قصص عراقية:
ﺍﻟﺒﺎﺭﺕ ﺍﻟﻌﺎﺷﺮ
ﺭﻭﺍﻳﺔ ... ﺟﻮﻟﻴﻴﺖ ﻭﺍﺳﺮﻫﺎ .. ﻏﻴﺎﻫﺐ ﺍﻹﻧﺘﻘﺎﻡ
ﺑﻘﻠﻤﻲ .. ﻧﻮﺭ ﺳﻤﻮ ﺍﻟﻌﺮﺍﻕ
💔💔💔💔💔💔💔💔💔💔
# ﻭﻳﺴﻜﺖ
ﻣﻦ ﺗﺨﻠﻲ ﻃﻴﻨﺘﻪ ﺑﺨﺪﻩ
# ﺍﻟﺒﺸﺮ ﻟﻮﻣﺎ ﺗﺮﺩﻩ ﻳﮕﻮﻡ ﻳﺘﻌﺪﻩ
.......................................
ﺭﻣﺸﺖ ﺑﻌﻴﻮﻧﻲ ﺑﺨﻮﻭﻑ ... ﻣﻦ ﺷﻔﺘﻪ ﻫﺠﻢ ﻋﻠﻴﻪ ﻭﻫﻮ ﻳﺘﻘﺮﺏ ﻣﻨﻲ ﻣﺜﻞ ﺣﻴﻮﺍﻥ ﺳﺎﻓﻞ ...
ﺻﺮﺧﺖ ﺑﺮﻋﺐ ﺷﺪﻳﺪ ... ﻻﺍﺍﺍﺍﺍ ﺟﺎﺍﺍﺍﺍﺍﺳﺮ ﻳﻤﻤﻤﻤﻪ ﻭﺧﺮﺭ ﻣﻨﻲ
ﺗﻘﺮﺏ ﻣﻨﻲ ﻭﺳﺤﺐ ﺍﻟﺸﺎﻝ ﻣﻦ ﺭﺍﺳﻲ ﺑﻘﻮﻭﺓ ﻛﺒﻴﺮﻩ ﺣﺴﻴﺖ ﺭﮔﺒﺘﻲ ﺍﻧﺨﻠﻌﺖ ﻭﻃﻜﺖ ﻣﻦ ﻫﻤﺠﻴﺘﻪ ﻭﺳﺤﺒﺘﻪ ﻟﻠﺸﺎﻝ ...
ﻟﺰﻣﺖ ﺭﮔﺒﺘﻲ ﺑﻮﺟﻊ ﻭﺍﻧﻲ ﺍﺻﺮﺭﺥ ﺯﺣﻔﺖ ﻋﻠﺊ ﺍﻟﺴﺮﻳﺮ ﺑﺒﻜﺎﺀ ﻭﺗﻮﺳﻞ ... ﺍﻟﻠﻪ ﻳﺨﻠﻴﻚ ﻋﻮﻭﻓﻨﻲ ﺍﻟﻠﻪ ﻳﺴﺘﺮ ﻋﻠﺊ ﺍﺧﻮﻭﺍﺗﻚ ..
ﺿﺤﻚ ﺑﺨﺒﺚ ﻭﻫﻮ ﻳﻌﺾ ﺷﻔﺘﻪ .. ﺩﻧﻌﻞ ﺍﺑﻮﻭ ﺍﺧﻮﺍﺗﻲ ﻏﻴﺮ ﻛﻞ ﻳﻮﻡ ﻣﻦ ﺍﺷﻮﻓﺞ ﺍﺗﺒﻬﺬﻝ ..
ﺩﺭﺕ ﻭﺟﻬﻲ ﻋﻠﺊ ﺍﻟﺸﺒﺎﻙ ﻭﻓﺘﺤﺘﻪ ﻭﺍﻧﻲ ﺍﺳﺘﻨﺠﺪ ﺑﺎﻱ ﺍﺣﺪ ﻣﻦ ﺍﻟﻔﻼﺣﻴﻴﻦ ﻻ ﻳﻤﻜﻦ ﺗﺴﻮﺀ،ﺣﺎﻟﺘﻲ ﺍﻛﺜﺮ ﻣﻦ ﻫﻴﻴﺞ ..
ﺻﺮﺧﺖ ﺑﺎﻋﻠﺊ ﺻﻮﺕ ﺣﺴﻴﺖ ﺍﻟﺤﺒﺎﻝ ﺍﻟﺼﻮﺗﻴﺔ ﺗﻜﻄﻌﺖ ... ﻭﻟﺠﺠﺠﺞ ﻳﻤﻤﻤﻪ ﻭﻟﻚ ﺟﺎﺍﺍﺍﺍﺳﺮ ﺗﻌﺎﺍﺍﻝ ..
ﺣﺴﻴﺖ ﺑﻲ ﺳﺤﺒﻨﻲ ﻣﻦ ﺷﻌﺮﻱ ﺍﻟﻲ ﺗﻨﺎﺛﺮ ﺑﻴﻦ ﺍﺩﻳﻪ ﻭﺩﻓﻌﻨﻲ ﻋﻠﺊ ﺍﻟﺴﺮﻳﺮ ...
ﺍﺭﺗﻌﺪﺕ ﻣﻦ ﺷﻜﻠﻪ ﻭﻗﺎﻭﻣﺘﻪ ﺑﻜﻞ ﻣﺎ ﺍﻣﻠﻚ ﻣﻦ ﻗﻮﻭﻩ ﺩﺍﻓﻌﺖ ﻋﻦ ﻧﻔﺴﻲ ﺩﻓﺎﻉ ﻣﺴﺘﻤﻴﺖ ﻣﺎ ﺍﻋﺮﻑ ﻣﻨﻴﻦ ﺍﺟﺘﻨﻲ ﺍﻟﻘﻮﻭﻭﻩ ﻣﻠﺨﺘﻪ ﺗﻤﻠﺦ ..
ﺍﻻ ﺍﻟﺸﺮﻑ ﻛﻮﻭﻭﻟﺸﻲ ﻭﻻ ﺍﻟﺸﺮﻑ ... ﻭﺍﻟﻠﻪ ﺍﺿﻴﻊ ﺍﺫﺍ ﻟﻤﺴﻨﻲ ﻭﺍﻟﻠﻪ ﺍﻛﺘﻞ ﺭﻭﺣﻲ ﻭﻣﺎ ﺍﻗﺒﻞ ﺍﻋﻴﺶ،ﺑﺎﻟﻌﺎﺍﺍﺭ ...
ﻣﺎ ﺍﺳﺘﺴﻠﻤﺖ ﺍﺑﺒﺒﺒﺪ ﺭﻓﺴﺘﻪ ﺧﺮﻣﺸﺘﻪ ﺑﺼﻘﺖ ﺑﻮﺟﻬﻪ
ﺭﻏﻢ ﺟﺎﻧﺖ ﻗﻮﺗﻪ ﺗﻔﻮﻕ ﻗﻮﺗﻲ ﺍﺿﻌﺎﺍﺍﻑ ﺑﺲ ﻣﺎ ﺳﻤﺤﺖ ﺍﻟﻪ ﻳﻠﻤﺲ ﺍﻱ ﺟﺰﺀ ﻣﻦ ﺟﺴﻤﻲ
ﺟﺎﻥ ﻓﻘﻂ ﻣﻘﺎﻭﻣﻪ ﺷﺮﺳﺔ ﺑﻴﻨﻲ ﻭﺑﻴﻨﻪ ...
ﻫﻤﺲ ﺑﺨﺒﺚ ﻣﻦ ﺍﻟﺜﻮﺏ ﻧﺰﻝ ﺷﻮﻳﻪ ﻣﻦ ﺻﺪﺭﻱ ... ﺍﻭﻭﻭﻭﻳﻠﻲ ﺷﻬﻞ ﻭﺣﻤﻪ ﺍﻟﻲ ﺯﺍﺩﺕ ﺍﻋﺠﺎﺑﻲ ﺑﻴﻴﺞ
ﻧﻄﻖ ﺍﺧﺮ ﺟﻤﻠﻪ ﻭﻣﺎ ﺣﺴﻴﺖ ﻏﻴﺮ ﻭﻛﻊ ﻓﻮﻛﺎﻱ ﺑﻜﻞ ﺟﺴﻤﻪ ﻭﺍﻟﺪﻡ ﻳﻨﺰﻝ ﻣﻦ ﺭﺍﺳﻪ ﻋﻠﺊ ﺧﺪﻩ ...
ﺻﺮﺧﺖ ﺑﺮﺭﺭﻋﺐ ﺣﺎﺍﺍﺍﺩ ﻭﺟﻤﺪﺕ ﺍﻋﺼﺎﺑﻲ ...
ﺩﻓﻌﺘﻪ ﺣﻴﻴﻞ ﻭﻛﻊ ﻣﻦ ﺍﻟﺴﺮﻳﺮ ﻭﺍﺭﺗﻄﻢ ﺟﺴﻤﻪ ﻋﻠﺊ ﺍﻻﺭﺽ ﺍﻟﺼﺒﺨﻪ ...
ﻓﺘﺤﺖ ﻋﻴﻮﻧﻲ ﻭﺍﻧﻲ ﺍﻣﺴﺢ ﺍﻟﺪﻣﻮﻉ ﺍﻟﻨﺎﺯﻓﻪ ﻣﻦ ﻋﻴﻮﻧﻲ ﺷﻔﺘﻬﺎ ﺻﺒﺮﻳﺔ ﻭﺍﻛﻔﻪ ﻭﺑﻴﺪﻫﺎ ﺑﻮﺭﻱ ﺣﺪﻳﺪ ..
ﺷﻤﺮﺕ ﺍﻟﺒﻮﺭﻱ ﺑﺼﻒ ﺩﺍﻭﻭﺩ ﻭﺭﻛﻀﺖ ﻋﻠﻴﻪ ﺣﻀﻨﺘﻨﻲ،ﻭﺍﻧﻲ ﺗﺨﺒﻠﺖ ﺍﺭﺟﻒ ﻭﺍﺻﺮﺭﺥ ﻣﺮﻋﻮﻭﻭﺑﻪ ﻭﺃﻟﻢ ﻧﻔﺴﻲ ﻛﻠﻲ ﺑﺤﻀﻨﻪ ﻭﺍﺧﺘﻞ ﺑﺠﺴﻤﻬﺎ ﻣﻦ ﺍﻟﺨﻮﻭﻑ ...
ﺿﻤﺖ ﺭﺍﺳﻲ ﺍﻟﺼﺪﺭﻫﺎ ﻭﻫﻲ ﺗﻤﺴﺢ ﻋﻠﺊ ﺷﻌﺮﻱ ... ﻳﻤﻤﻪ ﺳﻮﺩﻩ ﻋﻠﻴﻪ ﺍﺑﻦ ﺍﻟﻜﻠﺐ ﺍﺑﻦ ﺍﻟﺰﻣﺎﻝ ﻋﺮﻓﺘﻪ ﺷﻔﺘﻪ ﻣﻦ ﺑﻌﻴﺪ ﻳﺤﻮﻡ ﻋﻠﺊ ﺍﻟﺒﻴﺖ ﻛﻠﺖ ﺭﺍﺡ ﻳﺮﻭﺡ ﻟﺠﻮﻳﻠﻴﺘﻪ
ﺿﻠﻴﺖ ﺍﺭﺟﻒ ﻭﺍﺷﻬﻚ ﻭﺍﻟﻜﻠﻤﺎﺕ ﺗﻼﺷﺖ ﻋﻨﺪﻱ ... ﻭ ﻭﻭﺍﻟﻠﻪ ﻗﻖ ﻗﻔﻠﺖ ﺍﻟﺒﺎﺏ ﻣﺎﻟﺖ ﺍﻟﺤﺪﻳﻘﻪ ﺷﻠﻮﻥ ﺩﺧﻞ ؟
ﺟﺮﺕ ﻧﻔﺲ ﻭﺭﻓﻌﺖ ﻭﺟﻬﻲ ﻭﻫﻲ ﺗﻤﺴﺢ ﺑﺪﻣﻮﻋﻲ ... ﺟﻴﺖ ﻣﻦ ﺍﻟﺴﻴﺎﺝ .. ﺧﻠﻴﺖ ﻋﻤﻴﺮ ﺍﺑﻦ ﻛﺎﻇﻤﻴﺔ ﻭﺍﻛﻒ ﺑﻨﺺ ﺍﻟﺸﺎﺭﻉ ﻭﺍﻧﻪ ﺧﺘﻠﺖ ﺑﺎﻟﺒﺴﺘﺎﻥ ﻭﺷﻔﺘﻪ ﻣﻦ ﺟﻴﺖ ﻭﺍﺟﻴﺖ ﺍﺭﻛﺾ ﻭﺍﺩﺧﻠﺞ ﻣﻦ ﺍﻟﺒﺎﺏ ﺍﻟﺜﺎﻧﻲ ﺍﻟﻴﻄﻠﻊ ﻋﻠﺊ ﺍﻟﺒﺴﺘﺎﻥ ﻭﺍﺭﻛﻌﻪ ﺑﺮﺍﺳﻪ ...
ﺑﺎﻭﻋﺘﻠﻪ ﻭﺍﻧﻲ ﺣﺎﺿﻨﺘﻬﺎ ﻭﺍﻧﺤﺐ ﻫﻤﺴﺖ ﺑﺒﻜﺎﺀ ... ﺧﺎﻟﻪ ﺍﺧﺎﻑ ﻣﺎﺕ ...
ﺭﺩﺕ ﺑﻌﺪﻡ ﻣﺒﺎﻻﺓ ... ﻳﺎﺭﻳﺖ ﻳﻤﻮﺕ ﻭﻧﺨﻠﺺ ﻣﻨﻪ ..
ﺍﻧﺼﺪﻣﺖ ﻣﻦ ﻛﻼﻣﻬﺎ ﻗﻮﻭﻳﻪ ﻭﺍﺑﺪ ﻣﺘﺨﺎﻑ ...
ﺑﺎﻭﻋﺘﻠﻲ ﻭﺿﺤﻜﺖ ﻛﺎﻟﺖ .. ﺧﺎﻳﺒﻪ ﻻ ﺗﺤﺎﻓﻴﻦ ﻋﺎﺭ ﻣﺎ ﻳﻤﻮﺕ ﺷﻔﺘﻴﻠﺞ ﻋﺎﺭ ﻳﻤﻮﺕ
ﺫﺍﻙ ﺛﻮﺭﻱ ﺍﺑﻮ ﺭﻭﺡ ﺍﻟﻌﺰﻳﺰﻩ ﻣﺎﺕ ﺑﺴﺎﻉ ﺑﺴﺎﻉ ﻟﻮ ﻋﺎﺭ ﺟﺎﺍ ﺿﻞ ﻋﻠﺊ ﻛﻠﺒﻲ ....
ﻣﺴﺤﺖ ﺩﻣﻮﻋﻲ ﻭﺣﻀﻨﺘﻬﺎ ... ﺧﺎﻟﻪ ﻓﺪﻭﻭﻭﻩ ﺧﻠﻲ ﻳﻄﻠﻊ ﻟﻌﺒﺖ ﻧﻔﺴﻲ ﻣﻨﻪ ﺣﻴﻴﻞ ﺍﻟﻠﻪ ﻳﻨﺘﻘﻢ ﻣﻨﻪ ﺣﻴﻮﺍﻥ ﺣﻘﻴﺮ
ﻭﻛﻔﺖ ﺻﺒﺮﻳﻪ ﻭﺭﻓﺴﺘﻪ ﺑﺮﺟﻠﻬﺎ ﻭﻫﻮ ﻳﻮﻥ ﻋﺎﻃﺖ ﺑﻲ ... ﻛﺎﺍﺍﻡ ﻛﻮﻭﻭﻡ ﻟﻚ ﻋﺎﺍﺍﺍﺭ ﺳﺎﻕ ... ﻛﻮﺍ ... ﻭﺍﻟﻠﻪ ﺍﻟﻴﻮﻡ ﺍﺧﻠﻲ ﺍﺑﻮﻙ ﻳﺴﺤﻠﻚ ﺑﺎﻟﺒﺴﺘﺎﻥ ﺳﺤﻞ ﺍﺑﻦ ﺍﻟﺰﻓﺮﻩ ...
ﻭﻛﻒ ﻭﻫﻮ ﻳﺘﺮﻧﺢ ﺑﻤﺸﻴﺘﻪ ﻭﺍﻟﺪﻡ ﻧﺎﺯﻝ ﻋﻠﺊ ﺧﺪﻩ ﻫﻤﺲ ﺑﺘﻌﺐ ... ﺍﻧﻲ ﺍﻟﺞ ﺻﺒﺮﻳﻪ ﺍﻟﻪ ﺍﺧﻠﻲ ﺍﺑﻮﻱ ﻳﻄﺮﺩﺝ ﻣﻦ ﺍﻟﺒﺴﺘﺎﻥ ...
ﺳﺤﺒﺘﻪ ﻣﻦ ﻳﺎﺧﺘﻪ ﻭﻃﻠﻌﺘﻪ ﺑﺮﻩ ﺍﻟﻐﺮﻓﻪ ﻭﻫﻲ ﺗﺪﺭﺩﻡ ... ﺩﻣﺸﻲ ﺍﻣﺸﻲ ﺍﻟﻌﺎﺭ ﺍﺑﻮ ﺍﻟﻮﺻﺦ ﻳﻬﺪﺩ ﺩﻛﻠﻲ ﻳﺠﻲ ﺍﺑﻮﻙ ﺍﻟﻪ ﺍﻃﻤﻪ ﺑﺎﻟﺒﺴﺘﺎﻥ ...
ﺩﻓﻌﺘﻪ ﻭﺳﺪﺕ ﺍﻟﺒﺎﺏ .. ﺍﺟﺖ ﻳﻤﻲ ﺑﺎﻭﻋﺘﻠﻲ ﻣﻘﻬﻮﺭﺓ ﻋﻠﺊ ﺣﺎﻟﻲ ﺟﺮﺕ ﻧﻔﺲ ﻛﺎﻟﺖ .. ﻛﻮﻭﻣﻲ ﻳﻤﻪ ﻛﻮﻭﻣﻲ ﺧﻠﻴﻨﻲ ﺍﻧﻀﻒ ﺍﻟﻐﺮﻓﻪ ﻣﻦ ﺩﻡ ﻫﻞ ﻧﻜﺲ ﺍﺑﻮ ﺍﻟﭽﻌﭻ ..
ﺳﺎﻋﺪﺗﻨﻲ ﻭﻛﻔﺖ ﻭﺍﻧﻲ ﻟﺴﻪ ﺍﺑﺠﻲ ﺍﺗﺬﻛﺮﺕ ﻛﻠﻤﺎﺗﻪ ﺍﻟﻤﻘﺰﺯﻩ ﻭﻫﺠﻮﻣﻪ ﻋﻠﻴﻪ ﻣﺘﺤﻤﻠﺖ ﺭﻛﻀﺖ ﺑﺴﺮﻋﻪ ﻟﻠﺤﻤﺎﻡ ﻭﺍﻧﻲ ﺍﺗﻘﻴﺊ ﺣﺴﻴﺖ ﻣﻌﺪﺗﻲ ﻃﻠﻌﺖ ﻣﻦ ﻣﻜﺎﻧﻲ ...
ﻭﺧﺎﻟﻪ ﺻﺒﺮﻳﻪ ﺧﻄﻴﻪ ﺗﻐﺴﻠﻲ ﺗﻐﻠﻂ ﻋﻠﺊ ﺩﺍﻭﻭﺩ ﻭﺗﻔﺸﺮ ﺑﻔﺸﺎﺭ ﻣﺎ ﻳﻨﻠﺒﺲ ﻋﻠﻴﻪ ﺛﻮﺏ
ﺃﺧﺬﺗﻨﻲ ﻭﺍﻧﻲ ﻻﺯﻣﻪ ﺑﻄﻨﻲ ﻣﻦ ﺍﻟﺘﻘﻴﺊ ﺣﺴﻴﺖ ﺿﻐﻄﺖ ﻋﻠﺊ ﺍﻟﺮﺣﻢ ﺍﻟﻠﻪ ﻳﺴﺎﻋﺪﻩ ﻫﻞ ﻃﻔﻞ ﺷﻠﻮﻥ ﻟﺤﺪ ﺍﻻﻥ ﻣﺎ ﺻﺎﺭ ﺑﻲ ﺷﺊ ...
ﺣﻜﻤﺔ ﻣﻦ ﺭﺏ ﺍﻟﻌﺎﻟﻤﻴﻦ ﻟﺤﺪ ﺍﻻﻥ ﻣﺎ ﻣﺎﺕ ﻭﺿﻞ ﻧﺎﻳﻢ ﺑﻴﻦ ﺍﺣﺸﺎﺋﻲ ..
ﻛﻌﺪﺕ ﺑﺎﻟﺤﺪﻳﻘﻪ ﻭﺍﻧﻲ ﺍﺑﺠﻲ ﻭﺍﻣﺴﺢ ﺑﺪﻣﻮﻋﻲ ﺍﺗﺎﺫﻳﺖ ﺣﻴﻞ ﺣﺮﺏ ﻧﻔﺴﻴﻪ ﻭﺟﺴﺪﻳﻪ ﻭﺷﺪ ﻟﻼﻋﺼﺎﺏ ...
ﺿﻠﺖ ﺻﺒﺮﻳﺔ ﺗﻨﻀﻒ ﻭﺗﺸﺘﻐﻞ ﻭﺗﺴﺐ ﻭﺗﻔﺸﺮ ﻭﻛﻞ ﺷﻮﻳﻪ ﻭﺧﻠﺖ ﺍﺑﻮ ﺍﻟﻠﻮﻝ ﺑﺎﻟﻨﺺ ﻫﻮ ﻭﺣﺴﻨﻪ ...
ﺷﻮﻭﻭﻳﻪ ﻭﺗﻔﻠﺶ ﺍﻟﺒﺎﺏ ﺑﻘﻮﻭﻭﻩ
ﻛﻤﺰﺕ ﻣﻦ ﻣﻜﺎﻧﻲ ﻭﻃﻠﻌﺖ ﺻﺒﺮﻳﻪ ﺷﻤﺮﺕ ﺍﻟﻤﻜﻨﺎﺳﻪ ﻣﻦ ﺍﻳﺪﻫﺎ ﻭﺭﺍﺣﺖ ﻓﺘﺤﺖ ﺍﻟﺒﺎﺏ ...
ﻛﺎﻟﺖ ﺑﺘﻬﺠﻢ ... ﺧﻴﻴﻴﺮ ﺍﻟﻴﻮﻡ ﺍﺧﻮﻭﻱ ﻭﻣﺮﺗﻪ ﻣﺸﺮﻓﻴﻨﻪ ﺷﻨﻲ ﺗﺬﻛﺮﺗﻮﻧﻲ ... ﺗﺮﺉ ﺍﻟﭽﻠﺐ ﺍﻟﻌﻀﻜﻢ ﻛﺘﻠﻨﺎ ...
ﺩﺧﻠﺖ ﺍﻡ ﺩﺍﻭﻭﺩ ﻭﺍﺑﺔ ﺩﺍﻭﻭﺩ ﻟﻠﺤﺪﻳﻘﻪ ﻭﺗﻜﻠﻤﺖ ﺑﻐﻀﺐ ... ﻟﻴﺶ ﺿﺎﺭﺑﻪ ﺩﺍﻭﻭﺩ ﺑﺮﺍﺳﻪ ﻭﻣﺨﻠﻴﻪ ﺩﻣﻪ ﺑﻄﻮﻭﻟﻪ ﺣﺘﺊ ﺍﻟﻤﻀﻤﺪ ﻣﺎ ﻋﺮﻑ ﺷﻠﻮﻥ ﻳﻀﻤﺪﻩ
ﺭﺩﺕ ﺻﺒﺮﻳﺔ ﺑﻌﺪﻡ ﺍﻫﻤﺘﺎﻡ ... ﻳﺎﻟﻠﻪ ﻳﻜﺒﺮ ﻭﻳﻨﺴﺎﻫﺎ ... ﻫﺴﻪ ﻗﺎﺑﻞ ﻓﻄﺲ
ﻭﻫﺴﻪ ﺍﻧﺘﻲ ﺟﺎﻳﻪ ﺍﻧﺘﻲ،ﻭﺭﺟﻠﺞ ﻫﺪﺍﺩﻩ ﻣﻨﺎﻙ ﻟﻬﻨﺎ ﻋﻠﺊ ﺩﺍﻭﻭﺩ ﺭﻛﻌﺘﻪ ﺑﺎﻟﺒﻮﺭﻱ ﺍﻟﺤﺪﻳﺪ ﺻﺪﻙ ﻣﺎ ﺗﺴﺘﺤﻮﻥ ...
ﻛﺘﻞ ﺛﻮﺭﻱ ﻭﻣﻮﺗﻪ ﻭﺛﻮﺭﻱ ﺍﻋﺰ ﻣﻦ ﻟﻴﺎﻟﻲ ﻭﺍﻋﺰ ﻣﻨﻜﻢ ﻛﻠﻜﻢ ﺷﻮ ﻣﺎ ﺍﺟﻴﺖ ﻫﺪﺍﺩﻩ ﻣﺜﻠﻜﻢ ...
ﺭﺩ ﺍﺑﻮ ﺩﺍﻭﻭﺩ ... ﻳﻌﻨﻲ ﺍﻟﻮﻟﺪ ﻟﻮ ﻣﺎﺕ ﺍﻧﻲ ﺍﺧﻠﻴﺞ ﻋﺎﻳﺸﻪ ﻫﺎﻱ ﻭﻫﻮ ﺍﺑﻦ ﺍﺧﻮﻭﺝ ...
ﺿﺤﻜﺖ ﺑﺎﺳﺘﻬﺰﺍﺀ ... ﺍﺧﻮﻭﻭﻱ ﺍﻟﻲ ﻳﺨﺎﻭﻳﻨﻲ ﺑﺎﻟﻤﺼﻠﺤﻪ ﻣﺎ ﺍﺭﻳﺪﻩ ..
ﺍﻱ ﻭﺍﻧﻪ ﻃﻜﻴﺖ ﺩﺍﻭﻭﺩ ﺍﻟﻔﺎﺳﺪ ﻭﺷﺘﺮﻳﻴﺪ ﻭﺍﻟﻠﻪ ﺿﺮﺑﺘﻪ ﻭﻟﻬﺴﻪ ﻣﺎ ﺷﻔﻪ ﻏﻠﻴﻠﻲ ﻣﻨﻪ
ﻭﻟﻚ ﺍﺣﻨﻪ ﻧﺎﺱ ﻋﺮﺏ ﻭﺍﻫﻞ ﺣﻤﻮﻟﻪ ﻻﺯﻡ ﻧﺤﻤﻲ ﺍﻟﺪﺧﻴﻞ ﻋﺪﻧﻪ ﻣﻮ ﻧﺮﻭﺡ ﻧﻌﺘﺪﻱ ﻋﻠﻴﻪ ...
ﺍﺑﻮ ﺩﺍﻭﻭﺩ ﺑﺎﺳﺘﻐﺮﺍﺏ ... ﻫﻮ ﺷﺴﻮﻩ ﻻ ﺩﻛﻠﻴﻠﻲ ﻛﺘﻞ ﺍﻟﺜﻮﺭ .. ﺛﻮﺭﺝ ﺧﺒﻞ ﻭﻫﺎﻳﺞ ﻭﺯﻳﻦ ﻣﺎ ﻛﺘﻞ ﺍﻟﻮﺍﺩﻡ ...
ﺭﻓﻌﺖ ﺍﺻﺒﻌﻬﺎ ﺑﺘﻬﺪﻳﺪ ﻭﻏﻀﺐ ... ﻻ ﺩﻛﻮﻝ ﺛﻮﺭﺝ ﺧﺒﻞ .. ﻣﺎﻛﻮ ﻭﺍﺣﺪ ﺧﺒﻞ ﻏﻴﺮ ﺍﺑﻨﻚ ﺍﻟﻮﺻﺦ ...
ﻭﺍﻧﻪ ﻣﻦ ﺿﺮﺑﺘﻪ ﻟﺪﺍﻭﻭﺩ ﻻﻥ ﺟﺎﻥ ﻳﺮﻳﺪ ﻳﻌﺘﺪﻱ ﻋﻠﺊ ﺟﻮﻳﻠﻴﺘﻪ
ﻛﻤﻠﺖ ﺑﺼﻴﺎﺡ ﻭﻋﺼﺒﻴﺔ ﻭﻫﻲ ﺗﺤﻂ ﺍﻳﺪﻫﺎ ﻋﻠﺊ ﺭﺍﺳﻬﺎ ... ﻭﻟﻜﻢ ﺍﻟﻠﻪ ﺍﻛﺒﺮ .. ﺑﻨﻴﻪ ﺣﺎﻣﻞ ﻭﺿﻌﻴﻔﻪ ﻭﻃﻔﻠﻪ ﻳﺠﻲ ﺍﺑﻮ ﺻﻤﺎﺥ ﺩﺍﻭﻭﺩ ﺍﻟﻨﺬﻝ ﻳﺮﻳﺪ ﻳﻌﺘﺪﻱ ﻋﻠﻴﻪ
ﺑﺲ ﺍﻟﻌﺘﺐ ﻣﻮ ﻋﻠﻴﻪ ﺍﻟﻌﺘﺐ ﻋﻠﺊ ﺗﺮﺑﻴﺘﻚ ﺍﻟﺰﻓﺮﻩ ﻣﺨﻠﻲ ﺍﺑﻨﻚ ﻣﻠﻄﻠﻂ ﻣﺜﻞ ﺍﻟﺤﻴﻮﻭﺍﻥ ﺗﻤﺸﻲ ﻏﺮﻳﺰﺗﻪ ﻻ ﻭﺍﻟﻠﻪ ﻣﻦ ﻳﺮﻭﺡ ﺳﺘﻴﻦ ﻓﺪﻭﻩ ﻟﻠﺤﻴﻮﺍﻥ ...
ﺭﺩﺕ ﺍﻡ ﺩﺍﻭﻭﺩ ﺑﺤﺪﻩ .. ﻭﺍﻧﺘﻲ ﺷﻌﻨﺪﺝ ﻣﻠﻔﻴﻪ ﺑﻨﺖ ﺍﻟﻨﺎﺱ ﺑﺒﻴﺘﺞ ﻣﺪﻛﻠﻴﻠﻲ ﻣﻨﻴﻦ ﺟﺒﺘﻴﻬﺎ ...
ﺣﻄﺖ ﺍﻳﺪﻫﺎ ﻋﻠﺊ ﺣﺎﻓﺔ ﺍﻟﺒﺎﺏ ﻭﺍﻻﻳﺪ ﺍﻟﺜﺎﻧﻴﻪ ﺗﺨﺼﺮﺕ ﺑﻴﻬﺎ ... ﻋﺸﺘﻮﻭ ﻭﺍﻧﺘﻲ ﺷﻌﻠﻴﺞ ﻋﺴﺊ ﻣﺎ ﺍﻟﻔﻲ ﺍﻟﻜﻴﻮﻟﻴﺎﺕ ﻭﺍﻟﻜﺢ .. ﻭﺍﻣﻬﺎﺕ ﺍﻟﻤﻼﻫﻲ .. ﺍﻧﺖ ﺷﻌﻠﻴﺞ
ﺟﺎﻱ ﺗﺼﺮﻓﻴﻦ ﻋﻠﻴﻬﺎ ... ﻛﻀﻲ ﺍﺑﻨﺞ ﺍﻟﻮﺻﺦ ﻭﻛﻔﻴﻨﻪ ﺷﺮﻛﻢ ﻭﻭﻟﻲ ﻣﻦ ﻭﺟﻬﻲ
ﺍﺑﻮ ﺩﺍﻭﻭﺩ ... ﻫﺎﺍﺍ ﻫﻴﺞ ﺻﺮﺗﻲ ﺻﺒﺮﻳﺔ ﻭﺍﻟﻠﻪ ﺣﻘﻪ ﺍﺑﻮ ﺍﻟﻠﻮﻝ ﻳﺘﺰﻭﺝ ﻋﻠﻴﺞ ﻻﻥ ﺍﻧﺘﻲ ﻋﺮﻣﻪ ﻭﻣﺎ ﺗﻨﺤﻤﻠﻴﻦ ...
ﻫﺰﺕ ﺍﻳﺪﻫﺎ ﺑﺴﺨﺮﻳﺔ ... ﺩﻳﻼ ﻋﺴﺎﺱ ﺍﺑﻮ ﺍﻟﻠﻮﻝ ﺷﻴﺦ ﻣﻔﺘﻮﻝ ﻛﻠﻪ ﺍﺑﻮ ﺍﻟﻠﻮﻝ ﺣﺘﺊ ﻣﺎ ﻋﻠﻴﺔ ﻣﻴﺔ ﺍﻟﻌﺠﻴﻦ ...
ﻃﺮﺩﺗﻬﻢ ﻭﻗﻔﻠﺖ ﺍﻟﺒﺎﺏ ﻭﻫﻲ ﺗﺪﺭﺩﻡ ... ﻻﻧﻌﻞ ﺍﺑﻮ ﺗﺮﺑﻴﺘﻜﻢ ﻛﻮﺍﻭﻱ ... ﺳﺮﺳﺮﻳﻪ ..
ﻛﻌﺪﺕ ﻣﻘﺎﺑﻴﻠﻲ ﻭﺟﺮﺕ ﻧﻔﺲ ﻋﺎﻃﺖ ﺑﻴﻪ ﺑﺼﻮﺕ ﻛﻤﺰﺕ ﻣﻦ ﻣﻜﺎﻧﻲ ﻭﻟﺰﻛﺖ ﺑﺎﻟﺤﺎﻳﻂ ﻛﺎﻟﺖ ﺑﺼﺮﺧﻪ ... ﻭﻟﺞ ﻻ ﺗﻀﻠﻴﻦ ﺑﺲ ﺗﺒﺠﺒﺒﻦ ﻫﺎﻱ ﺍﻟﻌﺎﻟﻢ ﻣﺎ ﺗﻌﻴﺶ ﻭﻳﺎﻫﻢ ﺍﻟﻔﻘﻴﺮﻩ ... ﻫﻴﻴﺞ ﻛﻮﻭﻥ ﺍﺭﻳﺪﺝ ﺗﻄﺒﻴﻦ ﺑﻌﻴﻮﻧﻬﻢ ...
ﺑﻠﻌﺖ ﺭﻳﻜﻲ ﺑﺨﻮﻑ ﻣﻨﻬﺎ ﺗﻨﻬﺪﺕ ﻭﻃﻠﻌﺖ ﺟﻜﺎﺭﺗﻬﺎ ﻭﺭﺛﺘﻬﺎ ﻛﺎﻟﺖ ... ﻛﻮﻥ ﻋﻤﻴﺮ ﺑﺒﻴﻊ ﺍﻟﺤﻠﻴﺐ ﻭﺍﻟﻜﻴﻤﺮ ﻭﻳﺠﻴﻨﻲ ﺑﺲ ﻫﻞ ﺍﺛﻮﻝ ﺧﺎﻳﻔﻪ ﻣﻨﻪ ﻳﻀﻴﻊ ﺍﻻﻭﻝ ﻭﺍﻟﺘﺎﻟﻲ ﺍﻧﻪ ﻣﺎ ﺍﻋﺘﻤﺪ ﻋﻠﻴﻪ ...
ﺑﺎﻭﻋﺘﻠﻲ ﺑﻨﻈﺮﺍﺕ ﺷﻔﻘﺔ ﻭﻛﻔﺖ ﻭﺟﺮﺕ ﺣﺴﺮﻩ ... ﻛﻮﻣﻲ ﻳﻤﻪ ﻛﻮﻭﻣﻲ ﻧﺎﻣﻴﻠﺞ ﺷﻮﻭﻳﻪ ﺍﻟﻠﻪ ﻳﻨﺘﻘﻢ ﻣﻨﻚ ﻳﺎﻟﻌﺎﺭ ﻳﺪﺍﻭﻭﺩ ﻳﺎﻟﻤﺼﺨﻢ ..
ﺩﺧﻠﺖ ﻟﻠﻐﺮﻓﻪ ﺍﺧﺬﺕ ﻣﻼﺑﺲ ﻭﺩﺧﻠﺖ ﺳﺒﺤﺖ ﺑﺠﻴﺖ ﺑﺤﺴﺮﺓ ﻋﻠﺊ ﺣﺎﻟﻲ ﻣﻘﻬﻮﺭﺓ ﻋﻠﺊ ﻧﻔﺴﻲ ﺗﺒﻬﺬﻟﺖ ﺣﻴﻴﻞ ..
ﻻ ﺍﻛﺪﺭ ﺍﺭﺟﻊ ﺍﻟﻪ ﻭﻻ ﺍﻛﺪﺭ ﺍﺿﻞ ﻫﻨﺎ ﺍﺣﺘﺎﺭﻳﺖ
ﻏﺴﻠﺖ ﻭﺳﺒﺤﺖ ﻭﻋﻴﻮﻧﻲ ﻭﺭﻣﺖ ﻣﻦ ﺍﻟﺒﺠﻲ ﻳﺎﺍﺍﺭﺏ ﺍﺭﺟﻊ ﺍﻻﻣﻲ ﻣﺎ ﺍﺭﻳﺪ ﺍﻱ ﻭﺍﺣﺪ ﺍﺭﻳﺪ ﺑﺲ ﺍﻣﻲ ﻭﺍﺑﻮﻳﻪ ﻣﺪﺍ ﺍﻛﺪﺭ ﺍﻋﻴﺶ ﺑﺪﻭﻧﻬﻢ ﻫﻢ ﺍﻟﻮﻃﻦ ﻣﺎ ﺍﻟﻲ،ﻏﻴﺮﻫﻢ ﻭﻃﻦ ...
ﺍﻭﻭﻑ ﻳﺎ ﺟﺎﺳﺮ ﻟﻮ ﺗﻌﺮﻑ ﺷﺼﺎﺭ ﺑﻴﻪ
........................
ﺭﻳﻬﺎﻡ ...
ﻛﻞ ﻋﺎﺩﻩ ﻛﻌﺪﺕ ﺍﻟﺼﺒﺢ ﻋﻨﺪ ﺑﻴﺖ ﻋﻤﻲ ﻧﻀﻔﺖ ﺍﻟﺒﻴﺖ ﻭﻛﻤﻠﺖ ﻭﺩﺍ ﺍﺳﻮﻱ ﺍﻟﻐﺪﺍ ..
ﺟﺎﻧﺖ ﻋﻤﺘﻲ ﺭﺿﻴﻪ ﻭﻋﻤﺘﻲ ﺍﻡ ﻓﻼﺡ ﻭﻭﻗﺎﺭ ﻛﺎﻋﺪﺍﺕ ﻳﺎﻟﺤﻮﻭﺵ ...
ﻭﻧﻮﺍﻝ ﻛﺎﻋﺪﻩ ﺗﻤﺸﻂ ﺑﺸﻌﺮ ﺑﻨﺘﻬﺎ ﻭﺍﻟﺒﻨﻴﻪ ﺗﺼﺮﺥ ﻻﻥ ﺟﺎﻧﺖ ﺗﺸﺪ ﺑﺸﻌﺮﻫﺎ ﺣﻴﻴﻞ ﻭﻛﻞ ﺷﻮﻳﻪ ﻭﺭﻛﻌﺘﻬﺎ ﺑﺎﻟﻤﺸﻂ ...
ﻭﻋﻤﺘﻲ ﺍﻡ ﻓﻼﺡ ﺗﺼﻴﺢ ﻋﻠﻴﻬﺎ ... ﻭﻟﺞ ﻛﺎﻓﻲ ﻣﻮﺗﻲ ﺍﻟﺒﻨﻴﻪ ﺧﻠﻲ ﺭﺿﻴﻪ ﺗﻤﺸﻄﻬﺎ ...
ﺭﺩﺕ ﻧﻮﺍﻝ ﺑﻘﻬﺮ ... ﻣﻮﺗﻨﻲ ﺍﻧﻲ ﺑﻴﺎ ﻗﻬﺮ ﻭﺑﻴﺎ ﺿﻴﻢ ﻭﻫﻨﻪ ﻳﺘﻨﻌﻮﺻﻦ ﻋﻠﻴﻪ ﻭﺍﻟﻠﻪ ﺗﻌﺒﺎﻧﻪ ﻭﻧﻔﺴﻴﺘﻲ ﺯﻓﺖ ﻣﻨﺎ ﺍﻟﺤﻤﻞ ﻣﻨﺎ ﻓﻼﺡ ﻣﺎﺕ ﻭﺧﻠﻪ ﻫﻞ ﻗﺮﺩﺍﺕ ﻓﻮﻙ ﺭﺍﺳﻲ ...
ﺟﺮﺕ ﻧﻔﺲ ﺍﻡ ﻓﻼﺡ ﻭﺧﺰﺭﺗﻬﺎ ﻣﻘﺒﻠﺖ ﻋﻠﺊ ﻛﻼﻣﻬﺎ ﻛﺎﻟﺖ .... ﺷﻨﻮ ﺫﻧﺒﻬﻦ ﺍﻟﺒﻨﺎﺕ ﻫﺎﻱ ﺑﺪﻝ ﻣﺎ ﺗﺮﺣﻤﻴﻬﻦ ﻭﺩﻛﻮﻟﻴﻦ ﻳﺘﻴﻤﺎﺕ ﺍﻧﻮﺏ ﺗﻜﺘﻠﻴﻦ ﺑﻴﻬﻦ ﻭﺗﻀﺮﺑﻴﻬﻦ ﺧﺎﻓﻲ ﺭﺑﺞ ﺑﻴﻬﻦ ﻻ ﺍﻟﻠﻪ ﻳﻐﻀﺐ ﻋﻠﻴﺞ ...
ﺷﻤﺮﺕ ﺍﻟﻤﺸﻂ ﺑﻌﺼﺒﻴﺔ ... ﺑﻌﺪ ﺷﻴﺼﻴﺮ ﺑﻴﻪ ﻭﻳﻐﻀﺐ ﻋﻠﻴﻪ ﻣﺎ ﻛﺎﻓﻲ ﺑﺮﻛﺒﺘﻲ ﺗﻠﺚ ﺑﻨﺎﺕ ﻭﺍﻟﺮﺍﺑﻌﻪ ﺑﺎﻟﻄﺮﻳﻖ ﻣﻨﻮ ﺍﻟﻬﻦ ﻣﻨﻮ ﻳﻌﻴﻨﻲ ﻋﻠﻴﻬﻦ ...
ﻭﺑﻌﺪﻳﻦ ﻻ ﺗﺸﻮﻓﻴﻦ ﻭﻟﺪﺝ ﻣﻬﺘﻤﻴﻦ ﺑﻴﻬﻦ ﻫﺴﻪ ... ﺍﻱ ﻳﻜﻮﻟﻮﻥ ﺍﻟﻴﺘﻴﻢ ﺑﺲ ﺍﻭﻝ ﺍﺳﺒﻮﻉ ﻭﺑﻌﺪﻳﻦ ﻳﺮﻛﻌﻮﻧﻪ ﻣﻴﺔ ﻧﻌﺎﻝ ...
ﺭﺿﻴﻪ ﺟﺎﻭﺑﺘﻬﺎ ... ﻻ ﻳﻤﻪ ﺷﻨﻮ ﺍﻟﺴﺎﻟﻔﻪ ﺍﻧﻲ ﻭﻋﻤﺘﺞ ﺍﻡ ﻓﻼﺡ ﺷﻠﻮﻥ ﻧﻨﺴﺎﻛﻢ ...
ﺭﺩﺕ ﺑﻘﻬﺮ ... ﺍﻱ ﻧﺸﻮﻭﻭﻑ ..
ﺳﻜﺘﺖ ﻣﻨﻬﺎ ﻭﺿﻠﺖ ﺗﺴﻮﻱ ﺑﺎﻟﺨﻀﺮﻩ ... ﺍﺣﺐ ﺭﺿﻴﻪ ﻣﻦ ﺗﻨﻀﻒ ﺍﻟﺨﻀﺮﻩ ﺍﻛﺰﺯ ﻋﻠﻴﻬﺎ ... ﺣﻴﻞ ﻣﺮﺗﺒﻪ ...
ﺭﺣﺖ ﺗﻮﺿﻴﺖ ﻭﺍﺟﻴﺖ ﻛﺎﻟﺖ ﺍﻡ ﻓﻼﺡ ... ﻳﻤﻤﻪ ﺭﻫﻮﻣﻪ ﺑﻌﺪﻩ ﻣﺎ ﺍﺫﻥ ﺍﻟﻈﻬﺮ ..
ﺍﺑﺘﺴﻤﺖ ... ﺍﻱ ﻋﻤﻪ ﺍﻋﺮﻑ ﺑﺲ ﺩﺍ ﺍﺻﻠﻲ ﻃﻠﺐ
ﺭﺿﻴﻪ ﺑﺎﻭﻋﺘﻠﻲ ﺑﺎﺳﺘﻐﺮﺍﺏ ... ﺍﻧﺘﻲ ﻫﻢ ﻣﻄﻠﻮﻭﺑﻪ
ﺍﺑﺘﺴﻤﺖ ... ﺍﻱ ﻋﻤﻪ ﻣﻄﻠﻮﺑﻪ ﺗﻌﺮﻓﻴﻦ ﻛﻞ ﺷﻬﺮﻳﻪ ﻻﺯﻡ ﺍﻛﻄﻊ ﺍﻟﺼﻼﺓ ﻭﻫﻤﺎﺗﻴﻦ ﺍﻟﺒﺎﺭﺣﻪ ﺷﻜﻴﺖ ﺑﺼﻼﺗﻲ ﺑﺎﻃﻠﻪ
ﺍﻡ ﻓﻼﺡ ﻛﺎﻟﺖ ... ﻟﻴﺶ ﺑﺎﻃﻠﻪ
ﺟﺮﻳﺖ ﻧﻔﺲ .. ﻣﻮ ﺟﻨﺖ ﺩﺍ ﺍﺗﻮﺿﺊ ﻭﺩﺧﻞ ﺻﻼﺡ ﻓﺠﺎﻥ ﺭﺩﺍﻧﻲ ﻣﺮﻓﻮﻋﻪ ﻭﺷﻌﺮﻱ ﻃﺎﻟﻊ ﻓﺤﺴﻴﺖ ﺻﻼﺗﻲ ﺑﺎﻃﻠﻪ ﻗﺮﺭﺕ ﺍﻟﻴﻮﻡ ﺍﻋﻴﺪﻫﺎ ...
ﺗﻨﻬﺪﺕ ﻧﻮﺍﻝ ﺑﻘﻬﺮ ... ﻭﺍﻧﺘﻲ ﻣﻮﺍﻗﻔﺞ ﻣﺘﺼﻴﺮ ﺍﻟﻪ ﻭﻳﻪ ﺻﻼﺡ ؟
ﻓﺸﻠﺖ ﺑﺎﻭﻋﺖ ﻟﻠﻜﻞ ﺑﻬﺪﻭﺀ ﻭﺍﺑﺘﺴﻤﺖ ﻣﺠﺎﻣﻠﺔ ... ﺍﻱ ﻫﻮ ﺩﺧﻞ ﻓﺠﺄﺓ ﻋﺒﺎﻟﻪ ﻣﺤﺪ ﻣﻮﺟﻮﺩ ...
ﺭﺩﺕ ﺑﻐﺮﻭﺭ ... ﺍﻱ ﻋﺎﺩﻱ ﺗﺼﻴﺮ ﻫﺴﻪ ﺍﻧﻲ ﻫﻢ ﻻﺯﻣﻪ ﻋﺪﻩ ﻭﻛﻞ ﺷﻮﻳﻪ ﻭﺍﺣﺪ ﺻﺎﻳﺮ ﺑﻮﺟﻬﻲ ...
ﺟﺎﻭﺑﺘﻬﺎ ﺭﺿﻴﻪ ... ﺍﻛﻌﺪﻱ ﺑﻐﺮﻓﺘﺞ ﻭﺍﺣﻨﻪ ﻧﺠﻴﺐ ﺍﻟﺞ ﺍﻟﺘﺮﺩﻳﻨﻪ ﻭ ﻭﻗﺖ ﺍﻟﻤﻮﺟﻮﺩﻳﻦ ﺑﻲ ﻻ ﺗﻄﻠﻌﻴﻦ
ﻓﺘﺤﺖ ﺷﺎﻟﻬﺎ ... ﻳﺎﺍ ﻭﺍﻟﻠﻪ ﻓﻮﻭﻙ ﻣﺎ ﻧﻔﺴﻴﺘﻲ ﺗﻌﺒﺎﻧﻪ ﺍﻧﻮﺏ ﺗﺮﺩﻳﻨﻲ ﺍﺳﺠﻦ ﺭﻭﺣﻲ ﺑﻐﺮﻓﺔ ﺻﺪﻙ ﺟﺬﺏ ..
ﻭﻗﺎﺭ ﺗﻜﻠﻤﺖ ﺑﻬﺪﻭﺀ ... ﺭﻭﺣﻲ ﺍﻻﻫﻠﺞ
ﺑﺎﻭﻋﺘﻠﻬﺎ ﺑﺤﺪﻩ ﻭﺧﺰﺭﺓ ... ﺻﺪﻙ ﻣﺎ ﺗﺴﺘﺤﻴﻦ ﺑﻌﺪﻩ ﻣﺎ ﻣﺎﺕ ﺍﺧﻮﺝ ﻃﺮﺩﺗﻴﻨﻲ ﺑﺲ ﻟﻴﻌﻠﻤﺞ ﺍﻟﻨﻪ ﻭﺭﺙ ﺑﻬﺬﺍ ﺍﻟﺒﻴﺖ ﻭﺑﻨﺎﺕ ﻓﻼﺡ ﺍﻟﻬﻦ ﻭﺭﺙ ﺍﻛﺜﺮ ﻣﻦ ﻭﺭﺛﺞ ﻭﻣﻮ ﻣﻦ ﺣﻘﺞ ﺗﻄﺮﺩﻳﻨﻪ
ﻭﻗﺎﺭ ﺑﻌﺼﺒﻴﺔ ... ﻫﻮ ﺍﻧﺘﻲ ﻣﻨﻮ ﺍﻟﻄﺮﺩﺝ ﺩﺍ ﺍﻛﻮﻟﺞ ﺧﻠﺼﻲ ﺍﻟﻌﺪﻩ ﻭﺗﻌﺎﻟﻲ ﺍﺫﺍ ﺗﺴﺘﺤﺮﻣﻴﻦ ...
ﻭﻛﻔﺖ ﻭﻫﻲ ﺗﺘﺨﺼﺮ ... ﻻ ﺣﺒﻲ ﻋﺎﻳﻔﻪ ﺍﻟﺤﻼﻝ ﻭﺍﻟﺤﺮﺍﻡ ﺍﻟﺠﻦ ...
ﺍﺧﺬﺕ ﺑﻨﺎﺗﻬﺎ ﻭﺻﻌﺪﺕ ﻓﻮﻙ .. ﺍﻡ ﻓﻼﺡ ﺟﺮﺕ ﻧﻔﺲ ﺑﺤﻴﺮﻩ ﻭﺍﺳﺘﻐﻔﺮﺕ ﺭﺑﻬﺎ ﻭﺑﻌﺪ ﺭﺯﻟﺖ ﻭﻗﺎﺭ ... ﻭﻗﺎﺭ ﺿﺎﺟﺖ ﺑﺲ ﻣﺤﺠﺖ ...
ﺭﺣﺖ ﺍﻧﻲ ﺻﻠﻴﺘﺖ ﻭﻛﻤﻠﺖ ..
ﻃﻠﻌﺖ ﺑﺮﻩ ﺍﻋﺪﻝ ﺑﺤﺠﺎﺑﻲ .. ﺩﺧﻞ ﺟﻌﻔﺮ ﺗﺠﺎﻫﻠﺘﻪ ﻭﺭﺣﺖ ﻛﻌﺪﺕ ﻳﻢ ﺭﺿﻴﻪ ...
ﻛﻌﺪ ﻋﻠﺊ ﺍﻟﺪﺭﺝ ﻭﻫﻮ ﻳﺪﺧﻦ ... ﻭﻛﻞ ﺷﻮﻳﻪ ﻭﺗﻨﻬﺪ ..
ﺩﺧﻞ ﺻﻼﺡ ﺟﺎﻥ ﺑﺎﻟﺸﻐﻞ ﻛﺎﻝ ... ﺍﻟﺴﻼﻡ ﻋﻠﻴﻜﻢ ...
ﺟﺎﻭﺑﻨﺎ ... ﻭﻋﻠﻴﻜﻢ ﺍﻟﺴﻼﻡ ..
ﺭﺿﻴﻪ ﺿﺤﻜﺖ ﻛﺎﻝ ... ﺻﻼﺡ ﺍﻟﻴﻮﻡ ﺭﻳﻬﺎﻡ ﻋﺎﺩﺕ ﺻﻼﺗﻬﺎ ﻣﻦ ﻭﺭﺍﻙ ﺩﻛﻮﻝ ﺟﻨﺖ ﺍﺗﻮﺿﺊ ﻭﺷﺎﻓﻨﻲ ﻭﺍﺣﺘﻤﺎﻝ ﺻﻼﺗﻲ ﺑﺎﻃﻠﻪ ..
ﺍﻧﺼﺪﻣﺖ ﻣﻦ ﻛﻼﻣﻬﺎ ﻭﺑﺎﻭﻋﺘﻠﻬﺎ ﺑﻌﺘﺐ .. ﺭﺟﻌﺖ ﻧﺰﻟﺖ ﻋﻴﻮﻧﻲ ﺑﻔﺸﻠﻪ ﻭﺍﻧﻲ ﺍﻓﺮﻙ ﺑﺎﺩﻳﻪ
ﻫﻮ ﺿﺤﻚ ﻛﺎﻝ .. ﻭﺍﻟﻠﻪ ﻣﺎ ﺍﺩﺭﻱ ﺑﻴﻬﺎ ﺑﺎﻟﻤﻄﺒﺦ ﻭﺍﻋﺘﺬﺭﺕ ﻣﻨﻬﺎ ...
ﺟﻌﻔﺮ ﻛﺎﻝ .. ﻫﻬﻪ ﻭﺍﻟﻠﻪ ﻳﺎ ﺑﻨﺖ ﻋﻤﻲ ﺍﺣﺴﺞ ﻣﻦ ﺟﻤﺎﻋﺔ ﺍﻟﺰﺭﻗﺎﻭﻱ ...
ﻫﺎﻱ ﻟﻮ ﺍﻧﻲ ﻣﻨﺞ ﻭﻣﺼﻠﻲ ﻣﺎ ﺍﻋﻴﺪﻫﺎ ﻟﻮ ﻳﻨﺰﻝ ﺑﻴﻪ ﻗﺮﺍﺭ ﻣﻦ ﺟﻬﻨﻢ ...
ﻛﻤﻞ ﺑﻀﺤﻚ ... ﻭﺍﻟﻠﻪ ﻣﺮﺍﺕ ﺍﺻﻠﻲ ﺻﻼﺓ ﺍﻟﺼﺒﺢ ﺍﺿﻞ ﻳﻮﻣﻴﻦ ﻣﺴﻴﻄﺮ ﺍﺣﺲ ﺭﻭﺣﻲ ﺑﺎﻟﺠﻨﻪ ...
ﻭﺍﺭﺩﻑ ﺑﺤﻤﺎﺱ .. ﻻ ﻻ ﺍﻧﻮﺏ ﺑﺮﻣﻀﺎﻥ ﻣﻦ ﺍﺻﻮﻡ ... ﺍﻟﻨﻬﺎﺭ ﻛﻠﻪ ﻧﺎﻳﻢ ﺍﻛﻌﺪ ﻭﻳﻪ ﺍﻟﻔﻄﻮﺭ ﻭﺻﻮﻡ ﺑﺪﻭﻥ ﺻﻼﺓ ﻭﺍﺣﺲ ﻧﻔﺴﻲ ﻣﺴﻮﻱ ﺷﺊ ﻋﻈﻴﻢ ﻭﺣﺎﺟﺰ ﺍﻟﻄﺎﺑﻖ ﺍﻟﺮﺍﺑﻊ ﻣﻦ ﺍﻟﻔﺮﺩﻭﺱ ...
ﺑﺎﻭﻋﺘﻠﻪ ﺑﺘﻔﺎﺟﺊ ﻭﺻﺪﻣﻪ ... ﺻﺪﻙ ﺗﺤﺠﻲ؟ ﺑﺲ ﻫﻞ ﺷﺊ ﺣﺮﺍﻡ ﻻﻥ ﺍﻟﺼﻼﺓ ﻋﻤﻮﺩ ﺍﻟﺪﻳﻦ ... ﻭﺑﻌﺪﻳﻦ ﺍﺫﺍ ﺗﺼﻮﻡ ﻭﻣﺘﺼﻠﻲ ﺗﻌﺘﺒﺮ ﻣﻦ ﻋﺒﺎﺩﺓ ﺷﻬﺮ ﺭﻣﻀﺎﻥ .. ﻣﻮ ﻋﺒﺪ ﻟﻠﻪ
ﺭﺩ ﺑﻌﺪﻡ ﺍﻫﺘﻤﺎﻡ .... ﻳﻤﻌﻮﺩﻩ ﻫﻨﺎﻙ ﻧﺘﺠﺎﺯﻩ ﺑﻴﻮﻡ ﺍﻟﻘﻴﺎﻣﻪ ﺑﻠﻜﻲ ﻳﻠﻜﻮﻟﻲ ﻏﺮﻓﻪ ﺣﺘﺊ ﻟﻮ ﻣﺎ ﻣﻠﺒﻮﺧﻪ ﺑﺎﻟﺠﻨﻪ ﻭﻳﻜﻌﺪﻭﻧﻲ ﺑﻴﻬﺎ ...
ﺟﺎﻭﺑﺘﻪ ﺑﻘﻬﺮ ... ﺍﺳﺘﻐﻔﺮ ﺍﻟﻠﻪ ﺍﺳﺘﻐﻔﺮ ﺭﺑﻚ ﺣﺮﺍﻡ ﻻ ﺗﻀﺎﻋﻒ ﺫﻧﻮﺑﻚ ...
ﺟﺎﻭﺑﻨﻲ ﺻﻼﺡ .. ﻳﻤﻌﻮﺩﻩ ﻋﻮﻓﻲ ﻫﺬﺍ ﺍﺑﻠﻴﺲ ﻣﺘﻤﺪﺩ ﺑﺮﺍﺳﻪ ﻭﻳﻨﻄﻲ ﺍﻭﺍﻣﺮ ... ﻻ ﺗﺠﻲ ﻭﻳﺎﻩ ﻧﺼﻴﺤﻪ ﻭﻻ ﻣﻮﻋﻈﺔ ...
ﺍﺑﺘﺴﻤﺖ ﻭﺳﻜﺘﺖ ...
ﺭﻓﻌﺖ ﺭﺍﺳﻲ ﻟﻴﻔﻮﻙ ﺷﻔﺖ ﻧﻮﺍﻝ ﻭﺍﻛﻔﻪ ﻋﻠﺊ ﺍﻟﻤﺤﺠﺮ ﻭﺗﺸﺮ ﺑﻤﻼﺑﺴﻬﺎ
ﺻﻼﺡ ﻛﺎﻝ ... ﺍﻟﻴﻮﻡ ﻛﻠﺖ ﻣﺪﺍﻡ ﺭﻳﻬﺎﻡ ﻟﺤﺪ ﺍﻻﻥ ﻋﺪﻧﺎ ﺧﻠﻲ ﺍﺭﻭﺡ ﺍﻻﺑﻮ ﺍﻟﺴﻤﺞ ﻭﺧﻠﻴﺘﻪ ﻳﺸﻮﻱ ﺍﻟﻨﻪ ﻛﻢ ﺳﻤﺠﻪ ﻣﺴﻜﻮﻭﻓﻪ ﺣﺘﺊ ﻧﻘﺮﺍﻫﺎ ﺑﺜﻮﺍﺏ ﺍﺑﻮﻱ ﻭﻓﻼﺡ ...
ﺭﺿﻴﻪ ﺿﺤﻜﺖ ... ﻫﺎﺍﺍ ﻳﻌﻨﻲ ﺭﺍﺡ ﻧﺎﻛﻞ ﺑﺠﺎﻝ ﺭﻳﻬﺎﻡ
ﺟﻌﻔﺮ ﺑﻐﺮﻭﺭ ... ﺍﻟﻠﻪ ﻋﻠﻴﺞ ﺭﻳﻬﺎﻡ ﺿﻠﻲ ﻳﻤﻨﻪ ﺣﺘﺊ ﺻﻼﺡ ﻳﺪﻟﻠﻨﺎ ...
ﺿﺤﻜﺖ ... ﺷﻜﺮﺍ ﺻﻼﺡ ﺧﺠﻠﺘﻨﻲ ﻭﺍﻟﻠﻪ
ﺭﻓﻊ ﺣﺎﺟﺐ ... ﺍﻓﺎﺍﺍ ﻋﻠﺊ ﺷﻨﻮ ﺧﺠﻠﺘﺞ ﺗﺪﻟﻠﻴﻦ ﻭﺍﻟﻠﻪ ...
ﺍﺑﺘﺴﻤﺖ ﻭﻣﺠﺎﻭﺑﺘﻪ .. ﻧﻜﺜﺖ ﻧﻮﺍﻝ ﺛﻮﺑﻬﺎ ﺑﺤﺪﻩ ﻭﻋﺼﺒﻴﺔ ﻭﺭﺍﺣﺖ ...
ﻣﺎ ﻧﺴﻤﻊ ﺑﺲ ﻋﻴﺎﻁ ﺍﻟﺒﻨﺎﺕ ...
ﺍﻟﻮﻟﺪ ﺧﻄﻴﻪ ﻣﻜﺪﺭﻭﺍ ﻳﺮﺣﻮﻥ ﺍﻟﻬﺎ ﻭﺍﻡ ﻓﻼﺡ ﻭﺭﺿﻴﻪ ﺳﺎﻋﺘﻴﻦ ﻳﺎﻟﻠﻪ ﻳﺼﻌﺪﻥ ﺍﻟﺪﺭﺝ ...
ﺭﻛﻀﻨﻪ ﺍﻧﻲ ﻭ ﻭﻗﺎﺭ ﺻﻌﺪﻧﻪ ﺍﻟﻬﺎ ﻟﻜﻴﻨﺎﻫﺎ ﻻﺯﻣﻪ ﺑﻨﺎﺗﻬﺎ ﺗﻼﺛﺘﻬﻦ ﺑﻐﺮﻓﻪ ﻭﻻﺯﻣﻪ ﺍﻟﺼﻮﻧﺪﻩ ﻭﺗﻀﺮﺏ ﺑﻴﻬﻦ ﺑﻮﺣﺸﻴﻪ ...
ﻭﻫﻨﻪ ﻳﺼﺮﺧﻦ ﻭﻳﺒﺠﻦ ﻭﻫﻲ ﺗﺼﺮﺥ ﻭﺗﻀﺮﺏ ﻋﺒﺎﻟﻚ ﻭﺣﺪﻩ ﺑﻴﻬﺎ ﺣﺎﻟﻪ ﻧﻔﺴﻴﻪ ....
ﺣﺎﻭﻟﺖ ﺍﺧﺬ ﻣﻨﻬﺎ ﺍﻟﺼﻮﻧﺪﻩ ﻣﺎﻛﺪﺭﺕ ﺿﺮﺑﺘﻨﻲ ﺑﻴﺪﻱ ﺧﻠﺘﻨﻲ ﺷﺎﻃﺖ ﺭﻭﺣﻲ ﻟﺰﻣﺖ ﺍﻳﺪﻱ ﺑﻮﺟﻊ ﺍﺣﺲ ﻛﻒ ﺍﻳﺪﻱ ﺻﺎﺭ ﻧﺎﺍﺍﺍﺭ ...
ﺧﻄﻴﻪ ﻭﻗﺎﺭ ﻛﺪﺭﺕ ﺗﺴﺤﺐ ﻣﻨﻬﺎ ﺍﻟﺒﻨﺎﺕ ﻭﻫﻲ ﺷﻤﺮﺓ ﺍﻟﺼﻮﻧﺪﻩ ﻋﻠﺊ ﺍﻻﺭﺽ ...
ﺻﻌﺪﺕ ﻋﻤﺘﻲ ﺭﺿﻴﻪ ﻭﻋﻤﺘﻲ ﺍﻡ ﻓﻼﺡ ﻟﺰﻣﺘﻬﺎ ﺍﻡ ﻓﻼﺡ ﺑﻐﻀﺐ ... ﻟﻴﺶ ﺿﺮﺑﺘﻲ ﺍﻟﺒﻨﺎﺕ ﻟﻴﺶ ﺍﻧﺘﻲ ﻣﺠﺮﻣﻪ ...
ﺍﺷﻮ ﻫﺎﻱ ﺗﺨﺒﻠﺖ ﺑﺎﻟﺰﺍﻳﺪ ﺷﻜﺖ ﺛﻮﺑﻬﺎ ﻭﺗﻠﻄﻢ ﻭﻣﻠﺨﺖ ﺷﻌﺮﻫﺎ ﻭﺗﺼﺮﺥ ...
ﻫﻨﻪ ﺗﺨﺒﻠﻦ ﻭﺻﻌﺪﻭ ﺍﻟﻮﻟﺪ ﻳﺮﻛﻀﻮﻥ ﺩﻛﻮﺍ ﺍﻟﺒﺎﺏ ﺭﺍﺩﻭ ﻳﻌﺮﻓﻮﻥ ﺷﻜﻮﻭ ...
ﻟﺰﻣﺘﻬﺎ ﺭﺿﻴﻪ ﻭﺳﻄﺮﺗﻬﺎ ﺭﺍﺷﺪﻱ ﻋﺎﻃﺖ ﺑﻴﻬﺎ ﺑﻐﻀﺐ .. ﻭﻣﺮﺽ ﻭﺳﻢ ﻭﺯﻫﺮ ﺷﺒﻴﻴﺞ ﺗﺨﺒﻠﺘﻲ
ﺍﺷﺮﺕ ﻋﻠﻴﻪ ﺑﻐﻀﺐ ﻭﻫﻲ ﺗﺼﺮﺥ ... ﻛﻠﻪ ﻣﻦ ﻭﺭﻩ ﻫﺎﺍﻱ ﻫﻲ ﺍﻟﺴﺒﺐ ﺧﻠﺘﻨﻲ ﻣﻮﺗﺖ ﺍﻟﺒﻨﺎﺕ ﻛﺘﻞ ﺫﻧﺒﻬﻦ ﺑﺮﻛﺒﺘﺞ ﺍﻟﻴﻮﻡ ﺍﻟﺪﻳﻴﻦ ...
ﺷﻌﻨﺪﻫﺎ ﻻﻓﻴﻪ ﻋﻠﻴﻨﻪ ﻣﺘﺮﻭﺡ ﺍﻻﻫﻠﻬﺎ ﻟﻮ ﺷﺎﻓﺖ ﺩﺑﮕﻪ ﻫﻨﺎﺍ ﻭﻛﺎﻟﺖ ﺧﻠﻲ ﺍﺣﺼﻠﻲ ﻟﻌﻄﺔ ...
ﻭﻛﻔﺖ ﺑﻐﻀﺐ ... ﺷﺒﻴﺞ ﺷﻨﻮ ﻟﻌﻄﺔ ﺷﻨﻮ ﺍﻧﻲ ﺷﺪﺧﻠﻨﻲ
ﺻﺮﺧﺖ ﺑﻮﺟﻬﻲ ... ﺍﻧﺘﻲ ﺩﻛﻮﻟﻴﻦ ﻟﺒﻨﺎﺗﻲ ﺍﻣﺠﻦ ﻛﺎﻓﺮﻩ ﻭﻛﺢ ... ﻭﺗﺪﺧﻞ ﻟﻨﺎﺭ ﻻﻥ ﻣﺎ ﻣﻠﺘﺰﻣﻪ ﺑﺎﻟﻌﺪﻩ ﻟﻴﺶ ﺗﺨﺒﻠﻴﻦ ﺑﻨﺎﺗﻲ ﻋﻠﻴﻪ ﻋﻮﻭﺩ ﺍﻧﺘﻲ ﻣﺘﺪﻳﻴﻨﻪ ..
ﺍﺷﺮﺕ ﻋﻠﺊ ﻧﻔﺴﻲ ﺑﺨﻮﻭﻑ ﻭﻗﻬﺮ ﻭ ﺗﻔﺎﺟﺊ ... ﺍﻧﻲ ؟
ﺭﺟﻌﺖ ﺗﻌﻴﻂ ... ﺍﻱ ﺍﻧﺘﻲ ﻳﺎﻟﻤﺘﺪﻳﻨﻪ ﻳﺎ ﺍﻡ ﺍﻻﺣﻜﺎﻡ ﺑﻴﺞ ﺧﻴﻴﺮ ﺭﻭﺣﻲ ﺍﻛﻌﺪﻱ ﺑﻴﺖ ﺍﻫﻠﺞ ﻭﻻ ﺗﻔﺘﺮﻳﻦ ﺑﺎﻟﺒﻴﻮﺕ ﻭﺻﻴﺮﻱ ﺷﺮﻳﻔﻪ ﻋﻠﺊ ﻧﻔﺴﺞ ...
ﺣﺴﻴﺖ ﻧﺎﺭ ﺍﺷﺘﻌﻠﺖ ﺑﺼﺪﺭﻱ ﻫﻤﺴﺖ ﺑﻌﺒﺮﺓ ... ﻭﺍﻟﻠﻪ ﺟﺬﺏ ﻣﺴﺘﺤﻴﻴﻞ ﺍﻧﻲ ﺍﺣﺮﺽ ﺑﻨﺎﺗﺞ ﻋﻠﻴﺞ ﻫﻞ ﻛﻼﻡ ﻣﺼﺎﺭ ﺍﺫﺍ ﺗﺮﺩﻳﻦ ﺍﺭﻭﺡ ﺍﺗﻮﺿﺊ،ﻭﺍﺣﻠﻒ ﺍﺑﺪ ﻣﻜﻠﺖ ﻫﻴﺞ ﺷﺊ ...
ﺍﻡ ﻓﻼﺡ ﺑﺎﻭﻋﺘﻠﻬﺎ ﺑﻘﺮﻑ ... ﻃﺎﺡ ﺣﻈﺞ ﺍﻱ ﻭﺍﻟﻠﻪ ﻫﺎﻱ ﻭﺍﻧﺘﻲ ﻣﻜﺴﻮﺭﺓ ﻫﻴﺞ ﺗﺴﻮﻳﻦ ﻣﺎ ﺗﺼﻴﺮ ﺍﻟﺞ ﺟﺎﺭﻩ ...
ﻫﻮ ﺍﻧﺘﻲ ﺩﻭﺍﺝ ﺑﺲ ﻓﻼﺡ ﻭﺭﺍﺡ ﻃﻤﻪ ﺍﻟﺘﺮﺍﺏ ﺟﺎﻥ ﻣﻦ ﺗﻔﻜﻴﻦ ﺣﻠﻜﺞ ﻭﺗﻨﺎﻓﻘﻴﻦ ﻳﻄﻤﻪ ﺍﻟﺞ ﺑﻨﻌﺎﻝ ...
ﺩﻛﺖ ﻋﻠﺊ ﺻﺪﺭﻫﺎ ﺑﻐﻀﺐ ﻭﺻﻴﺎﺡ ... ﺗﻌﻴﺮﻳﻨﻲ ﺗﻌﻴﺮﻳﻨﻲ ﻭﻳﻴﻨﻚ ﻳﺎﻟﺤﻴﺪ ﻭﻳﻴﻨﻚ ﻓﻼﺡ ﺗﻌﺎﻝ ﺷﻮﻑ ﺍﻣﻚ ﺗﻌﻴﺮﻧﻲ ﺑﻴﻚ
ﺭﺩﺕ ﻋﻠﻴﻬﺎ ﺭﺿﻴﻪ ... ﻫﻮ ﺍﻧﺘﻲ ﻟﻮ ﺗﺴﺘﺤﻴﻦ ﺟﺎﻥ ﻛﻠﺘﻲ ﺍﻧﻲ ﺑﻴﺎ ﺿﻴﻢ ﺍﻟﻌﻠﻊ ... ﻭﻣﻨﺎ ﺣﻤﻮﻳﻨﺞ ﻛﺎﻋﺪﻳﻦ ﻭﺻﻮﺗﺞ ﻋﻮﻭﺭﺓ ...
ﺧﻠﺖ ﻭﻧﺰﻟﺖ ﺟﻮﻩ ﻭﺍﻧﻲ ﺍﺑﺠﻲ ﻭﻧﺰﻟﺖ ﻭﻗﺎﺭ ﻭﻳﺎﻳﻪ ﻭﻫﻲ ﺗﺒﻮﺱ ﺑﻴﻪ ﻭﺗﺴﻜﺖ ﺑﻴﻪ ﻛﺎﻟﺖ ... ﻳﻤﻌﻮﺩﻩ ﻣﺘﻌﺮﻓﻴﻬﺎ ﻟﻨﻮﺍﻝ ﻓﺪ ﻭﺣﺪﻩ ﺧﺒﻠﻪ ﻭﻟﺴﺎﻧﻬﺎ ﻋﺎﻡ ﻋﻠﻴﻬﺎ ...
ﺷﻔﺖ ﺟﻌﻔﺮ ﻭﺍﻛﻒ ﺑﺎﻟﺤﻮﻭﺵ ﻫﻮ ﻭﺻﻼﺡ ﻭﻻﺯﻣﻴﻦ ﺑﻨﺎﺕ ﻓﻼﺡ ﻭﻫﻨﻪ ﻳﺒﺠﻦ ...
ﻧﺰﻟﺖ ﺭﺿﻴﻪ ﻭﺍﻡ ﻓﻼﺡ ﻭﻫﻨﻪ ﻳﺤﺠﻦ ﻋﻠﻴﻬﺎ ...
ﺍﻡ ﻓﻼﺡ ﻛﺎﻟﺖ ... ﻭﺍﻟﻠﻪ ﺍﻟﻪ ﺍﻛﻮﻝ ﺍﻟﺠﺎﺳﺮ ﻋﻨﻬﺎ ﺍﺧﻠﻲ ﻳﺸﻮﻓﻠﻲ ﺻﺮﻓﻪ ﻭﻳﺎﻫﺎ ﻫﻞ ﺧﺒﻠﻪ ﻫﺎﺍﺍﻱ ﻣﻮﺗﺖ ﺍﻟﺒﻨﺎﺕ ﻛﺘﻞ ﺍﻋﺮﻓﻬﺎ ﺑﺎﻟﻌﻨﺎﺩ ﻫﻴﺞ ﺗﺴﻮﻱ
ﺟﻌﻔﺮ ... ﻳﻤﻪ ﺍﻧﻲ ﺍﻛﻠﺞ ﻫﺎﻱ ﺗﺨﺒﻠﺖ ﻣﺎ ﺗﻜﺪﺭ ﺗﻀﻞ ﺑﺪﻭﻥ ﺭﺟﻞ ...
ﺭﺿﻴﻪ ﻋﺎﻃﺖ ﺑﻲ ... ﺍﻧﺠﺒﺒﺐ ﻭﺍﺳﻜﺖ ﻭﻟﻚ ﻳﺎ ﺭﺟﻞ ﻭﻫﻲ ﺣﺘﺊ ﻋﺪﻩ ﻣﺎ ﺧﻠﺼﺖ
ﺟﻌﻔﺮ ﺑﺴﺨﺮﻳﻪ .. ﺗﻌﻠﻤﻴﻨﻲ ﺑﻨﻮﻳﻠﻪ ﺍﺫﺍ ﻛﻠﺘﻮﻟﻲ ﺗﻌﺎﻝ ﺍﺗﺰﻭﺟﻬﺎ ﺍﻧﻬﺰﻡ ﺑﺎﻟﻴﻠﺔ ﻇﻠﻤﺔ ﻭﻣﺤﺪ ﻳﻠﻜﺎﻧﻲ ...
ﺑﺎﻭﻋﻠﻲ ﺻﻼﺡ ﺑﺨﻮﻑ ... ﺷﺒﻴﺞ ... ﺷﺒﻴﻬﺎ ﺭﻳﻬﺎﻡ ﺗﺒﺠﻲ
ﺑﻠﻌﺖ ﺭﻳﻜﻲ ﺑﻐﺼﻪ ... ﻋﻔﻴﻪ ﺍﺭﻳﺪ ﺍﺭﻭﺡ ﺍﻻﻫﻠﻲ
ﻟﺰﻣﺘﻨﻲ ﺭﺿﻴﻪ ﺑﻘﻬﺮ ... ﺷﺒﻴﺞ ﻳﻤﻪ ﺭﻫﻮﻣﻪ ﺧﻠﻲ ﺗﻮﻟﻲ ﺗﺮﻭﺣﻠﺞ ﻓﺪﻭﻩ ﻫﺴﻪ ﺍﺭﻭﺡ ﺍﻃﻴﺢ ﺣﻈﻬﺎ ﻭﺍﺧﻠﻴﻬﺎ ﺗﻌﺘﺬﺭ ﻣﻨﺞ ...
ﺻﻼﺡ ﺑﺎﺳﺘﻐﺮﺍﺏ ... ﺷﺒﻴﻬﺎ ﻭﻳﺎﻫﺎ ﻧﻮﺍﻝ؟
ﺍﻧﻲ ﻋﻔﺘﻬﻢ ﻭﺭﺣﺖ ﺍﺑﺠﻲ ﻣﻦ ﺍﻟﻔﺸﻠﻪ ...
ﻭﻗﺎﺭ ﻛﻠﺘﻠﻪ ... ﻫﺎﻱ ﻧﻮﺍﻝ ﻃﺮﺩﺗﻬﺎ
ﺳﻤﻌﺖ ﺻﻼﺡ ﻳﺼﻴﺢ ﺑﻌﺼﺒﻴﺔ ... ﺷﻨﻮﻭ ﺑﻜﻴﻔﻬﺎ ﺗﻄﺮﺩﻫﺎ ﺷﻨﻮ ﺑﻴﺘﻬﺎ ﺧﻠﻲ ﺗﺤﺘﺮﻡ ﻧﻔﺴﻬﺎ ﺍﺣﻨﻪ ﻧﻜﻮﻝ ﻣﻜﺴﻮﺭﺓ ﻭﺣﺰﻳﻨﻪ ﻭﻣﺎ ﻧﺤﺠﻲ ﻭﻳﺎﻫﺎ ...
ﺑﺲ ﻣﻮ ﻣﻌﻨﺎﻫﺎ ﺗﺘﺠﺎﻭﺯ ﻭﺗﻜﺘﻞ ﺍﻟﺒﻨﺎﺕ ﻇﻠﻢ ﻭﺗﺘﻬﻢ ﺭﻳﻬﺎﻡ ﻭﺗﻄﺮﺩ ﺑﻜﻴﻔﻬﺎ ...
ﺧﻠﻲ ﻳﻮﺻﻠﻬﺎ ﻫﺬﺍ ﺍﻟﻜﻼﻡ ﻋﻴﺐ ﻋﻠﻴﻬﺎ ﻫﻲ ﺣﺮﻣﺔ ﺍﺧﻮﻧﻪ ﻣﺎ ﻧﺮﻳﺪ ﻧﺘﺠﺎﻭﺯ ﻋﻠﻴﻬﺎ ...
ﻃﻠﻌﺖ ﺍﻧﻲ ﻻﺑﺴﻪ ﺣﺠﺎﺑﻲ ﻛﺎﻣﻞ ﻭﺟﻨﻄﺘﻲ ﺑﻴﺪﻱ ﺩﺍ ﺍﺭﻭﺡ ﺍﻻﻫﻠﻲ ...
ﻫﻲ ﻣﺪﺕ ﺭﺍﺳﻬﺎ ﻣﻦ ﻓﻮﻙ ﻣﺒﻮﺷﻪ ﻭﻻﺑﺴﻬﺎ ﺣﺠﺎﺏ ﻛﺎﻟﺖ ... ﺻﻼﺡ ﻭﺍﻟﻠﻪ ﻣﻮ ﻗﺼﺪﻱ ﺑﺲ ﺿﺠﺖ ﻭﺍﻧﺖ ﻛﻼﻣﻚ ﻋﻠﺊ ﻋﻴﻨﻲ ﻭﺭﺍﺳﻲ ﻭﺗﻤﻮﻥ ﻟﻮ ﺗﻜﻀﻨﻲ ﻭﺗﺠﻨﺰﻧﻲ ﺑﺼﻮﻧﺪﻩ ﻣﺎ ﺍﻟﻮﻣﻚ ﺑﺲ ﺍﻋﺬﺭﻭﻧﻲ ﺍﻧﻲ ﻣﻘﻬﻮﺭﻩ ﻋﻠﺊ ﻓﻼﺡ ﻭﻣﺎ ﻛﺪﺭﺕ ﺍﺳﻴﻄﺮ ﻋﻠﺊ ﻧﻔﺴﻲ
ﻳﻌﻨﻲ ﺗﻘﺒﻞ ﺑﻨﺎﺗﻲ ﻳﻐﻠﻄﻦ ﻋﻠﻴﻪ ﻭﻳﻜﻮﻟﻦ ﻛﺎﻓﺮﻩ
ﺭﺩ ﻋﻠﻴﻬﺎ ﺑﻐﻀﺐ ﻭﻫﻮ ﻋﻴﻮﻧﻪ ﺑﺎﻻﺭﺽ ﺑﺪﻭﻥ ﻣﺎ ﻳﺒﺎﻭﻉ ﺍﻟﻬﺎ ... ﻫﻨﻪ ﺍﻃﻔﺎﻝ ﺷﻔﻬﻤﻬﻦ ﻫﺎﻱ ﺑﺪﻝ ﻣﺎ ﺗﺨﺎﻓﻴﻦ ﺍﻟﻠﻪ ﺑﻴﻬﻦ ﻭﺩﻛﻮﻟﻴﻦ ﺫﻥ ﻣﻦ ﺭﻳﺤﺔ ﻓﻼﺡ ﺧﻠﻲ ﺍﺩﺍﺭﻳﻬﻦ ﺍﻧﻮﺏ ﺗﻠﺰﻣﻴﻬﺖ ﺑﺼﻮﻧﺪﻩ ﺗﻤﻮﺗﻴﻬﻦ ...
ﻣﻨﻮ ﻳﺘﺤﻤﻞ ﺍﻟﺼﻮﻧﺪﻩ ﻫﺴﻪ ﺍﻧﺘﻲ ﺑﻬﺬﺍ ﻛﺒﺮﺝ ﺗﺘﺤﻤﻠﻴﻦ ﻭﺍﺣﺪ ﻳﻀﺮﺑﺞ .. ﺷﺤﺎﻝ ﻫﺬﻥ ﺍﻟﻴﺘﻴﻤﺎﺕ ﻻ ﺣﻮﻝ ﻭﻻ ﻗﻮﺓ ﻭﺿﻌﻴﻔﺎﺕ ﺷﻠﻮﻥ ﺍﻟﺞ ﺍﻳﺪ ﺗﻀﺮﺑﻬﻦ ﺷﻨﻮ ﺷﺎﻳﻠﻪ ﻣﻦ ﻛﻠﺐ ﺍﻧﺘﻲ ...
ﺗﺘﺤﻤﻠﻴﻦ ﻫﻞ ﺿﺮﺏ ﻭﻫﻞ ﺻﻮﻧﺪﻩ ﺳﺆﺍﻝ ﻭﺍﺣﺪ ﺟﺎﻭﺑﻲ ﻋﻠﻴﻪ ...
ﺭﺩ ﻋﻠﻴﻪ ﺟﻌﻔﺮ ﺑﻬﻤﺲ ... ﺍﻱ ﺗﺘﺤﻤﻞ ﻣﻮ ﻫﻲ ﻣﻄﻲ ... ﻭﺍﻟﻠﻪ ﻣﺎ ﻳﻨﻼﻡ ﺑﻴﻬﺎ ﻓﻼﺡ ﻣﻦ ﺟﺎﻥ ﻳﻜﺘﻠﻬﺎ
ﺭﺩﺕ ﻋﻠﻴﻪ ﺑﺼﻮﺕ ﺣﺰﻳﻦ ... ﻛﻠﺖ ﺍﻋﺬﺭﻭﻧﻲ ﺷﻨﻮ ﻻ ﺗﻄﻠﻌﻮﻧﻲ ﺍﻛﺮﻫﻦ ﻫﻨﻪ ﺑﻨﺎﺗﻲ ﻃﺎﻟﻌﺎﺕ ﻣﻦ ﻛﻠﺒﻲ ﺑﺲ ﺳﺎﻋﺔ ﻋﺼﺒﻴﺔ ...
ﺭﺟﻊ ﻛﻤﻞ ﻛﻼﻣﻪ ﺑﺤﺪﻩ ... ﻭﻣﺮﻩ ﺛﺎﻧﻴﺔ ﻻ ﻣﻦ ﻛﻴﻔﺞ ﺗﻄﺮﺩﻳﻦ ﻭﺗﺘﺠﺎﻭﺯﻳﻦ ﺍﻧﺘﻲ ﻫﻨﺎ ﺣﺎﻟﺞ ﻣﻦ ﺣﺎﻟﻨﻪ ﺍﺣﺘﺮﻣﻴﻨﺎ ﺣﺘﺊ ﻧﺤﺘﺮﻣﺞ ﻻ ﺗﺨﻠﻴﻨﺎ ﻧﻜﺮﻫﺞ ...
ﺭﺩﺕ ﻋﻠﻴﻪ ... ﻻ ﻓﺪﻭﻩ ﻭﺍﻟﻠﻪ ﺍﻧﻲ ﺍﺣﺒﻜﻢ ﻭﺍﻥ ﺷﺎﺀ ﺍﻟﻠﻪ ﻣﺎ ﺗﺸﻮﻓﻮﻥ ﻣﻨﻲ ﺑﺲ ﻛﻞ ﺍﻟﺨﻴﺮ ...
ﻏﻤﺾ ﻋﻴﻮﻧﻪ ﺑﺎﺳﺊ ... ﺭﻭﺣﻲ ﺍﻟﻐﺮﻓﺘﺞ ﺧﻮﻭﻳﻪ ﺭﻭﺣﻲ ﻭﺍﻟﺘﺮﺩﻳﻨﻪ ﻳﺠﻴﺞ ﺣﺎﻇﺮ ﺍﻟﺒﺎﺏ ﺍﻟﻐﺮﻓﻪ ...
ﺟﺎﻭﺑﺘﻪ ﺑﺘﻨﻬﻴﺪﻩ ... ﻣﺸﻜﻮﺭ ﺻﻼﺡ ﻭﺍﻟﻠﻪ ﺩﺍﺋﻤﺎ ﺍﻛﻮﻝ ﺍﻧﺖ ﻭﺟﺎﺳﺮ ﺍﻟﻮﺣﻴﺪﻳﻦ ﺍﻟﻲ ﺗﻮﻛﻔﻮﻟﻲ ﺑﻤﺤﻨﺘﻲ ...
ﺳﻜﺖ ﻣﺠﺎﻭﺑﻬﺎ ﻭﻫﻲ ﺧﻠﺖ ﻭﺭﺍﺣﺖ ﺍﻟﻐﺮﻓﺘﻬﺎ ...
ﺑﺎﻭﻋﻠﻲ ﻭﻋﻘﺪ ﺣﻮﺍﺟﺒﻪ ﻛﺎﻝ .. ﺷﻨﻮﻭ ﺍﺷﻮﻭ ﻻﺑﺴﻪ ﻻ ﺩﻛﻮﻟﻴﻦ ﺍﺳﺘﺤﺮﻡ ... ﺣﺘﺊ ﻭﺍﻟﻠﻪ ﺍﺫﺍ ﻛﻠﺘﻲ ﺍﺳﺘﺤﺮﻡ ﻫﺴﻪ ﺍﺳﻜﻄﺞ ﺗﺴﻜﻂ ﺑﺼﻮﻧﺪﺓ ﻧﻮﺍﻝ .. ﺣﺠﺎﻫﺎ ﻭﻫﻮ ﻳﺒﺘﺴﻢ ...
ﻣﺴﺤﺖ ﺩﻣﻮﻋﻲ ﺑﺴﺮﻋﻪ ﻫﻤﺴﺖ ... ﻻ ﺍﺭﻳﺪ ﺍﺭﻭﺡ ﺍﻻﻫﻠﻲ ..
ﺟﺮ ﻧﻔﺲ ﻭﺗﻜﻠﻢ ﺑﺤﺪﻳﺔ ... ﺭﻳﻬﺎﻡ ﺍﻧﺘﻲ ﻋﺎﻗﻠﻪ ﻭﺣﺒﺎﺑﻪ ﻻ ﺗﺴﻮﻳﻦ ﻫﻴﺞ ﻫﻲ ﻧﻮﺍﻝ ﻫﺎﻱ ﻋﻘﻠﻴﺘﻬﺎ ﺷﻮﻳﻪ ﻭﻫﻲ ﺗﺠﻲ ﺗﻌﺘﺬﺭ ﻣﻨﺞ ...
ﻫﺰﻳﺖ ﺭﺍﺳﻲ ﺑﻨﻔﻲ .... ﻻ ﺍﻧﻲ ﻣﺎ ﺍﺭﻳﺪ ﺍﻱ ﻭﺍﺣﺪ ﻳﻌﺘﺬﺭ ﻣﻨﻲ ﺑﺲ ﻭﺍﻟﻠﻪ ﺍﻧﻲ ﺍﺭﻳﺪ ﺍﺭﻭﺡ ﺍﻻﻫﻠﻲ ﻫﻤﺎﺗﻴﻦ ﻛﻼﻡ ﻧﻮﺍﻝ ﺻﺢ .. ﻭﺧﻄﻴﻪ ﺍﻣﻲ ﺍﻟﻮﺣﺪﻫﺎ ...
ﻣﺴﺢ ﻭﺟﻬﻪ ﺑﺘﻮﺗﺮ ﻛﺎﻝ ... ﺿﻠﻲ ﺑﺲ ﺍﻟﻴﻮﻡ ﻭﺑﺎﺟﺮ ﻭﻋﺪ ﺍﻧﻲ ﺍﺧﺬﺝ ﺑﻴﺪﻱ ﺍﻟﺒﻴﺘﻜﻢ ﺑﺲ ﺍﻟﻴﻮﻡ ﺍﻧﻲ ﻋﺎﺯﻣﺞ ﻭ ﻋﻴﺐ ﺗﺮﺩﻳﻨﻲ ﻭﺗﻜﺴﺮﻳﻦ ﻛﻠﻤﺘﻲ ...
ﺗﻘﺮﺑﺖ ﻣﻨﻲ ﺭﺿﻴﻪ ﻭﻫﻲ ﺗﺤﻀﻨﻲ ... ﺍﻱ ﻭﺍﻟﻠﻪ ﻋﻴﺐ ﺗﻜﺴﺮﻳﻦ ﻛﻠﻤﺔ ﺍﺑﻦ ﻋﻤﺞ ﻭﺷﻴﻜﻮﻝ ﻋﻠﻴﻨﻪ ﺷﻴﺦ ﻋﻜﺎﺏ ﺭﺩﻳﻨﻪ ﺑﻨﺘﻪ ﺯﻋﻼﻧﻪ ﻭﺑﺪﻭﻥ ﻏﺪﺍ
ﺍﺑﺘﺴﻢ ﻛﺎﻝ ... ﻻ ﻫﻲ ﺣﺒﺎﺑﻪ ﺍﻛﻴﺪ ﺗﻀﻞ ﺍﻟﻴﻮﻡ ...
ﺟﺮﻳﺖ ﻧﻔﺲ ﻭﻣﺴﺤﺖ ﺩﻣﻌﺘﻲ ﻭﺍﺑﺘﺴﻤﺖ ... ﺑﺲ ﺑﺎﺟﺮ ﺗﺎﺧﺬﻧﻲ ﺍﻻﻫﻠﻲ ﻭﻋﺪ؟
ﺩﻙ ﻋﻠﺊ ﺻﺪﺭﻩ ﺑﺤﺰﻡ ... ﻭﻋﺪ
ﺩﺍﺭ ﻭﺟﻬﻪ ﺍﻟﺠﻌﻔﺮ ﻛﺎﻝ ... ﻳﺎﻟﻠﻪ ﺟﻌﻔﺮ ﺭﻭﺡ ﺟﻴﺐ ﺍﻟﺴﻤﺞ ﻭﺗﻌﺎﻝ ..
ﺟﻌﻔﺮ ﺍﺧﺬ ﻣﻨﻪ ﻓﻠﻮﺱ ﻭﺭﺍﺡ ﺍﺧﺬ ﻭﺣﺪﻩ ﻣﻦ ﺑﻨﺎﺕ ..
ﺷﻮﻳﻪ ﻭﺍﺣﻨﻪ ﺣﻀﺮﻧﻪ ﺍﻟﻐﺪﺍ ﻭﺟﻌﻔﺮ ﺟﺎﺏ ﺍﻟﺴﻤﺞ ...
ﺻﺒﻴﻨﻪ ﻛﻠﻨﻪ ﻛﻌﺪﻧﻪ ﺍﻛﻠﻨﻪ ... ﺻﻌﺪﺕ ﺭﺿﻴﻪ ﺻﻴﻨﻴﻪ ﺍﻟﻨﻮﺍﻝ ﻻﻥ ﻣﺎ ﺗﻨﺰﻝ ﻫﻲ ﻻﻥ ﻻﺯﻣﻪ ﻋﺪﻩ ...
ﺟﺎﺳﺮ ﻣﻤﻮﺟﻮﺩ ﻣﻦ ﺍﻟﺒﺎﺭﺣﻪ ﻭﺍﺗﺼﻠﺖ ﺑﻲ ﺍﻣﻪ ﻛﻠﻬﺎ ... ﺍﻧﻲ ﻳﻢ ﺍﺑﻮﻱ ﻭﻏﺰﻝ ﻭﻓﻼﺡ
ﻫﻲ ﺧﻄﻴﻪ ﺿﻠﺖ ﺗﺒﺠﻲ ﻭﺗﻨﻮﺡ ﻋﻠﻴﻬﻢ ... ﻭﻫﺬﺍ ﺣﺎﻟﻬﻢ ﻛﻞ ﻳﻮﻡ ﻳﺎﺧﺬﻭﻥ ﻣﺸﻮﺍﺭ ﻣﻦ ﺍﻟﻨﻮﺡ ﻭﺍﻟﺒﻜﺎﺀ ﻋﻠﺊ ﺍﺣﺒﺎﺑﻬﻢ ...
...........................
ﺟﻮﻟﻴﻴﺖ ...
ﻣﺮ ﺗﻘﺮﻳﺒﺎ ﺍﺳﺒﻮﻭﻉ ...
ﺭﺳﻠﺖ ﺭﺳﺎﻟﻪ ﻟﺠﺎﺑﺮ ﺷﻮﻳﻪ ﻭﺍﺗﺼﻞ ﻋﻠﻴﻪ ...
ﻛﺘﻠﻪ .. ﺟﺎﺑﺮ ﻣﺤﺘﺎﺟﺘﻚ ﺑﻤﻮﺿﻮﻉ ﻇﺮﻭﺭﻱ ..
ﺧﻄﻴﻪ ﻛﺎﻝ ... ﺍﻱ ﺍﺩﻟﻠﻲ ﺍﺣﺠﻲ ﺷﻨﻮ ﻣﺤﺘﺎﺟﻪ
ﺟﺮﻳﺖ ﻧﻔﺲ .. ﺧﺎﻟﺘﻲ ﺻﺒﺮﻳﺔ ﺗﺮﻳﺪ ﺗﺤﺠﻲ ﻭﻳﺎﻙ ..
ﺭﺩ ﺑﻬﺪﻭﺀ ... ﺍﻫﺎﺍﺍ ﻳﻌﻨﻲ ﺍﺟﻴﻜﻢ ﻟﻮ ﺗﺘﺼﻞ ﺑﻴﻪ
ﺗﻨﻬﺪﺕ ﺑﻀﻴﻖ ... ﻟﻮ ﺗﺠﻲ ﺍﺣﺴﻦ ﺑﺲ ﺩﻳﺮ ﺑﺎﻟﻚ ﺍﺧﺎﻑ ﺍﺣﺪ ﻣﺮﺍﻗﺒﻚ
ﺿﺤﻚ ﻛﺎﻝ ... ﻻ ﻣﺤﺪ ﻣﺮﺍﻗﺒﻨﻲ ﻭﺑﻌﺪﻳﻦ ﺍﻧﻲ ﺍﺑﻦ ﻋﻤﻬﻢ ﺷﻜﻮﻭ ﻳﺮﺍﻗﺒﻮﻧﻲ ...
ﺑﻠﻌﺖ ﺭﻳﻜﻲ ... ﻣﺪﺭﻱ ﺍﺣﺴﺎﺳﻲ ﻳﻜﻮﻟﻲ ﺍﻛﻮ ﺍﺣﺪ ﻣﺮﺍﻗﺒﻚ
ﺿﺤﻚ ... ﺍﻥ ﺷﺎﺀ ﺍﻟﻠﻪ ﺍﺣﺴﺎﺳﺞ ﻏﻠﻂ ..
ﻫﻤﺴﺖ ... ﺍﻥ ﺷﺎﺀ ﺍﻟﻠﻪ
ﻗﻔﻠﺖ ﺍﻟﺨﻂ ﻭﺗﻨﻬﺪﺕ ﺑﻌﺪ ﻣﺎ ﻛﺎﻝ ﺍﻥ ﺷﺎﺀ ﺍﻟﻠﻪ ﻫﻞ ﺍﻳﺎﻡ ﻳﺠﻲ ﻭﺍﻟﻠﻪ ﻛﺮﻳﻢ
ﺩﺍﻭﻭﺩ ﺳﻤﻌﺖ ﺍﺑﻮ ﻃﺎﺭﺩﻩ ﻭﺭﺍﻳﺢ ﺍﻟﺨﻮﺍﻟﻪ ﺑﺒﻐﺪﺍﺩ
ﺑﺲ ﺍﻧﻲ ﻟﺤﺪ ﺍﻻﻥ ﺧﺎﻳﻔﻪ ﻭﻣﺮﻋﻮﻭﺑﻪ ﺩﺍ ﺍﺭﻳﺪ ﺍﺭﻭﺡ ﻟﻠﺪﻛﺘﻮﺭﺓ ﻻﻥ ﺍﺣﺲ ﺑﺎﻭﺟﺎﻉ ﻗﻮﻭﻳﻪ ﺍﺳﻔﻞ ﺑﻄﻨﻲ ﻭﺿﻬﺮﻱ ...
ﺑﺲ ﻣﺪﺭﻱ ﺷﺒﻴﺔ ﻣﺴﺘﺤﻴﻪ ﺍﻃﻠﺐ ﻣﻦ ﺧﺎﻟﻪ ﺻﺒﺮﻳﺔ ﺭﻏﻢ ﻫﻲ ﻣﺘﻘﺼﺮ ﺗﺎﺧﺬﻧﻲ ﺑﺲ ﺍﺿﻞ ﺍﺧﺠﻞ ﺍﻃﻠﺐ ﻣﻨﻬﺎ ...
ﺻﺎﺭ ﻣﻦ ﺗﺤﺮﺵ ﺑﻴﻪ ﺩﺍﻭﻭﺩ ﻟﺤﺪ ﺍﻻﻥ ﻭﺍﻧﻲ ﺍﻟﺨﻮﻑ ﻋﺎﻣﻴﻨﻲ ﺣﺘﺊ ﻟﻠﺒﺴﺘﺎﻥ ﻣﺎ ﺍﻃﻠﻊ ﻭﺍﻗﻔﻞ ﺍﻻﺑﻮﺍﺏ ﻛﻠﻬﺎ ﻣﻦ ﺗﻄﻠﻊ ﺻﺒﺮﻳﻪ ...
ﻭﺍﻗﻞ ﺣﺮﻛﻪ ﺍﻛﻤﺰ ﻭﺍﺿﻞ ﺍﺗﻠﻔﺖ ...
ﺍﺟﺖ ﺻﺒﺮﻳﺔ ﺗﻬﻒ ﺑﻌﺒﺎﻳﺘﻬﺎ ﺷﻤﺮﺗﻪ ﻋﻠﺊ ﺍﻟﺴﺮﻳﺮ ﻛﺎﻟﺖ ... ﻫﺬﺍ ﺍﻟﺴﺎﻗﻂ ﺩﺍﻭﻭﺩ ﺭﺟﻊ ﺍﻧﻮﺏ ﻳﺘﻬﺪﺩ ﻋﻠﻴﻪ ﺍﻟﻜﻮ ...
ﺟﺮﻳﺖ ﻧﻔﺲ ... ﺧﺎﻟﻪ ﺍﻧﻲ ﻻﺯﻡ ﺍﺭﻭﺡ ﻣﻨﺎ ﻻﻥ ﺩﺍ ﺍﺳﺒﺐ ﺍﻟﺞ ﻣﺸﺎﻛﻞ ...
ﻋﺎﻃﺖ ﺑﻴﻪ ﺑﺼﻮﺕ ﻋﺎﻟﻲ ... ﺍﻧﺠﺒﻲ ﻭﻟﺞ ﺍﻧﻲ ﺣﺒﻴﺘﺞ ﻭﺍﻧﺘﻲ ﻭﻧﺴﺘﻲ ﻭﺍﻟﻠﻪ ﻣﺎ ﺿﺎﻳﺠﻪ ﻣﻨﺞ ﺑﺎﻟﻌﻜﺲ ﻧﺴﻴﺘﻴﻨﻲ ﻫﻤﻮﻣﻲ ﺑﺲ ﻫﺬﺍ ﺍﻟﻨﻌﺎﻝ ﺭﺟﻊ ... ﺑﺲ ﻻ ﺗﺨﺎﻓﻴﻦ ﻋﻨﺪﻱ،ﻣﺴﺪﺱ ﻣﺮﻩ ﺛﺎﻧﻴﻪ ﺍﻛﺴﺮ ﺭﺟﻠﻪ ﻭﺍﺧﻠﻲ ﻳﺰﺣﻒ ﻋﻠﺊ ﺭﻛﺒﻪ ...
ﺍﻧﻮﺏ ﺧﻮﻓﺘﻨﻲ ﺑﺎﻟﺰﺍﻳﺪ ﻫﻲ ﺍﺑﺪ ﻣﺘﺨﺎﻑ ﻭﺍﻟﻲ ﺑﺮﺍﺳﻬﺎ ﺗﺴﻮﻱ ...
ﺭﺍﺣﺖ ﻟﻠﻜﻨﺘﻮﺭ ﻃﻠﻌﺖ ﻣﺴﺪﺳﻪ ﻭﺍﻧﻲ ﻟﺰﻛﺖ ﺑﺎﻟﺤﺎﻳﻂ ﻣﻦ ﺍﻟﺨﻮﻭﻭﻑ ﺗﺬﻛﺮﺕ ﺍﺧﻮﻭﻳﻪ ﻣﻦ ﻛﺘﻞ ﺍﺧﻮﻭ ﺟﺎﺳﺮ ﻭﺑﻨﺘﻪ ﻭﺍﺑﻮﻫﺎ ...
ﺻﺮﺧﺖ ﺑﺮﻋﺐ ﻭﺍﻧﻲ ﺍﺑﺠﻲ ﻭﺣﻀﻨﺖ ﻧﻔﺴﻲ ﻫﻲ ﺿﻤﺖ ﺳﻼﺣﻬﺎ ﻭﺍﺟﺖ ﺣﻀﻨﺘﻨﻲ ﻛﺎﻟﺖ ﺑﻀﺤﻜﻪ ... ﻻ ﺗﺨﺎﻓﻴﻦ ﺷﺒﻴﺞ ﺍﺧﻮﻓﻪ ﺑﺲ ﻣﺎ ﺍﻛﺘﻠﻪ ...
ﻫﻤﺴﺖ ﺑﻨﺤﻴﺐ ... ﺧﺎﻟﻪ ﻓﺪﻭﺓ ﺍﻟﺴﻼﺡ ﺧﻄﺮ ... ﻫﺬﺍ ﺍﻟﺴﻼﺡ ﻫﻮ ﺍﻟﻲ ﺩﻣﺮ ﺣﻴﺎﺗﻲ ﻭﺧﻼﻧﻲ ﻣﺜﻞ ﺍﻻﺳﻴﺮﺓ ﻛﻞ ﺷﻮﻳﻪ ﺑﻤﻜﺎﻥ ...
ﺑﺴﺒﺐ ﻫﻞ ﺳﻼﺡ ﻭﺍﻟﺸﻴﻄﺎﻥ ... ﺍﺧﻮ ﺑﺮﮔﺒﺘﻪ ﺩﻡ ﺗﻠﺚ ﺍﺷﺨﺎﺹ ﺭﺍﺣﻮ ﺑﺴﺎﻋﻪ ﻭﺣﺪﻩ ...
ﺟﺮﺕ ﻧﻔﺲ ﻭﺑﺎﺳﺘﻨﻲ ﺑﺮﺍﺳﻲ ... ﻻ ﺗﺨﺎﻓﻴﻦ ﺟﻜﻠﻴﺘﻪ ﻫﺬﺍ ﺍﻟﺴﻼﺡ ﺟﻨﺖ ﻧﺎﻭﻳﺔ ﺍﻛﺘﻞ ﺑﻲ ﺣﺴﻨﻪ ﻭﺍﻃﻤﻬﺎ ﺑﺲ ﻣﺎ ﺻﺎﺭ ﻣﺠﺎﻝ ...
ﻭﻫﺴﻪ ﺑﻌﺪ ﻛﺮﻫﺘﻬﻢ ﻭﻣﺎ ﺍﺭﻳﺪ ﺍﺣﻄﻬﻢ ﺑﺮﮔﺒﺘﻲ .. ﻭﺍﺧﺬ ﺍﺛﻢ ﻣﻦ ﻭﺭﺍﻫﻢ ..
ﺍﻥ ﺷﺎﺀ ﺍﻟﻠﻪ ﺯﻭﺟﺞ ﻫﻢ ﻣﺜﻠﻲ ﻣﻦ ﻳﺮﺟﻊ ﺍﻟﻌﻘﻠﻪ ﻳﺒﻄﻞ ﺍﻧﺘﻘﺎﻡ ...
ﻫﺰﻳﺖ ﺭﺍﺳﻲ ﺑﻨﻔﻲ ... ﻻ ﺧﺎﻟﻪ ﻻﺍﺍﺍ ﺟﺎﺳﺮ ﺍﻫﻠﻪ ﻣﺎﺗﻮﻭ ﻣﺴﺘﺤﻴﻞ ﻳﺒﻄﻞ ﺍﻧﺘﻘﺎﻡ ﻣﺴﺘﺤﻴﻴﻞ ...
ﺭﺩﺕ ﺑﻌﺼﺒﻴﺔ ... ﺧﻴﺒﻪ ﻫﻮ ﻫﺬﺍ ﺭﺟﻠﺞ ﻣﻄﻲ ﺍﻧﻪ ﻛﻞ ﻫﻞ ﺟﻤﺎﻝ ﺍﻟﻲ ﺩﺍﻭﻭﺩ ﺻﺎﺭ ﻣﺜﻞ ﺍﻟﺰﻣﺎﻝ ﻋﻠﻴﻪ ﻭﺍﻋﻮﻓﻨﺞ ﻭﺍﺭﻭﻋﺞ ... ﻭﺍﻟﻠﻪ ﺍﻧﺖ ﺑﺲ ﺷﻮﻓﺘﺞ ﺗﻨﺴﻲ ﺍﺑﻮ ﺍﻻﻧﺘﻘﺎﻡ ..
ﺍﺑﺘﺴﻤﺖ ﻋﻠﺊ ﻛﻼﻣﻬﺎ ﻭﺣﻀﻨﺘﻬﺎ ﺍﻛﺜﺮ ...
..........................
ﺟﺎﺑﺮ ...
ﺭﺣﺖ ﺍﻟﺒﻴﺖ ﻋﻤﻲ ﺍﺷﻮﻓﻬﻢ ...
ﻟﻜﻴﺖ ﺟﺎﺳﺮ ﻫﺴﻪ ﺩﺍﺧﻞ ﻟﻠﺒﻴﺖ ...
ﻛﻌﺪﺕ ﻭﻳﻪ ﺻﻼﺡ ﻭﺟﻌﻔﺮ ﺿﻠﻴﻨﻪ ﻧﺴﻮﻟﻒ ...
ﺷﻮﻳﻪ ﻭﺍﺟﻪ ﺟﺎﺳﺮ ﺳﻠﻢ ﻋﻠﻴﻪ ﻭﻛﻌﺪ ﻳﺪﺧﻦ ﻭﻳﺮﺟﻊ ﻳﺪﺧﻦ ...
ﺟﺮﻳﺖ ﻧﻔﺲ ... ﺍﺑﻮ ﻏﺰﻝ ﻫﻮﻭﻭﺍﻱ ﺗﺪﺧﻦ ﺗﺮﺉ ﻣﻮ ﺯﻳﻴﻦ ﺗﻠﻜﻪ ﺍﻟﺮﺋﻪ ﻛﻠﻬﺎ ﺩﺧﺎﻥ . ﻫﺴﻪ ...
ﺑﺎﻭﻋﻠﻲ ﻭﺍﺑﺘﺴﻢ ﺍﺑﺘﺴﺎﻣﻪ ﺟﺎﻧﺒﻴﻪ ﻭﻧﻔﺦ ﺍﻟﺪﺧﺎﻥ ﺑﻬﺪﻭﺀ .... ﻟﻴﺶ ﺍﻫﻤﻚ ؟
ﺑﻠﻌﺖ ﺭﻳﻜﻲ ﻭﻋﻘﺪﺕ ﺣﻮﺍﺟﺒﻲ ... ﺷﻠﻮﻥ ﻣﺎ ﺗﻬﻤﻨﻲ ﺍﻧﺖ ﺍﺑﻦ ﻋﻤﻲ ﺑﻤﺜﺎﺑﺔ ﺍﺧﻮﻭﻭﻱ ﺍﻛﻴﺪ ﺗﻬﻤﻨﻲ،
ﻫﺰ ﺭﺍﺳﻪ ﺑﻐﻤﻮﺽ ... ﻭﻧﻌﻢ ﻣﻨﻚ .... ﻳﺼﻴﺮ ﺧﻴﻴﺮ
ﺿﻠﻴﻨﻪ ﻧﺴﻮﻟﻒ ﻭﻫﻮ ﻛﻼﻣﻬﺎ ﻛﻠﻪ ﺣﺎﺍﺩ ﻭﻻﺫﻉ ...
ﺑﻌﺪﻫﺎ ﺍﺧﺬﺕ ﺭﻳﻬﺎﻡ ﻭﺍﺟﻪ ﻭﻳﺎﻱ ﺻﻼﺡ ﻭﺧﻠﻴﻨﻪ ﻭﺭﺣﻨﻪ ﺍﻟﺒﻴﺘﻨﻪ ...
ﻣﻘﺮﺭ ﺍﻥ ﺷﺎﺀ ﺍﻟﻠﻪ ﺑﻬﻞ ﻳﻮﻣﻴﻦ ﺍﺭﻭﺡ ﺍﻟﺠﻮﻟﻴﻴﺖ ﺍﻋﺮﻑ ﺷﺘﺮﻳﺪ ﺻﺒﺮﻳﺔ
ﺑﺲ ﺣﺎﺱ ﺑﺤﺴﺮﺓ ﺑﺪﺍﺧﻠﻲ ﺟﻮﻟﻴﻴﺖ ﻛﻠﺶ ﻣﻌﺬﺑﺘﻨﻲ ﻭﻣﺤﺘﺎﺭ ﺑﺎﻣﺮﻫﺎ ....
ﺭﻏﻢ ﻫﻮﻭﻭﺍﻱ ﺍﺣﺎﻭﻝ ﺍﻟﻜﻲ ﺍﻫﻠﻬﺎ ﺑﺲ ﻣﺎﻛﻮﻭ ﺍﺧﺘﻔﻮ ... ﻟﻼﺳﻒ ...
ﻭﺗﺮﻛﻮﻫﺎ ﺗﻌﺎﻧﻲ ﺑﻮﺳﻂ ﻫﻞ ﻛﻢ ﺍﻟﻬﺎﺋﻞ ﻣﻦ ﺍﻟﻤﺼﺎﻳﺐ ...
.....................
ﺟﻮﻟﻴﻴﺖ ...
ﺟﻨﺖ ﻛﺎﻋﺪﻩ ﺍﻧﻲ ﻭﺻﺒﺮﻳﻪ ﺑﺎﻟﺒﺴﺘﺎﻥ ...
ﺟﺎﻧﺖ ﺻﺒﺮﻳﻪ ﺗﻘﻄﻒ ﺑﺎﻟﺨﻀﺮﻩ ﻭﺗﺎﻛﻞ ﻭﺳﺨﻪ ﻭﺍﻧﻲ ﺍﺣﺠﻲ ﻋﻠﻴﻬﺎ ﺍﺧﺎﻑ ﺗﺘﻤﺮﺽ ﺧﻄﻴﻪ ﻭﻫﻲ ﻣﺼﺮﻩ ﺗﺼﻔﺊ ﺑﺎﻟﻤﻌﺪﻩ ....
ﺷﻤﺮﺕ ﺍﻟﺨﻀﺮﻩ ﻭﻭﻛﻔﺖ ﻣﺘﻌﺼﺒﻪ ... ﺍﻋﻮﺫ ﺑﺎﻟﻠﻪ ﻣﻨﺞ ﻣﺎ ﺗﺨﻠﻴﻦ ﻭﺍﺣﺪ ﻳﺎﻛﻞ ﺑﺮﺍﺣﺘﻪ ...
ﺧﻠﻴﻨﻲ ﺍﮔﻮﻡ ﺍﺷﻮﻑ ﮔﻨﻮﺵ ﺍﺣﺴﻦ ...
ﺍﺑﺘﺴﻤﺖ ... ﺍﻟﺤﻤﺎﺭ ﻣﻮﻭ
ﺻﺎﺣﺖ ﺑﻮﺟﻬﻲ ... ﺍﻟﻤﻄﻲ ﺍﻟﻤﻄﻲ
ﺿﺤﻜﺖ ﻭﻫﻲ ﻭﺧﻠﺖ ﻭﺭﺍﺣﺖ ﺗﻮﻛﻞ ﮔﻨﻮﺵ ...
ﺑﺎﻭﻋﺖ ﻟﻠﺒﺴﺘﺎﻥ ﻛﻠﻪ ﺣﻠﻮﻭ ﻳﺠﻨﻦ ﻭﺭﻳﺤﺔ ﺍﻟﺰﺭﻉ ﺗﺠﻨﻦ ﻭﺍﻟﺨﻀﺮﻭﺍﺕ ﺷﺊ ﻓﻀﻴﻊ ... ﺭﺍﺣﻪ ﻧﻔﺴﻴﺔ ...
ﺭﺟﻌﺖ ﺑﺬﺍﻛﺮﺗﻲ ﻣﻦ ﺟﻨﺖ ﻣﺨﻄﻮﺑﻪ ﺍﺟﺖ ﺭﺿﻴﻪ ﻭﺍﺷﻮﺍﻕ ﺍﺧﺬﻧﻲ ﻣﻦ ﺑﻴﺖ ﺍﻫﻠﻲ ﻻﻥ ﺟﺎﻥ ﺍﻟﻌﺮﺱ ﻫﺬﺍ ﺍﻻﺳﺒﻮﻉ ﻭﺟﺎﻥ ﻻﺯﻡ ﺍﺻﺒﻎ ﺷﻌﺮﻱ ...
ﻟﺒﺴﺖ ﺗﻨﻮﺭﺓ ﻃﻮﻭﻳﻠﻪ ﻭﻗﻤﻴﺺ ﻭﺷﺎﻝ ﻭﺣﺬﺍﺀ ﺭﺣﺖ ﻭﻳﺎﻫﻦ ...
ﺍﻣﻲ ﺧﻄﻴﻪ ﺍﺑﻮﻳﻪ ﻣﻘﺒﻞ ﺗﺠﻲ ﻭﻳﺎﻳﻪ ﻻﻥ ﻣﺤﺪ ﻳﻀﻞ ﻳﺴﻮﻳﻠﻬﻢ ﻏﺪﺍ ...
ﺭﺣﺖ ﻣﻦ ﺍﻟﺼﺒﺢ ﺗﻐﺪﻳﺖ ﻳﻤﻬﻢ ﻭﺟﺎﺳﺮ ﻣﺎﻛﻮ ﺟﻨﺖ ﻛﻞ ﺷﻮﻳﻪ ﺍﺑﺎﻭﻉ ﻟﻠﺒﺎﺏ ﺍﺗﻤﻨﺊ ﻳﺠﻲ ﻭﺍﺷﻮﻭﻓﻪ ﺑﺲ ﻣﺎ ﺍﺟﻪ
ﻳﺎﻟﻠﻪ ﺷﻜﺪ ﻓﺮﻕ ﺑﻴﻦ ﻗﺒﻞ ﻭﻫﺴﻪ ... ﻗﺒﻞ ﺍﺗﻤﻨﺊ ﺍﺷﻮﻓﻪ ﻭﻫﺴﻪ ﺧﺎﻳﻔﻪ ﺍﺷﻮﻭﻓﻪ ...
ﺻﺎﺭ ﺩﻧﻴﺎ ﺍﻟﻤﻐﺮﺏ ﻛﺎﻟﺖ ﺍﺷﻮﺍﻕ .. ﻫﻲ ﻫﺎﻱ ﺍﻡ ﺍﻟﺼﺎﻟﻮﻥ ﺍﻋﺮﻓﻬﺎ ﺟﺎﻧﺖ ﺻﺪﻳﻘﺘﻲ ﺧﻠﻲ ﺗﺴﻮﻱ ﺷﻌﺮﺝ ﺑﺎﻟﺒﻴﺖ ...
ﻫﺰﻳﺖ ﺭﺍﺳﻲ ﺑﻘﺒﻮﻝ ...
ﺷﻮﻳﺔ ﻭﺻﺎﺭﺕ ﺭﺑﻜﻪ ﺑﺎﻟﺒﻴﺖ ﻛﺎﻟﻮ ﺍﺟﻪ ﺟﺎﺳﺮ .. ﺑﺲ،ﻛﺒﻞ ﺭﺍﺡ ﺍﻟﻐﺮﻓﺘﻪ ﻣﺎ ﺷﻔﺘﻪ ﺗﻮﺗﺮ ﻋﻠﺊ ﺧﻮﻭﻑ ﻭﻗﻠﻖ ﺍﺗﻤﻨﺊ ﺍﺷﻮﻓﻪ ...
ﺑﻌﺪﻫﺎ ﺍﺟﺖ ﺭﺿﻴﻪ ﺗﺮﻛﺾ ﻛﺎﻟﺖ ... ﺍﻟﺤﻜﻲ ﺍﻡ ﻓﻼﺡ ﺟﻌﻔﺮ ﺳﻜﺮﺍﻥ ﻫﺴﻪ ﻳﻤﻮﺗﻪ ﺟﺎﺳﺮ
ﺧﺎﻟﺘﻲ ﺩﻓﻌﺘﻨﻲ ﻛﺎﻟﺖ ... ﺭﻭﺣﻲ ﺭﻭﺣﻲ ﺍﻟﺠﺎﺳﺮ ﻻ ﺗﺨﻠﻴﻨﻪ ﻳﻄﻠﻊ ﺑﻴﻦ ﻣﺎ ﺍﻧﺼﺤﻲ ﺟﻌﻔﺮ ﻭﺍﻟﻠﻪ ﺑﺲ ﻳﻠﺰﻣﻪ ﻳﻤﻮﺗﻪ ﺣﻼﻝ ...
ﺿﻠﻴﺖ ﻭﺍﻛﻔﻪ ﻣﺤﺘﺎﺭﻩ ﻭﻣﺘﺮﺩﺩﻩ ﺳﺤﺒﺖ ﺍﻳﺪﻱ ﺭﺿﻴﻪ ﻭﺩﻛﺖ ﺍﻟﺒﺎﺏ ﻫﻮ ﺻﺎﺡ ... ﺍﺩﺧﻞ .
ﻓﺘﺤﺖ ﺍﻟﺒﺎﺏ ﺭﺿﻴﻪ ﻭﺩﻓﻌﺘﻨﻲ ﺟﻮﻭﻩ ...
ﺟﺎﻥ ﻓﺎﺗﺢ ﺍﺯﺭﺍﺭ ﻗﻤﻴﺼﻪ ﻣﻦ ﺍﻟﺒﺪﺍﻳﻪ ﺑﺎﻭﻋﺖ ﻋﻠﻴﻪ ﻭﺭﺟﻌﺖ ﺑﺎﻭﻋﺖ ﻟﻠﺒﺎﺏ ﺧﺎﻳﻔﻪ ﺍﺭﻳﺪ ﺍﻃﻠﻊ ...
ﺭﻓﻊ ﺣﺎﺟﺐ ﻣﺘﻔﺎﺟﺊ ﻣﻦ ﻭﺟﻮﺩﻱ
ﺑﻠﻌﺖ ﺭﻳﻜﻲ ﺑﺨﺠﻞ ﻭﺟﺮﻳﺖ ﻧﻔﺲ ﻃﻮﻳﻞ ... ﺍﺀﺀ ﺍﺀﺀ ﺷﺶ ﺷﺴﻤﻪ ﻫﺬﺍ ... ﻫﻲ ﺭﺿﻴﻪ ﻛﺎﻟﺖ ﺷﻮﻓﻲ ﺟﺞ ﺟﺎﺳﺮ
ﺗﻘﺮﺏ ﻣﻨﻲ ﻭﻫﻮ ﻳﻀﺤﻚ ﻟﺰﻡ ﺍﻳﺪﻱ ﻭﻗﺮﺑﻨﻲ ﻋﻠﻴﻪ ﻭﺭﻓﻊ ﻭﺟﻬﻲ ﺑﺎﺻﺎﺑﻌﻪ ﻛﺎﻝ ... ﺍﻱ ﺍﻫﻼ ﻭﺳﻬﻼ ﺑﻴﺞ ﻣﺎ ﺍﺩﺭﻱ ﺟﺎﻳﺘﻨﻪ ...
ﺑﻠﻌﺖ ﺭﻳﻜﻲ ﺑﺼﻌﻮﺑﻪ ... ﺍﺀﺀ ﺍﺟﻴﺖ ﻣﻦ ﺍﻟﺼﺒﺢ ﺑﺲ ﻣﺎ ﺷﻔﺘﻚ ﻻﻥ ﺭﺩﺕ ﺍﺻﺒﻎ ﺷﻌﺮﻱ ﻋﻠﺊ ﺍﻟﻌﺮﺱ ...
ﺳﺤﺐ ﺷﺎﻟﻲ ﻭﻧﺜﺮ ﺷﻌﺮﻱ ﺑﺎﻭﻋﻠﻲ ﺑﺈﻋﺠﺎﺏ ﻛﺎﻝ ... ﻻ ﻣﺴﺘﺤﻴﻞ ﺍﺧﻠﻴﺞ ﺗﺨﺮﺑﻴﻦ ﺷﻌﺮﺝ ﻭﺑﻌﺪﻳﻦ ﻫﻮ ﺍﺷﻜﺮ ﺷﻜﻮ ﺻﺎﺑﻐﺘﻪ ...
ﻫﻤﺴﺖ ... ﻣﻮ ﺍﺷﻮﺍﻕ ﻛﺎﻟﺖ ﺍﺻﺒﻐﻲ ﻳﺼﻴﺮ ﺣﻠﻮ
ﺩﺧﻞ ﺍﺻﺎﺑﻌﻪ ﺑﺸﻌﺮﻱ ﻭﻫﻮ ﻳﺤﺮﻛﻪ ﺑﻬﺪﻭﺀ ﻭﻳﺒﺎﻭﻋﻠﻲ ﺑﻨﻈﺮﺍﺕ ﻣﻌﺠﺐ ... ﻭﺷﻨﻮ ﺍﻧﺘﻲ ﻣﺘﺰﻭﺟﻪ ﺍﺷﻮﺍﻕ ﻏﻴﺮ ﻻﺯﻡ ﺗﺎﺧﺬﻳﻦ ﺭﺃﻳﻲ ...
ﺿﺤﻜﺖ ﺑﺘﻮﺗﺮ ... ﻛﻴﻔﻚ ﺍﺫﺍ ﺗﺤﺐ ﻣﺎ ﺍﺻﺒﻐﻪ
ﻛﺎﻝ ﺑﺠﺪﻳﺔ ... ﺍﻱ ﻻ ﺗﺼﺒﻐﻲ ﻳﺘﻠﻒ ﺍﻟﺸﻌﺮ ﺍﻟﺼﺒﻎ ﻭﻳﺨﺮﺑﻪ ﻭﺣﺮﺍﻣﺎﺕ ﺍﻧﺘﻲ ﺷﻌﺮﺝ ﺣﻠﻮﻭ ...
ﺭﻣﺸﺖ ﺑﻌﻴﻮﻧﻲ ﻭﻧﺰﻟﺖ ﺭﺍﺳﻲ ... ﻣﺜﻞ ﻣﺘﺮﻳﺪ
ﺿﺤﻚ ﻭﺗﻘﺮﺏ ﻣﻨﻲ ﻃﺒﻊ ﺑﻮﺳﻪ ﺩﺍﻓﻴﺔ ﻋﻠﺊ ﻃﺮﻑ ﺷﻔﺘﻲ ...
ﺍﺑﺘﻌﺪﺕ ﺑﺴﺮﻋﻪ ﺧﺎﻳﻔﻪ ﻭﻣﻬﺒﻮﻭﻃﻪ ... ﺍﺳﺘﺎﺫﻧﺖ ﻣﻨﻪ ﻭﻃﻠﻌﺖ ﺑﺴﺮﻋﻪ ...
ﺍﻭﻝ ﻣﻄﻠﻌﺖ ﻣﻦ ﻏﺮﻓﺘﻪ ﺷﻔﺖ ﺍﻣﻲ ﺑﻮﺟﻬﻲ ... ﻫﻮ ﻏﺮﻓﺘﻪ ﺟﻮﻭﻩ ﺟﺎﻧﺖ ...
ﺗﻌﺼﺒﺖ ﻣﻦ ﺷﺎﻓﺘﻨﻲ ﺑﻐﺮﻓﺘﻪ ﻭﻫﻮ ﺭﺃﺳﺎ ﻃﻠﻊ ﻭﺭﺍﻳﻪ ...
ﺿﻠﻴﻨﻪ ﻛﺎﻋﺪﻳﻦ ﻭﻧﻈﺮﺍﺗﻬﺎ ﺑﻴﻬﺎ ﺗﻮﻋﺪ ﺍﻟﻴﻪ ...
ﻛﺎﻟﺖ ﺑﺤﺪﻳﺔ ... ﻭﺍﻟﻠﻪ ﻋﺎﺻﻢ ﺗﺨﺒﻞ ﻛﺎﻝ ﻫﺴﻪ ﺗﺮﺣﻴﻦ ﺗﺠﻴﺒﻴﻦ ﺟﻮﻟﻴﻴﺖ ﺣﺘﺊ ﻟﻮ ﺍﻫﻞ ﺧﻄﻴﺒﻬﺎ ﺑﺲ ﻣﻴﺼﻴﺮ ...
ﺍﻧﺘﻲ ﺧﻴﻪ ﺍﻡ ﻓﻼﺡ ﻣﺎ ﺗﻌﺮﻓﻴﻦ ﻋﺎﺻﻢ ﻣﺨﺒﻞ ﻭﺟﺎﺑﻨﻲ ﻭﺍﺟﻪ ...
ﻛﺎﻟﺖ ﺍﺷﻮﺍﻕ ... ﻳﺎﻟﻠﻪ ﻫﺴﻪ ﻧﺮﻭﺡ ﻧﺼﺒﻎ ﺷﻌﺮﻫﺎ ..
ﻫﻤﺴﺖ ﺑﻬﺪﻭﺀ ... ﻻ ﺟﺎﺳﺮ ﻣﺎ ﻗﺒﻞ ﺍﺻﺒﻐﻪ ...
ﺍﻭﻝ ﺷﺊ ﺭﺍﺣﻦ ﻳﻘﻨﻌﻦ ﺑﻲ ﺑﺲ ﻫﻮ ﻣﻘﺒﻞ ﻭﺍﻧﻲ ﻫﻤﺎﺗﻴﻦ ﺧﻔﺖ ﻣﻦ ﻧﻈﺮﺍﺕ ﺍﻣﻲ ﻻﻥ ﺷﺎﻓﺘﻨﻲ ﺑﻐﺮﻓﺘﻪ ﻭﻣﻘﺒﻠﺖ ﺍﺭﻭﺡ ....
ﺭﺟﻌﻨﻪ ﻟﻠﺒﻴﺖ ﻭﺍﻣﻲ ﺍﻭﻝ ﻣﺎ ﻭﺻﻠﻨﻪ ﻛﺘﻠﺘﻨﻲ ﻛﺘﻠﻪ ﺑﻨﻌﺎﻝ ﻭﺗﻐﻠﻂ ﺩﻛﻠﻲ ... ﺍﻟﻲ ﻣﺘﺊ ﺗﻀﻠﻴﻦ ﻋﻮﻭﺑﻪ ﻭﻓﺎﻫﻴﻪ ﻭﻟﺞ ﺷﻌﻨﺪﺝ ﺑﻐﺮﻓﺘﻪ
ﻭﻟﺞ ﺷﻠﻮﻥ ﺑﻴﺞ ﺍﻟﺒﻴﺖ ﻣﺘﺮﻭﺱ ﻭﻟﺪ ﻭﺍﺑﻮﻫﻢ ﺍﻟﺸﻴﺦ ﻣﻮﺟﻮﺩ ﻭﺍﻧﺘﻲ ﺗﺪﺧﻠﻴﻦ ﺍﻟﻐﺮﻓﺘﻪ ﻫﺎﻱ ﻭﺍﻧﻲ ﺍﻣﺸﻲ ﻭﺍﻭﺻﻲ ... ﻳﻤﻪ ﺟﻮﻭﻟﻲ ﺻﻴﺮﻱ ﻣﺆﺩﺑﻪ ﻳﻤﻪ ﺟﻮﻭﻟﻲ ﺻﻴﺮﻱ ﺛﻜﻴﻠﻪ ﻭﺍﻧﺘﻲ ﻣﺜﻞ ﺍﻟﺠﺤﺶ ﻻ ﻓﻬﻢ ﻭﻻ ﻋﻠﻢ ...
ﺑﻌﺪﻫﺎ ﻧﺰﻋﺖ ﻣﻨﻲ ﺍﻟﻘﻤﻴﺺ ﻭﻫﻲ ﺗﺘﻔﺤﺼﻨﻲ .. ﺍﺣﺠﻲ ﻭﻟﺞ ﺳﻮﺍﻟﺞ ﺷﺊ ﺷﺴﻮﻩ ﻭﻟﺞ ﻳﻤﺼﺨﻤﻪ ﺍﺣﺠﻲ
ﺻﺮﺧﺖ ﺑﻮﺟﻬﻪ .. ﻛﻮﻭﻟﺸﻲ ﻣﺴﻮﻩ ﻭﺍﻟﻠﻪ ﺷﺒﻴﺞ ﻣﺤﺎﺭﺑﺘﻨﻲ
ﻟﺰﻣﺘﻨﻲ ﻣﻦ ﺷﻌﺮﻱ .. ﻛﻮﻟﻲ ﻭﺍﻟﻠﻪ ﻣﺎ ﺳﻮﺍﻟﺞ ﺷﺊ ... ﻭﻟﺞ ﻣﺎ ﺗﻘﻨﻌﻴﻨﻲ ﻭﺍﻟﻠﻪ
ﺑﺎﻭﻋﺘﻠﻬﺎ ﺑﺨﻮﻑ ﻭﺍﻧﻲ ﺍﺭﻣﺶ ... ﺑﺒﺐ ﺑﺲ ﺑﺐ ﺑﻮﺳﻪ
ﺭﺟﻌﺖ ﻛﺘﻠﺘﻨﻲ ﻛﺘﻠﻪ ﺑﻨﻌﺎﻟﻬﺎ ﻭﻫﻮ ﺷﻠﻮﻥ ﻧﻌﺎﻝ ﻳﺎﺑﺲ ﻃﺒﻌﺘﻪ ﻋﻠﺊ ﺟﺴﻤﻲ ﻃﺒﻊ ...
ﺍﻣﻲ ﺻﺢ ﻛﺼﻴﺮﺓ ﻭﺍﻧﻲ ﺍﻃﻮﻝ ﻣﻨﻬﺎ ﺑﺲ ﻣﻦ ﺗﻜﺘﻞ ﻳﺒﻮﻭﻭ ﺗﻤﻮﺕ ﺗﺠﺮﻡ ... ﺑﺲ ﺍﻣﻮﻭﺕ ﻋﻠﻴﻬﺎ ﻛﺘﻠﺘﻬﺎ ﻋﺎﻓﻴﻪ ﻓﺪﻭﺓ ﺍﻟﻜﻠﺒﻬﺎ ....
ﻣﺴﺤﺖ ﺩﻣﻮﻋﻲ ﻭﺍﻧﻲ ﺍﺟﺮ ﻧﻔﺲ ﻣﻦ ﺗﺬﻛﺮﺗﻬﺎ ...
ﺭﻓﻌﺖ ﺭﺍﺳﻲ ﻋﻠﺊ ﺧﻴﺎﻝ ﺍﻟﺸﺨﺺ ﺍﻟﻲ ﺣﺴﻴﺘﻪ ﻓﻮﻭﻙ ﺭﺍﺳﻲ
ﺿﺤﻚ ﻛﺎﻝ ... ﺷﻮﻛﺖ ﻣﺎ ﺍﺟﻴﺞ ﺗﺒﺠﻴﻦ ﺷﻮﻛﺖ ﺗﺒﻄﻠﻴﻦ ﺑﺠﻲ
ﻫﻤﺴﺖ ﺑﻨﺤﻴﺐ ... ﻣﻦ ﺍﺭﺟﻊ ﺍﻟﺤﻀﻦ ﺍﻣﻲ ...
ﺗﻨﻬﺪ ﺑﻀﻴﻖ ﻛﺎﻝ ... ﺍﺧﺘﻔﻮﺍ ﻓﺠﺎﺓ ﻣﺎﻛﻮ ﺍﺑﺪ ..
ﻭﻛﻔﺖ ﺑﺎﺑﺘﺴﺎﻣﻪ ... ﺷﻠﻮﻧﻚ ﺟﺎﺑﺮ ﺍﻥ ﺷﺎﺀ ﺍﻟﻠﻪ ﺑﺨﻴﺮ
ﺭﺩ ﺑﻀﺤﻜﻪ ... ﺑﺨﻴﺮ ﺑﺨﻴﺮ ﺍﻧﺘﻲ ﺷﻠﻮﻧﺞ ﻃﻔﻠﺞ ﺷﻠﻮﻧﻪ ﺍﻥ ﺷﺎﺀ ﺳﺒﻊ ﻋﻠﺊ،ﻋﻤﻪ ﺟﺎﺑﺮ ...
ﺣﻄﻴﺖ ﺍﻳﺪﻱ ﻋﻠﺊ ﺑﻄﻨﻲ ... ﺍﻱ ﺳﺒﻊ ﻣﺘﺤﻤﻞ ﻛﻞ ﻫﻞ ﺻﺪﻣﺎﺕ ﻭﺑﻌﺪﻩ ﺻﺎﻣﺪ ﻃﺎﻟﻊ ﻋﻠﺊ ﺍﻣﻪ ..
ﺑﺎﻭﻋﻠﻲ ﻣﻦ ﻓﻮﻙ ﻟﻴﺠﻮﻩ ﻛﺎﻝ ... ﺍﺩﺭﻱ ﺷﻨﻮﻭ ﻏﺠﺮﻳﻪ ﺗﺤﺴﺴﻴﻨﻲ ﻛﺎﻋﺪﻩ ﺑﺎﻟﻐﺠﺮ ... ﺷﻨﻮ ﻫﻞ ﺃﻟﻮﺍﻥ ﺍﻟﻲ ﻻﺑﺴﺘﻬﺎ .
ﺑﺎﻭﻋﺖ ﺍﻟﻨﻔﺴﻲ ﺿﺤﻜﺖ ﺟﻨﺖ ﻻﺑﺴﻪ ﺛﻮﺏ ﻋﺮﻳﺾ ﺑﺮﺗﻘﺎﻟﻲ ﻭﺟﺎﻛﻴﺖ ﺟﻮﻭﺯﻱ ﻭﺷﺎﻝ ﺍﺯﺭﮒ ..
ﻫﻤﺴﺖ ﺑﻤﺮﺡ ... ﻫﺬﺍ ﺍﺳﺘﺎﻳﻞ ﺍﻟﺴﻨﻪ ﺣﺎﻟﻴﺎ
ﻛﺎﻝ ﺑﺠﻤﻮﺩ ... ﻳﺎﻟﻠﻪ ﺑﺲ ﺗﺮﺉ ﻻﻳﮓ ﻋﻠﻴﺞ
ﺳﻜﺘﺖ ﻣﺠﺎﻭﺑﺘﻪ ... ﺩﺭﺕ ﻭﺟﻬﻲ ... ﻭﻳﻴﻦ ﺭﺍﺣﺖ ﺻﺒﺮﻳﺔ
ﺟﺮ ﻧﻔﺲ ... ﺍﻱ ﻭﻳﻦ ﺭﺍﺣﺖ
ﺩﺭﺕ ﻭﺟﻬﻲ ﻭﺍﻧﻲ ﺍﺿﺤﻚ ... ﺭﺍﺣﺖ ﺗﻐﺪﻱ ﮔﻨﻮﺵ
ﺿﺤﻚ ... ﮔﻨﻮﺵ ﻣﻨﻮﻭﻭ
ﺟﺎﻭﺑﺘﻪ ﺑﻤﺮﺡ ... ﻫﺬﺍ ﺍﻟﺤﻤﺎﺭ ﺍﻟﻤﺪﻟﻞ ﻣﻦ ﺑﻌﺪ ﺍﻟﺜﻮﺭ ﻣﺎﻟﺘﻬﺎ ﻭﺍﺳﻢ ﻋﻠﺊ ﻣﺴﻤﺊ ﻛﻮﻭﻭﻟﺶ ﺣﻠﻮ ﻭﺻﺎﺣﺐ ﺷﺨﺼﻴﻪ
ﺭﺩ ﺑﻘﻬﺮ ... ﺍﻓﺎﺍﺍ ﺍﻧﻮﺏ ﺍﻟﻤﻄﻲ ﺻﺎﺭ ﺻﺎﺣﺐ ﺷﺨﺼﻴﺔ ﺑﻌﺪ ﺻﺒﺮﻳﺔ ﻭﺣﻴﻮﺍﻧﺎﺗﻪ ﺣﻘﻬﻢ ﻳﺼﻴﺮﻭﻥ ﺷﺨﺼﻴﺔ ﺍﺫﺍ ﻣﺮﺑﻴﺘﻬﻢ ﺍﻡ ﺍﻟﻠﻮﻝ
ﺿﺤﻜﺖ ﺍﻭﻝ ﻣﺎ ﺩﺭﺕ ﻭﺟﻬﻲ ﺑﺎﻭﻋﺖ ﻟﻠﻲ ﻧﺰﻝ ﻣﻦ ﺍﻟﺴﻴﺎﺭﻩ ﻭﻫﻮ ﺷﺎﻳﻞ ﺳﻼﺣﻪ ﺻﺮﺧﺖ ﺑﺮﻋﺐ ﺷﺪﻳﻴﻴﺪ ..... ﺟﺎﺍﺍﺍﺍﺍﺍﺍﺍﺍﺍﺍﺳﺮ ﻻﺍﺍﺍﺍ ...
ﻧﻬﺎﻳﺔ ﺍﻟﺒﺎﺭﺕ ... ﻳﺘﺒﻊ
ﻛﻮﻧﻮﺍ ﺍﻧﺘﻢ ﻛﻮﻧﻮﺍ ﺑﺨﻴﺮ ... ﺍﺣﺒﻜﻢ 💔
ﻧﻮﺭ ﺳﻤﻮ ﺍﻟﻌﺮﺍﻕ 😘..
ﻻ ﺗﻨﺴﻮ ﺍﻟﺘﺼﻮﻳﺖ ﻭﺍﻟﻤﺸﺎﺭﻛﻪ ﺑﻜﻢ ﻧﻜﺘﻤﻞ 🌹
ﻭﻏﻠﺴﻮ ﻋﻠﺊ ﺍﻟﺴﺤﻜﺎﺕ ﻋﺒﻦ ﻋﻨﺪﻱ ﺍﻣﺘﺤﺎﻥ 👌