قصص عراقية:
#البارت الخامس عشر
رواية...#جولييت_واسرها ..غياهب الإنتقام
#بقلمي...نور سمو العراق
💔💔💔💔💔💔💔💔💔
اليكَ أيها المُلتاذُ بضعفي ، والذي تغذى على جروحي ، يا من يطعمني ألماً ، ويبكيني وجعاً من شدتهِ يكادُ يلفظ طفلك خارج رحمي ، كيف لكَ ان تغرس سِكينكَ في قلبي وانتَ على يقينٍ بما أحملهُ لكَ في جوفي ، أخبرني بربكَ متى يرسوا قارب نجاتي من جولتهِ في بحار إنتقامكَ التي اغرقُ فيها مع أحاسيسي وطفلي وأنوثتي ، متى أتحرر من القلق الذي قذفتهُ في روحي ، متى تنتزع نفسي من سوء مصيري ، ومن حباً تسرب الى قلبي بات يؤلمني ، انا لا اتمنى في هذه اللحظة سوى الصبر لقلبي الذي تعب وهو ينزف بين النبضةِ والنبضة .
بقلم الكاتبة المبدعة. نورا ناصر.Nora-Naser
.................................
هاي الدنيا اكدتلي ان هي عرين للوحوش والمسالم ما يعيش بيها...استوطنوها المجرمين وظيفتهم قتل النفس واهدار الدم ...
صرنه حزبين حزب ظالم وحزب مظلوم...وما اعرف منو المنتصر
جنت مراقبه ملامحه من يتكلم بالموبايل خاصة من رجع كال...شنووو خور الزبير ؟ انتي متاكده...
حسيت شبح الموت اعلن احتفاله وتراقص علئ مشارف الهلاك ...
ابتسم بخبث وقفل الخط بسرعه بدون لا يرد ولا ينطق اي كلمة...
راح بسرعه الغرفته...واني رحت للمنور دا اغسل ملابس بس خفت من ردة فعله وما اعرف شنو الي يدور اباله...حاولت اطلع من افكاره وغسلت الملابس...
ريهام..
جنه واكفين تقرب مني صلاح وهو يبتسم بلهفه...شلونج رهووم
بلعت ريكي بخجل...امم هااا وعليكم السلام الحمد لله...
جر نفس وزفره وهي لسه مركز عليه...
خفت منه خليت ورحت كعدت بصف وقار جانت كاعده بالحووش وصافنه بالفراغ...
همست بهدوء...شبيج يعمري ضجتي من كلام هل طفله لا تهتمين ان شاء الله تتعلم بعد ما تغلط عليج
ابتسمت بحزن ...لا مو مهم عادي تعودت عليهن هنه وامهن هذا كلامهن صح يسم البدن بس احسن حتئ اتعود علئ واقعي...
ابتسمت بفشلة وبستها بخدها...
اجه جعفر كعد بصفنه بدون خجل عاد اني كمزت من مكاني و وكفت وهو حضن وقار وباسها بخدها..
باوعتله ضحكت كلها...لا تهتمين والله تغار منج هل طاوة المعطبه لان احلئ واحسن منها ..
جرت نفس وكالت...الله يجازيها ما اكول غير شئ اني عاهتي اجت ظلم وهي عاهتها بالسانها والله يحاسبها...
ضحك كال...تساعديني انهزمها من البيت ولو هاي تهزمنه كلنه وتستحل البيت وما تطلع ...
وقار.. هههه لا خطيه ترئ تضل زوجة اخونه وحرام انحاربها الله يهديها...
رد بقهر ...يا اخوونه ولج هاي ابليس كاعد بغرفتها يدخن وينطيها اوامر وهي مثل المطي تكتب ملاحظات وتطبق...
ضحكت شوويه وطلع جااسر وهو يلبس بجاكيته الاسود شفت مسدسه بظهره بالحزام و وجهه محتقن
صاحت ام فلاح...يمممه جاااسر وين رايح
رد عليها باستعجال...عندي شغل ظروري واحتمال ما ارجع اليوم
ردت رضيه بخوف...يمه عوفنا من سوالف الثأر لا تروح بيها...
جاوبتها امه...يا ثأر عاصم الكوا....انهزم وراح وين يلگاه بعد..
فتح الباب بعد ما أتجاهل كلامهن وديطلع...
ما. نسمع بس صرخه قووويه صادرة من المنور
صاحت رضيه بخووف...يممه هاي جوولي تغسل بالمنور بس لا اتكهربت
هو دار وجهه بسرعه عليها وركض بسرعه كبيرة جان اول الواصلين واحنه وراه...
شفناها واكفه يم الغساله وتصرخ بصورة مرعبه وتنكث بيدها برعب...
هو ركض عليها بلهفه واحتضن اكتافها زمجر بوجهها بعصبية ممزوجه برهبه...شبيييج اتكهربتي احجيي
مجان اكوو رد منها بس تصرخ وتشهك وتنكث بيدها عبالك ايدها بيها شئ...
كالت ام فلاح..ولك عوفها يمه لا بيها كهرباء وتتكهرب منها
دار وجهه علئ امه ورمقها بنظرة غاضبه
رجع لزم جوولي وهو يمسح وجهه من الدموع ويريد يعرف شبيها ثبتها باديه واحتضن وجهه بقسوة.. احجي شبييج تكهربتي شصارر
شهكت برعب وبكاء وهي تأشر علئ النشاف مالت الغسالة..
استغرب وباوعلها بتساؤل ...شنوو احجي
جاوبته بشهكات ودموع ماليه وجهها ورجفه ..اب ابب ابو بريص لزمته بالنشاف ...
هز راسه باسئ وعض شفته غمض عيونه بقهر...تحجين صدك رعبتينا ورهبتينا وتاليها ابو بريص هسه من اشيلج واحطج بالنشاف اكو احد يلومني....
صرخت بخوووف...لا فدوووه والله اخاف منه لزكت روحها بالحااايط
جر نفس بملل...تعال جعفر طلعه من النشاف
لزكت روحها بي وهي تختل من ابو بريص...لااا لااا لااا خلي اطلع وادخل الغرفتي واسد الباب يالله يطلعه اخاف يكمز عليه...
رفع حاجب ...لا والله ..
سحبت نفسها بحذر وهي ترجف...اي والله اكرهه اتخبل منه من اشوفه من بعيد انجلط انوب لزمته ييع اليوم اغسل بنفط...
ضحكت رضيه..هههه ولج شبيج الي يكول طالعلج وحش علئ كيفج يمه لا تسقطين...
جرت نفس بخوف...والله لو طالعلي وحش ولا ابو بريص...
مشه جاسر بكل شموخ واعتزاز وطلع من البيت بكبره...
صاحت رضيه...يالله جعفر تعال طلع الابو بريص من النشاف...
رد عليها .ييييع والله لو اموت تلعب نفسي منه خلينه نشغل النشاف بلكي يدوخ ويطلع...
جاوبه صلاح بسخرية...اي مو هو طاگلة بطل عرگ
جر نفس جعفر بقهر...ذكرتني بالغالي واني صارلي كم شهر مكاطعه...
ام فلاح بعصبية...بدال هل كلام تعال طلع ابو بربص .
جعفر...والله لو هسه تسجلين الغساله باسمي ما اطلعه من النشاف ..
باوعت الصلاح بحنان.... صلاح يمه شيله من النشاف واكتله
جر نفس كال...جيبيلي جييس علاكه البسه اني هم بني ادم حالي حالكم شلون اكل اشرب واني شايل ابو بريص ....
نزلت نوال شافتنه ضلت تحجي وتتدلع بعدها ركضت جابت جيس نايلون اسوود وانطته الصلاح واحنه واكفين نباوع عليه...
مد ايده داخل النشاف اني كتله...صلاح سامعه قبل يكولون الي يلزم ابو بريص لازم يسبح لان يعتبر نجاسه...
باوعلي وهو مدنگ كال...شكوو نجاسه ادري شنو نايم وياة
بهتت ملامحي بخجل وسكتت طلع الابو بريص وهو لازمه بالجيس وذاك يريد يفلت من ايده
صلاح خفف من قبضته عليه والابو بريص طفر علينه اني جنت كدامه وكع علئ وجهي صرخت برعب من خووفي نكتت روحي واني اصرخ...
لزمني صلاح كال...دخل بشالج هذا هذا سحب الشال مني ونكثه صرت بدون حجاب كدامهم من الخوف والخجل سحب شيلتة رضيه ولبستها وهي خطيه ضلت بكصايبها البيض الي مغير لونهن الحنه للأحمر
باوعلي وهو يضحك وشمر الشال علئ رضيه الي ضلت تسب بيه ودكول..طاح حضج خليتيني مفرعه كدام الكل...
تركتها ورحت اركض و وقار تركض ورايه
شمرت الشيله بقرف كلتلها...فدوة وقار فدوة انطيني ملابس وملابس داخلية اريد اسبح واسمي علئ جسمي طفر عليه ابو بريص
ضحكت وانطتني ملابس،دخلت سبحت وسميت علئ نفسي طلعت بره واني ارجف ببرد
شفت نوال واكفه وتاكل باظافرها بغضب باوعتلي بحقد كالت...ترئ عيب تنزعين شالج كدام الكل وصدرج شافه صلاح
لطمت خدي بانهيار ...استغفري ربج وين شافه اصلا ثوبي مو دلع وبعدين هو الي سحب الشال مو اني
جرت نفس كالت...والله الما عنده تربية مو گوة ننطي تربية...
جاوبتها بحده...الحمد الله متربية احسن تربية غاضه البصر وحاصنه الفرج والاهم من هيج ما اجاوب ولا يهمني السفية...« اقصدها هي السفيهه. »ّّّ
ضحكت بخبث...اي واضح كلش ههههه
عفتها ورحت والله بكلمة مني اكدر اخلي صلاح من باجر يخطبني بس لا ديني ولا كرامتي تسمح اليه ...
واني مو مثلها بايعة كرامتي وديني...
بس شغلة وحده اريد اعرفها شبيها من اجي تتخبل عبالك بايگة حلالها...
وكل ما حجت وكالت...ما انضف لازمه عده تذكر العده بس بالتنظيف بس بغير شئ لا
ثوبها لحد العكس تول خفيف وهي بيضه وشالها دوم نص شعرها طالع وعلئ اخر حباية اي حزن ممبين عليها...
يا وسفه فلاح دمر نفسه من وراها ومات واندفن وهسه هي عايشة وتدور رجل...
خليت ورحت كعدت يم وقار كالت...وحده بوحده صلاح شاف شعرج ورگبتج واخوج باسني ..
ضحكت...استغفري ان شاء الله يقبل استغفارنه صارت لا ارادي اكيد ربي يسامح هو غفور رحيم...
شفت موبايلي يتصل جابر حبيبي
ابتسمت فتحت خط ضليت احجي وياه كتله اني عند بيت عمو سألني عن جولييت جاوبته الحمد لله بخير ...
كال..صبرية تريد تحجي وياها ...
طلعت شفت جعفر كاعد خليت ورجعت لان هم ما يحجون ويه جابر وخفت اسبب الها مشاكل ...
تغدينه يمهم بس جعفر جان موجود وصلاح وجاسر ماكوو...
كمت ساعدت جولييت بغسل الصحون ومشئ اليوم عااادي....
.............
تقريبا الساعة بالتلاثة باليل...
اشتد المطر بغزاره طلعت بسرعه ملابسه علئ السطح لا يتبللن ويكعد يتمنذل عليه ويخبث...
صعدت بصعووبه للدرج احس متشنجه وبطني ثكيلة حيل جان الظلام حالگ والرعد والبرق يضرب بقوة بالسماء..
فتحت اديه ببتسامه وانتعاش...اتذكرت من جنت صغيره وبطفولة بريئة...
من تمطر الدنيا ونلعب اني وبنت عمي هالة ويصير البرق اكولها السما اخذت النه صوره اني وياج ...
ردت بضحكه طفولية.. منو تطلع احلئ اني لو انتي وشوكت نشوف صورنه
ضحكت...ما اعرف منو احلئ بس اكيد نشوف صورنا من نموت وندخل للجنه هناك ينطونه الصور...
ردت بانزعاج...ميصير ينطوهن النه بالحلم
ابتسمت بحالمية...لا بس ادعي ان شاء الله نموت حتئ نشوف صورنه...
رفعت ايدها بالدعاء...ان شاء الله نموت
وكملت بخوف...جوولي اخاف تطلعين انتي احلئ مني بالصور اني دائما اكول ليش ربي انطاج جمال وعيون ملونه واني لا... مع العلم ماما احله من امج بهواية
زعلت من كلامها وبرطمت بقهر...عفية لا تحجين علئ ماما اني اضوج وبعدين والله ماما كووولش حلوة ...
ضحكت بخبث...اي خالتي حلوة بس عندها حدبه وقزمه ..
جريت نفس وسحبت ملابسه من المشر حطيتهم علئ ايدي همست ...يارب اغسل قلوبنا من الحقد والشر...
نزلت من الدرج واني لازمه بالمحجر شفته من بعيد فتح الباب ودخل...
حسيت بحراره بصدري من شفته رغم برودة اليل الدامس
غلبني الحزن وحسيت بنغمة اليأس تتراقص علئ نحيب صدري المحمل بالوجع...
وكفت باللحظة صمت ما نزلت ولا تحركت خطووة ودعت قلبي علئ حافة الألم...
شفته من بعييد وهو يحط اديه ثنينهن علئ وجهه رفع راسه ليفوووك بقهررر حااااد
عض اصبعه بعصبية وهز راسه بنفي...لاااااااا جذذذذذابه اني شلووووون اصدكها...
طلع موبايله من جيبه وهو يكتب بالارقام بسرعه كبيرة ثواني وصار عنده اتصال رد بقسوة...هيين تلعبييين عليه والله اذا ما ندمتج فلا اطلع ابو غزل...
كمل بغضب كاااسح....انجببببي
قفل الخط بسرعه والمطر ينزل بسرعه علية نزع سترته وضل يفتر بنفس المكان وهو يدك بالارقام مثل اسد هائج وتکالب علية الزمن...
خفت انزل وخفت اضل بمكاني ..ترددت حييل اخاف انزل وهو متعصب ويموتني واخاف اضل واموت من البرد
يارب رحمتك..احس راح اودع روحي البريئة
انتظرته يدخل للغرفه وهو بعده بس صورة شاشة موبايلة منوره علئ وجهه وما اعرف بمنو يتصل ..
ثواني ضم موبايله بجيبه وراح للغرفه...
من شفته دخل للغرفه بسرعه نزلت دا ادخل للغرفه هو طلع من طلع باوعلي باستغراب وعاقد حواجبه بقسوة...
ردت ادخل بس استوقفني صوته من صاح بيه...جولييت
بلعت ريكي بتوتر همست بخوف...هااااا
رد بغيظ شديد وبأمر...تعالي
مشيت بخطوات صعبه والمطرر بلل رجلية
ضل يباوع الملامحي بجمود وبعدها نطق بهدوء...وين جنتي
تنفست بضيق همست واني ااشر علئ ملابسة...جبتهم من فووگ خفت يتبللون...
سحبني من ايدي ودخلني الغرفته بس بقسوة وسرعه
صرت بس اني وياه بالغرفه وهو بفح من عصبيتة وصدره يرتفع وينزل بقسوة ..
ضل يباوع بوجهي وكأن يريد يفجر قنبلة فعلا الهدوء ما بعد العاصفه
سحب الملابس من ايدي بهدوء شديد وابتسم كال...روحي بدلي وتعالي لا تتمرضين...
استغربت منه ضليت صافنه بوجهه شبي معقوله يريد يستغل ضعفي ناحيتة...
شمر الملابس علئ القنفه واني طلعت اجر بروحي جر من اسلوبه وتصرفاته ليش يستغلني ليش...
رحت الغرفتي نزعت ملابسي وبدلت بسرعه طبعا اني جنت لابسه اسود ومن رحت الصبرية نزعته مني ومن رجعت.. رجعت لبست اسود...
لفيت شالي باوعت للمرايه شفت وجهي تعبان حييل اصفر وشاحب وسواد قووي تحت عيوني...
ترددت اروح اله هو اني اروح لا محال لان اخاف اضل ويكول تعاند ويجي يسحلني سحل
ضليت تقرببا كم دقيقة وبعدها رحت وكفت عند الباب تنفست بعد راحه وبعدها دكيت الباب بس مجان اكو رد...
فتحت الباب بخووف ودخلت لكيته ماكو بس صوت الدوش اسمعه ويه هادئ الغرفة...
ضليت ارتب بالغرفة واعزل بيها حسيت الباب مالت الحمام انفتح درت وجهي عليه شفته طلع من الحمام لاف المنشفه علئ خصرة والمنشفه الثانية دينشف بشعرة...
ضليت واكفه بمكاني بتوتر وكل شويه واسترق النظر اللمحة من ملامحه...قاسي مثل الصخر لا والله اشد قسوة حتئ من الصخر
ما اهتم الوجودي ابد عبرني..حسسني بنقص بانوثتي من يوم يومه لا حبنه ولا اهتم الوجودي...
باوعلي بنظرة هادئة بس تحمل الف معنئ ...
تقرب مني حط اديه علئ اكتافي حسيت جسمي كله ارتعش من لمسته القاسيه باوعتله بنظرات بريئة وقابلني بنظرات غامضة...
مسح علئ خدي بحنان بطرف اصبعه وعيونه لحد الان مركزة علئ كل مكان يستقر بي اصبعه مسح بصبعة علئ شفايفي وركز بنظرات ذايبه علئ شفايفي...
ضل جسمي كله يرجف وتنفسي صعد وهو حس بمشاعري احس بي ديلعب ويايه لعبه قذره بس ما اعرف شنو يريده بالظبط...
ابتعد شويه حط ايده علئ بطني بحنان مصطنع...بطنج چبيرة شكد عليج ؟
رديت بلعثمة...راح ادخل بالسادس
رفع حاجب باستغراب...شعجب بطنج حيل چبيرة عبالک بشهرج...جانت شا
كطع كلامه ما كمل ...
اخذ ملابسه راح بدل بسرعه ورجع همست بهدوء...تريد اسويلك اكل لو اروح
ضحك ...لا اريد اكثر من هييج
حسيت معدتي وجعتني همست...بس انت محرمني علئ نفسك شلون شنو تراجعت...
رد بعدم اهتمام...منو كلج اريد انام وياج...الظاهر انتي تابعين مسلسلات تركية وتردين تطبقيها علئ ارض الواقع
حسيت بفشل وخجل مو طبيعي شلون هان كرامتي ردت ارجع كرامتي وارد بكلمة تطعن رجولته بس مكدرت
رديت بلعثمه ...منو كال اريد انام وياك واصلا اريد تتقرب مني بس دا اكول انت محرمني علئ نفسك ومدام محرمني علئ نفسك لازم تحترم وعدك ومو كل شويه تصيح عليه لان كل اثنين ثالثهم الشيطان
ضحك بصوت عالي وكف وتقرب مني وهو يحتضني حاولت اسحب نفسي منه مكدرت كال بهمس اقرب للذوبان...ليش هل طفل البطنج ابوو منو ..ههه كم مره دخل الشيطان بينه...
باوعتله بغضب...انت شبيك تريد تموت اشو حالتك مو طبيعية...
همس بخبث وخدر...اي اريد امووت
جريت نفس وسحبت نفسي.. بالتوفيق موت منو لازمك
دا اطلع رجع سحبني بقوة باوعتله بحده وقابلني بنظرات نارية ...رايدج بخدمة
عقدت حواجبي باستغراب...شتريد بأول الفجر
مد موبايله الية كال...اتصلي بعمج ابو هالة
جاوبته بتساؤل وخوف...ليش؟
مسح وجهه بتوتر وسحبني كعدني قريب منه وسحب باكيت الجكاير وضل يدخن كال...كليله اريد رقم امي حتئ تتواصلين وياها
حسيت بزلزال هدم روحي باوعتله بصدمة...بس اني ما اريد اتواصل وياها خليها بعيدة وسعيدة
رد باصرار وهو ينفخ الدخان بوجهي...لا تتواصلين وغصبا عنج كافي متحملج ومتحمل وجودج
تعصبت ببكاء...طلگني اذا ممتحمل وجودي
دار وجهه وضل يدخن بهدوء بعدها باوعلي وهز راسه...اطلكج ان شاء الله بس تجيبين وهسه خابري عمج وجيبيلي الرقم
همس من بين اسنانه...ليش تخليني اتصرف تصرف ميعجبج تردين اطلكج واتزوج هاله وانطيها الطفل
فتحت عيوني برعب ودموعي تنزل باسئ...لاااا لااا انطي الاشواق ولا الهاله ...هاله خبيثة وحاقده علية اكيد ما ترحم طفلي والله ...
جر نفس ...لعد خابري عمج وجيبي الرقم
همست بنحيب...ليش هيج تستغل ضعفي بالطفل
رد ببرود...ما استغليتج انتي متردين تعيشين احتمال اذا وكفتي بصفي حياتج تصير حلوة بس انتي دائما ضدي
شهكت ببكاء...ضدك؟ تعرف ليش ضدك لان ما خليتلي حل وسط...
جاوب بقسوة...هاي حلولي ما عندي غيرهم ..باعي راح اتصل كليله زوجي نايم واني اخذت بدون ما يعرف واريد اتصل بامي انطيني رقمها ولا تطوليين
مجان الي ردة فعل بس السكوت والصدمه والحيرة
فتحت موبايله واتصل ثواني وفتح خط هو خلاه باذاني كال...الووو الوو هااا جاسر احجي ..
جاوبته بنحيب ودموع...عموو اني جولييت
رد بصدمة...جولييت هااا عمو شلونج شلون صحتج
رديت بالم واني اباوع لعيونه القاسية ...زينه الحمد
عمو...شكوو عمو صاير شئ ليش مخابره بوقت متأخر زوجج وين
مسحت دموعي باسئ...نايم عموو فدووة اريد رقم امي قبل لا يكعد ويشوفني
جر نفس ...اكتبي 0770.......
هو سحب ايدي بسرعه وجاب قلم جاف وكتب الرقم علئ ايدي...
الغصه البداخلي عذبت روحي الملچومه جنت مثل الجثه يحركني هيج وهيج مثل ميريد...
قفلت الخط وانطيته الموبايل...اخذ الموبايل وفتح جهات الاتصال وكتب الرقم بعدها ضل يفرك بيدي بقسوة حتئ يمسح الرقم ...
باوعلي برضا ومسح علئ راسي بحنان همس ....عفية شطووورة هسه رضيت عنج ..
دفعته بغضب ورحت الغرفتي امشي بخطوات يائسة وكلها الم وعذاب نمت علئ فراشي واني ابجي وانووح..
وكفت بحقد...لاااا والف لاااا مو انت الي تستغلني وراح اندمك والله...
اني حفظت الرقم من رده ومن مسحه ضل الاثر شويه موجود...فتحت الضوه وباوعت الايدي جبت الكحل وكتبته بباب الكنتور همست ببتسامه حاقده هين يا كاسر اني وانت والزمن طويل
.............................
ميسان...
ساعة بالعشرة الصبح...
حازم....جنت كاعد علئ الشط والبلم اشوووفه من بعييد يجدف بنص الشط...
باربي والله تعبنه وحتارينه بهل شياب كل شويه واخذناهم بمكان وهم لا حول ولا قوة خطيه وانوب معوقين...
حسيت بأيد ضخمة طبطبت علئ كتفي درت وجهي بذهول شفته عاصم رجعت وجهي بهدوء...
كعد بصفي وهو يجر نفس طووويل ونازف كال...تدري لو ما البارحه طالعين من خور الزبير جان هسه احنه من عداد الاموات...
باوعتله بصدمه وسألته بصوت مكتوم...ليش شصار
زفر بضيق كال...الولد الي جنه كاعدين بيته خابرني كال اجه واحد وياه مجموعه وقتحم البيت وبعدها حرگه حرگ بالرمي وتعارك ويانه يكول انتم ظامين القاتل
و واحد من رجاله صاح عليه..اي احنه لازم ناخذ حق ابو جاسر وناخذ حق ابو غزل...
فتحت عيوني برعب وكفت بقلق...انت تحجي صدك منو الي خبر عنه احنه لازم ننهزم خارج
جر نفس وتكلم بخبث...اي حجيت وياه واحد يطلعنه تهريب لاي دوووله احتمال نطلع الكندا...او الفلندا
صكيت اسناني بغضب...أي دووله بس لازم نطلع من حدود العراق لازم....
غمض عيونه باسئ...تكلف السفره هووايه واحنه ما عدنه فلوووس
جريت نفس...زين شلووون؟
عاصم بتفكير...لازم اقتل جاسر
انصدمت بقهر...انت تحجي صدك تخبلت ايدك اخذت علئ القتل تصحح الغلط بغلط...
جاوب بعصبية وقهر...لك متت تعبت مليت هذا ما يخلينه نعيش بأمان اله يموت يالله نرتاح اني مجرم مجرم خلي اقتله واخلص منه...
لزمته من قميصة بغضب...انت صرت مجرم وايدك اخذت علئ القتل انت شلون تفكر هييج اختنا حامل منه شلون تعيش هي وطفلها...
دك علئ صدرة بحزم ...اني اربي بس خلي يكفينه شره ترئ جزعنه وتبهذلنه كتله بالغلط كفرنا خو ما كفرنا...اول واحد يموتون اهله
هزيت راسي بعدم تصديق...لهل درجه عندك الدم رخيص انت واحد الأنانية والحقد يسري بدمك ما تحب غير روحك ما فكرت باختنا شلون عايشه هسه بسببك
دار وجهه وجر نفس...خلي يرضئ بقضاء الله وقدرة الموت مكتوب علئ الكل ...
يا اما والله اقتله واخلص منه كافي تعبت منه...
نفخت بقهر...خلينه نبيع بيتنه وننهزم
ضحك...ومنو يشتري لك البيت مكتوب عليه لا يباع ولا يشترئ مطلوب عشائريا...
جر نفس...اني متت من امي وابوووي لك خبلوني جولييت وجولييت يعني شبيها جولييت عايشه وساكته يم زوجها
هو اصلا يحمد ربه يلگاله وحده مثل جولييت فقيرة وحلوة وصغيرة مو زين زوجناها اله ...
غمضت عيوني واني اهدئ نفسي من كلامه...لا تنسئ اختنا اتزوجته مجبورة السبب يرجع الخاله وذاك النذل
احنه حتئ ما افتهمنه من جولييت وتهمناها باطل ضربناها وكتلناها واخر شئ زوجناها ظلم...
مسح وجهه بانزعاج...صارت بعد ولا تنسئ جولييت جانت غلطانه مجان لازم تظم علينه واحنه شمدرينه بيها بريئة قابل نشتم اديه
تنهدت بملل...هو احنه هاي بني ادم دوم مسرعين ونتندم بالوقت الضايع...
رد باستفزاز...شنسوي بعد هذا المكتوب وهذا القدر..
تركته ورحت دخلت للغرفه الطين شفت امي نايمة ومتغطيه بازار تعبان وابوي نايم علئ صفحة وتعبان حيل
خطيه امي وابوي بس يبجون عليها ويردون يرجعون الها بس عاصم تعارك وياهم ومقبل
زفرت بتعب...ربي يعينج امي وابوي علئ فراگ جولييت...
............................
جولييت...
كعدت الصبح تنظيف وشغل
هو ما موجود ...
اجت نوال تمشي بثقل بطنها هماتين حيل كبيره كالت...اريد ريوگ اليوم مدري شبيه احس تعبانه
جاوبتها رضية...روحي ارتاحي هسه اسويلج
باوعتلي كالت بخبث...خابرتني اشواق دكول بيج بنيه لو ولد حتئ تجهزة
عقدت حواجبي...شنوو تجهزة
لوت شفايفها بحقارة...غير جاسر انطاه الها
باوعت لماما رضية واني افح من العصبية ورضية قابلتني بنظرات طمنتني كلتلها...روحي يمه نوال خليها تجيب ولكل حادث حديث وانتي لا تدخلين بهيج أشياء...
ردت بدلع...اوووه هسه اني شحجيت شدخلني اصلا ذيج اشواق وذاك جاسر واحجي وياهم
رديت عليها بغضب...اي لا تتدخليين ما الج شغل اني وزوجي وطفلي انتي لا تتطفلين
هي تخبلت ضلت تصيح وتغلط ...اني متطفله ولج اخت المجرم ولج منج اطم روحي انوب السانج شطوله مو صوجج صوج الزلم الي مخليتج علئ حل شعرج
اصلا انتي ما تشرفين وحده كح...وساقطه وسمعتج سابقتج واصلا انتي مو بنية سترج جاسر وتضلين طول عمرج مفضوحه...
بهتت بقهر رديت عليها بقسوة...ماكوو كح غيرج واشرف منج ومن عشيرتج كلها
هجمت عليه بعنف وهو شايله السجين تريد تضربني وتصرخ وشكت ثوبها مدري شبيها كووولش متخبله ..
ماما رضيه مخلتها اببد واجه جعفر يركض ضل يصيح ويغلط وركع الكاونتر كسر الباب مالته
كال...كافي مشاكل كااافي انعل ابوجن لابو الخلفجن بنات الكلب موتنه والله بعد الي تسوي مشاكل اله اطردها...
ردت عليه نوال بقهر...اي اني انطرد والكح تضل صدك لو كالو حظ العواهر جواهر...
اكيد تطردني محد يطلع وراي ويرجعني منين اجيب فلاح من الكبور...
بس هل ساقطه جاسر واكف الها وسيف و درگة اكيد يرجعها ويفلش وجهك اذا طردتها...
عفتها ورحت الغرفته اريد اصبر نفسي ماكوو الدموع سوت نهر بوجهي متت قهر تطعن بيه وتسب وتنسب طفلي الغيري...
ضليت كاعده بالغرفه حسيت اكو حركه كلت بس لا اجه وهسه يحرضنه عليه ويجي يضربني
مديت راسي شفت نوال لابسه عبايتها هي وخالتي ام فلاح ورضية
طلعت بسرعه لكيت موبايل رضيه علئ الميز اخذته ضميته بصدري ورجعت للغرفه اركض
قفلت الغرفه ومن خوفي رحت للحمام دخلت بي وفتحت الدوووش خليت رقم امي اتصل بيها واني ارجف واحساسي فاق الحدود يوم عيد الي اسمع صوتها...
ابتسم وابجي بنفس الوقت واكول هسه اسمع صوتها بس للاسف ماكو رد كم مره اتصل وماكو...
لزمت الموبايل بتوسل...يمممه فدووة جاوووبي وينج لا تخونيني هيج الفرص عندي قليله وهاي فرصه يمه جاوبي...
لكن للاسف ماكو اي جواب....
طلعت بسرعه خفت يجن رحت حضرت الرقم وحذفته ورجعت الموبايل...
كعدت علئ الدرج همست...ذن وين راحن...
اتذكرت صبرية وكعداتها...
اتذكرت مره من المرات جان دنيا الظهر ونايمه بالحديقه جان كنوش فوك الغرفه صاعد وياكل بالحشيش...
صاحت عليه صبرية...گنوشي يمممه انزل لا توكع
ضحكت عليها خووش والله گنوش مسايسته واني مطيحه حظي هاي من جانت تكرهني...
جرت نفس وضربت ايد بأيد...هل ايام گنوش،ما عاجبني منشول وخشمه يجر...
ويه محجت هيج وعطس كنوش ما حسيت غير بالمخاط مالته علئ رجلي
صرخت برعب واني ارفس برجلي واريد اتقيئ
كالت...خيبه وسم شبيييج تزاكطين شصار
رديت ببراءة وقرف اريد ابجي...خالة الحمار عطس علية
ضحكت بصوت عالي وهزت ايدها...خرب حضي وهسه انتي لعبانه نفسج من عطست گنوش
كملت..سوده عليه منشول ولا صحه هل گنوش حسنه الچلبة بت الچلب حطت نفسها وياه من يوم الي اشتريته ...
همست برجاء ونحيب...فدوة خاله غسليلي تلعب نفسي
هزت ايدها...خايبه دووولي هي عطستة گنوش غير جنها حلقوم وصوته جنه صوت مطرب طاگ...
ضليت ابجي وهي انقهرت عليه وراحت غسلتلي
رجعت من ذاكرتي واني ابتسم عليها
شفت صلاح دخل للبيت جريت نفس كتله بخجل...صلاح ممكن طلب
رد بهدوء...اي تفضلي
تنفست بضيق...ممكن تتصل اليه علئ صبرية اريد احجي وياها
طلع موبايله واتصل شويه وانطانياه اخذته منه
جاوبتني بلهفه وحب...هااا يمه جكليته شلونج يبعد حيلي
رديت بدموع...فدوة اروحلج يمه صبرية والله ميته علئ شوفتج
ردت بخوف وسرعه...اسم الله اسم الله الموت مو الج الحسنه وابو اللول ونويسه وياهم
ضحكت..فدوة الكلبج يالحنينه
كملت بهدوء وخوف بعد ما امنت المكان...فدوة خاله اريد اطلب منج طلب
كالت بحزم...عيوني اشلعهن وانطييهن الج اذا تردين اذبحلج ابو اللول هم اذبحه
ضحكت...لا خاله مو هيج بس حرسلج رقم امي اريد دكليلها اذا اتصلت بيج جولي او اي واحد لا تنطين مكانكم وين لان كمين من جاسر
ردت بلهفه...خووش يمه خووش ارسلي واخلي جويبر يحفظه
رسلته الها بسرعه و ودعتها وقفلت الخط وهي كالت ان شاء الله كم يوم واجيج اجيبلج مسواك وجبن وروبه وكيمر وفواكهه
وكملت وهي تقلد علية..غطفت فواكهه ههههه
انطيت الموبايل الصلاح وتشكرت منه...
شووويه ودخل جاسر كال...صلاح روح بسرعه للمستشفئ لان نوال جابت بنية والبنية ميته لان عندها فتحة بالظهر...
صلاح باستغراب...شنوو صدك تحجي
رد بتنهيده...اي والله صار عشر ايام ميته بطنها بس هي متدري
جاوبه جعفر...وين تدري ملتهيه تسوي مشاكل السانها اطول منها
خزرة جاسر وراح
صلاح جر نفس كال...اروح اسبح واروح الهم ...بس بصراحه انقهرت عليها خطيه بنتها و زوجها الضنا غالي والله يارب يحفظ ضناي من كل شر
صدك شويه سبح وطلع بره راح الهم بالمستشفى...
دخلت للمطبخ اكمل الغدا لان اجه الوحش ما بينه حيل تكسر....
اخذت الغدا للاستقبال بصينيه...
لكن استوقفني صوته وهو يكول بضحكه...هههههه والله اتزوجح وروح ابووي اتزوج وروح اخووي اتزوجج
كمل بحب...اي وعدتج اني بس غير عيب من الناس يعني حلوة ابوي بعده ترابه اخضر واني اتزوج
نهاية البارت...يتبع