بَين_النَهوةُ_وعَشقِ_العَسكري
بقلم زهراء امجد
البارت التاسع
ناي _واني اشهك وهي تشهك واني جنت
واكفه .....
رأسن طحت وكعدت بدون مادري بنفسي ..!!!!
صرخت صرخه حسيت....
صار بيه شي ....!!!!
وامي اجت تركض
هيام _ يمه بنتي شبيج
ناي _ ببجي اااخ يمه تعورت هنا جوه وامي حاضنتني
هيام _ بلا كومي اهم شي انو ماطلع دم
_ أن شاء الله اموت واخلص
_ اسم الله يمه لاتحجين هيج
كابلتني وكعدت وتمسح على راسي تراقبني بس الحمد الله
ماطلع شي رغم حسيت نفسي كلش
تأذيت
بقيت امدده وامي تبجي وتصيح
_كله من وراهم
هسه يصير بيج شي ويرتاحون نفسوج
خلو عينهم عليج بعد ماترتاحين
الله يطلع حوبتي بيكم.....
من الم راسي والطيحه الي طحتها احس انهد حيلي كرهت كلشي صرت مثل المخبله...
محتاره افكر أفكار شلون اموت نفسي
خليت امي طلعت تخابر واني طلعت بحجة اشم هوه بره اخذت سجينه حاده حته اكص شرايين ايدي...
بس متررده اخاااف....
حاولت اكص ايدي يطلع دم شوي بس من خوفي ماوصلها داخل اتأذه...
رجعت للبيت شافتني امي
_ناي شسوين بالسجينه
_هيج حطيت على ميز ورحت
_ نااي تردين تنتحرين مو ؟؟!!!
_ييي اريد امووووت واخلص شنو حتى بهاي تتدخلون
_يعني تردين تموتيني وتجلطيني هااا
_ لا عليمن بالعكس ترتاحين
_لا هذا مو حل بهيج شي انتي جاي تأذين نفسيج وتخسرين حياتج واخرتج
وتره بس الجبناء والضعيفين ومايخافون الله هيج يسوون
شوفي المؤمن مبتلى والله موجود جاي يختبر صبرنه اني وياج
يعني انتي تأذيتي وتحملتي بكد ما اني تحملت صار ١٨ سنه عانيت وتحملت بس هاي الله موجود ويشوف....
هسه اذا انتي متأذيه بهاي حياتج اكو الاخره والله جاي يختبر صبرج وقوتج...
خليج صامده وقويه وحاربيهم مثل ما اني ماتستسلمت هذا اختبار ربج واحنا كده...
ناي_ استغفر الله ياربي هدت شوي واني اسمع كلام امي وفعلا حسيت نفسي احسن والله موجود
عدن ٣ ايام وامي مراقبتني اني حاسه بيها بس اروح عنها شوي ضلت تدور عليه
بس بعدني مامرتاحه وتعبانه نفسيا
اجي افكار شلون اشرد واخلصهم مني بس اخاف
وين اروح وماندل واصلا ما اطلع وطلعاتي
معدوده....
وبس اندل طريق المدرسه
تعبت مابيها مجال اشرد يعني اشرد من
المشاكل وسالفه زواج تعبت وهلكت منها
ومن مشاكل امي وأبوي الي مستحيل يعدي
يوم ونام من الصبح ليلل لا نأكل عدل لانكعد ونسولف مثل الناس بس مشاكل وصريخ وصياح...
بيوم الرابع كعدت واني مققرره اشرد
محتاره ويا امي الي صارت حريصه عليه كلش...
عاد فكرت خلي اخليها تصلي وتلتهي واشرد
بس صار المغرب اني من العصر حضرت
ملابسي وأذن وصليت خليت الوضع طبيعي....
خليت امي لتهت وأبوي طلع
طلعت بهدوء وأخذت علاكتي بيها ملابسي وعبايه
خليتها بطن العلاكه....
مشيت ع كيفي وأطرف أصابيعي وبهدوء
وفتحت الباب بخفه حاولت شكد ما اكدر بدون
صوت....
طلعت وسديته بهدوء
وركضت ع باب البره هو سلايت
جريته وطلعت اركض وكلبي يدك ألف واركض
اركض وما اندل شي ضليت امشي واكو
خوف بكلبي بس مافكرت بس بنفسي...
مافكرت شراح يصير وراي وما اندل منين
مشيت مسافه هواي
وناس تباوعلي واني حته بهذلت نفسي
تبهذل حته نضاراتي لبستهن لان بوقتها
بسبب البجي دائما ابجي عيوني تعبن
فلبستهن ولبست عبايه بس نسيت أخذ
فلوس اااخ شلون نسيت أخذ فلوس وياي
المهم ماتراجعت بقيت اركض وصلت للسوق ومحتاره
مشيت وصار ناس هواي شوي وشفت رتل سياره عسكريه واكفين بس ماركزت بقيت بمكاني واشهك
ماحس اله شخص لابس عسكري يفتر يمي من ذول الي بسياره بس ماركزت بشكله خففت كلش
احس دخت وتشوشت مشيت ومدنكه راسي
وبأثناء ماجاي امشي حسيت دعمت ارتديت الوره بكل سرعتي مااادري اسفه وابجي
_شبيج محتاجه شي
_خفت منه بقيت مدنكه راسي لا
_ليش تبجين متيهة هنا
_لا لا مشيت واحس خطواته وراي
_رجعت لطريقي المشيته لان ضلت تجي الافكار
وفكره تجيبني وفكره توديني تذكرت
ابوي اذا دره يكتل امي ويذبها براسها
وادري بيه حته يموتها بدون مايرف كلبه....
_للحضه
_شكوو شتريد مني
_وين رايحه وحدج
_رايحه لبيتي
_ وين بيتج
_امشي بسرعه شششعليك
_جرني كل سرعه من يدي بعد ما اجه اله نداء من الجهاز الي مشكله بخصره
_جاوب حوول اني قريب سيدي
_ نترت يدي بسرعه وعفته ولا همني وغير الخوف الي أكلني أكل شسويت بنفسي
افكر بامي بنيه وتشرد اكيد يكتلها ابوي بدون تررد
_لج بتل الاوادم شبيج اكو احد مأذيج
_محد مأذيني اني متأذيه من ضيمي خوووش بس عوفني لا تزيدها عليه
_شبيج انتي بس اوكفي اكو احد ملاحقج ليش هيج مسويه بنفسج ،
_محد اني سويت هيج بنفسي بس عوفني وروح
_ وراج شي ومبين عليج وما امشي خطوه اذا ماتحجيلي
_ امشي واحجي يبوووي عزه العزاني شوف خويه والله العظيم اني متعاركه ويا اهلي وطلعت حته اشم هوه ومقهوره وهسه راح ارجع
_ وشنو يضمن الي صحة كلامج ،
_والله العظيم هاي الحقيقه وهسه تأخرت لان ابوي اذا يدري يموتني الله يخليك عوفني ضليت امشي سريع بحيث خبلته بس اريده مايمشي وراي ضليت اركض وهو محتار كل ساع نداء
مر وقت ودنيا ضلمت كلش رجعت منين ماجيت
همزين ندليت الطريق....
جاي امشي قريب اوصل لبيتنه واشوف
حسين اخوي يركض محتار منا ومنا....
ركضت على سريع وكل فكري ابوي رجع
شافني حسين من بعد واجه يركض ،
حسين_ ناي وين رحتي امي كلبت دنيا عليج
_شردت من وراكم ،
وقفنا صوت هذا العسكري التفنا ثنينه انتبهت اله لابس قناع على وجه مجرد طالعات عيونه المخنزرهن عليه وحواجبه الثخان الي عاقدهن
_ استغفر الله هم لحگتني
اشوف اتقرب على حسين ،
_ أنته شتصير منها
حسين_ اخوها
_وين بيتكم
_هنا قريب
_وين اهلك عنها
_بالبيت مادري بيها طلعت
ناي_ شووف تره هواي تدخلت شعليك يااخي فك مني
حجه حسين
_ناي امشي بسرعه قبل لا يجي ابوي خلي نروح لأمي
_سوه حركه بيده كلج هطول ومخبله اهلج
_ركدي واستجني
_والله اني هطولني بس شوف روحك بطول العامود هذا الوراك مالت الكهرباء باوعتله كارهته عيونه هدئت وحواجبه نفكت عقدتهم الضاهر جاي يضحك بس مايبين
_اششش لج
_رفعتله حاجبي بمعنى ماعاجبني امشي حسين
مشيت رجع صاح
_اخر انذار الج اذا الگفج تهزين بطولج هنا اسحلج للمركز
اسمع كلامه ودي اكطعه اااخ لاتردين ناي لا تردين مبين متعمد يحجي هيج يريد يستفزني ويحجيني بس البيه مايخليني
_هو وين تشوفني بعد على اساس الطلعات تتراكع عليه ،،،، درت عليه عاقد حواجبه يريد يفتهم شنو معنى كلامي بس مانطينه مجال مشيت لان مستعجله ،
وهو رن تلفونه مالتفتت اله ورجعت
بس خلي ادخل وبدخلتي بالباب جان
تجي سياره بحيث رادت تدعمني اله شوي صف
يم بابنه كل فكري ابوي التفت بسرعه عززززه هذا ابو كاظم
مبين شافني من دخلت رأسن
درت وجهي اكيد ماعرفني اني من الضيم مكلوبه خلقتي كلها ،
وهلكانه كلش دعيت الله مايشوفني
غطيت وجهي بالعبايه ودخلت....
شفت امي شلون التايهة
تبجي وخواني وراها مخبوصين ويدورون
والبستان وضلمه ويصيحون ناي....
بس همزين ابوي بعده ما جاي
ذبيت ملابسي وعبايتي بالكاع ورحت اركض
بالبستان شافتني امي وضلت تصيح
_ وين رحتي ولج موتينه
ولج جان أبوج دره وشسوه بينه
_ضليت أصيح متت طلعت من وراكم موتوني ولكم
وين اروح اريد اشرد اريد اهج منكم
ركضت كل سرعتي للمطبخ اخذت السجينه ورحت للبستان اركض
وامي تركض وراي تدور عليه وضلمه مابين وكفت وره
نخله ردت اضرب نفسي ماعرف شسوي بنفسي تخبلت
شافتني امي وصاحت عليه اني رأسن
أغمه عليه.... بعد ماحسيت بشي
فزيت على رشة ماي
وامي حاضنتني رفعوني هي وحسين دخلوني للبيت نيمتي على الفراش بلارض...
_وتبجي وتصيح يمه بتي
رايح تتخبل رايح يصير بيها شي شكول عليكم
يا بيت يعقوب موتونه شوكت نخلص منكم لا
اني رتاحيت ولا بتي رتاحت....
انتهيت وحالتي تبجي العدو حاضنه امي
واشهك وامي تمسح عليه وتقره عليه
ضليت نايمه اخر شي امي كامت
هيام _ روحي نامي لايجي ابوج يشوفج
_يي كايمه كمت امشي على كيفي
قبل لا اطلع اجت عيني على مرايه
رجعت خطوه ليورا واني اتفحص شكلي
بشتري البيضه التغير لونها وصارت شاحبه
ويا هالات السود الخفيفه شكلي طفولي
وناعمه صغيرونه بجيت واني احجي بداخلي
والله اني صغيره هسه الي وياي لازمين كتابهم وكاعدين....
واني الوحيده عند اهلي وشايله حمل مو
بكد عمري وين جنت وين صرت ماعرف
مصير حياتي حمدت الله رحت فرشت
فراشي خليت راسي ونمت من التعب....
صار ثاني يوم ساعه ب١٠ فزيت على اتصال تلفون امي رقم غريب
هيام_ ناي هذا رقم غريب
_ اففتر وره امي اريد اشوف
منو ردت امي الو جاوب
_ الو ام ناي اني كاظم
متوتر ويحجي...
_خاله شنو هذا الحجي انتو نطيتونه حجايه
شلون هيج تسوين وخالد مايرد علينه صار
اسبوع نتصل ونجي حته ماقدرنه....
هيام _ خالد مستحي منكم بس عمامها نهو عليه اعذرني مابيدنه شي....
كاضم _ أمي تريد تحجي وياج
ام كاظم _ خيه صدك جذب منكم شنو هلحجي
هيام _ والله خيه مو بيدي عذريني عمامها
موتونه والله
أم كاظم _ بصياح شنو تضحكون علينه ابني
شصار بحاله يريد البنيه ويكلكم بس خلي
أعقد ماتقبلون تالي هيج تسون
وامي تتعذر بس شيفيد لان ابوي انطاهم
حجايه وتالي خلف وياهم وامي مستحيه
والقهر اكلها اكل حته ماتعرف تحجي
ام كاظم _ والله ماتوقعناها من ابو ناي
عود صداقه وعشرت عمر تالي هيج حته
ماقدرنه ولا خله النه قيمه....
هيام _ خيه والله مستحيي منكم ومايعرف
شنو يكلكم وهما عماامها مايقبلون
وامم كاظم مبينه من صوتها معصيه وصيح
وامي تتعذر منها بس شيفيد بعد وام كاظم
سدت التلفون وحضرت امي وانتهت خطبة
كاظم...
بس ابوي ماعاف امي براحتها ضل يدخل ويطلع
يعاركها ويكتلها
خالد_ انتي ترستي راس بتج جان اخذت بيت عمها وفضت وراحت....
_مووو امي اني ماريدكم
ماريد اتزوج مارريد بس انتو ماتفكرون بيه
بس تردون تزوجني لو ما اني هل وحيده عدكم
اشوف عمامي مو عدهم بنات ماسوو هيج
وخاصه عمو يعقوب همين عنده بنيه اشو ما
احتار بيها مثلكم والله كرهتني بحياتي وعفتهم
ودخلت الغرفه وخليت ابوي يعارك امي
وضلت مستمره عله هل حال لحد ما فد يومين
مرن الوضع متكرهب...
الصبح ساعه ب٩ امي جاي تطبك ملابسنه
بالغرفه واني يمها ولكل متكأب جان يدك تلفون
امي....
رحت اني جبت تلفون من المطبخ
_ يمه هذا ابوي يتصل عليج
هيام _ ياستار شعنده بعد هم الي خلك احجي
وياه انطينياه خنشوف شعنده فتحت خط
الوو
خالد _ وبكل صوته يريد يطلع من السماعه
وصياح هسه تطلعين من البيت ومالج كعده
هنا واطلكج اطلكج.....
هيام _ اوكف شصاير بعد
خالد _ كتلج تطلعين هسه
واذا ماتطلعين البيت اهجمه علة راسج اني
هسه جاي....
هيام _ الله اكبر عليكم ولك مو خربت الخطبه وخلصت وهاهيه بتكم كبالكم بعد شتريد مني
خليني كاعده بيتي وفكني شرك.....
خالد _ هسه تطلعين كتلج ومالج ضله هنا
ورقتج طلاكج توصلج وراج....
ودربالج ارجع واشوفج هنا ماتلومين اله نفسج
هيام _ خوش لعد واني هم طكت روحي
ووصلت حدها بعد راح اعوفلك البيت واطلع
هو انته تنحمل تحملت منك ومن اهلك كلش
هواي وهاي جزاتي ولك !!!
سد تلفون بوجه !!!
كالت ودموع تلالي بعينها
_يا ماتستحيي...
ناي_شيريد منج يمه
تحجين صدك ترحين.....
هيام _ ولج ابوج مايفك ماتشوفي يدخل يكتلني ويطلع يكتلني ولج مليت ماتحمل ولج خاف
يصير بيه شي والله نسحنت سحن
وخري عني خلي الم ملابسي وأخذ بس اخوج الصغير وانتو هنا....
ناي _ ماا ماا اروح وياج
هيام _ وين ترحين منو يخليج
وحسين هم يصيح اني اروح وياج ماضل
يم ابوي
ناي_ كولي لبيبتي على سوالف ابوي
بلكي هيه تحجي ويااي واني ابجي واحجي
وافتر وراه امي.....
هيام _ ولج هي بيبتج سوس البلا كله ولج
هاي كلها من وراها لو هي تحجي ويا ما صار
هيج بس هي توزه....
ناي _ ماا لعد حته اني ما اضل ابوي يموتني
ويكعد ينك على راسي حته اتزوج ابن اخو....
هيام _ شوفي مبينه هاي خطه راح يخلوني اروح
ويفضالهم الجو ويقنعونج
_شنو عود صدك
_ والله ولج وحته يجيبون
سيد ويعقد الكم بس والله يا ناي بعد ضلت يمج
واذا تزوجتي مرتضى اطلك واعتبري ماعندج
ام.....
ناي _ حسبالهم هيج من يسوون راح اوافق
مايدرون هيج جاي يخلوني ابقى مصره أكثر
احنا بحرب ويا اني وياج نفوز يا هما
ومستحيل أتنازل وارضخ الهم......
راحت تحضر بملابسها وما نسمع اله دخل
ابوي يرعد ومعصب ونار يطلع من عيونه
وجان يصيح
_ هياااام بعدج هنا ولج اني مو
كلت اليوم اهجم البيت على راسج اذا الكاج
بالبيت.....
هيام _ ولك ماتستحيي ولك أنته هم عندك
غيره وتسوي هيج بيه ولك شوف خوانك
اكو واحد سوه بمرته التسوي أنت ...
وهو واكف كبالها واني باب الغرفه واباوع
عليهم
خالد _ .... .... هسه تطلعين من البيت
وهو يجر بيها ويرفس بيها ويغلط عليها
وعلى أهلها ويدفرها كلساع يدفرها وهي
تبجي وتصيح عليه....
بسرعه اخذت غراضها وطلعت وهو يركض
وهي تركض وعابايتها تسح وراها راحت
على بستان بأتجاه عمو وسام لان هو بيتنه
مقابيل بيتنه وأبوي لكه كرك ( يحفرون بي )
اخذه ويركض وراها يريد يضربها بي...
وهي صاااحت
_ وسام وسااام خويه الحكلي
اني واكفه يم بيتنه واباوع عليهم والقهر
يأكلني اكل احتاريت شنو اسوي طلع عمو
وسام ولزم ابوي ويريد يهدي وهو ماكو
يركض وراها وهي تركض لحد مافتحت
باب الشارع تريد تأجر سياره على سريع
بس هو بكل قوته وكدام العالم كلها يركض
وراها وعمو وسام لازمه بس مايسسيطر
عليه جان يضرب الكرك عليها بحيث تعده
بصف رجلها الله ستر جان كطع رجلها كلها
وحته الجوارين التمو يردون يفكون ابوي
عنها وابو تكسي وكف وهي صعدت بي
والدموع ماليه وجها وطردها لبيت خوالي
لان أهلها ميتين وعمو وسام ضل يرزله
ويصيح عليه لان فشلنه كدام العالم.....
راحت امي واني بدت معاناتي
وحدي ولازم اتحمل أعصاب ابوي.....
دخلت للببيت كفكفت البيت واني روحي
راحت ويا امي وضاله حايره ومقهوره واكعد
منا واكوم منا اختنكت.....
فوك كلشي ماعرف اسوي شي لا طبخ
لاصخام......
وبس طلعت امي شتاقيتلها وضليت ابجي
وصار الضهر رجع ابوي وهم رجع يحجي
وياي قبلي ونفس ما كالت امي هاي خطه....
خالد _ بس كولي موافقه نجي نعقد اجيب
مرتضى ونعقد سيد
ناي _ بصياح اهووو شبيك تحجي صدك
تهي بهي..... اني ماريده
خالد _ ولج امج تجي والله بس قبلي هيه تقبل وترجع للبيت.....
ناي _ والله ولا اقبل
خالد _ بكيفج ضلي حته امج ما ارجعها للبيت
عفته وكعدت وحدي نوب جعت عاد هو هم
ضل حاير وجه مايكصه السيف كلش ضايج
اني مكعده علاوي اخوي يمي وادرسه
علاوي كلش متعلق بيه وهو ثاني ابتدائي...
مر اليوم عادي بين الدراسه مالت خواني وبيت
البيت والتفكير والقلق انو ابوي شنو ناوي
واني هم وقت الغده طلعت شنو عدنه مركه
مجمده وتمن وتغدينه بس من يصير اليلل
ابوي يجي كون الساعه ب٨ انام لان هذا
قانونه بلبيت
واني ماعرف مامتعوده.....
بس بعد غصب عني اضل اليلل كله اتكلب
وبس تصير ب٨ لو ب٧ صبح يجي يدفرني
ويصيح كوممي يلا كعدي سويلي ريوك
وكافي نوم لو هم مثل امج.....
من راحت امي ضل يعاملني بمكان امي
اني اكوم بدون حجي وهو يغلط ويسب عليه
وعله امي....
وكل هذا يسوي علمود اجزع منه واكله يلا
موافقه حته اتزوج مرتضى... احس كوه متحملته....
ومرت الايام واني كلشي ماعرف عن امي
لان ما عندي تلفون اخابرها ولا اروح يم بيت
جدي لان هم أكبر حقراء يردون بس يخلون
هذا الزواج يتم....
وبيوم اجه جايب سمكه كبيره هو شكاها
وملحهة وطبخ تمن وتغدينه وتالي سوه
جاي واني البيت ماعاجبني جان كله عله امي
نضيف يلمع....
عاد جبت ادوات تنضيف ونضفت البيت كله
وغسلت ملابس لمعته تلمع بس طاح حضي
اول مره هيج انضف جانت كله امي اني
اسوي الخفايف....
وووف وينج يايمه بدونج ضاله بضيم
هذا كله انتي تتحملينه وفوك كل هذا
عصبيه ابوي وغيره وغيره من صدك
الله يساعدج.....
شوي وصاح عليه ابوي وصحاني من صفنتي
_ها بابا ضل يسولف ويأي
خالد _ بابا تولي امج اني ابوج واحبج واعرف مصلحتج
ضل يحجي اني حته لو يحجي هيج ابقى
قافله ما اقبل ولا انطي امل....
وهو يطب ويطلع يقنع بيه واذا اكله مقابله
يغلط عليه ويخبص الدنيا بس اني عادي
اسمع واغلس مجبوره اتحمل....
مرت ب ١٥ يوم واني حته ويا امي ما احجي واشتاقيتلهة كلش....
فأخذت فلوس اني اندل وين ضاميهن المهم
اخذت وديت حسين جاب تلفون كلكسي دوز
عادي مستعمل....
اهم شي تلفون وعدنه شريحه قديمه شكلتها وحافضه رقم امي نزلت واتساب وراسلتها
وضليت بس ينام ابوي لو يطلع اخبارها وهي
هيام_ ناي مرتاحه انتي....
_يمه ماكدر كلش محتاجتج....
هيام _ اني كلش تبعت ما اتحمل ابوج خليني
بعيده عنه تره يريد يقنعج مو تقبلين والله
يقشمر عليج....
ناي _ لا ابد ما اقبل لاتخافين
وضليت يوميه اطلع بره بسكته وهدوء واخابرها احجيلها شنو يحجي ابوي وشنو يسوي وجنت ادرس علاوي بس يشلع كلبي وبالعرايك يالله
يدرس يبجي ع امي
علاوي_ ناي اريد امي مليت
_ امي ماكو وهذا الموجود شلون بلا
علاوي_ ابجي اني متعود هي
تفهمني احسن منج.....
_راح الزكك راشدي اخليك تفتهم عدل ادبسززز
علي _اهوو ما ادرس مادرس
ناي _ ولك تعال تعال واني اتقرب عليه ومصغره عيوني أنته هم مثل ابوك صاير
باوعلي اذا تضل تتعصب وتصيح وتأخذ اطباع
ابوي ادوس بطنك والقران أنته وحسين هم
تسمع اذا تصيرون مثله....
_ لا والله مانصير مثله
اخر شي اجه كال
_يلا لعد درسيني
_تعال وكعدت اشرح وطايح حضي شسوي
مجبوره خو مايضل....
وبيوم خابرتني امي
_يمه مليت من البيت ونفسيتي تعبت راح اروح ويا بيت خالج نزور ونتغده
ونجي واغير جو نفسيتي تعبت....
_روحي بس ديربالج هذول شياطين هسه تلكيهم مراقبيج
_ امشي يولون قابل شيريد يسوي والله ...
_ روحي طلعي قبل لاترجعين للسجن
مالت ابوي وتنحبسين....
صار يوم ثاني وامي راحت من الصبح
وصار المغرب إذن واني متوضيه واريد اصلي
ودخل ابوي اعصار ودخل علينه....
اني سويت نفسي ملتهيه بي بالي يمه يصيح
ويكرك ويفشر تطلع وتكود.....
ستوني بديت الصلا جان يكلي بصياح
_شفتي امج
_شبيها
_ رايحه دايحه بكيفها تفتر
بس خليتها على راحتها راحت تطلع تكوو...
بكيفها عمي هي .... و.....
متحملت كلامه
_ بنتر واهز بيدي بلا كافي لاتحجي على امي.....
امي طلعت من ضيمك وحكمك عليها امي
ملت منك ومن الغلط عليها وعلى أهلها الميتين
تصبح تغلط وتفشر عليها وتمسي تفشر عليهم
_ شنوو ولج انتي هم ... مثلها علمتج على سوالفها
_ باع هي هم عدها خوان ومحد يقبل تحجي
عله أهله وتسبهم وهما ميتين بس أنته ماعندك حساس
اني احجي وهو صار نار
_ اني صارلي ب٢٠ يوم ضاله وحدي
وحال الضيم ياحاالي من وراك....
اني صار شكد محمله بكلبي وكاتمته
عاد نفتح حلكي شيسده....
ضليت اصرخ واحجي الحقيقه مالته ماخليت
شي بكلبي ماحجيته....
جان يهجم عليه يريد يضربني بوكسي واني
خليت يدي فوك راسي واحجي وحلكي
ماسديته
بكلبي هسه دسكتي مو راح تنكتلين
بس هيهات من القهر البكلبي كاتمته
ماكدر اسكت
جان يخنكي كل قوته ردت اموت وضليت
بس ارفس وطحت وهو خانكني
علاوي وحسين يصرخون
_ بابا حبوبي عوفه ناي راح تموت بابا ولازمين يدين ابوي ويصرخون....
تالي ضليت بس اناشغ واكح عافني بس
اني فد حاقده وحلفت ما أرضخ القرارهم
ولا اتزوج واحد منهم.....
وضليت هيج ما اطلع يم ابوي ولا اخلي
يشوفني وسولفت لأمي الي صار
_ يولي قابل شيريد يسوي اصلا حته خوالج مايقبلون ارجع
وكالو نطلكج وانتي عوفي كلش
لاتدنين يمه ولا تسويله اكل خلي يروح
يم بيت اخو يعقوب يوكلونه خلي يفيدونه هل مايستحي......
واني صدك ضليت ولا اطلع يمه لحد
ما فد يوم جان طالع لشغل وهوا ابد
ميجي الضهر
واني خاله تلفون يمي داالعب بيه
ومااحس الا ابوي دخل وصار فوك راسي.....
وباوع عليه وعيونه على التلفون الي بيدي ...
يتتتتتبع.....
يوزري الانستا
Zz__127_
تحياتي الكاتبه زهراء امجد