب كباب شوي ومقبلات
كعدنا سوه واشوفه يلف لخاله وينطيها ويحجي
بحنيه
_هاج حبيبه
_شووفي الگهر ،،،،
نارين حجت وكملت بقهر
_راعي شعورنا حجي مو كدامك حدايق
_ههه شبيج يولي انغاريتي من امج
حجه بضحك وهي مالت علي واشرتله على الاكل
_سوويلي اني هم لفه بداعه الحبيبه مالتك
_ادللي يابه
سووه وانطاها والي هم سوالي وحجه
_هاج فتونه ،،،اكلي
_تسلم عمو
_هااا ولج اكلتيها وطبت بطنج
_اي اكلتها وطبت هني مري بطني
_انتي شعليج
_من انگص لسانج،،،،ولج ام دوده لحكتني على هاااي
_هههه وراج وراج جنونه اين تفرين
ابتسمت وظليت اباوع لعمي الكاعد بينهن
وهو مبتسم غمزلي وسوه لفه وانطاها لخاله وحجه
_هاج يالغاليه اكلي هاااي
خاله ضحكت وسوتلها دوده وهي عقجت خشمها الها
بليل صعدت للغرفتي غسلت ،،،
وطلعت لابسه دشداشه كيمونه ،،،،وقصير
كعدت على الجربايه وكمت امشط بشعري
جهازي دك وشفت رقم غريب،،،،فتحته
وكلت خاف احد عرف مغير رقمه وجاوبت
_الو
_شلونج فتون
جسمي كزبر من سمعت صوت غازي وحجيت
وي روحي هذا منين جاب رقمي وشعنده متصل عليه
جاوبته بتردد وسويت نفسي مااعرفه
_منوو وياي
_غازي شبيج ماعرفتي صوتي
_لاا مااعرفته تفضل اخويه رايد شي
_ههه شنوو السالفه كلما احجي وياج ادكولين اخويه
عگدت حواجبي وجاوبته
_نعم تفضل رايد شي
_لاا هيج ماكو شي ،،،بس اتصل على مراد
ومايجاوب وكلت خاف صاير شي
_لا ماكو شي يجوز ملتهي بالشغل وماسمع
جهازه ،،،،
_هااا يجوزز ،،،،
_مع السلامه
ماانتظرته يجاوب وسديت الخط رأسن
واني ضايجه من اتصاله عليه
نارين طبت وره مشوار كعدت وحجيت الها
هو اتصل عليه عگدت حواجبها وسالتني
_هو منين جاب رقمج خاف من امال اخذه
_والله ماادري،،،
_وزين هوو شكو يتصل عليج مايتصل
على ابويه لو امي
_شمدريني يمعوده،،،،
سكتت للحظه وبعدين حجيت
_نارين لاتزعلين بس تره ابن خالتج عيونه وصخه
والصراحه اني اخاف منه
_وعلئ شنوو ازعل ،،،،كلها تعرفه مو راحه وواحد
مسقط وماعنده غيره
سكتت للحظه وبعدين كملت
_فتون راح اكلج شي بس امانه لاتحجين لاحد
بداعه مراد الي احجي الج يظل بيني وبينج
_لااا والله مااحجي
ترددت للحظه وبعدين حجت
_تدرين اني جنت معجبه بي واحبه من بعيد لبعيد
وجنت احلم اصير اله بس من كبرت ودخلت كليه
عقلي كبر وعرفت حبي اله جان اعجاب مراهقه
انعجبت بحلاته لا اكثر
صدگ هو حلو بس اي اخلاق ماعنده
_اي والله
جاوبتها وكامت وره دقائق من دگت عليها صديقتها
طلعت سدت الباب وكمت مكيجت روحي
وخليت عطر ابتسمت وحجيت
وي روحي
_ههه خرب عقلي هوو وينه حتى يشم ريحتي
رجعت كعدت ودگيت على مرادي
دك مرتين وفتح كام
،،،،،،،،،
مراد
تعشيت وظليت كاعد بالمسكن مالتنا
الجو جان حلو وكلت خلي اطلع اكعد بالحديقه
طلعت كعدت على الثيل،،،،،
ورثت جكاره وكلت اخابر فتون
توني اريد ادك وهي خابرت
فتحت الكام وبس شفتها ابتسمت
وعضيت شفتي وحجيت بتعب
_هاي ليش هيج،،،،،،تره اني خطيه
_شمسوويه ياعيوني
_ابدا مامسويه شي،،،،بس لابسه دلع
والشريط واكع صفح،،،،،،،، وشاعل اهلي
والشفايف اوووف يابه احمر خطر
من اشتعلت بيجي
بكاز ونفط
_لا اسم الله عليها انته بيها
_اووف يااابه ،،،،وين اولي بهل الليل
هسه لو قريبه جان اجيت اخذتلي شوط ورجعت
_اكعد واسكت مااكدر عندي عذر
_باوع هاي المطفيه،،،،ام العذر مو على اساس
اجيتها
_هههه هم صدگ
سكت وغمزلي وحجه بابتسامه
_ولج يابنيه
_هااا ياولد
_ههه حلوه هاي ،،،،اكول
_كووول
_اااحم احم من ارجع ماتريدين نفط
_ههههه خلي الك،،،،مااريده
_لااا ولج يحركني والله،،،
_ههههه يمه منك ،،،،ورايه ورايه بنفطك
_اين تفرون يافتون ،،،،وراج وراج ماكو مفر
_هههه ادري والله ،،،،ماكو مفر منك والي تريده تاخذه
_عجل ياااابه رجاااال
_ادري والله واسكت بالقران كل بيجي
سمعتك
_ههه غير لو اكو احد وداعتج بس اني ،،،
وصرصر ضوجني ،،،بسه يغرد
خرب اصله شلون صوت
نشاز
ترددت اكله على غازي بس
بعدين حجيت
_مراد
_هاا يعيونه
_قبل شويه غاازي اتصل عليه وكال هو يتصل
عليك وانته ماتجاوبه
عگدت حواجبي وسالتها
_ومنين جاب رقمج
_والله ماادري يجوز من امال اخذه
سكتت للحظه وبعدين جاوبتها
_اي يجوز وماكلج شيريد مني
_لا والله بس كال اتصل علي وظل بالي
لان مايجاوب
_شفته متصل مره وحده والتهيت بالشغل
ومااتصلت علي ،،بعدين اشوفه شبي
_براحتك
عدلت الكيمونه وهو حجه بعيون ذبلان
_عوفيها نازله ولج
نزلتها وهو غمز الي وكمل
_نزلي الخ
عضيت شفتي اله وهو ضحك
وحجه بصوت عالي
_حلالي يابه ومحد يكدر يحجي
والي يفگ حلكه اسحله
ضحكت وظليت اسمعه يحجي حلو
ويتغزل بيه،،،
جنت بعلاقه حب ،،،اني ويا رغم
احنا مزوجين،،،،،،،،،
،،،،،،،،،،،،،،،،
صابرين
الايام مرت ومشاكل بيت عم ذياب كثرت وياهم،،،،
وكمت اشوفه عصبي ويتعارك وي جده
وعمامه من يخابروا،،،،وطلع للرمادي
اكثر من مره ،،،
بيوم خابرني وكال
_اني جاي ووياي غسق وامي
تفاجأت لان جانت مو اجازته ،،،طلعت من بيت
اهلي وابويه وصلني للبيتي جان العصر وهو اجه وره ساعه
طب وغسق وخاله ويا وجانت مو تمام
ومبين باجيه هي وياها
بوسته وهي هم حسيت الجو متوتر
كعد ووجهه مايتفسر ويباوع لاخته
وحجه
_لاتبجين يااابه بالقران لو لازمو الا اگتلو
_يممه المن تگتل ذياب
_صگبان العار ،،،،اكو غيرووو
صاح وهي شهكت بالبجي كعدت يمها وحجيت وي خاله
_خير شصاير
_ياااخير يمه،،،،اكو خير يجي من
وره ذوله المله
باوعت لذياب وشفته يهز برجلي والعصبيه فوول
وخاله كملت
_يممه شلون وي عمك وابنه ،،،
_اكعدي هينه انتي وغسق واريد الرجال
الي يوصلجن بالقران اسگطوا وبعد مااحشم لا عمي
جاسم ولا ابنو العار ،،،
_هاي وين صايره ياربي ،،،،،،ابن عم
يريد ينهب بنت عمه لان رفضته وماتريده
گوه خوما گوه تقبل بيك
تفاجأت من سمعت حجي خاله
وحجيت
_خاله صدگ تحجين ،،،جان يريد يخطفها
_اي يمه ،،،الما يستحي من شافنا وحدنا
اني والبنوات اجه وتعارك وياي وجرها يريد ياخذها
وكمن نعيط اني ومرت بگر والتمو علينا عمام الولد وجدهم
وفكوها منه ،،،،
_اووف غير. لو لازمه بالقران جان هسه گاتله
وديقرون عليه الفاتحه بالمگبره
گلبي هبط وخاله كامت ليمه وحجت بتوسل
_يمه عوفه خلي يولي. ،،،عار مثل ابوو
ومايصرلهم جاره،،،
كمت وافتريت بالصاله وعيوني على اختي
الي جانت خايفه وماسكتت حجيت
_يمه انتو بعد مالكم رجعه للرمادي اكعدي هينه
انتي وغسق وراح اخلي بگر ينقلها هنا
وخلي تعيد السنه،،،،واطلع معدل زين
_براحتك يمه اني هم بعد مااريد ارجع
لهناك روحي ملت من مشاكلهم وطلايبهم الي ماتخلص
_ارتاحوا اني طالع اجيب عشه
_ذياب سوويت خير من الله وابويه
جاب مشاوي من عرف بخاله وغسق جاليات
_بارك الله بي وبيج ماتقصرون
حجه وراح للغرفه،،،وخاله حجت
_اووف يمه لو بس اعرف منوو كله
_ااني خابرته
غسق جاوبتها وهي انهدت بيها
_ولج يامصخمه شكو خابرتي ،،،لو لازم صگبان
وكاتله ذيج الساع شنحصل
غسق سكتت وظلت تبجي وخاله كامت تضرب
على رجليها وتحجي بقهر وبصوت ناصي
_شدعي عليك جاسم ،،،،،ثارك مابرد وياي
وتريد اطلع بنتي ،،،
عگدت حواجبي،،،من سمعت كلامها وكمت
من صاحني ذياب
،،،،،
فتون
نايمه الفجر وحاظنه دابي ،،،وحسيت بي
انجر مني عرفته مراد ظليت مغمضه عيوني
تقرب وريحتها خدرت حواسي بس اشتميتها
باسني من خدي ونزل لشفايفي،،،،وخر
وحجه بهمس
_يااابنيه اكعدي
ابتسمت وفتحت عيوني وحظنته رأسن
وجاوبته ببوسه قويه
شالني من الفراش لحظنه وباسني من
رگبتي بقوه
ايده كامت تتلمس بجسمي وحجيت
كوه
_مراد عندي عذر
وخر وهوو مبتسم وجاوبني
_ادري يابه داحسب واني مصموط جد جدي
بس اكوو طرق شرعيه نگدر نفرغ النفط بيهن
_يمممه منك
هجم وخلاني اتخبل علي جنت مشتاگه
اله وهو بعد اگثر ،،،وره وين وخر وهو مرتاح
وحظني لصدره وظل يبوس بأيدي
غفيت وره دقائق وهو هم ،،،
كعدت وشفت ساعه عشره،،،،وهو ماكو
باوعت لباب الحمام وشفته مسدود
طلع وهو لاف المنشفه ،،،،وخلاني ابتسم واحجي
_اويلي من سوالف الكفار
_ههه هاي منوو اني
_لااااا خيالي
كمت واتذكرت اني فررري رجعت بسرعه وغطيت روحي
وهو حجه بضحك
_وسوالفج شنوو مال مؤمنين
عقجت خشمي وجريت دشداشه النوم واني
متغطيه لبستها وكمت رحت للكنتور
طلعت هدوم ،،،وهو اجه
وحصرني علي وحجه
_يابنيه اجي اسبحج
_ههه لا مااريد ،،،،اعرف اسببح لوحدي
حجيت ونزلت راسي من جوه ايده ورحت للحمام
وهو حجه بضحك
_قزومه ديربالج لاتلزكين بالصابونه
وكفت باب الحمام وجاوبته بضحك
_قزومه ومخبلته لابو النفط
عضيت شفتي ومشيت الها بسرعه
سدت الباب وقفلته وهي خربانه ضحك
_قزوومه
صحت وهي جاوبتني
_ابو النفط
ضحكت وگلبي فرحان ومرتاح ،،راحه عمري ماحسيت
بيها ،،،،
،،،،
صابرين
احنا بيتنا
اندك الباب طلعت اشوف منوو بس فتحته
صگبان دفعني وصاح
_وينها هاي،،،،خلي تطلع
والله اليوم ماارد اله وهي وياي
ذياب جان طالع بشغله وماكو احد يمنا
وهو مااحترم البيت واهله جر غسق
وطلع بيها وهي تعيط وخاله تضرب بي
لزمته باب الشارع،،،وكمت اعيط
،،،،،،،،،،،
ضرار
رجعت المغرب لبيتي وفتت من يم
بيت صابرين،،،انتبهت هوسه يم بيتهم
وهي لازمه واحد يجر ببنيه
وكفت سيارتي،،،،ونزلت بسرعه وصحت
_وووولك هاي شجاااي تسوي
حجيت وجريته من وره وشمرته بالكاع
وصحت بالبنيه وصابرين
_طبببن جوه واقفلن الباب
ذاك فز وهو يفشر ويغلط،،،،واثنين ويا وهو هدوا
عليه ،،،
تلازمت وياهم ،،،،وكمت اضرب وانضرب
تخبلت،،،،، من شفت نفسه رجع ضرب الباب
جلاق وطب للبيت
وجر البنيه واختي تعيط وام ذياب هم
رمي صارر بالجو وشفت ذياب
اجه وبالمسدس كام يضربه على راسه
الناس التمت وفكونا كوه وذوله
بس شافوا ذياب ،،،سحب اقسام
انهزموا بسيارتهم
_عااارات كووواويد اني اعلمكم جااايكم ولكم
بالقران الا اسويكم طشار اني موو ذياب اذا
ماسويتها
حجه وصاح بالنسوان
_طببن جووه ،،،اني اعلمهم
طبيت وراهن وصابرين حجت بقلق
_ضرار بيك شي
جان خشمي ينزف ووشفتي مشكوگه
وقميصي صاير فلم
جاوبتها واني اتنفس بقوه
_لا مابيه شي
حجيت وعيوني راحت للبنيه ،،،جانت
واكفه وتبجي وترجف ووجهه اصفر شالها
واكع ليوره ونص شعرها طالع
_هذوله منوو
_ولد عمامي العارات ،،،،
عگدت حواجبي وسالته
_خير شكو هادين على النسوان
سالت وانتبهت البنيه طلعت من يمنا وهي تشهك
بصوت قوي
ذياب طلع جهازه وراح جوه وسمعته كام
يصيح ويهدد ،،،
،،،،،،
يِّتّبِعٌ