قصص عراقية:
#البارت السابع عشر
رواية...#جولييت_واسرها...غياهب الإنتقام
#بقلمي...نور سمو العراق
💔💔💔💔💔💔💔💔💔💔
اوجعتني قسوة قلوبهم بحجم الكون ..ولا زلت اردد صبرا يا قلبي ...قد تكون اخطاء غير مقصودة
...................................
البارحه متعرفون شسويت البارحه خربتها ويه گلبي جنت اصارع وما اعترف النفسي اذا احبه او لااا
بس البارحه للاسف خربتها ويه نفسي وشلت كل الحواجز واعترفت اني احبببببه...
اي للاسف احبب صلاح ...
بگلبي غصات مو غصه وحده ....گلبي احسه يعتصر بألم... دعيت ربي بخجل...يا الهي خفف عني ،هل وجع ما اريد اعترض علئ امرك اذا جان هو مو نصيبي،ولا اني نصيبه...
زحت الغطا من جسمي و وطلعت بره باوعت للسما بهيبه متواضعه من جمال الخالق...
رعش جسمي من البرد وحضنت نفسي بقشعريره حسيت بخنگه بصدري همست ببكاء ...يااارب اني مؤمنه بيك وما عندي اعتراض بس والله دا اختنك واحس الموت يكسر بيه تكسر ...
يارب عندي امل اوكف من جديد وكلي ثقة بحكمتك واقتدارك ...انما تقول للشي كن فيكون...
اجعل صلاح من نصيبي ...
شهكت برعب وحسره...سامحني ياااارب واغفرلي بس هاي مشاعري والبوح عنها مذله ...بس انتي خالقي وما بحت بيها الغيرك ...لان الشكوئ الغيرك فعلا مذله....
حسيت بنسمات البرد تخللت لمسام بشرتي غمضت عيوني وتنفست بضيق...معقوووله صلاح يكون نايم ورايح بسبات عميق واني النوم مجافيني
سمعت صوت الجامع يمجد بسورة من سور القرآن ...أَلَا بِذِكْرِ اللَّهِ تَطْمَئِنُّ الْقُلُوبُ ...يارب قلبي ما يطمئن ويستانس اله بذكر اسمك ياحبيبي...
ابعد عني داووود واجعل صلاح من نصيبي....
رجعت بذاكرتي لداوود ونظراته المقرفه...
ابويه كال ببتسامه...ان شاء الله يصير خير
رجع باوعلي بضحكه وهو يلف ايده علئ كتفي كال...اني ريهام وحيدتي ما اجبرها علئ اي شئ هي بكيفها واني ما انحمل فراك بنيتي انتم بديالي والبعد كتال...
رد داوود بلهفة...ااجر هنا واكعد بصراحه اني الي الشرف اناسبكم وين الكه مثلك عمي ومثل عمتي ام جابر...
اني ادور الشريفه وبنت اصول والبنات ضاله مثل الزرع منو يجي يقطفهن ...بس اكيد الواحد يقطف الزينه والزاهيه ...
رد ابويه...اي اكييد وهم يكلك اخطب البنتك قبل ابنك ومن رضيتم له الاسلام دينا فزوجوه ...واني ريهام بنيتي متدينه وتعرف باصول دينها اذا الشخص زين حتئ لو يكعد بخيمه وهي مقتنعه ازوجها اله...
خالي جاوب...اي صحيح وداوود المنطقه والفلح كلها تحلف براسه وتحجي باخلاقه مثل اخلاق جابر ما عليهم زود ان شاء الله ...
تنفس ابويه بتنهيده وهو يقبض علئ سبحته بهدوء...ان شاء الله ...ربي يكول.. وامرهم شورئ بينهم...اشورها واشور امها واخوها وان شاء الله نرجع جواب....
ابو داوود...بس كون جوابكم يرضينه مو تكسرون بينه ...
تنهد ابويه كال...والله اني هم ابن خوي طالبها من قبل لا يموت مهيوب الله يرحمه رادها لجعفر بس،شويه اني مااريد اخرب ويه ولد اخووي واعرف جعفر مو كد الحمل ولا تفكيرة مثل ريهام ...
داوود حط ايده علئ صدرة بحزم...والله يا عمي أسأل عني الكل راح تحمدني ومو بس هيج اني اعرف باصول ديني وراضي ربي ان شاء الله وعندي اعمال خيريه شكد انطي للفقراء واليتامئ والمحتاجين....
رد ابويه ببتسامه..لا تذكر محاسنك لان الصدقه المقبوله هي الصدقه الي تنعطي وايدك اليسار متعرف شنو انطت ايدك اليمين.
رجع حضني وهو بتنهد...اني رهوومه لا بنت سلطان ولا خارقة الجمال...بس هي بنت الشيخ عگاب الي علمها شلون تكون بنية مثل الملاك .
رد داوود بسخافه . لا حلوة حلوة
ضحك ابوي كال...شفت ما همك بس الجمال ما همتك روحها وادبها ونسبها واخلاقها باوعت الوجهها لهذا السبب اني اخاف انطي بنيتي لواحد هيج لان الجمال يزول واحتمال كلشي يصير تتشوة لا سامح الله تتمرض ربي لا يكولها...فأكيد راح تتنازل عنها...
رد بلهفه...لا مستحيل اصلا اني ما تهمني النسوان وريهام اخليها بعيوني ...
رد عليه ابوي بهدوء...ان شاء الله نرد جوواب...
رجعت من ذاكرتي ...ياربي ما اريده اخاف يصير من نصيبي...
انوب هم باتو يمنه بس لا يقنعون ابويه او امي تقنع ابويه ويزوجني اله....
رجعت بعد ما سمعت صوت الاذان المنغم باصداء الاسماء ...توضيت وصليت وكعدت وقار صلت....
صار الصبح كعدنه سوينه ريوگ طلع داوود يغسل وقار كالت...هذا الخطبج ؟ هو حلو بس ترئ جعفر وصلاح أحلئ...
ضحكت ومجاوبتها خلت وطلعت بره تنطي التمن للدجاج ..بعد ما دخل للاستقبال
رجع طلع مره ثانيه ضحكت راح تنكبس وقار خطيه توكع بمشاكل بايخه...
طلعت من شافته مشت بسرعه بس شفت ملامحها انزعجت احتمال كال الها شئ...
دخلت متعصبه كلتلها...شبيج
ردت بغضب...هذا خطيبج الادبسز عشتو يكول اوويلي علئ الجمال
ضحكت...منين اجه خطيبي عااابت ابو عيون زايغه لو اموت ما اقبل بي
وقار بقرف...عااابت اكولج اخاف عباله اني ريهام
ابتسمت...بلكي يخطبج ونخلص منه
رفعت حاجب بغرور ومشت...وهي تهز بيدها...
ضلو تغدو وبعدها راحوو...واني انطيت اجابتي،مموافقة....
.............................
جولييت...
اوجعتني قسوة قلوبهم بحجم الكون ..ولا زلت اردد صبرا يا قلبي ...قد تكون اخطاء غير مقصودة
خليت خالتي صبريه دخلت للمطبخ وفورت مي تريد تصلخ الدجاج ورضيه وياها...
واني خليت وطلعت بره اجت اشواق كالت...جولييت عندي موضوع وياج
بلعت ريكي ببتسامه متوتره همست...اي تفضلي اشواق اني تحت امرج
جرت نفس،وهي تفرك بديها بخوف كالت...اممم اذا تكدرين ترحين الجاسر دكليله اني وياج نروح نسوي سونار اريد اعرف شنو جنس الطفل...
همست برعب...ليييش تردين تاخذينه
ابتسمت بخفاء...لاااا بس نريد نعرف وامي هم تريد تعرف يعني لازم نجهز الطفل ...
لمعت عيوني بالدموع وحضنت بطني باسئ...ما اريد حتئ ملابس اله اني الفه بثوبي بس لا تاخذوا...
جرت نفس كالت...لا وين ناخذه وشكو ناخذه وبعد هو بكيف جاسر وهو لحد الان ما كال انطي واني ما اخذه اذا هو ما ينطي...
بجيت بنحيب.. فدوة لا تاخذينه والله اموووت تقبلين واحد يحرمج من امج ...ترئ جاسر حرمني من امي واهلي والكل وصبرت وما جزعت بس لا يحرمني من وليدي لا يكسرني بطفلي.
تنهدت بضيق...كولي يالله ان شاء الله محلوله هسه روحي كليله حتئ نشتري ملابس اله...
ابتسمت ومسحت دموعي وخليت ورحت دكيت الباب هو دائما مايكول ادخلي بس اني ادخل بدون استئذان....
دخلت شفته نايم علئ بطنه لازم فانيلة التعلاكه بيضه ولابس بنطرون اسووود ...
جريت نفس هو من حس بوجودي بسرعه باوع ناحيتي وبعدها رجع نام...
همست بتردد بعد ما بلعت ريكي...جاااسر
رد بدون ما يباوعلي...هااااا
فركت اديه بتردد....اريد احجي وياك شووويه
رجع باوعلي وبعدها عدل كعدته وسحب باكيت الجكاير ضل يدخن اشرلي اجي اجيت كعدت مقابيلي
كال بعقدة حاجب...احجي شنو عندج
رجفت شفايفي بحيرة همست...اءءء امم هذا هي اشوواق دكول اخذج للدكتورة اشوف جنس الطفل..
باوعلي واحتدت ملامحه رد من بين اسنانه...وهي شدخلها بجنس الطفل
خفت ...مم مووو دكول نريد نجهزة
غمض عيونه وفرك جبينه بقهر...عوفيها تحجي وحدها مالهم شغل بجنس الطفل...
رديت بهدوء...انت بيك شئ
تنهد بضيق سحب نفس وزفرة كال...راسي يوجعني حيييل احس راح ينفجر ...
تقريت منه وحطيت ايدي علئ جبينه جاوبته بحزن ...اسويلك مساج
سحب ايدي ونزلها ببتسامة شبح...لاااا ما اريد
حسيت بفشله بس تداركت الموضوع...اخاااف ضغط اقيس ضغطك
هز راسه بأي
رحت امشي بخوات ثگلية احس بلوك بطني مو طفل صاح عليه بجمود...معقوله حملج هلكد ثكيل عبالك تمشين علئ بيض مكسر ...
حطيت ايدي علئ بطني ببراءة...اي متت عبالك طابوگ بيها يوميه اكول شوكت اولد وبعدها اكول لا ان شاء الله ما اولد ويضل حاضنته ببطني طول العمر ...
رد بقسوة...ليش هيج دكولين
بلعت ريكي بغصة...مو تريد تنطي وتطلكني.
ضحك...اذا تمشين وياي عدل اعتبرج زوجه وام ابني بس اذا ما مشيتي اتصرف غير تصرف ...
مسحت دموعي بحزن...ليش اني والله مداريتك وماشيه عدل كوولشي دا اسويلك وكله حاظر اكلك ولبسك ...
ضحك بملل...هذا الشي غيير الكل يكدر يسووي بس اريد غير شغلات
همست بصعوبه واني اعرف شنو يريد بس تغابيت ....شنووو
رفع حاجب كال...روحي كلشي بوقته حلووو اني خيرتج بين العيشه الهنيئة وبين الجحيم ...
رديت بقهر...افضل حل شنووو
باوعلي بهدوء ثواني وبعدها كال...بالنسبة الج العيشه بجحيمي ...
اشر الي ...هسه روحي وان شاء الله غير مره نحجي
جاوبته...تحب هااله؟
رد بسرعه...ولا شوووويه
ضحكت...لعد ليش تقشمرها ودكولها احبج
رد بصدمه...اي ضلت بس الزبايل احبها ترئ ما حبيت بحياتي بس مرة وحده ومستحيل تتكرر...
همست بذهول...منوووو
رد بغموض...انتي ههه
بهتت ملامحي بهدوء اعرفه جذاب ما حب غير شام وما فديوم گلي احبج حتئ جنت اكول شكد متكبر ومغرور...
رديت بهدوء وابتسامه حلوة...شكرا...
دا اطلع صاح علية...جيبي قياس الضغط مو تنسين...
طلعت رحت جبته خالتي ضربت ايد بيد كالت...دفنت ويين الحييد واحدهم يعادل نص العشيرة وبني الزين حاط المدلله بحضنه وكل شويه وخنسوا بالغرفه...
وكفت مصدومه من كلامها وعفتها ورحت دخلت لكيته بعده كاعد نفس كعدتها ويشرب بهل جكاير مسوي الغرفه مصنع مال تدخين
تقربت منه لزمت ايده بحنان وشكلت جهاز الضغط ضليت اضغط عليه واباوع للنسبه مالته ...
فتحت عيوني بصدمه...عزااا كااسر ضغطك صاعد 17 اسم الله يربي اروح اكول الصلاح ياخذك للمستشفئ...
تجاهل كللمي وسحب الجهاز وبعده عنه كال...لا ما اريد سويلي جاي اي شئ او جيبيلي بندول...
سحبت نفس عميق ورحت جبته الع حبايه انطيتها اله وجبت مي شرب وبعدها رجع نام ضليت اباوعله هدوءة معاجبني شنو يدور بباله يارب ليش ساكت مني....
من طلعت شفت نوال وتحجي ويه اشواق دكولها...يمعوده اخذي منها تووولي اصلا هو هيج ديسايرها هسه يطردها وبعدين ابنها منو يربي رضيه المريضه لو اني البركبتي تلث بنات لو وقار ام ايد المكطومه....
اشواق بحيرة...والله اكيف اخذه ادلله دلال تدرين بيه ما عندي طفل ورجلي ما يخلف يكيف ويفرح
ردت نوال بحزن...والله لو بنتي ما ماتت جان انطيتها الج ولا عزيتها عليج تستاهلين انتي هنيالنه لو جهالنه عندج
جاوبتها اشواق بحب...اي والله اعرفج ما تعزين عليه بس جولي ما تقبل تنطي
نوال...دخلي تولي بكيفها مو بكيفها وتاكل وحل اخت المجرم فوك ما ملفينها زين منه وما كتلها شردت ويه جابر مدري تحبه مدري شنو
اشواق بغضب...لااا لاا لهنا وحدج جابر ابن عمي ما تطلع منه العيبه وهو ساعدها لا اكثر ولا اقل
نوال...اي صح جابر فقير بس النسوان كح....شبيج تفره وتفر الخلفه هو جاسر الي جان كارة الزواج وما يبدل شام بمية مرة خلته تزوجها وتزوجها....
اشواق بتنهيده...اندري خاله صدك نسوان ماينحزرن اعوذ بالله منها...
فتت من يمهن متقصده باوعتلهن بخيبة امل اشواق استحت اله نوال تتمنئ تفترسني...
رجعت كعدت يم صبرية بشرود...
وهي تهلس بالدجاج كالت...بس اكمل اروح البيت ابو جابر اريد اشوف اخيتي ورهيمه الحلوه ..
رضيه...ههههه فدوة الكلبها ريهام عبالك حورية من الجنه الادب والاخلاق
صبرية...اي والله تربية عكاب بعد اني اكول ليش ما تخطبوها الصلاح
رضيه بحزن...ويين صلاح امه دكول اريد يتزوج نوال وجعفر لريهام...
صبرية ركعت الدجاجه بالطشت...شني،شني صلاح الحلو ابو عيون كحيله جنه عيون ثوري المرحوم يتزوج نوال عدها كومه فروخ...
رضيه...جااا شنسوي
صبرية بغضب...تكعد علئ بناتها وتسكت شهل لواگه نسوان مفحمات اله يتزوج...
ذكرتني بصخيله حسينه يوم الاخذت ابو اللول انه تطلكت وضليت بدون زواج وعشت والحمد لله وهي صار بيها الحكلگ اله تزوج ما يرتاحن امهات....
رضيه...هي تكتل ببناتها وتموت بيهن وانوب تهدد ام فلاح تروح الاهلها بس هي الله شاهد ما كالت اريد اتزوج صلاح بس دكول هو صلاح احسن واحد بيهم
صبريه...احمم احممم نسوان شايلات العيارة علئ روسهن ويفترن بيها يعني راتب رجلها جاري الها وكاعدات ومستقرات اله تزوج...
رضيه بتنهيده ....اي هاي الموده اله تزوج
صبرية بضحكة...جااا خوووش رضيه انتي هم ارملة تزوجي عكاب ههههه
رضيه ضربتها بغضب...شبيج خية صبرية صدك تحجين مو عيب شهل حجي
صبرية...اندري جااا غير انتي دكولين الموده هاي
رضيه بقهر...دسكتي اسكتي وكملي
رجعت وهي تهلس بالدجاجه بقووة خطيه نقهرت علئ الدجاجه شلعت حتئ جلدها صبرية تذكرت من سولي شيرة بالعرس يبووو...
......................
ريهام....
ثاني يوم راحو بيت ابو داوود اجتنه خالتي،صبرية دخلت لابسه الثوب الملمع والفوطه الحلوة
سلمت وكعدت وانوب باست وقار امي كالت...خية صبرية اجه داوود علئ ريهام خطابه...
ردت عليها بقهر...شني شني لا خيه رهومه مو مال هيج واحد
امي...ليش شبي داوود...
خالتي بغموض وتشرد...مابي شئ بس ما يلوك الها..
امي جرت نفس...اي والله هي هم ما قبلت وابوها ما يجبرها...
خالتي بتنهيده...خووش وين ابو جابر عندي موضوع وياه ...
اجه ابويه سلمت عليه وكعدت كلتله...يا ابو جابر اريد تخابر جاسر يجي نحل مشكلة جابر خطيه ليش هيج متشتت
ابويه رد بهدوء...لا خلي هسه ان شاء الله بس شويه اىتب اموري احاول اصالحهم وان شاء الله خير
خطيه ضلت ما حجت بس هي جانت تحمد بجابر وجولي ابد ما انطت بيها...
وبعدها خلت وراحت البيتها.
وانوب اجه جعفر اخذ وقار وراح
.......................
جولييت
طلعت من الغرفه باليل حسيت بحركه بالحووش تقربت شفته جعفر...يخابر وممتوازن بمشيته ...
يكولها...ام الشوووش اروح فدوة الشفايف عسل مصفئ لاااا انتي ذ ذبانه تطلع عسل
ضحك بدووخه...ايي ايي اكوو ذبان يطلع عسل شبييج شهدوه ممصدكه باجر اجيبلج وحده واخليج تتريكين بالعسل مالتها...
جان يحجي خيطي،بيطي كوولشي مفهمت من كلامه...
رجع كمل بصدمه وهو يتطوطح...لاااا لاااا عيب شوشو يكلبي اني سكران جيبي القران واحلف اذا فديوم شربت او سكرت جبت عمري كله اشرب عصير دالي....
لطمت خدي يبوو. سكران ونبي هسه جاسر يموته واذا صلاح يشوفه ينهي مصار كم شهر من مات ابوهم وهو يجي سكران...
خفت اروح أدخله الغرفته انوب يتهموني خليت وركضت الرضيه كعدتها كتلها جعفر سكران ...
خطيه هي اجت تركض وتلطم علئ خدودها لزمته بغضب وضربته علئ كتفه بخفوت وهي تتلفت حتئ ميشوفها اي شخص...
...ولك سكران عااار مصخم ما اتوووب ما تستحي ابوك هسه مات وانت سكران
ما توازن بمشيته وحضن رضيه همس،بذوبان ودوخه...احبج شهههد احببج خايف يزوجوني نويله وجهه الطاوة وما اخذج وصدك بيومها انتحر انتحار لم ينتحرة المنتحرون قبلي ...
دفعته بتقزز وهي تضرب بي...طاح حضك وحض شهوده وياااك يالسكط...
انطتني الموبايل بعدها البنية تحجي كلت...الووو
ردت بصوت ناعم ودلوع...هلاوو حبي انتي منو نويلة وجهه الطاوة
ضحكت...لا اني جولييت زوجة اخو جاسر
ردت بلهفة...هااا زوجة هذا العصبي،دوم يحجي عنه جعفر حبيبي اكولج شبي جعفر شارب
جريت نفس...اي والله شارب
جاوبت بسرعه وغضب...اووويلي ميتوب هذا ترئ حموت منه والله شيب طلع براسي
استغربت...شكد عمرج انتي
ردت بطفوله...كبيره حق زواج
ضحكت...ادري شكد بكد رضيه مرة ابوهم
جاوبت بفجيعة...لا لا مو لهلدرجه بس كبيره عمري 14 داخله بال 15 بعد كم شهر يعني
ضربت خدي بصدمه..ولج بعدج طفله شلون تخابرين وتعشكين وترئ جعفر جبير عليج بينكم فرق...
جرت نفس...اي كلب وهوايته بعد اعشقه الجعفر وحبيت الميزان الصرفي من وراه والله جنت كسوله بالقواعد بس من وره جعفر نجحت ...
استغربت...شجاب جعفر علئ الميزان الصرفي
ضحكت بحالمية...مو هو اسمه جعفر علئ وزن فعلل واني حبيت اللغه العربية من وراه وحفظت الميزان الصرفي بسببه ...
ابتسمت يالله طفله ترئ خطيه همست...امج وين عنج
ردت بعدم مبالاة...نايمه مالها شغل بيه بس اني عندي موبايل واخابره ودوم نحجي ...
جريت نفس...بس ترئ هو سكران
شهد بضيق...يا عمري يكول اشرب بسببج لان يحبني ويريد يتزوجني بس انتظر دورة السنه مالت ابوو ...والله مقهورة علئ عمو وحماية فلاح
لطمت خدي...يا عزا العزاني منين اجه حماج وعمج
شهد...مو جعفر وعدني نتزوج وحتئ سمينه جهالنه صح اني ردت اسماء استايل وهو يريد كلاسيكيه بس تصافينه ...
هزيت ايدي والله فلك طفله ولسانها اطول منها لعد شبيه من اشوف جاسر عبالك شايفه ابو بريص اضل ارجف مت الخوف...
اي اني ما اخاف بس من ربي...ثم جاسر ثم ابو بريص...
ضلت تسولف بعدها قفلت الموبايل وانطيته الرضيه ...
دخل صلاح ربج ما دخل ويه جية جعفر جان موتنه
بس خطية من دخل وجهه تعبان ومبين مهموم ...
تلكته امي رضيه كلتله...هاااا يمممه شبيك شو وجهك ما يبشر بالخير ...
عض شفته بغضب وتركها بدون جواب وراح
جرت نفس حزين كالت...مات من امه شكد تلح عليه تزوج نوال وبس انت الزين ولا تشتتها هي وبناتها ومن هل كلام خطيه هو ما رايدها وتعبان من هل سالفه بس بعد شنسوي نوال كل شويه وهددت تاخذ البنات وتروح الاهلها ما خلت النه حل وسط الله يعينه صعبه علية....
تنهدت بهدوء...الله يعيين
رجعت الغرفتي بطني كبرت ومر اكثر من شهر احتمال دخلت بنص الشهر السابع...
خايفه حييل ياربي انت المعين ما الي غيرك بس لا اموت وطفلي يضل وحيد مثلي هسه....
................. ..
ريهام...
اجيت البيت عمي دا اريد اخبر وقار مرة خالي ابو داوود تعاركت ويه امي دكلها انتم مقبلتو لان حرضتكم علينه صبرية...
امي كلتلها..والله هل مره مكروده صبرية صدك هي تحجي عليكم كومه بس هل مره بالذات ما حجت
بس ام داوود ما تقتنع اببد امي عافتها وقفلت الخط هي كوة اني مقابله
سلمت كعدت يم وقار وامي كعدت يم ام فلاح كالت ام فلاح...ان شاء الله بعد كم شهر بس تدور السنه نخطب نوال لصلاح ...
حسيت بغصه بصدري بس استغفرت ربي ورضيت بالأمر الواقع....
اجت نوال سلمت علينه وكعدت هنه سدن الموضوع كدامها ...
كالت وقار...والله صلاح ميريد يتزوج شكو تجبروا حرام عليكم...
امها جاوبتها بغضب...انتي شدخلج ليش تتدخلين
وقار...يعني متشوفين شلون خطيه صلاح مهموم ومقهور لو ما هامج بس نوال
هي مكالت هيج نوال انكلبت طنطل كالت...شنووو شنووو انتي ليش تكرهيني اني شمسويتلج ترئ عيب عليج والله الي يسمعج يكول كاتله روحي علئ صلاح ...
اني لو ما بناتي ما اقبل بي ولا اضل مكابله خلقتج وجان انهزمت من زمان بس غير انكسر ظهري بهل بنات الانتقام ...
وقار...عوفيهن وروحي تزوجي منو لازمج
وكفت بتهديد وقهر...شوفي انتي ام اصابع المكطمه ادري بيج صايبتج غيرة مني لان ضاله عانس ومحد مكلبج
فتحت وقار شفايفها بصدمه وردت من بين اسنانها ...صدك ما تستحين وحده غيرج تطين روحها بطين وانتي ممصدكه تردين رجل تخلصين وياه غرامياتج تالي اليل
امها عاطت بيها...انجبي وقار لا اكوم اطيح حضج تماديتي هووايه ...
وقار ردت علئ امها...شدعوة هلكد كاتله نفسج عليها دكولي ام ايد المكطومه وانتي ساكته الها هسه صار الحق يوجع ليش جذبت اني مو هي تريد رجل وكاتله روحها ...
امها ركعتها بالكلاص مالت المي وكفت وقار دتروح والدمعه بعينها...
وهي هجمت عليها نوال تريد تكتلها وتلطم وتملخ بشعرها وتصرخ ورضيه لازمتها...
اجه صلاح ضل يصيح وهنه سكتن وقار طلعت الغرفتها تبجي واني صعدت وراها...
صاحت نوال...وقار ما تحجي اذا ما اهل الدين يحرضونها عليه...
باوعتلها باسف وعفتها ورحت اسكت بوقار وهي تبجي وضايجه حييل...
همست..هذا هو نوال اخذت غايتها وصار صلاح من نصيبها مبروك عليها ...
............ .........
جولييت...
بطني احس بوجع وتقلصات اسفل الرحم ...
جنت خايفه اولد بالسابع اريد اروح للدكتوره اخاف تصير عندي ولادة وما ادري بروحي
شفته طلع من الغرفة وهو يزر بازراك كم اردان القميص
رحت بسرعه عليه استوقفته بخوف...جاااسر عندي موضوع وياك
رد وهو يمشي...اي ذكريني من اجي اني هم عندي موضوع وياج...
خله وطلع جريت نفس بملل يالله شبي هذا طاير ودومه مستعجل متت منه...
تصرفاته مو طبيعيه...
رجعت انضف ويه رضيه والبيت متوتر من وره نوال و وقاى وقار زعلانه ونوال كل شويه موتت بناتها كتل متدري شتريد...
تغدينه وكملنه رحت غسلت مواعيين ...شويه وشفته دخل...
مديت راسي دا اشوفه اشر اليه اجي اله...
رحت للغرفه بدلت بسرعه وعدلت شالي وطلعت ياربي وجهي رايج بس العيون ضاله جنهن عيون بزون والله صايرة جني بزونه متسوله وميته جووع...
دكيت الباب ودخلت لكيته نفس عادته القديمة نايم علئ الكرسي وجكارته
من باوعلي كعد بهدوء وسحب من جكارته ..
جر نفس كال...اي احجي شنو موضوعج
فركت اديه بتوتر جاوبته...اريد اروح للدكتوره بطني تاذيني
اشر علئ عيونه كال...بعيوني تدللين
ابتسمت بمرح وخجل كتله...شكرا بس شنو موضوعك
رجع نفسه علئ الكرسي كال...رقم امج انحذف واعرف انتي السبب بس ميخالف تهونين
رجف جسمي كله من كلامه جنت منتظره يكمل وعرفت حنيته مصطنعه اكيد وراها شئ...
فتحت موبايلة وكف تقرب مني حضني من خصري وخله الموبايل بوجهي كال...شوووفي هذا رقم منووو
باوعت بصدمه ورجفه وشهكت وحطيت ايدي علئ شفايفي همست...حاااازم...
شفت الشاشه منوره بإسم اخويه ورقمه هذا حازم
كال بخبث....راح اخابر وجاوبي مثل ما حجيتي ويه عمج ذاك اليوم كليله اريد اجيكم واعرف مكانكم...
ضليت مصدومه من كلامه وبس دموعي تشكي حالي
اتصل هوو ...بس من اتصل جان من غير سيم كارد وجديد لان هو كال
ثواني واجاني صوت حازم كلت برجفه وبكاء الوو حازم...
رد بخوف...منوو انتي جولي اختي
صرخت بصوت عالي وسرعه ...حازم لا تحجي اي شئ ترئ جاسر يريد يكتلكم ويعرف مكانكم واستخدمني ضدكم
سحب جاسر الموبايل مني بسرعه وقفل الخط شمر الموبايل بقووة علئ المرايه تفلشت هي المرايه
صاح بصوت عالي مرعب...شسويلج اليوم شلون اعاقبج والله اليوم ادفنج بالغرفه وامحي ذكرج...
صرخت ببكاء وحسيت بطلقات ناريه باسفل بطني حسيت بطني تكطعت لزمتها بوجع و وكعت علئ ركبي وضليت اصرررخ....
ماذنبي ...
أتيتكَ حمامةً مكسورة الجناحين ..
وحافية القدمين ..
منفية ممن حولي ..
مشقة من اقرب الي ..
ذابلة حزينة مرهقة ..
ماذنبي أنا !!!
اكون اسيرتك ؟؟
وانتَ ୪ ترحمني ..