#part ٧ ,
الكاتبة فاطمـَه آل كريـَم ،
...... 😔 قدري بلا رحمة 💔 ......
يكول الشاعر إيهاب المالكي :
انه شارط على نفس الا انتَ بي !
وكَون اموت بحبك من المفترض !
هَيج اموت وحبك أسباب الوفاء !
هاي والله يا علي يردله حظ !
يا أمل روحي الكيت أحلامي بي ،
يلعقد حُبك على الأرواح انعرض ،
___
مريم :
صعدنا فووك كل واحد لغرفته
كعدت شوي واذكرت شغله
مريم - اكلك زيوني
- عمره وكلبه
- تذكر من وعدتني توديني للمول واشتري ونطلع بالمطعم لأن زعلانه
- اي وعلي تذكرت كووومي بدلي عالسريع
- صدددددك
حجيتها واني اضحك
- والله شبيج
كمت نفس الطلقه عالسريع بدلت
لبست فستان اسود وحذاء اسود وجنطه ماروني
وزيوني لبس بنطرون اسود وقميص ماروني وحذاء اسود والساعه
ونزلنه شافتنه قمر كالت :
- وين رايحه ست الحسن
- معليج رايحه نفرفر
طلعنا ركبنا السياره وانطلقنا تقريباً ساعه بال ٥ العصر
شغل اغنيه ساجده عبيد هذا الحلو كاتلني يعمه
ويغني وياها ويأشر عليه وكل شوي يتقرب يبوسني واني اكوله
حنندعم
طبك السياره بالكراج ونزلنا يم مول زيونه
دخلنا ضلينه نفتر اخذت عطور وملابس وهوه هم اخذ اشياء اله
اكثر شي يجذبني بيه ذوقه واهتمامه بأختيار الاشياء حتى بالملابس
من اريد اشتري ملابس للنوم اخذ رئيه
اخذنه كم غراض للبقيه منسيناهم
ضلينه نفتر تقريباً صارت ساعه بال ٧ الا ربع
كتله اريد اروح لمدينه الألعاب
- يدلل الحلو
عفنا الغراض بالسياره ورحنه لمدينة الألعاب صعدنه بدولاب الهوا وسكت الموت كلششش تونست
شفت ابو الشعر بنات كلت لزيوني يجيبلي وجابلي وضليت أكلها واضحك واحجي وي زيوني رجعت كأن طفله
زيوني :
اخذت مريم لمدينه الألعاب حسيتها طفله واني ابوها شلون متعلقه بيه وتضحك وتسولف من كل كلبها اول مره اشوفها هيج فرحانه
اخذتلها صور هواي
اخر شي تعبنه كعدنه بالمرجوحه خليت ايدي وره ضهره اباوع عليها كتلها
- احبج
- اموت عليك ربي يحفضك الي
- تره جعت وصارت بال ٨ الا يلا خلي نتعشه وكتلج المطعم على ذوقج
- كيفك حبيبي منو احسن نروح اله
- امشي نروح لمطعم بشاره ٦٢
- يلا
ركبنا السياره ورحنه للمطعم
هيه طلبت
- بيتزا دجاج بدون فطر وببسي
واني ستيك دجاج وقا صلصه سبايسي وببسي وماعون مقبلات كبير
ضلينه ناكل ونسولف
بعدها رجعنه للبيت ميتين تعب
انطيتهم الغراض الي جبتهم الهم شكروني
اجيت يم قمر :
مريم - وج جبتلج عطور وسيت نوم يخبل
قمر - شكرراً جزيلاً يالمسعده
مريم - انجبي وكومي خلي اخويه يرتاح
ضحكت وانهزمت لأن تريد تضربني
صعدت للغرفه
زيوني - ها ينار كلبي
حجيت بفهاوه
مريم - هاااا
زيوني - اشتعلت عشيرتي عل هااا
حجيت بدلع :
قمر - ليش
زيوني - انتي اليوم حكمتي على نفسج
تقرب من عندي واخذني بحضنه......
كعدت ثاني يوم لعبان نفسي كلششش قوي ودايخه بحيث ما بيه حيل اشيل روحي من الفراش
مريم - صباحو عمري
زيوني - هلا يروحي
مريم - تعبانه كلش ونفسي دتلعب
صفن بوجهي ثواني وكال :
- خاف حامل
- ما ادري
- هسه اجيبلج اختبار منزلي والعصر نروح نحلل
راح مطول ربع ساعه ورجع يركض فرحان وبالهفه اخذته من عنده وسويت وطلع حمل
طاااار من الفرحه وضحت على عيونه الي مدمعه شالني وضل يبوس بيه
نزل يخبر البقيه كلها فرحت لفرحنه
قمر - يااااااي واخيراً حصير عمه وخاله
زيوني - ييييي واني حصير اب
يحجي وعيونه ممزوجه بفرح ودمع
سيف - مبروك ضلعي
- يوم الكم
امي وخالتي ضلن يهلهلن وفرحانات ثنيهن
بعدها ضلينه شوي كاعدين نوب كمنه حضرنه الغده وتغدينه وكل واحد راح لغرفته
نومني على سرير وضل يبوس بيه وبطني ويحضن
صارت بال ٤ كمنه بدلنه ورحنه للمختبر سويت تحليل وضلينه ثنينه كاعدين على نار منتضرين
صاحو بأسمي رحنه ثنينه كالو :
- مبروك حبيبتي حامل وديربالج على نفسج نامي على ضهرج اسبوعين
زيوني - تسلمين دكتوره
رجعنه طايرين الفرحه ما واسعتنه صارت ثمره حبنه بطني اشترالي اسوار مكتوب عليه حرفي وحرفه ذهب
رجعنه خبرناهم وهم باركو
مرت الايام والاشهر قموره كامت تداوم بشكره لان هيه مهندسه دوامها من ال ٨ الصبح لل ٢ الضهر
واني بطني تكبر بس كلشش جبيره عبالك حامل ب ٤
وزيوني طاير بيه طير دخلت بشهر آل ٦
رحنه الصبح حته نعرف جنس الجنين
دخلت للدكتوره وزيوني بره كاعد منتضر على نار
وجان يطلع بيه توووم بنيه ولد طلعت بشرت زيوني كلشش فرحنه خابر على خالتي وكامت تبجي من الفرحه وخابرنه على قمر هم هم كلشش فرحت
رجعنه للبيت جابو طلي وذبحو جوه رجلي واني كلشش اخاف كوه وكفت
سوو قوزي وحضرنه الغده
ضلينه ننتضر قموره تجي حته نمد السفره انتضرنه مرت ساعه وهيه ماكو نتصل مجاوب
خابرنه سيف هم يكول ماكو مجاي احصله
قمر :
طلعت من الشركه خابرني رقم كال هديه من سيف طلعت سياره مضلله سوده رأساً خلو كلينس على خشمي وبعد ما حسيت بأي شي غير
مربوطه بكرسي وشادين عيوني ولازكين حلكي
وقته جنت بدايه حملي ومجنت اعرف اني حامل
كامو يحجون وياي ويستدرجوني بالكلام
انتي شعندج ؟ وين داومين
اني ابد ما اجاوب اخر شي ملو عافوني وطلعو
وره ساعه تقريباً سمعت الباب انفتحت اني تعجبت
كلش ما ادري شكد جانت الساعه سمعت صوت مو غريب عليه ابد شكد حاولت اركز بالصوت بس هذا الصوت مو غريب صوت بنيه
حاولت اركز اكثر
بعدها صوت خطواتها تقربت عليه وكامت تحجي وياي ودكولي
- عوفي سيف
- منو انتي علمود داعوفه علمودج
حجيت هالكلام وما احس الا هجمت عليه
بضرب وبطني حيل اذتني وجع مو طبيعي حسيت صار عندي نزف ضليت اصرخ من الوجع
بعدها هي مثل الي نصدمت كالت :
- قمر شبيج
اذكرت انُ هاي بت خالته لسيف
زيوني وسيف :
مرت فوك الساعتين ماكو خابرت صديقي كتله
- اريد منك تشوفلي مكانها
- شايله تلفونها !
- اي
- دزلي الرقم
بعدها مر وقت اتصل علينه
ركبنه السياره وتوجهنه لمكان بعيد على أطراف بغداد وهوه ويانه
اقتحمنا المكان الي همه بيه
وجان نتفاجأ اني وسيف بت خالته وياهم موجوده
قمر نايمه ودم بكل مكان
رأساً سيف هجم عليها شبعها كتل لبنت خالته اعتقلوهم للبقيه تقدم سيف بالهفه وخوف ودموعه شاله قمر وتوجهنا للمستشفى وهوه مبطل بجي ويحجي بصوت اشبه للهمس
- ربي احفضها الي وطلعها سالمه
طول الطريق اهدي بيه
ميت اشوف اختي بهالحاله هاي
كمت اسوق بسرعه واريد بس اوصل
وصلنا استقبلوها بسرعه دخلوها جوه وره ساعه طلعت الدكتوره وكالت :
- الله يعوضكم الطفل مات والبنيه حالتها تعبانه
احنه ضلينه واحد صافن بوجهه الثاني
حجه سيف :
سيف - ليش جانت حامل
الدكتوره - اي واجهضت لأن تعرضت لضرب الله يعوضك
سيف -دين مبقه براسي ارفع عليها قضيه وشوف شراح اسوي بيها
وره ساعه تقريباً صحت
ضلت شوي شوي تفتح بعيونها الرايحه من البجي والضرب
حجت بصوت ضعيف :
- وين ا...اني
زيوني - ها يروح اخوج
شوي صحت وكامت تبجي انهارت حيل كالت
- شلون ندليتو مكاني
- ارتاحي حبيبتي بعدين نسولف اهدي انتي هاج مي
انطيتها مي شربتها
طب سيف وامي ومريم
كامت امي ومريم يبجن تقربن عليها اتحمدن الها بالسلامه
وره فتره صغيره سوينه أوراق وسويناله خروج من المستشفى
كالت
قمر- معرفتو منو سوه بيه هيج ؟
زيوني- لا تفكرين بهل موضوع
انتبهت للدم وسئلت
قمر - مين اجاني هالدم
محد جاوب سكتنه
سيف - ايدج جانت مشكوكه وسوينها
هيه مقتنعت بس سكتت
قمر :
مجان بالي الحمل وهيج ابد
كلهم طلعو بقينه اني وسيف
سيف - اروح فدوه ونذر على هذا الجمال
قمر - ضل صنف وضحك عليه دباوع روحي جني طالعه من الكبر بكفاله
ضحك وكال :
- لا عمري انتي اسم الله غير تخبلين
حجاها وغمز
- متلاحظ روحك صاير منحرف
- خلي نجرب
- وخر ادبسزز تعبانه
- زين تعاي بحضني وخلي ننام
تقربت عليه وتوسدت بحضنه الدافي حطيت راسي على صدره واسمع دكات كلبه المتخربطه وعلى نغمتهن نمت ومحسيت بشي بعد
مريم :
دخلت للغرفه اريد ابدل لان الحمل دائماً اتضايق واحتر
لكيت زيوني كتله :
- كوم دا ابدل
- اي تدللييين
تقرب عليه من وره وباسني بهدوء بخدي وركبتي بعدها تحولت ايده على ملابسي ونزع الداشداشه الي لابستها بهدوء وايده تتلمس كل مكان يتقربله
كتله :
- منو سمحلك!
- ليش اقدم طلب يله ؟
ضحكت وكتله :
- يلا وخر اريد انام
- نوميني وياج
اشرتله على فراش وكتله :
- ذاك فراش ونام
ما احس الا شالني وخلاني على فراش
حضني بقوه وضل يبوس بيه بكل مكان بعدها
باوعت بعيونه وايدي محاوطه وجهه وكتله :
- شتحب يجينه بنيه لو ولد !
- شيجي من الله نعمه اهم شي الخلقه التامه
اكلج شو انتي سمينه هواي شسالفه
- عينكككك
حجيتها وضربته خفيف على صدره
ضحك بصوت عاالي وكالت :
- احبك بقرتي
- والعباس زعلت اني بقرررة وخررر
ردت اكوم سحبني من ايدي وكال :
- تعاااي ونبي اشاقه احبججج
- وخر دا اكول زعلت
دنك جوه القريوله وطلع علاكه وكال :
- هاي المن الحلويات
ضحكت وكتله :
- جيب بس هالمره اصالحك
- هههههه فديت ام بطن
طنشت وكعدت على علاكه الحلويات فتحت النوتيلا وضليت اكل ما حاسه على نفسي
زيوني - وجج كافي صار علبتين ماكله
- يله حكوم اغسل وانام
باوعلي وكال :
- واني
- انته نام
باوعلي وهوه عاقج حواجبه كال :
- تمام
حجاها ودار وجهه وتغطه
كمت غسلت ورجعت طفيت الضوه واجيت يمه هوه داير وجهه مديت ايدي على وجهه وكتله :
- شبي الحب مالتي
- هاا منو ديتحارش تره كوه لازم نفسي
اندار عليه تقربت عليه وبست شفايفه بهدووء
عدلت نفسي ونمت بصفه وكل شوي ادغدغه لو ابوسه من ركبته وصدره
- ربي صبرني شويه لأن حقضي عليها
ضحكت بصوت عالي حضنته حيللل وبسته من ركبته......
- - - - - - - - - - - - - - - - - - -
يتبع ....
رئيكم بالبارت يهمني ؟ ...
اعتذر عن التأخير بس الابطال مشغولين حيللل لذلك تعذرونه فتره واعوضكم
ف احسبو بارت تعويضي
+ محضرتلكم مفاجئه كلشش حلووه اذا وصلنه لل ١٠٠٠ مشاهدة
كلمات البارت :
١٤٢٥ كلمه .