أنتقام الضابط نمر

بارت 31

أنتقام الضابط نمر

الكاتبة الاء محمد

لا تنسون التصويت + متابعه الحساب✅♥

رجعتلكم بعد غياب روحاتي

               ـــــــــــــــــــــــــــــــــــــــــــــــــــ

ميرهان:- اندك الباب بس اني ماا اكدر اتحرك

اسمع نمر يصيح:- فتحيي الباب لا أكسره

واني ما اكدر حتى احجي اندفع الباب
ونمر رفعني الحضنه يفرك بوجهي
ويكلي:- والله بسس هيج كدام الناس
سويت هيجج لججج لا تعذبيني اكثر
من مااني متعذب

ميرهان:-  فتحت عيوني شويه

نمر:- يروحي شبيج

ميرهان:-  حاولت ارفع نفسي اجا اباالي
كلشي وشلون سامحته وفتحتله قلبي للمرة
الثانيه، دموعي صارت تنزل بغزارة

_ وهو يمسح بيهم ويسكت بيه

نمر:- ليشش تبچين حبيبي كاافي

ميرهان:- باوعت بعيونه، وكمت من حضنه
وكفت كباله وكتله:- نمرر ليشش هيج تجازيني
هااي ثمرة تعبي وحبي وتضحيتي وخسارتي
هيج تسووي بيه ليشششش شناقصنيي

_ اشرت بيدي على كلبة وكتله:- گلبك
مايحب ولا راح يحب گلبك مليان كره
وحقد ومستحيل يحب احد

خليت اصبعي على صدره وضغطت
عليه:- هذاا ميت ياانمر ميييت لو ماميت
جان مسويت بيه كل السويته

رفع راسه ونضرلي بنضرات غضب

نمر:- لوو هذا ميت جان سويت بيج اشياء
مراح تتوقعيها، لجج جنت نااوي اذل أهلج
بيج بسس اني أحبج، وشووفت عينج عاايف
كلشي وروحي يمج

ميرهان:- أطلع من حياتي شبعت من تمثيلك
وكذبك شتحمل منك بعد
اكوو شي مسويته بعدد سووي وفكني

نمر:- اسمعيني وبعدها شتفكرين فكري
ميرهان لا تعتقدين يجي غيرج بكلبي لا هناء
ولا عشرين وحده مثل هناء مياخذن مكانج

ميرهان:- ولدسووي شنووو

نمر:- شووفي اني ما اكلج مامصاحب
نسوان وماحاجي وي نسوان واجذب

داحجيلج الصدك ماكو مره عجبتني
اذا ماخليتها تجيني وهي الممنونه
وكلهم فراش وبسس ولهذا اشمئز منهن
واشوفهن كلهن نفس الصنف، بسس أنتي
أخااف عليج من كلشي اريد اضمج عن العالم كله

ميرهان:- أنيي تعذبت يانمر تعذبتت
تدري بنفسك شسويت بيه ومع ذلك
سامحتك ونسيت الصار وأبنك أبطني،
مداتفكر ايي ام ابنك كاافي تكسر بيه
، نسيت أني انثى ونسيت اني طالبه
وحرمتني من هلشي

نسيت عندي اهل وحياتي صارت بس نمر مابيها غيررك، بسس اني مراح اضحي اكثر أنت هيج
هزيت كياني وشمتتهم بيه وجبت عليه شريجه للمره الثانيه، وهاااي لهناا وينتهي البينا

_ غمض عيونه وزفر الهوى

نمر:- خليها ابالج بسس الموت الي يكدر
ياخذج مني، وأن شاء الله عمرج طوويل يبعد عمري

_ كعدت بلكاع، دنكت و وكع شعري
على وجهي، كمشني من جتوفي
وكلي:- كوومي وارضي بنصيبج

_ دفعت ايده وكمت كعدت علجربايه
دايخه كلش، وهو عاافني وطلع مادري
شتحمل بعد، داتعذب بحياتي وماجاي
تخلص، يااربي اخذذ امانتك وخلصني
والله تعبت ليش هيج يصير بيه من دون
البنات شنو ذنبي

اناشغ وتحجي، شنوو ذنبي لان حبيت،
الله ياخذني ويخلصني ذنبي وثقت
بأنسان جان ناوي ينتقم ويدمر حياتي
اه يمه والله متدرون شصاير بيه مصار
، انيي موبنتكم ليش هيج عفتوني ماماااا

_ صرخت وبقيت وييين واني اعاتب
بحضي، ما طلعت ابد يمكن صارت المغرب
وندكت الباب ماجاوبت ومالي خلك الاي
احد، انفتح الباب، رفعت راسي هنااء

صحت بيها:- نعمم شعندج، شنوو
تريدين بعدد نمر وصار الج بلعافيةة أخذذي
شتريدييين بعد كليلي وخلصينيي

هناء:- اففف حبيبتي شوو مدمره فد
نووب باااعي لج هذا عقاب الي ياخذ
شي مومالته وازيدج من الشعر بيت قريباً
اخليج تسمعين بيه حاامل بأبن حبيبي
لان هيج ميت عليه، واذكرج بشي اني
مايوم كلت حجايه وماصارت

تذكرين من كتلج يجي يوم واخسرج
وهااي خسرتي نمر وصاار حبيبي
اووف ماسولفلج على اليومين الراحت
جانت تجنن غير شكل

_ باوعتلها بقرف وصحت بيها:- أطلعيييي
بره لاا أطلعج بطريقتي مالي خلك تفاهتج

هناء:- يااعيني معقولة نمر يحسسج
بنفس مايحسسن

هاااا وتدرين شيكلي، يكولاني شكد نايم
وي ميرهان بس مامرتاح هيج

_ شبت نااار براسسي الضاهر هااي زايعه
المستحه صرختت:- طلعيييي بررره وينعل
ابوو اليوم العرفتكم بييييي

_ على صوت صياحي اجت عمتي ونمر

ام نمر:- هاا تشبيجن بلشنا بسالفه الشرجه

نمر:- شصااير اصواتجن طاالعه، كح*** عندي
بلبيت مو نسوان

_ هناء سوت نفسها متفاجئه، كمشها نمر
من ايدها وصاح:- شسووين اهنااا

هناء:- ءءءءنمر والله أجيت اشرحلها الوضع
وانو تسامحك ماريد اسببلكم خلاف

نمر:- وانتيي شلج غرض تسامحني
ما تسامحني، وبعدين احنا مابينه شيي

_ باوعتله، صكيت على سنوني
وحجيت بحركه:- اخذ مرتتك واطلعووو
من غرفتي لان بديت افقد اعصابيي من
وراكممم، شنووو أنتووو ماجوزون منيي
نااوين عليه الله ياخذنييي واخلصص

_ سحب هناء من ايدها وشمرها بره طلع
وسد الباب، اخخخ لوبيدي هاي هناء اذبحها
هلبومه الي أبتليت بيها الله ياخذها، طلعت روحيي

_ باوعت على وجهي بلمرايه
وحجيت:- شكوو عيونج مورمه على منوو
على نمر ميستاااهل دمعه منج

_انزليي جوا ميرهان وخليهم يموتون
بغيضهم، سوويت شعري كعكه ونزلت
خصل على متني خليت حمره طوخ،ولبست
بشت صوف، ونزلت لغرفه عمتي لكيت رفيف
وعمتي جانت نايمه ونمر بلصاله يشتغل
بلحاسبه، شلت رفيف ورحت للصاله كعدت
علتخم مقابيله دالعب بيها
وانغيلها رفعت راسي واشوفه مخلي
ايده على خده وصافن بوجهي ومبتسم

سويت نفسي ما مهتمه
وكتله:- شكوو مضيع شي بوجهي

نمر:- اييي

_ حركت حواجبي بستغراب
كال:- أنيي تايه بيج رجعينيي

_ أبتسمت صفح:- سالفه تفيدك هااي

ضحك بصووت عاالي:- اناا أخوووك ميفيد
شي بعد

_ هزيت راسي اله

نمر:- أحبچ حبيبي تعاي انطيني رفيف

_ دنكت انطي رفيف ويا مادنكت سرق
بوسه من حنچي

نمر:- اخخ مشتاقلج گمريه

ميرهان:- موووت بأشتياقك وروح لمرتك
الجديدة خطيه

جفلني صوت هناء تصيح:- نمررررر

نمر:- صوووتج لج شكووو

_ اخذت رفيف من حضنه وكعدت بعيد
عنه بس هو صار مقابيلي، اجتي هناء تحجيي

هناء:- نمررر شنوو متسمعني

نمر:- شكووو احجي

_ خليت ايدها على متنه
وكلتله:- مو اريد أبدل والسحاب مال
الفستان متنفتح

ميرهان:- سويت حركه بشفتي أعيب
عليها وهو صد عليه شافني كللها

نمر:- المطلووب شنو تريدين 

هناء:- حوووبييي

نمر:- شبيييج مضروبه شررجي
فضيييني شتريدين

هناء:- لا حووبيي بس دادلع عليك

نمر:- رووحي كامت تلعب روحي من
وجهي، شنوو عميي اشتغل خياط وافتح
سحابات، اكلجج روحي من وجهي لاا بنعاال

ميرهان:- الضحكه كووة كاتمتها ما اتحمل
بعد ضحكت وسويت نفسي موو وياهم
وهي لابسه فستان ومستشورة الشعر ومكياج
ومع ذلك جنها ابو بريعص

محمرة وهي بيضه وحواجبها أخفاف
وعيونها كبار وخشمها طويل سبحان الله
على شكل البريعصاني المهلهل

_ سوت روحها ضايجه وصعدت تركض
خرب الجو الي عايشته، أشواريا راي ماعشته
هي وشاروخان اني مبتسمه وباوع عليهم

اجه نمر يتمشى باتجاهي ومخلي اديه بجيوبه
وكف وكال:- واخيراً ضحكت المسعده

ميرهان:- بفضل زوجتك البريعصاني المهلهل

_ ضحك وعيونه دمعن من كد ما ضحك

نمر:- الله يطيح حضج على هل سالفه
ولج منيلج هذا الاسم

ميرهان:- وأنت هم تريد اجيبلك اسم مثلها

_ اختفت ضحكته وضيك عييونه، دنك
المستواي وهمسس:- العاشق الولهان

_ لاا صدك

نمر:- والله شبيج

_ هاا بيها الخير، بس هناء مومال عشق

نمر:- تؤؤؤؤ انتي العشق

ميرهان:- الله عليك دكعد استاذ نمر

نمر:- بلا تمسلت وكومي ودي الطفله
ولحكيني للغرفه

ميرهان:- ماكوو ألك غرفه يمي بعد غرفتك
يم مرتك الانسه البريعصاني

نمر:- اهااا هييج الحجي

ميرهان:- هيج ونص

نمر:- هييج موو

ميرهان:- لا دجاجه ههه

نمر:- صايره سخيفه بس السخافه يمج
فد شي اففف مال بووس

_ دخلت عمتي وحمحمت، نمر وخر من يمي
وكال العمتي:- شبيج يمه خربتي ابو الجو

ام نمر:- اكو غرفه يمه مو هنا

نمر:- لا يمه ام شهم مترضه انام اليوم يمها
ابات بلشارع واذا كلبج حننج عليه
لفيني يمج

ام نمر:- والله يمه اعذرني اني وره جنتي

ميرهان:- دزيتلها بوسه بلهوى

نمر:- علكيفجن بوس وهلا هلا ولا يكولن
اكوو احد كلبه طيب وحنون واكف بلنص
وماتلوحه بوسه ياابه هم لو بوسه بلخد هم عادي

ام نمر:- ولك نميرران شويه اثكل البكدك
ابنه راح يزوجه

ميرهان ضحكت وكلتلها:- خل يشبع زواج
هو يالله يزوج ابنه

_ ديحجي وندك الباب، راح يشوف منو
واني انطيت رفيف العمتي وكتلها:- خليها يمج
عمه اصعد لغرفتي اعزلها لان هووسه

_ دامشي علدرج كووة بطني ثكيله ورجليه
مورمات اففف شوكت اجيب واخلص مابقه
شي بعد كم يوم واكمل الرابع ودخل بلخامس متحمسه الابني حبيبي الي حينورني ويعوضني

مريت من يم غرفه هناء واشوفها لابسه فستان ومخليه مكياج دخلت لغرفتي وسديت الباب
كعدت على القنفه وجريت كتاب
اسمه " الرقص مع الحياة " كلش حلوو
وبي طاقة ايجابيه وكلام مؤثر داقرا
ومندمجه بي وهو الكتاب النمر
لان نمر يحب سوالف الكتب

تذكرت كتاب مره شفت نمر يقرا بي عنوانه
بل أنكليزي فتحت الخانه الي بيها كتب، شفت الكتاب حجمه جبير رفعته وكعت من الكتاب
فتحتها جانت
(اعز من روحي اعزك وانت اعز مني)

_اوويليي شعر عريان سيد خلف سمعت
صوت يم الباب سفطت الورقه ورجعتها للكتاب
ومن العجله وكعت ورقه ثانيه
خرررب ضميت الكتاب والورقه شلتها
وخليتها بصدري

_ اندكت الباب صحت:- منووو

ام نمر:- انيي عمه

_ فتحت الباب:- هلا عمه

ام نمر:- حبيبتي نزلي سويلنا عصير واكو كيك بلثلاجه طلعي وسوي سبع مواعين

ميرهان:- ها تمام عمه، بس مكتيلي منو الجاينا

ام نمر:- هااا اهل هناء اجوي عليها

ميرهان:- صار عمه

ام نمر:- اي بعد كلبي تدرين بهناء عروس
عود واستحيت اصخرها جدام اهلها

ميرهان:- ايي عمه صار من عيني

_ نزلت وره عمتي واني ادردم:- تاكل سمم
هلبومه هي واهلها انيي شكوو بس الخاطر
عمتي ويبقى الخاطر خاكر ولازم نقوم بضيافته
ان كان عدو او صديق

_ رحت للمطبخ وطلعت الكيك قطعته
وخليته بمواعين وشوكات وسويت عصير
برتقال خليتهم بصينيه ورحت دكيت باب
الاستقبال فتحه نمر وكال:- فديت حبيبتي النادرة

_ عم نمر صاح:- ايي مرة شيخ اكيد اصيله

_ اشرلي نمر ادخل اسلم عليهم
هزيت راسي بنفي ورحت للمطبخ
واني ادردم ايي نادره ايي تحمد بمرتك القديمه
كدام اهل الجديده هي هاي الناقصه

_ اجتي هناء وياها اختها كالت:- اوووي
فدوة ميرهان الكيك يخبووول

_ ابتسمت وكمت اريد اطلع
كالت:- اووكفي صدك شوو اشوف شنو قصورج
حتى نمر ازوج عليج

ميرهان:- حبيبتي تره نمر مو بحال اختج
وجه البريعص، ازوجها لان كسرت وجه
اهلج وبعدين اذا ازوجها حباً بيها، فـماكو
شي عادي بس الصحيح مو هيج

اوجوهن صارت تنطي الوان

هناء:- اسكتي عيني ايلاف معليج هاي
ميته من الغيره لان خطيه نمر طول الوقت
يمي ومطيزها

_ باوعتلها صفح وكتلها:- ترا متهمونيي

_ اجتي ساره سلمت عليها و وحده تتلوك
للثانيه ساره كالت:- هنوو مبااارك يوم اشوف
الولد

_ ضحكت وكالت:- ايي اميين

ايلاف:- هااا مو ميرهان حامل بولد
بس ابنج اعز راح يصير

هناء:- ايي اكيد غير ابن الغاليه

ميرهان:- عفتهم يعيشون جوهم براحتهم
والغيره صعدت براسي اذا اروح لهايه هنوو اله
اشك حلكها، حبيبها نمر حبتج حيه ان شاء الله

رحت لغرفت عمتي شفت رفيف غيرتلها
ملابسها وعطرتها واني احجي
وياها:- يممه فددووة شنو هل بنوته العسل

ملامحها على امها وعيونها ملونه، يااروحي
يابنيتي داسولف وياها
ودخلت عمتي

ام نمر:- هاا يمه ميرهان كاعدة رفيف

ميرهان:- ايي عمه هياتها بنيتي كاعده

ام نمر:- نطينيها يمه

_ خليتها بحضتها وكالت:- الحلووة راح يصير
عمرها 4شهور موو

_ اييي عمه

ام نمر:- اخخخ يايمه صابرين ليش
هيج عفتي بنيتج

_ صارت تبجي وكالت:- ابوها يريد ياخذها

_ شهكت وكتلها:- صددك عمه لا عمه لا تنطوها عفيه

ام نمر:- هااي بعد يمه ابوها يريد ياخذ
ابنه وبنته ويسافر

ميرهان:- ومنوو الهم عمه

ام نمر:- راح اكلج سالفه بس بيني وبينج يمه

ميرهان:- ايي عمه اكيد المن اكول قابل

ام نمر:- اني ناويه اخلي يزوج ساره حتى
هم هي خالتهم واقربلهم وهم عثمان رجل
صابرين خوش رجال جان مدلل صابرين
وهسه لو اخذ ساره هم خالت اولاده وراح
ادير بالها على جهاله

ميرهان:- عمه وساره منو يكول تقبل

ام نمر:- اي يمه هي ما تقبل وخايفه
افاتحها بهل موضوع

ميرهان:- عمه عوفيها ورا الله
والقاسمه يصير

ام نمر:- الله كريم بنيتي، كومي يمه
خلي رفيف بكاروكها نامت

_ اخذت رفيف منها وخليتها بكاروكها

ام نمر:- شلون النونو يمه

ميرهان:- زين عمه

ام نمر:- هذا ابن الغالي والغاليه

ميرهان:- عمه انتي مكانتج ما تتصورين
شنو بحياتي والله امي ناسيه شكلها وناسيه
صوتها وانتي عوضتيني عنها

_ احجي ودموعي تنزل لا ارادياً
عمه اني خسرت هواي واريد الله يعوضني

ام نمر:- ان شاء الله بنيتي والله ترا نمر
يحبج ويعشقج هم ومرجوعه الج

ميرهان:- عمه نمر ماخله شي ماسوا بيه
انتقم مني صعف الانتقام وخلاني روح
بلا جسد ومادري شنو المضموملي بعد

_ خلت ايدها على خدي مسحت دموعي
وكالت:-الله موجود وهو يعدل بحالج

_ حضنتها، وصارت تمسح براسي احس
رتاحيت لكيت حضن يئويني من همومي وتعبي

_ وخرت راسي من حضنها
وكلتلي:- كومي بنيتي كومي

ميرهان:- عمه اني حصعد لغرفتي

دامشي واجتي تبارك صاحت:- ميرهاااان

_ هلا تبارك، شبيج ولج جفلتيني

_ بوستني وكالت:- مشتاقتلج والله

ميرهان:- سالت امج عليج كلتلي تقرين
يم خالتج

تبارك:- ايي يبوو تعبت من الدراسه

ميرهان:- لا ولج والله حلووة الدراسه
شكد احبها اني

تبارك:- ايي والله بس عمو نمر مخلاج مدري
شبي وهاي اخته ساره تدرس بشنو يفكر ما اعرف

ميرهان:- المهم ما علينا تعاي بغرفتي، صعدنه اني وياها لكيت نمر نايم علجربايخ ويلعب بفونه

تبارك:- شلونك عموو

نمر:- هلا توته تعاي ابوسج عمو شو
مختفيه شنو ما تكولين عندي اهل

_ باسته وكلتله:- لا عمو بس جنت
اقر وخالتي تقريني مو هي مدرسه

_ يحجون عن الدرس واني بداخلي اعاتب
بي ليش من دونهم تحرمني من دراستيي

فزيت على صوت نمر وهو يصيحلي باوعتله
بعتب

نمر:- حضريلي ملابسي مال دوام

ميرهان:- تمام

تبارك:- ميرهان راح اشوف هناء وشويه واجيج

ميرهان:- براحتج حبيبتي

_ دخل نمر للحمام واني طلعتله ملابسه
وعطره الي من افتح الخانه يتغلغل بأعمااقي،  خليتهم علجربايه وفتحت البرده
وعزلت الغرفه طلع
وكال:- هاا ياحلوو

_ ذولي ملابسك، لبس الزي وبقى ازرار القميص

نمر:- تعاي سديهم

ميرهان:- القميص راح ينفجر

ضحك وكال:- ليشش

ميرهان:- كاافي حديد عضلاتك راح
يطكن المن مسويهن بس لو الي لو للسجناء
المساكين

نمر:- تؤؤؤ مو الج انتي الج غير شي

_ جحضت عيووني وصفنت بوجه

نمر:- هيووو وين بالج بس لا راح على
ذاك الرجال

ميرهان:- عزاااا نمر شبييك حتى بعد ماسد قميصك

نمر:- تعاي بويه هسه اني شكايل هو
انتي عرفتي منو ذاك الرجال

ميرهان:- اييي

غمز وكال:- منووو

ميرهان:- نمرر روح المرتك اني ما مسؤله
عنك عندك زوجه روح هي تسدلك قميصك

نمر:- لا خلفت الله عليجن اني رتح اسده

ميرهان:- ايي وبعدين شكوو جاي يمي اني
شكلت مو كلت ماريد بعد تجي يمي عندك مره جديده

ضحك وكال:- اليوم عندي خفر نامي يم امي

ميرهان:- سويت نفسي ما اسمعه، اخذ
سلاحه وطلع

نزلت وره شويه لكيت عمتي تسوي العشه
كلتلها:- عمه عوفي اني اسوي عنج

ام نمر:- لا امي اني اسوي

_ اجتي هناء وساره وتبارك يمشون سوه
دخلن كعدن علطاوله

تبارك:- ميرهان عمو نمر راح

ميرهان:- ايي راح عنده خفارة

هناء:- يابعد كلبي سوده عليه  مادري بي ماكالي ميريدني اضوج

ساره:- لا عيني تلكي هسه ضاج لان
عافيج وحدج وراح

_ ياااباا ذني الزوج شبيهن نع.... ال
حجم خااص

دك تلفون عمتي كالت:- سكتن خلي اجاوب سكتن وعمتي ردت على الاتصال
الووو...  صدك...  ياعيني بيها الخير.. ان شاء الله نخلي نمر يجيبنه عليكم...هلا بيج

ساره:- ماما منوو هاي

ام نمر:- هااي ام ايسر صديق نمر عرس
ابنها بعد يومين وتكول تعالن

ميرهان:- هاا صدك عمه الله يهنيهم ويسعدهم

_ ساره وجه صار ينطي الوان وخلقتها
نكلبت، صبت عمتي العشه وتعشينه وكعدنا علتلفزيون، وجابت تبارك كرزات وجبس، وعمتي نامت 

هناء:- ساره تدرين نمر ازوج ميرهان بوقت
ماجنه مزاعلين

_ ضحكت وهزيت ايدي:- اكلج لاتخلين
كوورج من كووري وكل سالفه وكلتي
ميرهان ترا متلوميين الا نفسج والله

هناء:- اوووي عيني خووفتيني

تبارك:- يبووو صدك لوكالن شرايج طول الوكت يتناكرن

ساره:- كاافي شنو احنا نضل نسكت
بهاي وبهذيج

_ اصعدن انام اريحلي

تبارك:- ميرهان طالما عموو نمر خفر
خلي اجي انام يمج

ميرهان:- تعاي حبيبتي تنوريني والله، صعدت
للغرفه اني وتبارك ونطيتها بجامه نوم
وكالت:- الله عطر عموو نمر بملابسج

_ خجلت من كلامها الصراحه معرفت
شجاوبها كلتلها:- هااا ايي

تبارك:- شبيج بس تستحين اخ لو شوفين البالي

ميرهان:- منوو ولجج، حجت وهي خجلانه
وعيونها تلمع

تبارك:- اف احب شخص

ميرهان:- صدك منوو

تبارك:- صديق عمو عباس يداوم بصيدليه

ميرهان:- وين شفتي منوو سولفي ولج

تبارك:- اكعدي كبااليي

_ لاا اوكفي، طفرت جبت حبشكلات
من الثلاجه وكلتلها يلاا احجييي 

تبارك:- باعي اني مره سنوني صارن يصلن
عليه فعمو عباس كلي تعاليلي اخذج للعياده
اشوفهن الج والله صدك ثاني يوم رحت
وكتبلي علاج وكلي نزلي جيبي الدوه نزلت للصيدليه دخلت وجان اشووف قمر بهيئه انسان

_ ضحكت وكلتلها:- ولجج متنكدرين

تبارك:- اصبري وسمعي فـ ياعيني حتى
الم اسناني راح عيون عراض وطويل وعضلات خفيفه مومثل عمو نمر يخووف يمه بسم الله

ميرهان:- هاااولج هااي عليمن

تبارك:- ولجج ميرهان الشعر نازل على كصته
بس موكلش وابيض اخخ جماله يجلط

ميرهان:- ايي والزبده

تبارك:- صارت عيونه بعيوني واني عيوني ماكدرلهن ميتفاهمن يكيفن علصاكين

_ ضحكت وكالت:- جان محد اكو غيرنه بلصيدلي حجه وهو يقرا الوصفه كال مرتبطه، كلتله هااا ضحك وكال مرتبطه
كلته لا  انطاني حسابه وهسه احنا حبايب

ميرهان:- وليش مايجي يتقدملج

تبارك:-ايي بس شويه تصفى الامور هنا

ميرهان:- شوو اشوفه

_ طلعتلي موبايلها وشوفتني صورته يعني
الولد حلو ملامحه حاده وشخصيته حلوه

ميرهان:- الله يجمعكم حبيبتي

تبارك:- اميين

_ خليت راسي علمخده وكلتلها:- احجيلي على نمر 

تبارك:- يحبج

_ ضحكت وكلتلها:- شمدريج

تبارك:- واضح مثل عين الشمس

ميرهان:- ايي صح، يلا نامي ولج الساعه بـ 3

تبارك:- لا انتي نامي واني راح احجي وي حبيبي

ميرهان:- عاد عفتها واني ميته نعس بسرعه نمت..

ْ
ْ
ْ
ْ
ْ

للحكاية بقيه...

ْ
ْ