انتقام الضابط نمر
الكاتبة الاء محمد
لاتنسون التصويت+متابعه الحساب✅♥
ـــــــــــــــــــــــــــــــــــــــــــــــــــــ
ْ
ْ
ْ
ْ
ميرهان:- يااربي منا سالفه السحر
ومنا ابني الي مدايتحرك وهسه اذا
احجي يكلب الدنيا نمر، ومادري شسووي
نمر اخذ ملابسه الرياضيه وطلع
هسه هذا شبي بس يصيح هففف، وهاي
هينووه معقولة هي الي مسويتلي السحر
زين اني بشنو مئذيتها اذا على نمر خلي
تاخذه بس خلي تعوفني بحاالي، لوو
ادري هيج ما ابجي ولا انقهر عليه
من ازوج
كعدت علجربايه واني اذكر شلوون السيد
من كال هذولة نهايتهم انفصاال
صااح نمر:- شهل حجيي خما تعلم علم الغيب
السيد:- ما اعلم علم الغيب ابني بس داقرا
المرتك وهيج بين يميي، مرتك مسحورة
وراح تفقدهم ماكوو حل ثااني
صااح نمر:- افقد منوووو!!
هز راسه الشيخ وكال:- اخذ مرتك ابني
وعينك عليها
سحبني نمر وطلع يسب ويغلط
ام نمر:- استهدي بلرحمن يمه
نمر:- انتي ما سمعتيي هذا سديحجيي
راح تفقد وتنفصل موو هوو بكيفه
ام نمر:- ميخالف يمه استغفر ربك والي
كاتبه ربك يصير
فزيت من صفنتي واني محتاره ليش هيج حجه السيد، كمت ارش الغرفه من المي الي انطانيا
السيد، رشيت و اجيت شلت الفرشه من
الجربايه وشوف شي علدوشك
عزااا هااي شنوو ياستاار ياربي لطعه
بلفرشه مثل المي ومشمور عليه واكو
فتحه صغيره بلدوشك باوعت بلفتحه
ودخلت ايدي حسيت اكوو شي
جريته اعوووذ بالله شنوووو هاااي
صحتت واني اديه يرعشون من
الخوف:- عمممممه
اجه نمر يركض كال:- شبيييج
ميرهان:- نمر باااع هاااي لكيتها
بدوشك الجربايه
نمر:- شووو اشووف
اجتي عمتي كالت:- شكووو يمه شبييج
نمر:- هذا السحر الي سوته الكح***
ام نمر:- اصبر يمه لا تحكم كبل
جيبه يمه اخلي بشي نكس حتى
يبطل ولا تفتحو ابدد مايصير تقرو
عمتي كطعت الخيط الملفوف علورقة
ونزلت تشمره بشي نكسس كمت اني
سحبت الدوشك وشمرته بره حسبي
الله على كل ظالم شنوو يريدون
منيي هذولة بلضبط
عزلت الغرفة وعطرتها وجبت دوشك جديد
خليته وغيرت الفرشه وحتى التحفيات غيرتها
الغرفة صارت تلمع
اجه نمر وجه ما يتفسر من العصبيه
نمر:- منووو غيرج يدخل للغرفة
ميرهان:- انتت
نمر:- جاي تستهبلين انتيي
ميرهان:- اييي اني شمعرفني منو دخل منو
اجه قابل اني اوكف حراسه تره هااي زايده منك المفروض تروح تدقق بلكامرات قبل كلشيي
صفك ايده وكال:- شلوون راحت
من باليي اروح اشووفهم
طلع يشوف التسجيلات واني بقيت رايحه
جايه بلغرفه شويه واجه
ميرهان:- هااااا عرفت منوو
نمر:- اييي
ميرهان:- ايي منووو
نمر:- هناء وعمتي
ميرهان:- اي من كد ما تحبك هيج تسوي
نمر:- ئنجبي ولا تستفزيني وانتي ثووله
شلوون تعوفين الغرفه مفتوحه
ميرهان:- والله اني مادري بيتكم
مابي امان ومحد يامن على نفسه بيي
كمشني من فكيي وعصر فكيي بيده
حييل صحت:- اخخ نمرر
نمر:- احجيي عدددل
وخرت ايده من فكيي
وكلتله:- تررره موكلشي تذبه براسي اوووك
عفته وشلت الملابس ونزلت اغسلهم خليت
الملابس بلغساله وطلعت من الحمام تلكتني
ام هناء واختها
كال ابوها:- السلام عليكم
ميرهان:- وعليكم السلام
ام هناء:- شلونج خاله
كلت بكلبي خاله بعيينج:- هلااا
ابو هناء:- وين نمر شو اتصل بينه شيريد
ميرهان:- ماعرف عموو
ابو هناء:- صيحينيا عمو
ميرهان:- تمام هسه
صعدت صحت نمر، ونمر نزل يشوفهم
واني مشيت ورا علكييف حتى اسمع شكوو
هما كعدو بلستقبال ونمر كمش هناء من
دشداشتها وسحبها ورا واني اتبعتهم
دخل نمر شمر هناء بنص الاستقبال
وصااح:- بنتك الساحره ماريد اشوف
خلقتها بلبيت
اجتي عمتي كالت:- شكووو يمه
ميرهان:- عمه هاي اهل هناء اجووي
عمتيي دخلت للاستقبال واسمع
ابو هناء كال:- شبيك عميي كلي اذا مسويه
شي اكسر راسها والله
اسمع هناء تبچي كال
نمر:- والله عمي بنتك داكه دكه ناقصه
ام هناء:- ايي شمسويه غير نعرف
ابو هناء:- أنتيي لا تدخليين، احجي عمي
هناء:- بوويه هوو نمر يكرهني
من يوم يومه
نمر:- تدرين بنفسج مكروها وبعدين
عمي تره بنتك سحااره هي ومرتك
وتحملنه اذيتهن اني ومرتيي
وميرهاان شلهااا غرض ليشش
هيج يسوون بيهاا
سمعت صوت راشدي وابو هناء
كال:- احجييي صدك هل حجيي
ام هناء:- يمه اسم الله عمل وبطل اتهمتوني انتم
نمر:- هاااا تهمتج يلمكروده والله انتي مضلومه خطيه لجج انتي بشيباتج تسووين سحر
ابو هناء:- أنت شلوون عرفت
نمر:- من الكامرات عمي اني شفت شلوون
دخلت للغرفه وشلون حركت الزباله الجايبتها
وشلون فتحت الدوشك وخلت بي اعمالها
القذره
ابو هناء كام يضرب بهناء وهناء تبچي
نمر:- عمي تريد تكتلها اخذها لبيتك
وباجر ورقة طلاكها توصلها
هناء صرخت:- لااااا نمر لا تكولها
الله يخليك
صح ئذتني واتمرضت بسببها بس
مع هذا كلبي وجعني عليها
نمر:- ماا استقبلج بعد لا انتي ولا امج
ام نمر:- تررا عيب ام سلمان ترظين احد هيج
يسووي بأبنج وجنتج بشنوو جنتي مئذيتكم
ولا ضارتج بشي ابني حاجي عليكم بلموزين
كل هذا السوا وياكم ولسه تخربون بحياته
ام هناء:- ام حسن تره دايتبلون علينا
نمر:- لا نتبله ولا شي اخذي بنتج
وطلعي من بيتي
نمر طلع من الاستقبال وشافني
واكفه يم الباب، اني رحت للمطبخ
هفف واخيراً راح اخلص من هاي السعلوة
سويت العشه والبيت صار هدووء
باوعت من باب المطبخ عمتي اجتيي
ميرهان:- هااا عممه
ام نمر:- راحت وي ابوهاا
ميرهان:- مترجع
ام نمر:- مدري بعد يمه سويلي
استكان جاي وجيبي وراي
ميرهان:- صاار عمه
سويتلها جاي وديته الها ولكيت
نمر كاعد يمها
نمر:- ويين رفيف
ام نمر:- اخذتها ساره وراحت البيت حسن
هز راسه وعيونه عليه ونهض
نمر:- انيي راح انام
ام نمر:- ليش يمه ما تعشيت بعد
نمر:- مااا اشتهيي
تعشينا اني وعمتي وشلت المواعين وعزلتها
واجيت كعدت يم عمتي
تحجيلي على هناء وسوالفها
ميرهان:- عمه عوفيها ورا الله وهو
ياخذ حق كل مظلوم
ام نمر:- ايي ييمه ربج مايضرب
بحجر وهسه تطلع حوبتج بيهن
اشرت على بطني وكالت:- شلونه اوليديي
ميرهان:- عمه شوو ميتحرك وبطني
كلش توجعني
ام نمر:- يمه لا تخافين هاي هيج
تصير وي كل حامل
نهضت وكتلها:- اي عمه، وهم يله
انتي نامي الوقت تأخر
ام نمر:- اي يمه
ميرهان:- تصبحين على خير عمه
ام نمر:- وانتي بخير حبيبه
طفيت الاضويه وطلعت تلكتني
ساره وهي شايله رفيف
ساره:- شكد تحبين المشاكل وما
ترتاحين سبوع بدوون مشاكل
رتاحيتي هسه من راحت هنااء
ميرهان:- والله مرت اخوج زباله
وشمرنها برا البيت
ساره:- انتيي لوو غييرج
ميرهان:- لاا الي من صنفج
عفتها وصعدت للغرفه فتحت الباب علكييف
باوعت نمر نايم على بطنه
دخلت غيرت ملابسي وفتحت شعري
لان ما اعرف انام اذا ما شعري مفتوح
اجيت اتمدد وماحس غير نمر
شالني وخلاني بحضنه
ميرهان:- يييمه نمر جفلتنيي شبييك
نمر:- اشششش نامي
نايمه على ايده وهو حاضني، ظهري صاير على
بطنه خله راسه بشعري سحب نفسي من شعري
نمر:- خليني مرتاح ولا تزعجيني
ميرهان:- انت مو جنت نايم
نمر:- ايي بس سمعت صوت طركعتج وشميت
ريحه عطرج وكعدت
ميرهان:- انيي منعسه كلشش وتعبانه غفيت
واني بحضنه كعدت على الم أبطنيي باوعت
نمر الى هسه نايم
فلتت ايده من خصري وكمت غسلت
وجهي وصليت
والألم يزيد مايخف اوووف ياااربي
شهل الم بقيت كاعده بلكاع وصافنه
فززني من صفنتي نمر وهو
يكول:- شووكت كعدتي
ميرهان:- من زماان
نمر:- شعجبب
ميرهان:- شبعت نوم
مادري ليشش ما حجيتله عن الألم
الي ابطنيي يمكن جان بالي ماريد
اعقد الامور اكثر من ماهيه متعقدة عنده
نمر:- انيي اروح للدوام اكويلي ملابسي
ميرهان:- تماام
اني كووة امشي من الألم طلعت ملابسه
وهو نزل كويتهن اله وكوة متحملة واكفه
واحس الالم مثل السجين التنغز بطني
كوة اسحب الهوى
اجه نمر وكال:- كملتي
ميرهان:- ايي
اخذهن لبسهن واخذ سلاحه وطلع
تمددت علجربايه كلت بلكي هسه ويروح
الالم يمه حمووووت من الالم مر الوقت
واني نايمه
شويه هدء الالم وكلت خلي انزل اكل
شي حتى اخذ علاجي سمعت صوت سلام
طلعت دانزل علدرج
سمعت صوت شهرزاد نزلت بسرعه
شفتها شهكت،هي شافتني وحضنتني
ميرهان:- هلا شهرزاد الحمدلله عسلامه
شهرزاد:- الله يسلمج ولج مشتاقتلج
ميرهان:- والله اني هم كلش افتقدتج
التفتت وشفت عباس كلتله:- هلا عباس
عباس:- هلا ميرهان شلونج
ميرهان:- نورت والله مشتاقتلكم
البيت بدونكم لا شووفه ههه
ام نمر:- هاا واني مالي قيمه
ميرهان:- لا عمه انتي الكل بلكل
بس تدرين بيه شلون احبهم
شهرزاد جرتني من ايدي
وكالت:- تعاي اشوفج شجبتلج ولنونو
ميرهان:- يووو صدك تحجين
شهرزاد:- دسكتي وبااعي
طلعت مكسرات وحلويات وجكليت
وست قوط مال اطفال وجايبتلي
جاكيت وبنطرون
ميرهان:- بعد كلبي شهل زحمه
والله مايحتاج
عباس:- ترا هااي اني جبتهم
شهرزاد:- لا عينيي هاي اني جبتهن
ميرهان:- ثنينكم ماتقصرون
عباس:- وين هناء انطوها جكليت
شي مهما يكون خطيه
ساره:- عينيي هناء بحح
عباس:- ليشش
ساره:- نمر طردها
ام نمر:- ساره اصبري اخوج توه جاي
ميصير هييج بسرعه تحجين كلشي
عباس:- ياابا احجولي شكوو
ام نمر:- روح ارتاح والظهر نحجي
اشرتلي شهرزاد بمعنى شكوو غمزتلها
كالت:- صدك
ميرهان:- اييي
عباس:- شنوو تحجن بلغه العيون
شهرزاد:- حبيبي هاي لغه خاصه بينه
بس انت لا تدخل يروحي
عباس باوع صفح وكال:- اوووي لغة خاصه
ضحكنه وعمتي كالت:- يله اليوم
اسويلكم سمج وتمن احمر
عباس:- ايي يمه اوووف لوتدرين شكد مشتاق
للاكل مالتج والاكل الي اسوي ميرهان
ميرهان:- تدلل هسه اسويلك
عباس:- والله أنتي نادره
شهرزاد:- ميرهان الله عليج لاسوين شي
ترا عباس ياكل اهوواي، هناك بلسفره ماخله
مطعم مادخله
ضحكوو كلهم وعباس كال:- اهم شي بطني
هااي العزيزة
باوعتله شهرزاد وكالت:- منو هااي العزيزة
كام عباس احتظن شهرزاد
وكللها:- انتي حبيبتي اكوو غيرج
ضحكت شهرزاد وراحو لغرفتهم وعمتي
كالت راح اروح اجيب سمج واني بقيت
يم رفيف لات ساره عتدرس وعدها امتحانات
وفدووة رفيف صايره تناغي وتكعد بوستها
وحضنتها لصدري اه شحب هلبنوته احسها
بنت كلبي
دالعب بيها وهي تضحكلي، عباس وشهرزاد
جايبيلها بدلات وباندات
والعاب وهي تعلب بلايلون الغراض
سمعت عمتي صاحت:- ميرهاان
كمت اني وكرشي الصايره اثكل مني
ميرهان:- هاا عمه
ام نمر:- هاج يمه
ميرهان:- اخذت العلاكه من ايدها وخليتها بلمطبخ نظفت السمجات وحطيت التمن علنار
ام نمر:- راح اشوي السمج
ميرهان:- تمام عمه، راحت تسوي الخلطه
مال السمج، واني حظرت الطرشي وزلاطه
صار الغدا جاهز وعمتي صاحتهم
يتغدون اجوي عباس وشهرزاد وساره
عباس:- وين نمر
ام نمر:- يابعد كلبي يايمه وليدي مشايف
الراحه مخلصها تعب بتعب سوده عليه
مامرتاح
عباس:- اي موو هو يحب السمج والنسوان
عمتي صااحت بي:- اسسكت شهل حجي هذا
عباس: - يمه نشااقه نشاااقه شنو مايصير
ام نمر:- لااا مايصير
ميرهان:- عمه ترراا صدك هو يحب النسوان
والسمج
شهرزاد:- بسس انتي يحبج
ضحكت وكتلها:- واضح
تغدينه وكملنا لميت السفرة وعزلت وسويت
جاي واحس شي حااار ينزل منيي
كلبي صاار بحااله انذار ركضتت للحمام
وشووف دمم عزااا كلبي احسه حيووكف
من غير الالم الي ابطنيي
يمممممه ابنييي
طلعت وانيي اسااعد نفسسي كووة
بدت الدنيا تغوش بعينيي بااوعت النفسي
ماا انشااف من الدم الي دينززل بيه مابيه
ركضت للصاله صحتت بصووت
متقطع:- ع.... عم... عمممممه
جسمي كله يررجف ودمووعي ماوكفن
على صياحي اجوو عمتي وعباس وشهرزاد
وساره
بسس شافوو حالتي والدم مالينيي طلعوو
كلهم وبقت عمتيي اجت كمشتني
ام نمر:- اسم الله يمه شبيييج
ميرهان:- عممه دانزززف
صااح عباس:- يله بسسسرعه اخذها للدكتورة
شهرزاد تسكت بيه وتكلي
لا تخافين ان شالله ماكو شي
واني فاقده ما اسسمع اي احدد
ام نمر:- رووحي يمه شهرزاد جيبي
عباتها وشال
ركضت شهرزاد واني
صحت:- عممه ولججج عممه ابنيييي
داشهك بلبجي واجه عباس كال:- يله راح
اشغل السياره وجيبنهاا
اجتي شهرزاد لبستني عبايه وحجابيي
سااره كالت الشهرزاد:- انيي راح اروح
وياهن رجعي انتي تعبانه
اخذتني عمتي وساره للسياره واني كووة
امشيي احسس ابني راح يطييح
ميرهان:- عمممه ابنييي راح يطييح منيي
ام نمر:- يمه لا تخافيين
صعدت السياره، عمتيي تبجي وعباس
يمشيي بسسرعه واني كووة صاامده
الالم يذبحح وصلنه للمستشفى دينزلووني
واني صحتت:- ماااكدرر انززل
عباس صاح على الممرضات جابن كرسي
متحرك، كعدوني عليه ودخلوني لغرفه
الطوارئ اجتيي الدكتورة
وكالت:- شبيها الابنيه
ام نمر:- داتنززف وهي بشهر الخامس
انيي اصررخ من الألم وهااي تسئل
كلتلها:- دكتوررة رااح اموووت الله يخليج
خلصينيي من الألم
كشفت عليه وكالت:- تعااي وراي للسونار
انيي ما اكدرر امشي جابولي الكرسي
واخذوني وراها دخلتني لغرفه السونار
خلتني علسديه سوتلي سونار
الدكتورة:- الطفل ميت ابطنج
عمتي لطمت على خدها واني شهكت
وصرخ:- لاااا دكتووورة ابنيي مااابي
شيي لا تكوووليها
الدكتورة:- كوميي حبيبتي نسويلج كوورداش
ماا عرفت شنوو تقصد
كلتلها:- ليششش دكتورة
الدكتورة:- انطلع الطفل من بطنج
هزيت راسي بنفيي واني اشهك بلبجي
وكلتلها:- لااااا ماا مااا انطييي ابنيي هذاا
ابنييي حبيبي
ام نمر:- كوومي يمه لايموتج لان
موزين يبقى ميت ابطنج
كوموني واني أبجي نسيت الالم، بسس
ارريد ابني، دخلوني لغرفه مال عمليات
ام نمر:- توكلي بالله بنيتي ولا تخافين القاسمه
ربج يصير يله يمه
اني فقددت الامل من كلشيي وتمنيت يجي
الطفل وينسينيي كلشي عانيت منه
اجتي الدكتوورة وجان الكورداشش اضعااف
الالم الي جنت بيي لوو ميته
ولا هل الم الي مريت بيي
خلصت العمليه واباوع ابني طلعته
من بطنيي اووووف ياااربي
بقيت ساااعه اني متمددة اجتي عمتي
تحمدتلي علسلامه وانيي دمووعي مااوكفت
ام نمر:- نمر، مايدري لي هسه
ماحجيت اي شي جنت بحاله
صدمه شوويه رتاحييت وعمتي
كالت:- راح اروح للصحيات
شوويه ودخلت سارة وهناااء!!!
ساره:- الحمدلله عسلامه
هزيت راسي مالي نفسس الاي احد
هناء:- الحمدلله على سلامتج حبيبتي
ماجاوبتها مالي خلك
ساره:- بااهي ميرهان الي راح نحجيي
المصلحتج انتي مادريتي باي شي لسه
هناء:- نمر اذا لمحج يمووتج اقسسم بالله
باوعتلها بتسائل ساره كالت:- اي والله
ميرهان الدكتورة كالت انتي الي قاتله الطفل
ماخذة حبوب سامه تموت الطفل ابطنج
حجيت واني كووة انطق:- شهل حجيي
لا تحجن بكيفجن اكوو ام تقتل ابنها
هناء:- تررا هل كلام مايفيدج نمر
وانتي تعررفي راح تموتين بيده
ساره:- خيتيي ميرهان:- هااي الجنطه
بيها ملابسج وهاي فلوس وهاي تلفون جديد
اني غلطت وياج واريد اصحح خطأي واخلصج
من ايد نمر
ميرهااان كوميي شرررردي الأي مكان
يخلصج من نمر كووومي
باوعتلهم واني ما اعرف شسووي يااربي
اذا صدك نمر مصدك انيي الي قتلت ابنيي
بحبووب محد راح يخلصنيي منه.....
ْ
ْ
ْ
ْللحكاية بقية....
ٍٍٍ
ْ
ْ
لا تنسون التصويت+متابعه الحساب✅♥
ْ
ْ
ْ
ْ حساب الانستا✅♥