أخاف عليك عندما تغيب كخوف الأم على أطفالها
أخاف عليك من الحياة وإن يجرحك أحد ويحزنك
وتذهب أبتسامتك من شفتيك
التي تأخذ قلبي إلى عالم آخر
عالم بعيد جداً مليء بالحب والسعادة
الكاتبة /آيات الموسوي
_________________________________
جود / تعالي أكلج ع شغلة بس مو ضوجين
توت / كول حبييي
جود / اني راح أسافر ثلاث أيام وأجي أروح للزيارة حتى أندعي أنجح وبلكت يتسهل أمرنه اني وياج وأخطبج اجيبج يمي تمام
توت / شنووو وهسه تروح
جود / أي حبيبتي هسه يجون جماعتي وأنروح ياااا هاي شبيج تبجين ولج
توت / اجيت مشتاقتلك وهسه دكولي راح تروح شنو هاي والله ضجت مو حاله هاي
جود / وعد راح افعل نت ونبقى الطريق كله نتواصل حبيبتي
توت / اوكي حب
جود / امممم تعالي أخذينه صورة وأحنه سوه يبنيتي
توت / هههههه تمام حبيبي
باوع جود جود جود
جود / يروح جود كولي
توت /أريد دزلي مقطع صوتي تسولف بي بس شنو أريد المده مالته طويله حتى من أشتاقلك أسمع صوتك ونام
جود /ههههه تدللين هسه قبل لا أروح راح أدزلجياة
توت /تمام ياروحي وحياتي وكلشي وكلاشي
جود /ههههه خبلتي
توت /اننننننن
جود / هههههه فدوة للي يعيبون أني
توت / أنتبه ع نفسك حبيبي راح أشتاقلك هوايه ياأبن گلبي أنته أفديك بروحي وحياتي
جود /عمري ورحي يلا رايح وأنتي نامي ومثل موصيتج بعد تمام
توت / تمام باي حب توصل بالسلامه
ورى شوي أريد أغفه وجود دزلي رساله
ركضت فتحتهه لكيت دازلي مقطع صوتي
مثل مردت 2:32
بسرعه فتحته وأجاني صوته الي مليان حنيه
أروووح فدوه لحبيبي انه
جود / توت أحبج ياروحي أنتي مجنونج
أريدج تنتبهين ع روحج وشنو يحجون أهلج
وشكد ما يردون يستفزونج طنشيهم لبسيهم
لا تهتميلهم اووووف أحبج موت اني راح أغيب
لكم يوم بس ماراح أنساج راح اخذج بگلبي
وروح بس ما أروح بعيد راح أضل يمج
أموت عليج ياروحي من الدنيا أنتي
شكد أحبج
اووووف منج تردين بصمه طويلة
منين أجيبلج بصمه طويله او شنو احجيلج حتى تصير بصمه طويله ها الأكل
دير بالج تاكلين نوتيلا ككو أو أي حلويات او آيس كريم
حتى تبقين محافظه ع صحتج
وحتى لو اني مموجود هاي البصمه
دليل مالتي انو اني كتلج وركزت عليج
واذا اكلتي راح اموتج وأزعل عليج ومو
ودكولين أكل هو مايدي لا اني أدري اني
عايش بيج اني كاعد بگلبج
لج أحبج أحبج l love you توت
هههه شكد أحبج
خرب يومج ام حلك الجكمه
كل متشتاقيلي طلعي هاي البصمه
هنيالج عندج الصور مالتي شوفيني
عندج البصمات اسمعين صوتي
اني بس اشوفج صوتج ماموجود
مو ماموجود لا ما موجود بالجهاز
بس موجود بذاكرتي
صوتي هو صوتج ههههه
يلا حياتي ،مثل ما وصيج بعد
انتبهي ع نفسج أحبج موت
توت /سمعتهه وانه ضليت أبجي
اووووف ياحنيته ياصوته الما أشبع منه
من عرفته لهل يوم من أحجي ويا گلبي
يضل يدك كأنو أول مره أحجي ويا
ياربي أستوه راح وشتاقيتلة
شلون راح اتحمل بعد كم يوم
مرة الأيام وطلعت نتائج جود وطلع ناجح حبيبي ونقبل تربيه رياضيات بيومها حيل فرحت طرت بي من الفرح حسيت نفسي أنه الي نجحت مو هو
واجه فتح موضوع الخطوبه وياي
جود / دام نجحت هسه راح أفتح موضوع الخطوبه ويه أبوي حتى أجي أخطبج تمام
توت / حبيبي شوف ليش منأجل الموضوع لبعد سنه هسه أنته أول مرحله وانه خامس عدادي وأنته أستوك يلا شميت هوى من تعب السادس شوف كمل هل سنة حتى ليصير عليك تعب ومنا أنته سكن داخلي وقسط كليه شلون تكدر هذن كلهم تتحملهم وبعد لازم تلم أفلوس للزواج راح تتعب هواي انته أله خوما أله وين قابل أطير أنه وياك وياك للموت بس هسه أنته شم هوى ورتاح ولاحكين ع العرس ويمتى متشوف نفسك ستقر وضعك نزوج ماأريد تتعب خليك ع راحتك وانه أبقى انتظرك طول عمري تمام حبيبي بس ها مو عبالك سنين لا نأجل بس هاي السنه والسنه الي بعدهه نزوج شدكول
جود / أول مرة أشوف بنيه حبيبهه يكول الهه أجي أخطبج ودكله هيج
توت / حبيبي ما أريد أفكر بس بنفسي ومصلحتي هم لازم أفكر بيك أنته ودام أحبك أريد راحتك قبل كلشي
جود / أروح فدوة التفكيرج وعقلج حبييتي أم بيتي صدك أنتي سند إلي بهل دنيا
توت / انته كلشي وكلاشي
جود /هههههه احبهه منج هل كلشي وكلاشي
توت /تريد الصراحه والله أصلاً انه ميته شوق عليك ميته من هل
بعد البيناتنه ممصدكه يمتى يجي هل يوم وأصير قريبه منك
جود /اني يمج وماابتعد عنج ابد برغم هل مسافات
الي بيناتنه رغم احنه منكدر نلتقي وأشوفج كل يوم
بس أنتي لوحيدة لماليه گلبي وعيوني توتي
توت /وانته أجمل رجل أحبه وموت عليه
ربي ليحرمني منه
جود / حبيبتي باجر عندج مدرسه مو
توت / أي حبيبي وراح أنقل المدرستي،الجديدة باجر
جود / يارب تكون سنه دراسيه حلوه ومتعبج واني موجود وياج شنو المتفهمينه أساعدج تمام
توت / أوكي حبيبي
جود / يلا تعالي خلي أحضنج ونام حتى دكعدين الصبح بنشاط
توت / كعدت ثاني يوم الصبح بدلت وكملت وأجت فرح عليه أول مشفتهه حضنتهه مشتاقتلهه صار كومه مشايفتهه بعدهه رحت المريم وضلينه وحده حاضنه الثانيه اليوم آخر يوم الي وياهم وبهاي المدرسه الي خلصت بيهه أيام الأبتدائيه والثانوية. نتمشه انه ومريم ونسولف آخر شي كلتلي
مريم / هيو انتي صايرة حلوة وسمنانه وعيونج دكول صايره تحبين أعترفي ولج
توت /ههههه وين ولج ولي ماأحب
مريم / علينه
جان التلفون بيدي ومابي رمز وكاعده أكلب بي حتى انتظر اتصال عمي علمود يجي ياخذني المدرستي الجديدة جان يطلع بالأشعارات رساله
(حبيبتي صباحوو )
مريم /هااااا ولجججج شكلللنه مووو تحبين عندج حبببيب
ودكليلي لا لعددد هذا منو لكاتبلج حبيبتي صباح الخير
وأخذت الجهاز تريد تدخل ع محادثتني وتعرف كلشي
وضلت تركض بالساحه وانه أركض وراها وميته ضحك
لحد ما لزمتهه وبالكوه اخذت جهازي منهه
مريم /والله اذا مسولفيلي لصرخ هسه وكول عندج حبيب
توت / ههههههه عزه لعزاج دنجبي ولج شهرتيني
مريم / يله يله سولفيلي عنه منو ومنين ما منين
توت / حجيتله مختصر عن جود وعلاقتنه
مريم تحبينه ?
أكلج هذا روحي وعمري وحياتي
هو أجمل شخص بعيوني من يغيب عني لو
لحضه أحس روحي تطلع بين ايدي
مريم/ والله وكعتي بالحب تويت كدر هل جود
يوگعج الي جانت تضحك ع شي أسمه
حب هسه هيه تحب
توت / أنجبي ولج عوبه
دااطلع من الساحه جان أشوف عمي ديدخل للمدرسه رحت اللأدارة وعمي أخذ الفايل شفت مريم وفرح وكافات يباوعن وعيونهم تحجي
ها تويت ولج راح طلعين منا بعد هاي هيه نتهت
راح نجي للمدرسه كل يوم وأنتي مموجوده منو بعد
الي يخبصنه خبص بسوالفه كل يوم
منو الي مقالبهه متنتهي وضحكتهه الي تملي المكان
معقوله هسه هيج تخلينه وترحين
راح صادقين بنات ثانيات
راح تكعدين يمهم وتشاركيهم كلشي
وحده حضنت الثانيه وضلينه نبجي
ولكم كافي ليسمعكم يكول راح أموت
صح رايحه لغير مكان بس راح نبقى ع تواصل
ونلتقي دوم
فرح ومريم /بس خاف تنسينه
ولجن عوبات شنساكم انتن خواتي
خوفي لا أنتو تنسوني
و دعتهه ودعت صديقاتي والمكان الي أحبه ومشيت لمدرستي الجديدة
مكان جديد علية وكلشي جديد عمو تفق ويه السايق ويه الأدارة وسلمتلهم جهازي ورحت صعدت للطابق الثاني أدور ع صفي الجديد
هناك ولكيته دكيت الباب وفتح اليه الأستاذ
كعدت ع الأستيج الأول ونزعت جنطتي
جان يكولي الأستاذ هلا هلا نورتينه
أستاذ علي /شنو أسمج
توت / توت
أستاذ علي / تفضلي تحلايه أنضمامج ويانه
توت / شكراً أستاذ
أباوع للبنات الحمدالله نصهم أعرفهم جانو وياي بالمدرسه السابقة ماعده كم وحده
وراها خلصنه وبلش الدرس الثاني وكالو لازم نروح لغير صف رحنه اجت كعدت بنيه بصفي اشوفها تباوعلي بنضرات غريبه
نوب أباوعلهه ماتضحك بسرعه هاي جنهه نفسيه
سألتها شسمج أنتي
سجى / أسمي سجى
توت / تشرفت بيج حبي وأنه توت
سجى /جانت عدنه محاضرة أنگليزي
بنص المحاضره ندك الباب جان تدخل علينه بنيه
مدنفشه وگصيره وعيون عسليات
وعليهه رموش كثيفات زايدتهم جمال
وبشرتهه حنطيه وخدودهه ورديات
اباوعلهه شلون تضحك للهوى وبس تبتسم
وعيونهه تلمع
كلت بگلبي ياربي شكد سعيده هل بنيه
وفرحانه ونوب ضاربه الدنيا بجلاق
نوب اباوع لرموشهه كل رمش شطوله
واني رموشي ليكول مجديتهن
مااشوفها الا كامت تناقش الأستاذ
بالأنگليزي وتشرح ويا
يمممممه دهر فرج نوب طلعت سجاجه
اكصصصص أيدي أذا صادقتني هاي
ورى فترة ضلت كل يوم تجي تكعد يمي
وتعمقت صداقتنه وطلعت حيل حبابه
ومرحه وماعدهه أي غرور او تكبر ابددد
عكس ما جنت متوقعه
توت /مرت الأيام وقوت علاقتي بسجى صارت أقرب صديقه الي وضلينه نسولف ونمشي سوه وهيه دائماً تحجيلي أهموها واواسيه بنيه حيل فطيره وع نياتهه ودائماً توكع بمشاكل
لحد ما اجه نهايه الأسبوع يوم خميس لكيت المدرسه مخبوصه ومسوين اصطفاف هناك جان ضلو من كل صف يصيحون أسم بنيه ويكون الهه تعالي أوكفي وانه أكول الله ليستر شمسويات
اسئل البنات شكو محد يدري وهنه هم خايفات تالي ما أسمع غير صاحو أسمي انه هنا جمدت بمكاني بالكوه طلعت ودمعتي بطرف عيني. وأكول ربي ساعدني بعد ما خلصو حان يكولون هاي أسماء الطلبه المتفوقين لهذا الشهر حبينه نفاجئهم بتميزهم ونكرمهم كدام الكل انه هنا الفرحه ما شالتني حتاريت شسوي وتصوير وكامرات صدك حسيت بقيمه تعبي ونجازي
واباوع للبنات الي مقهوره الأن ممطلعيلهه والي أجت فرحانه تباركلي وبعدهه رجعت للبيت ورحت اركض لجود مثل طفله من تركض لبوها رحت ابشره وفرحانه
جود / عفيه عفيه ببنيتي الحلوة هيج أريدج شطوره دوم وشدي حيلج اكثر وكثر واني وياج تمام والله برغم جنت تعبان أستوني راجع من الشغل بس هسه فرحتيني ورتاحيت
توت / تروحلك فدوه بنيتك يروحي أنته تغديت حبيبي
جود / لا حب بعدني أريد أسبح يلا وأنتي روحي بدلي ملابسج وتغدي وتعاليلي
توت /ماشي حبيبي باي
رحت بسرعه بسرعه بدلت وكملت وتغديت وتصلت ع جود
جان يكلي
جود / ولج شهل سرعة اني يادوب سبحت
توت /هههههه ولك غير مشتاقتلك
جود / يلا تعالي خلي نسولف وأكل
توت /شنو غداك
جود /دولمه
توت /اررريد
جود / سهمج العافيه تعالي فتحي حلكج
توت /هههههه ماريد أشاقه
جود /دفتحي وكلي
توت / فديتهه تخبل من أيدك
جود / عوافي حبيبتي
توت/امممم شكو ماكو
جود / والله ماكو شي بس تعب من الشغل
توت / الله يساعدك حبيبي
جود /شسوي غير داالم فلوس زواجنه
توت /يمه أروح فدوه انه للي يتعب علمودي الله ليحرمني منك
جود / ولا منج بنيتي تعالي هسه الحضني خلي نام علمود بعدهه نكعد ندرس سوه ماشي ساعه وحده ونوب ندرس مو تسختين وسوالف
توت /لا دام وياك حبيبي مااسخت أدرس
جود / يلا تعالي منو هسه يجي ينام بحضني هنا
توت / اااااااانه
جود /ومنو يحي يلعب بشعري وينيمني
توت /اااااااانه
جود /ومنو يبوسني
توت /اااااااانه
جود /ومنو لو هسه مانامت أكوم العب بيهه طوبه
توت /موووووو ااااااانه
جود /ههههههه يلا تعالي بنيتي الحلوه يانصفي الثاني
توت / ما حسيت ع الوقت وفزيت ع صوته وهوه يكعدني
جود /ها سنفوور بعدج نايمة دكومي راح صير مغرب
توت /أباوع شو هاي أكو بنيه واكفه بصفه وتضحك ويا وبدون حجاب
بسرعه كمزت اكله هاااي وين أنته ومنو هاي
جود / لو أدري بيهه هيج تخليج تكعدين جان راويتجياها من زمان
توت / أحجي منوو هاااي لتخبلني ??
جود/هاي حبيبتي خطيبتي
توت /ددددسكت وكووول منووو هاي
متحجي شبيك
جود / هههههه غير كتيلي أسكت سكتت
توت /يربييي منو هاااي
جود /زينه منو أنتي
زينه /خطيبتك ههههههه
جود / ها صدكتي
توت / ضليت أبجي واكوله جذاب جذاب
جان ضل يضحك
جود /عوبه هاي خالتي الصغيرة
توت /اباوعلهم اثنينهم يضحكون عليه وع تصرفاتي
نوب ستحيت منهه أستوني كاعده من النوم نوب ضليت أعيط ع جود كلت هسه تاخذ عني نضره محلوه بعدين لا والله نطلقت وياها بالحجي طلعت بنيه كلش سبورتيه وحبابه ودائماً تسولف
وياي ودكلي
زينه / ديري بالج ع جود ترى يحبج هوه وما مفكر ترى يلعب عليج ورايدج حلال
توت / عمري والله فرحتيني بكلامج انه بعد أحبه الله شاهد
زينه /شكد تحبينه ولج
توت / ههههه ولج غير أموت عليه روحي بي والله من يبتعد عني اتخبل لو يوم محجه وياي أحس بنفسي مضيعه شي من دونه هو حياتي ودنيتي كلهه احسه مو بس،حبيبي لا ابني بوكت الي يكون تعبان وسندي من أوگع بمشكلة وتيني هو
زينه /فدوه ربي يجمعكم بالحلال يارب
توت /آمين يارب
يلا حبي خلي أروح تلفون جود راح يخلص شحن إن شاءالله نرجع نحجي انه وياج يلا باي
توت /باي
ضليت انتظر جود ماكو واحس گلبي نغزني علية الله ليستر شصاير
بعد شوي رجع وأشوف رجليه مزلغات نصدمت
جووود شببببيهم رجليك وليش بالكوه تحركهم
الكاتبة /آيات الموسوي
يتبع //البارت 13
قراءة ممتعة
ولتنسون حبايبي الحلوين ضغطون على زر النجمة +تعليقاتكم ورئيكم بالأحداث
ياأجمل متابعين
وشنو تتوقعون يصير بالبارت البعدة ?