في صباح اليوم التالي
استيقظ حيرام من نومه وهو يشعر بدفئ لأول مرة في حياته.....فنظر بجانبه فرائها مازالت نائمة بين إحضانه تشبه الملاك ....ابتسم حيرام تلقائيا عندما رائها هكذا ثم اقترب منها وأخذ قبلة سريعة من بين شفتيها التي تشبه حبة الكريز ......فتحت غرام عينها عندما احست بشخص يقبلها فاقامت من علي الفراش وازاحت حيرام بعيد عنها قائلة بفزع : انت بتعمل ايه
حيرام بهدوء : اهدي .....اهدي مفيش حاجة......انا كنت بصباح عليكي عادي
غرام بنسيان : وجاي أوضتي ليه ان شاء الله .....علشان تصباح عليا برضو
حيرام باستغراب : مالك يا بت هو انتي جالك الزهايمر ولا ايه ......ما انا مبيت معاكي من امبارح في الأوضة
غرام مدعية النسيان : مبيت معايا من امبارح انا مش فاكرة حاجة.....مين عطالك الإذن انك تدخل أوضتي اصلا
حيرام بنفاذ صبر وهو يضرب كف علي كف قائلا : لا بقولك ايه يا غرام انا ميتعملش معايا الشويتين دول .....ما احنا اتفقنا اننا هنام مع بعض علطول في نفس الأوضة
غرام بمكر : لا لا انا مش فاكرة ان انا قولتلك حاجة اصلا او وافقت انك تنام معايا في نفس الأوضة.....اطلع برا أوضتي يا حيرام وخد الباب في ايدك
حيرام بفهم قائلا : اه ........انتي بقا فاكرين عيل عبيط يضحك عليه بكلمتين ......ثم جذبها من خصرها جعلها تنام علي الفراش وهو فوقها قائلا بمكر : متيجي هفكر باتفاق امبارح
غرام وهي تزيحه من فوقها قائلة بتوتر : لا خلاص انا افتكرت ......اوعي بقا
حيرام وهو يغمز لها بعينه قائلا بوقاحة: لا سبني افكرك بس
غرام بنفاذ صبر : يا عم خلاص افتكرت انا قولتلك ايه ....حتي بالإمارة قولتلك تنام معايا كل يوم بس من غير قلة ادب
حيرام بمكر : لا انا حاسس انك لسه ناسية ......ثم أخذ يقبلها في جميع أنحاء وجهها قائلا بهيام : اه افتكرتي ولا نكمل
غرام وهي تزيحه قائلة بنفور : خلاص والله افتكرت كل حاجة ......سبني بقا ......ثم أقامت من علي الفراش ووقفت أمامه قائلة بضيق : بقولك ايه يا عم حيرام ......اهدي كدا عليا وبلاش شغل التلصقة بتاعك دا
حيرام بمكر : هو انا كدا ملصق من وجهة نظرك......دا انا حتي طيب خالص معاكي وغلبان وصابر عليكي
غرام وهي ترفع حجابها قائلة بعدم تصديق : انت كدا صابر عليا ......يا شيخ حرام عليك ....اتهدي بقا ياخي هديت حيلي ......ثم تركته وخرجت من الغرفة سريعا عندما لاحظت قيام حيرام من علي الفراش
حيرام بضحك : اه يا بنت المجنونة .....جننتني معاكي والله ....... ثم خرج هو الاخر من الغرفة خلفها
**************
في شقة خالد
كانت ياسمين تقوم بتحضير الطعام في المطبخ وعندما انتهت من طهي الطعام وضعته في اطباق وحملته حتي السفرة .....ثم نادت علي خالد قائلة : خالد يلا علشان جهزتلك الغداء
خرج خالد من غرفته ونظر علي السفرة نظرة عدم رضا قائلا بقرف: ايه اللي انتي عامله دا
ياسمين بصفاء نية : عامله مكرونة و بانيه و سلطة
خالد بسخرية : ومالك جاية علي نفسك اوي كدا .....هو انتي هتوكلي واحد عيان ولا ايه
ياسمين باستغراب : ماله الاكل يا خالد مش عجبك ولا ايه
خالد بغضب : ايوه طبعا مش عجبني .....ادخلي يلا انجري علي المطبخ اعملي حاجة تفتح النفس
ياسمين بضيق : ليه ان شاء الله الاكل مش عجبك في ايه
خالد وهو يجلس علي الكرسي ويضع رجل فوق الأخري قائلا بأمر : سمعتي انا قولت ايه انجري اعملي اكل عدل
ياسمين بغضب : لا مش اعمل حاجة تاني هو دا اللي انا عملته اذا كان عجبك
اقام خالد من مكانه وجذبها من ذراعها قائلا بغضب : قولتي ايه كدا سمعني تاني
ياسمين بخوف من طريقته قائلة وهي علي وشك البكاء : بقولك والله يا خالد انا مش بعرف اعمل حاجة غير المكرونة والبانيه ولو بعرف كنت عملتلك حاجة أحسن
نظر لها خالد قائلا بخبث : بس علي ما اظن دا مكنش كلامك .......بس لا حلو انك تخافي .....خافي بقا كدا علي طول علشان متزعليش
ياسمين وهي تزيح يده من علي يدها قائلة بغضب : لا مش خايفة يا عم خالد ......ثم أكملت بصوت عالي قائلة: والاكل قدامك اهو عايز تاكل كول مش عايز براحتك .....ثم تركته وجاءت ترحل من أمامه احست بيده وهي تجذبها مرة اخري ولكن هذه المرة أشد من اللي قبلها
خالد بحدة : حسك عينك اكون بتكلم معاكي وصوتك يعلي عليا او تمشي وانا بكلمك انتي فاهمة .....ثم اكمل بصوت عالي : فاهمة ولا لا
ياسمين ببكاء : فاهمة
خالد باستغراب وضيق : انا عايز افهم دلوقتي انتي بتعيطي ليه
ياسمين ببكاء : سيب ايدي وانت تفهم انا بعيط ليه .....ترك خالد يدها في هذه اللحظة وأخذ ينظر علي مكان ضغط يده علي ذراعها احس بالذنب عندما رأي ذراعها احمر من شدة الضغط عليه ......ثم نظر علي ياسمين رائها مازالت تبكي
خالد بنفاذ صبر : خلاص كفاية عياط
نظرت له ياسمين قائلة ببكاء طفولي : والله ايدي بتوجعني مش بمزاجي يعني
خالد بضيق من نفسه قائلا : وانا قولت خلاص يا ياسمين مكنتش اقصد كفاية عياط
ياسمين بطاعة : حاضر مش اعيط تاني .....ثم اخذت تمسح الدموع من علي وجهها قائلة ببراءة : خالد كول بقا الاكل اللي انا عامله
خالد بعدم فهم قائلا: و انتي ليه مصرة اني اكل من الاكل دا ......اوعي تكوني حط فيه سم
ياسمين بدهشة: حرام عليك يا خالد ايه اللي بتقوله دا .....دا كل الحكاية ان انا تعبت فيه اوي عقبال ما عملته
خالد بسخرية وهو يجلس علي السفرة قائلا: تعبتي اوي في شوية مكرونة و بانيه
ياسمين بضيق : حرام عليك يا خالد متتريقش عليا .....ثم جلست هي الأخري وأخذت تتناول الطعام
خالد بسخرية : ماشي يا اختي اديني باكل اهو
**************
في شقة عفاف
كانت منار تتحدث مع مصطفي في الهاتف قائلة بنفي : لا يا مصطفي مش اطلع عند حد
مصطفي بتهديد: خلاص براحتك لو مطلعتيش انا انزلك زي المرة اللي فاتت
منار بخوف : لا لا يا مصطفي اوعي تعمل كدا
مصطفي ببرود : خلاص.....اطلعي بقا علشان عايزك في موضوع مهم
منار ببساطة : طي ما تقول اللي انت عايزه في التلفون
مصطفي بضيق : لا مش هينفع لازم تكوني قدامي.....اخلصي واطلعي بقا
منار بحيرة : طب ما انا خايفة لحد يشوفنا
مصطفي بضيق : يا بت هو انتي عبيطة انتي مراتي محدش ليه عندنا حاجة ......اخلصي بقا
منار بتردد: حاضر......عشر دقايق وهكون عندك
مصطفي بسعادة: ماشي يا قلبي متاخريش عليا بقا .....ثم أغلق معها الهاتف وجلس ينتظرها
بعد حوالي عشر دقايق
كانت منار تقف فوق السطوح تنادي عليه بصوت واطي قائلة بخوف من ان يرها أحد: مصطفي .....انت فين
جاء لها مصطفي من غرفة في نهاية السطح قائلا بابتسامة واسعة : نورتي سطحي المتواضع يا قلبي....ثم اقترب منها وقبلها من خدها
ابعدته منار بعيد عنها قائلة بضيق : متقربش يا عسل علشان متزعلش
مصطفي بقرف : يا بنتي ليه بتحسسيني اني بكلم عم عبده السواق .....يا بت خليكي رقيقة شوية
منار بعربجة : يا جدع رقة ايه وبتاع ايه هما يوكلوا عيش اليومين دول ......ثم أزاحته من أمامها قائلة: اوعي كدا من قدامي بس وقول كنت عايزني في ايه
مصطفي بجدة: انتي عجبك الوضع اللي احنا فيه دا
منار بعدم فهم : وضع ايه يا مصطفي
مصطفي بضيق : مش فاهمة وضع ايه .....عايز اعمل فرحنا يا منار انا مش قادر اكمل لاخر السنة كدا ....لا محصلين المتجوزين ولا المخطوبين
منار بهدوء: طيب بالعقل كدا يا مصطفي هنتجوز فين يا بني
مصطفي ببساطة : نتجوز الكام شهر دول عند امي في الشقة عقبال الشقة بتاعتنا ما تجهز
منار بتريقة : لا ايه رايك نتجوز في الأوضة بتاع فوق السطوح .....ثم أكملت بغضب : انت عبيط يا مصطفي نتجوز في شقة امك ليه ات شاء الله ......وليه الاستعجال اصلا
مصطفي بضيق : يعني عجبك كدا كل اللي حولينا اتجوزه......دا حتي خالد اتجوز ياسمين اختي في أقل من شهر وانا مش عارف اتلم عليكي ساعة واحدة
منار بصوت عالي: والله اللي اعرفه بدل الكلام الفاضي بتاعك دا روح كمل تجهيز الشقة واخلص علشان نعرف نتجوز
مصطفي بتبرير : طيب يا بنتي ما انا بخلي العمال بيشتغله بأيديهم واسنانهم اعمل ايه تاني ولسه برضو الشقة عايزة وقت .....فوافقي علي الجواز واخلص بقا يا بت يا منار
منار بعناد : لا يا مصطفي وانا مش هتجوز غير في الشقة بتاعتنا ......وبطل كلام بقا في الموضوع دا .....وكمان اللي عايزك تعرفه انا مش هتجوز غير لما السنة دي تخلص كلها
مصطفي بعصبية: لا بقولك ايه يا منار انا بنجز في الشقة بسرعة علشان نلحق نتجوز في خلال شهرين كدا ......وانتي متجيش تقوليلي بعد السنة متخلص .....انا مليش في الكلام دا انتي اخرك معايا شهرين بكتير
منار بقوة : بقولك ايه متكلمش معايا كدا يا مصطفي واتعدل في طريقتك معايا......والا ......والله يا مصطفي ما يكون في جواز نهائي
مصطفي وهو يجذبها من ذراعها بقوة قائلا: انتي اتجننتي ولا ايه ......انتي نسيتي انك مراتي
منار بعصبية: اوعي ايدك من عليا يا مصطفي .....ثم أزاحته من أمامها قائلة بغضب: انا بقا اعرفك انت بتتعامل مع مين كدا.....ثم تركته ونزلت الي اسفل وهي في قمة عصبيتها وغضبها
***************
في صباح اليوم التالي
كان حيرام يجلس امام الورشة ويمسك في يده حجر الشيشة ينفذ منه الدخان .......ولكن نظر في استغراب عندما رأي غرام تخرج من باب المنزل بمفردها ذهب في اتجاها حيرام قائلا بتسأل: رايحة فين يا غرام
غرام ببساطة : رايحة اجيب شوية حاجات للبيت
حيرام بحدة : وانتي تنزلي من البيت ليه اصلا مقولتليش ليه علي اللي انتي عايزة
غرام بضيق : انت عايزني اخد اذنك ولا ايه يا حيرام
حيرام بطريقة سوقية : بتقولي ايه يا روح امك .....هو انتي كنتي هتمشي من غير أذني مثلا
غرام بعناد : اه كنت امشي من في اذنك فينا حاجة دي
حيرام وهو يجذبها من يدها قائلا بتوعد : طيب تعالي معايا نكمل كلامنا فوق في شقتنا
غرام بتحدي: لا مش طالعة معاك وهروح اجيب اللي انا عايزة
حيرام بنفاذ صبر قائلا : يلا قدامي من غير كلام كتير احنا في وسط الحارة مش عايز حد يتفرج علينا .....ثم جذبها من يدها وجرها ناحية المنزل
غرام بغضب : بقولك سيب ايدي يا حيرام
صعد بها حيرام الي اعلي وهو يتوعد لها بأشد أنواع العقاب .....فتح حيرام باب الشقة وادخل غرام بالقوة
غرام بغضب : انت بتزحني كدا ليه ......هو انت مش هتبطل التخلف والهمجية بتاعتك دي
نظر لها نظرة ملئية بالغصب ولم يشعر بنفسه الا بيده وهي تنزل علي خدها قائلا : إن ايه رايك بقا في التخلف والهمجية بتاعتي
وضعت غرام يدها علي خدها قائلة بصدمة ..........
***********
رايكم يا بنات في فصل النهاردة الحزين دا 😞
حيرام الغرام 💖
بقلم : دينا فتحي