دموعي نزلو واني احس ايدين صارو على ضهري رفعت راسي شفتها امي اشرت بعيونها للدرج اني هنا صدك بجيت ثواني مو اكثر انفتح الباب وحسيت انسحبت من شعري وعمي وسام لازمني اعرف بيه مخبل هذا بسرعه صرخت حسيت روحي تطلع اجتني ضربه على بطني واني روحي راحت صرت مثل الطير المذبوح امي متخبله تبجي وتريد تاخذني منه بس متكدر عليه بابا. طردهم بس شهم كلب الدنيا فات قصب يريد يفلت وسام مني واني بس على الباب شلون طلع من البيت غمضت عيوني واستسلمت العمي الي انطاني بالمزهريه على راسي وخلاني اروح بعالم مضلم..
........
ردت عليه الدكتوره الي جانت ويانه بكلشي من اول ما فات المستشفى
. وهيااا تبجي مااات ماتتت والله ماات بس اني حاولت والله ماردت يصير هل شي ليش ربي ليششششش
اني اسمع كلام الدكتوره واني دموعي تنزل تخبلت يعني شنو راح يعني بعد ماكو ما اشوفه ما اسمع صوته ولا ضحكته شلون اقنع نفسي بهل شي اريد اهدء ماكو حد ما فقد الوعي كعدة وبقيت ابوع للحايط وايدي بيها مغذي شنو صار ليش هل دنيا هيج وياي ما نصفت كل عزيز خذته مني شكول الامه من تسال وينه ربي ختبارك صعب والله.
.......
حطيت راسي على الجرابيه ودموعي بلشو ينزلون ابوع للسكف وين جنت وين صرت ليش هيج صار ليش كلها وكفت ضدنه هل صدك غلطنه ليش المجتمع من يسمع ابنيه اتحب اصير وحده بلا شرف زين الولد ليش من يحب عادي ليش هيج شنو هل ضلم كم حالة فراق صارت بسبب الاهل ليش توكف بطريق بتك او ابنك اذا هوا يحبها او اتحبه وخوش شخص ليش هل رفظ ليش الضلم شنو يصير لو قابل شنو يصير لو محد يحرم اثنين يحبون بعض صرت اشهك وابجي والله مكدر بلاه ورجع اجه باذني كلام عمي وهوا يكول عني كحب*ت عائله اخوي وربي اترن باذني
.......
هلي شمدريكم انه اتچوه بالنار
ذكرتوني
وبچيتو لخاطري دموع
شفت ضيم الليالي وتعب الاسفار
وضگت طعم الخناجر بين الضلوع
________________________
أولاً هلو يحلوين ان شاءلله قبل الدوام راح اختم وياكم قصة ملاكي دا ارتب واكمل البارتات وانزلهم الكم وهذول كم مشهد تغشوشه من البار الجاي
ثانياً انتو مع انو الاهل توكف ضد اولادهم بالحب ولا مع هذا الشي انطوني رائيكم
#حنين علي
#ملاكي
#تصويتكم وتعليقاتكم تسعدني