عشگ الساده وملوحه البصره
............
زهراء
مرت الايام بسرعه من بعد ما محمد ولول مره يوكف وياي وجان سند الي صدك مر اكثر من شهرين كلشي بحياتي تغير بهاي الشهرين صرت انسانه ثانيه عشت بسعاده وفرحه جبيره هاي اول مره احس المكان الكاعده بي يسمه بيت صدك فرحت بتغيير محمد
بس هم جنت كل ماشوف الحزن بعيونه اموت الف موته ودايما احاول اواسي بس اعرف كلش زين مهما سويت ماراح اكدر انسي
اني مجربه حساسه 3 سنين واني احاول انسه بس مانسيت مايكدر ينسه الحب اذا دخل الكلب صعب يطلع منه وصعب تكدر تصبر نفسك بحجه القسمه ونصير
بس هوه ميحاول يبين الاحد هوه ضايج بس يكلك محد يحس بيك غير الجرب شعورك واني جربت وبعدني اجرب انسه بس ماكدر انسه كل يوم جاي احبه اكثر من القبله ماجاي اتحمل بعده عني بس هم ماجاي اكدر انسه حجيه
يمكن البعض يشوف كلامه عادي او حاله عصبيه بس اني ماكدر اعتبره عادي لان كل كلمه كالها سجين بكلبي وكل ماذكر ينعاد نفس الوجع
ولهاذ السبب طلبت من الكل ميحجون ولا يكولون فصخت الخطوبه حته براء توسلت بيها وخليتها تحلف متحجي الاحد وملاك هم حاولن وياي بس مااريد يعرف اني وقاسم نفصلنه بعد اخر موقف من جان يريد يعرف شنو سبب خطوبتي
حسيت هوه يحمل مشاعر تجاهي بس هم يضل مجرد حساس واني كل ما احاول انسه يرجع يرن باذني كلامه
عوفكم من قصه حبي الفاشله والي تحرك الكلب بدل ما تعيشه بسعاده وخلي احجيلكم شويه عن كليتي وشصار وياي من جنت اداوم وهم هاذ اخر سبوع متحانات نهايه السنه ونتقل مرحله ثانيه وخيرا راح اعبر جزاء من حياتي وحقق حلمي وهدفي
هواي اكو بنات وشباب بس ماكدرت اختلط وياهم لان اني احس نفسي مانتمي البغداد لا اني احس بنت البصره لان عشت هناك كل عمري
الكروب مالنه بي 4 بنات و3 شباب اني ماختلط بيهم ابد لنو احسهم كل واحد شايف نفسه بس اكو واحد مره اجه يحجي وياي بس اني صديته كالي اني نعجبت بشخصيتج وهاي السوالف ما الزواحف بس
اني مانطيته مجال وكتله مزوجه وهوه عتذر مني لمن عرف بس كالي مجان يعرف مزوجه واني قبلت عتذاره وكالي ممكن نكون اصدقاء كتله لا لان اني زوجي ميقبل اكون صداقات هاذ جان عذري لكل واحد يحاول يصادقني بنات وشباب
كلت ماصادق احسن حته ماتجه للغلط محد يعرف هاي الناس وابو المثل يكول ابعد لشر وغنيله واني سويت هيج المهم
اليوم بس وخلص متحاناتي وارتاح بعد من هاذ الهم بعد مامتحنت وطلعت قررت ارجع للبيت وحدي محمد يوميه ياخذني ويا من يروح لدوام ويرجعني من يرجع بس اليوم خلصت وقررت ارجع وحدي للبيت
امشي بالشارع بس احس اكو احد يراقبني بس كلت جاي اتوهم لنو مامتعوده امشي وحدي كملت طريقي بس بعد احس احد وراي كل شويه التفت وصلت الشارع فارغ وجانت دنيا الضهر ومحد طالع والشارع يصوصي خفت صدك شفت سياره من بعد كلت الحمد الله راح امشي بسرعه حته بين متوصل السياره اني الكه تكسي ورجع للبيت بسرعه
والله شو هاي السياره كامت تخفف سرعتها كل ما تقرب مني اني صارت بيه سوله كمت امشي وتلفت من الخوف مشت السياره وجزتني بمسافه
اني رجليه كامن بعد ميعينني من الخوف وصلت يم السياره وجان اشوفها فارغه محد بيها اني احس روح ماضلت بيه بعد من الخوف تخيلت هاي الافلام الي اشوفها لمن البنيه وحده بالشارع ويخطفوها لو يطلعلها وحش ياكلها ماكو فكره تخوف ماجتي بالي
درت وجهي جني جاهل وردت اركض احس واحد لسم يدي هنا اني ذا ذبحوني ماتلكون قطره دم بيه
..............
براء
قاسم طلك زهراء وهيا حلفتني ماحجي الاحد لا اني ولا ملاك وصدك ماحجيت الاحد لان هاي حياتها محد يكدر يدخل حته قاسم كالي خليها براحتها
اني ضليت يمهم حوالي سبوعين بس بهاي السبوعين اني وقاسم كلش قربنه من بعض يعني ضرنه نشاقه ونضحك ونسولف
ماجذب اذا كلت مانولد حساس بداخلي مره ثايه انو اكو امل بيوم اكون مرته ماكدر امنع نفسي من التفكير انو ممكن اكون مرته بيوم هاذ كله بجهه وكلبي الي مايعرف يسكت من اكون ويا بجهه ثانيه
ضليت يمهم سبوعين وبعدين رجعني هوه للبصره من رحت حسيت اكو شي ناقصني اكو فراغ بداخلي لمن رجعت
ضليت افكر بي كل يوم بعد مارجعت للبصره لحد ما بعد يومين جتني رساله على الواتس اب من قاسم سلم علي وضلينه نحجي لصبح بيومها
وضل يوميه يراسلني ونضل نسولف على كلشي وذا ماكو حجي نضل نلعب لو ندز اشعار البعض
البارحه راسلني وكالي خلصت المتحانات وراح تبدي العطله وهوه يريد يجي للبصره يضل بيها فتره لنو شتاقلها وحن ليامها من كال هيج حصرتني البجيه وكتله تصبح على خير وسديته
ضجت حيل من كالي حن لايام البصره واني اعرف يقصد الايام الي تعرف بيها على مريم صح هيا ميته بس اني كل مايجيب طاريها احس اكو سجاجين بكلبي وكلبي يكوم يوجعني
المشكله اني الي اسئل على حبه المريم من اسئله اريده يكلي بعد ملحبها مو يجرحني بحجيه بس هوه هم كلبه مو بيده مثل ما اني حبيته هوه من بين كل الناس هوه هم حب مريم من بين كل الناس
هسه هوه اليوم راح يجي واني كعدت من الصبح نضفت البيت وسويت اكل وجهزت كلشي وكل ما امي تكولي المن هاذ كله اكلها هيج عاجبني اطبخ اليوم لان محد يدري اني احجي ويا وقبل ما اجفص امشي
لا سلطـة لنـا على قلوبنـا هى تنبـض لمـن أرادت …!”
...............
حنين
من يوم الي محمد ختار زهراء اخته كبر بعيني لان لو مختارني جان كرهته صدك ولعبت نفسي منه بس لا هوه ختار اخته وهاذ الشي خلاني احبه فوك حبي اله
قاسم رجع طبيعي وياي وكالي اني ماريد اشوف حزنج وراح احاول اقنع ابوي علمود يوافق يزوجكم انتي ومحمد بس اهم شي ماريد تكسرين ثقتي مره ثانيه
كتله بعمري ماراح اسويها وكسر ثقتك مره ثانيه واذا مامصدك هاك الموبايل اخذه ولا تنطينيا بس هوه ماقبل وكال اني واثق باختي تعلمت من غلطها ومتعيدها
حزت بكلبي من كالي واثق باختي كلت معقول اني سويت هيج وهوه رجع يوثق بيه ونسه غلطي يعاملني طبيعي واني هم قررت ماعيد الغلط وحاولت انسه صح ماكدر انسه بس لازم انسه شسوي هاذ حكم القدر او عقابي لنو كسرت ثقه اخوي الي جان كل همه يساعدني
ومحمد هم ماتصل علي غير مره وحده من رقم غريب ماعرفته فجاوبت حاجاني ردت اسده بس كال سمعيني اخر مره وبعدين سدي اني قررت اسمع منه
وهوه هم حجالي كلش عن معامله اخته وشلون جان انسان حقير وشلون من تعرف علي وحباني وشلون تغير وعن سبب ختيار انو قاسم يطلك زهراء وحته عن جبره الهه ماخله شي وكالي اني ماراح اتصل بعد لنو اريدج تحافضين على وعدج لقاسم
اني من سمعته اكو مشاعر مختلطه نولدت بكلبي كره حب شفقه خوف نكسار ماعرف اكرهه لنو جان اقل مايقال عنه حيوان وي اخته لو اشفق علي تفكيره المريض لو احبه لنو تغير لو اضوج لنو حبيت واحد مثله ماعرف شسوي
بس مع مرور الايام عرفت انو احنا المفروض مانباوع على عدد المحاولات الفاشله لا المفروض نشوف النتيجه والنتيجه هوه تغير صار نسان ثاني واني هم ماانكر انو اني حبيته بس شسوي اذا كلبي دومه مطيح حضي
.................
بنين
وفه بوعده امير وخطبني واهلي وافقو بس شرطو علي شرط الزواج مو هسه بعد ما اخلص كليه لنو ميردون اتعطل عن دراستية
هوه كام يكمز ههههه يكول شنو 4 سنوات اضل مازوج واني مامصدك شوكت تصيرين حلالي بس اهلي كلوله هاذ شرطنه تقبل اهلا وسهلا متقبل مالكم مره يمنه والزواج قسمه ونصيب
بعد جدال ونقاش ضل مستمر سبوع صفو على قرار واحد بس طبعا الي قترح هاذ الخيار هوه علي وكال يعقدون سيد وي الخطوبه وبعدين الزفه بس حته من يحاجيها هاي ماتكون محرمه علي الكل وافقو
صح امير ماجان موافق ومقتنع بس نجبر يوافق من كتله هاذ اخر حل وفرصه اذا عترضت بابا يشمرك من فوك السطح وافق هوه بس غصباً علي هههه
وتمت الخطوبه وعقد القران وجانت من اسعد الحضات الي بعمري ملاك حاولت تخلي زهراء تجي بس ماقبلت
كالتلها اني حالفه بعد البصره ماطبها بس طبعا امير زعل منها ولهسه ميحجي وياها حاولت اكثر من مره تتواصل ويا بس هوه ماقبل كالها انتي كلتي انته اخوي وبعرسك راح اكلبها وتاليها ماتجين
والهسه امير ميحجي وياها زعلان
...................
ملاك
مر اكثر من 5او 6 شهور على موت جود بس ماعرف ليش كل ما رائد يقرب مني احس جود ماجان حب بس جان اول مشاعر احس بيها اعجاب او تعلق ماعرف شنو اسميها
بس وي رائد كلشي مختلف حسيت باشياء اول مره احس بيها عكس جود رائد من يباوعلي او يقرب مني احس بخوف احس كلبي راح يوكف احس بمغص بطني وهاي كلها ماصارت وي جود
استحي احجي وي رائد او اباوع بوجهه من يباوعلي انزل راسي بسرعه من اسمع صوته احس كلبي بعد ماسيطر على دكته
وبصراحه هتذ الشعور او هاذ الخوف ودكه الكلب والمغصه الي بطني اول مره احس بيهن من رائد جان بالحديقه واني رحتله وقرب مني بس وكتها ماهتميت لنو جنت مفكره احب جود
بس هيه صارت حته ريحته تخلي كلبي يفرفح وكلشي يذكرني بي واي مكان اروحله اتخيل اني وهوه بي
ماعرف ياهو منهن حب جود لو رائد منو جان حب معقول اني جاي اخذ رائد وسيله حته انسه جود لو جود من الاول ماجان حب وجان مجرد عجاب وتعلق مادري شلون افسر مشاعري
بس الشي الي جاي احسه واجربه وي رائد ماحسيته ولا جربته قبل مع ان اني مو هواي اشوف رائد بس باخر فتره كام يجينه هواي
اني كمت احس يومي ماكامل اذا ماشفته
...............
زهراء
ردو اركض وحس واحد لزم يدي ردت اعيط سحبني وخله يده على حلكي ودفعني يم السياره وصار كبالي باوعت وخر يده من حلكي ردت احجي
زهراء: انته شلو قاطعني بكلمه هست كل كياني ومشاعريي وحساسي
علي: احبج
زهراء: شنو
علي: احبج وعشگج مو اليوم ولا البارحه من يوم الشفتج بي من زغرج ولليوم واني مايوم ما بطلت احبج احبج يلمتعبه كلبي بفراكج
...............
وهاذ بارت ثاني لعيونكم
غلسو اذا اكو اخطاء
لافيو ✨♥